مريضتي ♥️ - ❴🔢❵☟الــبـــــ❴4️⃣9️⃣❵ـــــــارت☟ - مكتملة | روايتك

مريضتي♥️ الكاتبه: نولي الحلقه 49 ما قبل الاخيره عند نور و يعقوب مكسدين في المطبخ الساعه 1 نور ادير في العجينه و يعقوب مقعمز علي الكرسي و يهدرز عليها يعقوب: بالله حبيبي عارف تعب عليك بس ديري حتي طعميه نور ضحكت: حاضر والله حاضر مش ناسيتها عرفاتك تحبها يعقوب ابتسم: ايوه سلم يديك نور تعجن و بتردد: روحي يعقوب عينه في الفون: همم نور: نقولك حاجه ما تزعلش يعقوب يتصفح في التلفون: احكي احكي نور بخوف: اممم خلينا نعاينو حبيبي و نشوفو ارواحنا عند دكتوره بلكي في شي هضا باش ما حملتش يعقوب تنرفز و سكر التلفون حطه علي الطاولة و رفع حاجبه و يحكي: وكان طلع العيب فيا نور سيبت العجينه وحطت يدها علي يده و شافتله: انشالله مافيش الا كل خير بس لو طلع منك صدقني مستحيل نسيبك و بلعكس وقت نعرفو بدري افضل عشان نسافرو و نتعالجو يعقوب بعصبيه و سحب يده منها: وكان العيب منك نور اعيونها دمعو و حكت بصعوبه وغصه: وقتها الحل بيدك.وانت تختار بس صدقني مسمحاتك لو طلع العيب مني تجوز عليا ما نبيش نحرمك انك اتكون اب يعقوب صبا امعصب و رفع الطاسه و حدفها علي الساس و يعيط: شن نتجوز و && تي كنك انتي علاش مستعجله هكي ما فينا الا كل خير تي&&& وبعدين انتي مازلتي صغيرة توك 20 سنه كنك الزح سكنتي انتي و هلي علي ام الصغار الزف ينعن&&& نور صبت و تبكي وتحكي: اني صدقني ما كنتش تكلمت لو ما امك سكنتلي و تعزقلي في كلام كل ما ننزل تقعد تتكلم تبي تجوزك والعيب مني ووو امتي عمري تكلمت ولا نكدت عليك كنت ننزل و نسمع كلام من امك كيف السم و نرقاء لي السقع مغصوصه و قلبي مكسور ومع هضا ما عمريش بينتلك كنت نضحك و نلبس باش نسعدك و ما نبيش اني مضايقه عشان ما نكدش عليك و بعدين لينا تلت اشهور و نص متجوزين مش عيب كان مشيت و عاينت يعقوب بنفعال: وكنك ما قلتيش امي تعزقلك في كلام ها كنك نور ببكا: تو هضا مش موضوعنا انت شكلك ما تبيش مني اصغار يعقوب دف الكرسي بقوه طاح: تي الزح ينعن&&& منين جبتيها هذي ما نبيش منك اصغار تي نبي في حد ما يحبش النعمه الصغار هدوم نعمه من ربي بس تونا وكان لينا تلت اشهور مش تلت أسنين را ولو ربي كاتب رزقنا بي عيل بدون علاج و ما تنرفزيش امي و تخليني نسبسب واني صايم وطلع نور قعمزت علي الكرسي و حطت يديها علي وجها وتبكي _____________________________ عندي انا وعيت الساعه 1 خشيت الحمام نضمت اموري وطلعت لبست قفطان حوش نص كم طويل لي تحت لونه اسود فيه ورد احمر درت شعري ديل احصان و لبست ربطه و صليت الظهر و طلعت ضميت الحوش و بخرته و طفيت الضو خليت ضي مخفي بس و رقدت في لصاله علي الكنبه و مسكت فوني أنا: الو عمر: اهلين ريمي أنا بدلع: وعيت ما لقيتكش وينك عمر : في المستشفي حبيبي انا:باهي روح عمر ضحك: مزال نكمل الحالات يلي عندي ونبي نمشي لي المعرض نطلع علي رزقي عاد نشوف شن صاير فيه أنا: اوووف اوووف حتي في رمضان اشغال شن هضا عمر: ههههه الله غالب حبيبي هذي الحياه يلي يسعي يلقاء ماهو مش نصرف عليك وعلي هلي ومش منقص شي را مانهدش في الساس و يطلعن