رغم البعد أومن أن القاك - ❴🔢❵☟الــبــــ❴ ألأخير ❵ــــــارت☟ - مكتملة | روايتك

عيوني دمعت_متعملش نفسك مش فاهم، فين تميم الي كان بيتكلم معايا كل يوم ولا الي كان بيطمن عليا كل دقيقة راحة فين وجاية منين ها فين؟ طب فين أرائنا وأفكارنا الي كنا بنشاركها فين الحلم والطموح..فين المعافرة لقيت بقيت كدا ليه رد عليا ؟ بصلي ووشه جامد _مش عارف _هو أحنا مش مناسبين لبعض؟ سكت ..سكت!! ليه سكت؟ ليه مردش وقال أحنا مخلوقين لبعض ليه بارد كدا !! كنت محتاجة كلمه مجرد كلمة وهنسي كل حاجة والله هنسي دموعي نزلت _فيه..فيه واحدة تانية؟ نفي بسرعة_لا والله والله ابدا ي رحمة أنا محبتش غيرك صرخت_أومال ليه؟ ليه عيوبنا لما ظهرت مقدرناش نستحمل بعض ليه طريق النهاية إتحدد بدري كدا ليه؟ _طريق النهاية!!! حطيت شنطة كبيرة قدامه وقلعت دبلتي _أحنا حبنا كان ضعيف أوي مع أول تيار إتهدم ومبقاش ليه وجود _بس أنا بحبك _مش عايزة الحب دا..دا وهم وهم خرجت بسرعة وانا حاسة إني بقيت حرة من غير قيود بس قلبي موجوع..غصب عنه حبه..علشان غبي غبي سنتين عدوا بحاول أنسي واشوف حياتي هو مبقاش موجود هو سافر سافر وإنتهي معاه كل لحظة حلوة..أنا مش كارهاه أساساً معرفش اكرهه كدبت عليه لما قولت أنه حبه كان ضعيف بالعكس حبه كان قوي إتملك مني..إتزرع جوايا كنت فاكرة الايام قادرة تنسي كل دا..لكن الايام بتنزع ورود..ورود الصبر أو الأما أنه هيرجع..هيقولي أنه معرفش يعيش من غيري أنا ندمان أنه حب عيوبي..زي مانا كرهت غيابه _رحمة هتسافري المؤتمر دا؟ _أكيد ي سلمي _بس ممكن يكون..يكون إبتسمت_قصدك تميم عادي ي سلمي أنا نسيته _بجد! _طبعا حتي لو إتقابلنا أحنا مجرد زمايل مش أكتر كدابة أنا بتمني أشوفه ولو من بعيد..رغم البعد..رغم الجفا رغم الخذلان رغم البعد..أؤمن أنا ألقاك ركبت الطيارة وقعدت جنب الشباك بفرحة حاجات جوايا متغيرتش..حاجات بالنسبالي وطن إنتماء الزمن مقدرش عليها ولا التيار جرح فيها فضلت قاعدة سرحانة شوية.. _أحم..لوسمحتِ إتخضيت وبرقت جامد وقلبي دق بعنف..وهم وهم لفيت لقيته قاعد جنبي مبتسم..نفسي الإبتسامة الي محفورة جوايا نفس نظرة عيوني نفس كل حاجة _تميم!! _ممكن نبدل الكراسي؟ إبتسمت بخفوت _ليه؟ _علشان تيجي تقعدي مكاني وعيونك تدمع فصالحك واجيلك بوكية الشكولاتة واعصر علي نفسي فدان لمون واقولك إني ..إني..أنا بعتذر _ولو رميت البوكية في وشك _هضطر إبتسم إبتسامة سمجة واستني لما الطيارة تنزل وننزل السفارة ونكتب الكتاب هناك _نعم!!! ضحك جامد وعيونه دمعت وقام وقف والناس بتتفرج _ي جماعة إسمعوا أنا عاوز أقول لخطبتي حاجة مهمه _كنت خطيبتك إتجاهل وكمل_كان في يوم جات وعيطت قدامي وسابت دبلتها ومشيت وساعتها حسيت إن روحي مشيت معاها كنت بارد جامد مشاعري إتجمدت ومهتمتش وقولت عادي يومين وتتصل بيا وتعقل وتقولي أسفة كنت غلطان اليومين بقوا سنتين..سنتين بيجلدوا فيا قلبي كل يوم يعاتبني مجروح مني..إزاي سبتها إزاي أهملت فيها..انا حتي مهتمتش اجري وراها واقولها هتغير وهنحاول..حتي التجربة معملتهاش بصلي ودمع_سافرت علشان أهرب منها..بس طيفها حاوطني في كل مكان.. لما كنت اصحي من النوم الاقيكي سايبه مسچ صباح الخير..كنت بقول لنفسي ايه اللي فيها يعني ده صباح الخير يعني لما كنتي بتبعتيلي مسچ و تقولي ليا خد بالك من نفسك او البس تقيل،،كنت بقول ايه اللي هيحصلي يعني هموت مثلاً!! ولما كنتي بتقولي ليا انك بتكلمي صاحبتك علشان عندها مشاكل مع حبيبها،،كنت بقول و انا مالي انا بالمشاكل دي و مالي اصلاً بصاحبتك دلوقتي بعد سنتين و انتي بعيده،، بدور كل يوم في الرسايل علشان اشوف تفاصيل يومك.. وي تري صحيتي امتي النهارده،، صاحبتك و حبيبها اتصالحوا ولا لسه متشاكلين!! الجو اوقات بيكون برد علي فكره زي مقلتيلي!! تفاصيلك اللي كنت بتريق عليها و بضحك عليها زمان.. هي اللي بتتريق و بتضحك علي منظري دلوقتي أنا أسف حقيقي أسف..ممكن ترجعيلي ؟ بصتله ودموعي نزلت لقيت ماما وسلمي واصحابي علي نفس الطيارة وبيرددوا"إرجعيوا دا بيحبك" ضحكت وهو قعد جنبي_ها نقول مبروك؟ _مش بتتقال كدا _اومال إزاي؟ _بنقول بارك لهما وبارك عليهما وجمع بينهما في خير..💛 ورغم البعد..أؤمن أن ألقاك?