مريضتي ♥️ - ❴🔢❵☟الــبــــ❴ ألأخير ❵ــــــارت☟ - مكتملة | روايتك

مريضتي♥️ الكاتبه: نولي الحلقه 50 و الاخيره🥺 عندي انا ماسكه راس عمر و يديا دم و نبكي أنا: عمر لاااا وراسك عمر لا ما تسيبنيش الراجل قرب مني أنا قعدت نبكي اكتر و نرعش و رفعت راسي شفتله الراجل قعمز رقبه و نص و مسك وجهي بيده بقوه أنا نبكي ونهز في راسي: امممم اممممم الراجل: ماتخافيش مش قاربك انتي بس كسرت قلبك بي السبرمان امتاعك أنا نبكي و حودت يده: ااا أحمد اااحمد هو يلي بعتك الراجل ضحك: مش مهم من بعتني يا حلوه المهم نفدت يلي باعتيني عليه أنا نشوفله ونبكي و ماسكه راس عمر الراجل صبا : تو سلام يا حلوه و عظم الله اجرك من تو هههه ومشا يجري أنا حطيت راسي علي راسه ونبكي و ندعي يجي حد ينقدنا الفيلا كانت قريبه مننا بس خفت نصبي ونسيب عمر ابروحه و بديت نحس بالم كبير في بطني أشوي وشفت عامر طالع من الفييلا قعدت نعيط أنا بصوت عالي ونبكي: عاااامر عاااااامر عامر تلفت و قعد يشوف و صوره عنده مش واضحه أنا ببكا: عااااامر اني ريمممم عاااامر عامر جاني يجري أنا نبكي و نبوس في راس عمر: تحمل حبيبي تحمل أشوي عشاني و عشان البيبي عامر وصلني و انصدم قعد واقف و يشوف لي كميت الدم يلي نازله من راس عمر أنا نبكي: عااامر هيا عامر اعيونه دمعو: ريمممم كنه كنننه من دار فيه هكي أنا نبكي ونرعش: ما نعرفش ما نعرفش حد لابس كله اسود ضربه علي راسه بلوحه كبيره عامر قعد مستاك و مصبي و يشوفلنا أنا بترجي: هياااا عاااامر ورااااسك يا عااااامر ح يموت عامر متوتر ويرعش: اا به ببه راجي انجيب السياره أنا هزيتله راسي ونبكي ومشا جاب السياره وجاء شال عمر وحطه في السيارة وانا ركبت معه أشوي و وقف السياره جنب الفيلا عامر: ريم انزي أنا نبكي: نبيش نبيش بنقعد مع عمر عامر: يا ريم كنك ما تجيش بوضعك هضا تقعدي في المستشفي أنا نبكي : لا عامر: ريم هياااا عمر ينزف يا ريم ما تسكريش راسك انا نبكي: باهي طمني عليه وراسك عامر: حاضر والله حاضر ونزلت خشيت لي الفيلا و عامر مشا بس اقصي سرعه لي مستشفي _______________________________ عند نور و يعقوب حاضنها امرقدها علي صدره و. يلعب بشعرها أشوي وحس حاجه ساخنه تنزل علي صدره يعقوب استغرب و نزل راسه: نوري حبيبي نور تبكي علي الصامت و ساكته يعقوب بعدها عن صدره وشافها تبكي يعقوب حاضنها: لالالالا كنك يا روحي علاش البكاء هضا كله نور خشت في حضنه ولفت يديها علي خصره وتبكي بي العبره يعقوب يمشي في يده علي شعرها: اششش خلاص يا قلبي اسكتي فهميني اني مزعلك في حاجه ؟ نور هزت راسها بي لا وتبكي يعقوب : باهي هلي وصلو فيك بحاجه امي جرحاتك بكلمه ؟ نور تبكي هزت راسها بي لا يعقوب تنهد و حتار: باهي كنك الله ايربحك قوليلي كنك قلبي يتقطع عليك يا روحي نور ببكا وتشهق: خخ خأااطري في فييي بيبي مم منننننك يعقوب تنهد و حس ان عفستله علي الجرح: ربي ميزال ما رزقناش يا نور ما تقعديش جاهله نور تبكي: والله ما جاهله و نعم بالله بس لينا سنه متجوزين و ربي ما رزقنا أني نخاف ربي ما يرزقناش بكل و الله خاطري نقعد ام و نجيبلك يلي يحمل اسمك يعقوب يمشي في يده علي شعرها: يعني أني يلي مش خاطري و متمني يجي العيل يلي يحمل اسمي بس الله غالب ربي ميزال ما كتبش شفتي كشفنا اكتر من مرا و الحمدلله احني لتنين ما فينا شي يعني بس مسألت وقت نور تبكي: باهي نشوفو دكتورة اخر بلكي هديما كلهم ما يعرفوش يعاينو يعقوب: