قالوا تحبيه قلت ساكن فؤادي قالوا يحبك قلت هذا سؤالي - البارت 5 - بقلم مجهول♡ - مكتملة | روايتك

قالو تحبيه قلت ساكن فؤادي قالو يحبك قلت هذا سؤالي : الفصل الخامس : ايطاليا / ميلانو في الفندق لبست لها لبس حلو لانها اول ماتخرج من الشغل بتروح لهم على طول وقفت قدام المرايه تطالع على شكلها كانت لابسه الملابس اللى اشترتهم لما كانت تدور على شغل شافتهم وعجبوها مره ماقدرت ماتاخذهم وكمان سعرهم مناسب كانوا بنطلون جنز ازرق وبلوزه بيضاء لنص فخذها وماسكه من تحت ومرسوم عليها ورده حمراء ونازله من عند الاكتاف بطريقه انيقه وجذابه وشعرها كانت رافعته بشباصه سوداء مع فصوص بيضاء ابتسمت بحزن وهي تشوف وجهها الخالي من اي نوع من الزينه حتى ماعندها كحل تسويه بس عيونها مع لونها الجذابه تخليها مايحتاج لها اي شي ورغم بساطه شكلها الى انها كانت قمه في الجمال والرقه والأنوثة...لبست عبايتها واخذت الشنطه وراحت على شغلها.... وصلت واول مادخلت وقفت جمب الاصنصير وضغطت وقعدت منتظرته ينزل أخذت نفس عميييق وهي تضبط اعصابها لما سمعت صوته الكريه يناديها : اريج لفت عليه وهي تصر على اسنانها بقهر : وبعدين معاك انا كم مره قلت لك لا تناديني بأسمي فضحتني صار كل اللى بالشركة يعرف إسمي حمد : شدعوه كل هالتعصيب عشاني ناديتك باسمك'، اكمل بغمزة : بس يحق لك حتى اسمك حلو اريج تجاهلت كلماته الوقحه : وياليت كمان تبعد عني احمد : ليه أريج : ﻻنك تضايقني وكمان مو معناته اني في بلد اجنبي راح اتعرف على رجال وامشي معاهم افهمها يااخي انا مو مثل البنات اللى تعرفهم اول مايروحوا بلد اجنبي ينسوا دينهم واخلاقهم احمد : عشان كذه انتي عاجبتيني اريج زفرت بقوة ولفت ودخلت الاصنصير ودخلت معاها احد الموضفات اريج كانت منقهره منه يظل يلاحقها في كل مكان وهي مو ناقصه هالاشكاله سمعت صوت البنت اللي جمبها تقول : نصيحي إلك لاتردي عليه هو هيك انسان لعاب وكل اللي هون بالشركه بيعرفوا هشي فإزا احد شافك تحكي معاه ممكن يزنوا "يظنوا "فيكي زن" ظن" سئ اريج : طيب ايش اسوي له يظل طول الوقت لاحقني سوسن : تجاهليه احسن إلك اريج : والله مو بيدي يقهرني ويخليني غصب ارد عليه سوسن سكتت اريج ابتسمت : ماعرفتيني عليك.. سوسن ابتسمت ومدت يدها : انا سوسن بعمل في إسم "قسم " الحسابات اريج : ياهلا وانا اريج سوسن : بعرف...الكل هون بيعرفك اريج بستغراب : شلون سوسن : كل اللي هون يتكلموا عنك مستغربين لانه الاستاز إياد اول مره بيخلي وحده تكون مديرة اعماله والبنات كلهم غيرانين منك عشانك اريبه "قريبه " من الاستاز إياد اريج : والله لو يعرفوا كيف حالي معاه ماراح يتمنوا هذا الشي وبعدين ويش يبغوا فيه انفتح الاصنصير وخرجين وهن يمشين ويكملن كلامهن سوسن : الاستاز إياد ماشاء الله كتييير جزاب"جذاب" ووسيم وشخصيته كتييير حلوه فعشان هيك البنات منجنين عليه اريج ضحكت لانه ماعمرها فكرت في كل هذه الصفات وقالت : وشكله حتى انتي منجنه عليه سوسن ضحكت : هههههه مو كتير لانه انا مخطوبه بس بتعجبني كتييير شخصيته الاويه " القويه" اريج كانت بتمشي بالاتجاه الثاني قالت : يلا فرصه سعيده اشوفك بعدين سوسن : اوكيه باي وصلت على مكتب إياد طالعت ساعتها وتاففت اكيد بيخاصمها لانها تاخرت خمس دقائق (اووففف كله بسبب الزفت احمد...استغفر الله العظيم) ***************** في مقهى قوتشي عامر بدهشه : طلقتها؟؟!! رافي ببرود : ايه عامر : بس يارافي تسرعت كان جلست معاها واتفاهمتوا رافي بسخريه : هه نتفاهم اي تفاهم وانا صار لي سنتين احاول اتفاهم معاها بس هي تسمع الكلام من جهه وتخرجه من الجهه الثاني وﻻ كاني قلت شي زين اني اتحملتها كل هذه المده لو واحد غيري كان طلقها من زمان '، ابتسم بسخريه اكبر '، وازيدك من الشعر بيت سبب تاخر حملها انها كانت تشرب حبوب منع الحمل عامر بصدمه : وشوو.. رافي : هه هذا اللى حصل وانا قلت هذا قدر ربي ورضيت فيه كنت بوديها تتعالج بس قلت خلينا بالاول