حب وعشق (الاربعة) - الفصل الرابع 4 | روايتك

بقلم حنين صبري يارة دخلت اوضة سيف وراحت عند الكميرات والحجات الي بيصور بيها فديوهاتو وكسرتها ومسكت تلفونو ومسحت الحساب بتاعو وسابت الحجات وطلعت وهي طالعة اتخبتط في ادم ادم: مالك بتجري كده ليه وبعدين ايه الي جابك من اوضة سيف كنتي بتعملي ايه جوه يارة: مكنتش في اوضة سيف اه ولازم امشي عادل بيتصل عليا وسابتوا وجريت ادم بصلها واستغرب ولاكن قال انو ملهوش دعوه وقال انو مش هيدخل في حاجه ويركز في شغلو وبس يارة دخلت اوضتها وهي مرعوبة وبتفكر معقولة ادم يدخل ويشوف الي هي عملتوا وتتفضح وعمالة تروح وتيجي في الاوضة دخلت ليلي وحتط ايداها علي كتف يارة يارة صوتت ليلي قالتلها وهي متفاجأة:في ايييه مالك متوترة كدة ليه يارة بصتلها وقررت تحكلها عشان لو حصل حاجه تبقا هي معاها وتسعدها يارة: سيف ليلي: مالو سيف يارة: سيف عمال يديقيني من ساعت ما جينا وكل شويا يتخانق معايا ويكلم عادل وحش ومعرفش شايف نفسوا علي ايه ليلي: اه وبعدين يارة: دخلت اوضتو وكسرت الكاميرة بتاعتو ومسحت حسابو من علي الفون ليلي: انتي مجنونه ايه الي انتي عملتيه ده يارة: معرفش بقا وبعدين هو الي ديقني ليلي: طيب في حاجه تاني حصلت يارة: اه ادم شافني وانا خارجة من الاوضة ووقفني وسألني ايه الي دخلني اوضة سيف وانا سبتو ومشيت ليلي: ليه كده بس يايارة احنا نقصين مشاكل سكتوا لما دخلت سلمي بتسألهم ايه الي حصل راحو يحكولها سيف دخل البيت وسلم على مامتو الي كانت قاعدة في الصلون وقبل مايدخل اوضتوا سألها علي خواتو مدام وفاء: محمود نزل الشغل وادم لسا جاي من برا ودخل اوضتو واحمد طلع علي السطح يظبت حجات راح سألها علي يارة مدام وفاء بتبصلو بستغراب: هي وخواتها في اضتهم بس منة لسا في الشغل لاكن انت سألت عنها هي بالاسم ليه سيف رد وهو حس انو هيتكشف : لا انا بسأل عادي اصل انا مش سامع صوتها انتي عارفه انها بتبقا طول الوقت بتلف في البيت وهي بتكلم عادل فابسأل عادي مدام وفاء: طيب روح غير وهندهلك تتغدا سيف هز راسو بالموافقة ودخل اوضتوا وبعد فترة سمعوا صوتو وهو بيصوت قامت مدام وفاء تجري حتة ادم والبنات وكلهم دخلو اوضة سيف سيف اول مادخل الاوضة شاف الكاميرة مكسورة في الارض وكا رد فعل سريع جري علي التلفون وفتحو ودخل شاف الحساب بتاعو ممسوح وراح مصوت كلو طبعا بقو في الاوضة عند سيف مدام وفاء وهي مزغوفة: في ايه يابني مالك وجرت قاعدت جمبو علي السرير ادم: في ايه يا سيف ما تتكلم وايه الي كسر الكاميرة بتاعتك مش دي الي جيالك هدية من انجلترا سيف: معرفش حتي الحساب بتاعي ممسوح ادم بص كارد فعل تلقأئي ل يارة يارة:انا مكنتش اعرف انها هديه سيف: يعني انتي اللي عملتي كده يارة هزت راسها بالموافقة سيف: طيب ليييه يارة: انت علي طول بتديقني وانا كنت عايزة اخد حقي ودايقك سيف بصلها وسكت كانت في ايدو الكاميرة راح راميها وسبهم وطلع سيف وهو طالع من باب البيت خبت في احمد احمد: مالك سيف: مفيش جه سيف يمشي احمد وقف قدامو: بقولك مالك سيف زق احمد وسابو وركب العربية احمد دخل البيت يشوف في ايه (في الاوضة بتاعت سيف) مدام وفاء: ليه كدة بس يابنتي يارة