❴🔢❵☟الــبـــــ❴4️⃣8️⃣❵ـــــــارت☟
مريضتي♥️
الكاتبه: نولي
الحلقة 48
أشوي و سمعت صوت الباب انفتح قالت أكيد يعقوب و ما هتمتش كملت يلي في يدها و ما تحسش بشي الا و حد مسكر خشمها ويسحب فيها برا المطبخ
نور تبكي: امممم امممممم
خلود كانت متخمره: سكري فمك يا&&&
نور تبكي و تحاول تفك روحها منها
خلود بعصبيه: يا تعصبينيش اكتر و انزلي معايه بلحسنه
نور عضتها في يدها و هربت تجري بس خبطت في حد رفعت راسها وكان راجل جاي مع خلود و مسكها
نور تعيط: اعميييييمه رهههههف مافيش حد يسمع فيييييا
شاب سكرلها فمها: سكري فمك الزح
خلود حودت اخمارها و سكرت باب الشقه
شاب ماسك نور ومسكر فمها: وتو شن
خلود ابتسمت بخبت وتحكي وتشوف لي نور: اول شي ح نحطوها في الدار وح ترقد علي السرير وتربط يديها و رجليها في الحديدة السرير
نور تبكي وتهز في راسها بي لا
خلود تحكي بتجعوين و تبتسم بي خبت،: اسسس بيبي خليني نكمل و بعدين الشاب الحليوه هضا يلي ماسكك ح يغتصبك اها
نور تمت اتعيط وتبكي تفك روحها منه بس الشاب كان اقوي منها
خلود: اشششش خلي نكملك باقي الروايا و هو يغتصب فيك ح نصورك فيديو وندزه لي حبيبي القلب يعقوب
نور تبكي وتخبط
_______________________________
عندي انا وعيت الساعه 2 قايله علي صوت عمر يقرا في القران في الصالة بصوت عالي قعدت مبتسه و نسمعله بعدين صبيت لي حمام نضمت اموري و طلعت صليت الصبح علي الظهر و بحكم الجو نو لبست روب كن و قصير طوله تحت الفخده بشويه لونها وردي سيتان و لبست شخشير اسود و طلقت شعري و طلعت لي الصاله لي عمر صبيت جنبه و هو علي الكنبه مقعمز و يقرا في القران
عمر شافلي بصدمه وسكر اعيونه: صدق الله العظيم ريممم انتي يا بت شن لابسه خشي جو خشي اللهم اني صائم ايتغفرالله
أنا بستعباط: عمور كنك ؟
عمر حط المصحف علي الطاولة يلي قدام الكنبه و مسكر عيونه: يا بنتي حراااام عليك رمضان خشي البسي استري روحك ما تفطرينيش يا ريم في جرايرك
أنا ضحكت وقعمزت جنبه: ههههه شكلك ايضحك باهي حود يدك عن اعيونك
عمر: استغفرالله يا رب مطر نشوفلها عشان نفهمها سامحني يا ربي بس أنت ادر بي حالها
أنا بملل: خلاص ساد حود يديك را لعبه بايخه هياااا
عمر فتح اعيونه و يشوف لي وجهي و يتفاد يشوف لي جسمي: يا عمري انتي يا حبيبي ما يجيش تلبسي هكي في رمضان عيب يا بابا والله عيب
أنا بعدم فهم: باهي علاش ما أنا ديما نلبس هكي
عمر: ميما تو اني راجل وعندي غريزه و شهوه ف وقت نشوفك هكي ننسا روحي صايم ونقعد نبي نقربك
أنا: وبه وين المشكلة اقربني
عمر تنهد: صبرني يا رب تي كيف نقربك ما تجيش في رمضان الا بعد الافطار حرام عليك صبي استري روحك
أنا : يعني ربي يحاسبنا
عمر: اها هيا سلم بنتي صبي البسي حاجه اكويسه طويله
أنا صبيت و قربت بست خده: امووووووووه حبيبي
عمر بحركه سريعه تلفت عني وعطي وجه الساس وبصوت عالي وعصبيه: استغفرالله استغفرالله الللهم اني صائم تي صبي يا خرااااااا
