❴🔢❵☟الــبــــــ❴ 1️⃣ ❵ـــــــارت☟
_ايوة يا احمد انت فين
+في ايه يا رواء هو انا عيل هتوه بطلي الزن ده بقا انا زهقت من أسلوبك ده بقا ارحميني يا شيخة بقا
_احمد احمد قفلت السكة في وشي
انا بس كنت عاوزة اطمن عليك بس انا مش فاهمة انت ليه بتعمل فيا كدا بجد
الحمد لله على سلامتك يا حبيبي
+هو انا جاي من السفر يا رواء بطلي افورة
_انا مش بأفور انا فرحانة انك موجود ورجعت
خلاص يلا اغسل ايدك وتعالى عشان ناكل انا سخنت الاكل يجي عشر مرات
+لاء كلي لوحدك انا اكلت بره
_كلت بره طب وأنا انا استنيتك ناكل سوا انا مكلتش طول اليوم واستنيتك ناكل سوا
+محدش طلب منك ده كنتي كلي براحتك انتي اللى اوفر وبتحبي كدا
_انا برده اللى غلطانة طيب خلاص مش مشكلة
مش هنخرج نروح لمامتك
+لاء انا تعبان وهنام وبعدين هو انتي طفلة متعرفيش تروحي لوحدك
بطلي الضعف والسذاجة دي وياريت تطفي النور وتسبيني وتبطلي زن
_ضعف وسذاجة اني استناك ناكل سوا ونخرج سوا ضعف وسذاجة انت ليه كدا بجد
+بطلي الاسطوانة بتاعت التضحية دي واطفي النور عشان هنام
_هتنام؟! طيب اقعد معايا شوية انا طول النهار لوحدي وزهقت من القعدة دي
+روحي اتفرجي على التلفزيون ولا اعملي اي حاجة انا راجع تعبان وانتي عوزاني اقعد معاكي
بطلي طفولة بقى وانضجي شوية
_انضج؟! تمام تصبح على خير
_________________________
_يا أحمااااد يا احمد يلا صباح الخير يا عسل
+صباح النور
_يلا حضرتلك الفطار عشان ناكل سوا قبل ما تنزل
+لاء مش عاوز
_ازاي بس تنزل من غير ما تفطر
+ما قولت لاء خلاص بقا
_طيب انا هعملك سندوتشات تاخدها معاك لما تجوع
ودي هدومك انا حضرتها اهو والبرفان بتاعك كان خلص جبتلك واحدة جديدة زيها
+طيب طيب خلاص بقا
_ماشي
_تاكل ايه النهاردة؟!
+اللى تعمليه
_خلاص ماشي
_حقيقى انا زهقت يا نورا تعبت والله مبيكلمنيش ولا بيقعد معايا حتى الأكل مش بيتغدى معايا يوم يتغدى معايا وعشرة لاء انا فاض بيا وزهقت من الوحدة
&معلش يا رواء ممكن يبقى ضغط شغل
_انا تعبت من خلق الاعذار ليه وحقيقي بدأت اكره الحياة دي
&معلش يا روحي اتحملي
_حاضر هتحمل حاضر ويلا بقا عشان رجع من بره
&شوفي اللى بدأت تكره الحياة وهي بتبيع صاحبتها عشانه
_بس بقا يا بت سلام
_الحمد لله على سلامتك يا أحمد
+الله يسلمك
_انا عملالك اكلتك المفضلة ومستن...
+انا اكلت بره
_برده!
+هو ايه اللى برده رواء انا تعبت من اسلوب الطفولة ده
_خلاص هاكل لوحدي
_احمد هو....
+انا مش فاضي لكلامك دلوقتي
_بس انت ماسك الموبايل
+هو كل شوية انت ماسك الموبايل هو الموبايل عاملك ايه بصي انا نازل لصحابي انا اتخنقت منك
بطلي عياط بقا ونكد جبتيلي الفقر
_أنا حقيقي تعبت يا نورا انا بقيت باهتة اوي انا مبقتش قادرة اكمل كدة
&طيب حاولي تتكلمي معاه وتلاقي حل
_انا حتى مش لاقية وقت اكلمه وتعبت بجد
&خلاص يا رواء انتي لازم تتصرفي وتحطي معاه النقط على الحروف دي مش حياة
_عندك حق يا نورا كدا خلاص
________________________
+السلام عليكم
_وعليكم السلام
+طابخة ايه النهاردة؟!
