❴🔢❵☟الــبــــــ❴ 1️⃣ ❵ـــــــارت☟
*أنــتِ جــوهــرة نــادرة الــوجــود🫐♥️
___________________________
"لن يعترف حتى لنفسه بأنه خسرها. سيدّعي أنها من خسرته، وأنه من أراد لهما فراقًا قاطعًا كضربة سيف، فهو يفضّل على حضورها غيابًا طويلًا، وعلى المتع الصغيرة ألمًا كبيرًا، وعلى الانقطاع المتكرر قطيعة حاسمة."
.
*أحلام مستغانمي
.
.
اليوم قصتنا بتحكي عن بنت اسمها لمياء بنت محجبة من عائله دينيه عيلتها كبيره خمس شباب واربع بنات وهي بتكون البنت الخامسه.....وترتيبها بالعيله السابع
مستوى معيشه أهلها منيحه نوعا ما...
خلصت دراسه من الجامعة إقتصاد...وما إجى نصيبها كل خواتها اتزوجوا ما عداها حتى إختها اللي أصغر منها اتزوجت
مواصفات لمياء بنت هادية ناعمة..إلا إنه قراراته صارمة عندها ثقة بنفسها ما بتخلي حد يأثر عليها متوسطه الطول158..وزنها 52....بشترها برونزيه..
الاشي اللي بخليها تختلف عن خواتها طبيعة لبسها..كان فضفاض وواسع وما بتوضع مكياج
عمرها صار 23 سنة وما حدا سأل أهلها عنها
حاولت تلاقي وظيفه ما حالفها الحظ...حياتها صارت كلها بمساعده امها بشغل البيت وقراءة روايات....كانت بتحب الأدب كثير لأنه كانت رغبتها دراسه لغة عربية إلا إنو الكل عارضها وحكولها ما رح تلاقي شغل المعلمين وافقين طوابير بالدور
وهي بالمطبخ بتجلي سمعت ابوها وإمها
ابوتوفيق: شو قصه هالبنت يا إم توفيق ..كل خواتها انستروا
ام توفيق: والله ما بعرف ..معنها ماشاء الله عنها كامله مكملة ما نقصها شي
ابوتوفيق :اعتني فيها اكثر
ام توفيق:شو قصدك مافهمت عليك
ابوتوفيق:كيف بدي أحكيلك يعني ..غيريلها من لبسها شوي ..ما تجحري فيي مو قصدي نشلحها الجلباب بس خليها تلبس اشي يليق بسنها كلو اسود بأسود لساتها بعز صباها ..وكمان تشتري حجابات الوان ما بشوفها اما أبيض أو أسود
ام توفيق: والله عييت (قلتلها) كثير فيها..بس ما بتقبل ودائما بتحكيلي هاي حريتي الشخصية
.
.
لمياء صارت تطلع بحالها وتبكي وتحكي بداخلها كل هاد متغلبين فيي آخ ياربي ساعدني
.
.
دخلت لمياء غرفتها حاولت تنام ما قدرت قامت توضت وصلت وقرأت قرآن ودعت ربنا يخترلها الأفضل
.
.
فاقت الصبح مرتاحة كثير..عملت قهوة الصباح
ومتل كل عاده يوميا بتيجي رفيقتها ريم عندها بالرغم إنو في اختلافات بينهن بالمظهر وباللباس ..إلا انهم صحبه من ايام الجامعه ..لكن ريم مانها عاطلة عن العمل بتشتغل بإحدى الشركات..كانت كل يوم تيجي ريم عند رفيقتها لمياء قبل ماتروح ع الشغل ..يقعدو التنتين ويتسايروا لمياء بتخبرها شو قرأت..وريم بتخبرها عن شغلها
ريم:آخ يا لمياء ياريت ما صحلي وظيفة ومثلي مثلك ..
