قالوا تحبيه قلت ساكن فؤادي قالوا يحبك قلت هذا سؤالي - البارت 6 - بقلم مجهول♡ - مكتملة | روايتك

قالو تحبيه قلت ساكن فؤادي قالو يحبك قلت هذا سؤالي : الفصل السادس : واقف ويكلم الحارس إياد : ذهبت؟؟ الحارس : اجل سيدي إياد بغضب : هل انت مجنون كيف تسمح لها ان تذهب في مثل هذا الجو الحارس : اسف سيدي لكن انا لايحق لي التدخل في شؤون الموظفين إياد : كنت تستطيع ان تدع السائق يوصلها انت تعلم انها لن تجد سيارة في هذا الجو لتوصلها الى لمنزل الحارس : اسف سيدي لكنك لم تخبرني بهذا وكما انني لم اعلم ان امرها يهمك إعذرني إياد يصر على اسنانه : انا لايهمني احد هيا انصرف من امامي واذا سمعتك تعيد هذا الكلام فعلم أنك مطرود ******************* اريج تجري بين المطر بعد ما عجزت انها تلاقي سيارة توصلها صرخت وهي تغطي على اذنيها بقوة من صوت الرعد وشكل البرق الذي اضاء ودموعها اختلطت مع قطرات المطر خوفها يزاد كلما سمعت صوت الرعد وشكل البرق الذي يشقح بالسماء هذا الخوف ملازمها من الطفوله تحب المطر لكن تخاف من الرعد والبرق جسمها تحسه صار قطعت ثلج من البرد والخوف الفندق بعيد والشارع صار فاضي من الناس ومافي اي صوت سوا صوت المطر والرعد تملكها الخوف وزاد خوفها اكثر واكثر لما جائت سيارة تاكسي وتمشي خلالها ببطئ وناداها صاحب التاكسي : ياانسه هل تريدين ان اوصلك اريج خافت ليش يعرض عليها انه يوصلها والكل رفض قالت : لا شكرا صاحب التاكسي : لن تجدي اي سيارة في هذا الوقت هيا اركبي سوف اوصلك اريج : قلت لك شكرا لا اريد ومشيت وحاولت تسرع اكثر واكثر وصارت تجريت وجريت وجريت الينً وصلت الفندق . . الرجل الذي في التاكسيرفع جوال : سيدي لم توافق على الركوب معي ....................... الرجل : حسنا لاتقلق فهي لم تغب عن عيني لحظه فانا اراقبها طوال تلك الايام ولم الحض اي شي غريب . . . في الفندق دخلت اريج وهي شبه ميته خوف وبرد وتعب جلست على الارض وضمت نفسها وجسمها يرجف طالعت في الصاله كانت موحشه فاضيه وهادئه وصوت الامطار والرعد يرج الصمت نزلت دموعها وبدأت تبكي تمنت يكون عندها احد ترتمي بحضنه وتختبئ فيه من ظلم هذه الحياه التي تعيشها احد يضمها ويخفف عنها وينسيها آلمها ووحدتها تمنت لو تقدر تنام بحضن امها ولو ليله واحده ليله واحده فقط فمهما حاولت تبين انها قويه وتنسي كل شي فهيا بالنهايه انسانه بكت الين جفت دموعها.. ...اختفى صوت الرعد وبدا صوت المطر يخف وقفت والبرد ينخع عظامها اخذت لها ملابس ودخلت الحمام (أكرمكم الله) غيرت وخرجت وهي ماهي قادره توقف رمت نفسها على السرير بتعب هالك وتغطت بالبطانيه وهي ترجف من البرد ******************* جوليا كانت تجري وتجري الين قدرت تختفي من قدام الرجال اللي كانوا يلاحقوها ووصلت لعند بيت امها فتحت الباب ودخلت سكرت الباب ونفسها يعلى وينزل تعبت من الجري فهي جريت مسافه كبيره رفعت راسها والبيت ظلام اخذت شمعه وولعتها لانه قبل ثلاثه اشهر قطعوا الكهرباء عليهم لانهم مادفعوا تلفتت في انحاء البيت الصغير المكون من صاله وغرفه مفتوحه ومطبخ وحمام وهي تتذكر امها بكل زاويه من زوايا البيت وقفت بباب الغرفه والحزن يقطع قلبها وهي تشوف فراش امها الفاضي بحزن مااستحملت ونزلت دموعها بصمت مؤلم دخلت وجلست جمب فراش امها تحسسته بيدها بحنين اخذت مخدة امها وحضنتها وهي تشم ريحت امها فيها وتركت لنفسها العنان بالبكاء : امي اشتقت إليك...اشتقت إليك كثيرا ******************* القصر الكبير لابسه الجاكيت وواقفه على الشباك تطالع المطر انصدمت لما شافت اخوها واقف بين المطر ويطالع السماء اخذت المظله وخرجت نادته بصوت عالي عشان يسمعها : إيااااد ماسمعها بسبب المطر والرعد قربت منه شافته يطالع المكان بشرود طالعت للمكان اللى يطالعه فيه ماشافت شي قالت : إياد صحى من افكاره على صوتها طالع فيها ندى : ويش تسوي بين المطر بتمرض مسكت يده وقالت : تعال خلينا ندخل دخل معاها بصمت ندى : يلا اطلع غير ملابسك بتمرض انت كيف تظل كذه بين المطر ماتشوف كيف الجو إياد لف وقال بهدوء : بروح اغير ملابسي وطلع جناحه ندى سمعت صوت جدتها من الصاله الداخليه تناديها : ندى حبيبتي تعالي اشربي معانا قهوة بتدفين من هذا البرد ****************** في الفندق عند اريج تسمع اصوات وترى وجوه ماهي واضحه قال ببتسامه : تحبين المطر قالت بطفوله وهي تدور بين المطر بفرح : ايه انا احبه سمعت صوت الرعد وصرخت بخوف وتمسكت به ضحك وقال : لاتخافين مايسوي شي نزلت دموعها وقالت : صوته يخوف جاء شخص ثاني وقال : ﻻ مايخوف شوفي انا مااخاف منه قال الاول : وانا بعد مااخاف منه قالت ببراءة : خلاص وانا بعد مابخاف منه شقح صوت الرعد مره ثانيه وهي صرخت وبدات تبكي انحى الاول وحملها : خلاص لاتبكين الحين بندخل وقال الثاني وهو يمسح على شعرها المبلول : يالدلوعه ليه تبكين ولف وقال : وانت شقاعد تسوي قال الشخص الثالث : هههههه اصور المطر قال الثاني : هيا تخاف من صوت الرعد وانت تصور والله انتوا حاله وبعدين اترك هذه الكاميرا لاتنسي انها جهاز والحين في برق الثالث : ﻻ هذه ضد الماء الثاني : ضد الماء لكن مو ضد البرق يلا دخلها الثالث : اوكيه بس ابغى اخذ لكم صوه يلا ابتسموا فتحت عيونها بتعب وهي تهذي بسبب الحمى والمحادثه تدور في ذهنها شافت شكلها وهي صغير ووافقه بين المطر بس ماقدرت تتذكر شكل الأشخاص اللى كانوا معاها رجعت اغمضت عيونها وراسها يآلمها ونار تحرق جوفها من الحراره اللى فيها **************** الشرقيه بيت ابو تركي في الصباح تالين وهي تتكلم بالجوال : من جد متى سديم : امس تالين : ياحظكم كل يومين او ثلاث يجيكم مطر اما احنا استغفر الله بالسنه مره سديم : اجل تعالي