نتفاهم وبعدين راح اعالجها بس... طلعت تشرب حبوب من دون علمي عامر : ليكون هذا السبب الحقيقي وراء طلاقك طيب كان سمعتها يمكن عندها سبب رافي : مع اني كنت معصب بس حاولت امسك نفسي عشان مااظلمها وسالتها عامر : طيب ويش قالت لك رافي : تقول ماتبغى اولاد ينكدون عليها حياتها وهي تبغى تعيش حياتها بحريه عامر تنهد بحزن : لا حوله ولا قوة الا بالله طالع في صديقه اللى من اول ماتزوج وحياته نكد في نكد كان يتمنى انه مشاكله تنحل ويعيش مع زوجته حياه سعيدة : خلاص ياخوي هونها تهون الله يعوضك باحسن منها رافي كان يطالع في كوب القهوة التي بردت من دون مايرد عليه ****************** القصر الكبير مرام تطالع ساعتها : اوووففف شفيه الوقت اليوم مو راضي يمشي..اقول سديم كم الساعه عندك يمكن ساعتي خربانه سديم ضحكت : هههههه ﻻمو خربانه بس انتي اللى مو قادره تصبري والشخص لما يكون ينتظر شي يحس الوقت واقف مايمشي مرام : اقول اتركي عنك الفلسفه وربي من جد طفشت متى بتصير الساعه ست مراد دخل على كلامها : ليه تنتظري عريس الغفله يجي الساعه سته ابصم لك بالعشر انه بيكون هج مرام : واللي يرحم والديك اكرمنا بسكوتك مراد : وانتي يحصلك مراد يتنازل ويكلمك مرام رمته بنظره وخرجت مافيها تتهاوش معاه مراد : ويش فيها ذه..اقول سدوم سديم اللى كانت تتفرج التلفزيون : هممم مراد : مين بيجي الساعه ست سديم طالعت فيه : بنت مراد : ﻻ تصدقين حسبته رجال سديم ضحكت : هههههه هذه مديرة اعمال إياد مراد بتفكير : اللى قالت جدتي انها تشبه جيهان وجمان سديم : ايه *************** الشرقيه بيت ابو تركي جالسات بالصاله تالين منشغله بجوالها وحنان قاعده تتفرج مسلسل وشهد جالسه بالارض تلعب بألعابها دق تلفون البيت وهما مطنشين وﻻ كانهم يسمعوا رجع دق ثاني مره وثالث مره حنان بانزعاج من صوته : تالين روحي ردي تالين وهي منسجمه مع الجوال : ماني فاضيه روحي انتي حنان : ﻻ انا من اول انتظر هذه اللقطه تالين تطقطق بالجوال وتضحك وﻻ على بالها حنان طنشته وهي تتابع المسلسل دخلت ام تركي بعصبيه : وصمخ ماتسمون التلفون يرن خليتوني اقطع قراءة القرآن واقوم حنان عضت شفايفها ام تركي رفعت السماعه وردت : الو ................. ام تركي : ياهلا والله بولدي عماد كيفك يمه تالين اخيرا رفعت راسها وطالعت في حنان اللى مركزه مع كل كلمه تقولها امها ونست المسلسل وام المسلسل ضحكت : هههههه قلت لك روحي ردي ماسمعتي كلامي حنان انتبهت عليها : الله يعمرني واشوفك لما يجي عريسك ونشوف وقتها ايش بتسوي تالين رفعت يدها بستهبال : اميييييين **************** ايطاليا / ميلانو خرجت من الشركه بعد ماانهت شغلها كانت تتلفت يمين ويسار يمكن تلمح السواق اللى قالوا بيجبوه عشان يوصلها بس كيف بتعرفه انتبه على واحد وقف قدامها وقال باحترام وباللغة الإيطاليه : هل انتي الانسه أريج اريج (بسم الله شلون عرفني ) : اجل السائق : ارجو ان تتفضلي معي لقد ارسلتني الانسه مرام لصطحابك اريج مشت وراه وصل لعند السيارة وفتح لها الباب حست كانها اميره دخلت السياره وهو سكر الباب وركب بمقعده ومشى أريج طول الطريقه وهي متوتره وتفكر انتبهت على السيارة توقف بجانب بوابه كبييييره ثواني وانفتحت البوابه ودخلت السيارة انبهرت بل انصعقت من اللى تشوفه كانت كانها داخله مملكه المكان مرررره كبير وفي ورود على الجوانب من جهت اليمين ومن جهت اليسار بأشكال وانواع مختلفه وبالوان متناسقه ابتسمت بفرح هي تعشق الورود لفت بنظرها على قدام كان في ثلاثه قصور كل واحد اضخم من الثاني وفي سبع فلل بتصاميم انيقه وجذابه توقفت السيارة قدام القصر اللى بالوسط كان اكبر من القصرين الثانيين بعد مامشوا تقريباً خمس دقائق من لما دخلو من البوابه الرئيسية نزل السائق وفتح لها الباب شافت خدامتين لابسات لبس موحد اقتربوا منها ورحبوا فيها ودخلوها داخل القصر دخلت وعيونها تدور على كل مكان في القصر كان قمه في الفخامه ماعمرها