حب وعشق (الاربعة) - فصل الثاني | روايتك

بقلم حنين صبري منه فاقت وراحت قايللهم في ايه ليلي شغلت مكبر الصوت وكان فارس محامي العيلة بتعتهم هو الي علي التلفون منة: في ايه يا فارس فارس: ورطة يا منة ورطة منة: طيب فهمني في اي فارس: وانا بقلب في ورق الشغل وورق الوصية بتاعت الحج مصطفي دخل عليا استاذ ياسر وداني ورق مكتوب فيه ان الحج مصطفي كتبلوا الشركة والبيت والمصنع حتة البيت والمصنع الي في فرنسا كتبوا باسموا حتي الرصيد الي في البنك باسموا يارة: ومين ياسر ده وازاي بابا يعمل حاجه زي كده عادل: ياسر ده منفسنا في الشركة وكان صديق عمي مصطفي بس بسبب الشغل وطمع ياسر فا عمي مصطفي وياسر بقوا اعداء ليلي: طيب وليه بابا يكتبلو الحجات دي باسموا فارس: معرفش يارة: طب مش ممكن يكون الورق مزيف فارس: لا مش مزيف وانا اتأكدت بنفسي حتي امضاء الحج مصطفي صحيح علي الورق منة: طيب وبعدين فارس: لا زم تسيبو البيت قبل اخر الاسبوع عشان ياسر قدم فيكم بلاغ ليلي: طب هنروح فين عادل: متخفوش انا هتصرف فارس: لا ومكتوب من ضمن الواصية بتاعت الحج مصطفي انكم يابنات لازم تعيشوا عند واحدة من عمتكم لمدة سنة وان لو الوصية دي اتنفزت في حجات لسا بأسم الحج مصطفي بس لازم تنفيز الوصية الاول منه: ها وايه كمان فارس: انا هتصل علي اعماممكم وعماتكم واقولهم علي الكلام ده وان انتو تيجوا المكتب كلكم بليل نشوف بقيت الورق الواصية سوا ونشوف هنعمل ايه فارس قفل الخط والبنات بصوا لبعض نظرة اليأس وانهم مش عرفين هيعملوا ايه وابوهم عمل فيهم كده ليه ______________________________________ بقلم حنين صبري في بيت اخر ولاكن من نفس العائلة بيت المدام( وفاء) اخت الحج مصطفي (نتعرف عليها وعلي اولدها الاول) المدام وفاء عمرها 52سنة وعندها اربع اولاد ومنفصلة عن جوزها (الحج حسن) من حوالي 12سنة وهي الي ربت اولدها الاربعة الشباب الابن الاول والي هو الكبير كان اسمو (احمد) وعندو 28سنة وكان دكتور جراح كبير طويل وشعرو اسود من النوع الناعم وعنيه مش سودة ولا بني وعندو غمازة والابن التاني كان اسمو(ادم) وكان عندو 25سنة وشعرو اسود وطويل وبيبقا رافعوا بتوكة ولونو اسود وهوابيض وعنيه سودةوعندوعضلات وكان جدي جدآ في شغلو ومعندهوش اي وقت للحياة او الهزار ومبيضيعش دقيقة من حياتو وتكون ملهاش لازمة الابن الثالث وكان اسموا (محمود) وكان عندو 24سنة طولة متوسط وابيض وشعرو اسود وعنيه سودة وهو انسان اجابي جدا وكان بيحب الطبخ جداً وكان وقتو كلو مضيعو في المتبخ وشغال شيف كبير في فندق خمسه نجوم غير انو بيحب الكتب والرويات والهدوء والبعد عن المشاكل الابن الرابع والصغير كان اسمو (سيف) وكان عندو 22سنة وده مجنون في حاجه اسمها سفر ولعب وخروج وتصوير كل يوموا هو شعرو من النوع الناعم الطويل بس هو ديمآ بيبقا عاملو كرلي عشان يبقا كجول وعنيه بني وهو ابيض (نكمل الاحداث) دخلت المدام وفاء البيت بتعها بعد عزاء اخوها الحج مصطفي وكانت بتعيط كتير ومن غير صوت دخلت وقعدت علي الكنبة الي كان لونها كفيه غامق وجنبيها كنبة تانية لونها بني والحيطان كان لوناها بيضة والستأر كفية وبني وكان في نصف الصالة تربيزة من الازاز وقدامهم التلفزيون احمد: اهدي يا ماما وكفايا عياط لحد