انا عند وعدي - ❴🔢❵☟الــبــــ❴ ألأخير ❵ــــــارت☟ - مكتملة | روايتك

البارت_الرابع =ازيك _الحمد لله =متخيلتش اننا نتقابل تاني _ولا انا =عملتي ايه في حياتك _زي مانت شايف =اتجوزتي _اه اتجوزت وخلفت كمان وانت =متجوزتش _ليه بس؟! =مش يمكن ملقتش حد زيك _احم تشرب ايه يا استاذ آسر =أستاذ! =قهوة _تمام =انتي ليه مش لابسة دبلة هيهمك في حاجة =لاء انا بس بطمن _انفصلت =ليه _عادي محصلش نصيب =جدك برده؟! _جدي مكنش السبب في عدم ارتباطنا ولا حتى في انفصالي عن زوجي اللى حصل كان نصيب =بس انا كنت شاريكي _مبقاش له لازمة الكلام ده دلوقتي ياريت نخلينا في الشغل يا استاذ آسر =تمام يا بشمهندسة ____________________________ _بس يا نورا ده اللى حصل &يا لهوي ايه ده _شوفتي &ومتجوزش عشانك يا عسل متتنسيش انتي برده _بس يا بت متخلنيش اندم اني حكيت ليكي &خلاص يا ستي بهزر بس قوليلي جدك رفضه ليه _كنت لسة صغيرة يا نورا وهو كان عاوز يتجوزني ونهاجر وجدي كان بيحبني اوي خاف عليا &وانتي كنتي بتحبيه؟! _مقدرش اقولك لاء ابن الجيران بقا وانا كنت صغيرة بس انا عارفة ربنا الحمد لله وعمري ما كلمته ولا حتى هو كلمني بس عارفة لما تشوفي حد وتقولي ياه لو اتجوزته كان وقتها بيصلي بالناس امام كنت بستناه اسمعه وهو بيقرأ قرآن &مقولتيش لجدك ليه؟ _انا بحب جدي اوي هو اللى رباني وله الحق فيا وقتها خوفت يزعل مني فسكت &ولما احمد اتقدملك..... _قبل ما تكملي انا كنت نسيت آسر أصلا وحبيت احمد وراعيته من قلبي وزي ما قولتلك هو كان مجرد اعجاب ووقتها كنت صغيرة مش فاهمة &انا مقصدش على فكرة _وانا فاهمة ده بس حبيت ابعد عن راسك الشك ___________________________ + والله انا بحبك انتي هي قصتها انتهت والله صدقيني _هصدقك عشان مفيش حل تاني +وانا هثبتلك ده +يلا ناكل سوا _يلا _____ +روااااء قومي يلا نصلي الفجر &ماشي يا سطا قايمة اهو +بقولك هناكل ايه بكره؟! _مكرونة بشاميل عشان انت بتحبها +ده بجد؟! _اه والله هعملها عشانك +يسلملي وجودك يا روءة _____ +روااااء يلا نفطر سوا بقا _هجهز الفطار حالا +انا جهزته يا قمر انتي تعيشي اميرة هنا وبس _دلع اوفر +ولسة بس استني _______ +بقولك يلا نخرج _يا بني الساعة 12 بليل +ولا يهمك يلا نمشي على الكورنيش مش ده حلمك _عرفت منين؟! +قولتلك متستهونيش بيا _ماشي يا عم الجامد +القمر حلو اوي _احمد عوزاك توعدني وعد اوعى تكسرني او تخذلني اوعى تبعد عني وتسيبني اوعى تجرحني خليك عارف انك القشة اللى هتحطمني واني مش هستحمل منك خذلان اوعى تخوني وتجرحني اوعدني انك مش هتبقى سبب وجعي وانك لو اتضايقت مني يوم هتيجي تقولي مش هتسبني وتهملني _اوعدني عشان اقدر اكمل +اوعدك يا رواء اوعدك ____________________________ =ادخل؟! _اتفضل يا استاذ آسر =ماشي يا بشمهندسة =هننزل نروح الموقع _اه ان شاء الله =طب يلا انا هسبقك بعربيتي _تمام وانا هاجي وراك =اتفضلي _ايه ده؟! =ده اكل انتي شكلك مفترطيش _لاء فطرت =انتي مبتعرفيش تكدبي على فكرة _احم خلاص هاخده =ودي قهوة _قهوة! =اه عارف انك بتحبيها _احم طب يلا نبدأ شغل ____________________________ =الحمد لله خلصنا _اه اليوم كان طويل اوي حقيقي =ممكن تقبلي ده مني _ايه ده؟! =ده ورد _بمناسبة ايه؟! =اعتبريه عربون شغل _مش هينفع اقبله =ولو قولتلك وحياة جدك _مينفعش بجد =لو سمحتي _ماشي خلاص بس متكررهاش تاني لو سمحت £ ألو _ايه... انا جاية حالا =رواء استني رواء ____________________________ &انتوا ازاي متاخدوش بالكم منها £والله يا أستاذة هي اللى كانت بتلعب مع زمايلها وسبقتهم ووقعت =رواء مش وقته يلا بينا على المستشفى =خديها في عربيتك وانا هحصلكم على اقرب مستشفى ____________________________ ^ متقلقيش يا مدام هي كويسة هو جرح قطعي بسيط غرزتين بس =خلاص يا رواء هي هتكون كويسة _الحمد لله على سلامتك يا قلب ماما الحمد لله على سلامتك يا تيا ♡الله يسلمك يا مامتي بس راسي بتوجعني _معلش يا حبيبتي هتبقى كويسة =الحمد لله على سلامتها يارواء _الله يسلمك يا استاذ آسر متشكرة جداً تعبت حضرتك معايا =حضرتي! تعبكم راحة عن اذنك ♡ يلا يا ماما نروح من هنا _يلا يا حبيبتي بس هحاسب بس _الحساب كام لو سمحتي؟! ^ لاء حضرتك زوج حضرتك دفع _زوجي؟! زوجي مين ^ الاستاذ اللى كان معاكي _آسر؟! ____________________________ ♡ماما ينفع ناكل ايس كريم _طبعاً يا قلب مامي ♡احلى ايس كريم _اقعدي هنا يا تيا لحد لما اجيب واجي _2 ايس كريم لو سمحت ٪ من عيني اتفضلي _تيا انا جب......... _تيا تيا يا تيا تياااااااا _لوسمحت مشوفتش بنت صغيرة هنا ™ لاء والله _تيا يا تيااااااااا ♡انا هنا يا مامي _وقعتي قلبي انتي كنتي فين _ومين جبلك غزل البنات ده ♡عمو ده _انا مش قولتلك متاخديش حاجة من حد وبعدين عمو مين ده ♡عمو ده _أحمد.................. #تعديل لو التفاعل بقى كويس على البارت ده هنزلكم البارت الاخير بليل ان شاء الله اتجدعنوا بقا انا عند وعدي البارت_الخامس_والأخير _يلا يا تيا نمشي من هنا يلا ♡ليه يا ماما _من غير ليه يلا بسرعة ____________________________ _قلبي كان هيقف يا نورا &ليه يا رواء _هو ايه اللي ليه يا نورا _انا مش جاهزة للمواجهة دي خالص &ولا عمرك هتبقي جاهزة طول ما انتي خايفة كدا _تيا حياتي يا نورا ومش هسمحله ياخدها مني &متخافيش يا رواء مش هياخدها بس لازم يعرف _هقوله والله بس في الوقت المناسب __________________________ $ازيك يا رورو _مين $انا يارا _يارا مين $هه عاوزة تقنعيني انك نستيني _معتقدش انك مهمة اوي كدا عشان اخد من وقتي واقنعك &ياه الصعيدية بقا ليها لسان _ومش بس كدا دي ليها سنان ممكن تاكلك $لاء خوفت عمتا انا كنت عاوزة اقولك اني راجعة مصر _وانا مالي $خدي بالك من جوزك بقا عشان هيجيلي وده اتفاقنا انا وهو _انتي بتخرفي بإيه $انا مش بخرف يا رواء بس انا وأحمد بنحب بعض وهنتجوز سواء رضيتي او لاء ___________________________ =ادخل _اتفضل =سبت الباب مفتوح على فكرة _ما هو ده الصح =طيب فطرتي _اه =وبعدين مش قولتلك الكذب حرام _احم لاء =طيب يلا كلي واشربي القهوة اللى انا طلبتهالك عشان نشتغل =صحيح تيا فين _بره مع هبة السكرتيرة =تيا يا تيا ♡ازيك يا عمو =حبيبة عمو =انا جبتلك شيكولاته ♡ده بجد =ايوة وكتير كمان ♡الله دي حلوة اوي _انت بتبوظلي البنت =انا دنا طيب خالص _قوليله شكراً يا تيا ♡شكرا يا عمو =العفو