شافت مثله وكانها في احدى القصص الخرافيه وقفت قدام مرايه على طولها وقالت للخدامه : ارجو المعذر توقفت الخدامه وقالت : نعم اريج : هل يوجد احد في المنزل اود ان اخلع عبايتي اعني هل يوجد اي رجل في المنزل الخدامه : ﻻ ﻻيوجد احد اريج نزلت غطوتها وطرحتها وعبايتها واخذتهم الخدامه منها سحبت الشباصه وتناثر شعرها بنعومه على ظهرها تركته مفرود زبطت شكلها ودخلت الشباصه لشنطتها لفت على الخدامه اللى تطالعها باعجاب وقالت ببتسامه : انتي جميله جدا اريج ببتسامه : شكراً... هل نذهب الخدامه : حسنا اتبعيني مشت وراها وقفت الخدامه عند باب مفتوح وقالت : تفضلي اخذت نفس تسترجع ثقتها وهدوئها ودخلت كان المكان صاله كبييير بجلسه ايطاليه متناسقه لما انتبهو لها وقفوا وهي ابتسمت بتوتر مرام قربت منها : ياهلا نورتينا وسلمت عليها مرام : هاي انا مرام تذكريني صح اريج ابتسمت : وانا اقدر انساك مرام : وه فديتك حياك تفضلي تفضلي سلمت على الكل وجلست بخجل جلست جمبها مرام مرام : شوفي راح اعرفك على كل وحده فيهم '، اكملت وهي تاشر على كل وحده : هذه عمتي ام إياد وهذه جدتي طبعاً تعرفيها وهذه عمتي ام مازن وهذه مامي وهذيك امل بنت عمي ابو مازن واللى جمبها اختها سديم واللي على الجهه الثانيه هناك هذيك لجين كمان اختهم يعني هذول الثلاث خوات ولجين مملكه على ولد عمي مؤيد وهذيك اللى هناك ندى بنت عمتي واخت إياد متزوجه نواف ولد عمي وهذيك داليا اختى الكبيره مملكه على ولد عمي مازن اخو امل وسديم اما هذه ام كرش عمتي دالين دالين : عمئ في عين شيطانك ترى لساتني صغيره ماني كبيرة عشان تقول لي عمه ضحكت اريج ومرام ضحكت وكملت : هذه الله يسلمك ماتبغانا نناديها بعمتي اصلا احنا مانناديها الا باسمها لانها اصغر وحده من عماتنا وهي تقريباً بسننا المهم اسمها دالين وهي متزوجه صار لها سنه ونص وزوجها يقرب لنا لكن من بعيد وهي حامل بالشهر الثامن زوجها سافر وهي جائت تجلس عندنا كم يوم... امل : خلصتي نشره الأخبار يانجوى قاسم مرام ضحكت :هههههههه ايه ضحك الكل واريج انبسطت لما شافت طيبتهم وشفافيتهم بعد ماشافت ثرائهم الفاحش توقعت يكونوا متكبرين بس طلعوا عكس . . . . . مراد متمدد على الكنب وراسه على فخذ امه وهي تمسح على شعره : يمه ام نايف : هلا حبيبي مراد : ليه مارحتي تجلسي معاهم ام نايف بحزن : خفت تكون من جد تشبه اخواتك جيهان وجمان ومااقدر اتمالك نفسي فخليني هنا احسن . . . . جلسوا معاهم الحريم شوي وخرجوا عشان اريج تاخذ راحتها مع البنات اريج : هههههه طيب وبعدين ويش صار مرام بحماس ومرح : اعطيته كف خليته ينسى حليب امه او يمكن انا اللى نسيت حليب امي لانه يدي عورتني من قوة الكف هههههه اريج ضحكت : ههههههه الله يرجك بطني صارت تعورني من كثر الضحك سديم : تراها الحين لسى مؤدبه ومستحيه منك اصبري بس شوي وبتشوفين لسانها يوصل لنهاية الشارع ماتتوقف عن الكلام مرام : اعوذ بالله منك قولي ماشاءالله ضحكوا البنات اريج بضحكه : والله انها عسل مرام تسوي نفسها خجلانه : تسلمي حبيبتي والله انتي اللى شبك عسل اريج بتموت من الضحك دخلت الخدامه وبيدها حلا مررتها عليهم كلهم ووزعت القهوه وبعدين خرجت دالين : الا اقول يااريج انتي قلتي انك لوحدك وين اهلك اريج ارتبكت ماعرفت ايش تقول في هذه اللحظه دخل عامر : السلام عليكم ورمى بنفسه على الكنبه بتعب البنات كلهم صارخوا : عااااامرررر عامر فز من مكانه بفزع لما سمع صوتهم امل تداركته بسرعه وسحبته لخارج عامر وهو مو مستوعب ليه يصارخون : شفيكم حسستوني اني داخل على حريم مااعرفهم امل تخصرت : وهذا اللى صار ماشفت البنت عامر بستغراب : اي بنت امل : وحده من صاحباتنا عامر حك راسه : اوبس والله ماانتبهت لها انتوا ماشاء الله جيش شلون بنتبه عليها امل : اوكيه خلاص روح انا بروح اشوفهم دخلت وقالت بخجل : سوري اريج عامر ماكان يدري انك موجوده اريج بداخلها تحمد ربها إنه جاء انقذها من أسئلتهم : ﻻ عادي ماصار شي اصلا واضح انه مانتبه لوجودي امل : ايه والله يقول ماشافك احنا ماشاءالله كثير وماراح ينتبه اريج : عندي سؤال انتوا...