ماء الذهب - ❴🔢❵☟الــبــــــ❴ 2️⃣ ❵ـــــــارت☟ - مكتملة | روايتك

*عالم الروايات* *بإدارة* *سـوسـو* *❴📖❵↵ماء الذهب* *❴🔢❵☟الـــبـــــــــــ❴الثاني❵ــــــــــــارت☟* ➖➖➖➖➖➖➖➖➖ ➖➖➖➖➖➖➖➖➖ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ نزلنا انا واحمد عالطابق الأول واستقبلنا صاحب البيت بعد ما عرفناه عن حالنا ابو علا: اهلا وسهلا شرفتونا , تفضلو قلتولي بدكن تسألوني سؤال احمد: اي بصراحة هو سؤال غريب شوي بس لازم نعرف جوابو ابو علا : اتفضل ابني احمد: بصراحة بدنا نسألك اذا كان عندك بنت عمرها بحدود العشرين بشرتها بيضة لون عيونها اسود وشعرها اسود طويل ابو علا: والله ما بعرف ليش عم تسأل بس لحظة شوي غاب الرجل شوي ورجع وراه خمس بنات كلهم حلوين وشقر واكبر وحدة فيهن عمرها بحدود ال 16 وأبداً ما بيشبهو هديك البنت ابو علا: هدول بناتي متل مو شايفين , ما بيشبهو البنت يلي ذكرتو مواصفاتها بس اذا وحدة منهم عاملة معكن شي انا بعتذر منكن احمد: لا عم بناتك ما عملو شي واول مرة بنشوفن , والبنت يلي عم ندور عليهن مو هون , نحنا بنعتذر كتير على الازعاج وهلأ بدنا نستأذن منكم وقفت انا واحمد ولفينا بدنا نمشي بعدها اتذكرت رقم الهاتف رغد: اه صحيح ممكن تعطونا رقم الهاتف حتى نحكي معكن شي يوم تجو تسهرو عنا ام علا : رقمنا *** طلعنا على بيتنا ولما دخلت فوراً ركدت على التليفون رغد: هاد هوي .. هاد هوي احمد: شو هو؟؟ -الرقم .. الرقم يلي اتصلت منو البنت هو رقم بيت ابو علا - كيف هيك - في شي غلط , في تناقض كبير , البنت قالتلي ساكنة بالطابق السادس بس الرقم مو نفسو رقم الطابق السادس هو رقم بيت ابو علا يلي ما في أي شبه بين عيلتو وبين البنت , رحن جن - معليش حبيبتي ,اكيد رح نعرف الحقيقة هلأ او بعدين , انتي هلأ لا تشغلي بالك بشي واطمني انا معك , وانتي كمان لا بقا تستقبلي حدا غريب بالبيت - طيب ما بعرف ليش ما كنت قادرة انسى الموضوع , يمكن لانو كنت طول الوقت اقعد بالبيت بدون ما اعمل شي بس بديت انسى وقت صار دوام الجامعة ورجعت التقي مع لارا يلي سجلت معي بكلية الآداب رغد: لولو شو رأيك بس نخلص محاضرات تروحي معي على بيتي بنقعد وبنتسلى ,من زمان ما قعدنا سوا قعدة مرتبة واليوم خبرني احمد انو رح يتأخر برا البيت لارا: طيب معناها رح خبر امي اني رح اتأخر خلصنا دوام ورجعنا سوا على بيتي , فتحت الباب ودخلت قبل لارا لقيت ظرف جوا وكأنو حدا دخلو من تحت الباب لارا: اه شو هاد ؟ مين عاد يكتب مكاتيب هالأيام ههه رغد: رح اعمل قهوة وبنشوف سو اشو هاد عملت قهوة ورجعت لعند لارا رغد: لنشوف شوه الظرف فتحت الظرف كان في بقلبو ورقة وخاتم رغد: شوفي هالخاتم شو حلو لارا : اكيد هي من زوجك احمد , والله انو رومانسي , فتحي فتحي الورقة لنشوف الرومانسية فتحت الورقة لقيت فيها جملة مكتوبة بخط كبير بس كانت لغة مو مفهومة - لارا الرسالة مو مكتوبة بالعربي ,مكتوبة بلغة غريبة , انتي بتعرفي شو هي اللغة ؟ - ورجيني لشوف .. هي لغة سريانية انا مرة قرأت مقالة عن هي اللغة ,فتحي على برنامج الترجمة لنشوف شو مكتوب , اكيد احمد كاتبلك بالسرياني اوحوبكي هههههه فتحت برنامج الترجمة وبديت انقل الكلام حرف حرف حتى اعرف شو معناه رغد: لارا تعي شوفي هالكلام شو معناه لارا: (انا حدك ساعديني ارجوكي) شو يعني .. بشو بدك تساعديه رغد: وبلكي الرسالة مو من احمد لارا: من مين لكن؟ رغد: ممكن من ... ممكن تكون من هيما لارا: مين هي هيما؟ حكيت القصة يلي صارت لـ لارا لارا: معقول؟؟ رغد: أي متل ما خبرتك لارا: رغد انتبهي على حالك ممكن تكون وحدة مو رايدتلك الخير , او تكون بتعرف جوزك قبل ما يتزوج وهلأ بدها تخربلكن حياتكن بقي كلام لارا براسي وبعد ما راحت من عندي رتبت البيت ودخلت على غرفتي , ارتميت على التخت وبقيت عم فكر ودوّر الخاتم بإصبعتي وانا لابستو غفلت وانا عم فكر لسا, صحيت على صوت احمد فوق راسي احمد: نايمة بكير حبيبتي , اسف تأخرت عليكي جلست حالي بالتخت رغد: احمد مين بتكون هيما ؟ احمد: وانا شو بعرفني , انتي يلي بتعرفيها رغد: احمد انت قبل ما نتزوج ما كنت تعرف بنات؟ احمد: كيف يعني ؟ وشو دخل هي القصة بهي ؟؟ رغد: يعني هيما وحدة من البنات يلي كنت تعرفن قبل ما نتزوج وهلأ اجت حتى تخرب حياتنا احمد: لك يا عمري انا كيف بدي اتعرف على بنات قبلك وانا من وقت ما وعيت على الدنيا وانا بحبك انتي رغد: احمد انت بتعرفها لهي البنت والدليل هاد الخاتم رفعت ايدي بوجه احمد حتى فرجيه الخاتم احمد: أي خاتم؟؟؟ هاد محبس زواجنا يا خانوم اطلعت على ايدي لقيت مو موجود خير محبسي رغد: بس انا كنت لابستو , كان بإيدي قبل ما اغفي حتى في رسالة عالطاولة بالصالون ركدت على الصالون ولحقني احمد حتى يشوف الرسالة يلي عم احكي عنها بس ما لقيتها , صرت دوّر عليها متل المجنونة وما لقيتها رغد: كانت هون , كانت هون والله كانت هون حتى اسأل لارا احمد: خلص رغد خلص بقا , انتي شكلك تعبانة ولازمك دكتور رغد: لا احمد لا انا مو مجنونة والله انا مو مجنونة (تبكي) احمد: خلص اهدي وخلينا ندخل ننام والصباح رباح دخلت عالغرفة وانا عم ابكي لما قربت من السرير شفت الخاتم بالأرض رغد: هاد هوي, شفت اني مو مجنونة انا مو مجنونة هي الخاتم احمد: طيب يا عمري انا مصدقك بس انتي كمان صدقيني , هي البنت يلي عم تحكي عنها والله ما بعرفها , هلأ اهدي وبكرا بنحل القصة نمت وانا خايفة كتير وبقيت متمسكة بأحمد طول الليل وما عم اقدر ابعد عنو من خوفي تاني يوم الصبح صحيت ودخلت عالمطبخ حتى حضر الفطور شفت على شباك المطبخ هيما , كان شعرها مغطي وجها وكأنها طايرة بالهوا , صار جسمي يرجف ونشف الدم بعروقي واختل توازني وبعدها ما عاد حسيت على شي صحيت على صوت امي فوق راسي رغد: امي شو صار؟؟ ام رأفت: الحمد لله عالسلامة يا بنتي وان شاء الله الف مبروك رغد: مبروك ؟؟ مبروك على شو؟ (دخل احمد وبإيدو كاسة عصير) احمد: رح نصير بابا وماما يا روحي , وهي كاسة العصير الك وللبيبي رغد: شو؟ يعني انا حامل؟ ام رأفت : أي بنتي حامل بس قال الدكتور ما بصير تتعبي حالك , لهيك لازم هلأ تتركي الجامعة على بين ما تقومي بالسلامة كانو بهداك اليوم اهلي وبيت عمي سهرانين ببيتنا ومبسوطين وعم يقررو شو رح يسمو الولد وشو رح يشترولو بس انا ما كنت معهن , كنت لسا عم فكر بيلي صار , قررت ما احكي لحدا لأنو حسيت الكل بدا يعتبرني مجنونة لما قررو اهلي يرجعو على بيتن رغد: ماما معليش خلي رأفت عندي كم يوم ام رأفت: ليش بنتي رغد: ولا شي بس هيك بنتسلى انا وهو ام رأفت : سألي رأفت افندي اذا بيقبل رأفت : أي انا بدي نام عند اختي وابن اختي مشان يقلي خالو وافقو امي وابي يبقى رأفت عندي لفترة , قررت انسى كل شي وشيلو من بالي بس مع هيك كنت خايفة تبقى هي الأوهام عم ترافقني باليوم التاني احمد راح على شغلو وبقيت انا ورأفت بالبيت رغد: حبيبي رأفت ما لقيت قهوة عندي انا رح انزل لعن جارتنا وجيب قهوة من عندهن , انت خليك هون ما تعمل شي انا ما بتأخر رأفت : خليكي انا بروح ما تتعذبي رغد: لا حبيبي ما رح تعرف البيت والجماعة ما بيعرفوك لسا نزلت على بيت ابو علا وطلبت منهم قهوة , رحبو فيي كتير وعزموني حتى ابقى عندهن رغد: غير مرة ان شاء الله , هلأ ما بقدر اخي ناطرني وهو عندي بالبيت ام علا : طيب بس عم نستناكي بزيارة اطلعت على البنت الصغيرة , كانت حلوة كتير متل اخواتها , شقرا وعيونها زرق وبتدخل على القلب بسرعة رغد: انتي شو اسمك واديش عمرك يا حلوة؟ حلا: انا اسمي حلا , عمري 6 سنين رغد: اه معناها انتي من عمر اخي رأفت , شو رأيك تجي تلعبي معو ام علا: لا ما بدنا نغلبك فيها رغد: لا ولو بيتسلو سوا حلا : أي ماما الله يخليكي خليني روح مع خالتو ام علا: طيب بس ما تعذبيها حلا : حاضر طلعت انا وحلا على بيتي , فتحت الباب ودخلنا , شفت رأفت قاعد وعم يلعب بلعبة اول مرة بشوفها رغد: رأفت من وين هي اللعبة رأفت : هي خالتو عطتني ياها رغد: مين خالتو؟ رأفت: ما بعرف شو اسمها بس كانت هون وعطتني هي اللعبة وقبل ما تجي انتي هي طلعت من البيت رغد: كيف كان شكلها؟ رأفت : شعرها طويل كتير وعيونها كبار وشعرها كان مغطي عيونها بس مبينين شوي حلا: انا بعرفها خالتو رغد: بتعرفيها؟ من وين؟ حلا: هي مرة اجت عالبيت وطلبت مني خليها تحكي على التليفون وقالتلي لا تخبري حدا اني حكيت رجعت شكوكي ومخاوفي تزيد , كيف دخلت على بيتي ولوين راحت وليش حتى تحكي من عند الجيران اكيد في شي غلط , في لغز لازم اعرفو حتى اعرف سرها, لازم لاحق الاشارات يلي عم تتركلي ياها متل الرسالة والخاتم واللعبة , الرسالة اختفت بس بقي الخاتم واللعبة , ركدت على غرفتي وطلعت الخاتم صرت دقق فيه وابرمو بإيدي لقيت محفور عليه من جوا حرف L اخدت اللعبة يلي كانت مع رأفت وبديت اتفحصها , كانت اللعبة شكلها غريب , كان شعرها اسود منفوش وبتشبه هيما , وفي شطب عند بطنها على شكل X بالأحمر وكأنو جرح, ما لقيت شي غريب باللعبة , رجعت اللعبة لرأفت وحلا ورجعو يلعبو فيها رجعت فكر وحاولت اربط الاحداث ببعضها جوزي حلفلي انو ما بيعرف بنات قبلي وانا متأكدة انو ما بيكذب عليي, طيب البنت اسمها هيما ليش محفور عالخاتم حرف L , طيب ليش جيرانا بيت ابو هادي لما خبرناهن عن البنت اتلبك ابو هادي كتير , ليش حتى تتصل من بيت ابو علا وبدون ما حدا يشوفها فكرت كتير وما لقيت نتيجة , قطع تفكيري رنة الجرس