لسا هتتكلم قاطعتها مدام وفاء مدام وفاء: عارفه انو بيديقك بس هو بيهزر معاكي ومبيبقاش قصدو سعات بس حصل خير وسبتهم وطلعت من الاوضة وطلع وراها ادم وراح الاوضة بتاعتو لانو مش بيحب يدخل في اي حاجه وبنفس الوقت مش عايز يعمل مشاكل والبنات سلمي وليلي ويارة دخلو اوضتهم ليلي: الي انتي عملتيه ده غلط يا يارة يارة: يعني عيزاه يديقني واسكتلو سلمي: علي فكره الي عملتو يارة ده مش غلط ليلي: لا والهي سلمي: ايوا مش غلط هما مش هيعملونا وحش ونسكتلهم هما مش هيزلونا عشان قعدين عندهم ليلي: مفروض انك اكبر واحدة فينا وانك عاقلة سلمي ضحكت وهزت راسها يارة: خلاص لما يرجع هروح اعتزرلو تمام ليلي: تمام سلمي: مع اني شايفة انو ملوش لازمة بس تمام طلع سيف من البيت وهو في العربية فكر هيروح فين وقرر يروح عند محمود الشغل وراحلو محمود: مالك شكلك عامل كده ليه سيف حكالو الي حصل محمود بيستمع ليه وساكت سيف: هتفضل ساكت كدة كتير محمود: الصراحه يا سيف انت تستاهل عشان المعاملة الي بتعاملها بيها سيف: عايز تقارن الي هي عملتو بمعملتي ليها محمود: اه اصل ياسيف كل واحد وبتريقتو ولو مش عجباك طريقتها خلاص متتعاملش معاها من الاساس سيف بصلو وسكت محمود: الي بقا لو تستحمالها سيف هز راسو ولسا ساكت محمود: يله نمشي اكيد ماتغدوش ومتعشوش ومستنينا سيف قام وقف ومشي ورا محمود (في البيت) منه جات من الشغل ودخلت الاوضة غيرت لبسها وكانت تعبانة اوي فا قررت تنام ومتتعشاش ورقدت علي السرير بس دخلت عليها ليلي ومردتش تخليها تنام وبعديها دخلت سلمي ويارة وقعدو يغلسو عليها منه: والهي تعبانة سبوني انام ليلي: طيب اتعشي الاول وبعدين نامي وتلايقي متغدتيش اصلا سلمي: يله قومي بقا بلاش دلع منه وهي بتضحك: صح مهو الي ايدو في الماية غير الي ايدو في النار ضحكو كلهم معادة يارة منه: مالك يايارة يارة حكتلها الي حصل منه: لازم تعتزريلو يارة: منا كنت هكلمو في التلفون بس ليلي مردتش وقالتي اني استنا لما هو يرجع منة: طيب زمانو رجع روحيلو واعتزريلو يارة قامت وطلعت بره الاوضة وكانو دخلين محمود وسيف مع بعض ومدام وفاء كانت قاعدة في الصالة واول ما اولادها دخلو قامت وقفت وحضنت سيف سيف: انا كويس يا ماما متقلقيش مدام وفاء: اما انت كويس طلعت كده ليه من البيت سيف بص لمحمود سيف: اصل محمود كان متصل عليا وكان قايلي اروح اجيبو مدام وفاء: طيب ادخل غير هدومك عقبال ما نحط الاكل سيف سبهم ودخل الاوضة يارة دخلت وراه الاوضة وخبتط سيف: اتفضل يارة دخلت وكان واقف يقلع اميصو فا لما شاف يارة بص الناحية التانية يارة بصالو وهي عنيها مرغرغا: انا اسفة سيف فضل يقرب منها يقرب وهي وقفة سابتة ماكنها راح شدها من قدام الباب وقفلو وبصلها سيف: قولتي ايه عشان مسمعتش حلو المره دي بقا ردت وهي بتعيط: انا اسفة قرب منها وبأيدو مسك ايديها والايد التانية مسح دموعها وحب يطلعها من الموض عشان مش بيحب يشفها زعلانة سيف: ايه ده انتي طلعتي بتعيطي وتزعلي عادي كده زينا دنا كنت افتكرك معندكيش دم زي خطيبك(وراح ضاحك) يارة بصتلو وسحبت ايديها من اديه وخبتطو علي كتفو وقالتلو يارة: خطيبي الي مش عجبك ده احسن منك وسابتو وجاية