عندنا ويش عندك بالشرقيه تالين بمزح : زوجيني اخوكي وراح اكون عندكم اربع وعشرين ساعة سديم : ههههههه تبغين داليا تقتلك تالين : ﻻ ﻻ ماابغى مازن ابغى يزيد سديم بمزح : خائنه تبغي تتزوجي صديق خطيبك '،تقصد بخطيبها مراد'، تالين ضحكت : هههههههه ﻻ مانع في الإثنين سديم : طييييب انا بقول لمراد هالكلام تالين : هههههه ******************* ايطاليا / ميلانو في الفندق سمعت صوت خفيف يعكر هدوء المكان فتحت عيونها ورجعت غمضتها ظنت إنها تهذي رجع الصوت مره ثانيه فتحت عيونها وهي مو مستوعبه ايش هو هذا الصوت تحس نفسها كانها تحلم.. دقائق وبدات تستوعب انه صوت جوالها طالعت ناحيه الكنبه اللى فيها شنطتها وجلست بتعب وهي تعطس وراحت طلعت جوالها من شنطتها الجلد شافت 16 مكالمه وكلها من إياد طالعت في الساعه اللى صارت تسع ونص ضغطت على راسها ورجعت تمددت على السرير وهي تكح رجع دق وهي ردت بصوت مبحوح وباين فيه التعب : الو إياد : وينك ماتردين أريج بصوت رايح من التعب وهي تكح : اسفه كح كح.. اسفه بس ماسمعته '، وصارت تكح بقوة رمت الجوال على السرير وجريت على الحمام (أكرمكم الله ) تطلع بس داخلها كان فاضي غسلت وجهها ورجعت رمت نفسها على السرير اخذت الجوال توقعت يكون سكر بس استغربت لما شافته لسى على الخط ردت بصوت تعبان : انا اسفه بس مااقدر اجي اليوم الشغل سكت للحظات وبعدين قال : طيب وسكر الخط اغمضت عيونها ونامت مره ثانيه بسبب الحمه ******************* جمب بيت جوليا مايبعد عنه الا خطواط كان واحد من الرجال اللي كانوا يجروا خلفها امس ماسك طفل عمره تقريبا عشر سنوات ويهدده : اخبرني هل تعرف فتاه بهذه المواصفات ان كذبت فسوف اقضي عليك الطفل بخوف : صدقني انا لااعرفها الرجل رماه على الارض وسحبه من شعره وهو يقول : انت تكذب انا متاكده انها من هذا الحي فكيف لاتعرفها الطفل صار يبكي : انا لا اعرفها جائهم صوتها بكل جرائه وهي تقول بسخريه : يالك من جبان تهدد طفله لكي تجدني بعد ان عجزن من ايجادي ترك الطفل ولف يطالعها : من الجيد انكي قررتي الظهور الطفل على طول هرب جوليا كانت واقفه جمب بيتها ومسنده جسمها على جداره ومتكتفه بكل برود قالت : هل تريد قتلي هاانا اقف امامك هيا اقتلني خرج من السيارة الرجل اللي كان امس ماسك المسدس وشكله رئسهم قرب منها وعلى وجهه ابتسامه شر وخبث وخرج مسدسه ووضعه تحت ذقنها ورفع راسها به وهي مااهتزت لها شعره طالعت فيه ببرود وكان حياتها ماعاد تهمها زادت ابتسامته من نظرتها وقال : انا حقا اهنيئك على هذه الشجاعه جوليا قالت بجرائه يحسدها عليها اي احد بموقفها : لا احتاج لشهادتك هذه.. هيا اقتلني مالذي تنتظره إدوارد : بالتاكيد سوف اقتلك لكن ليس الان فانتي حقا جميله ولامانع ان استمتع بضحيتي قبل ان اقتلها جوليا عقدت حواجبها : مالذي تقصده إدوارد : ماالامر هل خفتي '، ابتعد عنها وغمز لها وهو يقول : ستعرفين عندما نصل ...احضروها الى السيارة مسكها رجلين وهي حاولت تسحب نفسها من بين ايديهم : ابتعدا عني الى اين ستاخذوني انتم تريدون قتلي هيا اقتلوني هنا دخلوها للسيارة وربطوا ايديها إدوارد : اذهبا واحرقا منزلها جوليا توسعت عيونها بصدمه : هيييي انت مالذي تريده بمنزلي اتركه إدوارد : وانتي بماذا يهمك ان كنتي ستموتين ولن تعودي له مره اخرى جوليا لما شافتهم راحوا صارت تضرب إدوارد : اخبرهم ان يتوقفوا هيا اوقفهم إدوارد مسك ايدها : انتي حقا جريئه حتى تمدي يدك علي هل تعلمين من انا جوليا : انت مجرد قاتل إدوارد : هذا طبيعي فانا ابن رئيس المافيا جوليا جمدت بصدمه لما سمعت المافيا هي بايش ورطت نفسها هذول الرجال من المافيا هي كانت تتمنى يقتلوها وترتاح من هذه الحياه بس ماتدري الحين لوين بياخذوها ويش بسوا فيها بعدما اشعلوا النار في البيت رجعوا وركبوا السيارة ومشوا بعدما ربطوا على عيونها بشال ****************** القصر الكبير داليا دخلت وشافت جدتها وعمتها قالت وهي تبوس جدتها : صباح الخير الجده : هلا حبيبتي صباح النور تلفتت وقالت : وين ندوي الجده : شوفها عند التلفزيون داليا : اوكيه راحت وشافت ندى جالسه وبيدها كاس كابتشينو وتتفرج برنامج داليا : هاااي ندى : اهلين داليا : ويش مسويه ندى : شوفت عينك ماعندي شغله غير التلفزيون دخل إياد وبيده اللاب توب ألقى السلام وجلس يكمل شغله على اللاب توب تحت نظرات الاستغراب من ندى وداليا لانه مو من عادته يجلس يشتغل وجمبه احد فهو مايحب احد يزعجه داليا تهمس لندى : غريبه رجع من الشغل ويش عنده ندى رفعت كتوفها : ماادري إياد دق جواله رد : لقيتهم؟؟ ............. إياد : شوفهم بمكتب أريج ...................... إياد : أريج اخذت اجازة روح انت ....................... إياد : يلا لاتتاخر وسكر ورجع على اللاب توب ندى وداليا طالعوا في بعض وبعدين قالت ندى : إياد إياد رفع راسه من دون مايقول شي ندى : كاني سمعتك تقول اريح اخذت إجازة إياد بهدوء : ايه داليا : ليه إياد وهو يكمل شغله على اللاب توب : تقول تعبانه ندى بستفهام : تعبانه ويش فيها إياد : وانا ايش دراني روحوا شوفوها بنفسكم داليا لفت على ندى : ندى خلينا نروح نشوفها اخاف تكون تعبانه مره وهي ماعندها أحد ندى وقفت : طيب انتي روحي اتجهزي وكمان قولي لامل عشان تجي معانا وانا بروح اقول للخدم يسون شي عشان ناخذه معانا واتجهز واجيكم داليا : اوكيه ****************** بيت ابو رافي في المطبخ ام رافي : يابنتي كان قلتي لي انا بسويه لك إنتي ارتاحي ولاتتعبين نفسك لاتنسي انه باقي لك كم يوم وتدخلي الشهر التاسع دالين وهي تقطع الحلى : ياعمتي كله طبق حلى بسيط مافيه اي تعب ام رافي اخذت السكين من يدها : خلاص انتي روحي ارتاحي وانا بجيبه لك دالين : بس