❴🔢❵☟الــبــــــ❴ 1️⃣ ❵ـــــــارت☟
_*البارت*_
1
2
3
♥️♥️♥️♥️♥️♥️♥️♥️♥️♥️♥️➖➖➖➖➖➖➖➖➖➖➖
1
ابوس ايدك امسح الصور دي انا مخطوبه لواحد صعيدي لو شافهم هيقتلني ارجوك
بعت الرساله دي وهيه مرعوبه ومستنيه قدام التليفون وهيه بتترعش
جاتها رسالتو الي خلت دموعها نزلت برعب لما كتب...مفيش صور هتتمسح لو حابه تمسحهم ..تلبسي الي لبساه في الصور وتجيلي اتفرج على الطبيعه
اتسعت عنيها برعب وكتبت ..انت..انت بتقول ايه لا طبعا مقدرش اعمل ده مقدرش..انا بنت ناس..ومخطوبه
جاتها رساله منو وكتب...فعلا بنت ناس بأمارة اللبس الي لبساه في الصور الي بعتهالي...والمسجات..كل حاجتك معايا يا قمر ولو مسمعتيش الكلام هتلاقيهم كلهم ترند
حاولت تبعتلو تاني او تترجاه بس بعت لها العنوان وحظر الرقم
بقت تبكي جامد وهيه مش عارفه تتصرف ازاي بس سكتت ومسحت دموعها بسرعه لما باب اوضتها خبط
دخلت ست في اواخر الأربعين وقالت..كل ده ملبستيش يا وجدان حرام عليكي با بنتي ابوكي هيتجنن تحت
وجدان قعدت بغضب وقالت..ومش لابسه ويارب اموت وترتاحو مني..قولتلك مش هتجوز..عايزين تجوزوني واحد معرفوش ولا عمري شوفتو لمجرد انو ابن عمي..لا وكمان صعيدي...ده انتو بتدفنوني انسي
دخل راجل في الخمسين لما سمع صوتهاوقال..فيه حاجه يا وجدان سامع صوتكم عالي
امها لسه هتتكلم وجدان قالت بسرعه..ابدا يا بابا ..كنت بسأل ماما بس هنوصل امتى باذن الله
ابوها قال..طيب تمام ان شاء الله منتأخرش على الطريق ...المهم البسي بسرعه يلا
ابوها طلع وامها بصت لها واتنهدت وخرجت
وجدان قعدت على السرير بحزن مش عارفه تعمل ايه اذا مشيت هتعمل ايه مع الشاب الي بيهددها حاولت تهدى وبعتتلو رساله انها اضطرت تسافر وهتتفاهم معاه من هناك
وقفلت التليفون وجهزت ونزلت عند اهلها ورجعو كلهم في الصعيد
بقلم..زهرة الربيع
هناك كانو اهلهم بيستقبلوهم بالزغاريد وضرب النار ورحبو بيهم بحفاوه
الكل كانو بيتكلمو سوا ومبسوطين بس وجدان كانت مخنوقه جدا وحاسه بمللل رهيب
ابوها قال ..امال فين عاصم
اخوه قال...من شويه نزل يشوف العمال لو مراحش هو محدش بيشتغل بس زمانو على وصول و....اها جيه اها
وجدان التفتت للباب ودخل شاب طول بعرض له هيبه وطله قويه ملامحو جذابه جدا وحاده اتقدم عليهم وقال...حمد الله على السلامه يا عمي
عمه قام وحضنو وسلم عليه...وسلم كمان على مرات عمه
ابوه قال...مش تسلم على عروستك يا عاصم
عاصم التفت لوجدان ومشى عيونه عليها بنظره سريعه وبان الضيق على ملامحو من لبسها كانت لابسه لبس ضيق شويه بالنسبالو وبشعرها قال بضيق...حمد الله على السلامه يا بنت العم..