_مكرونة بشاميل
+طيب مش هناكل؟
_الأكل في المطبخ انا اكلت كل براحتك
+أكلتي لوحدك؟
_آه
+طيب
هو...
_معلش انا عاوزة انام
+تنامي
_اه تصبح على خير
___________________________
_احمد يلا الساعة 7
+حضرتي الفطار؟
_عملتك سندوتشات
+هدومي فين؟
_في الدولاب مترتبة طلع اللى تحب تلبسه
+رواء انتي كويسة؟
_اه
+طيب عاوزة حاجة؟
_شكراً
_بس يا نورا انا بحاول اتأقلم مع الوضع الجديد هو كل شوية يقولي اني ضعيفة وطفلة ومقدرش اعمل حاجة وكفاية لحد كدا
&طب قولتي لأهلك؟
_لاء يا نورا انتي عارفة انهم هيخافوا عليا وخاصة اني بعيدة اوي عن الصعيد وانهم كانوا خايفين اتجوز في اسكندريه وكان عندهم حق
اسكندرية ناسها بتجرح زي ما بيقولوا
&معلش يا حبيبتي بكرة تتحل
_ان شاء الله يا حبيبتي ويلا بقا مع السلامه عشان تطبخي
&ماشي يا قلبي سلام
____________________________
+ألو
_ألو ايوة يا احمد خير
+مفيش كنت بطمن عليكي
_انا كويسة عاوز حاجة
+استني بس ماما عزمانا عندها
_تمام هلبس وهروح
*هتروحي لوحدك؟!
_عادي
+طيب براحتك
_سلام
____________________________
_ازيك يا ماما
$الحمد لله يا حبيبتي انتي ايه بهدلك كدا انتي خسيتي اوي انتي كويسة
_اه الحمد لله
$لاء مش كويسة خالص تعالي في حضني يا حبيبتي انا زي أمك
$يا حبيبتي بتعيطي ليه بس الواد احمد مزعلك اقطملك رقبته
_لاء يا حبيبتي أنا بس ماما وحشتني
$مش انا زي ماما؟!
$نفس المعزة يا حبيبتي
@اركب الهوا يا جميل
_ازيك يا دودو
@بخير يا روءة وبعدين الجميل زعلان ليه بس
_حد يشوفك ويزعل
@طيب يلا عشان نلعب سوا
_هنلعب ايه؟
@ هنشوف دلوقتي يلا بس
@ادينا اتجمعنا يلا نلعب صراحة
@انا هسأل احمد
+براحه عليا ياست هدى
@ماشي يا سيدي بس قولي بقا اي اكتر حاجة بتضايقك؟
+التجاهل
التجاهل بيوجع وبيقلل الحب والمعزة والثقة والعلاقة بتدمر
_تصدق عندك حق
@احم يلا ماما هتسأل رواء
$قوليلي يا رواء ايه اللى غير حالك كدا كنتي منطلقة وجميلة ليه بقيتي بهتانة كدا
_العادي يا ماما
العادي اللى في حياتي
عارفة انا لما جيت اتجوز احمد أهلي رفضوا ده عشان خوفهم عليا من كوني هبقى لوحدي بس انا كنت راضية وسعيدة بده
اول ايام جوازي كنت فرحانة بوجوده كنت شيفاه كل أهلي بس الوضع ده استمر شهور
وبقالي 3 سنين ماشية في حلقة مفرغة ملهاش اخر
انا اديت كل حاجة
اهتمام وحب وكل اللى اقدر عليه وماخدتش الا وحدة وحزن وكسرة خاطر
انا مفتكرش اخر وقت قعدنا فيه سوا اخر مناقشة بينا اخر هدية اخر كلمة شكر حتى
ضمن وجودي وبقا شايف ان اللى بعمله عادي وده اللى المفروض عليا
تجاهلني وتجاهل كوني انسانة بتزهق وتتعب نساني
اسأليه اخر مرة اكلنا سوا امتى؟!