كده ادعيلو بالرحمة وانشاء الله ربنا هيستجيب المدام وفاء: انشاء الله يابني بس متخيلتش ان يجي يوم واخويا يبقا موتو قبل موتي جري عليها محمود وقعد علي الارض جمب رجلين امو ومسك اديها وقالها محمود: ربنا يخليكي لينا ياماما وبعدين كل شئ قدر ونصيب من عند ربنا مينفعش نعترض علي حكمتوا او قدرو مدام وفاء مسحت بأديها علي شعر ابنها محمود وقالتلو مدام وفاء: معاك حق يابني كل شئ قسمة ونصيب من عند ربك سكتو شوايا ورجعت المدام وفاء اتكلمت مدام وفاء: وبعدين فين اخوكو ادم وزاي ميجيش عزاء خالو دنا اتكسفت لما ملقتهوش جه معاكم وحمدت ربكم ان محدش كان فاضي يسأل رد عليها سيف: منتي عارفه يا ماما ان ادم مبيحبش يسيب شغلو لاي سبب وقال كده كده محدش منهم يعرفني اوي فا محدش هياخد بالو من غيابو وقال انو لو راح مكنش هيخليكي تقعدي وكنا مشينا علي طول عشان مش بيحب الاجواء دي مدام وفاء: يرضيك الكلام ده يا محمود محمود: لا يا ست الكل بس انتي عارفه ادم بقا فا متزعليش مدام وفاء هزت راسها بالموافقة عل كلام محمود وسيف عن ادم وفجأه تلفون مدام وفاء رن احمد: مين يا ماما الي بيرن عليكي دلوقتي مدام وفاء: ده محامي العيلة فارس محمود: طب ردي شوفي في ايه وشغلي المكبر مدام وفاء: السلام عليكم فارس: وعليكم السلام مدام وفاء: في حاجه ولا ايه يا بني فارس: حاجه واحدة دول حجات مدام وفاء: قول يابني خوفتني فارس حكلها علي كل حاجه قالها للبنات وقالها انو تيجي مكتبوا هي واولادها واخواتها بليل علي الساعة 7 مدام وفاء: اكيد في حاجه غلط في الموضوع ده بس ماشي هتصل بخالد وعاصم وفوزية واقولهم فارس: انا اتصلت بالاستاز خالد وهو كلم الاستاز عاصم انتي بس كلمي المدام فوزية واكدلها ان المعاد الساعة 7 مدام وفاء: ماشي يابني وقفلت الخط وكانت الساعة دخلت علي 5فقامت تجهز نفسها واولدها كمان ________________ بقلم حنين صبري بليل في مكتب (المحامي فارس) كانو قعدين الاربع بنات والاستاز عاصم والاستاز خالد والمدام فوزية باولادهم وطبعآ المدام وفاء باولدها معادة ادم مجاش لسا من الشغل كان عاصم عندو بنت اسمها ريم ودي كانت مختوبة وولد اسمو خالد علي اسم اخوه والتنين كانو في الجامعة والا ستاز خالد كان عندو بنت اسمها سارة ودي متجوزة عن قريب وعندو ولدين اسمهم عمر وادهم والمدام فوزية عندها بنتين واحدة اسمها ملك والتانية اسمها مريم والمدام وفاء طبعا عرفتوها (نكمل الاحداث)في المكتب سلمي: يعني ايه مفيش حل امال انت جيبنا هنا ليه فارس: اهدي بعد ازنك يا انسة ليلي: الصراحه سلمي معاها حق لما انت بتقول انو مفيش حل جيبنا ليه وعامل القعدة دي ليه فارس: علشان نتكلم في موضوع الوصاية بتاعت الحج مصطفي منة: وبعدين فارس: شوفوا الورق ده كدة وهو فارس بيمد ايدو يدي الورق لمنة خدو منا ايدو عاصم وبدأ يقرأ فيه وكان اول شرط ان بناتو يعيشو مع واحدة من عمتهم لمدة سنة عاصم: انا مش قادر افهم دماغ اخويا بتفكر ازاي يعني ليه الوصية دي كأنو كان عارف انو بناتو مش بقلهم حاجه من بعدو ولا حتي البيت عشان كدة وصنا ببناتو خالد: مش يمكن كان مجبور علي الورق ده فوزية: انا عمر ما اخويا اتجبر علي حاجه وتلاقي دي خطة من بناتو عشان ياخدو الورث بتاع اخويا كلو وميدناش حاجه منو خالد: