❴🔢❵☟الــبــــــ❴ 1️⃣ ❵ـــــــارت☟
*❴📖❵↵جنتي🫶🏻♥️*
➖➖➖➖➖➖➖➖➖
*
➖➖➖➖➖➖➖➖➖
ــ لك بحياة امك هاد حكي شوفي عالمسخرة
ــ لك شو خصك بالعالم
جنى:لك عأساس ساكنين بحارة راقية ومافيها زعران
ميرا:الي بيسمعك بقول دبحك
ــ اي لاء مادبحني بس مقضيها واقف قدام البلكون كرهني اطلع
ــ اي عم يطلع عبلكونهن انت شو دخلك
ــ ميرا بلا اكل الهوا تبعك هلئ روحي من خلقتي
ــ اي طولي بالك ليطقلك شي عرق هو كلو صف سادس الله يكبروو لمخك
ــ ياويلي عالمسخرة
ــ غريب جنى معصبة
ــ اي هلئ بدها تطلع براسك🙂
ــ سلامات انا رايحة جبلك شي معي
ــ لا بس وانت راجعة مري عالدكان الي تحت وشوفيه اذا جاب الي وصيتو عليه
ــ اوك سلام
ــ سلام
(لنعرفكن عبطلة القصة جنى عمرها 21 سنة بتدرس لغة انكليزية قصيرة وجنطية وعيونها شهل وكبار ورموشها كثاف وشعرها لفوق ركبها بشوي ونعومة كتير واهلها توفوا بحادث سير توفو هي السنة زعلت كتير لان كانت متعلقة فيهن كتير وكانت موقفة جامعة بس اخوها قلها انو لازم تكمل وهيك واخوها الكبير محمد بالمانيا طلع مشان يدرس وعندو شركة هنيك بس رح ينقل اسهم الشركة عالبد مشان اخواتو البنات واختها ميرا عمرها 29 سنة دارسة آدب عربي وكتير راكزة بعكس جنى طويلة وبيضة وعيونها زرق كبار وشعرها اشقر لعند خصرها ونعومة بس جيجو ملامحها جذابة اكتر🙂 وبتدرس دكتورة بالجامعة وعايشين ببيت لحالهن لان ميرا مابتحب الضجة)
ببيت تاني...🫶🏻
ــ صباح الخير حجتنا
ــ صباحك حبيبي
ــ مافي صباحك حجينا ولا بس حجتنا
عمر:لكن في واحلا صباح الخير ابو عمر
ابو عمر:اي اضحك عليي بي مالح مرقلك اياها
عمر:شو مابدك انا جاهز
ابو عمر الله يرضى عليك يا اسدي
ام عمر:يلا العشا جاهز
ــ يلا جايينك
(لنعرفكن عبطلنا عمر ابن عمها لجنى بس بغير بلاد سافرو ليدرس عمر واخواتو ماعندو خوات بنات هنن اربع صبيان عمر الكبير قد ميرا 29 و وسام ووسيم توأم عمرهن 27 سنة وليث صف رابع عمر شب كتير متزن وعقلاني طويل وجسمو بشل عضلات واسمر من الشمس وعيونو عسليات ونظراتو حادة وشعرو اسود ودقنو المحددة زايدتو جمال ودارس دكتور جراح واخواتو التوأم دارسين هندسة وحنطيين ووسام عيونو خضر ووسيم زرق وشعرهن اشقر وكتيير بيشبهو بعض ومرحيين كتير وليث كتيير بيشبه عمر حتى بالاخلاق )
ببيت جنى
رجعت ميرا وجابتلها اغراضها لجنى من الدكان
ــ تفضلي جنى خانم
ــ ميرسياات
ــ بكرا مقلوعة عالجامعة
ــ اي لكن
ــ اي تمام ليكي شو بدي قلك
ــ نعم ايتها هالحمقاء
ــ حمقاء في منتصف عينك يابلهاء
ــ هلئ جد مالك
ــ حكاني عمك
ــ اي شو الغريب ما دايما بيحكي معنا
ــ حكالي بدو ايانا نطلع لعندهن عايطاليا
ــ بلله جد يعني مابيعرف انو مابطلع من سوريا لخلص دراسة