يرجع من برة يمسك الموبايل او ينزل لصحابه او قاعد ساكت مبيتكلمش
شايفني تافهة واحتياجي لوجوده معايا ضعف وطفوله
اسأليه اخر مرة خرجني امتى مش هيفتكر
اخر مرة سمعني امتى مش هيفتكر
انا انسانة وبتحس وبتزهق ومحتاجة اهتمام محتاجة تسمع كلمة شكر او كلمة تقدير
نساني ونسى اي حاجة تخصني ونسى حتى ان النهاردة عيد جوزنا وفي الاخر جاي يقول ان التجاهل بيبوظ العلاقات وعنده حق
+رواء استنى
$قوم وراها يا بني قوم وربنا يسامحك على اللى عملته فيها
-انا مش عارف اقولك ايه انا عارف اني أناني انا محستش غير لما انتي تجاهلتيني
انا كنت متعود على حبك واهتمامك ولما فجأة بعدتي مكنتش متخيل ده
انا عارف اني ظلمتك بس اوعدك هتغير والله وهحافظ عليكي والله انا بحبك
_عارف انا في الاول كنت زعلانة ان ربنا مرزقناش بأطفال بس دلوقتي فهمت حكمة ربنا في كدا
+رواء عشان خاطري سامحيني واديني فرصة اصلح اللى بينا
_اللى بينا بقا العادي اللى بيوجع مبقاش بينا حاجة تتصلح يا أحمد
انت عندك حق انا واحدة ضعيفة طفلة دفنت نفسها بين اربع حيطان ونسيت شغلي وحياتي وكرست حياتي لانسان بارد مقدرش تضحيتي
انا اللى غبية لاني حطيت ثقتي وتضحياتي في غير مكانها
انا اللى غبية يا أحمد واستاهل
بس مش هبقى كدا تاني ولو صحيح باقي على اي حاجة بينا يبقى تتطلقني
+اطلقك؟!
_اه وياريت بسرعة
وورقتي تجيلي الصعيد
____________________________
#رجعتي يا رواء
_رجعت يا جدي
#جولتلك يا بتي بلاها اسكندرية وأهلها دول ميجيش من وراهم غير وجع القلب
_وياريتني كنت سمعت الكلام يا جدي
#يلا يا حبيبتي ولا يهمك ادي ورجة طلاجك اهي بجيتي حرة
_ايوة يا جدي الحمد لله
#هتعملي اي دلوقت؟!
_هبدأ شغلي في مجالي وهنجح واتعلم وهبطل ابقى طفلة
#طب وسرك؟
_سري هيفضل سر يا جدي بيني وبينك لحد اما ربنا يريد كشفه
#ماشي يا حبيبة جدك يا بطلة جدك
_حبيبيى يا جدي؟
_مش ديما التضحية صح احيانا التضحية ممكن تأذي لو مش في مكانها الصح
بطل تعمل المعروف في غير اهله وترجع تشتكي الخذلان
واوعى تفضل تتحمل من حد الاذى عشان هيتعود عليه
اختار نفسك وراحتك وبس 🫶
يا ترى ايه سر رواء والحكاية انتهت ولا لسة
مستنية رايكم عشان اكمل
#البارت_التاني
+أنا عاوز اتقدملك
_مش هينفع
+ليه بس؟
_فرق المسافات والثقافات بعيد اوي
+مفيش مشكلة صدقيني انتوا مكبرين الموضوع اوي
_الموضع كبير يا استاذ أحمد انت عارف عوايدنا في الصعيد اهلي مستحيل يوافقوا عليك وبعدين هم مبيطمنوش لبتوع بحري بيقولوا عليهم غدارين
+تفتكري؟
_معرفش بس ده رأيهم
+وانا رايي اني مش هستسلم يا بشمهندسة وهتقدم واللى فيه الخير ربنا يقدمه عن إذنك
___________
# روحتي فين يا بت الغالية
_لاء يا جدي مروحتش في حتة انا معاك اهو
# رجعتي لاسكندرية صح
_وافقت ليه يا جدي؟
#فات خمس سنين ولسة بتفكري فيه وعاوزة تعرفي انا هقولك عشان تريحي قلبك
عشان يا قلب جدك شوفت في عنيه الحب وشوفتك عاشقة البحر
_ويارتني ما عشقته غرقني فيه
# بمزاجك
_عارفة يا جدي
# طب هتقوليله ميتى
_مش لازم يعرف يا جدي مش لازم أبداً
# والله ما اني عارف انتي ناوية على ايه يا بتي
_متقلقش عليا يا جدي انا هبقى بخير
______________________
~ اهلا يابشمهندسة
_اهلا يا بشمهندس يوسف
~ بحب أشيد بشغلك جداً ما شاء الله عليكي
_ده واجبي يابشمهندس
~ عشان اكدة هنبعتك لاسكندرية لفرع الشركة هناك وهنعينك نائب عن مدير الشركة مؤقتاً لحد بس لما المدير يرجع من فرنسا وترجعي انتي نائب المدير اهنه
_اسكندرية!!