ام رافي بتهديد : روحي دالين ضحكت : هههههه طيب طيب **************** بيت ابو عماد خلصت داليا تلبس وخرجت راحت لقصر عمها ابو مازن دخلت داليا : صباح الخير ام مازن ببتسامه : ياهلا صباح النور داليا : شخبارك عمتي ام مازن : الحمدلله يابنتي انتي كيفك داليا : الحمدلله تمام وينها امل ام مازن : فوق داليا : اوكيه راح اطلع اشوفها عن اذنك طلعت فوق تلفتت بالصاله ماشافتها راحت بجهت غرفتها وهي تنادي عليها : اموله امل وينك تعالي بسرعه وقفت متصلبه لما حست بيدين على عيونها رفعت يديها تتحسس اليدين وكانت يدين رجال ابتسمت لما عرفت : مازن وخر يدك ترى عيوني بيروحوا فيها ابتسم : بس انا مو مازن داليا : معناته انت شبحه صح مازن بعد يده وقال : وشوو انا شبح داليا لفت وقالت بدلع : والله انت اللى قلت مو مازن فهذا يعني انك شبح مازن لانك تشبهه مازن رفع حاجبه : يعني كذه قرب منها وهي رفعت يديها على صدره تبعده قالت بهمس وهي تتلفت : مازن ويش تسوي وخر اخاف يجي احد مازن : اولا انا زوجك فعادي اذا جاء احد ثانياً طمني بالك ماراح يجي احد هما يزيد وسديم اللى كانوا يخربوا علينا مو موجودين جائهم صوت امل : بس انا موجوده مازن بإحباط : انا ابغى افهم ليه اخواني كذه يكرهوني داليا بعدت عنه وهي تضحك امل ضحكت : ههههههه خيرها بغيرها يااخي العزيز مازن بمزح : افكر يوم احبسكم الثلاثه بغرفه عشان يخلى لي الجو امل : ههههههه شكراً لانك قلت لي عشان اخذ احطياطاتي '، اكملت : ايه صحيح داليا ويش كنتي تبغى تناديني داليا : جيت اقول لك تتجهزي عشان نروح عند اريج.. إياد يقول انها تعبانه امل : تعبانه!؟ داليا : ايه يلا بسرعه مازن : مين أريج داليا رفعت حاجبها : وليش تسأل مازن ضحك : هههههه بس حبيت اعرف مين هذه اللى يعرفها إياد امل : هذه مديره اعماله مازن بستغراب : مديره اعماله بس اذكر مدير اعماله رجال مو حرمه امال : يوووه انت وين نائم مو مدير اعماله اخذ اجازة لمده شهر وجدتي جابت لإياد هذه البنت عشان تصير مديره اعماله الين يرجع مدير اعماله واحنا تعرفنا عليها وصارت صاحبتنا.... مازن : وانا ايش دراني عن كل هذه كل واحد يشتغل بشركه وطبعاً إياد ماراح يجي يقولي عن شي مثل هذه داليا : امول يلا راح نتاخر امل : اوكيه يلا مازن : داليا داليا لفت : ن انلجمت لما باسها على خدها وقال : بأي ومشى وهو يضحك على شكلها داليا وجهها انصبغ امل ضحكت : ههههههه هذا اللى يقول نخرب عليه والله إنه بيسوي اللى برأسه حتى لو كان ابوي موجود داليا وجهها احمر : اقول امشي بس امل ضحكت وراحت لبست وراحوا للقصر الكبير ولقوا ندى جاهزه وجالسه بالصاله ندى والجوال على اذنها : يلا رد رد امل : مين ندى : نواف من اول وانا ادق عليه بس مايرد داليا : ويش تبغي فيه ندى : عشان استاذنه داليا : اقول امشي نواف ماراح يقول شي اذا رحتي ندى : ادري بس لازم استاذنه '، وغمزت لها : خذيها نصيحه مني قبل لاتتزوجي حتى لو كنتي عارفه انه ماراح يمانع لازم تستاذنيه لانه الرجال يحب انه زوجته تستاذنه في اي مكان تروحه كذه يحس انها تحسب له حساب مو تروح اي مكان وكانه مو موجود بحياتها امل : ياعيني على المره السنعه اتعلمي اتعلمي ندى : هههههه وانتي كمان معاها اتعلمي قبل لايجي العريس امل بمزح : انا الله هو اعلم وين اراضيه الحين الله يحفظه وين ماكان داليا : مين امل : عريسي ندى : اقول انقلعي ماصدقت تنج قطعت كلامها لما دق جوالها ردت : نواف وينك ليه ماترد وراحت الجهه الثانيه تكلمه خلصت المكالمه ورجعت ندى : يلا خلونا نمشي تاخرنا مره امل : هذا بسبب زوجك ليه مايرد ويش عنده ندى : يقول كان في اجتماع وبعدين انتوا اللى تاخرتوا فلا تلقي اللوم على نوافي حبيبي داليا : اقول امشوا امشوا اخاف نوصل والبنت بعيد الشر ميته ******************* الشرقيه بيت ابو تركي وصلت من الجامعة ورمت نفسها على الكنب وهي تهف بيدها : ويش ذه الحر ام تركي : يلا اطلعي بعد اختك غيري ملابسك وانزلو تغدوا وكمان اليوم مافي نوم لانه بيجينا ضيوف ابيك تلبسي وتتكشي وكمان تبلعي لسانك تالين : مين ام تركي : وحده ماتعرفيها يلا قومي تالين وقفت وطلعت الدرج وهي تتمتم : هذه النصائح كلها اكيد وراها شي البسي وتكشخي وابلعي لساني مع ان الاخيره صعبه شوي بس لازم ننفذ ****************** ايطاليا / ميلانو في الفندق امل : خوفتينا عليك لما تاخرتي مافتحي أريج والتعب واضح عليها : اسفه ما '،وبدات تكح ندى مسكتها وشهقت : حرارتك مرتفعه داليا مدت يدها على جبين أريج وقالت بخوف : مره مرتفعه اريج وين عبايتك لازم ناخذك على المستشفى اريج : لا لا ماابغى اروح المستشفى ندى : بس انتي تعبانه مره اريج : مجرد زكام وكحه راح اطيب ان شاء الله مايحتاج اروح المستشفى داليا : اوكيه اذا ماتبغى تروح خذوها على سريرها ترتاح وانا بروح اجيب كمادات ندى وامل دخلوها الغرفه ومددوها على السرير اغمضت عيونها وهي تحس بحرقه فيها من الحمه جائت داليا بالكمادات ندى وقفت : داليا سوي لها الكمادات وانا بروح اسخن لها الشوربه اللى جبتها معي امل وقفت : وانا بتصل على السواق يشتري لها علاج خرجوا وداليا جلست جمبها وكل شوي تغير الكمادات ******************** بيت ابو رافي غرفة ميار ميار تتكلم بالجوال : حبيبي والله مااقدر ...................... ميار : طيب راح احاول ....................... ميار ابتسمت : وانا بعد أحبك ......................... ميار سمعت صوت امها قريب من الغرفه قالت بخوف : حبيبي بعدين اكلمك باي وسكرت لفت بتخرج من الغرفه وانصدمت وهي تشوف دالين واقفه من دون اي تعابير على وجهها بلعت ريقها وسبت نفسها كيف نست تسكر الباب بالمفتاح وحاولت تبتسم : دالين من متى انتي هنا دالين ببرود : مين كنتي تكلمي ميار ارتبكت : هاه...