يعني عادي عندكم تخرجوا قدامه كذه اقصد تكشفون قدامه استغربت لما ضحكوا قالت : شفيكم قلت شي غلط داليا : ياقلبي هذا عمنا اريج بستفهام : عمكم؟؟ مرام : ايه بس احنا دائما نناديه باسمه لانه بسن اخواننا فنعتبر مثل اخونا اصلا هو مثل اخته مايبغانا نناديه ب عمي يقول تحسسوني انه عمري سبعين سنه اريج بخجل : اوه اسفه فكرته اخو وحده فيكم سديم : ههههههه صحيح احنا عايشين برى بس مو منفتحين لهدرجة مرام : هههههه تخيلي نخرج كذه قدامهم والله كل وحده بيجيها كف من اخوها يطيرها لداخل الكل : ههههههههه ***************** بيت ابو رافي الساعه التاسعه مساء ام رافي : وينك يايمه خوفتني عليك من لما خرجت امس ماشفتك رافي جلس : يمه الله يهداك ماني طفل تخافين علي ترى بسك الثلاثين ام رافي : حتى لو تسك المئه انت تظل ولدي اللى اخاف عليه رافي سكت شوي وبعدين قال : راحت؟؟...قصدي سويتوا اللى قلت عليه ام رافي فهمت انه يقصد غيداء : ايه اتصلت على خالك وحجز لها وجاء اخذها للمطار واتصل على اخوها يستقبلها هناك سكتوا ام رافي : يمه جوعان احط لك عشاء رافي : ﻻ الحمدلله تعشيت ام رافي : طيب ياوليد وين رحت امس وين نمت رافي بختصار : عامر اعطاني مفاتيح شقته وجلست فيها ***************** الشرقيه بيت ابو تركي حنان : يمه شوفي بنتك ترى تحملتها كثير فشلتني قدام البنت تالين : والله عاد محد قال لك تعزميها لعندنا وانتي تدري اني مااطيقها ام تركي : يابنت عيب مايصير كذه ماتحبيها روحي اجلسي بغرفتك تالين : ﻻ والله هذا الناقص اروح احبس نفسي بالغرفه عشانها ام تركي : ﻻ حول ولاقوة الا بالله ماتبغبن غرفتك البيت كبير اجلسي بأي مكان غير اللى هم فيه تالين : انا تعجبني الجلسه بالصاله كان هما غيروا مكانهم ام تركي بدات تعصب : تالين لاتجننيني ماتحبين البنت ابلعي لسانك واسكتي ولاتخجلين اختك قدام صاحبتها تالين بتمتمه : ابغى افهم ويش الشي الحلو فيها عشان تصاحبها وربي ماتنبلع ام تركي : ويش قلتي تالين لوت فمها : ولاشي ***************** ايطاليا /ميلانو القصر الكبير دالين : اخخخ ياانه هذا الحمل متعبني وماني قادرة اتحرك سديم اعطيني كاس المويه اللى على الطاولة اريج وقفت لأنه قريب منها ومدت به جائت بتجلست تصلبت بمكان وهي تشوف ظل شخص بيدخل دخل مراد وقال : امل امك تبغاكي مرام : انت ماتستحي تدخل عند الحريم من دون لا احم ولادستور مراد : كيفي وطلع لسانه عشان يقهرها وبعدين خرج دالين ضحكت وهي تشوف اريج لسى واقف : ترى لايغرك طوله لسى عمره 13 سنه اريج ابتسمت وجلست : تصدقين يبان اكبر من عمره مرام : ايه اصلا كل رجال عائلتنا ماشاء الله عليهم طول شكلهم اخذوا طولنا وطولهم وجمعوهم مع بعض مدري ايش كان بيصير لهم لو تركوا لنا شوي من طولهم اريج : امااا تبغين تطولين انتي طولك كذه حلو ومناسب مررره مرام : حتى انا عاجبني طولي بس لما اوقف جمب عماد او إياد احس نفس وحدة من الاقزام السبعه اريج : ههههههه اقزام السبعه مره وحده سديم : ترى هذه تحب المبالغه صحيح هما طوال بس مو لهذه الدرجة حسستني انهم عمالقه اريج بعفويه : هههههه ادري اصلا هيا قدي وانا اجي لاياد لعند ذقنه كلهم طالعون فيها بنظرات خبث انتبهت وقالت بسرعه : ﻻﻻﻻ ﻻتفهموني غلط لجين بنغزة : تجين لعند ذقنه هاه كيف عرفتي مرام بخبث : عادي عادي اعترفي ترى احنا منفتحين وراح نتقبل الموضوع اريج وجهها احمررر : وجع مو مثل ماتفكرون يالمنحرفات رجعت امل وجلست معاهم دالين بغمزه : اجل كيف وصلتي لذقنه هااااه اريج ضحكت : ههههههه الله يقطع ابليسكم داليا : تفكيرنا منحرف هاه اجل قولي وشلون وصلتي لذقنه يلا قولي قولي بسرعه والا بروح اسأل إياد أريج : هههههه طيب طيب الله يسلمكن هذا مره كنت امشي........ وحكت لكم لما التقت ب إياد اول مره واصطدمت فيه داليا : ههههههه مالقيتي الا إياد تصطدمي فيه سديم : ههههههه ولا بعد تبغاه يعتذر لها مرام : هههههه بس شكله كان رايق والا كان خلها هي اللى تعتذر ندى : اقول ويش فيكم على اخوي تشوهون صورته قدام البنت امل : ههههههه هذا اذا ماكانت تعرفه اكثر منا ندى تكلم اريج : ماعليكم منهم هذول كثيرات هرج والا إياد مافي منه طيب وحنون ويحب الكل بس مايحب يبين مشاعره لاحد مرام : وانشهد فديته وفديت قلبه مايرفض لي طلب عكس اخوي اللى من ابوي وامي داليا : ايه والله رغم انه دائما ساكت ومانفهمه الى انه طيب وحنون اريج ابتسمت : الله يخليه لكم الكل : آمين اريج طالعت الساعه وشهقت : ياربي الساعه صارت احدعشر ونص تاخرت وقفت دالين : اجلس بدري اريج : ﻻ وربي تاخرت انا كنت ناويه اجلس الين عشرة واروح بس مع سوالفكم ماانتبهت للوقت بليز جيبوا لي عبايتي مرام : ياستي هدي حسستيني انه لسعك عقرب طيب بروح اجيب لك العبايه رجعت بعد دقائق وهي لابس العبايه وبيدها عباية اريج طالعوا فيها البنات بستغراب داليا : وين رايحه مرام : بروح معاها انا ومراد وارجع الوقت صار متاخر واكيد بتخاف لحالها امل : وانا اقول غريبه سمعت الكلام بسرعه وراحت تجيب العبايه بهدوء مرام : ههههههه اريج وهي تلبس العبايه : ﻻ ماله داعي تتعبين نفسك مرام : لاتعب ولا شي اصلا انا ابغى اتسلى واسولف معك الين نوصل اريج خلصت تلبس وسلمت عليهم وخرجت مع مرام اريج اول ماخرجوا من القصر كانت الاضواء الخافته تزين الحوش باكمله والجو مره رايق : اقول مرام مرام : وشوو اريج : مين يسكن بكل هذه الفلل مرام وقفت وقالت : مافي احد يسكن فيها اريج بستغرام : طيب ليه بنيتوها مرام : هذه فلل الشباب كل واحد بناء له فله على ذوقه عشان لما يتزوج يسكن فيها شوفي اللى هناك هذاك قصرنا والفله اللى جمبه فله اخوي عماد وهذاك قصر عمي ابو مازن والفله اللى جمبه فله مازن اما هذا القصر اللى كنا فيه هو قصر جدي الله يرحمه كان الكل ساكن فيه بس بعد ماتزوجوا ابوي وعمي ابو مازن قرروا يبنوا لهم كل واحد قصره الخاص وبقي عمي ابو نايف لان جدتي طلبت منه يعيش معاها هو وعامر ودالين فهو ولدها الكبير وتبغاه يكون قريب منها المهم سكن معاها وعمتي ام إياد لما توفي زوجها جائت سكنت معاهم اريج : يعني إياد ابوه متوفي مرام : ايه توفى ابوه وعمتي حامل بندى المهم خليني اكمل لما كبرت ندى وصارت تتغطى عن نايف ونواف قرر إياد يبني لهم فله فبنى هذه الفله شوفيها هذيك اللى على يمين القصر بس ماخرجوا لانه نواف تزوج ندى فماصار له داعي يخرج المهم وهذيك اللى جمبها فله نايف واللى بجهت اليسار فله عامر واللى جمبها فله نواف بس ماسكن فيها إلا اول زواجه ورجع سكن معاهم بالقصر يقول ممل هناك وهذيك الاخيره فله عمي بدر الله يرحمه والان يعيش فيها ولده مؤيد توفوا ابوه وامه وهو لسى بالمتوسط طلبت منه جدتي يجي يعيش معاها بالقصر بس رفض وعاش بفله ابوه جدتي ماهان عليها تتركه لوحده قالت له بتعيش معاه بس كمان رفض وعاش لوحده بالفله والحين هو مملك على لجين مراد من وراهم : ويش رايك بعد تدخلي تفرجيها على فله فله وتعرفيها على كل الشباب.....هيا الليل انا ناخع بالسيارة صار لي ساعه وانتو جالسات ولا على بالكم مرام : وجع مراد على الاقل احترم البنت اريج ضحكت : هههههههه اقول امشي امشي احنا الغلطانات وكمان نتفلسف مرام : هالمراد مايعرف يضب لسانه مراد : على أساس انتي اللى تمسكي لسانك مرام جريت وراه اريج ضحكت : ههههههه ياحليلهم... ***************** القصر الكبير جالسات مع الحريم بعد مامشت اريج ندى : ماشاءالله عليها تهبببل هالبنت امل : ايه والله تدخل القلب طيووبه مرره الجده : مو قلت لكم تدخل القلب سديم : شفتوا لبسها ووواااو مره انيق وطالع على جسمها خياااال دالين : ولا كمان كل هالجمال ومو مسوي اي شي على وجهها حتى روج ماسوت داليا : اصلا ليش تسوي روج شفايفها ورديه من دون شي مو مثلنا سديم : والا عيونها عذاااب وربي عذاب اللى بيتزوجها بينجن عليها دالين : وريحتها بارده حلوووه مدري ايش مسويه بس انا متاكده مو عطر كانه..