ــ اي بترسي عندهن
ــ ميرا مابدي زعلك وزعلو الغيها من عندك بتعرفيني مابحب ارفضلو طلب بس انا وعدت بابا كمل دراستي بسوريا
ــ خلص هلئ بحكيه وبقلو انو ماخرج لتخلصي دراسة
ــ اي تماام
ــ حاتصل لعندو وحكيه هلئ
ــ اوك
اتصلت ميرا ورد عليها وليث
ليث اهلا ميرا
ــ هاي ليث كيفك
ــ الحمدلله
ــ وينو بابا
ــ عم يصلي بدك اعطيكي ماما قوم لعندها
ــ ولله ياريت
ــ يلا قايم
ام عمر هلا ميرو كيفك يابنتي
ميرا الحمدلله مشتاقتلك مرة عمو انت كيفك شو اخباركن
ــ الحمدلله بخير كيفها جنى طمنيني عنها كيف دراستها
ــ ولله الحمدلله بتسلم
ــ الله يسلمكن حبيباتي
شو صار معكن ايمتا حتطلعو لعندنا ولله اشتقنالكن
ــ ولله يامرة عمو جنى مو راضية شفتي وعدت بابا الله يرحمو انو تدرس بسوريا بس مابدخا تخجل عمها بتعرفيها مابتحب ترفضلو طلب بس بتعرفي الوضع وهيك
ــ لا يعمري عادي بس بتعرفي عمك ماعم يهون عليه تبقو بالبيت لحالكن بنات مشان هيك ومحمد حكالو انو بدهن وقت لينتقلو الاسهم عالبلد
ــ ولله مابعرف شو بدي قلك
ــ انا عندي حل
ــ شو هو
ــ شفتي الشباب خلصو دراسة وعمك حابب يفتحو شركة بالبلد بقا منبعتهن يعقدو معكن منو بيفتحو الشركة ومنو بديرو بالهن عليكن
ــ علواه ولله كتير منتسلا😁
ــ ليكي عمك خلص هلئ بخليه يحكي الاولاد وبحكيلك شو بصير معهن
ــ اي تمام يلا مرة عنو بدك شي
ــ لا امي سلامتك
ــ الله يخليلي اياكي يا امي التانية
ــ ياعمري انا يلا حبيبتي الله معك كلي وطعمي جنى منيح بعرفها متل الصغار ديريلي بالك عليها هي قطعة من قلبي
ــ اي اكن لكن جنى ياعمي
ــ لك انت الغلا كلو غيورة خانم🫂🤣
ــ يلا ضحكي عليي كمان يلا سلامات شوفي الشباب وحكيني
ــ ماشي حبيبتي ديرو بالكن عحالكن
ــ اووك بيباي
جنى شو صار
حكتلها ميرا وانبسطت عشان هي كتير بتحبهن بس هي وعمر بيبقو مناقرة هي صحبة مع التوأم وليث الله يكبر عقلا بس يحرام لييث مو نازل😁
ببيت عمها
حكتلو مرتو شو صار وقلها انو ليش لاء بس يقتنع ابو راس يابس عمر
ام عمر بتعرفو مابردلك طلب
ــ انشالله
بس اجو الصبيان خبرهن ابوهن وعمر بسرعة وافق لان مابهون عليه يبقو بنات لحالهن والتوينز كمان وافقو وتتصلت ام عمر بميرا وحكتلها انو الاسبوع الجاية نازلين وطار عقلهن وخبرت محمد مشان يرتاح ويبقا بالمانيا مشان شغلو ووافق وبعد اسبوع بالمطار عند الشباب
ام عمر ديرو بالكن عحالكن وعالبنات ها عمر اصحك تعذب جنى ولله بقتلك
عمر اي هاد همك ولله بتعذب بلد
ام عمر لو مو ابني كنت قلت انت وياه وسام والقرد الي جنبو بس عصب عجنى بتقتلوه هاا
وسيم :هلئ انا قرد الله يسامحك
وسام: ولو يا امي جنى بعيوني قرب عامو وهمسلها لك اقسم بربي مامنرجع بخلص علينا
ام عمر:😂😂