هذا...هذه..وحده من صحباتي دالين : ميار لاتكذببن انا سمعت كل شي ميار وقف الدم في عروقها وانخطف لون وجهها من الخوف وماقدرت تنطق بحرف دالين تنهدت لما شافت شكلها سكرت الباب ومسكتها وجلست معاها على الكنب وقالت : ميار حبيبتي لاتخافي وقولي لي منو اللى كنتي تكلميه انتي تحبين ميار نزلت دموعها وقالت بخوف ورجاء : الله يخليك دالين لاتقولي لاحد والله اخواني بيذبحوني لو عرفوا دالين : طيب مابقول لاحد بس ابيك تقولي لي كل شيء...... ******************* في الفندق البنات كانوا جالسات بالصاله وندى مع اريج بالغرفه خرجت ندى امل : هاه كيفها ندى تنهدت : شربت الدواء ونامت مرام : الحين خلونا بسالفتنا ليه ماخبرتونا عشان نجي معاكم سديم : ايه صحيح امل : يعني ويش تبغون نجي للجامعة ناخذكم مثلا مرام : ايه ماراح ينقص منك لايد ولارجل داليا : اقول انتي وياها انقطونا بسكاتكم صدعتوا راسي من لما وصلتوا ماسكتوا سكتوا نطقت امل بعد صمت دام دقائق : بنات ماتلاحضون احنا نعرف أريج من مده بس احسها غامضه مانعرف اي شي عن حياتها ولاهيا تتكلم عن نفسها ندى : من جد حابه اعرف عن حياتها ليه هي عايشه لحالها وكمان بفندق وين اهلها في اسئله كثير ودي اعرف جوابها مرام : تصدقون كذا مره فكرت اسالها بس اترددت لانه واضح انها ماتبغي تتكلم عن حياتها مدري ليه بس فضولي راح يقتلني ابغى اعرف عنها اشياء كثيرة وبعدين احنا قلنا لها كل شي عن حياتنا وصرنا صحباتها بس هي دائماً كتومه وماتحكي عن حياتها ابد سديم : بجد غريبه بس اهم شي إنها بنت خلوقه وحبوبه مرام : صحيح بس برضوا ابغى اعرف حتى لو شي بسيط عنها ندى : اقول خلوكم من هالكلام الفاضي واطلبوا لما غداء الساعه صارت ثلاثه واحنا مااكلنا داليا : اوكيه ويش تبغون نطلب ******************* بيت ابو رافي دالين بجديه : اسمعي ياميار انتي تعرفي انه اللى تسويه غلط وحرام انا ماراح اقول لاحد بس ابيك تتركيه ميار بجزع : ﻻ تكفين الا هذا انا احبه واموت فيك مااقدر اتركه دالين : ميار هذا الشخص قاعد يستغلك انت منتي صغيره عشان ماتفهمي ميار بإنكار : ﻻ ﻻ احمد يحبني هو قال لي وقال انه راح يخطبني اول مايحل مشاكله مع ابوه دالين : اسمعيني حبيبتي انا ابغى مصلحتك هذا قاعد يتلاعب فيكي وفي مشاعرك لو كان يحبك فعلا ماكان كلمك لانه راح يخاف عليك مثل مايخاف على محارمه وصدقيني مافي رجال يتزوج وحده كان يكلمها وحتى لو فعلاً كان صادق واتزوجك برأيك كيف راح تكون حياتك..انا راح اقولك حياتك بتكون كلها شكوك هو راح يشك فيكي وراح يقول مثل ما خانت ثقة اهلها وكلمتني راح تخوني وبتكلم غيري حتى انتي بيبدا الشك يدخل فيكي وراح تفكري نفس تفكيره انه مثل ماكان يكلمك ممكن يكلم غيرك ومافي حياه تستمر بين شخصين اذا انعدمت الثقه بينهم انسيه ياميار ميار وهي تسمع كلام دالين كانت في صراع بين عقلها وقلبها عقلها مصدق ومتقبل كلام دالين لانه هذا الواقع لكن قلبها رافض هذا الكلام ومو راضي يتقبله ودائما قلب المراءه يتغلب على عقلها غطت وجهها بيدها وصارت تبكي : مااقدر مااقدر والله مو بيدي احبه وانخرطت في بكاء مرير حضنتها دالين وخلتها تبكي الين بدات تهدئ دالين رفعت وجهها ومسحت دموعها وقالت : خلاص يكفي بكاء ميار ودموعها رجعت تنزل : انا ادري اني غلطانه بس والله والله مو بيدي قلبي يحبه دالين : تبغي تخسري امك واخوانك عشانه ميار : ﻻ انا مالي في هذه الدنيا غير امي واخواني بس... دالين : اجل اسمعي إنسيه لانه لو عرف اي احد راح تخسريهم فعلاً اسمعي مني انتي لازم تقطعي اتصالاتك فيه وتنسيه ميار ببكاء : ماابغى انا احب وهو راح يخطبني دالين يائست منها قالت بصرامه وحزم : انا راح اكلم هاني يجيب لك رقم جديد وانتي راح تقطعي كل صلتك فيه وكشف اتصالات راح يوصلني كل شهر فإذا عرفت انك تكلميه والا فكرتي تشوفيه راح اكلم اخوانك وقفت وميار مسكتها وقالت برجاء وبكاء : طيب خلاص خلاص انا ماراح اتصل فيه وبحاول انساه بس لاتجيبي سيرة لاخواني تكفين وجلست على الارض تبكي دالين رحمتها مسكتها وجلستها على السرير وجلست جمبها : انا اسفه بس انتي اضطريتيني استعمل معك هذا الأسلوب انا ادري انه صعب عليك بس تذكري انك كذه تغضبي ربك وتخوني ثقة اهلك حاولي تنسيه استغفري ليل نهار كوني اصحي صلي قيام الليل وادعي الله إنه ينسيك اياه وتذكري قول الله تعالى ( ادعوني استجب لكم ) وصدقيني راح تنسيه انتي بس ادعي ميار اخذت جوالها وخرجت الشريحه منه وقالت بصوت مبحوح وهي تمد بالشريحه لدالين : خذيها اخاف اضعف واتصل فيه وخلي هاني يجيب لي رقم جديد دالين ابتسمت واخذتها : ايه هذه هي ميار اللى اعرفها يلا قوم غسلي وجهك وخلينا ننزل نجلس مع امك ميار : ﻻ انا بنام دالين : طيب على راحتك ******************* عند جوليا توقفت السيارة وفتحوا الباب ونزلواها ودخلوها جوليا : ايها الاغبياء انا لستوا عمياء حتى تقودوني ازيحوا هذا الغطاء عن عيني وسوف امشي بنفسي الرجل : اصمتي دخلوها لغرفه وفكوا رباط ايدها وإدوارد بعد الشال عن عينها وهو يقول : حسنا ارني جمال عينيكي جوليا كشرت في وجهه : اتمنى ان تعماء عيونك قبل ان ترى عيوني أيها الحقير إدوارد مسكها وقربها له وهو يقول ببتسامه كلها خبث : انتي حقا في كل دقيقه تزدادي جمالا وقرب وجهه لما وصار يقبلها في كل وجهها وهي تدفه بقرف منه وهو مثل الاسد ينقض على فريسته دفته بقوه وقالت وهي متقرف منه : ابتعد عني ايها الحقير النذل مسكها مره ثاني وتوقف لما دخل احد رجاله وهو يقول : سيدي ان السيد الكبير على الهاتف تركها واخذ الجوال ورد : مرحبا .............. إدوارد : إنني في المنزل ماالامر ................... إدوارد : حسنا سوف آتي في الحال سكر الجوال وطالع في جوليا اللي واقفه تطالعه بكل غضب وقال : انتظريني سوف اعود قريبا لاكمل مابداته جوليا تفلت عليه : لاتظن اني سادعك تقترق مني سوف اقتلك هل تفهم إدوارد ضحك وهو يخرج ويقول : يالها من نكته طريفه ******************* الفندق بعد ماحست بتحسن قامت صلت الصلوات اللى فاتتها وخرجت جلست مع البنات مرام ضربتها على الخفيف : خوفتينا عليك يالدبه أريج قالت بصوت مبحوح من الزكام : اقول ترى لساتني تعبانه مرام طالعتها بطرف عينها : شكله عجبك الدلال وانا لما اكون تعبانه محد يعبرني ندى : أريج غير عنك مرام : ويش تقصدين يامدام ندى انه انا مااستاهل أريج وهي كاتمه الضحكه : الا تستاهلي ونص بس انتي امرضي وانا بجي اهتم فيكي مرام شهقت : تبغيني امرض بعيد الشر عني أريج ضحكت وصارت تكح وتكح لجين اعطتها مويه : بسم الله عليك اشربي '، طالعت في مرام : تبغي تموتي البنت مرام : هههههه لاتخافين قطه بسبع ارواح أريج تحمحمت بعد الكحه وقالت : اصلا مافي احد غيرك نظلني "حسدني" مرام : ياويلي انقلبت ضدي..لاﻻ حبيبتي اصلا انا مااطالع فيكي الا واقول ماشاءالله...ماشاءالله ايش حلاتها هالبنت الكل : ههههههههه ندى طالعت جوالها : بنات هذا نواف مين بترجع معي مرام : انا ببات اليوم مع أريج امل : وانا بعد داليا : وانا بعد سديم : وانا كمان معاكم لجين : وانا كمان ندى : ﻻ والله يعني انا بس اللى بروح امل تستفزها : انتي متزوجه يلا يلا روحي عند نوافوووه حبيب القلب ندى بقهر : املوووووه أريج حست بسعاده ماتوصف انه صار عندها مثل هذول الصديقات بس هما سوا كثير عشانها وماتبغى تثقل عليهم وتسبب لهم مشاكل لانه ممكن اهلهم مو موافقين انهم يباتون عند وحده مايعرفونها الا من كم يوم قالت : اقول انتي وياها كل وحده تروح على بيتها ماعندي مكان هو هذاك السرير اللى عندي بنام فيه انا يلا يلا توكلوا ماابغى احد مرام : شوفوا الخاينه ماتبغانا داليا : بس صحيح وين بنام مافي الا سريرها حتى لو قلنا بنام على الكنب مافي شي نطغطى فيه مرام : انا عندي حل امل : وشوو مرام ببتسامه عريضه : تروحون كلكم البيت وانا انام معاها..السرير كبير وبيكفينا احنا الثنتين داليا : لاااا وليش مايكون انا اللى اجلس انتي بكره عندك جامعه امل : وليش مايكون انا انتي لو عرف مازن ممكن يزعل سديم : لا انتي ولا هيا انا لجين : اقول انكتموا كلكم انا اللي ببات عندها مرام : لاتحلمي انا اللى ببات عندها ولاحد غيري اريج ضربت على راسها : بسسس خلاص رأسي رجع يوجعني ندى ضحكت : أريج انتي اختاري مين تبغي تجلس معك أريج : ماابغى احد يلا روحوا ندى : ﻻ لازم وحده تجلس معك اخاف ترجع لك السخونه بالليل اريج تنهدت : انا بخير روحوا على بيوتكم ماابغى اسبب لكم مشاكل مع اهاليكم مشكورات ماادري ايش كنت بسوي بدونكم طنشوا كلامها ورجعوا يتهاوشون مين بيبات عندها اريج : الحين انا قاعده اشكرهم واعبر عن مشاعري وهما يطنشوا'، وقفت : بطقاق ودخلت الغرفه تمددت على السرير وابتسمت كانت تظن إنها بتظل وحيده طول عمرها بس شكلها الحياه بدات تبتسم لها وصار عندها أشخاص يحبونها ويخافون عليها انتبهت انه اصواتهم هدئت وقفت وخرجت من الغرفه شافت مرام جائيه من المطبخ وبيدها كاس مويه قالت بستغراب : مرام وينهم مرام ببتسامه عريضه : خليتهم يروحوا غصبن عنهم اريج بضحكه : حكم القوي على الضعيف مرام ضحكت جلسوا بالصاله يسولفون مرام : اريج أريج اللى متمدده على طول الكنب وتطالع السقف : هممم مرام : بسألك سؤال بس لاتزعلين اذا ماتبغى تجاوبي لاتجاوبي أريج بهدوء : إسألي مرام : ابغى اعرف عنك..اقصد عن حياتك يعني انتي ليش عايشه هنا وينهم اهلك وو وأشياء كثيرة مااعرفها عنك أريج توقعت هذا السوال وقالت وهي لسى على نفس الوضعية : انتي قلتي سوال بس صاروا اثنين ماسمعت رد من مرام طالعت السقف بشرود وهي تتذكر حياتها السابقه وقالت : لما كنت صغير ضعت من اهلي ولقتني عائله واخذوني وربوني وعاملوني مثل بنتهم وعشت كل حياتي بالرياض مع امي وابوي اللى ربوني وانا في ثاني جامعه خطبني ولد عمي جبروني اهلي اتزوجه لانهم كانوا يظنون ان هذا في مصلحتي وبعد زواجي منعني من اني اكمل دراستي وبعدين هو قعد سته اشهر واتزوج وحده ثانيه وبعد زواجه من الثانيه صارت كثير مشاكل بيننا ومااستحملت فطلبت الطلاق طلقني وبعد طلاقي قلت لاهلي اني ابغى اسافر عشان انسى كل اللى صار معي وجيت هنا...وهذه حياتي بختصار '، اريج ماحبت تتكلم عن اهلها ومعاملتهم لها لانه مهما سوى فيها تظل تحمل في قلبها امتنان كبير لهم فلولا الله ثم هم ماكانت تدري وين بتكون هل بتكون حيه ام ميته وكمان افضل شي سوه واللى ماراح تنساه لهم طول حياتها انهم اخذوها وبفضلهم بعد الله هي الحين مسلمه فهي تنظن بل متاكده انها اجنبيه وهذا مبين من شكلها وإذا كانت اجنبيه فااكبر احتمال انه اهلها ماهم مسلمين سكتت تنتظر من مرام اي رد بس استغربت لما ماسمعت منها اي كلمه جلست وطالعت في مرام اللى كانت دموعها ارباع ارباع مرام : اسفه ماكنت ادري انه حياتك كذه مأساوية اريج ابتسمت بالم ووقفت وضربتها بالمجله على رأسها ومشت بجهت الغرفه وهي تقول : اقول قومي نامي بس لاتسوي لي فلم هندي ودخلت تمددت على السرير تنهدت : الحمدلله على كل حال غمضت عيونها ومر عليها شريط حياتها لفت على الجهه الثانيه لما حست بمرام تنام جمبها ومرام ماكانت احسن منها كانت تفكر (ابغى افهم ليه اهلها اجبروها. طيب ليه زوجها سوى فيها كذه واتزوج غيرها مع انه الف واحد يتمنى يكون عنده زوجه مثلها.. إن قلنا جمال فهيا فيها كل معالم الجمال وإن قلنا اخلاق مافي احسن منها خلوقه ومتمسكه بدينها وطيبه وحنونه يعني