افلوس أنا بملل وحطيتي يدي علي بطني: باهي قتلي نبو نمشو ناخدو دبش بيبي صح عمر يلعب بلقلم: مانيستش والله بس تو حمو و مش فاضي نطلعو بعد الافطار انشالله أنا : امممم به باهي هيااا روح عمر ضحك: كنك انتي اليوم أنا بدلع و تجعوين ونمشي في يدي علي بطني: نخافو احني و ملينا عمر ضحك و يلعب بي لحيته: انتي و من أنا:أنا و البيبي عمر: انزلي تحت دامك خايفه ما تقعديش ابروحك أنا: عادي عمر : اها عادي بس ها انزلي بحاجه مستوره ما تحشمينيش قدام عامر أنا: لابسه قفطان طويل بس نص كم عادي ننزل عمر: لالا مش عادي البسي فوق القفطان جاكه كم و حطي على راسك اشراب وانزلي أنا: امممم به عمر بصوت واطي: ديري بالك من نفسك و الولد تمام أنا ابتسم: تمام عمر: باي وسكر صبيت واني نحس بدوخه بس ما عدلتش طلعت جاكه حمره كم لبستها علي القفطان قلت والله مش امبدله عييت و حطيت عليا اشراب ولبست شبشب و نزلت و خشيت الشقه و تلاقيت مع رغد بتخش لي الدار شافتني قعدت تضحك رغد: هههههههه حي شن منزلك هكي ههههههههه أنا ضحكت: مليت قلت والله مش امبدله رغد: هههههههه بس منضرك خطير بكل بجاكه أنا ضحكت : ماهو عمر يقولي ما تنزليش هكي بنص كم اعميمه من دار: تعالن هنا كنكن خشيت اني و رغد لي الدار و سلمت عليها وقعمزت اعميمه: كنك حودي جاكتك و اشرابك أنا بعبط: عمر قالي ما تحوديش عشان عامر علي خاطر القفطان نص كم اعميمه ضحكت: عامر مش قاعد حوش صاحبه اسامه و احتمال يفطر اهناك أنا : اها وصبيت حودت العبايه و الشراب و قعمزت و قعدنا نهدرزو أشوي و صبيت لي حمام رغد بصوت واطي: ماما اعميمه اتسبح: نعم رغد: كنها ريم تمشي هكي اعميمه: طاح سعدك يا حيوانه المرا وقت تحمل تتغير مشيتها رغد: اهم وطلعت اني من الحمام و قعمزنا اشويه خشنا المطبخ درنا الفطور و بعد العصر جاء عمر رقد في مربوعة الفيلا و قال نوعوه علي الادان و ادن المغرب و وعيته و فطرنا وقعدنا نتفرجو علي التلفزون و بعدين ماريا جابت الحلو و قهوه عمر شافلي : ما تشربيش قهوه انتي صبي جيب عصير مشي بيه أنا : به وكنت بنصبي رغد صبت: خليكي متريحه تو أنا انجيبلك وطلعت عمر شافلها و قعد منصدم عمر شاف لي اعميمه: كنها رغد اعميمه تشرب في القهوة: كنها عمر منصدم: شوفيها بلكي مريضه اعميمه فهمت عليه: ههههه سبحان لمبدل لحوال عمر شرب قهوته وسكت وطبعن ما يحكيش معاها من بعد ضربها وجت رغد عطتني العصير و قعدنا ناكلو نتفرجو علي التلفزيون و في التبسي قعدت بس بكلاوه وحده و كنت نبي ناخدها عمر خداها وكان بياكلها أنا قعدت نبحت فيه و ساكته و خاطري فيها عمر فطنلي شافلي لقاني نبحت فيه ضحك: ههههه كنك أنا ابتسمت و نحرجت نزلت راسي عمر فهم عليا و ابتسم و بصوت واطي: افتحي فمك هي أنا ضحكت و رفعت راسي و فتحت فمي بشوي عمر حطهالي : هووووبااا أنا ضحكت و نحرجت علي خاطر جنب اعميمه و رغد وطبعن عمر شي مافيش حشم عاد عمر: هيا ارقي البسي باش انطلعو ناخدو دبش البيبي أنا: تمام وصبيت اعميمه ابتسمت: ربي اينوضك بسلامه عمر: امين و رقيت لي الشقه و عمر طلع يسخن السياره و لحقاته رغد في الجنان رغد بخوف: عمر عمر تنهد و برم عليها