وجدان اضايقت من طريقتو وقالت...الله يسلمك...وبصت لامها وقالت...ماما..عايزه اريح تعبانه
طلعت هيه وامها يريحو وعمها قال بفرحه...فرح العيال الاسبوع الجاي خلينا نفرح
اخوه قال...الي تشوفه يا خوي..على خيرة الله
وجدان كانت لسه هتدخل مع امها عاصم نادى وقال..احم...معلش يا مرت عمي ممكن اكلم العروسه كلمتين
وجدان استغربت وامها ابتسمت وقالت...براحتك يا ابني ..عن اذنكم
امها مشيت وعاصم قرب خطوات وقال...احم...كنت جاي اتكلم معاكي بخصوص لبسك..البس ده مهينفعش تلبسيه بعد ما نتجوز..يعني هو مينفعش تلبسه واصل ولا حتى دلوك بس معلش ..مشيها بعد جوازنا
وجدان اتغاجأت بكلامو وضحكت وقالت..لا والله...وايه كمان يا تري..فيه حاجه حضرتك عايز تعقب عليها او مش عجباك قول متتكسفش
عاصم قال بغضب..طريقتك..طريقتك دي كمان غلط.. انا محدش يتكلم معاي كده..وانا بس بديلك فكره..اللبس ده مش هينفع..دلوك بقولها بلساني ..بس بعد جوازنا..مش هيعجبك تصرفي...ولازم تعرفي انك زيك زي اي واحده بالنسبالي...وهتجوزك علشان رغبة اهلي ....وكمان علشان الاقربون اولى بالمعروف يعني متفتكريش نفسك حاجه كبيره
وجدان بصتلو بزهول وعاصم مشي من غير ما يستنى ردها
وجدان اتنهدت بغضب رهيب وراحت تنام وهيه متغاظه منو وهتتجنن من طريقتو
تاني يوم وجدان صحيت من النوم على رساله من الشخص نفسه مكتوب فيها مبروك يا عروسه..عرفت انك سافرتي تتجوزي ابن عمك..وعلشان كده بعتلكم هديه حلوه قوي على تليفونو..ان شاء الله تعجبكم
بقلم...زهرة الربيع
وجدان قامت بخضه وزهول وقلبها كان هيقف طلعت جري بالبجامه على اوضة عاصم وبقت تخبط جامد
عاصم كان خارج من الحمام ولابس بنطلون بس وبينشف شعره واستغرب من صوت الخبط الشديد...راح يفتح وهو بيقول..ايوه ايوه..فيه ايه على الصبح
عاصم فتح واتصدم بوجدان قدامو بالبجامه وبشعرها وحافيه فضل باصص لها بزهول واستغراب
بس اتصدم اكتر لما دخلت بسرعه وقفلت الباب وقالت برعب ...تليفونك . تلييفونك فين
عاصم استغرب ولسه هيرد جاتلو رسايل كتير ورا بعض
وجدان جريت على التليفون بس قبل ما تمسكو عاصم سحبه بسرعه وبصلها بنظره حاده وفتح الرسايل واتسعت عنيه بزهول شديد
حاولت تتكلم او تمنعو يقرى الرسايل بس مقدرتش فتحهم واتصدم بشده بالي فيهم..كانت صور لوجدان بلبس داخلي ومش تمام ابدا وووووو
2
ليله بتوتر: هو حضرتك رايح القاهره
زين ببرود: اممم
ليله بتوتر و خوف: طب ممكن تنزلي القاهره معاك
زين: ومعايا ليه انشاء الله
ليله: عشان عشان ااااصل وبدأت تعيط
زين: خلاص خلاص حطي شنطتك ورا و اركبي جنبي
ليله بفرحه: شكرا
حطت شنطها ورا زي ما قالها و ركبت جنبه
"وبعد عدت ساعات كانه في القاهره"
زين: احنا في القاهره، اتفضلي قوليلي بيتك فين عشان اوصلك بقى
ليله: لا لا لحد هنا شكرا انا نازله
زين: تمام براحتك
نزلت ليله و خدت شنطتها
وهو مشي
و هيا قعدت علي رصيف بتعيط
و هو شافها من مراية عربيته و رجعلها
زين: بتعيطي ليه و مش مشيتى ليه
ليله وهيا بتمسح دموعها: انا مليش حد في القاهره و مش ليا بيت
زين بهدوء: اركبي
ليله حطت شنطتها وركبت جنبه
زين: فهميني بقى كل حاجه
ليله بدأت تحكى كل حاجه
زين: طب ما انتي عارفه انه بيحبك اهو
ليله: بس انا مش عايزه اتجوز و انا مش بحبه انا معجبه بيه بس
زين: تمام انا هخدك البيت عندي
ليله بخوف: لا مينفعش
زين: متخافيش انا عايش مع الداده مش لوحدي
و هشغلك في شركتي و هجبلك شقه متقلقيش
ليله بتوتر: تمام موافقه
مشي زين بعربيته و بعد وقت صغير وصل كومباوند كبير جدا كله فلل بس فيه قصر كبير جدا و حواليه اكتر من 500بودي جارد
ليله بستهزاء: شايف القصر ده و كل الجارد الي حوليه دول، اقسم لك بالله ده اكيد عامل قروض كتير عشان يجيب القصر و الجارد دول و زمانه عايش علي قروض
زين: امممم
ليله: صدقني والله انا ليا نظرة والله