مافيها اي شي وكمان ليه تشتغل ليه اهلها مايعطوها فلوس ) وظلت الافكار تدور براسها ******************** الشرقيه بيت ابو تركي تالين بصدمه : وشووو انا اتزوج ولدها مستحيييل ام تركي : وطي صوتك يابنت واتكلمي عدل وبعدين ليه ويش فيه ولدها ماتبغيه تالين : يمه انتي من جدك تبغيني اتزوج ولدها ماشفتيها على كل شي تعلق وكمان اعوذ بالله عينها حااااره وماتذكر الله وربي من بعد مامدحت شكلي لما طلعت الدرج كنت بطيح هذيك الطيح اللى تكسر كل عظامي ام تركي : انتي اللى ماتمشي زي الناس مو بسبب عينها تالين : اجل ويش تقولي لما قدمت لها القهوة قالت لي الاسورة طلعت حلو على يدك الا والقهوة تنكب على يدي اخخخ وربي لو مو عشانك كنت صرخت في وجهها وقلت لها اذكري الله كانت الكلمه بطرف لساني ام تركي : الحين انتي بتتزوجيها والا بتتزوجي ولدها تالين : اخاف ولدها يكون مثلها ام تركي : ﻻ ولدها مافيه شي تركي يعرفه من زمان ومايذكره الا بالخير تالين : حتى لو كذه لاتنسي اني بكون مع امه اربع وعشرين ساعة ولا تقولي راح اسكن في بيت لحالي لاتنسي انها تظل امه وراح اشوفها اشوفها ام تركي مسكت راسها : ويش ذه البنت.. خلاص انا تعبت منك بخلي ابوكي يتفاهم معك تالين جلست جمب امها وباستها : يامامه ياحبيبتي هذا الرجال مايناسبني انتي تعرفي بنتك لسانها طويل وماراح تقدر تسكت على امه وهو اكيد ماراح يرضى على امه حتى لو كانت هي الغلطانه وبيصير بيننا مشاكل مالها اول ولا لها تالي فاحسن شي خليني ابعد عن المشاكل من اولها ام تركي ضحكت وقرصتها على خدها : انتي ماحد يقدر على لسانك هذا تالين : اخخخ يمه عورتيني ابو تركي دخل : السلام عليكم ام تركي : وعليكم السلام ابو تركي شاف تالين اللى ماسكه خدها : ويش صاير ام تركي : ولاشي بس بنتك جائها عريس ورفضته ابو تركي : منو هذا؟؟ وليش رفضته كذه من اولها تالين : ي بابه وي مامه انا ادري تبغون مصلحتي بس تطمنو ولاتخافون بنتكم حلوه والف واحد يتمناها والرجال كثار ماراح يوقفوا عند هذا..وكمان انا ابغى واحد حلو هذا شفته مره من قبل وماعجبني ابو تركي ضحك : طيب اظهري شويه حياء قدامي تالين بمزح : وليش استحي من الحين اقول لك يابو تركي ابغى عريسي يكون شكله حلو ومزز ابو تركي وام تركي ضحكوا ******************* في الفندق جاء بعد منصف الليل ومرام ماقدرت تنام بسبب تغير المكان وكمان ماهي متعوده تنام بدري حتى لو كان عندها جامعه غمضت عيونها لعلى وعسى يجي النوم عقدت حواجبها لما سمعت صوت المنبه من جوال اريج اخذت جوالها شافت الساعه لسى وحده ونص استغربت ليه اريج عايرت المنبه لهذا الوقت شويه وتشوف اريج تتحرك وتسكر المنبه غمضت عيونها يعني انها نائمه حست ب اريج تقوم فتحت عيونها شافتها دخلت الحمام (اكرمكم الله ) بلعت ريقها وهي مرعوبه من تصرفات اريج الغريبه اول تعاير المبنه لمنتصف الليل وتصحى عشان تدخل الحمام سمعت باب الحمام ينفتح غطت نفسها بالبطانيه حتى وجهها مابقت اللى شوي عشان تشوف اريج ويش بتسوي حست بالم بقلبها لما شافت اريج تفرش السجاده وتلبس شرشف الصلاة وتبدأ تصلي ابتسمت بحزن لانه جائتها كل الافكار السيئه وماجائتها فكرة انها بتقوم تصلي الليل بعدت البطانيه عن وجهها وظلت تتامل اريج وهي تصلي بخشوع وتذلل حزنت على نفسها لأن أريج تصحى من النوم عشان تصلي لكن هيا تكون كل يوم بهذا الوقت صاحيه وماتصلي وقفت ودخلت توضت وخرجت شافت اريج خلصت وجالسه تدعي جلست انتظرتها لانه مافي سجاده ثانيه شافتها خلصت ابتسمت لها وقالت : تقبل الله اريج ببتسامه هادئه : منا ومنك....بتصلي؟؟ مرام ابتسمت وهزت راسها ب ايه أريج فسخت شرشف الصلاة وقالت : صلي وارجعي نامي مرام اخذت منها شرشف الصلاه : إن شاء الله ظلت تراقب اريج وهي تمشي وتتمدد على السرير ولسى المسبحه بيدها وتسبحن وتستغفر ابتسمت الحين عرفت ليه من اول ماشافتها ارتاحت لها وحبتها لانها تعمل كل شي يرضي الله والله اذا احب عبدا حبب عباده فيه اريج متزنه في دينها ماهي من النوع الملتزم اللى كل شي عنده حرام وحرام ولاهي من النوع المهمل اللى يالله يصلي الفروض لبست شرشف الصلاة وصلة بخشوع وجلست تدعي خلصت طوت السجادة وراحت تمددت على السرير وهي تشعر براااااحه نفسيه ماشعرت بها من قبل اغمصت عيونها وناااامت . . . . فتحت عيونها بتكاسل لفت على الجهه الثانيه ماشافت أريج وقفت وهي تتثاوب وخرجت الصاله وهي تنادي : أريج راحت المطبخ واستغربت انها مو موجود رجعت الصاله شافت ورقه صغيرة على الطاولة راحت قراتها : مجنونه هذه..كيف تروح الشغل وهي تعبانه يعني حست نفسها تحسنت شوي تقوم تروح الشغل دخلت الغرفه واخذت جوالها ودقت عليها ******************* الشركه اريج واقفه عند باب مكتب إياد جائت بتدق بس تراجعت لما دق جوالها ردت : هلا مرام مرام : انتي كيف تروحين الشغل وانتي تعبانه اريج : هههههه ايش فيك كذه هجوم على طول قولي السلام عليكم صباح الخير مرام : اسمعي الحين ترجعي أريج : ﻻ ماني براجعه انا صرت بخير مافيني شي كلها زكام وكحه وبعدين برأيك اخوكي بيسامحنى اكيد هو الحين مرتب لي كومه أشغال حقت اليوم وحقت امس.... ايه صحيح قبل لا انسي انا جهزت لك الفطور افطري ورحي على بيتكم بتطفشي من القعده لحالك مرام : ﻻ انا بقعد استناكي الين تجين ماتغيبت عن الجامعة عشان ارجع البيت أريج : ﻻ ﻻتنتظريني روحي على بيتكم مو زين تقعدي لحالك في الفندق مرام : اجل انتي كيف تقعدي لحالك أريج : يووووه يامرام انا مضطره اقعد لوحدي ويلا بسرعه افطري ومشي اوكيه يلا باي وسكرت منها قالت بتفكير : امممم كاني نسيت اقول لها شي : مطوله لفت لما سمعت صوته وراها شافته واقف ومتكتف بلعت ريقها(ياويلي من متى هذا هنا ليكون سمعني