~ اه هتروحي هناك لمدة 5 شهور بس
_ بس اني مقدرش
~ قدامك فرصة تفكري فيها وتعطينا جوابك الأخير
____________________________
&ازيك يا قلب نورا وحشتيني يا رواء اسكندرية وحشة من غيرك
_الله يسلمك يا جلبي عاملة اي
&رجعتي تتكلمي صعيدي
_تصدقي ان الصعيد طلع احن من اسكندرية
&لو على الجرح فعدى عليه 5 سنين المفروض تبقى نسيتي
_الجروح مبتتنسيش يا نورا و ده مكنش جرح بسيط
كان بيحبها قبلي يا نورا وخاف يقولي انه شافها فيا
حبها اكتر مني يا نورا
ولما رجعت رجعلها بقلبه وتفكيره وسابني انا كنت مغفلة كبيرة أوي
كانوا مفكرين اني اطلقت لمجرد اهماله ومحدش يعرف انه بيحبها
انا كنت بسمعه بيقول اسمها وهو نايم
من اول ما رجعت من امريكا وهو اتغير وبقا باهت
كنت عارفة انه بيحبها ومقدرش حبي
طب كان يصارحني ويقولي
ظلمني اوي يا نورا ووجع قلبي وجرحه مش هيتنسي أبدا
وانا كان ذنبي ايه اني شبهها ذنبي اني حبيته
&معلش يا حبيبتي انا مقدرة كل ده وحاسة بيكي والله حقك عليا قلبت عليكي اوجاعك
_ولا يهمك دنا حتى فضفضت معاكي وارتاحت
&ربنا يريح بالك يا قلبي
_وانتي يا جلبي
&مع السلامة يا حبيبتي
_مع السلامة يا جلبها
___________________________
+ازيك يا انسة رواء
_خير
+هو انتي بتعامليني كدا ليه
_عاوزني اعاملك ازاي مفهماش
+بتتكلمي صعيدي لما تتعصبي
_لا إله إلا الله انا خلقي ديق ومينفعش القعدة دي
+ليه بس
_هو ايه اللى ليه انا لا اعرفك ولانت تعرفني ومش من محارمي والقعدة دي مترضيش ربنا ولا حتى الكلام بيناتنا يرضي ربنا
سبني في حالي يا ولد الحلال الله لا يسئك
+انتي عندك حق عشان كدا انا كلمت جدك وهاجي اخطبك منه قريب ان شاء الله
وانتي هتوافقي يلا سلام
__________________________
_ادخل يا جدي
♡ده انا يا مامتي
_حبيبة قلب أمها يا ناس
_عملتي الواجب يا تيا زي ما علمتك؟
♡ايوة يا ماما عملته
_شطورة يا قلب ماما
♡بصي يا ماما انا رسمتك ورسمت بابا بس هو فين ابوي
_ابوكي.. مسافر يا حبيبتي بعيد عن ارضينا
♡ ليه مش معايا كيف بقيت زمايلي
_معلهش يا حبيبتي بكرة يجي وتشوفيه
_وبعدين...