لمياء:في حدا بصحلوا وظيفه هالأيام ومش عاجبوا
ريم: وك شو شغل ميتي تعب قاعدة بمكتب مع 3 بنات ومكتب صغير قاعدين كأنا بعلبة كبريت
لمياء: هههه طيب استقيلي وانا بوخذ محلك
ريم:ياريت اقدر يا رفيقتي..اهلي ماصدقوا ولقيت وظيفة بحاول اقنعهم اترك بيرفضوا
لمياء:بعين الله ربنا يصبرك
ريم:تعرفي شو اللي مصبرني لحد الآن
لمياء:ههه ما تقوليلي الشب جمال
ريم:اها والله الشب جمال اسم ع مسمى ..يا الله شخصيته غير شكل ...يارب أكون من نصيبه
لمياء: بعرفك اشي
ريم: ههه معرفه زمالة بالشغل بيجي ع المكتب بيعطينا الاوامر وبروح..ما بتعرفي ادي انا بحبوا اآآخ
لمياء: ان شاء الله ياريم يا بنت عزية يحبك ويجي يخطبك يارب
ريم:ههههه يارب..بس مرة ثانية ما تحكي اسم امي
لمياء:هههههه لي
ريم: يبعتلوا حمى هالاسم شو بشع
لمياء:ولك شو بتحكي هاي امك
ريم: عزاا انا قلتلك عن امي اشي ..والله بحبها بس اسمها مو حلو....يييي وك ضايل ربع ساعه وببلش الدوام سلام سلام ادعيلي يشبك بالسناره
لمياء: هههه سلام ..موفقة يارب
.
.
مرت الأيام...
كانت قاعدة لمياء مع اهلها بسهروا
ابوتوفيق:يا لمياء عطيني جوالي
ام توفيق:خير في مين بدك تتصل؟
لمياء: تغضل بابا
ابوتوفيق:هلأ بتسمعي
.
ابوتوفيق: مرحبا أبو محمد شو اخبارك زمان عنك يازلمة
ابومحمد:اهلين بأبو توفيق الحمدلله ..والله عايشين
(بعد التحيه والسؤال عن الأحوال)
ابو توفيق:الك ولا للذيب ابو محمد
ابومحمد:خسا الذيب يازلمة
ابوتوفيق: بدي اطلب منك طلب
ابومحمد:تفضل
ابو توفيق: بعرف انو عندك شركه ..وعندي بنتي الله يخليلك اولادك خلصت قبل سنتين اقتصاد ومو ملاقية وظيفه فأنا طمعان بكرمك
ابومحمد: بصراحه انا سلمت كل امور الشركه لولادي..بس انت ولا توكل هم خلي بنتك بكره تروح ع شركه وتوخذ cv تبعها وتروح ع مكتب ابني محمد وإن شاء الله ما بتكون الا راضي يا أبو توفيق
ابوتوفيق:بتشكرك من كل قلبي
.
لمياء:بابا شو عملت
ابوتوفيق: شو عملت دبرتلك وظيفه
لمياء:بس انا ما بحب هاي الطريقه من التوظيف
ابوتوفيق: بدل ما تقومي تعمليلنا كيكه طيبه احتفال بهاد الاشي عم تعاتبيني
لمياء: انت بتعرف يابي انا ما بحب اشتغل بالواسطه بحب اللي بدو يشغلني ع شهادتي ومؤهلاتي
ام توفيق:اي يا بنتي حاج بلا لعي فاضي..هيك حال الدنيا ..واذا بدك تستني شركه توظفك ع شهادتك بدون واسطه عمرك ما بتشتغلي
.
.