مشيت واني نجري ونضحك عليه و خشيت لي الدار و لبست قفطان حوامل لونه أصفر استرتش طويل لي تحت ونص كم و درت شعري ديل احصان و طلعت لي الصاله قعمزت جنب عمر
عمر ابتسم: ااااايوه هكي انتي شطورتي
أنا ابتسمت
عمر شافلي: جيعانه ؟
انا : امممم أها
عمر ابتسم: معليش تحملي أشوي و ارقدي باش ما تحسيش بيه بس بعد اتحسي بدوخه و لا قلبك يخبط بقوه قوليلي
أنا: بعدين نفطر
عمر: اها ما عليكش اتم انتي حامل
أنا: اممم باهي حطلنا حاجه حلوه نتفرجو عليها
عمر خدا الريموت وقعد يقلب : حاضر ...صليتي الصبح و الظهر؟
أنا: اها
عمر: شطوره
و قعد يقلب في القنوات و حط علي MBC ادراما و قعدنا نتفرجو
______________________________
عند نور خداها الشاب لي دار النور و سكرلها فمها و ربط رجليها و يديها في حديدة السرير و بدا يتقرب منها بشوي و خلود اتصور و تضحك و نور تبكي وتدعي ان ايجي يعقوب و ينقدها منهم
تحت عند يعقوب درس السياره و نزل كيس الخضر وخش حوش هله سلم علي بوه و خش لي المطبخ لقاء امه و رهف يجهزن في الفطور و حيسات
يعقوب: السلام عليكم
امه تحشي في العصبان: وعليكم السلام يا باتي
رهف مصبيه علي الطنجره: ها جبت يلي قتلك عليه
يعقوب حط الكيس علي الطاولة: اها اهو
امه: شن هضا
رهف خدت الكيس من الطاوله: بطاطه يا ماما علي خاطر نبي اندير بطاطه امبطنه
يعقوب ضحك: اي اي زيدن شهني من تو يلي عصبان ويلي امبطن وشن اخر
امه ضحكت: ههههه صحه عاد مش انصيمو ونفطرو علي بصلة
رهف تغسل في البطاطه: في يلي مش لاقيها البصله يا ماما
امها: معاكي حق والله وبعد خطرها يا يعقوب باش قبل الادان بساعه ولا ساعه ونص انزل عشان نعطيك اتباسي و توزع علي الناس المحتاجه
يعقوب: تمام بس حطنلهم من كل شي ولو نقصت حاجه قوليلي
امه: لا ما تخافش تو نحطلهم من كل شي عاد حتي هما ناس و يصيمو كيفنا و الجوع واحد
يعقوب: نور ما نزلتش
رهف: لالا
يعقوب عقد حواجبه: غريبه واني نازل قالت تبي تعجن بيتزا ولا مش عارف ايش و بتنزل عشان تساعدكن
امه: لا والله ما نزلتش
يعقوب استغرب: تمام يلا اني راقي انريح
ورقا لي الشقه
______________________________
عندي انا و عمر
وأني نتفرج علي التلفزون نعست و رقدت صبا عمر جاب مخده و ملايه عدلي نومتي و رفع راسي بشويه حطلي المخده و غطاني بي الملايه و نزل لي الفيلا خش علي اعميمه في المطبخ و معاها الخدم
عمر قرب منها و باس راسها: كل سنه وانتي طيبه يمي انشالله ديما حضراته معانا
اعميمه ابتسمت و تقطع في الخضره: وانت طيب يا باتي قعمز
عمر سحب كرسي و قعمز و بحت في الخدم مايا و ماريا : رمضان كريما
مايا & ماريا : علينا و عليك بابا
عمر ابتسملهن وشاف لي اعميمه و بصوت واطي : صيمات يمي
اعميمه بصوت واطي: اها صيمات طاح سعدك مالاه تحسابك كافرات
عمر : وين نندري
اعميمه: لالا لو كفرات ما كنتش دخلتهن حوشي و بعدين هدينا باكستانيات و في باكستان عدهم الاسلام واجد
عمر فتح فونه و يتصفح علي الفيس: باهي اكويس
اعميمه اتقطع في الكبده لي العصبان: وينها مراتك
عمر: في الشقه سيبتها راقده
اعميمه: صايمه ؟
عمر: اها
اعميمه: يا روحي اليوم اول يوم و حار بكل و حمو
