حوريــة روضـتـي - ❴🔢❵☟الــبــــــ❴ 7️⃣ ❵ـــــــارت☟ - مكتملة | روايتك

_*ـࢪواية حـوريـة روضـتـي*_ ـ))»»» 🦋✨🤎 ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ Bart 17/18 _ تقف آمام هيبته مطأطأه الرأس تتمني لو تنشق الأرض وتبتلعها ، وكأن شموخه المرفوع لأعلي السبع سموات يخنقها ، وهيبته المطله من نافذه الغرور تقتلها ، فنظراته الحاده ترعش دقات قلبها _ آدم : -بجمود- من أمتي الي شغلاين معايا بيبقو خاينين.. ولاء : والله يا ادم بيه انا معم.. ادم : -بحده- للمره الـ 100 اقول انا بكره الكدب ، انطقي مين الي قالك تحطي السم في العصير ؟ ولاء : انا محطتش حاجه. ادم : -بهدوء حاد- آنتي أرمله ماعتقدش ان بنتك تستحمل تكون يتيمه. ولاء : لا يا ادم بيه الا فرح ؟ ادم : مين الي قالك تعملي كده. حوريه : -وهي تدلف للباب فجأه- ادم....ارجوك متعملش كده معاها. ادم : انتي ايه الي خلااكي تقومي.. حوريه : انا كويسه..بس ارجوك متعملش كده.. ولاء : -ببكاء- انا اسفه يا حوريه هانم والله كنت مجبوره. حوريه : انتي مش قد غضبه ارجوكي قولي مين الي قالك تعملي كده. ولاء : م....ميس.. ادم : -بذعر- ميس...وانتي شوفتيها فين ؟ ولاء : قالتلي اني احط السم ده في اكل حوريه هانم والاا هتأذيني انا وبنتي ، هي اصلاً كانت مدياني سم شديد انا بدلته بسم الفيران عشان حوريه هانم تكون كويسه! ادم : ..عايزاني اسامحك ولاا لاء.. ولاء : طبعا...يا بيه طبعا.. ادم : تمام..اتصلي بيها وقوليها ان حوريه تعبت جدا و ودوها المستشفي وان ادم بيه شاكك في كل القصر ومشي الناس كلها وانك عايزه تروحي تشتغلي عندها عشان تلاقي فلوس تصرفي بيها علي نفسك ، هتروحي هناك..وتبقي عيني عندها.. ولاء : ح...حاضر يا بيه ادم : احمدي ربنا اني خرجتك من هنا علي رجلك... ولاء : انا اسفه بالله عليكي تسمحيني.. حوريه : خلاص روحي.. ولاء : شك..شكرا حوريه : -بغضب- ممكن افهم بقا انت بتعمل ايه ؟ ادم : -وهو يضع يده علي وجنتها- السخونيه راحت.. حوريه : -وهي تبعد وجهها-راحت...انا مبقتش فاهمه حاجه خالص مين ميس ؟ ادم : -وهو يعطيها الهاتف- اتصلي بصحبتك ليلي... حوريه : ادم احنا قربنا الفجر.. ادم : -بغضب مفرط- اخلصي.. حوريه : -وهي تأخذ الهاتف- طيب..متزعقليش ؟ - وضعت الهاتف علي اذنها سرعان ما تلقت الرد - حوريه : -بغضب- انتي ايه الي مصحيكي ؟ ليلي : في ايه ؟ مانتي عارفه انا بنام الصبح.. ادم : -وهو يأخذ منها الهاتف- ليلي انا ادم ، الصبح تكوني في كافيه.... الساعه 9 عشان تقابلي حازم.. ليلي : ها..اه ماشي ادم : عارفه العنوان ؟ ليلي : اه.. ادم : روحي نامي عشان تصحي فايقه ومتتلخميش في الكلام.. ليلي : حاضر. ادم : سلام. حوريه : -بغضب وهي تأخذ الهاتف منه- الله...مالك كل شويه ترمي أوامر علي اي حد قدامك..-قالت وهي تُشير الي الفازه- دانت ناقص تؤمر الفازه...-وهي تنهض بحنق- لا وروحي نامي بنت اختك هي ؟ عن اذنك راحه انام..-قالت من بين اسنانها- اصلي تعبانه. ادم : حوريه. ... آلتفتت حوريه بغرور وهي تعقد ساعديها امام صدرها بحنق قائله بنبره كبرياء وهي ترفع انفها للسماء ... حوريه : عايز ايه. ادم : -بأبتسامه بارده وهو يشير لهاتفها- الموبيل...آصله موبيلي ! حوريه : -وهي تنظر للهاتف بغضب وتلقيه علي المكتب بحنق- امسك سي زفت بتاعك.. ادم : مرسي يا روحي... حوريه : روحك زفت...و...و...انت قولت ايه! ادم : -بخبث- قولت مرسي ؟ حوريه : يعني مقولتش يا روحي ادم : -ببرأه- ابداً حوريه : -وهي تفر هاربه- لا لا انا السم ده خلااني بيتهيألي كلام ؟ ------------- ( في الصباح ) _ شتمت ليلي ادم ببعض الشتائم الرقيقه وهي تأخذ نفس عميق وبيد مرتعشه ترفض التحرك فتحت باب الكافيه بهدوء وبعينيها الهادئه نظرت حولها بخفوض ، الي ان وجدته يجلس بهدوء وبيده هاتفه وبيده الاخري قهوته المره ، كان شكله ملفت للأنظار بشكل مريب ، وسامته تكاد تحرق الجميع وكأنه ورقه رابحه وسط لعبه وهميه ، خانها قلبها الراقي وهو يُشير للفم بأن يبتسم ابتسامه هادئه اثر رؤيته ، تنحنت بخبث وهي تذهب آليه قائله بغرور.. ليلي : احم..ممكن أقعد... حازم : -وهو ينظر لها ليبتسم بحنق ويشير للكرسي امامه- اتفضلي يا ليلي. ليلي : -وهي تجلس- فاكر اسمي. حازم : -من بين اسنانه- مهو لماضتك متتنسيش ؟ ليلي : انا...كنت واقفه هناك مع صحابي..ف..فلقيتك هنا قولت اكون احسن يعني واجي اسلم. حازم : امممم...بس احنا منعرفش بعض.. ليلي : -وهي تمد يدها- انا ليلي. حازم : -وهو يمده يده ويلامس وتينه وتينها- حازم ؟ ليلي : اتشرفت.. حازم : انا اشرف...-هز رأسه بتوتر- اقصد انا كمان اتشرفت.. ليلي : -وهي تضع يدها علي فمها- هههههه دمك خفيف بس مش باين. حازم : -وهو ينظر لها بجديه- وهو بيبان ؟ ليلي : اكيد بيبان.. حازم : وبيبان ازاي! ليلي : يعني كنت اول مره شفتك كنت اكشن في نفسك كده. حازم : -وهو يعقد ما بين حاجبيه- اكشن ازاي لا مؤاخذه. ليلي : كنت بتزعق وبتضرب.... حازم : انا اسف لو كنت كلمتك بطريقه وحشه.. ليلي : لا عادي ولا يهمك.. حازم : اه نسيت....تشربي ايه. ليلي : عصير.. حازم : -وهو يضحك- ايوا يعني عصير ايه ؟ ليلي : هههه اي حاجه.. حازم : واحد لمون هنا من فضلك..-التفت لها- انتي في مدرسه ايه.. ليلي : انا في جامعه. حازم : انا افتكرتك في ثانوي. ليلي : اشمعني ؟ حازم : اصلك قصيره جدا هههههه ليلي : لا دمك بقاا اخف بكتير.. حازم : لا بجد جامعه ايه. ليلي : كليه هندسه... حازم : كويس.. ليلي : وانت.. حازم : خريج كليه هندسه... ليلي : واو زي بعض.. حازم : سبحان الله.. ليلي : -وهي تنظر في ساعتها- انا عندي كورس مهم لازم امشي.. حازم :طب واليمون.. ليلي : هههه اشربه بدالي سلام.. حازم : طب هاتي رقمك.. ليلي : -وهي تعطيه ورقه بعدما كتبت بعض الارقام- اعمل بيه سيرش علي الفيسبوك هتلاقيني.. حازم : هشوفك تاني.. ليلي : -بأبتسامه ناريه- اكيد.. - نظر لها بحزن وهي تدلف للخارج ، وكأنها موجه اماني سعيده تهجر ليل الاحلام الأمله ، وكأنها روح وتفارق جزئ كبير من شغفها ، - ----------- _ الكثير من الموظفين يجلسون حول الطاوله ذات الشكل المستطيل وفي الريئاسه ادم و جاسر ببذلتهم السوداء القاتله _ ادم : -بجديه- انا عايز كل واحد منكم يركز كويس جدا في الارض دي لان هي دي الي هتكون مشروعنا الجديد.. - انهي جملته بثبات جامح وهو يُشغل البروچكتر بخفه امامهم بدأ ادم بفعل بعض الاعمال سرعان ما سمع صوت همهمات حوله مما ذاد فضوله - جاسر : -بخبث- احم...ادم انت عارض صور حوريه ليه ؟ ادم : -بغضب- عارض ايه ما تحترم نفسك! جاسر : يابني بص علي الشاشه.. ادم : -وهو ينظر للشاشه وللجميع بصدمه- ينهار زفت جم ازاي....-قال بحنق- اتفضلو الاجتماع خلص.. جاسر : -وهو يدندن قاصد شعل غضب ادم- ابو العناكيب الحبيب قال بيحب قال..!! ادم : -بحده- ابو الـ ايه يا اخويا ؟ جاسر : -وهو يتلاَشاه- امممم عايز تسمع الاغنيه ! ادم : لو مش هزعجك.. جاسر : -وهو يقف فجأه وبصوت عالي- العنكبوت النونو خطفت قلبه العنكبوته من يومها جن جنونه وعقله اتلخبط لخبطوطه...نونو نونو العنكبوت النونو...ابو العناكيب الحبيب قال بيحب قال..يا طعامته يا صغنتوتو غنولو يا عيال...؟ ادم : لا اله الا الله -امسكه من ذراعه- جاسر انت كويس ؟ جاسر : لا مش كويس سلمي زعلانه مني ؟ ادم : -بتأثر- روح صالحها بس متعملش في نفسك كده ، انت اقوي من الاغاني دي ؟ جاسر : -وهو يمثل الحزن- انا...انا مش عارف عملت كده ازاي.. ادم : اكيد طلبت منها حاجه زباله زيك.. جاسر : والله آبداً ادم : والله انت كداب جاسر : هي بس موضوع امبارح...انت بقي تيجي انت ومراتك واختي تتجمعو وتقولولي اعمل ايه ؟ ادم : لا حوريه تعبانه مش هخليها تقابل سلمي وتناهد.. جاسر : يا ادم دي اختها عشان خاطري.. ادم : لا.. ادم : انا اجيبها ليه.. جاسر : -بخبث- يابني دي مرات اخويا بتغير عليها مني.. ادم : -بحده- وانت تقدر تبصلها انا كنت قتلتك.. جاسر : -وهو يغمز- انت قلبك قاسي... ادم : اه يا اخويا اوي.. جاسر : انت مش بتحس.. ادم : يلا يا بابا انت هتغني ؟ جاسر : يعني مش هاتسعدني ؟ ادم : لا.. جاسر : بقا كده ؟ طب علي فكره بقا.. العنكبوت النونو خطفت قلبه العنكبوته من ي..... ادم :....مش عايز ودني تتلوث بجمال صوتك جاسر : هاا.. ادم : لا.. جاسر : يااااه يا ادم.. ادم : -وهو يذهب- غني مع نفسك بقاا.. جاسر : -وهو يذهب ورائه- استني مكملتش باقي الاغنيه ؟ ------------ - تجلس في غرفتها البارده أعلي سريرها الدافئ ضامه قدمها الي اسفل ذقنها ، غامضه اعينها بتعب وهي تشعر بأن كامل جسدها محطم بأشد انواع الأسلحه ، وكأن نار بلا خمد تشتعل في وجهها برغم اخذها للدواء الذي بدون نفع لألم قلبها الهاوي ، انفزعت ببرود وهي تشعر بيد تُضع علي خدها الاحمر من كثره الحراره.. ادم : -بضيق- اخدتي الدوا. حوريه : -براحه- اه بس معمليش حاجه. ادم : معلش...هما يومين ؛ عايزه تنامي. حوريه : لا. ادم : أكلتي طيب. حوريه : لا ادم : الدكتوره قالت مينفعش تاخدي الدوا من غير أكل ، ثواني هخليهم يحضرولك حاجه.. حوريه : -وهي تمسك يده مانعه اياه من الذهاب- لا انا مليش نفس. ادم : -وهو ينظر ليدها- بس آنتي لازم تاكلي. حوريه : لا...