نور منين جبتيها هذي ما يعرفوش مستحيل كلهم ما يعرفوش عاينا هنا طلع مافيش شي نزلنا لي اطرابلس و شفنا افضل الدكاتره طلع مافيش شي درنا تحاليل و دزيتهم لي مصر طلع مافيش شي قعدنا شهر اخر درنا تحاليل و دزيتهم لي واحد صاحبي في امريكيا شافهم و طلع ما فيش شي وين نمشو يا قلبي وين بس نور دفتت راسها في صدره و ردت تبكي يعقوب: لو ربي كاتبلنا عيل ح يرزقنا ولو مش كاتبلنا الحمدلله اني راضي نور تبكي : كم ح ترضاء قولي شهر شهرين سنه سنتين بعدين ح تمل وقت تشوف اصحابك بي اصغارهم ح تتجوز و تجيب يلي اتجيبلك البيبي يعقوب باس راسها: منين تجيبي في هل الافكار بس انتي عندي أحلي بيبي ارقدي بس الله يربحك سادك نور مسحت اعيونها: الحمدلله يعقوب باس راسها: ايو حبيبي الحمدلله علي كل حال و ما ييأسش من رحمت ربي الا الكافر واني راضي بيك كيف ما انتي نور رفعت راسها.و باست لحيته: نحبك يعقوب : انموت فيك هيا ارقدي سلم بنتي _______________________________ في الفيلا اعميمه و رغد مكسدات في الدار اعميمه حاطه يدها علي قلبها: قلبي والله قلبي رغد: كنك يا ماما اعميمه علي أشوي تبكي: قلبي ناغزني والله ناغزني حاسه في حاجه بتصير لالا صايره مش بصير رغد نعسانه: مافيش شي يا ماما ارقدي ارقدي بس اعميمه صبت قعدت تمشي و تجي في الدار: مش مرتاحه حاسه في حاجه صايره رغد وتي نعسانه: في من يا ماما اعميمه: اولادي اولادي فيكم حاجه قلبي ناغزني رغد بملل: يام اني اهو جنبك ما فيا شي و حنان مع راجلها و عمر في شقته و عامر نزل من أشوي يسهر مع اصحابه اعميمه: عااامر عااامر شوفيه بلكي دار حادت ولا حاجه رغد: يا مامااااا كنك اعميميه بعياط: سكرررري فمك و اتصلي بيه شوفيه رغد بخوف: ح ححاضر باهي ما تعيطيش و قعدت اترن اعميميه: ها شن رغد: ما يردش اعميميه: يا كبدي يا اولادي رغد حتي هي بدت تقلق و ساكته اعميمه: باهي شوفي عمر اي شوفي عمر رغد اترن اعميمه: ها رغد : ما يردش يا ماما والله اعميمه قعدت تبكي: نعليا يا اولادي نعليا والله كبدي نااار ناااار حاسه في حاجه اني ام ضني ما يخيبش رغد تشوفلها: باهي خلاص ماما ما تبكيش اعميمه تبكي: باهي شوفي حنان بلكي فيها حاجه ولا عويلها فيهم حاجه قلبي أنا رغد عطت اعميمه لميه:باهي اشربي ماما اعميمه شربت طشه: اتصلي سلم بنتي رغد: يا ماما والله بايخه الساعه 12 ليل اكيده راقده لو فيهم حاجه لا سمح الله را راجلها اتصل اعميمه تبكي: استغفرالله استغفرالله رغد حظنت امها وقعدت تبكي اعميمه : والله نموت لو تصيرلكم حاجه اشويه و سمعن صوت الباب رغد بعدت: ماما حس الباب اعميمه صبت: ياااارب جيب العواقب سليمه اطلعي افتحي كرعيا مش حاملاتني طلعت رغد تبكي رغد شهقت وحطت يدها علي فمها: ريييم كنك أنا قعدت نبكي و نشهق رغد تشوفلي: ماما يا ماما اعميمه طلعت : ريم كنك أنا قعدت نبكي اكتر اعميمه مسكتني من يدي و دخلتني لي الصاله قعمزنا علي الكنبه اعميمه: احكيلي يا ريم شن في بردي كبدي أنا نبكي و نرعش وبس اعميمه شافت لي رغد : بري جيبيلها اميه جابتلي رغد اميه و شربت أشوي اعميمه: ها بنيتي احكيلي شن صار و وين عمر و كنك تبكي أنا بديت نبكي و نحكيلها من لما نزلنا نتمشو لين ما جاء عامر و شاله _______________________________ في المستشفي وصل عامر و جاء الاسعاف خدت عمر و دخلوه طول غرفت العمليات و عامر قعد ماشي جاي جنب الغرفه أشوي طلع تلفونه وقعد ايرن عامر صوته كان باكي: الو يعقوب