كانه ريحت جسمها كذه مدري كيف اوصف انتو اكيد شميتوا ريحتها لما سلمتوا عليها ندى : ايه لما قربت وسلمت عليها كانت ريحتها حلووه وهادئه سديم : ايوه كمان لما تبعدي عنها ماتشمي شي يعني كذه حلو عشان اذا خرجتي اي مكان مافي احد بيشم ريحتك عطر إلا طبعا اذا جاء حضنك ههههه امل : ايش تتوقعون يكون هذا العطر ابغى اشتري زيه دالين : ﻻ ﻻ مااظن انه عطر يمكن كريم او شي ثاني مدري وشهو ندى : انا بسالها في يوم ايش تسوي عشان اسوي زيها ام نايف كانت تسمعهم وتتمنى انها تقدر تشوفها قالت بمزح لما سمعت كلام ندى : ايه عشان تهبلين في ولدي الكل : ههههههههه مرام : الا يمه جيهان وجمان كانوا حلوين كذه مثلها اقصد جد تشبهم؟؟؟ ام عماد : عيونها مره تشبهم لونها ازرق وفيها كذه شي مميز مقدر اوصفه كيف بس نفس لون عيون جيهان وجمان بالضبط لكن احسها تشبه جيهان اكثر مرام : ليش تشبهه جيهان اكثر مو قلتوا انه جيهان وجمان اصلا نفس بعض الجده : ايه بس جمان شعرها اشقر وفيها حبة خال صغيره بخدها الايسر @اللي مايعرفوا ايش هي حبه الخال هي حبه سوداء ممكن تكون باي مكان بجسم الانسان من لما يولد وهي تكون فيه احنا نقول لها خال مدري انتوا ايش تقولوا لها @ ام عماد : على العموم ماعلينا من الشبه يلا قوموا نروح البيت وراكم جامعه بكره مرام : يمه لسى بدري ام عماد : قومي امشي بس..اقعد بالصباح ساعه على مااصحيكي ام مازن تكلم بناتها : يلا انتوا كمان تحركوا امل : انا وداليا بنقعد ماورنا شي صحيح داليا ام مازن : حتى لو ماعندكم شي يلا قوموا مايكفي ليل ونهار وانتوا هنا مابقى الا تناموا ولا كانه عندكم بيت امل قامت : عادي بيت جدتي ماحنا عند احد غريب......يلا مع السلامه قاموا البنات داليا : باي مرام : مع السلامه لجين : تصبحوا على خير الجده : وانتوا من اهله..في امان الله...الله يوفقكن يابناتي ***************** الساعه الثامنه صباحا ً في التاكسي اريج تشوف ساعتها : ياربي تاخرت ياويلي اكملت بالايطاليه وهي تكلم صاحب التاكسي : لو سمحت اسرع صاحب التاكسي : سيدتي الا ترين إن الشارع مزدحم لا استطيع ان أسرع أريج : اوووفف ياربي ويش ذي الزحمه اليوم تاخرت كثير انا لو تاخرت خمس دقائق يمسح فيني الارض اجل اليوم ويش بيسوي ولا كمان الملف معي وقال يبغاه بدري عشان الاجتماع اااه رحتي فيها يااريج اريج تكلم صاحب التاكسي : مالامر لما كل هذه الزحمه صاحب التاكسي : يبدو إنه حادث اريج : على كذه مابوصل الا الظهر ماباقي الا شوي على الشركه بنزل امشي مشي احسن نزلت ودفعت لصاحب التاكسي وراحت كانت مشيتها شبه جري تبغى توصل بسرعه وأخيراً وصلت الشركه ونفسها منقطع طلعت على مكتبه على طول دقت الباب ودخلت وبداخلها خوف وتدعي انه يكون رايق إياد اول ماشافها قال بغضب : تدري كم الساعه الحين أريج بخوف ورتباك : اسفه طال عمرك انا..اقصد انه الشارع كان مزدحم وماقدرت اوصل بالوقت إياد بغضب : كل يوم تطلعي لي بعذر زين انهم وافقوا ياجلوا الاجتماع والا كنت بخسر ملايين بسببك أريج انقهرت يعني ويش تسوي مو بيدها قالت : طيب ويش تبغاني اسوي اطير مثلاً قلت لك الطريق زحمه بسبب حادث صار انا ويش بيدي اسوي احتدت ملامحه لدرجه خوفتها قرب منها وهي رجعت للخلف الين اصطدمت بالجدار وهو قرب منها وضرب بيده على الجدار وقال : وكمان لك عين تردين تدري كنت ممكن اسامحك بس بعد وقاحتك هذه عقاب لك راح تشتغلين اليوم ثلاث ساعات زياده اغمضت عيونها بخوف وارتباك من قربه اول ماسمعت كلامه جمعت قوتها ورفعت راسها ونظرت له بنظرات تحدي وغضب شافت نظراته انقلب 180درجه تحولت نظراته من الغضب الى الصدمه الاستغراب الارتباك الحزن ماتدري اي وحده من هذول ظل يطالع فيها.... اريج ارتبكت من نظراته : ممكن تبعد شافت كانه كلمتها صحته من حلم ابتعد عنها وشتت نظراته واعطاها ظهره وقال : مره ثانيه ماابغى اشوفك لابسه هذه العدسات انتي جايه لشغل مو رايحه فرح أريج بتمتمه : هذا الناقص يجي يتحكم ايش البس وايش ماالبس لف عليها وقال بحده : ويش قلتي أريج بقهر : قلت هذه عيوني الطبيعيه مو عدسات تركت الملف على المكتب وخرجت (يعني وين كانت عيونه كل يوم يشوفني وماانتبه على لون عيوني الله يصبرني عليه ) سمعت صوت يناديها : اريج لفت شافت سوسن واقفه مع مجموعه بنات وتاشر لها راحت لعندهم وابتسمت : هلا سوسن كيفك سوسن : امنيحه...'