عمر رفع عينه من الفون و شافلها: قلتلها لو تعبتي و حسيتي بدوخه افطري
اعميمه كملت تقطع : باهي انشالله اجرها بي اجرين
عمر: يام باش بعدين ما تنسيش تعطيني فطور نشيله لي المحتاجين
اعميمه: حاضر من اعيوني كيف ننسا هضا روتين كل سنه وكل رمضان وبعدين يا باتي مش حاجه ساهله اتفطر صائم اجر كبير
عمر يمشي في يده علي لحيته: ونعم بالله
اعميمه اتحرك في الخلطه: كنك حسيتك جوك خارب
عمر ابتسم: لا عادي امغير عشان متعود علي الدخان و اليوم ما دخنتش ف نحس في روحي متلخبط
اعميمه: الله يقعطه هل الدخان مروج اكبودكم سيبه يا باتي الله ايربحك
عمر: حاضر يمي نحاول والله حاضر
__________________________________
عند يعقوب
رقا لي شقته و يسمع في حس قلبه قعد يدق بقوه وحس بي اطراف جسمه صقعت و ردت بيه داكرته وقت رقا لي الشقه ولقا خلود تخون فيه فكر نفس الشي في نور وقعد يكدب في فكره فتح الباب و حاول ما يطلعش صوت وقعد يتبع في الصوت و وقف جنب باب دار النوم وكان مفتوح منه شاف خلود ونصدم كان يبي يخش بس سمع
خلود : ح ندمك علي اليوم يلي تجوزتي فيه يعقوب وح ندم يعقوب علي انه فكر يدخل لي حياته مرا غيري نعرف أنك مش امتاعت شباب و دوه زايده بس بعد نصورك وانتي يغتصبو فيك وندزك لي يعقوب شن ح تكون ردت فعلك مستحيل يصدقك
نور تبكي و فمها مسكر: امممممم ااممممم
خلود شافت لي الشاب : شن تراجي هيا شوف شغلك
وفي اللحظه هذي يعقوب يفتح عليهم الباب و يشوف نور كيف مربطه
خلود بدت ترعش: ي ييي يعقووب
يعقوب يعيط: شن اديري هنا ينعن &&& ومن ال&&& يلي جايبته معاك
شاب خاف: مش شوري أنا و والله ما قربتش مراتك مش شوري
خلود جت بتهرب يعقوب قفل باب الدار
يعقوب يشوفلها وهو امعصب: مش كل مره تنفدي منها يا خلود المره لوله مسكت في قضية شرف وكنت نقدر نحبسك بيها بس وكلتك لي ربي و طلقتك و سيبتك بس تو مستحيل
خلود يخوف وتبكي: يعقوب اني نحبك والله نحبك
يعقوب يعطيها كف لين ما سنها انكسرت وهي طاحت
يعقوب يعيط: مش كل مره يا خلود تضحكي عليا
وقرب من نور فكها و طلعها و طلع معاها و اتصل بي الشرطة وقعدو يراجو في الصاله و خلود والشاب قافل علهم الدار دار النوم
نور تبكي في حضنه وتشهق: و والله م مااا قربنييييش ووالله ص صدقننني يا يعقوووب
يعقوب قرب منها وباس راسها و يهدي فيها: مصدقك والله مصدقك
نور ترعش في حضنه وتبكي : خ خخايفففه اناااا
يعقوب حضنها اكتر: اشششش أنا معاك ما تخافيش اشششش حبيبي
يعقوب صبلها اميه: شربي
نور ببكا و تشق وترعش : بس اني صايمه
يعقوب: نور شوفي حالتك عوضيه يوم اخر يلي مرتي بيه مش ساهل اشربي عشان تهدي
نور شربت وتكت راسها علي صدره
يعقوب يمشي في يده علي ضهرها: تو ح يجو الشرطه خشي لي دار الضيوف و اقفليها عليك
نور ببكا: بب ببه