لما تكلمت عنه) استوعبت انها واقفه عند باب مكتبه بعدت وقالت : اسفه دخل وهي دخلت وراه جلس على المكتب ومد لها بملف : ابيك تجيبي لي معلومات عن الأشخاص اللى موجود اسمائهم في هذا الملف وابغاه باسرع وقت ممكن أريج اخذته : إن شاء الله لفت بتروح إياد : ايه صحيح هذا شغل اليوم مو شغل امس شغل امس انا خلصته لاني مااحب ااجل شغلي اريج عضت شفايفها (ياويلي يعني سمعني الله يستر بس ليكون قلت كلام غير هذا ) وشردت بفكرها تحاول تتذكر ايش قالت لمرام بالضبط صحت من افكارها على صوته وهو يقول : يلا روحي وابغى المعلومات بعد ساعتين أريج لفت ومشت (اول قال يبغاه باسرع وقت والحين صار بعد ساعتين احسن اروح قبل لايقول بعد نص ساعه بس استاهل كان المفروض اروح على طول مو اقعد اشرد وهو موجود) كانت خارجه وفي احد داخل كانت راح تصطدم فيه رفعت راسها وقالت : اسفه استغربت مين هذا الشخص اول مره تشوفه بالشركة اول ماالتقت عيونها في عيونه حست بشي غريب ماتدري ايش هو استحت لما شافته مانزل عيونه نزلت راسها وقالت برتباك : احم ممكن..ابغى أمر كان هو واقف في الباب وماتقدر تمر ابتعد وقال بهدوئه المعتاد : اسف خرجت وهو ظل يطالع الفراغ الذي تركته التفت لما سمع إياد يقول : نايف فيك شي هز راسه وهو يتجه ناحيته : لا . . . . اريج دخلت مكتبها وتفكيرها كله عند الشخص اللى شافته (ويش هذا الإحساس الغريب اول ماشفت عيونه حسيت حسيت بشي...... منو هذا الشخص هذه اول مره اشوفه بالشركة وكمان دخل عند هذاك المتعجرف من دون استئذان وكمان جاء من دون موعد هذا يعني انه شخص مهم او يمكن صديقه او يقرب له او... يوووووه شفيني انا قاعده افكر فيه خليني اخلص شغلي والا هذاك المغرور راح يمسح فيني الارض عاد هو مايصدق يمسك علي شيء ) ******************* القصر الكبير جناح نواف وندى ندى : حبيبي فيك شي ليش مابتروح الشغل انت تعبانه نواف فتح عيونه وقال بنعاس : ليش انا مااخذ إجازة الا اذا كنت تعبان ندى : ﻻ بس مستغربه لانك حتى لو ماتبغى تشغتل تروح ساعه بالصباح تشوف أوضاع الشركه وترجع بس اليوم... نواف ابتسم وسحبها الين طاحت على صدره وقال : اليوم ابغي اقضي كل وقت مع نداي وماابغى اي لحظه اضيعها من دونها ندى اتكئت على صدره وقالت وهي ترفع واحد من حواجبها : اوووه يعني ماتبغى تضيع لحظه من دوني نواف ببتسامه : ايه ندى : طيب..وين بنروح نواف : فلتنا ندى : وشوو ايش نروح نسوي هناك انا ابغى اخرج مو اروح لاربع حيطان نواف : طيب بنروح نتغداء برى ونرجع على فلتنا ندى : انت ليش مصر على روحت الفله نواف رفع يده على خصرها واليد الثانيه خلف راسها وقربها له اكثر الين صارت انفاسه تلفح وجهها وقال بهمس وهو ذايب من قربها ودلعها : لاني ماابغى اي احد يشغلك عني نزلت عيونها وابتسمت بحياء وهو قرب منها أكثر وفجأة سمعوا دق على الباب ومراد يقول : ندى نواف طالع فيها وقال : عرفتي الحين ليش ابغى اروح فلتنا ندى ضحكت : ههههههه بروح اشوفه نواف باسها على خدها بسرعه وقال : خليكي انا بروح وقف وراح فتح الباب وقال : نعم ويش تبغى من صباح الله خير مصابحني بوجهك مراد : لا عاد تصدق انا اللى ابغى اشوف وجهك نواف ضربه باصبعه على جبينه وقال : احترم اخوك اللى اكبر منك مراد رفع واحد من حواجبه : اعطف على اخوك اللى اصغر منك نواف ضحك : دائماً عندك رد طيب قول ايش تبغى مراد : جدتي شافتكم اتاخرتم قالت لي اطلع اشوفكم خافت يكون فيكم شي لانه مو من عادتكم تناموا الين هذا الوقت.. وكمان انت ماعندك شغل؟؟ نائم لهذا الوقت ولا على بالك نواف : شرأيك بعد تجي تصطرني كف مراد : ﻻ ﻻ ماتوصل الى اني اصطرك كف نواف : والله.. وبعدين انت ليه مارحت المدرسه هاه مراد : كيفي '، ولف ومشى نواف سكر الباب : اخخ منه هذا الولد عليه لسان ندى اللى كانت تسمعهم : هههههه ياحليله والله انه يهبل البيت مايسوا شي من دونه نواف : ﻻاااا وكمان تتغزلين ب اخوي قدامي ندى كتمت ضحتها وحبت تنرفزه قالت بنفس طريقة مراد : كيفي نواف : كيفك هاه طيب انا بوريك ندى ضحكت: هههههههه ***************** في الشركه خرجت من مكتبها بعد ماجمعت كل المعلومات عن الأشخاص اللى يبغاهم انتبهت على نايف واقف يكلم واحد من الموظفين (هذا لسى موجود ) ظلت واقفه تتامل طوله الفارغ وجسمه الرياضي نظراته الهادئه والغامضه في نفس الوقت رجع لها هذاك الشعور مره ثاني شافته انتبه لها ناظر فيها ثواني وبعدين ابتسم لها ابتسامه خفيفه ومشي استحت وخجلت من تصرفها (ويش فيني انا.. جنيت قاعده اطالع الرجال استغفر الله العظيم الحين بيقول هذه مو متربيه وماتستحي على نفسها) وقفت عند باب المكتب ودقت دخلت ومدت له بالورق اخذها وتصفحها شافته عقد حواجبه اريج ( يالليل شكله مو عاجبه) وفعلاً رفع راسه وقال : ويش هذا أريج : هذا المعلومات اللى طلبتها إياد رمى بالاوراق لقدامها : الحين هذه تسميها معلومات هذه الكل يعرفها انا ابغى معلومات خاصه عنهم ايه صحيح نسيت انك مو سطام"مدير اعماله "عشان تسوين شغلك على اكمل وجه اصلا انتي ماتعرفين تسوي شي أريج انقهرت منه لانها تعبت وهي تجمع كل هذه المعلومات وكمان الأشخاص اللى يبغى المعلومات عنهم مو قليل سبعه أشخاص لكنها سكتت وماردت عليه لانها تعرف اذا ردت بتكبر المشكله واصلا هذا اللى يبغاه ماتدري ليه يسوي معاها كذه اي شي تسويه مايعجبه ولازم يتذمر منه وكمان هي ماتحب احد يقارن شغلها بشغل احد ثاني اخذت نفس عميق بعد ماسمعت اشكال وانواع الكلام منه وقالت بهدوء ظاهري : كلن يلزمه اجتهاده فأنا اجتهد واعطيتك اللى قدرت عليه وسطام يجتهد ويعطيك اللى يقدر عليه فلا تقارن عمل شخص بعمل شخص ثاني وتقلل من جهد الشخص الثاني دائما تدهشه بردودها الغير متوقعه مره تعصب