، واكلمت باللغه الانجليزيه لانه كان في بنات أجانب : بنات هذه الانسه اريج سايا ايطاليه : مرحبا انا سايا اريج : اهلا نارين اردنيه قالت بغرور : هاي انا نارين سناي ايطاليه : هاي انا سناي راما سوريه : مرحبا انا راما اريج : سعدت بلقائكن سناي : ونحن ايضا....اريج نود ان نعرف كيف استطعتي الحصول على هذه الوضيه راما : اجل اجل...اخبرينا كيف هو السيد إياد معك...يالكي من محظوظه انتي طوال الوقت وانتي امامه سايا : اجل نحن نتمنى ان نحصل على ترقيه حتى نكون قريبات من المدير... اخبرينا كيف نستطيع التقرب اليه نارين : اجل لابد وان لديكي طريقه والا كيف استطعتي ان تحصلي على مكانت مدير اعماله اريج ( ياحبيبي اكلوني باسئلتهم ) ستيف ايطالي : انسه اريج اريج ماصدقت انه احد يناديها على طول راحت : باي اركم فيمها بعد راحت لعنده تنهدت : ااه شكرا لك ستيف لقد انقذتني.....بالمناسبه ما الذي كنت تريده ستيف رجل في الاربعينيات محترم وطيب ابتسم : تفضلي هذه الاوراق من السيد إياد يريدك ان تنهيها خلال ساعه اريج اخذتها : حسنا شكرا لك ومشت (ويقولون محظوظه الا قولوا منحوسه ) ****************** في الجامعه في الكفتيريا سديم : مرام مرام وهي تاكل : هممم سديم : ماتلاحضين إنه اللى كان يلاحقنا من بعد ماجائو البدي قارد ماعاد شفناه يلاحقنا مرام : تلاقيه خاف سديم : يمكن بس كذه احسن والله كنت احس بخوف اول مااشوفه مرام : ﻻتهتمين لمثل هذه الأشياء التافهه في كثير من اشكاله سديم : على قولتك...الا ماقلتي لي تتواصلي مع اريج من بعد ماجائت عندنا ماكلمتها مرام : ايه دوبي كلمتها امس تسلم عليك سديم : الله يسلمها إلا ويش رأيك نروح لها اليوم مرام : ﻻ ماابغى ازعجبها البنت مسكينه تشتغل من الصباح الين المغرب ترجع البيت وهي تعبانه تبغى ترتاح وحنى نجي لها سديم تنهدت : معك حق ****************** بيت ابو رافي بالمجلس نواف بغمزه : الا يا رافي منت ناوي تتزوج عندي لك وحده رافي ضحك لانه فهم مين يقصد : ﻻ واللى يرحمك والديك لاتقول هذيك حق المطعم نواف ضحك : ههههههه قلت شكلها عجبتك ايش رأيك اخطبها لك رافي : مشكوووور ماابغاها اخطبها لعمك عامر : احلف انا ماوافقت على ازين البنات عشان اجي اوافق على هذه استغفر الله هاني : طيب فهموني مين هذه رافي : هههههههه ماعليك منه هذا فاضي نواف : انا اقول لك مره رحنا مطعم والمضيفه مانزلت عينها عن رافي ههههههه شكلها عجبها اخوك ويش رأيك نروح نخطبها له هاني بمزح : اوكيه بس انت دلني عليها وانا اروح لها عامر ناظره بطرف عينه : اذا تبغاني اقول لدالين روح هاني : هههههههه لاﻻ واللى يرحم والديك اتركها بحالها اخاف تروح تولد قبل موعدها من الصدمه الكل : ههههههههه ****************** الشرقيه بيت ابو تركي دخل تركي وبيده كيس اول ماشافوا اللى فيه صرخوا : باسكن روبنز طالعوا في بعض شهد : اشتراه لي مو لك تالين : ﻻ والله مين قالك انسه شهد هذا لي انتي صغيره مايصير تاكلي اي سكريم بتمرضين شهد : ومن متى تهتمين اذا مرضت والا ﻻ تالين تسايرها : ياشهد ياحبيبتي انتي ماتعرفين مصلحتك اذا اكلتي اي سكريم بتمرضين وحلقك بيلتهب وماراح تقدري تاكلي شي شهد : مال... قاطعهم تركي : بس بس انتي وياها خذوا اشتريت لكم كلكم فرحوا واخذوه منه تالين : شكراً يااحلى اخ بالدنيا الله لايحرمنا منك شهد : أحبك تركي : وقت المصالح ضحكت تالين وجلست تاكل دخلت حنان تركي : حنو تعالي خذي الاي سكريم حقك حنان : ﻻ انا مايعجبني باسكن تركي ببتسامه : عشان كذه اخذت لك نوع ثاني حنان اخذت وابتسمت : مشكور ******************** ايطاليا / ميلانو بيت ابو رافي جناح هاني ودالين دخل شافها جالسه على الكرسي قدام المرايه تسرح شعرها وواضح انها اخذت شاور انحنى وحضنها من وراء رفعت عيونها في المراية والتقت عيونهم هاني ببتسامه : من متى صاحيه دالين بادلته الابتسامه : من ساعه.. اسفه حبيبي تركت ونمت بس والله تعبانه من الحمل هاني : عادي ياقلبي اهم شي راحتك بس انا اسال لانه عامر ونواف كانوا يبغوا يسلموا عليك وقلت لهم انك لسى نايمه ماكنت ادري انك صحيتي دالين بستغراب : نواف وعامر جائوا متى هاني : جائوا بعد العصر والحين راحوا دالين وقفت بعد ماخلصت ولفت عليه : كان صحيتني هاني بحب : ماحبيت ازعج ملكتي واميري الصغير دالين ابتسمت بحب اشتاقت له ولكلامه الحلو ولابتسامته اللى تنسيها تعب الدنيا صار له يومين من رجع من السفر بس تحس نفسها ماشبعت من شوفته ومن كلامه ومن نظراته اللى تعيشها بعالم ثاني قالت بحب وعشق صادق : غبت عني اسبوعين مرت علي كانها قرنين...اشتقت لك ياقلبي هاني حضنها على الخفيف عشان مايعورها لانها صارت بالشهر الثامن : انا اللى كنت بموت من الشوق لك كان الود ودي اترك كل الشغل واجيك..... **************** في الشركه مكتب اريج قاعده تتحلطم : اووووووه بتاخر على البيت يبغاني اشتغل ثلاث ساعات اضافيه'، اريج اتفقت معاه من قبل انه دوامها يكون لساعه ست لانها ماتبغى تتاخر واصلا تخاف تخرج بالليل'، اريج : اوووفف منه الحين الساعه سبع يعني باقي ساعتين ياربي انا ماني متعوده اخرج بالليل كيف راح ارجع لحالي اخخخ ودي اضربه ودي .ودي اقتله يانااااس.. انا اكرهك ي إياد اكرهك '، تنهدت : استغفر الله شكلي جنيت قاعده اكلم نفسي وقفت وراحت دقت مكتبه ودخلت شافته مشغول باللاب توب تركت الاواق على مكتبه وقالت : هذه اوراق الصفقه مع السيد ليوناردو اخذ الاوراق وقال من دون حتى مايطالع فيها : تقدري تروحي ظلت واقفه رفع راسه وقال : في شي أريج بقهر : على الساعه تسع بروح البيت فإذا تبغى شي قوله الحين لاني ماابغى كل شويه والثانيه انط لك في المكتب قالت هذه الكلام وكانها تقول له لاني ماابغى اشوف وجهك كل شوي والثانيه رفع واحد من حواجبه وبانت شبح ابتسامه على شفايفه : ﻻ ماابغى شي...فيكي تروحي رمته بنظر قهر وكرهه وخرجت رجعت مكتبها جلست تسوي كم شغله الين جائت الساعه تسع وقفت واخذت شنطتها وخرجت انصدمت وهي تشوف الجو عاصف ومطر طالعت في الشارع المليئ بالناس اللى يتجاروا وكانه في مصيبه حاولت تلاقي تاكسي بس وين تلاقي في هذا الجو ضمت نفسها من البرد القارص وتشجعت ومشت مشي ******************* وفي مكان ليس بعيدا كانت جوليا تمشي بين المطر توقفت جمب محل مسكر سندت نفسها على جدار ورفعت راسها تطالع السماء الممطره (اشتقت إليك ياامي اين اذهب الان انا تركت المنزل من بعد وفاتك لاني لااستطيع العيش فيه من دونك اصبحت انسانه سيئه من بعدك اصبحت اسرق لكي اعيش وانام ببيت مهجور بجانب القطط المشرده واصحبت اكرهه جميع الناس لانهم جميعهم انانيون لايفكرون سوا بانفسهم فهم لم يساعدوني لكي انقذك كم اتمنى ان الموت لكي ارتاح من هذه الدنيا.....اااااااه ياإلهي ماذا افعل كيف سانام في هذا الجو الماطر بالتاكيد المنزل اصبح الان ممتلى بالماء) شافت الشارع صار فاضي من الناس مشت وراحت للمكان اللي تجلس فيه كل يوم بيت مهجور ونصفه مهدوم ومعزول عن كل الناس مافي اي احد قريب وصلت ووقفت لما شافت ثلاثه رجال واقفين وواحد منهم بيده مسدس حولت نظرها على الارض وكان في رجل مقتول على الارض ودمائه اخطلطت مع ماء المطر كانت تحول نظراتها من الرجل المقتول الى الرجال الثلاثه وهي مصدومه من المنظر وخائفه جائت بتهرب بس داست على شي طلع صوت التفتوا الرجال وهي هربت جري الرجل الذي كان بيده المسدس صرخ : إتبعوها بسرعه لقد شاهدت كل شي.... . *** ** *