و رفع حاجبه: كنك رغد قعدت تبكي و تمسح في ادموعها: اسفه والله اسفه مستحيل نعيدها و حتي أنا و ريم امس تصالحنا ردت هكي عشان غرت منها و نحسابها خدتكم مني عمر تنهد وقعد يشوفلها وساكت رغد تبكي و ترعش و تمسح في ادموعها بيدها عمر و جعاته فتحلها يديه: تعالي رغد قعدت تبكي اكتر و حضناته عمر يمشي في يده علي شعرها: اششش خلاص رغد تبكي و دافنه راسها في صدره و تشهق: ااا اسفففه عمر نزل راسه باس راسها ويمشي في يده علي ضهرها: خلاص مسامحك اسكتي ما تبكيش و بعدها مسحلها ادموعها ورد حضنها رغد هدت أشوي و تبكي عمر باس راسها: خلاص اششش اسكتي سادك عاد رغد بعدت عن حضنه و تمسح في ادموعها عمر قرص خشمها: امشي البسي لو تبي تمشي معانا ناخدو دبش لي ولد خوك رغد ابتسمت: اممم لالا خليها مره اخر عمر: باهي بجوك وخشت رغد و عمر قعد يدخن و نزلت أنا ركبنا السياره و حركها عمر... بعد شفتها كيف تبي و ترعش و الندم في اعيونها و جعتني ما قدرتش نقسي عليها اكتر اهم شي تربت وعرفت غلطها و معاش اتعيدها و كوني دكتور نفسي شفت حسن نيتها من اعيونها معليش كلنا نغلطو و تقعد طفله و بعد جت ريم و كانت في عمرها خافت تاخد الدلال و الحب و مهما كان نقعد بوها في نهايه أنا يلي ربيتها وفتحت اعيونها عليا ______________________________ عند نور و يعقوب كانو مقعمزين حوش هل يعقوب نور صبت وخدت فونها : تصبحو علي خير رهف: بدري كنك كسدي نور: نحس في روحي تعبانه نبي نرقد أشوي و نوعي بعدين علي وقت السحور عمتها: هابا وشن متعبك ما حتي حامل و بطنك قدامك نور تنهدت و شافت لي يعقوب امتاع شوف كلام امك يعقوب بعصبيه: كنك يام يعني ما تتعبش الا الحامل ما تمرضش الا الحامل هي من الصبح مصبيه ام يعقوب: دافع عليها دافع وانت مش راضي فيها حتي دقت الشوكه نور معاش تحملت و تحس في روحها بتبكي خدت بعضها ورقت رهف: كنك يا ماما معاها كل ما تنزل تعزقيلها كلمه را بشر هذي و تحس و بعدين بارك الله فيها مقدرتك وما تردش عليك ام يعقوب: اني نشوف اصغار ولدي من حقي يعقوب بنفعال: و الشي هضا يام تشوفي فيه بيدي ولا بيدها كان بيدينا را عدنا سيريت عويل و صبا متعصب و رقا لي الشقه خش لي الشقه لقاها مقعمزه علي الكنبه في الصالة و حاطه يديها علي وجها و تبكي يعقوب تنهد و قعمز جنبها و خداها و حطها في كتره نور ببكا وتبي تنزل: بعد بعد عني يعقوب لف يديه عليها و مسكها بقوه: اركحي يا بنت نور تبكي: اوووف خليني شن تبي مني ساد امك و الله ساد يعقوب حضنها و يمسح في ادموعها ويحكي بصوت واطي: باهي قالها فمك امي شن نبي نديرلها و شفتي ما سكتش رديت عليها شن تبي اخر نضربها نور سكتت و بس تبكي يعقوب يبوس في رقبتها: ما تفكريش بشي يا عمري اهم شي اني راضي نور ببكا: بس امي مش راضيه ونبي بيبي يعقوب تنهد و قعد يشوفلها نور تبكي: والله تعبت من كلام امك وأمي و هلك و هلي و الناس كلها حسسوني ان عقيمه يعقوب تنهد : اااااااه باهي تمام بكرا نمشو نعاينو ولا && تمام هكي نور فرحت و شافتله: جد حببيبي يعقوب باس راسها: اها ما نتحملش نشوفك هكي نور تضحك و تحضن: ربي يخليك ليا يعقوب ابتسم: صبي