تمشي راح شديدها من اديها جامد وايدو التانية علي وسطها وقريبين من بعض سيف: عيدي الي انتي قولتيه كده تاني يارة: سيف سبني ايدي ابتدت توجعني سيف وهو بيضغط عليها اكتر ويقربها منو اكتر سيف: قولتي انو احسن مني صح يارة: سيف سبني مينفعش ابقا قريبة منك كده سيف ساكت ومش بيرد عليها وبيقرب منها اكتر يارة وهي بتحاول تبعدو بس مش عارفه: خلاص ياسيف انت احسن سبني بقا سيف فاق علي نفسو لما بص في عنيها وشفها انها خايفة منو راح بعد عنها وادها ظهرو ويارة سابتو وطلعت وهي عند باب الاوضة قالتلو يارة: يعني انت مش زعلان خلاص عشان محسش بتأنيب الضمير سيف بصلها وبتسم: لا مش زعلان يارة ابتسمتلو: طيب يله عشان نأكل انا جعانة اوي سيف: جاي وراكي علي طول يارة جات تمشي راح تلفونها رن سيف قفل وشو: عادل صح يارة هزت راسها بالموافقة وردت علي الفون وسابتو ومشت سيف رح عند الباب بتاعو وقفلو جامد بقلم حنين صبري ............................. يارة: الو عادل: اي ياقلبي مرنتيش عليا انهاردة خالص ليه و مبترديش عليا يارة: معلش كنت مشغوله، هو في حاجه ولا ايه عادل: هو لازم يبقا في حاجه عشان اسمع صوتك يارة: لا بس قاطعها عادل: طيب عايز اشوفك مشفتكيش من ساعت ماروحتي عند عمتك يارة: علي فكره انت كداب انت لسا شايفني من يومين عادل: بس وحشاني اوي يارة: ماشي عادل: اسمها وانت كمان وحشني يارة ضحكت وبالصدفة كان طالع سيف من الاوضة وراح زقها يارة: اااه سيف: معلش مكنتش اقصد، وسابها ودخل لاوضة السفر عادل: في اي يارة: مفيش عادل: امال اتوجعتي علي ايه يارة: لا بس اتخبت عادل: طيب يبقا خدي بالك يارة: ماشي راحت نادهة عليها مدام وفاء يارة: طيب يا عمتو جايا عادل: مين الي بتندهلك يارة: دي عمتو عادل: عايزة ايه منك يارة: اعتقد انهم حطو العشا عادل: طيب روحي كلي وشويا وارن عليكي يارة: ماشي باي عادل: باي وقفلو وراحت دخلت اوضة السفرة .............................. ليلي وهي بتحط الاكل علي السفرة دخل محمود بصو لبعض ناظرة طويلة وراح محمود قاعد ادمها ودخلت يارة وبقيت البنات ومدام وفاء وسيف وباقي الشباب وقعدو الشباب والبنات قدام بعض سيف قدام يارة وليلي قدام محمود ومنه قدام ادم وسلمي قدام احمد ومدام وفاء في النص كلهم مركزين في الاكل ومش بيتكلمو راح محمود قلع الجزمة من رجلو وبيقرب رجلو لرجل ليلي من تحت التربيزة ليلي بصتلو شورلها بعنيه انو عايز يتكلم معاه بعد الاكل وهي فهمت بس عملت نفسها مفهمتش وبصت في الاكل تاني راح محمود عامل رجلو تاني راحت بصالو تاني بصلها بص كأنو بيترجها رجعت بصت في الاكل تاني جه يعمل رجلو بس المره دي رجلو جات في رجل منه عمال يعمل برجلو وبرضو ليلي مش بتبصلو منه: طيب مهي دي الرجل الغلط محمود بصلها واتكسف وشال رجلو وبص في الاكل وليلي بصتلهم وفهمت وهزت راسها لمحمود انها موافقة تتكلم معاه مدام وفاء: اي الي انتي قولتيه ده يامنه مش فاهمة حاجة منه: لا متخديش في بالك يا عمتو وسابتهم وقامت مدام وفاء: اقعدي كملي اكلك يابنتي منه: منا كلت يا عمتو بس انا هروح انام عشان لازم اصحا بدري مدام وفاء: ربنا معاكي يابنتي منه دخلت الاوضة وبعديها سلمي وتلفون