بعد نقاش طويل عريض مع اهلها اقنعوها تروح ع الشركة..فاقت الصبح متل العاده وجهزت القهوه ..وإجت ريم
ريم:لولو حبيبتي بتعرفي شو
لمياء: لولو مرة وحده ابصر شو صاير ..احكي اشوف
ريم:يبعتلك حمى حتى الواحد ما بيقدر يدلعك الله يعين اللي بدو ياخذك
لمياء:هههه طيب احكي اشوف
ريم: جمال جمال امبارح وانا كنت طالعه من المكتب بدي اودي ملفات ع غرفه ثانية خبط فيني وسقطت جميع الملفات ع الارض..وكان شفتيه كيف صار يعتزر ويتأسف
لمياء:هههههههه
ريم:يبعتلك حمى يا لمياء ليش عم تضحكي
لمياء:ولك إنت من كل عقلك مبسوطه انا فكرت حاكي معك طالب يخطبك ههههه والله ضحكتيني ومالي نفس
ريم:😕😕ايه ايه ما بتعرفي يمكن هالخبطه تكون بداية تعارف...بس ولي لي مو عبالك تضحكي
لمياء: هوووف ابي
ريم:شو بدو يجوزك غصب عنك
لمياء: وك لااااء ..قال دبرلي وظيفه
ريم:ولي زعلانه ...انتِ عقلك بطيخه اشي منتي دايما بتحكيلي نفسي اشتغل
لمياء: اها انا بدي اشتغل بس مو بطريقه ابي بالواسطه...قال شو حكى مع صاحبو(وخبرتها شو دار حديث بينهم)
ريم:اييه لمياء لا تكبريها...كبريها بتكبر وصغريها بتصغر...انا قايمه تأخرت
لمياء:الله معك.
.
. لمياء(مع نفسها) يارب اخترلي الافضل...دقوم البس كمان تأخرت
.
.
ابوها عطاها العنوان وراحت...سألت عن مكتب محمد
لمياء:لو سمحتِ ممكن ادخل عند الأستاذ محمد
السكرتيره: اخدتي موعد
لمياء:ايه لأااا ..بس ابي حكى مع ابو الاستاذ
(شعرت حالها صغيره من موقفها)
السكرتيره: لحظة لو سمحت
*دخلت السكرتيره عند محمد وخرجت
السكرتيرة: آنسة تفضلي الاستاذ بانتظارك
لمياء:شكرا الك
*دخلت لمياء
محمد:اتفضلي اجلسي
لمياء:السلام عليكم هاي اوراقي
محمد:عطيني اشوف
*نظر محمد للأوراق ..وكان معصب ما اترتاحت لمياء الو
محمد:إنت ما إلك زمان متخرجة
لمياء: ايه من سنتين ونص
محمد: وع ايش مستعجلة تتوظفي
لمياء:عفوا
محمد: ما قصدت شي ...بس بصراحه حكى معي الوالد وحكالي انو ابوكي شخص عزيز عنده وما قدر يرفضلوا طلب ..وبصراحة تانيه انا ما عندي شاغر وظيفة وبنفس الوقت ما بقدر اخجل ابي
*وقفت لمياء
لمياء:انا بعتذر ازعجتك عطيني لو سمحت اوراقي خليني اخرج
محمد: انا ما قلتلك وقفي وما خلصت كلامي. اجلسي اشوف...اسمعي رح اوظفك مساعدة للسكرتيره لوقت ما نلاقي مكان مناسب ثاني
لمياء: استاذ محمد ..انا ما بدي وظيفتك هاي ..وبعتذر عن تصرف والدي..بالأصل ما بدي الشغل عندك واجت منك مو مني ...مع السلامه
محمد: وقفي مكانك....