نطلعو ندهورو نبرمو أشوي نور صبت و بفرحه: تمام خمس دقايق و نطلع يعقوب ابتسم : نحبك نور ببتسامه: نموت فيك♥️ ______________________________ عندي انا و عمر مشينا السوق خدينا دبش البيبي ملابس و بطانيته و املايه و رضاعه و لهايه " زلباحه" و شخاشير و طاقيات و كنا ناخدو في لون الازرق و الابيض بس و خدينا ساكو و اني تعبت من اللف عمر قالي انجو يوم اخر ناخدو اتات الدار امتاعه كيف السرير و الدولاب و شاشة التلفزون و غيرهن و قلنا نزوقوها زرقه ♥️ ______________________________ بعد مرور تلت اشهور خشيت لي التاسع و حياتي مع عمر ولا أحلي امشيني علي اقياس عقلي بس لو ينقص عصبيته و نور و يعقوب ربي ميزال ما رزقهمش بس يلي مصبرهم أشوي ان هما لتنين ماعندهمش اي مشاكل بس مسألت وقت و رغدت تغيرت معايه تماما كان ربي رفع رغد و حط رغد اخر و الباقي كما هما عمر فتح الباب و خش ينادي: بطه بطوطه أنا من دار: هنا حبيبي في الدار عمر خش عليا لقاني ناكل في فراوله قعمز جنبي علي السرير عمر: انتي يا كلبوز شن تاكلي أنا ضحكت: اممم فراوله عمر ابتسم: صحه صحه و قرب مني و قعد يبوس في بطني و يلعب بيها عمر يلعب بصوابعه علي بطني: حبيبي البابا مزاد شي عشان تنورنا البيبي رفس أنا ضحكت وحطيت يدي علي بطني: ههههه حي عمر ضحك: شفتي كيف وقت نحكي معه يتحرك أنا كشرت: اني نحكي معه من الصبح ما ترحكش عمر ضحك: ههههههه أنا : اااااه عمر بخوف: كنك أنا ضحكت: حركته واعره عمر ابتسم و خدا فونه و رفع التيشيرت امتاعي و قعد يصور في بطني فيديو كيف تتحرك بحركة الجنين و كمل و سكره عمر شافلي و ابتسم: يقعد دكره أنا ابتسمتله عمر صبا و مسك يدي: صبي أنا بتنبله: امممم عموري وين ماشيين عمر: صبي يا تنباله هيااا تو نقولك أنا حولت تبسي الفراوله من عليا وصبيت عمر يلبس فيا في عبايتي: تو سموحه ح تنزلي معايه كيف المرا الشاطره و نطلعو نتمشو أنا: حبيبي لاااااا😩 عمر لبسني و شاحي و مسكني من يدي و طالع بيا: ههههه اسسسس أنا: باهي ننزلو نتمشو في الفيلا الدنيا ليل علاش نطلعو عمر يلبس فيا في شبشبي : لا أنا بدلع: ما نبيش ما نبيش تعبانه عمر فتح الباب و نازلين من لدروج: تي سكري فمك يا دلوعه المشي يسهلك الولاده أنا ننزل معه من لدروج: ديما نتمشو ديما عمر يفتح في باب الفيلا و طلعنا: تي اسس كل يوم ح تتمشي لين ما اتجيبي اسمعي كلام الدكتوره مش قالت يسهل أنا ماسكه في كفه و نتمشو: بارده ما حبيتهاش الدكتوره هذي عمر ضحك: انتي من اتحبي بس أنا بعفوبه: نحبك انت بس عمر: نعليا را انروح بيك أنا: هههههههه صايع و قعدنا نتمشو وكانت الدنيا ليل الساعه 10 مشينا لي نهائه الشارع و بنردو فجاء يجي حد من ورانا مغطي و جه و ماسك لوحه كبيره و يضرب بيها عمر بقو علي راسه من لاوره و الوحه كانت كبيره و سميكه من اوا ضرب عمر طاح و قعد يضرب فيه اكتر علي رسه و فجاء الدم طلع بكمية كبيره أنا نبكي ونعيط و نزلت علي آلأرض ومسكت راس عمر : لاااا عمر حبيبي اوعي و راسك لااا أنا نبكي وماسكه راس عمر و يديا دم: عموري حبيبي اوعي لاا. حد ينقدنا الراجل قرب مني و،،،،، أنا: لااااا .....يتبع