اسكتي يا فوزية احنا في ايدينا ورق ومتوثق كمان فا حرام متظنيش كده في بنات اخويا انتي مش شايفة شكلهم عامل ازاي فوزية: خليك انت كدة ديمٱ واقف ضددي خالد لسا هيتكلم وقاطعتو صوت يارة وهي بتقول يارة: انا مستحيل اعيش مع عمتي فوزية مستحيل دنتوا ادفنوني جمب ابوايا ولا اني اعيش معاها مدام فوزية: وانتي تطولي تعيشي معايا ولا تقعدي في بيتي وبعدين مين قالك اصلا اني هوافق انكم تعيشوا معايا قاطعتها مدام وفاء وهي بتقول مدام وفاء: خلاص يا فوزية خلاص يايارة انتو هتعيشوا عندي وبعدين انا لسا رجعة من بارة مصر وانتو وحشني اوي ومش هقبل اي اعتراض وصاية اخويا لازم تتنفز بصت لقت ولدها الثالثة بصنلها اوي راحت عملت نفسها مشفتهمش الاولاد بيتهمسو مع بعض سيف: شفت امك عايزة تجبلنا الغربان دول يعيشو معنا في بتنا دنا مش ناقص محن يارة وعادل هيفضلو يتكلمو طول النهار وانا بكره عادل ده احمد: الموضوع مش في كدة صح انا كمان بكرههم بس اهم حاجه لو وفقوا هتعمل ايه يا محمود محمود: مش عارف مش هقدر عيني كل شوايا تيجي في عنيها ومتكلمش معاها ولا وراح قاطعهم خالهم خالد وبيسألهم هما بيتهمسوا في اي راح قيلالو ولا حاجه وغيرو الموضوع سلمي: معلش يا عمتو مش لازم الوصية دي بالزات تتنفز ممكن ننفز اي واحدة تانية منة كملت كلام اختها منه: اه يا عمتو مش لازم دي رد عليهم فارس فارس: مينفعش يا انسات دي بالزات لازم تتنفز وبعدين انا بشوف ان عمتكم وفاء طيبة وبتحبكم يارة: واحنا كمان بنحبها بس قاطعها خالد وقالها خلاص تعالو عيشو عندي انا قاطعوا فارس فارس: مينفعش لازم عمة يا اما المدام فوزية يا اما المدام وفاء مدام وفاء بتراقب البنات في صمت واكترهم ليلي الي متكلمتش خالص سلمي: طيب ممكن تدونا فرصة نفكر عاصم قاطعها عاصم: لا مفيش وقت للدلع الي انتو فيه ده دلوقتي تروحوا تجهزو شنتكم وتنامو وتصحو الصبح تروحو عند وفاء وده اخر كلام ومش عايز اسمع نفس فهمين يله كل واحد يروح علي بيته عاصم ده الكبير وبعديه الحج مصطفي وبعدية خالد وبعدية فوزية واخر وحدة المدام وفاء -------------------------- بقلم حنين صبري كل واحد فعلآ روح بيتوا حتى البنات يارة: انا هتجنن شوفتو كانو بيكلمونا ازاي ولا عمكم عاصم الي ادا الاوامر وسبنا ومشي حقيقي هتجنن انا اعيش مع الي اسمو سيف ده في بيت واحد ازااااي سلمي: كفايا صداع بقا مهو الي حصل حصل منة: انا عن نفسي هبقا طول النهار في الشغل وهجي بليل هنام بس انتي يا ليلي هتعملي ايه سلمي ويارة في نفس الوقت ايوا انتي هتعملي ايه ليلي وهي الدموع في عينها:مش عارفه بس لازم نروح هدوس علي قلبي ونروح منة: علي فكره انتي مش مجبورة علي حاجه لو مش عايزة نروح خلاص من بكره الصبح احجز تذاكر ونسبلهم مصر ونمشي لكن مش هشوف اختي موجوعة واقف اتفرج عليها واسكت ليلي: الي خلاني استحمل وجع اربع سنين يخليني استحملو تاني دلوقتي صح كانت قصة حب غريبة شويتين ومش مفهومة ومحدش من الطرفين اعترف بيها بس كانت ممكن تكمل لاكن انتو بقا عرفين النصيب يا بنات منة بتطبطب علي كتف اختها وبتستمعلها ويارة حتت راسها علي كتف ليلي من الناحية التانية وكانو قعدين علي السرير قامت وقفت مرة واحدة سلمي وقالت سلمي: احنا هنروح بيت عمتو بس بشروط يارة: ايه هيا