اهلين يعقوب يحك في اعيونه وبي نعاس: كنك عامر ران تو انشالله خير عمر قعد يبكي ويمسح في ادموعه: عمر يا يعقوب يعقوب قعمز وبي خوف: كنه عامر يبكي يعقوب يعيط وخايف: كنننننه كنننننه ما اتقولهاش نور انفجعت و وعت عامر يبكي: ما نعرفش واني طالع من الفيلا شفت ريم في الشارع في الوطاء وتبكي قربت منها قاتلي جاء راجل و ضرب عمر علي راسه وكانو هما يتمشو بحكم ريم في شهرها يعقوب يخوف و نفعال: وتو تو شن وضعه عامر يبكي: ما نعرفش دخلوه عمليات يعقوب صبا من السرير وماشي شور الدولاب: مستشفي شن عامر يمسح في ادموعه: مستشفي ال## يعقوب : تمام تمام مسافة الطريق بس وسكر وقعد يلبس ابسرعه نور صبت و قربت منه: حبيبي كنك شن في يعقوب يلبس في سرواله: عمر في حد ضاربه غدر علي راسه من لاوره وتو في العمليات نور تمت تبكي: حي ريمم يا يعقوب ريم في شهرها اكيده تو في حاله عامر يسكر في بطم القميص: انشالله خير بس نور ببكاء: نبي نمشي معاك نبي نمشي شيلني لي ريم يعقوب بنفعال: تي وين تمشي حتي ريم مش في المستشفي عامر ابروحه و مسكين حتي هو صغير مش عارف يتصر نور : باهي شيلني لي الفيلا نقعد معاها نهديها اني نعرف ريم اكويس مش ح يهديها اي حد إلا اني و خويله و عمر وراااسك المرا حامل حرااام يعقوب تنهد: باهي ابسرعه ابسرعه البسي عبايه و اني نازل نسخن السياره نور : تمام تمام يعقوب يمشي و عاطيها ضهره: والله اتاخري نمشي و طلع و لبست نور عبايه و وشاح و ركبت مع يعقوب و حطها في الفيلا وهو مشي لي المستشفي ______________________________ في الفيلا نور حاضنتني : خلاص ريما حبيبتي سادك بكاء أنا نبكي: خايفه اتصيرله حاجه نور تمشي في يدها علي بطني: ما تتفاوليش يا روحي صدقيني ح ينوض بسلامه و يرجعلك وتجيبي بيبي عسل كيفك وتربو الولد مع بعضكم أنا مسكت فيها و هديت أشوي بس قلبي مزال نار ولعه فيه اعميمه تبكي و تخبط علي صدرها: نعليا يا ولدي حد يشيلني ليه والله كنت حاسه والله رغد تبكي : ماما كيف نعيشو بدون عمر عمر هضا ابونا اعميمه حضنتها وقعدت تبكي نور تمشي في يدها علي راسي: خلاص يا اعميمه ما تزيديش عليهن شوفي ريم كيف حالتها اعميمه سكتت وتمت تبكي أنا قعدت نبكي بصوت: آه آه نور بصدمه: ريم كنك رغد تبكي: ماما را تطلع بتجيب اعميمه تبكي وصبت: نور بنتي حولي أشوي خلي نشوفها أنا نبكي و حاطه يدي علي بطني: آه بطني آه اعميمه قربت مني: وين الوجع وين ابنيتي أنا نبكي و حطيت يدي علي بطني من الجنب: هنا الوجع هنا اعميمه تنهدت: لالا مش ولاده من الانفعال و لعياط بس لي انك متوتر يا ماما أنا قعدت نبكي اعميمه اتمشي لي يدها علي بطني : ها شنو خف أنا نمسح في ادموعي: خف أشوي نور : اهذي يا ريم هذي اعصابك عشان البيبي طول ما انتي متسنجي البيبي مش متريح اعميمه : ارقدي سلم بنتي علي الكنبه ارقدي وانشالله خير رقدت علي الكنبه ودموعي ينزلن و ساكته نور خدت تلفونها حطت علي صورة البقره و حطتها جنب راسي و عم السكوت و كل حد يفكر في حاجه ______________________________ في المستشفي الساعه 8 طلع الدكتور و قربو منه يعقوب و عامر عامر بخوف : ها دكتور طمنا الدكتور حود الكمامه: الحمدلله علي سلامته نجحت العمليه يعقوب مشي يده علي وجه: الحمدلله يا ربي الحمدلله عامر قعد يبكي الدكتور: طبعن كيف ما تبين ان محصل ضرب قوي علي راسه من خلف وعلي أشوي تسبب في موته بس الاعمار بيد الله و طبعن نزف دم واجد درناله عمليه و