زين: اه طيب
ليله بتساؤل: انت رايح ناحية القصر ده ليه
زين: اصل انا صاحب القصر الي جايبه بقرض
ليله بتوتر: انا انا ااا
زين: خلاص خلاص اسكتي بكره الكلام الكتير
ليله: تمام تمام... اه صح اسمك اي
زين بهدوء: زين
ليله: وانا ليله
زين: تمم
نزل من العربيه و هيا نزلت و امر حد من الجارد يجيب شنطتها
زين: يلا ادخلي
مشي قدامها وهيا مشيت وراه لحد ما دخلوا القصر
زين: داده يا داده
خرجت الداده وعلي وجهها ابتسامه بشوشه
الدادة: نعم يا زين يابني
زين: دي ليله هتقعد عندنا فتره
الداده: نورتي يا بنتي
ليله بخجل: نورك يا داده
زين: انا طالع اغير هدومي لحد ما الغدا يخلص، و انتي طلعيها اوضه يا داده
الداده: حاضر يبني
طلع زين غرفته
و ليله طلعت مع الداده وهيا متوتره
الداده: ادخلي استريحي يابنتي لحد معاد الغدا
ليله: شكرا يا داده
دخلت ليله الغرفه و انبهرت من جمالها و حجمها الكبير
و حمامها وغرفة الملابس
طلعت علي سرير بفرحه حضنت المخده و من غير قصدها نامت
بعد نص ساعه نزل زين علي غدا ملقاش ليله فقرر يطلعلها
طلع عند غرفتها و طرق عدة طرقات علي باب لكن دون فايده
فتح باب الغرفه بقلق و اتصدم لما شافها نايمه بلبسها و الكوتش و حاضنه المخده و قالعه الطرحه و شعرها علي وجهها كان شكلها جميل اوي لدرجة انه قربلها و شال شعرها من علي وجهها و بداء يشم في شعرها و هو مركز مع ملامحها وووووووو يتبعععععع
3
قربلها و شال شعرها من علي وجهها و بداء يشم في شعرها و هو مركز مع ملامحها
فاق لنفسه و بعد عنها وهو مصدوم من نفسه و طلع من الغرفه و قفل الباب
نزل زين قعد علي سفره يحاول ياكل، لكن بعد الي عمله من شويه خلاه مصدوم من نفسه و مش قادر ياكل، فقرر يطلع هو الاخر غرفته ليستريح
"في الصعيد"
فراس بعصبيه: يعني اي هربت
صالح بحزن: بنتي هربت من غير سبب يا بني
فراس بغضب اعمي: لازم نقلب عليها الدنيا
مش من قدام ابوه و عمو و هو بيتوعد لها
فضل ماشي وقت طويل في الزرعه وهو بيفكر هيعمل اي وليه سابته و ليه للدرجه دي بتكرهو لدرجة انها تهرب، ليه و انا اكتر واحد في الدنيا بيحبها و مفيش حد هيحبها زي ربع حبى ليها
بس اقسم بداخله ان يجعلها تندم
"تاني يوم" في القاهره
فاقت ليله من نومها وهيا مخضوضه و مستغربه هيا فين، بس افتكرت كل حاجه و هديت،
وقامت خدت دش و لبست دريس و طرحتها
و نزلت وهيا حاسه بتوتر
شافت زين قاعد بيشرب قهوته، راحت قعدت قدامه و هيا متوتره
ليله بخجل: صباح الخير
زين بهدوء: صباح النور
ليله: انا المفروض هاجي معاك الشركه صح
زين: امم
ليله: تمام انا جاهزه
زين: افطري الاول بعدين هنتحرك
ليله بتوتر: ا ا ا ا انا مم مم مش جعانه
زين: انا بقولك انك هتفطري الاول مش باخد رأيك
ليله بغضب: ده يعني اي ده انشاء الله
زين بعصبيه مصتنعه: قومي افطري
قامت ليله من قدامه و هيا بتجري ناحية المطبخ عند الداده، عشان تفطر
و هو ابتسم علي خوفها منه
و بعد شويه خادها و راح الشركه و دخل مكتبه و فهمها انها هتبقى سكرتيرته مع انه مكنش بيحب يكون عنده سكرتيره
بداء يفهمها الشغل و هيا كانت بتفهم كويس و ذكيه
زين بهدوء: فهمتي كدا كل حاجه
ليله: اه
اكتفى زين بهز راسه
ليله بتوتر: هو انت بتخاف تتكلم
زين: ليه
ليله: اصلك مش بتتكلم خالص و لو اتكلمت بتقول كلمه واحده
زين: انا كده مش بحب الكلام وكمان انا شايف اني كدا بتكلم كتير جدا من ساعة ما انتي ظهرتي في حياتي وانا مش بحب الكلام
ليله بزعل: انا اسفه
زين بهدوء: انا الى اسف
ليله: عن اذنك
جت تطلع بس هو مسك ايدها
زين: متزعليش منى بجد، انا اول مره اعتذر لحد
ليله وهيا متوتره من قربه و قلبها بيدق جامد: خلاص مش زعلانه والله
قرب زين منها اوي و باس عيونها برقه، لدرجة انها زقته جامد اوي و هيا هتموت من الخجل و التوتر و طلعت من مكتبه وهو ابتسم علي خجلها
*بقلم شهد الجميل💗*