يا حبيبة عمو _يلا يا تيا روحي لهبة عشان نبدأ شغل _حضرتك حابب تعمل مشروع ايه؟! =دار أيتام _دار أيتام؟!!! =اه مش ده حلمك _عرفت منين؟! =هقولك بعدين بس عاوزك تعمليه زي اللى اتمنتيه في خيالك ومالكيش دعوة بالتكاليف _ليه؟! =هو ايه اللى ليه _ليه كل ده؟! =معرفش صدقيني بس انا مرتاح كدا _________________________ _ايوة يا نورا انا جاية حا....... ااااااااااااااااااااااه _رواااااااء الو رواء &ايوة يا هبة رواء نزلت من امتى؟! @نزلت يا انسة نورا من حوالي ربع ساعة &رواء عملت حادثة يا نورا الحقوها @يا نهار اسود =في ايه يا هبة؟! @البشمهندسة رواء عملت حادثة يا استاذ آسر =رواااااااااء =مين عمل كدا ¶اللي خبطها جرى يا استاذ =اطلبوا الاسعاف بسرعة =رواء بالله عليكي فتحي رواء _________________________ =اااااه انا فين؟! € انتي في المستشفي يا مدام _ليه ايه اللى حصل؟! € حادثة عربية بسيطة بس الحمد لله جت سليمة شوية جروح وكسر في الذراع الشمال بس زوج حضرتك بيحبك اوي _زوجي؟! €اه جابك هنا وفضل بره طول الليل فضل يعيط ويوزع فلوس على اي حد يشوفه وجاب شيكولاته للاطفال وخلاهم يدعو لك _استني بس زوجي مين؟! €الاستاذ آسر _آسر ____________________________ # رواء بتي _ جدي ايه جابك بس # الحمد لله على سلامتك يا حبيبتي ايه بس اللى صابك _ انا بخير يا حبيبي والله # لاء مش بخير _ممكن متعيطش عشان خاطري والله انا زي الفل _بس هو مين قالك؟! =انا _آسر هو انت تعرف رقم جدي منين =الحقيقة يا رواء # اسكت انت يا واد انا هقولها انتي مجتيش صدفة هنا يا رواء انا اللى كلمت البشمهندس يوسف عشان يجيبك اهنه آسر جه قنا عندينا وعرف انك مطلقة من 5 سنين وطلب ايديك مني وانا مقدرتش اكرر غلطي وابعده عنيكي بعد ما عرفت انه متجوزش عشان لسة بيحبك وطلب مني يتجوزك بس انا عارف ان دماغك ناشفة ومهترضيش ترجعي تعيشي اهنه معاه عشان اكده عملنا كل التمثيلية دي _بقى كدا يا جدي = والله يا رواء انا عملت كل ده عشان توافقي ف بالله عليكي توافقي _حقيقي انا مش عارفة افكر دلوقتي ادوني وقتي ____________________________ _احمد اتغير اوي يا نورا وانا تعبت من الاهمال ده يارا كان عندها حق &يارا مين يا رواء دي كذابة اكيد متصدقيهاش _طب وهو ده بيفضل يقول اسمها وهو نايم صورتها لسة معاه بيحبها ومبيبطلش تفكير فيها محتفظ بكل حاجة تخصها اكذب كل ده واصدق مين انا قلبي مكسور وهطلب الطلاق كفاية كدا ___________________________ =الحمد لله على سلامتك يا رواء اديكي فكيتي الجبس اهو _الله يسلمك يا استاذ آسر =برده أستاذ؟! =طيب احنا هنعمل حفلة لافتتاح الدار ولازم تحضري اه ان شاء الله ____________________________ _انت لازم تطلقني +انا اسف _قولتلك اللى بينا مبقاش يصلحه الاسف انت كذبت عليا وكسرتني _لما انت كنت بتحبها اتجوزتني ليه؟! ضحكت عليا ليه ووجعتني ليه انا ذنبي ايه؟! + انا والله...... _متحلفش كذب متكرهنيش فيك اكتر من كدا انت كذاب انت اتفقت معاها تتجوزها + كانت غلطة _غلطة؟! اهمالك ليا غلطة كذبك عليا غلطة؟! خيانتك ليا غلطة؟! طلقني وده اخر كلام عندي وورقتي تجيني بلدي +استني بس.... _سبني يا احمد انا كرهتك وكرهت