# وبعدين احنا مقصرين معاكي يا بت الغالية ولا ايه مش جدك معاكي
♡اكيد يا جدو انا بحبك أصلا اكتر من المصاصة
# ده بجد يعني بتحبيني كتير اكده دانا يا هناي بقى يلا هاتي بوسة واطلعي العبي في الجنينة
♡حاضر يا جدو
# بتك كبرت يا رواء ومن حقها تعرف ابوها
♡لاء يا جدي تيا بتي انا هو مالوش فيها حاجة
# مينفعش يا رواء احنا مهينفعش نمنعها عن ابوها ولا ينفع نضحك عليه لسنين دي كلها
يا بتي انا واثق فيكي وعارف انك جدعة وعاقلة وبتفكري وهتاخدي القرار الصح
____________________________
_انت اقنعته ازاي؟
+عادي بطلي انتي بس تستاهيني بقدراتي
_هو اني اعرفك أصلا
+بكرة تعرفيني
+جدك رهن موافقته بمواقتك انتي رايك ايه
_سبني افكر
____________________________
# وبعدهالك يا بتي كل اما ادخلك عليكي الاقيكي وخداكي الذكريات
_ ياريت الذكريات بتتمسح يا جدو كنت هبقى سعيدة
# حتى لو اتمسحت يا رواء
بتك هتفضل موجودة وبتك لازم تعرف ابوها يا رواء
_وانا هرجع اسكندرية انا وبنتي يا جدو.........
#البارت_الثالث
# هترجعي؟
_اه يا جدو هرجع
# ليه اكده يا بتي
_مبقاش ينفع يا جدي افضل خايفة لازم اواجه ومخافش
اني لو فضلت اهنه يبقى خلاص اندفنت اهنه
اني لما رجعت من اسكندرية رجعت عشان وقتها كنت ضعيفة ومقدرتش اكمل
بس اني اتغيرت الوقت غيرني يا جدي ولازم اواجه
وبعدين انا هرجع عشان شغلي هناك
# مخيفاش ترجعي مكسورة تاني؟!
_لاه انا مهتكسرش تاني واصل
متخافش عليا كلها شهور اصغيرة وهرجع تاني
لو بتحبني يا جدي سبني اروح
# البحر هناك واعر يا بتي وانتي مجربة
_ بس لازم ارجع واصفي ذكرياتي اهناك
# اللى تشوفيه يا بتي بس خدي بالك من نفسك
هبقى زينة متقلش عليا
____________________________
&اتوحشتك يا بت الصعيد
_وه بقيتي تحكي زينا عاد
&وحشتيني يا رواء
_وانتي والله يا نورا وحشتيني خالص وعندي ليكي خبر حلو
:&بجد خير
_انا راجعة
&راجعة فين
_راجعة اسكندرية بعد بكرة
&بتهزري
_لا والله جاية في شغل
&بجد فرحتيني اوي والله
&هتيجي لوحدك
_لاء هجيب تيا معايا
&انتي مش خايفة
_مبقتش بخاف يا نورا متقلقيش عليا انا اتغيرت كتير اوي
&بقيتي قاسية
_لا انا بس فهمت اللى المفروض كنت افهمه من زمان
ويلا بقا عشان احضر الشنط
&ماشي يا ستي كلميني اول لما تيجي عشان اشوفك
ده اكيد متقلقيش
&سلام يا جمر
_سلام يا حبيبتي
__________________________
_انا موافقة
+ده بجد والله؟!
_اه والله
+لولولولولولولولولولي
_بس بلاش هبل اهنه مفيش هزار
+طيب قوليلي بس هنكتب الكتاب امتى
_ده رأي جدي ماليش بيه
+ماشي يا ستي افضلوا شقطوني لبعض كدا هو يقولي اسألها وانتي تقوليلي اسأليه
# رواء رواء
_نعم يا جدي
# كتب كتابك ودخلتك على البشمهندس السبوع الجاي جهزي نفسك
___________________________
♡يا مامتي يا مامتي
_ها نعم يا حبيبتي
♡انا ناديتك كتير ومبتروديش عليا
_معلش يا حبيبتي ماخذتش بالي
♡احنا رايحين فين؟
_رايحين اسكندرية
♡فين يعني؟
_ده مكان بعيد شوية عن هنا
♡وجدي جاي معانا؟
_لاء جدو هيفضل هنا
♡طيب استنكرية دي حلوة؟!