خيطناله الجرح و تو بعد يوعي نشوف هل فقد الداكره ولالا عامر: يعني في احتمال يفقد الداكره الدكتور: اها في احتمال عامر حط يديه علي وجه : ياااارب يعقوب طبطب عليه: هذي روحك اهم شي صحته تمام وقاعد بيناتنا حتي لو فقد الداكره مع الوقت ح تردله صدقني عامر: انشالله الدكتور: ح ننقلوه لي الغرفه العنايه و وقت يوعي ح تقوللكم الممرضه نستادن اني ومشا يعقوب شاف لي عامر: بشرهم أكيد تو قالقين عامر: تلفوني في السياره تو نطلع انجيبه يعقوب: خلاص تو نتصل بي هلي امس حطتها اهناك في الفيلا تو تبشرهم عامر تنهد: تمام والله قلبي كان ح يوقف من الخوف عليه عمر هضا ابونا مش بس اخونا صح 31 سنه عنده بس محتوين كلنا كانه ابونا يعقوب الهاتف علي ودنه وابتسم: ربي ايطول في عمره عامر: يا رب يعقوب: الو نور بصوت واطي: اهلين حبيبي يعقوب: كنه صوتك فيك حاجه نور: لالا بس مش راقده الليل كله ريم تبكي تو باش هدت أشوي و غفت يعقوب ابتسم: امالاه بشريهم قوليلهم العمليه نجحت نور بفرحه: صااح باهي وعي يعقوب: اها والله بس ميزال ما وعياش نور: باهي الحمدلله يعقوب: بري بشريهم و قوليلهم وقت يوعي تو يجي عامر يجيبهن هنا عشان يشوفنه نور: تمام وسكرت نور تجري: ريما ريماا أنا نطيت من نومتي ونشوفلها وقلبي يضرب بقوه نور حضنتني وتضحك: الحمدلله عمر نجحت عمليته أنا قعدت نضحك ونبكي وحضنتها اعميمه حضنت رغد وتبكي: الحمدلله يا ربي الحمدلله أنا نبكي: نبي نشوفه نبي نشوفه نور: اهذي ريما تو يعقوب قالي ميزال ما وعي وقت يوعي ح يجي عامر يشيلكن لي المستشفي أنا نمسح في ادموعي : به اعميمه: انصبي انصلي ركعتين شكر لي ربي و صبت علي خشت حنان تبكي و منفجعه حنان: ماما كنه عمر شن فيه علاش ماحدش علمني اعميمه: اهذي اهذي عمليته نجحت و تو صحته احسن بس ما وعاش حنان حضنت اعميمه وتبكي: خفت عليه والله و مشا الوقت وجاء يعقوب روح بي نور و هو رد لي المستشفي وانا قاعده علي نار نراجي فيه يوعي عشان نشوفه ______________________________ في المستشفي الممرضه جت لي عامر: المريض وعي و تقدرو تشوفوه يعقوب: باهي عادي نخشو احني لتنين الممرضه: بس خمس دقايق عامر ببتسامه: تمام تمام حاضر و خشو عامر و يعقوب لي الغرفه و صبو جنب عمر عمر امسك اعيونه و بصوت واطي: ريم ريممم عامر مسك يده: عمر اني عامر تسمع فيا عمر مغمض و بصوت واطي: ريمم يعقوب : عمر اني يعقوب لو تسمع فينا حرك حتي صبعك عمر حرك صبعه بشوي عامر يضحك: يعقوب حرك صبعه شفته يعقوب ابتسم : اها بس كانه قاعد يقول ريم عامر نزل ودنه بجنب فم عمر: اها يعيط ريم يعقوب فرح: يعني مش فاقد الداكره الحمدلله يا ربي عمر بصوت شبه الهمس: ريم ا يعقوب: ريم اكويسه تو يجيبها عامر انت اهد بس عمر : البيبي عامر : والله اكويسه تو نجيبها هي و امي عمر: ريم البيبي يعقوب شاف لي عامر: امشي جيبها يا راجل عامرر: تمام وطلع عمر بصوت واطي بكل ويحكي ويتالم: كانت معاي ريمم شن صارلها كانت تعيط وتبكي يعقوب: عمر هذي: نفسك مشا يجيبها عامر مافيها شي عمر فتح اعيونه بشوي يعقوب: صدقني ما حد وصل فيها ريم اكويسه يعقوب سكر و رد فتح اعيونه جاء عامر و شالني اني و اعميمه و خشينا المستشفي و مشينا لي الغرفه وكان معه يعقوب بعد نحن جينا طلع و قعدت اني و اعميمه بس أنا مشيت نجري و قعمزت جنب عمر و حضنته و راسي علي صدره ونبكي عمر ابتسم بشوي و تريح وقت شافني اعميمه تمشي في يدها علي شعر عمر: فيا ولا فيك يا