الشروط سلمي: اول حاجه كل واحده تحافظ علي مشاعرها ومتحبش حد من الشباب الي هناك وهي بتقول الكلام ده كانت بتبص ليلي يارة: انا اكيد مش هحب حد انتي نسيتي مخطوبة منة: وانا اكيد انتو عرفين جربت قبل كده وخلاص سلمي لسا بصا علي ليلي ومستنيها تتكلم ليلي: ولا انا خلاص هقفل علي قلبي ومش هرجعلو ومش هحنلو تاني سلمي: ولا انا كده كده مبحبش عيلة بابا كلها كبرها واصغرها شبابها وبناتها بس مضطريين بقا يله قومو جهزو الشنط معايا __________________ مدام وفاء وصلت علي بيتها وقاعدت علي كنبتها كاالعادة واولدها بيبصولها وقعدين قدامها مدام وفاء: هتفضلو سكتين ومصدومين كده كتير احمد: عيزانا نقول ايه مدام وفاء: تقومو تجهزو معايا الاوضة لبنات خالكم هنا بقا دخل ادم وسمع امو وخواتو ادم: واهيه الي هيجيب بنات خالنا هنا ويعيشو معانا ليه مدام وفاء حكت كل حاجه لاادم ادم: معقولة بس اصل خالي ده كان بيحب بناتو اوي ازاي يعمل كده وبعدين ايه غردو من الوصية دي مدام وفاء: معرفش والهي يابني بس الي اعرفو دلوقتي ان البنات دول امانة في رقبتي لحد ما اموت محمود: بعد الشر عليكي يا امي متقوليش كده مدام وفاء: طيب مين هيروح يجبهم بكره سيف قال مش انا واحمد قال اكيد مش انا وادم قال انا معرفهمش انا اعرفهم بلاسامي بس منتي عارفه اني مش مختلط فيهم واني علي طول مسافر عشان الشغل كلهم بصو علي محمود محمود: خلاص ياجماعة انا هروح اجبهم قاطعو سيف وقالو بس راح قاطعوا محمود وقالو: مابسش انا هجبهم وبعدين انتو عرفين ان هما بيحبوني ومتعلقين بيا ومصحابهم فا عادي مدام وفاء: طيب انا كده اطمنت اما اقوم اريح جسمي وانام منتوا عرفين اني تعبانة سابتهم وقامت ادم جه قعد جمب محمود وقالو طب وليلي محمود: مالها ليلي ادم: علي فكره انا عارف العلاقة الي بينك وبنها وعارف برضو اني السبب فانكم تسيبو بعد اربع سنين محموه: لا انت ملكش زنب ادم: لا ليا انا الي خليتك تسيب الدنيا هنا وتسيب حبيبتك في اليوم اللي كنت هتعترفلها بي في حبك وسفرتلي بس كنت محتجلك وقتها محمود: عارف وحقيقي مش انت السبب انا سألتها اكتر من مرة لو هي عايزة تقول حاجه قبل ماممشي وهي الي قالتلي لا فانا جتلك وحاولت اتصل عليها من هناك بس هي كانت عملتلي بلوك ومكنتش بترد عليا من اي رقم غريب انت ملكش زنب انت كنت محتاجلي وهي مسمعتنيش ادم حضن اخو وقالوا هي ملهاش زنب واي وحدة مكنها كانت زعلت كده محمود: تخيل يا ادم من اول القعدة في المكتب وهي مرفعتش عنها في عيني ولا اتكلمت خالص عارف الي قالمني سكوتها ده ادم: معلش يا محمود هي بس موجوع اول حاجه امها ماتت وانت عارف هي كانت متعلقة فيها قد ايه وبعدها انت وقفت جمبها وبعد ما حبتك وتعلقت فيك انت سبتها وسفرت وبعديها ابوها مات فا كل الناس الي بتتعلق فيهم بيسبوها ويمشوا محمود بصلو وهز راسو يأكد الكلام ده احمد: كفايا درما وصعبنيات بقا وانت يا محمود حببها فيك تاني وصلحها وحكلها الي حصل معاك وانت ليه سبتها وخلاص خلصنا اه وحاجة كمان انت ياض ياسيف متعملش مشاكل مع عادل ولا يارة وبلاش شغل الاطفال ده فاهم سيف: انا اطفال بس ماشي ادم: يله ننام بكره يوم طويل واحداثوا هتبقا كتيرة ياترا هيقدرو يعيشومع بعض ولا لا؟؟ وايه الي هيحصل مع محمود وليكي؟