_استنكرية؟! اه حلوة زي كده يا عسل
♡طيب.....
_طيب انتي بقا بطلي أسئلة وروحي يلا عشان انا مش فاضية وهاتي بوسة وانتي عسل كدا
____________________________
# مع السلامة يا حبيبتي
_مع السلامة يا جدي متخافش مش هتأخر عليك
# خلي بالك على نفسك يا بتي وخلي بالك من ناسك وناسها
_حاضر يا جدي مع السلامة
♡ايه ده يا مامتي؟
_ده القطر يا حبيبتي اللى هنروح فيه اسكندرية
____________________________
©بارك الله لكما وبارك عليكما وجمع بينكما في خير
×مبروك يا رواء
_الله يبارك فيك يا بشمهندس
+ايه بشمهندس دي بس انتي بقيتي مراتي خلاص
_ماشي يا أحمد
# احمم خد بالك منها يا واد دي ملهاش غيري اتربت يتيمة في حجري والله لو فكرت تدوسلها على طرف هاكلك بسناني
+متقلقش دي في عنيا
# مع السلامة يا حبيبتي
_مع السلامة يا جدي
+اهلا بيكي في بيتك
_حلو اوي ما شاء الله
+بتتكلمي صعيدي حلو اوي وبرده بتتكلمي بحري حلو اوي انتي انهي فيهم
_انا الاتنين
+ماشي يا ستي ماشي
_انا عاوزة اسألك سؤال
+اسألي
_ هي مين يارا اللى انا شبها دي
___________________________
§يا مدام يا مدام
_احم نعم
§احنا وصلنا خلاص
_بجد تمام شكرا
_ايوة يا نورا اني وصلت
&روااء
_نورا وحشتيني اوي انتي مقولتيش ليه انك جاية
عملتهالك مفجأة
&القمر دي تيا
_ايوة شوفتيها حلوة ازاي
&دي زي القمر ما شاء الله
&هتقعدي فين؟
_في اوتيل تبع الشركة
&هتبدأي شغل من بكرة؟
_ايوة
بس الاول عاوزة ادور على حضانة تبقى كويسة لتيا
&في حضانة اعرفها كويسة
_خلاص نوديها سوا بكرة
&ان شاء الله
_نورا مش عاوزة اوصيكي انه احمد ميعرفش اني هنا
&عارفة والله متقلقيش
____________________________
+يارا مين؟
_معرفش اهلك لما شافوني قالولي اني شبها
+لاء هم اكيد اختلط عليهم الامر
_يمكن
+بقولك ايه يلا نصلي عشان ناكل
_ماشي
+ده وقت موبايل؟
_ثواني بس اطمن جدي عليا
_ايوة مين
®انا يارا
_يارا مين؟
®اللى بينساني بيكي
_انتي بتخرفي تقولي إيه؟
®بقول الحقيقه
بصي يا رواء انا واحمد كنا بنحب بعض وجيران بس لما اتقدملي اهله رفضوا واهلي كمان رفضوا وانا أصلا مكنش ينفع ارتبط بيه وقتها وسافرت وسبته وهو لاقاكي
_طب وانتي عاوزة ايه؟
®انا بس عاوزة اقولك انك مجرد بديل لحد لما انا ارجع
_والله اللى انا اعرفه انه حبني انا واتجوزني انا وسيبك بقا من الحبة دول يلا يا عسل في داهية
+مين يا رواء؟
_يارا!
+ييييارا مين؟
_إسأل نفسك ومتكدبش عليا عشان هي بعتتلي صورتها
_انت ليه مقولتليش؟
+عشان مفيش حاجة تتقال دي قصة وخلصت وانا حبيتك انتي واتجوزتك انتي
_ولا عشان انا شبهها؟
+لاء يا حبيبتي انا بحبك انتي انا قطعت علاقتي بيها ونسيتها صدقيني والله
____________________________
_ادخل
*يا بشمهندسة مدير فرع aua بره مستني حضرتك
خليه يدخل
الس......
روااااااء
_إنت؟!
#