اليوم اللى جيت فيه هنا وجعت قلبي وكسرتني منك لله ____________________________ ♕تشربي ايه يا مدام _واحد ايس كريم و2 ايس كوفي ♕تمام ♡مامي ممكن اروح العب هناك _ماشي بس متبعديش عاوزة اجيب درس وخمار جداد عشان احضر الحفلة &وهاتي لتيا برده _وانتي كمان لازم تيجي تحضري معايا &اكيد يا حبيبتي مش هسيبك ♕اتفضلي يا مدام _شكراً _تيا يا تيا انتي فين ♡انا هنا يا مامي +رواء _أحمد +انا مش مصدق عيني انتي هنا بجد انا انا كنت متأكد انك هترجعي اه كنت متأكد انك هترجعيلي _انت كويس؟! + لاء لاء انا مش كويس من غيرك انا بحبك انتي مش هي هي كل مرة بتقدر تستغلني وتكسرني وتسيبني انا بحبك انتي _مالوش لازمة الكلام ده يا احمد اللى بينا خلاص خلص + لاء مخلصش انا لسة بحبك _ وانا كرهتك وكرهت خيانتك وكذبك واهمالك + انا.. ♡مين ده يا مامي مامي؟! + مامي ازاي انتي اتجوزتي ردي عليا ساكتة ليه؟! _لاء متجوزتش تيا تبقى بنتك +بنتي ازاي؟! ازاي ردي _لما اطلقت انا كنت حامل + انتي بتهزري صح _لاء مبهزرش والله العظيم ده اللى حصل ولو مش مصدق ممكن تعمل dna + تعالي في حضني يا حبيبتي ♡مامي _ روحيله يا تيا ده بابي روحيله ♡ده بابي؟! + ايوة يا حبيبتي انا بابي تعالي في حضني &انت دلوقتي شوفت بنتك يا أحمد وانا تحت امرك في اي وقت تيجي تشوفها انا مش هحرمك منها ولو لسة عاوز تتاكد دي خصلة من شعرها تقدر تحللها وتتأكد بنفسك ___________________________ ♡خلصتي يا مامي؟! _ايوة يا قلب مامي ♡الله انتي جميلة اوي يا مامي _وانتي اجمل يا قلب مامي ويلا بقا ننزل عشان اتأخرنا على الحفلة + رواااء _احمد ازيك؟ +الله يسلمك + انا جاي عشان... _متبررش يا احمد اهلا وسهلا بيك في اي وقت عشان تشوف بنتك _انا عارفة انك اتاكدت انها بنتك وانك عملت التحليل + انا بس.. ده حقك يا احمد انك تتأكد وانا عارفة ان اللي فيه حاحة بيفكر ان الكل زيه + انا آسف بس كان لازم اطمن _ولا يهمك وعن اذنك + رواء انا بحبك _بلاش يا احمد تخسر ام بنتك زي ما خسرت مراتك تيا محتجالك بلاش تخسرها انا اللى اتكسر جوايا مستحيل يرجع زي الاول عن اذنك ____________________________ =يا جماعة انا بحتفل معاكم بافتتاح دار الايتام وبهني وبهني نفسي وبهني القائمين على المشروع على رأسهم البشمهندسة رواء حابب اوجه لها الشكر والتقدير وكمان حابب اطلب اديها قدامكم كلكم دلوقتى رواء تتجوزيني _انت مجنون صح؟! =انا بسألك سؤال تتجوزيني؟! # وافقي يا بتي وافقي ♡وافقي يا مامي =جدك وبنتك بيقولولك وافقي _موافقة =ده بجد _اه والله بجد =يا هناي وسعدي وفرحة قلبي ودعائي المستجاب كل سجدة الحمد لله قد جعلها ربي حقا اعرف قيمة نفسك ومترضاش بالقليل واعرف ان ربك كريم وعوضه كبير هيشمل فتات قلبك رحمته واسعة وتدابيره عظيمة بس هلي عندك يقين فيه تمت بحمد الله ياريت يكون الاسكريبت عجبكوا وحبيتوه بعتذر لأهل اسكندرية عشان جالي شكاوي اني متحاملة عليهم بس والله انا بحب اسكندرية جدا واهلها احسن ناس وعشان بحبها بحب اكتب عنها ومعلش الخيال طلب كدا هيبقى في اسكريبت تاني قريب بإذن الله بس اخلص امتحناتي بس الاول وهكتبلكم واحد احسن من ده نصالح فيه اسكندرية وأهلها دعواتكم