لمياء:نعم
محمد:إنت بتعرفي مع مين بتحكي
لمياء:😒 ايه بعرف مع مدير شركه كبيره
محمد:بتحكي بكل جرأة كمان
لمياء: ومن مين بدي اخاف ..انا ما بخاف الا من ربي
محمد: برافو برافو👋👏👏
*رن جوالو
محمد:لحظه خليكي هون
محمد: اهلين ابي ..اها هيها عندي خلص كلو ورضاك ما تعكل هم رح وظفها مع عندي مع السكرتيره خلص كلو ولا غضبك..سلام
محمد:هوووف
لمياء:بدك شي انا ماشيه
محمد:استني وين رايحه بدك توقعيني بمصيبة
لمياء😕😶
محمد: من اليوم بتستلمي شغلك بالمكتب مع السكرتيره هلأ بحكي للآذن يجبلك مكتب ...فيكي تتفضلي تجلسي عند السكرتيره لحد ما يكون مكتبك جاهز
لمياء:بس انا ما بدي اتوظف عندك
(رن جوالها)
لمياء:عن اذنك بدي ارد ع الجوال
محمد:ردي هون ما تطلعي
لمياء:الو اهلين ابي ...اييييه بس اناااا ما بد....طيب حاضر ولا يهمك سلام
محمد:هههههه
لمياء:مالك
محمد:ابوكي اقنعك وريحني الحمدلله
لمياء: ما تتباهى كثير استاذ محمد..بأقرب فرصه رح اترك الشغل
محمد: ايه بكون منيح..هلأ اتفضلي عند السكرتيره مرح
.ِ.
*خرجت لمياء عند السكرتيره وجهها بدو يفقع من كثر ما عصبت
لمياء:لو سمحتِ بدي مي
مرح: اي هلأ بجبلك....تفضلي
لمياء: شكرا الك
مرح: بدي اتطفل عليكي ..مالك شو في
لمياء: انا اللي بدي اتطفل عليكي حبيبتي
مرح:كيف يعني
لمياء: اسمعي يا ستي رح اصير معاونتك هون ..لأنه من اليوم بلش دوامي
مرح:(وعلامات الفرح ع وجهها) جد جد بتحكي
لمياء:اي جد الجد...لي مبسوطه هيك..لازم تزعلي انو وحده رح تشاركك شغلك
مرح: والله فرحان هيك بتسلى مع حدا...وكمان بتساعديني بالشغل..وبلكي يخف تعصيب السيد محمد شوي عليّ
لمياء:(حطت راسها ع المكتب) هيك لكان
.
.
عدى اليوم الأول عخير وسلام
وروحت ع البيت وكانوا اهلها مبسوطين حاولت تقنعهم تترك إلا إنهم رفضوا ...وحكولها بغضبوا عليها..
لمياء بغرفتها(انا لازم ادور ع شغل ثاني وبأسرع وقت ..ما بقدر اضلني اشتغل عند شفقة السيد محمد هووووف)
ثاني فاقت ولبست وعملت وإجت ريم
ريم:يلا بشري لمياء خانوم كيف الشغل
لمياء:ما تذكريني خليني اشرب القهوه برواق
ريم :طيب فأي شركة
لمياء: شركة ــــــــــ
ريم:وك نفس الشركة اللي بشتغل فيها
لمياء: جد
ريم:ايه
لمياء: طيب ما دام هيك قومي نروح خلينا نوصل ع الموعد
ريم:وع الطريق بتحكيلي شو صار معك
لمياء: طيب يلا قومي
.
.
وصلوا الشغل وكل وحدة راحت ع مكتبها..ريم مكتبها بالطابق الثاني..ولمياء بالرابع
لمياء:مرحبا مرح
مرح:اهلين
لمياء: وصل الأستاذ محمد؟
مرح: لأ ما وصل ..الأستاذ محمد بداوم دوام دكاترة كل يوم شكل بيجي
لمياء:وبصير هيك
مرح: هو المدير وبحقلوا يعمل اللي بدو إياه ..
تك تك تك
مرح:تفضل استاذ جمال
جمال: اخي إجى
مرح: لحد الآن ما إجى
جمال:اممم بس يوصل خلي يرن عليّ
مرح: ماشي بخبروا
جمال:يعطيكن العافية ..سلام
.
.