فيا ولا فيك أنا نبكي: خفت عليك انا عمر رفع راسه أشوي بي صعوبه و باس راسي اعميمه: يا بنتي حولي عنه الراجل امداير عمليه أنا بدلع وراسي علي صدره: لا اعمييمه: ريم اتوجعي فيه أكيد حولي أنا هزيت راسي بي لا عمر ابتسم و بصوت واطي بكل: سيبيها اعميمه تنهدت:اني خايفه عليك بس عمر نزل راسه باس راسي: مش رزينه أنا راقده علي صدره ونمشي في يده علي لحيته مشن سبع ايام و عمر في المستشفي و تامن يوم طلعوه درنا عشاء كبير و جت الناس تحمدتله بسلامه و طبعن الدكتور منع عليه العمل و شغل وبعد العشاء و الضيوف و هلي روحو لقينا لي الشقه وعمر رقد علي السرير أنا لبست قفطان نص كم طوله فوق الركبه و طلقت شعري و درت اكريمه لي يديا و جيت رقدت علي عمر حطيت راسي علي صدره عمر عض علي فمه: ااااه حبيبي اااااه أنا بخوف: كنك عمر: بشوية يا روحي قعمزي حسيت راسي أنا: اسفه حبيبي عمر باس راسي و تنهد أنا نلعب بي لحيته: حبيبي من دار فيك هكي عمر: والله يا قلبي ما ندريش أنا ما شفتاش أنا: بس بعد انت طحت قرب مني و قالي ان أحمد دزه عشان يدير هكي عمر يلعب علي بطني بيده: واضحه وراها الكلب هداك انتي فوتي وما اتفكريش فيه أنا ببتسامه: حبيبي شن ح نسمو البيبي عمر ابتسم ونزل باس راسي: سر حبيبي وقت نوادي بخير و سلآمه تو نقولك أنا بدلع: انلاااا قولي تو عمر ضحك: من الدلوع يلي قعد اسبوع يبات معاي في المستشفي و سكر راسه ما يروحش أنا ضحكت و غطيت وجهي بيديا: مش أنا ما نعرفش عمر ضحك: ما نعرفش عينك هههههههه أنا ضحكت عمر: باهي انتي اعويناتي من ولا ما تعرفيش أنا بتجعوين: انلا نعرف عويناااتك انت عمر ضحك و بحركه سريعه قلبني و جابني تحته عمر بعض فيا بشويه في رقبتي و يضحك: تي تعالي هنا ناكلك أنا ناكلك تو أنا نضحك: بعد بعد بطني هههه عمر قعد يبوس فيا في رقبتي: تي اركحي أنا بصدمه: عمر حتي مريض ومن اسبوع داير عمليه تبي 🙄؟ عمر يبوس في رقبتي و نفسه سااخن: ااااش أنا ماسك روحي عليك بسيف ما نبيش نتهور في المستشفي أنا بدلع: بس اني ما نبيش عمر يبوس: ما تبيش عينك اسكتي يسهلك يا حيوانه أنا بعصبيه: اااوف ديما يسهلك يسهلك مانبيش يسهلي عمر عضني في فمي سكتني: تي اسسسس يا فرخه مطول ألسانك ونزل عليا و رحنا في خبر كان♥️ _______________________________ عند نور و يعقوب الصبح الساعه 9 و عو علي صوت اعياط تحت في الفيلا يعقوب يخوف و يلبس: انشالله خير انشالله نور: حبيبي ارجاني نلبس و ننزلو يعقوب طالع: البسي و انزلي و نزل يعقوب يجري يعقوب يخوف: كنك يام كنك اتعيط شن في امه: والله يا يعقوب والله لو ما تجوزتش و جبت المرا يلي اتجيبلك لصغار و تعمر حوشك والله نغضب عليك لي يوم الدين يعقوب انصدم و ما عرفش شن يحكي وكانه اميه ساخنه نزلت عليه امه بعياط: ساد سمه صابرين عليها ساد يعقوب بنفعال: يام حرام عليك ليش اديري هكي اني راضي بعطايه ربي بعدين هدي مش بيدينا أنا نحب نور علاش تفرقينا امه تعيط: ما تناقشنيش والله والله والله لو ما تأخد سحر بنت اختي و بكرا تقرا فاتحتك والله نغضب عليك لي يوم الدين يعقوب قعد يشوف بي حصره لي امه وقت بعدين عطاها ضهره و رقاء وهو مكسور الخاطر وخش لي نور لاقه مقعمزه في الصالة علي الكنبه و حاطه يدها علي فمها يعقوب بصوت واطي: نور نور صبت وقطعت عليه وتحكي ولدموع في عينها: يعقوب انا كنت تحت وسمعت كل شي وأكيد رضاء امك اهم مني طلقني و تجوز وربي يسعدك يعقوب قعد يعيط: تي شن اتقولي