يارة رن وراحت قامت حتى الشباب قامو مفضلش علي السفرة غير مدام وفاء ومحمود وليلي مدام وفاء: تعالي يا ليلي شيلي معايا الاطباق ليلي قامت وشالت معاها الاطباق ورجعت مدام وفاء دخلت اوضتها عشان تنام ودخل محمود المطبخ وشد ايد ليلي ودخلو الاوضة بتاعتو وهو راح قافل الباب ليلي سابتو ودخلت البلكونة دخل وراها وهي ساندة ظهرها علي الحيط البلكونة وبصا في السما: عايز ايه يا محمود محمود وقف ادمه وسند نفسو علي سور البلكونة وقالها محمود: يعني انتي مش عارفه انا عايز اي ليلي: لا مش عارفه هتقول ولا امشي وجات تمشي مسكها من اديها ووقف ادمها محمود: انا بحبك ياليلي وعديت مرحلة الحب كمان ودخلت علي مرحلة العشق ليلي انا عايزك ليلي بصالو وتحس انها مصدومة مع انها كانت عارفة انو بيحبها، وفي الحظة دي ليلي نست كل زعلها بتجاه محمود ليلي: بتحبني محمود قرب منها اوي محمود: تؤتؤ بعشقك وراح ماسك وسطها وقرب شفايفو منها وراح بيسها ليلي كانت هتمنعو بس هو كان وحشها اوي وفي نفس الوقت كانت محتجالو وكانت حسة نفسها وحيدة وهي مكنتش معاه بس وقفتو ليلي: محمود احنا في البلكونة محمود : مبقتش تفرق معايا ياليلي ولسابيبوسها ليلي: بس انا تفرق مش حبا حد يشفنا محمود بعد شويا عنها بس لسا حضنها بأيدو: اعمل ايه بقا مانتي علي فكره الي خلتيني اعمل كده ليلي: انا محمود: اه انتي، كنتي وحشاني اوي وغير كده بتحاولي تبعدي نفسك عني وبقالي اربع سنين مشفتكيش ليلي: ومين كان سبب في الاربع سنين دول محمود: انا ، بس جربتي تسأليني ليه ليلي بصتلو وسكتت محمود: كان غصب عني والهي اخويا كان محتجلي وحكالها موضوع ادم واتكلمو سوا كتير بس دخل احمد فهي سابتو وطلعت دخلت الاوضة وخوتها سألوها عن الي حصل وليلي حكتلهم سلمي: انا كنت عارفة انو بيحبك وانو مسبكيش كلهم بصولها لانها كانت بتقول عكس كده يارة: انا كل الي مش مصدقاه انو باسك ليلي ضحكت يارة: يحظك سلمي خبتتها علي كتفها سلمي: وهتعملو ايه دلوقتي ليلي: مش عارفه البنات قررو ينامو وبذات بعد ما قامت منة زعقتلهم عشان صوتهم كان عالي وهي مكنتش عارفه تنام ___________ احمد: يعني انت نواي تعمل ايه دلوقتي محمود: هتجوزها احمد: لا والهي بالسهولة دي محمود: اه احمد: وهتطلب ايدها من مين بقا انشاء الله محمود: تصدق مفكرتش فيها بس سهلة من امك احمد: من امي ازاي محمود: مش هي دلوقتي وكلتهم لحد سنة احمد: اه محمود: بس خلاص احمد ضحك وقالو: انت متخيل ان ماما هتوافق محمود: اه وهسبتلك بكره يله روح نام احمد سابو وطلع وهو برضو لسا بيضحك (جه الصبح) وكلو قاعد علي السفرة بيفطر وليلي ومحمود بيبصو لبعض محمود بص لامو وقالها: ماما مدام وفاء: نعم يا حبيبي محمود: انا عايز اتجوز كلهم ضحكو حتة مدام وفاء ومحمود بصلهم كأنو بيسألهم بتضحكو علي اي مدام وفاء: وفي بنت ولا انا هدورلك محمود: لا فيه مدام وفاء: اخيرٱ طب الحمدلله هي مين محمود: قاعدة قدامك كلهم اتصدمو وبصو لبعض مكنوش متخيلين جراءة محمود وبذات انو بيبقا علي طول مكسوف مدام وفاء: قدامي ازاي يابني محمود شاور علي ليلي بصباعو: اهي وكانت ساعقة علي الجميع ?? ياترا ايه اللي هيحصل؟؟ الكاتبة (حنين صبري)