لمياء: مين هاد
مرح:هاد بكون اخو للأستاذ محمد وبكون اصغر منه...والاثنين مقسمين الشغل بيناتهم
لمياء: لاحظت انه الاثنين بختلفوا بالشخصية
مرح: اها فرق كبير الكل بيعرف انهم بختلفوا
لمياء:اها...طيب خلينا نكمل شغل هلأ
الساعة 12 الظهر
محمد: مرح جيبيلي الأوراق اللي بدهن توقيع
مرح:حاضر سيد محمد
ف المكتب
محمد:علمتي يا الله شو كان اسمها
مرح: قصدك لمياء
محمد: اي اي لمياء علمتيها ع الشغل
مرح: اي علمتها ما شاء الله عنها ذكية و
محمد: ايه ايه خلص بكفي مش ضروري كل هاد الشرح
.
.
.
مرح:لمياء صارت الساعة اربعه خلص هيك خلص الدوام ما بدك تروحي
لمياء: والله ما حسيت بالوقت كيف مر ..يلا هيني لاحقتك
.
.
التقت لمياء ومرح بريم...ومشيوا مع بعض
ومرح بعدها تركتهن حتى تروح ع بيتها...
لمياء: احزري مين شفت اليوم؟
ريم:مين مين
لمياء: الأستاذ جمال
ريم: جد جد كيف شفتي ..شو رأيك في
لمياء: تعرفي انو هو اخو الأستاذ محمد
ريم: اي بعرف
لمياء: تعرفي فرق كبير بين الاثنين...
ريم:هاتي احكيلي..انا ما بعرف الأستاذ محمد كل شغلنا مع الأستاذ جمال
لمياء: السيد جمال شخصيه متزنة وعندو هدوء وبعرف كيف بطلع الكلمه اما السيد محمد لهسا مش فاهموا منيح شخص مستهتر بالرغم انه مدير عصبي
ريم: هي هي ما تحطي عنيك ع جمال
لمياء: الله لا يوطرزلك انا بدي احط عيني ع جمال...انا اذا بدي ارتبط بدي واحد بمواصفات بتشبهني ومن شكلي ولبسي وتصرفاتي ومن مستواي عرفتي شلون
ريم: اي هيك منيح ..انتِ اذا بدك زبطي محمد
لمياء: الله يعين عقلك عليكِ
ريم: ولك ليش
لمياء:اذا ما ضل رجال في الدنيا غير محمد ما بتجوزوا..يا الله ع هبلنا شو هالحكي اللي بحكي في استغفر الله العظيم...خلص اسكتي ما تفتحي هيك سير ..بتخليني استغيب غصب عني
ريم: طيب طيب...خالتوا ام توفيق شو طابخه اليوم
لمياء:اممم يمكن محاشي
ريم:طيب انا عازم حالي عندكم ..امي طابخه عدس اووع
لمياء:اهلا وسهلا بتشرفينا
.
.
عدت أيام الحال محمد بيجي ع شغلوا متأخر ولمياء ومرح قايمات بمعظم شغلوا لمحمد..ولمياء دائما تتحاشى تتعامل مع محمد
بالمكتب
مرح :يارب تزبط معي هالمرة..ادعيلي لمياء
لمياء: شو هو اللي يزبط
مرح: إنتِ ادعيلي وبس ..بدي ادخل عند الأستاذ محمد
لمياء: الله يوفقك طيب
.
.
دخلت مرح ...وطلع صوت محمد وكان صوتوا معصب
وخرجت مرح مبسوطة
لمياء: ولك مرح شو صار ليش هيك صوتوا عبى المكتب
مرح: والله يا لمياء دعاكِ مستجاب عطيني بوسة امواه
لمياء:وك فرحيني معك طيب
*بلشت مرح تضب بأغراضها عن المكتب وتحكي
مرح: نقلني السيد محمد من هووون واخيييييرا بدي اعمل حفله
لمياء: صلِّ ع النبي بتحكي جد
مرح:طبعا وهيك برتاح منو
لمياء:طيب ليش وكيف هيك صار
مرح:انا لازم اروح هسا قبل ما يطلع السيد محمد ويكمل بهادل...بشوفك بنهاية الدوام وبنحكي مع بعض
يلا سلام
.
.