انتي شن اتقولي نور قعدت تعيط وتبكي: اها كيف ما سمعت مش أنا يلي أتجي عليا ضره وأكيد ح تسمع كلام امك ومن حقك بس طلقني يا يعقوب مش أنا المرا يلي اتحمل أتجي عليها ما وتشاركها في راجلها يعقوب قعد يعيط و طاح علي اركابه يبكي: حراااام عليكن والله حراااام عليك انتي اكسجيني ما نقدرش نعيش بدونك وأمي حتي ربي موصي بيها كيف اندير انا كيف ندير والله ربي ح ياخد حقي منكن علي يلي درتنه ليا ليش بتحرميني منك يا نور ليش نور قعدت تبكي و حضناته : هذي اخر مره نقرب فيها منك ابكي في حضني يا يعقوب ابكي يعقوب قعد حاضنها ويبكي بصوت عالي: نور تبكي : والله ما نبيش نسيبك والله قلبي متقطع بس نبعد عنك تهون من نقرب منك و تشاركني وحده فيك يعقوب يبكي: بس اني نحبك ما نبيش نطلقك وأمي ما نقدرش نعصيها حرراااام عليكم والله حراااام عليكن نور حضناته بقوه وقعدو لتنين يبكو بصوت عالي ساعه كامله وهما يبكي بصوت نور بعداته وصبت وماشيه تلم شنطتها يعقوب يشوفلها بترجي نور عطاته ضهرها و ما تحسش بشي الا وهيا طايحه يعقوب قرب منها ورفعها: نووور نووور _______________________________ عندي انا وعمر وعيت بدري من التسعه وقعدت نتمشي في الدار نحس بي ليه اتجيني وتمشي و عمر راقد عمر وعيت فتحت اعيوني شفت ريم يدها علي بطنها و عاصره وجها وماشه جايه خفت اتكون ولاده خلاص لي ان مشت اسبوعين من شعرها عمر قعمز مسح وجه بيده: حبيبي كنك فيك حاجة اتحسي بحاجه انا قعمزت جنبه علي السرير بصعوبه و حطيت يدي علي بطني أنا: ليه اتجيني وتمشي عمر شك: قويه أنا : مش بكل تو مشت من أشوي كنت نحس بيها عمر عرفها ولاده بس سكت ما حبش يخوفني عمر: حبيبي شنطك و شنطة البيبي جاهزات صح أنا نحس في الم في بطني عاضه علي فمي: اها كنك عمر: لا شي نسأل بس أنا سكتت ونحس في بطني عمر صبا: ارقدي يا روحي أنا رقدت علي السرير و عمر حط عليا املايه عمر يمشي في يده علي شعري: جعانه انديرلك فطور أنا غمضت اعيوني بتعب : لالا خليك جنبي بس عمر تنهد ونزل باس راسي معاك: جنبك يا عمري أنا ابتسمت بسيف عمر صبا: تو نجيك أنا هزيت راسي عمر طلع لي الصاله و اتصل بي اعميمه اعميمه:الو عمر: اهلين يام شن جوك اعميمه: تمام اوليدي شن جوك انت وشن جو راسك عمر: تمام الحمدلله ما نحسش فيه مع المسكنات، قتلك اعميمه: نعم عمر: ريم شكلها خلاص ح تولد تحس بي ليه قالت من الصبح اعميمه: يا روحي ربي يسهلها عمر: كيف اندير باهي اعميمه: كان قوت عليها وتمت تعيط كلمني و نشيلوها لي المستشفي عمر بخوف: ااا تمام تمام انشالله خير اعميمه: ما تخافش انت ادعي و قوللها حتي هي تدعي عمر: انشالله ______________________________ عند نور و يعقوب لبسها عبايه و شاللها لي المستشفي و دارولها تحاليلي يعقوب: طميني دكتورة الدكتوره ببتسامه: حامل♥️ يعقوب بفرحه و صدمه: دكتوره جد متاكده بلكي حاجه اخر متاكده دكتور حمل الدكتوره ابتسمت: اها حامل واهي التحاليل قدامي نور تبكي و مبتسمه: حبيبي سمعت اني حامل يعقوب صبا و حضنها ويبكي : الحمدلله يا ربي الحمدلله نور بصوت واطي: حبيبي الدكتوره يعقوب بعد وضحك: اا امم اسف الدكتوره مبتسمه: لا عادي ها شن اتابعي عندي ولا عندك دكتوره اخر نور: لا نتابع عندك الدكتوره: تمام تعالي الاسبوع الجاي نفس اليوم هضا وتو نكتبلك أشوي فتمينات نور بيتسامه : تمام و طلعو و خدو الفتمينات و ركبو السياره و مشو لي الحوش نور بخوف: حبيبي ح تتجوز يعقوب