وتقول كل اللى بقلبها ومره تسكت وماتقول شي ومره تكتم اللى بقلبها وتقول كلام يخلي اللى قدامها يسكت ومايعرف يرد هيا بالنسبه له عجيبه وكان فيها كومه من الاسرار يحب يكتشفها ابتسمت لما شافته سكت قالت : عن اذنك وخرجت وهي مبسوووطه لانها اول مره قدرت تسكته وتطفي النار اللى بداخلها وماتدري انه مافي احد يقدر على إياد بس هو مارد عليها بمزاجه ******************* بيت ابو عماد مرام دخلت البيت شافت اخوها الصغير اللي يبلغ من العمر 12 سنه خالد يطقطق بجواله رمت نفسها على الكنب رفع راسه : وعليكم السلام مرام طالعته بطرف عينها : انت ليه جالس بالبيت ومارحت المدرسه خالد : نفس السؤال موجه لك ليه مارحتي الجامعه مرام بقلت صبر : انا كنت عند صاحبتي تعبانه والحين قول ليه مارحت المدرسه خالد : كذه مزاج مرام : لا والله مو عل قطعت كلامها لما دخل مراد ويزيد مراد : يلا امشي وقف خالد مرام : ﻻااا يعني الشله كلها ماراحت المدرسه اليوم ويش عندكم مراد : ياشين القافه ومشوا مرام بصوت عالي : هين حسابكم عندي يالبزارين في هذا الوقت دخلت ام عماد اللى التقت فيهم عند الباب : خالد حبيبي لاتتاخر خالد : إن شاء الله يمه ام عماد : مرام متى جيتي مرام : الحين...يمه هذول ليه ماراحوا المدرسه ام عماد : عندهم اجازه مرام : اجازه؟؟ اي اجازه ام عماد : صارت مشكله بالمدرسه عشان كذه اعطوهم اجازه مرام : طيب هما الحين وين رايحين ام عماد : هو تحقيق يعني ليه مارحوا وين راحوا مرام : ﻻ مو قصدي بس فضول وكمان مايصير تخلوهم يخرجوا على كيفهم لاتنسي احنا ببلد اجنبي وهما في مرحله مراهقه وا ام عماد : ويش رايك بعد تعلميني كيف انتبه على ولدي مرام ضحكت : يمه ماقلت شي يلا قولي وين راحوا ام عماد : ابوك نسى اوراق حق الشركه وراحوا عشان يعطوه مرام : وليه ماخليتوا السائق هو اللى يوديه ام عماد : شرايك تصيري المحقق كونان مرام : اووهووووه حتى امي تعرف المحقق كونان ام عماد : اقول بلا كلام فاضي..الا وشلون صارت أريج مرام ضحكت : الحمدلله تحسنت ****************** في الشركه احمد : أريج اريج لفت وهي كارهه نفسها بسببه قالت بنفزه : نعم احمد : سلامات شفيك ماجيتي امس أريج : وانت ايش دخلك اجي ماجي شي راجع لي احمد سمع صوتها المتغير بسبب الزكام قال بوقاحه متجاهل كلامها : سلامتك ياروحي ماتشوفين شر عساه فيني ولافيك اريج عصبت : اقول تراك زودتها لاتشوفني ساكته لك معناته اني مااقدر اسوي شيء احمد بضحكه مستفزه : ويش بتسوين ياحلوه بس انا اقول اي شي يجي منك حلو قالها وهو يتفحصها من راسها حتى اخمص قدميها اريج انصدمت وحست نفسها كانها مو لابسه شي من نظراته الوقحه مع انه عبايتها ماهي ضيقه قالت بحتقار : انت واحده قليل ادب بشتكيك للمدير واخليه يطردك ضحك بصوت عالي : انتي تظني المدير فاضي لمثل هذه الامور اتوقع لو جبتي له سيرة راح يطردك انتي لانك ضيعتي وقته بمثل هذه الامور السخيفه أريج رمته بنظرات احتقار ومشت ( واحد حقير ) حست بقشعريره تسري بجسدها لما تذكرت نظراته ( ابغى اشتكي عليه بس اخاف يكون كلامه صحيح لانه هذاك المتعجرف ينتظر اي خطأ مني عشان يطردني اوووفففف منهم اكرهم الاثنين بس يلا ماباقي الا اسبوع ونص وارتاح منهم ) ********************* بيت ابو رافي ام رافي : هاه بشري ويش قالت لك الدكتورة دالين : الحمدلله وضع الجنين تمام ام رافي : الحمدلله ....لسى لليوم مصره ماتقولي لنا نوع الجنين دالين ضحكت : خليها مفاجأة ياعمتي مانتي قادره تصبري شهر اجل ويش اقول عن هاني هلكني كل يوم يسالني ام رافي ضحكت : الله يصبرني انا وولدي هذا اول طفل له وماتبغى تقولي دالين ضحكت :هههههه اصبروا اصبروا فالصبر مفتاح الفرج ضحكت ام رافي وهي طاير من الفرحه بعد اقل من شهر راح يكون عندها اول حفيد ******************* في الشركه مكتب اريج أريج وهي تقاوم تعبها والحمه اللى رجعت لها وتحاول تبين انها طبيعية عشان ماتحس عليها مرام اللى تكلمها بالجوال ماتبغى تسبب لها مشاكل وكمان اليوم تغيبت عن الجامعه بسببها : مراموه هذه عاشر مره تتصلين فيها ترى اذا انتي فاضيه انا مو فاضيه مرام ضحكت : ايه انا فااااضيه وطفشانه ندى خرجت مع حبيب القلب نوافوه وداليا راحت السوق مع امل.. وسديم ولجين رجعوا من الجامعه وناموا وبعدين هذا من خوفي عليك كل شوي ادق عشان اطمن أريج : تطمني انا بخيييير ومافيني شي والحين بسكر ولاتدقين مره ثانيه لاني ماراح ارد عليك مرام ضحكت : هههههههه طيب طيب لاتعصبين.. باااي سكرت من مرام تركت الجوال وهي تحس انها كل شوي يزيد تعبها وجسمها كانه نار تشتعل نزلت راسها وضغطت بيدها على جبينها ونفسها يعلى وينزل من الحمه غمضت عيونها ونزلت منها دمعه بسبب الحرقه اللى بعيونها قالت بصوت تعبان : اااه ياربي ويش ذه التعب حست كانه في احد معاها في المكتب رفعت راسها شافت الباب مفتوح بس ماشافت احد بعد دقائق دخل ستيف وقال : انسه اريج يقول لك السيد يمكنكي الذهاب الى المنزل وخرج اريج استغربت لانه لسى الساعه اربعه ماالقت للموضوع اهميه لانها حيل تعبانه وقفت وبالقوة قادره تشوف قدامها اخذت شنطتها وخرجت كانت تبغى تاخذ تاكسي بس خافت مع تعبها هذا يصير لها شي والناس هنا مالها أمان حاولت تمشي الى اقرب صيدلة تشتري لها علاج مشيت وهي تحس انها باي لحظة ممكن تفقد وعيها دايخه ومصدعه وحرارتها ارتفعت وجسمها وانفاسها كانه لهب يحرقها لما حست نفسها ماتقدر تستحمل فتح شنطتها تبغى تاخذ الجوال وتتصل على مرام ضربت راسها لما تذكرت انها مااخذت الجوال ونسته على الكتب طاحت الشنطه من يدها انحنت تاخذها شافت رجول شخص وقف قدامها رفعت راسها ووقفت وكان اخر شخص تتمنى تشوفه وهي بهذه الحاله احمد!!! . *** ** *