رغم البعد أومن أن القاك - ❴🔢❵☟الــبــــــ❴ 1️⃣ ❵ـــــــارت☟ - مكتملة | روايتك

- لقد مل الصبر بلهفتي..فبربك متي اللقاء؟ 💙 ركبت الطيارة فرحانة إن المؤتمر خلص أخيرا بقالي أسبوع غايبة عن أمي وحشتني أوي أوي منكرش إن إستفدت كتير جدا وبرضو خرجت كفاية أني حطيت رجلي علي أول الطريق وإتعدمت علي نفسي.. قعدت علي الكرسي الي برا وكان فيه شاب قاعد جنبي من جوا كان نفسي اقعد مكانه أوي بحب دائما اقعد جنب الشبابيك خصوصاً في الشتا وهي الشتا أيه غير صوت فيروز وشوية مطر ! طب أقوله ولا لأ ؟ _أحم..لو سمحت كان مغمض عيونه فتحها ببطئ وبصلي _حضرتك بتكلميني؟ اومال بكلم خيالك يعني أيه الإستفزاز دا _اه _نعم _ممكن..يعني نبدل الكراسي إبتسم بسماجة_ليه؟ كتمت غيظي وكملت _علشان بحب أقعد لجوا _حضرتك أحنا مش في ملاهي هنا هو أيه الي بحب أقعد لجوا دا أيه شغل الأطفال دا ! _بس.. _دقيقة نادا علي المضيفة وجات بسرعة _ممكن تغيري كرسي الإنسة لأي واحد تاني يكون جنب شباك؟ _نعم!! ردت بأسف_سوري يافندم مينفعش _أوكية بصتله بغيظ لقيته بصلي ببرود ورجع دماغة لورا ورجع لوضعيته الأولي.. _علي الأقل حاولت.. فضلت قاعدة بنفخ ومضايقة جدا وغصب عني..دمعت! ممكن يكون موقف تافهه جدا بس أنا بتأثر بسرعة او يمكن متعودتش إن حد يكلمني بأسلوب دا أبداً الصدفة هي اللقاء واللقاء يتطلب قهوة والقهوة مجرد حُجه _حمدلله علي السلامة ي رحمة وحشتيني أوي حضنتها بلهفه_والله ي سلمي وانتي كمان عاملة أيه وأمي واخبارها أيه؟ _أمك بخير الحمدلله ي حبيبتي يلا ..أيه دا معقول!!! _في أيه؟ لقيتها بتجري لفيت لقيتها بتسلم علي شخص..هو! جات عليا ومعاها الكائن اللزج دا _رحمة أعرفك دكتور تميم _تميم!!! رفع حاجب واحد ببرود_أيه في حاجة ي أنسة؟ حاولت أداري إستغرابي بالأسم_أحم..لا أبدا _تميم دي دكتورة رحمة صاحبتي من زمان وبنشتغل في مستشفي واحدة مد أيده يسلم_أهلا بيكي _اهلا وسهلا.. هلم إلي حتي تُكسر أحد أضلعي فينغرس بقبلي فأقع صريعة لعيناك💛 نزلت بالليل كان نفسي في شكولاتة جداً ممكن أبان طفلة شوية هو شويتين صراحة بس بحب أعمل الحاجة إلي نفسي أعملها من غير قيود من غير تفكير في بكرا اليوم لازم يتعاش كأنه أخر يوم وبكرا ؟ هو احنا ضامنينه! جبت وجيت ارجع علي البيت طقت في دماغي أني أقف علي الكورنيش دلوقتي سرحت في شكل الماية والهوا اللطيف إفتكرت موقف الطيارة إبتسمت علي إسمه الغريب بحب الأسامي النادرة جدا تميم يعني التمام والكمال..بس للأسف الحلو ميكملش _واقفة لوحدك ليه ي قمر؟ إتفزعت وإترجيت من جوا فضلت أدعي أنه يكون وهم حد قرب ولسه هيمسك دراعي لقيت نفسي بجري فضلت أجري وأجري وهو ورايا بيصرخ علشان أقف دموعي مغرقة وشي.. كل الأفكار السودة كانت عبارة عن خيوط إتجمعت علي شكل غطا أسود غما عنيا بقسوة وقعت علي الأرض وحسيت برجلي بتنزف وسمعت صوت ضحكته من بعيد وفجأه.. كل حاجة وقفت اه خيالي الي صورلي كدا عربية سودا وقفت بسرعة وشاب نزل جري بيهجم علي الحيوان التاني وأنا متنحة..اصوات زعيق وشتيمة حطيت إيديا علي وداني وغمضت عيوني جامد وانا رافضة ..ي رب يكون حلم ..هو هو حلم _خلاص مشي أهدي مفيش حاجة فتحت عيوني لقيته قاعد جنبي علي الرصيف ومادد أيده بمنديل.. _تميم!! ضحك بخفوت_الصدف شادة حيلها معانا شوية ملامحه إتغيرت وشفت نظرة قلق في عيونة _إنتي كويسة؟ رديت بتعب_الحمدلله _طب تعالي أوصلك _شكرا بيتي علي أول الشارع وقفت بالعافية وداريت ألم رجلي بصعوبة رغم اي حاجة في الدنيا..بكره الشفقة ليها طعم مرة مبحبش ادوقة ولا أدوقه لحد _ممكن سؤال؟ _إتفضل _أيه نزلك من بيتك في وقت زي دا ؟ ملامحي إتغيرت وطلعت الشكولاته من الشنطة بفرحة _كان نفسي فيها اوي فنزلت أجبها تاخد؟ _نزلتي علشان شكولاتة!!!! إستغربت نبرة الهجوم دي _اه _أحية _نعم؟ بصلي بغضب _إنتي مجنونة ولا هبلة ولا جنسك ايه بالظبط عاوز أفهم من ساعة ماشوفتك اول مرة وانا بقول أكيد دي بتصتنع..لكن للاسف فعلا هبلة _إحترم نفسك _بلا إحترام بلا زفت علي دماغك نازلة الساعة ١١ من بيتك وواقفة علي الكورنيش بالليل وعايزة الناس تفكر إزاي ها؟ واحد شاف واحد واقفة علي الكورنيش في الوقت دا هيفكر في أيه غير في تفكير زبالة زيه لا ومش بس كدا لا الهانم المحترمة المتربية ولما حد يعرض عليها أنه يوصلها بدل ما تزعقله لا ترد برقة وتقولة علي مكان بيتها لا وو...بتعيطي!!!! صوت شهقتاتي علّي بقوة ومش عارفة أكتم اكتر من كدا فضلت اعيط جامد وهو بيحاول يهديني _من فضلك كفاية كدا انا مقصدش مسحت دموعي وبصتله ومش عارفة أنا عملت كدا إزاي بس أنا ضربته بالقلم..فعلا فعلا عملت كدا صوت تنفسه علّي جامد وعيونة أحمرت بغضب سبته بسرعة وجريت علي البيت الصدف تأتيني بك قليلاً لتبعثر الباقي من روحي كثيرا🖤 _مال رجلك ي رحمة ماشية بالعافية ليه؟ _مفيش حاجة ي سلمي وجعاني شوية بس _طب إقعدي _ورايا شيفت هخلصه واروح دخلت سلمت علي مريض راجل عجوز _ازيك ي عم احمد إبتسم _ازيك ي رحمة ي بنتي عاملة أيه؟ _بخير ي راجل ي عجوز ضحك_أنا عجوز دانا لسه في ريعان شبابي ضحكت جامد_ريعاااان!! جبتها منين الكلمة دي ولما أنت شباب قاعد في المستشفي ليه ؟ مش الدكتور كتب ليك علي خروج ضحك_أصل صوابعي وجعاني قولت اقعد معاكم شوية _عم أحمد إتنهد بحسرة_هطلع لمين ي رحمة؟ _لبيتك.. لاهلك.. لولادك _كل واحد في ملكوته ي بنتي إبتسمت بوجع علي حاله _دي سنة الحياة متزعلش ي سيدي انا هاجي ازورك واعلق بناتك دول في مرواح شققهم ضحكنا وفضلت اهزر معاه شوية _طب ماانتي بتضحكي اهو اومال العياط والإقلام ليا بس! لفيت بسرعة بصدمة..بيهبب دا أيه هنا؟ _تعالي ي تميم ي بني دي رحمة الي قولتك عليها _العروسة؟ _أحيه! نطقتها بعفوية يمكن علشان عجبتني لما قالها إمبارح او يمكن من إحراجي من عم أحمد مش عارفة ي ربي نفس الموقف مع أي واحد يلمحه معرفة أيه دي بس؟ _طب..طب انا ماشية _بس ي ستي هو قالي أنه كان راجع يستقر في مصر وعرفت أن صاحب المستشفي يبقي صديق قديم لوالده وهو الي عينه هنا وبصراحة تميم دكتور أعصاب شاطر جدا.. انا أعرفه من ايام الكلية ..بس بتسألي ليه؟ _ولا حاجة مجرد فضول. بعد يومين دخلت مكتبي لفت نظري بوكية..بوكية..شكولاتة!! جريت بفرحة ومسكت البوكية..دا أية الجمال دا علي الصبح بس شوفت ورقة لونها أصفر (والله والله ماليكي عليا حلفان إني عصرت علي نفسي فدان لمون علشان اقول إني..إني..أنا بعتذر يعني تميم) ضحكت بصوت عالي وانا بقرأ الرسالة مرة ورا مرة _متوطي صوتك دا شوية ايه المرقعة دي؟ بصتله ومتفاجئتش كنت متوقعة أنه هييجي علشان يشوف رد فعلي رديت ببرود_مرقعة!! _اه _يابجاحتك والله _نعم؟ مردتش عليه ومسكت بوكية الشكولاتة ورميته في وشه _لما تحب تعتذر إعتذر بأدب و لا متعرفوش ؟ إستغربت أنه مغضبش زي كل مرة بالعكس إبتسم جامد ٱتجاهلت كل دا وكملت يومي والغريبة أنه محاولش يضايقني دا إختفي تماما..غريبة!! _رحمة تعالي ساعديني _ي نهار ملون لا لا لايمكن..سجاد!!!! _إخلصي السجاد كله مترب هاتي الفرشة وتعالي جبتها بحسرة..ي ربي دا يوم الإجازة أيه الظلم دا جرس الباب رن ..طبعا إتخنقت اكتر هو انا فاضيه بقي لبست الإسدال بسرعة والبيت كله ماية وصابون وماشية بالشبشب بيطرقع علي الأرض _ايوا ي سمي...تميم !! _أيه المنظر دا؟ بصيت عليه بذهول لقيته لابس كاجول وماسك نفس البوكية المنيل وواقف هو كمان مذهول _أنت جاي ليه؟ _هي دي إتفضل بتاعتك ؟ إبتسمت بإحراج_اص.. _مين ي رحمة؟ مدنتيش حتي فرصة ارد وراحت شدا تميم من دراعه _بسرعة تعالي إغسل معانا _ي ماما دا مش رامي ي ماااااما رامي دا جارنا في أولي إعدادي هو طويل جدا ماما ماخدتش بالها ولا حتي بصتله..هي مركزة علي هدف واحد بس _ي ماما إستني زقيته علي سجادة لسه متغسلتش وحطت الفرشة _يلا ي رامي بسرعة معانا مش فاضيين ي الله ي الله اعمل ايه في الموقف المنيل دا بس فضل يضحك ومسك الفرشة ام يد ووقف وشمر رجل البنطلون شوية واكمام القميص مسكت الفرشة منه بسرعة_انت بتعمل ايه؟ لا يمكن طبعا _ي ستي هاتي بس كان زماني غسلتها _ي ماااااااما تعالي بسرعة _خير ي بنتي؟ حمدت ربنا أنها مش بتقلع الترحة والعباية طول النهار _ي ماما دا مش رامي دا تميم ضيف ي ماما ضيييييف _ي ندامة!! ضحك_مش ندامة قوي يعني أحنا هنبقي نسايب خلاص _يبقي أغسل السجادة بقي ضحكوا وانا إتخضيت ودخلت اوضتي بسرعة ماما دخلت وقالت أنه قالها أنه جاي يتعرف عليها ويطلب إيدي وكدا ولو موافقة هيجيب أهله _هصلي إستخارة _ماشي ي حبيبتي _ماما _ايوا بصتلها بغيط _يعني مش عارفة تفرقي بين رامي العيل الي في اعدادي وبين راجل في العشرينات ؟ ضحكت_ مكنتش واخدة بالي بقي _الصبر ي رب كل حاجة تمت بأسرع مما أتخيل _ها ي رحمة موافقة؟ إتكسفت وحاولت أداري بمرح _‏و عهد الله ما عايزة أتجوز واسيبكوا عشان الدفء الأسري اللى بينا ده قالوا كلهم بصوت واحد_يعني مش موافقة؟ ضحكت _ي ندامة هو أنا قولت كدا ؟ إتخطبنا بسرعة..وانا قلقانة السرعة دي مش حباها قالي أنه حبني وانا كمان لقيت نفسه حبيته فقولتله مكنتش حساها أوي..وبقالنا اهو تلت شهور بس حاسة أنه متغير معايا أو مش تغير..دي الحقيقة مرحلة الإعجاب والإنبهار عدت خلاص المميزات كلها طلعت في الأول والعيوب بدأت تظهر ..بقي مش بيسمعني زي الأول بقي عادي روتيني معايا..بيتخانق كتير جدا وعلي مشاكل تافهه..حتي وجهه نظري بقي مش مهتم بيها كان الأول بيجبلي هدايا كتير وبيخرجني كان بيقعد يحكي معايا عن مشاكله ويسمعني بس كل دا قل أحنا بقينا في فتور ! _رحمة يلا هوصلك _يلا ركبنا العربية وكل واحد ساكت ليه مفيش مواضيع نتكلم ونضحك عليها زي الأول _تميم _ايوا ي حبيبتي؟ _عارف أنا النهاردة شوفت بنوتة زعلانة اوي علي أخوها في العمليات و... سكت فجأة لما لقيته مش مركز معايا أصلا _أنت سامعني ؟ _معلش سرحت شوية إتنهدت بتعب_طب خلاص وصلنا وقف وقف العربية ولسه هنزل _رحمة هكلمك وتحكيلي إبتسمت_ماشي هستناك روحت وفضلت قاعدة أدعي ربنا أنه فعلا يتصل مش عاوزة خُذلان تاني..نفسي يرجع زي ألاول طب أنا عملت أيه؟ أيه غلطي؟ يمكن إكتشفت إني مش الزوجة المناسبة ليه ؟ معقولة!!! لا لا هيتصل بأذن الله هيتصل الوقت عدي وهو مفتكرش وانا نمت ودموعي مغرقة وشي يا كل شئ..رجاءٍ هلم إلي بأي شئ 🖤 فضلت إسبوع في حيرة وشك طب عرف واحدة تانية؟ طب أيه حصل؟ وهو عادي ولا بيهتم ولا كأنه خاطب بني آدمه _تميم _نعم ي رحمة فيه حاجة ؟ غمضت عيوني بنفاذ صبر_انا في كافية (..) تعالي عاوزك _ضروري؟ _اه ضروري عشر دقايق وكان قاعد قدامي _ها ي رحمة ساكته يعني ؟ _تميم هو أنا قصرت معاك في حاجة؟ إستغرب_لا طبعا _طب ضايقتك حصل مني تصرف مش لطيف؟ _لأ برضوا ليه بتقولي كدا؟ _أومال أيه غيرك؟ _انا متغيرتش _يبقي كل حاجة كانت وهم في الأول ودي الحقيقة مش كدا صح ؟ _ممكن توضحي?