بفرحه: تي شن نتجوز بعد حملتي حلوه هذي نور: بس امك يعقوب: امي كانت تبيني نتجوز عشان لصغار و اهو ربي رزقنا نور ابتسمت و تحس بفرحه مش طبيعه وصلو و نزلو و خشو تحت عند هل يعقوب و لقو امه و رهف مكسدات في الصالة امه: ها شن فكرت يعقوب بفرحه: مش ح نتجوز نور حامل رهف بفرحه صبت تجري حضنت نور: مبروك يا قلبي مبروك نور مبتسمه امه قعدت تزغرت وحضنت نور: مبروك عليكم ابنيتي يعقوب بفرحه :وين بوي نبشره رهف: مش قاعد في العمل امه: قعمزي ابنيتي ما تصبيش نور و يعقوب شافو لي بعض و بيطيرو من الفرحه _______________________________ عندي انا كنت علي السرير فجاء حسيت بالم قوي معاش قدرت نتحمله قعدت نعيط بعلو صوتي أنا: ااااااه ااااااااه عمر بخوف: كنك كنك أنا نبكي و نعيط: وجع وجع شكلي بنجيب عمر توتر : باهي حبيبي اهذي اهذي أنا نعيط: ااااااااااه عمر رفع قفطاني شاف لميه نازله مني عمر قعد يلف في الدار: شن اندير يا ربي شن اندير أنا نبكي: عمر بنمووووت بنمووووت آه آه عمر علي أشوي يبكي: فيا ولا فيك فيا ولا فيك وفتح الدولاب طلع عبايه و وشاح لبسني واني نعيط و خدا شنطة البيبي عمر يصبي فيا : ساعدني ابنيتي ساعديني صبي أنا نبكي ونعيط: شيلني مش قادرة عمر بخوف ويرعش : نخاف اطيحي مني اني يديا يرعشن ساعديني الله ايربحك أنا صبيت بعصوبه و انسندت علي عمر و نزلنا و اعميمه ركبت معايه في السياره و عمر انطلق بسرعه خياليه أنا نعيط: ااااااااه عمر يسوق و يعيط معايه: اااااااااه أنا نبكي ونعض علي فمي: ااااه اااااه عمر يسوق وعلي أشوي يبكي: ااااه اعميمه بنفعال و ستغراب: تي كنك تعيط انت عمر: قصدك اني عيطت اعميمه: املاه شن راك اتعيط ومش حاس بروحك سكر فمك عمر سكت وقعد يدعي اعميمه: تحملي ابنيتي تحملي أنا نبكي: واعره اعميمه واعره عمر : كله مني اني الحيوان و وصلنا المستشفي و نزلوني في الكرسي و طول خشيت حجرت الولاده عمر ماشي جاي في الممر و يسمع في اعياطي اعميمه: اهدا يا ولدي وتعال قعمز عمر قعمز علي الكرسي و يهز في رجله بتوتر: امها تعرف اعميمه: اها اتصلت بيها قالت جايه اشويه وخشت عليهم ماما ماما : وينها ريما وينها بنتي اعميمه: في الحرجه كيف خشت ماما يخوف: يا رب يااا رب عندي انا الدكتوره: ساعديني يا ماما الله ايربحك أنا نبكي: نبي عمر نبي عمر الدكتور: ريم حبيبتي راسه طالع ساعديني أشوي را ينخنق العيل يا ريما أنا بعياط: نبي عمممممر الدكتوره شافت لي الممرضه: بري دخلي جوزهاا الممرضه: بس ممنوع الدكتوره بعياط: قتلك اطلعي العيل بيضيع منااا تو ينخنق اطلعيييييي الممرضه طلعت عمر بخوف: ها شن في الممرضه: ما تبيش تدحم مسكره راسه والبيبي راسه طالع تبيك انت لو طولت ح ينخنق العيل ماما ببكا: سترك يا رب سترك عمر: باهي هيا وخشلي عمر لي الغرفه عمر قرب من راسي و حضني ويبكي: هيا حبيبي ساعدي الدكتوره عشان ولدنا أنا بعد شفت عمر تريحت أنا بعياط : ياااااااااااااااااارب ونزل البيبي و اغماء عليا عمر مصدوم: كنه ما يعيط كنه يا دكتوره الدكتور منصدمه و تشوف في البيبي عمر بصوت عالي: كنه ما يبكيش الدكتور خبطت علي رجليه قعد يبكي❤️ عمر يضحك ويبكي: الحمدلله يا ربي الحمدلله الدكتوره ابتسمت وعطت البيبي لي الممرضه: غسليه عمر بخوف: باهي كنها ريم الدكتوره ابتسمت: فقدت وعيها بس عمر تنهد براحه الدكتوره: اطلع خليني نشوف شغلي معليش عمر : تمام تمام و طلع عمر و قال لي ماما و اعميمه ان ولد و صحته