حب وعشق (الاربعة) - الفصل السابع 7 | روايتك

بقلم حنين صبري الساعة بقت 10ومنه وعادل لسا ماجوش حتة محمود مش بيرد علي التلفون سلمي وهيا رايحة جايه في الصالة: لا انا هتجنن طيب ازاي مفيش ولا واحده فينا صحيت يارة: اه صح ازاي المنبهات مرنتش حتة تلفوني ساعت مجيت اتصل على عادل لقيتو مقفول مع اني شحناه بليل مدام وفاء وهيا متدايقة وحاسة بتأنيب الضمير: انا والهي يابنات مكنتش اعرف بموضوع الصفقة ده ولو اعرف كنت هصحيكم ليلي: محنا عرفين يا عمتو متزعليش انشاء الله كلو هيتصلح ادم لسا هيتكلم بس قاطعو سيف سيف : رنو تاني عليهم يارة: عمالة ارن وبيديني مقفول سلمي: ازاااااي احمد: هو اي الي ازاي سلمي: ازاي المنبهات كلها وقفت والتلفونات فصلت هنا بقا ادم مقدرش يسكت اكتر من كده لان ضميرو انبو ادم: انا اسف ليلي: بتتأسف علي ايه يا ادم احمد وسيف حاولو يسكتوه بس هو مردش عليهم ادم: انا السبب ليلي: انت السبب في اي حكلهم ادم كل الي عملوه هو واخواتو وهنا دخلت عليهم منه ومحمود وعادل عادل: يعني انتو الي دمرتو مستقبالها ادم: مكناش نعرف احنا بس كنا عيزين ماما تزعل منهم مش اكتر ليلي جريت علي منه وحضنتها ومنه وقفة في مكانها وبتعيط في صمت وسلمي بتسألها اي الي حصل وهنا انهارت منه لما افتكرت الي حصل وسابتهم وجريت علي الاوضة وقفلتها علي نفسها قعدو كلهم يخبطو عليها وهيا مش بتفتح سلمي بتوجه كلامها للشباب وبتزعقلهم وهي بتعيط: حرام عليكو دي تعبانة في الشغل ده ده كان حلمها من وهيا صغيرة منكم لله دي شغالة بقالها 5سنين او اكتر ادم: احنا اسفين احمد: كما تدين تدان انتو ديقتونو بطرقتكم واحنا بطرقتنا والي بدء يستحمل هنا دخل محمود في الكلام: خلاص بقااا اسكوتو انتو غلطنين ومفرود تعتزرو ده مش لعبة ولا هزار الموضوع قلب جد وراح خبط علي باب الاوضه بتاعت منه وبيكلمها محمود: منه اروجكي افتحي نطمن عليكي وانا اوعدك هحاول احل الموضوع ده بس افتحي منه:......... محمود: طيب ردي عليا ليلي وهي بتعيط: انتي كويسه يا منه منه:..... سلمي: ارجوكي ردي علينا منه فتحت الباب ورمت نفسها في حضن اخواتها وهي بتعيط وكلهم حضنو بعض مدام وفاء: احكلنا يا بنتي اي الي حصل منه ابتدت تحكي وهي بتعيط بقلم حنين صبري (انا بقا هحكلكم منه بعد ما نزلت ركبت العربية جمب عادل ومشيو ومشي وراهم محمود بعربيتو وهنا منه وصلت ونزلت من العربية تجري ووصلت للشركة وطلعت اوضة المؤتمر بس كانت كل زمايلها موجدين حتة المدير وشكلهم مدايق منه قالتلهم اسفة علي التأخير بس غصب عني هنا المدير رما ورق الصفقة في وش منه وقالها انا غلطان اني وثقت فيكي وخليتك انتي المسؤالة عن الصفقة دي اطلعي برا منه قالتلو ارجوك اديني فرصة قالها بزعاق انا انهاردة خسرت صفقة مهمة اوي بسبب واحدة تافهة زيك مش عايز اسمع منك كلمة الي عايزو انك تغوري تتطلعي برا منه بتعيط وبتقول ارجوك انا روحي في الشغل ده وهحاول اصلح الي بوظتو بس اديني فرصة هنا المدير انفعل وكان هيدرب منه بس اتدخل عادل ومحمود ودربوه وهو جاب الامن وطلع منه ومحمود وعادل ورما في وشها الحجات بتاعتها وقطعلها شهدتها وقالها انو لو شافها هيدمرها وقال للامن دي لو جات هنا تاني اطلب البوليس) منه: وده كل الي حصل مدام وفاء: يا قلبي يا بنتي منو لله الراجل ده وهنا حسو الشباب كلهم بتأنيب الضمير احمد وسيف: منه احنا اسفين،، منه مردتش عليهم وبصت لخواتها وقالتلهم عايزة ابقا لوحدي ولسا هتدخل الاوضة وسلمي مسكت اديها وقالت: الحكاية خلصت علي كده محمود: حكاية اي سلمي: هنمشي من هنا كلهم بصو لبعض مدام وفاء: لا يا بنتي اهدي اكيد هنلاقي حل وبعدين انا معترفة ان ولادي غلطانين بس مكنش قصدهم سيف: اه والهي يا سلمي مكنش قصدنا سلمي: لا ياعمتو هما كانو نوين يضمرونا بأي طريقه واهم نجحو احنا هنمشي احمد: طيب ووصية خالو سلمي: لا كفايا كده مش عيزين حاجه يله يابنات جهزو شنتكم وانت يعادل كنت قيلالك علي شقة لقتها محمود: شقة، انتي كنتي ناوية تمشي من الاول سلمي: اه بس رجعت غيرت رأي ودلوقتي لازم نمشي تاني عادل: جاهزة سلمي: طيب تمام روحي يايارة خدي منه وجهزي معاها شنتططها وبصت ليلي سلمي: يله يا ليلي وانتي كمان وبتمسك اديها بس ليلي متحركتش وبصا لمحمود وبتفكر انها خلاص خسرتو سلمي بصت ليلي: خلاص خليكي انا وخواتك هنمشي ليلي: استني يا سلمي انا ماشية معاكم ودخلت هيا كمان تجهز الشنطة والشباب بيبصو لبعض ومدام وفاء عيطط وقعدت في الارض والشباب جريو عليها يقوموها بس زقتهم ومسكت محمود وقالتلو: انا بوظت امانة اخويا يا محمود كنت وعداه ان هخلي بناتو مبسوطين ديما بس شكلي بوظت الوعد سامحني يا اخويا محمود حضانها وعنيه رغرغت وبتدا يفكر بنو خلاص خسر ليلي للابد البنات جهزو شنتهم وطلعو برا وعادل ابتدا يحول الشنط نزلت وراه يارة من غير ما تودع حد منه كمان بس الي فضل ليلي وسلمي ووقفو يودعو عمتهم وسلمي ودعت محمود وبصت للشباب ونزلت بس ليلي حضنت مدام وفاء ومشيو ياتري اي الي هيحصل مع البنات دي؟ 🥺 وياتري حياتهم هتبقا عاملة ايه؟ وهيرجعو البيت تاني ولا لا؟ 🥲 وهتفضل حياتهم حزن كده علي طول؟😔 (الكاتبة)«(حنين صبري») ♡