ضلت لمياء قاعده ع اعصابها وما بدها تحتك بمحمد
انتهى الدوام ..والتقت بمرح وريم كمان وراحوا ع مطعم
لمياء: مرح بدي اعرف كل اشي هلأ
ريم:طيب لمياء المهم نطلب الأكل بالأول لأني جوعاني
لمياء:هههه انت دايما همك الوحيد بطنك يا رفيقتي
*طلبوا اكل وبدأت مرح بالحكي
مرح: انا بشتغل بالشركه من نص سنة ..بس بهاي النص السنه شفت الويل والقرف من السيد محمد
كل يوم بهادل وأوامر بعاملني مثل الجاريه عندوا وانا ماني قادره اضل ع هاد الحال...حاولت اقدم استقاله رفض وما بعرف ليش...بالآخر صرت احاول اعمل اخطاء بشغلي حتى يقلعني او ينقلني..ما زبط لحد ما جيتي يا لميا عملت اخطاء واليوم اكتشفها ونقلني من عندو ...بفكر اني زعلاني ع اللي عملوا فيني بس انا مبسوطه ارتحت منو ومن قرفوا
لمياء: طيب لي دشرتيني لحالي مع هيك ظالم
مرح:ان شاء الله بتخلصي منو ع اهون سبب
لمياء:بس اكيد في سبب لحالتو
ريم:انا حسب ما سمعت من الموظفين...انه السيد محمد كان خاطب من وحده وتركوا بعض في ناس بتحكي انو ما تاوفقوا مع بعض وفي ناس بتحكي ابو مابدو اياها وفي كثير حكي بس الخبر الطاشش طش بالشركه انو تركته لأنها ما لقت في مواصفات شريك حياتها واخذت واحد وسافروا ع المانيا...وبعد هاي الحادثه انقلب هاي القلبه...هاد اللي قدرت اسمعه
لمياء:كل هاد وهاد اللي قدرتي تسمعي ..كيف لو قدرتي تسمعي هههه
ريم:😕 المهم سمعت ...حتى تعرفي كيف تتصرفي معو
مرح:وك هاد واحد ما بتحاكى...الله يخرجك من عندو ع اهون سبب يا لمياء
لمياء:اممم ان شاء الله خير
.
.
بدأت معاناة لمياء
لمياء بالمكتب
ومحمد كعادتوا كل يوم شكل دواموا
بيوم دخل محمد ع المكتب ومعصب كثير
محمد:لمياااء الحقيني ع المكتب بسرعه
*لحقتوا لمياء بسرعه ومتوتره
لمياء:تفضل استاذ محمد خير في اشي
محمد: لمياء انا ما بقبل يكون هيك الشغل
لمياء:خير لا سمح الله في خطأ
محمد: لأ انا بدي يكون الشغل ماشي الف الألف وبسرعه عندك بطئ بشكل رهيب
لمياء: ماشي استاذ محمد ..شو بتحب اشتغل هلأ لأني انجزت كل اشي عندي
محمد: ايـــه شوفيلي هاي الأوراق اللي ع مكتبي
لمياء:حاضر استاذ
*بلشت لمياء تنظم بالأوراق وترتبهن ومحمد قاعد قريب عنها
لمياء:استاذ ممكن تيجي تقعد ع الكنبة حتى اقدر اكفي شغلي
محمد: ما بدي كملي وانا قاعد
لمياء:بس استاذ ما بصير هيك ما بقدر اشتغل وانت قريب عني
محمد:ايه وانا ما بدي اقوم
لمياء:اذن انا عملت جزء من الأوراق ..البقيه بكفيهن بعدين..سلام(فتلت ظهرها وبدها تمشي)
محمد(مسك ايدها وهي ماشية):وقفي لمياء😡
لمياء:إنت كيف بتمسك إيدي هيك ...اتركهااا
محمد:ههها شو ماسك ايد بنت وزير
لمياء:هي هي هي لأ ايد بنت سلطان
محمد:انقلعي ع مكتبك
لميا:بكون احسن😕
********