و صحتي تمام و أنا نقلوني لي الغرفه. وبعد اربع ساعات وعيت وشفت جنبي ماما و اعميمه و عمر أنا بصوت مبحوح: عمر عمر صبا وحضني: الحمدلله علي سلآمه يا روحي أنا قعدت نبكي عمر: كنك حبيبي اششش أنا نبكي و بصوت مبحوح: واعره والله واعره عمر اعيونه دمعو وباس راسي: صدقيني عهد عليا مش ح تجيبي بعده الا بعد تلت أسنين الا لو ربي كتب هذي حاجه تانية وتكملي الاربعين و طول تاخدي مانع مش مستعد انعيش نفس الخوف عليك مرا آخر ماما قربت مني : الحمدلله علي سلامتك ماما أنا ابتسمت : الله يسلمك اعميمه: الحمدلله علي سلامتك بنتي و مبروك عليكم أنا بصوت واطي: الله ايسلمك أشوي والممرضه جابت البيبي و حطاته في حجري و سبحان الله كل الام يلي كنت نحس ببه قبل أشوي اختفي اعميمه ببتسامه: ربي ايصون ربي ايصون عمر مسك يده و باسها ماما: نجك ليا طشه بكل طالعه لي امه أنا ابتسمت عمر ضحك: اها أنا نمشي في يدي علي شعره : حبيبي شوف كيف راقد كيف الملائكه عمر باس راسي: ربي ايخليكم ليا أشوي وخش بابا بابا: مشالله مشالله ربي ايصون عمر ابتسم: سلمك بابا: ها شن بتسموه أنا ضحكت: عمر هو يلي مختار الاسم اعيميمه: شن هو عمر ابتسم و يلمس في يد البيبي: حمزه ❤️ ماما ابتسمت: اسم حلو بابا: انشالله من حفاضين القران اعميمه ببتسامه: انشالله أنا بست خده بشويه: نورتنا حمزه ❤️ _________________النهايه______________ العبره من الروايا عمر راجل تتمناه اي بنت جمال و مال و فلوس و اخلاق و يعرف ربي و قلبه ابيض وما ينعابش حب ريم و ريم مش اقل منه جمال لي ان كانت ايه من الجمال بس عقلها صغير و مع هدا خليها الراجل يلي كل بنت تتمناه حب بنت ممكن في نظر الناس هبله الجمال مش كافي وهي عقلها صغير بس مع هضا حبها علي صغر عقلها وعلي برأئتها و لطافته وقلبها الطيب و جمالها يلي فاتن مافكرش بي انها عقله صغير كيف ح يتصرف معاها لا فكر بانه يحبها وبس ف حبيبتي ما تغيريش من نفسك عشان راجل ردي بالك لي ان مع الوقت ح يعزرك بيه حتي ولو جوزك لو انتي سمينه خليك سمينه ح تلقي يلي يرضي بيك لو سمره ح تلقي يلي يرضي بيك لو شينه ح تلقي يلي يرضي بيك لو فيك عيب خلقي ح تلقي يلي يرضي بيك ديما حطي في بالك ربي ما خلقكش باش تشقي يعقوب إنسان طيب وعلي نياته تجوز وكانت جوزاته فاشله بس عوضه بي المرا يلي تساهل و طولو عشان ربي رزقهم بي ايمانهم و صبرهم ربي فرحهم ما فكروش بانه يزرعو عيل ولا حاجه لا بس تمسكو بي ربي وكان بي امكانهم يزرعو لي ان يعقوب مقتدر بس تمسكو بي ربي و ربي ما خداهمش و الزرع حرام اها الزرع الجنين كانه زناء لي حيوانات منويه غير حيوانات جوزك خصبن البويضه امتاعك ف كانك زنيتي تمسكو بي صلاتهم و ايمانهم و دوعائهم وبس وما ييأس من رحمت ربي الا الكافر واهو ربي عوضهم نور ... نور البنت الصغيره الحلوة يلي خدت مطلق و ما هتمتش لي كلام الناس سمعت بس كلام قلبها ف يا حبيبتي لو تقدملك مطلق ولا ارمل ولا متجوز ما ترفضيش علي طول شوفهه قبل ممكن يكون هضا نصيبك صح كل بنت نتمنئ تاخد شاب بس النصيب في ايدي ربي و مكتوب من نحن في ارحام امهاتنا اهم شي السعادة حتي ربي قال من جائكم دين و خلق جوزه مرات .. مرات قعد متجوز بس يعيشك ملكه مرات مطلق يحطك في اعيونه مرات ارمل يخاف عليك من الهواء الطاير و مش ح تاخدي غيري نصيبك ان تبي وإن ما تبيش ف ديما يا حبيباتي استخارن في المواضيع هدينا لو تريحتن توكلن علي الله تحياتي الكاتبه نوال