هنام....بس انت كنت جاي ليه ؟ ادم : لا ولا حاجه. حوريه : -بنبره مخدره- ادم ؟ ادم : -بإيجاز- طيب طيب...كنت هوديكي عند اختك عشان متخانقه مع جاسر...بس مش هبعتك.. حوريه : ليه. ادم : عشان انتي تعبانه...ممكن تنامي بقا ؟ حوريه : طب هما ليه زعلانين مع بعض ؟ ادم : معرفش... حوريه : خلاص هنام. ادم : -وهو يمسك هاتفه ويخرج متحججاً- طيب انا هخرج.. - وبخطواط سريعه فر من آمواج اعينها لعلها لا تغرقه في حبها او بالمعني الأصح...تعمقه اكثر في حبها ؟ - ------------ ( في المساء ) ،-ادم- - وكأن خيوط الاقدار تلتف حول قلبهم لتجعلهم غارمون بضريبه الحب ، فالحياه من حولهم دمار ولكن الازهار بالنسبه له تنبت علي اعتاب شفتاها الورديه ، لا يمكنه ان يغلق جفنيه ثانيه واحده لأنها تأتي له حتي في واقعه ، شعر لأول مره انه يراها بقلبه وليس بعينه ، ،-حوريه- سنوات الضياع دائمًا ما تسجنا بداخل آسوارها العاليه ، وكأنه يذداد بروده كل يوم وهي تذداد شوق و نار و لهفه ، نارها التي تحرقها تحت مسمي الحب وبرودته الي تُفخمه تحت مسمي الكبرياء ، فـ دوماً ما رأت في احلامها فارس بجواد اسود ، لم تتخيل يوم ان روايتها ستتحقق ، قالت بنبره خافته وهي تغمض آعينها... لم أكن أعلم أن بطل ألروايه هو ، ألسايكو ! ،-عاليا- جميعهم قالو ليليَ بكا بها القمر ولكن هي تقول ليليَ ضحك بها القمر ؟ آبتسمت بحب وهي تنظر لتلك النجوم المشعه بضي الغرام في سماء الاحلام الهانيه ، فالنور في قلبها يشع والضي في عقلها ينور والحياه في روحها تُنبث وعلي حافه هواها الرياح العاشقه تهوب ،-عاصم- لأول مره يشعر بأنه طفل بلا برود او كبرياء زائف ؟ لاول مره يشعر بانه يحب روح المعانده وحلاه العب الطفويله ، فـ عاليا امامه كـ قرص الشمس المتوهج برغم انه يؤلم عينيه التائها في بحور الجنه الا انه لا يستطيع العيش من دونها. ،-سلمي- وكأن احلامها امطار تسقط بغذاره علي حافه الهويه ! تنهدت بروح مُعذبه بين رياح الحب البارده ، فكثير من الاحيان تكون الاشياء الجميله ليست بلروح التي اعتدنا عليها...وكأن النار تخمد تدرجياً فتتركنها في عتمه العشق.. ،-جاسر- والشوق ليالي كثيره سكن في حضنه ليلاً دون علمه ، ولكن ها هو يشعر به الأن ، وكأن نبره سكوته تتحدث بكلام لا يفهمه احد سوي العشاق لانه ببساطه لغه العشاق ، كلما شعر بروحه تؤلمه حد الموت تذكر صوتها الذي يعيد له النبض وكأن العالم متوقف عليها ، وكأن كل الطرق تؤدي أليها ؟ - بينما ابتسامه ليلي وحازم لم تغفل فقد تحدثاا طوال اليل ، دون حرج او حتي تأنيب ضمير ، وكأنهم نبتا اخيرا ولكن في موطن خطر ! _ وكأن النجوم تلتف حول قلوب السحاب الابيض فينسجما بنغم مريب ويشكلان احدي المقاطع ذادت الاثر الروحي المؤثر في قلوب الناس _ --------- ( في الصباح ) _ قطرات عطره الصغيره المتناثره آعلي بذلته الرماديه بلون عينيه تفتك بقلوب العذاره الهائمين ؟ وكأن الشجن ذاد في ملامحه القاسيه ذادت الاسطور الوسيم ؟ والزمان يلعب لعبته الوهنه في شعره الدامس بلون الاكتئاب ؟ والأزمه في قلبه هو انه يُريد ان يراها ويطمئن عليها وعقله يعافر بالمنع ؟ - اهتز عرش قلبها المتماسك ذو الجيش المهول عندما لمح طيفه الهاوي قادم بزلزاله الصلب الذي دمرها قبل وصوله اساسً ، شعرت بنور وهن يقف في نهايه المطاف نوره الذي يغويها للذهاب له..نور لا ينطفئ ؟ ادم : -بضيق- انا بكلمك !! حوريه : ها ؟ سوري مسمعتش. ادم : -وهو يرتشف من كأس الماء- بقولك اخدتي الدوا... سماح : -بتوتر- ادم بيه دي كُبايه حوريه هانم. ادم : -وهو ينظر للكأس- عادي. سماح : ها. حوريه : -وهي تمد يدها لأخذه- هاتها عشان متعياش ادم : -وهو يتجرعها كلها ويعطيها لها قائلا بنبره ساكره- هيكون ليا الشرف ان مرضك ينتقلي... سلام. حوريه : -وهي تلتفت بذهول- ها ؟؟؟ --------------- -- منزل بيومي -- _ وضعت سلمي الأطباق المحمله بالطعام بهدوء علي المنتطده الدائريه بخفه طفيفه منها نادت علي خالها قائله بعجله _ سلمي : يا خالو...تعالي لحسن الفطار هيبرد. بيومي : -وهو يأتي ببطئ- جاي اهو بطلي ازعاح. سلمي : امممم دلوقتي بقيت ازعاج بيومي : انتي طول عمرك ازعاج سلمي : طيب ياعم شكرا... بيومي : -وهو ينظر للباب- ايه ده مين الرزل الي جيه. سلمي : -وهي تذهب للباب- هههههه لا ده حماته بتحبه او امه دعياله نقي الي يعج..... - فتحت الباب بعفويه ولكنها لم تنهي جملتها المازحه حتي جحظت اعينها السوداء بشده وكأنها علي حافه الموت او علي وشك خساره شئ ما ، دقات قلبها كادت بتفجير قلبها كـ قنبله موقته بالعد التنازلي ، انمالاها التي ارتعشت فجأه وكأن العالم من حولها يتلاشي رويداً رويداً ، انفاسها التي تقل تدريجاً حتي اصبحت تنعدم ؟ بيومي : مين يا سلمي ؟ سلمي : -بصوت يحارب للخروج- حا..حازم !!!!! حازم : -وهو يدلف بعجله- ادخلي جوا استخبي بسرعه ؟؟؟ سلمي : -برعب- ارجوك يا حازم متقتلنيش انا.. حازم : -بغضب- ادخلي جوا استخبي بقولك ؟ سلمي : ه...ها حازم : -وهو يمسكها ويلقيها باحد الغرف- ادخلي اي دولاب بس اوعي تخرجي... وليد : -وهي يدلف من الباب ببرود- لقيت حاجه.. حازم : -وهو يغلق الباب- ها...لا مالهومش اثر. وليد : -بنبره مستفزه- ايه يا عم بيومي وحشتنا.. بيومي : -بصراخ- انتو ليكو عين تيجو هنا يا ولاد ال.. وليد : ششششش مش عايز امد ايدي..انت راجل عاحز بيومي : ولما انا عاجز بتتهجمو علي بيتي ليه ؟ وليد : مزاجنا... حازم : -بحده- وليد مينفعش تعايرو بعجزه -نظر الي بيومي نظره رعب خائفه- حوريه و سلمي فين ؟ بيومي : -وهو يفهم مقصده- م...معرفش وليد : -بغضب- انت هتستعبط! بيومي : صدقوني انا مشفتهمش من ساعه الي حصل. وليد : -وهو ينظر للطعام- عايز تفهمني انك انت الي عامل الاكل ده! بيومي : الاكل ده بقالي تلات سعات احضر فيه. حازم : لو طلعت بتكدب... بيومي : مش بكدب وانت فتشت الشقه وليد : فتشتها كويس.. حازم : اكيد.. _ وكأن الوقت ساكن لا يتحرك تضع يدها علي فمها مانعه الشهقات من المرور من بين اصابعها انسابت دموعها علي وجنتها برعشه طفيفه وهي تدث يدها في جيبها لتخرج هاتفها وبأصابع مرتعشه تبدأ بالتدوير علي حرف الـ ج بين الاسماء كلها الي ان وجدته جاسر ضغطت علي الاسم سريعا...لتتلقي الرد وكأنه يشعر بها ؟ جاسر : كنت عارف انك مش هتزعلي مني وانا اسف..-قال بحنو- وحشتيني.. سلمي : -بصوت ضعيف- حازم..و..وليد..عند..خالو..بيومي..دولاب...انا..جوا...و...هيقتلوني..و.. جاسر : -بذعر- وليد وحازم انتي عند بيومي وهما هناك.. سلمي : ا..اه جاسر : انتي فين سلمي : دو...دولاب جاسر : انا خلاص جاي بركب العربيه...اوعي تعملي صوت وانا جاي متخفيش... سلمي : خا...يفه جاسر : قولتلك مفيش حاجه هتحصلك طول منا هنا....انا هفضل معاكي علي الموبيل...متتكلميش عشان محدش يسمعك.. سلمي : ح....اضر جاسر : -وهو يحاول تهدئتها- انا خلاص قربت... سلمي : انا...بحبك.. جاسر : اكيد مش اكتر مني ؟ وليد : -وهو ينظر للأطباق قائلا بأستهزاء- شكلك بتحب تاكل كتير.....ياريت تبقي تعمل حسابنا اصلنا هنذورك كتير.. حازم : يلا يا وليد وليد : يلا. - ابتسم حازم لبيومي بخفه وهو يغمز بعينه اليمني - - نظر حازم لـ وليد بحنق وهو يدلف للأسنسير - وما أن دلفاا لخارج البوابه حتي اصتدما بـ جاسر !!!!!! وليد : حاسب.. جاسر : -وهو يدفعه بحنق- اوعي مش نقصك... حازم : -وهو ينظر لجاسر- خلاص اتفضل.. جاسر : -وهو ينظر لهم بشئ من الشك يحاول حفظ ملامحهم- عن اذنكو... وليد : ماله ده ؟ حازم : انا اعرف وليد : انت صدقت الراجل المجنون الي فوق ده حازم : وليد انا شوفت الشقه بنفسي وليد : اه بس هو اكيد عارف مكانهم انا هخلي حد يراقبه...-قال بحده- والواد الي خبط فينا.. حازم : ماله وليد : مش مرتاحله ؟ _ دلف جاسر بلهفه للشقه وهو يمسح بأعينه عليها _ بيومي : شوف سلمي جوا يا بني.. جاسر : انت كويس ؟ بيومي : الحمد الله جاسر : -وهو يفتح الغرفه القريبه منه- سلمي..سلمي...-ذهل حقاً عندما وجدها تفتح الخزانه وتخرج منها وكأنها تختنق ؟ جاسر : -وهو يحملها قبل وقوعها- سلمي متخفيش انا جيت سلمي : -ببكاء- انا كنت خايفه ؟ جاسر : بس خلاص كله عدي متقلقيش.... سلمي : خالو كويس جاسر : اه يا حبيبتي.. سلمي : -وهو تبتسم وسط بكائها- انت قلت ايه ؟ جاسر : -وهو يضحك علي طريقتها- اه سلمي : لا التانيه. جاسر : -بخبث- يا سلمي : التالته بقا جاسر : حبيبتي سلمي : اه هي دي جاسر : اقولها تاني ؟ سلمي : من فضلك.. جاسر : حبيبتي...... _ وكأنه تربه حانيه وهي ورده ناعمه وبين ترابه تذرع وكأنهم يقطعان وعد من وعود الهوا ، شراره الحب حدثت بين عيناهم الغجريه ذادت الطابع الهاوي ، وكأن امواج شاطئها سكنت ليهيج بحره مطالب بعوده الامواج لحضنه مجدداً. ----------- _ غيمت السماء معلنه عن تخاصمها مع الشمس بعدما حل محلها القمر ! نزلت دموع القمر علي حاله في شكل امطار تغسل الاسكندريه اجمل مكان في العالم. ! وقفت حوريه في شرفتها محدثه نفسها لماذا لم يعد ادم الي الان هل هو بخير أم لا ! لماذا هاتفه مغلق ؟ وكأن منظر البحر امامها ذو الامواج العاليه شتت افكارها المحلقه في سماء التوتر ! بالسهل علي عقلها الصمود ولكن قلبها لا مدت غصن يدها ذو الورود البيضاء الي هاتفها لتتصل بجاسر...نعم هو حلها الوحيد بعدما اخذت رقمه من سلمي...سلمي التي حدثتها بمرح كي لا تشعرها بأي شئ ؟ حوريه : -بحرج- احم انا حوريه..انا اسفه اني بتكلم كده بليل جاسر : ههههههه ادم لو سمعنا بنتكلم هنموت..بس انتي زي اخدتي اتفضلي.. حوريه : يعني ادم مجاش لحد دلوقتي.. جاسر : هو الحب ولع في الدره عندك ولا ايه ؟ حوريه : ايه.. جاسر : عالعموم ادم يا ستي عنده اجتماع مهم جدا مع عميله... حوريه : -بفزع- نعممممم جاسر : ايه ادم جيه ؟؟؟ حوريه : لا بس هي اكيد حلوه.. جاسر : مز....احم لا عادي حوريه : -بعجله- اني مطعم جاسر : المطعم بتاعه حوريه : طب سلام جاسر : -وهو ينظر للهاتف- يا ولاد الهبله ؟ _ ابتسمت حوريه بأنتصار وهي تجد ان السماء تحالفت معها لتتوقف عن البكاء ، لفت نفسها بشال احمر جعلها فاتنه ، جمال خلاب كـ موجه هادئه ! او حتي لؤلؤه ملتفه بورده صغيره ؟ _ نزلت الدرج بخطواط سريعه وهي تحاول عدم الانزلاق وبين منادات الافكار لها لم تكترث ، وضعت قدمها في تلك السياره السوداء بخفه وهي تحدث السائق ببعض الكلمات ؛ شعرت بأن جيبها يهتز شتمت بغضب وهي تضعه علي اذنها قائله بنبره مهذبه حوريه : الو يا ادم ادم : انتي كويسه... حوريه : الحمد الله انا كلمتك بس عشان مرجعتش لحد دلوقتي.. ادم : لا انا هتأخر عندي اجتماع مهم حوريه : مع مين ادم : عميله كده... حوريه : طب ما توصفلي شكلها ادم : افندم حوريه : هههههه يلا بجد.. ادم : -وهو يبتسم بخبث- لا تخينه كده وقصيره وشعرها مقرف اوي ومكياچها حاطه منه اطنان وحاطه كيلو دقيق حوريه : اااه لا ربنا معاك ادم : طب سلام بقا حوريه : اه اه سلام - وهي تصرخ ليرتعب السائق - تخينه يا ادم...دانا هقتلكو انتو الاتنين ؟؟؟؟ ------------- الفتاه : اتأخرت ادم : لا خالص الفتاه : -بخبث- كنت بتكلم مين ؟ ادم : -ببرود- مراتي الفتاه : اكيد مش حلوه انت احلي ادم : -بحنق- والله من وجه نظري ان هي الجمال كله والباقي مجرد بواقي ليها !!!! الفتاه : واو شكلك كده حبيت ادم : حاجه زي كده. الفتاه : تشرب ويسكي ؟ ادم : مبشربش في الشغل الفتاه : بس احنا دلوقتي مش في الشغل ادم : ااه...لا انا جاي هنا عشان شغل حوريه : -بصراخ- هي دي يا ادم الي تخينه وقصيره وشعرها مقرف اوي ومكياچها حاطه منه اطنان وحاطه كيلو دقيق ؟؟ ادم : -وهو يشير لوجهها- اهو زي ما قولت اطنان مكياچ وكيلو دقيق ؟؟!! حوريه : والتخن ؟؟؟ ادم : معرفش اكيد لاابسه كورسيه الفتاه : نعم..؟؟ حوريه : -بصراخ- انت جاي تحب في واحده لاابسه فستان 5 سنتي!! ادم : -وهو يكتم ضحكته- لا متظلميهاش الست مكلفه بصي الفستان فوق الركبه ؟ الفتاه : انتي مجنونه يا بت انتي ؟ حوريه : انا بت ومجنونه -التفتت حولها بغضب لتمد يدها وتحمل زجاجه العصير الكبيره لتفتحها و- ياريت تكون الخدمه عجبتك يا فندم _ ضحك ادم بشده وهو يري العصير ينسكب علي الفتاه امامه بدهشه وكأنه يشاهد فيلم كوميدي ، القت حوريه الزجاجه عليها لتمد يدها لجانب ادم وتأخذ چاكيت البذله وتلقيه عليه بكوميديا وكأنها تستره من اعين النساء ليحتضنه ادم بشده بيده اليسري ويضحك اكثر وهو يشعر بيدها تمسك كفه كطفل صغير مع والدته وتأخذه تسحبه ورائها بطوله الفارع وقصرها الحميم !!! ادم : ههههه معلش دش سخن وكله هيروح حوريه : -وهي تسحبه- انت لسه هتتكلم !!!! ادم : -وهو ينظر لها بذهول- يا بنت المجنونه ؟ _ اخذته معها وذهبت وكأنها تخبرهم بأنه ملكها وحدها لا يحق لأي واحده مسه حتي غيرها وكأنها تطبع ملكيتها عليه !!!! بينما هو لم يقاوم كان سعيد بما تفعله شعر بغيرتها تسيطر عليها ، توقف فجأه ليجذبها علي صدره قائلا بصوت رجولي وعطره يفوح في الاجواء ادم : بتغيري ؟ حوريه : لا طبعاً...دي واحده اصلاً مش حلوه وانت كمان مش حلو...لا انت حلو -اكملت وهي تلمح ابتسامته- لا قصدي انت بتاع بنات و قليل الادب وهي كان ممكن تـ _ لم تكمل جملتها فقد وضع يده علي طرف ذقنها ليقرب شفاهها من شفتاه الصلبه ليتذوق طعم السعاده لأول مره من خيرها المفرط ! وكأنه يقطع المسافات بخطوه جريئه منه ليقطع حيائها الذي يعشقه دومًا ! وضع يده أعلي خصرها تاركاً الچاكيت يقع دون اكتراث ! وياها الحياه ابتدت تبث في مؤشر قلبه وكأنها عاشقه وترتوي اخيرا من بئر العشاق ! توقف ادم وهو يلهث قائلا بنبره محرمه وهو يغمض اعينه بهدوء ؟ أنتي بقيتي ماركه الهيروين بتاعتي ؟! ( قصر ادم ) _ وكأن العالم اصبح اظلم حتي ستائر الحقيقه تخفي ورائها الكثير من الاسرار ، والدنيا كالحرباء تتشكل بكل لون ، _ - آفاقت حوريه مفزوعه بسبب تذكرها ليلي مضت وتركت ذكره حانيه بين جدار مخيلتها الرقيق الذي بقبله من ادم هدم علي قلبها الغبي الذي لا يتعلم ؟ حوريه : -وهي تجذب خصلاتها بصراخ- لااا هو انا حصلي أيه ! معقوله كده شغلني وبوظلي كياني ؟ -صرخت بخجل- لاااا مش معني أني بحبه فأكون سهله معاه ، مينفعش ابقي كده لازم ابقي عاقله ، انا هفضل نايمه ولما يمشي اخرج من اوضتي وأخد هدومي وأسافر برا البلد ؟ آدم : -بضحكات- طب معاكي فيزا ؟ حوريه : -وهي تلتفت بذعر لتجده جالس علي الكرسي بشموخ وقدم فوق قدم وساعديه امام صدره معقوده- ها ؟ آدم : -وهو ينزل قدمه- كده قلقتيني عليكي آمبارح! حوريه : ه...هو في ايه ؟ ادم : مفيش أغمي عليكي علي طول. حوريه : ك...كماان انت سمعت الي قلته من شويه ؟ ادم : اها..-ابتسم بخبث- كل حرف حوريه : ان..انا قصدي بحبك ح..حب اخوات ادم : واللهي الي حصل بليل ده مش للأخوات....-هندم من بذلته السوداء- عن اذنك.. حوريه : لا اذنك معاك -قالتها وهي تغمض أعينها وتقع علي السرير مخشي عليها مجددا ً!! --------*------*-------- ( في احدي الكافيهات ) جاسر : يابني احنا قاعدين في أم الكافيه المنتن ده بقالنا ساعه آتكلم بقا ؟ عاصم : -بتنحنح- احم هتكلم آهو ؟ جاسر : وحياه ربنا قولتها خمستاشر مليون مره -قال بغضب- آنطق ؟ عاصم : -بحروف مسرعه ونفس مقطوع- جاسر عايز اتجوزه اختك ؟ جاسر : يا ازبل الزباله -قالها وهو يسدد له لكمه قويه- عاصم : -بألم- اااااه يابو أيد أيرون مان انت ؟ جاسر : -بصدمه- هو انا ضربتك بغل اوي ؟ عاصم : -وهو يتحسس أعينه- أوي أوي أوي ؟ جاسر : هو انت قلت ايه ؟ عاصم : بحب عاليا.. جاسر : جرا ايه يالا ما تظبط كده و تحترم نفسك دانا اخوها ! عاصم : ماشي..-قال بحنق- هاروح اطلبها من عمو السفرجي الي هناك ده جاسر : وانت شفت اختي فين.... اه صح دي طالبه عندك. عاصم : مش لااقي كلام تقولو متجودش من عندك !!! جاسر : لا مش متخيل ان اختي تتجوز لا انا هخليها تعنس جمبي لا... عاصم : ياعم انا جاي طالبها منك في الحلال جاسر : -بغضب- الله يحرق ام الفاظك دي يعني انت كنت هتطلبها في الحرام عاصم : مش القصد ، انت تروح تديها نبذه كده جاسر : نبذه وسطر جديد ههههه عاصم : قوم يا جاسر آمشي....قوم متقعدش معايا جاسر : بسخف معاك يا جدع الله عاصم : لا متسخفش يلا امشي انا مش عايز اتجوز انا هروح اقعد جمب امي روح..... روح الله يرضي عنك ؟ جاسر : -وهو ينهض- تعالي نروح لـ ادم طب عاصم : مش هتدفع الحساب جاسر : -بلهجه مضحكه- والله لو أني ثري عربي ما بدفع نص ريال في المكان النتن هذا ؟ عاصم : -وهو يضع يده علي عينه- روح انت اقعد في العربيه وانا هدفع يا ابو نواف حاضر ؟ جاسر : -وهو يذهب- آي حياك الله !!! -------*-----*----- ( في كليه هندسه ) يالهوي كل ده حصلك -هتفت بها عاليا بصدمه الي سلمي الجالسه امامها في كافتيريا الجامعه- سلمي : شفتي ؟ عاليا : بس الحمد الله ان جاسر لحقك سلمي : اه عاليا : اه ايه ؟ سلمي : هو في حاجه اسمها اه ايه ؟ عاليا : اصل غريبه الي حازم عمله ده سلمي : حازم مش هيأذيني ده متربي معايا عاليا : امال كنتي خايفه منه ليه سلمي : كنت خايفه يكون الزمن غيره عاليا : بس برده متثقيش اوي سلمي : عندك حق عاليا : طب انا عايزه اروح سلمي : طب ما تيجي تقعدي عندي النهارده مش بحب اقعد لوحدي. عاليا : لا مش قادره هموت وانام سلمي : خلاص تمام تعالي باتي معايا عاليا : خلاص هتصل بجاسر اقوله.. سلمي : -وهي تنهض- كلميه واحنا في السكه.. عاليا : خلاص تمام.. -------*-----*------ ( في منزل مصطفي ) وليد : يابا الي انت بتقولو ده مش هينفع...ادم مين الي نخطفه ؟؟ ادم ده اقوي من عشر رجاله من بتوعنا مصطفي : مني بجولك احنا لو خلصنا منيه عنرتاح وليد : بس مش بالسهوله دي انا عايزه اعذبه الأول مصطفي : عذاب ايه وجرف ايه ؟ هو في اوحش من عذاب الاخره ، ادم عمل كل حاچه وحشه ، احنا بس نبعته فوج وليد : كلامك ابداً مش منطقي مصطفي : -بأستهزاء- واحنا من ايمت عنتكلم بالمنتج يابن مصطفي يكش ياض حبه الناس الخواجات الي انت سافرت ليهم دول ينسوك انت ابن مين ؟ وليد : منستش ومش هنسي مصطفي : امال مالك وليد : -وهو يذهب- اعمل الي تعمله يابا مصطفي : -وهو يخرج هاتفه- يعز عليا دمك يا ادم !!!! ------*-----*------ ( في احد الكافيهات ) اتأخرت عليك ؟؟ حازم : لا انا لسا جي اقعدي.. ليلي : -بأبتسامه- كويس.. حازم : تشربي ايه ؟ ليلي : ليمون حازم : بلااااش لحسن اشربه انا في الأخر ليلي : -وهي تسحره بضحكتها- هههههه لا متخفش انا قاعده علي قلبك ومربعه حازم : نورتي... ليلي : -بحرج- احم ممكن اسأل سؤال حازم : دانتي طول اليل تسألي ليلي : -بأمتضاض- سديت نفسي. حازم : لا بهزر قولي... ليلي : -وهي تشيح شعرها الي الوراء- احم..انت مرتبط حازم : ههه لا مش مرتبط ليلي : -وهي تعقد حاجبيها- ولا ناوي ترتبط ؟ حازم : والله لو لقيت البنت المناسبه ليه لاء. ليلي : اه وانت مش في دماغك حد حازم : -وهو يرفع حاجبه الايمن ببراعه- امممم اشمعني. ليلي : -بفرحه- عندي ليك عروسه حازم : انتي -قال بكبرياء- لا مش موافق.. ليلي : ايه ياعم ده...دانا لسا عرفاك امبارح حازم : امال مين.. ليلي : طب بقولك سيبك....كلمني عن عيلتك ؟ حازم : الله يخربيت الاسئله المفجأه ؟ ليلي : الله انا قولتلك عن ماما حازم : مينفعش لأن اي حاجه تخص عيلتي سر ؟ ليلي : سرك في بحر حازم : اسمه في بير ليلي : واتفير... حازم : ليلي...انا معرفش انا في ايه يعني انا لسه متعرف عليكي امبارح..بس لو الكلام دع طلع برا -قال بحده- انتي الي هتتأذي ؟؟؟!!! ليلي : -وهي تبلع ريقها- انا خوفت... حازم : انا فعلاً محتاج افضفض لحد غريب..عندك استعداد ليلي : اكييد.. حازم : -بتنهيده محمله بعبء الكتمان-كل الموضوع انه...... ------*------*------ ( قصر آدم ) _ بينما كانت حوريه تمشي في الممر بسلام سمعت صوته _ ادم : اطلعي برا القصر في حاجه مستنياكي ؟ حوريه : -وهي تلتفت فلم تجده- ها ؟ ايه جو الرعب ده ؟ _ نزلت السلم بمرح معتاد وهي تشعر بتحسنها العافي ، نظرت للبوابه بشئ من الفضول الذي دب في مخيلتها الراقيه ، التفتت حولها بشئ من التخفي ثم جرت كالطفله للخارج ، ذهبت للبوابه بخطواط بطيئه وكأنها ذاهبه لتسرق بنك او ما شابه ؟ لم تري ذاك العاشق الذي يقف خلف نافذته بين جوارحه وأعلي أماله يتلهف رؤيتها بعشق شاغف وكأنه راوي وزهرته بين راحته تنبت ؛ فالحياه بالنسبه لها اصبحت ورديه محمله بآنوار العشق عندما لمحت شاحنه كبيره محمله بورود ؟؟ نعم ورود من اغلي الانواع شهقت بشده وهي تشعر بالورود تتحرر وتقع عليها وكأنها امطار ناعمه ؟ ضحكت بشده وهي تشعر بأن جسمها مغطا بالكامل ؛ بينا ادم اخذ يضحك علي ضحكتها الشاغفه التي اعادت النور بين اضلاعه الدامسه ؛ شعر بالروح ترد في جسده عندما وجدها تلعب بالورود كطفله لم تتجاوز الـ 7 ! اما هي نست العالم كشخص يري العالم بالألوان للمري الأولي او كطفل يري البحر للمره الأولي وجهاً لوجه ؟ ولكن بالتأكيد الاقدار لن تحالفهم لن تجعلهم سعداء لن تكمل فرحتهم ولن ولن ولن لنرا الي اي مده تصل الن ؟؟ حوريه : انت الي جبتها.. ادم : -وهو يلتفت بصدمه- از..ازاي دانا كنت لسه باصص عليكي حوريه : -وهي تحمل الورود بين يدها- شكرا...انا حققت احلي حلم في حياتي الي عيشتها والي لسه هعيشها.. ادم : -وهو يأخذ ورده ويذرعها فوق اذنها- العفو !!!! حوريه : أول مره تقولها... ادم : ومش أخر مره .. حوريه : مش هتفهمني بقا ادم : افهمك ايه حوريه : أي حاجه ، انا حاسه اني تايهه في متاهه كبيره.. ادم : مش لازم اي حاجه تعرفيها...اوقات الصمت بيكون نعمه يا حوريه حوريه : بس الوقت بيجري...وانا مش عايزه افضل كده....انا حاسه اننا مبنتقدمش ادم : -وهو يبتسم ويأخذ چاكيته ويذهب- تمام...اعملي سباق مع الزمن وصدقيني انتي الي هتكسبي.. _ خرج من المكتب بهدوء....تركها بهدوء مثل كل مره..يتركها وسط افكارها العميقه واحزانها النادبه ، بين عتمتها وسور قلبها العالي ؛ يتركها فوق سبع سموات لتهوي لسابع ارض ؛ وكأن الأسي في قلبها لا يتعالج مع الزمن ، فالنور بين جوارحها اختفي رغم محاوله الجميع بأضأته ! ونور طفيف اضاء في نصف قلبها الحي....نور عشقه ------*------*-------- ( في الكافيه الذي يجلس فيه ليلي و حازم ) _ صدمتها فيما سمعت لم تهدء ، شعرت بأن الكلام غزا قلبها ، هذا كان حال ليلي ، تجمعت العبارات في آعين ليلي لتقول صارخه في وجهه حازم ليلي : انا مشوفتكش صدفه.. حازم : منا عارف ؟ ليلي : عارف ايه حازم : عارف ان ادم هو الي باعتك تصرفاتك كلها بتقول كده.. ليلي : ط...طب ليه حاكتلي حازم : عشان لو جرالي حاجه ومت لازم تقولي الحقيقه ليلي : -بصدمه- وليه هتموت حازم : عشان الطيب مبيقعدش...انا مش عايز ابقي زي وليد...انا اكبر من اني ابقي مجرد جسد بيسعي للأنتقام ؟ ليلي : ط...طب و ادم..هيحصل فيه ايه لما يعرف الحقيقه حازم : ادم اكتر واحد هيكون مصدوم..-قال بأبتسامه هادئه- متخفيش هتكون معاه حوريه حبيبته. ليلي : طب وبعدين.. حازم : -وهو ينهض- مش عايز اشوفك تاني....صدقيني يعز عليا اني مشوفكيش..بس آهو... خلي بالك من نفسك عشاني !!! ليلي : -بحزن مروع- حازم...انا عايزه اشوفك تاني حازم : -وهو يربط علي كتفها- ادعي زي ما انا كمان هدعي يا ليلي... _ اوقات الهجر دوماً ما تكون مصدر للتجريح في قلوبنا ، لعل وعسي الأسي الذي نشعر به لا يدوم طويلاً ، يمكن للأكتئاب الا يسيطر علينا ونعيش في دامس ، كلنا نتمالك آنفسنا يوم الفراق ولكن مع مرور الزمن نتدهور ، والحنين الذي ينهش جوارحنا ببطئ يكاد ينهي علينا ، ما تبقي منهم لنا هو الذكري الحانيه في صوره ما او طريق عبرنا منه يوم ونحن مقيدين يدنا في بعض ، وكأن الهجر ما هو إلا سلاح ذو حادين يهدد العشاق ، ولكن بالنهايه رغم مفارقه الجسد تظل الروح واحده. ------*-----*------ _ شعر آدم بوغزه ما في آعماق قلبه... وبأن رأسه سينفجر من كثره الصداع الذي يفتك بها....فتح أعينه بألم وهو يشعر بألم آعلي حاجبه...لم ينجح في النهوض ف يداه مقيده بذالك الكرسي الذي يجلس عليه...تنفس بعمق وهو يحاول جذب يده بحده وكأنه يعاند الحبل الغليظ...صدره اصبح يعلو ويهبط وكأنه يتنفس نار...نظر امامه بحده و مصطفي : غلبتنا لحد ما چبناك آهنيه ؟؟ ادم : -بحده مميته- آنا فين ؟ مصطفي : انت حدي في الحفظ والصون.. ادم : -بغضب- شكلك كده كبرت وخرفت انك تلعب مع اسيادك بالشكل ده. مصطفي : والله صدج الي جال هذا الشبل من ذاك الأسد !!!!!!!! ادم : نعم ؟ شبل ايه وزفت ايه هات حد من خدامينك دول يفكني بدل ما اهد المعبد علي الفرعون وتبقي مشكله ؟؟ مصطفي : هتهدو عليا عاد. ادم : -بتهكم- ههههه مين قال انك فرعون....انت مجرد نكره ملكش وجود غير في عالم المجرمين ؟ مصطفي : خلاص يا چوكر احنا نشوف مين الي عيهد المعبد علي التاني. ادم : بقولك ايه ؟ انا زهقت اصلي خلقي بيضيق بسرعه.وربا ما يوريك ضيقتي ؟ مصطفي : -وهو يرفع المسدس في وجهه- والله يعز عليا جتل الي من دمي ؟؟؟ ادم : -بذهول- دمك ؟؟-بصراخ- ممكن افهم في ايه.. مصطفي : -وهو يضع المسدس في جبهته- سامحني يا ولدي -الغريب قالها وهو ينظر لـ ادم-!!!!! _ شعر ادم ببعض الدماء التي تناثرت اعلي قميصه ليصمت شارد لا يفهم ماذا حدث للتو..قال كلمه واحده فقط_ ادم : ولدي ؟؟؟؟ هدي : -وهي تدخل من الباب- ادم انت كويس !!!! ادم : انتي بتعملي هنا ايه ؟ هدي : -وهي تفك قيده- متخفش انا والبوليس هنا... ادم : وانتي عرفتي منين ان انا هنا ؟ هدي : كنت براقبك...-وقعت اعينها علي مصطفي سرعان ما ادارت نظرها- انا لازم اخرج مش هقدر افضل هنا... ادم : -وهو ينظر لمصطفي بذهول- دمك !!!!!!! _ خرج ادم مسرعاً وسط تساؤلات الشرطه له...بحث بأعينه علي سيارته فلم يجدها التفت علي صوت هدي وهي تصفر بيدها _ هدي : ادم....-وهي تلقي عليه مفتاح سيارتها- امسك يا برنس. ادم : -وهو يأخذ ويذهب- طلعتي بتفهمي.. هدي : اكييد... _ بدآ ادم يبحث عن السياره آلي ان وجدها وبأقصي سرعه انطلق بها وكأنه يتسابق مع الرياح _ -------*-------*------- ( في قصر ادم ) _ انتفضت حوريه فزعاً بدخول ادم المفاجأ... ذاد رعبها تلك الدماء علي قميصه ذهبت له بخطواط مسرعه ولكنها لم تلحقه فقد ذهب الي مكتبه واغلق الباب ورائه بسرعه... بدأ ادم يبحث في جميع اوراقه علي أي شئ...كان يرمي بعض الأوراق ويفتش في البعض الاخر...فتح خزنته وفتش بها....ذهب لذلك الرف ليفتش به...واخيرا خزنه احمد الصياد التي كان يتخذها كذكري...فتحها بهدوء بعدما تذكر الارقام جيداا...وجد بعض الاورق القديمه التي طبع الزمن وقته عليها....امسك ورقه ما كان لونها اصفر من كثره التراب المختزن عليها....امسكها بيد مرتعشه وهو يزيع التراب و يقرأ ما مكتوب بها..سرعان ما وقعت الورقه من يده بصدمه..وهو يرجع بأدراجه المحمله بالخيبه للوراء...وكأن اعينه ترفض ما قرأت لم يشعر بحوريه وهي تقف ورائه تحاول فهم ما يحدث....نظر لها بحزن وهو يركض بعيداً عنها... حوريه : ادم ؟؟؟؟؟؟ _ شعرت بهاتفها يهتز في جيب چاكتها اخرجته لتضغط عده مرات وتضعه علي اذنها _ حوريه : الو ايوا يا ليلي...قولي.. _ عقدت ما بين حاجبيها علي تلك الورقه الملقاه امامها ارضاً..مدت يدها بهدوء لتلتقطها...سرعان ما صرخت وهي تستمع الي كلام ليلي وتقرأ ما مكتوب بالورقه....قالت بنبره ضعيفه ؟؟؟؟ أدم مصطفي عواد !!!!!!!!!