______________________________
عندي انا وعيت الساعه 6 صليت العصر واتصلت بي ماما و هدرزت معاها بعدين قاتلي ما تنزليش يديك فاضيه ديري حاجه حلوه و انزلي سكرت منها وخشيت لي المطبخ درت كعك دونات و قليته واني نحس روحي علي أشوي و نطيح من الجوع و السخانه و تصبايه علي الغاز و كملت و سيبت يبرد وبعد برد جيت و درتله عسل و الآخر بشكلاته و نظمته في تبسي و غلفته و خشيت لي حمام دوشت و طلعت لبست سروال اسود واسع بكل هكي نضامة بس غيرته حسيته مش حلو عليا بحكم أنا قصيره و طشه طلعت سروال جينز اسود لبسته و بلوزه دميه لي تحت الركبه كم فيها بطم يعني تتبطم تبطبم و لبست شخشير دمي و مشطت شعري و درت كعكه و لبست اشراب اسود طلعن جنب عامر عمر يقولي البسي وشاح وقت يكون مش قاعد نحوده و درت عطر واني طالعه خش عمر لي الشقه
عمر: السلام عليكم
أنا نلبس في دبلتي: وعليكم السلام
عمر: شن تبي تنزلي حبيبي كملتي
أنا شفتله: اها
عمر: هيا امالاه اصلن قريب المغرب ربع ساعه بس مزال
أنا : اممم باهي جيب اتبسي علي الطاولة في المطبخ
عمر شافلي: ليش شن امدايره
أنا: اممم كعك دونات
عمر ابتسملي: نجيها الحره
وخش المطبخ جاب التبسي و أنا لبست كاويشي و نزلنا سلمنا و عمر حط التبسي في المطبخ و قعمزنا علي الطاولة الاكل و كل شي جاهز نراجو بس في الادان ولاحضت رغد طول الوقت منزله راسها و ماتشوفش لي عمر بكل و ماحكتش ولا كلمه
عامر بنفخ: اووووف تي ميزال ما دنش الزح جعنا يا هوووو
عمر : اصبر مزاد شي انت صابر من الصبح تو قلقت
اعميمه: و فوقها واعي الساعه 6 عشيه تي انت فروص تقعد امكيف مش كيفنا يلي من الصبح في المطبخ
عامر: يام تبيني نخش معاك المطبخ ماهو صايم نرقد خيرلي باش الجوع ما يمرسش كبدي و يسحنها
عمر امنزل راسه و يبريش في ساعته: وانت ديما الجوع ساحن كبدك عساس جديده هذي
أنا: ههههههه
اعميمه شافت لي عامر: لا والله سلامتك بس نبيك توعي بدري كيف الخلق والناس اتصلي صلاتك في اوقاتها مش تخلطها و تنزل تشوف العرب و تسبح وتستغفر را رمضان شهر كريم الاستغفار و الدعاء اكويس فيه مش تكملها تكملها نوم
عامر.: حاضر يا نبع الحنان انشالله
اشويه وادن المغرب
و سمينا بيدنا نفطرو واني كنت جيعانه امية قعدت نشرب فيها مره وحده
عمر مسك الطاسه بعدها عني: لا لا مش اكويس في مره وحده تشرقي
اعميمه: يا روحي عطشانه بكل شكلها هههه
أنا ضحكت: اها
عمر عطاني تمره: كولي
أنا خديتها منه وابتسمت علي اهتمامه بيا
عمر : كولي براحه هيا
أنا كليتها و رديت خديت آلميه نشرب
عمر خدا من الطاسه: سادك حبيبي تو تنفخلك بطنك
عامر ياكل: راعونا الزح
عمر شافله بطرف عينه: سكر فمك انت واشقي بي نفسك
عامر: يبي عاد امداير فيها جو مراتي صغيره و نهتم بيها وحامل و دلع و غمزله
أنا انحرجت
عمر بصوت عالي أشوي: عااااامر
عامر ضحك: سكتنا خلاص
اعميمه: هني روحك يا ولد
عمر عطاني حليب : اشربي
خديته منه وقعدت نشرب
و بعد كلينا التمر و شربنا حليب عامر رفع يده و بيبدا ياكل العصبان و الفطور التاني
اعميمه ضرباته علي يده
عامر: ااااخ يمي كنك جعاااان
اعميمه: صبي يا حيوان صلي المغرب قبل
عامر: تي يام جيعان
اعميمه: هيا كلمه يلا نصلو مع بعض
أنا نضحك علي عامر
و صبا كلهم وانا كنت بنصبي
عمر شافلي:قعمزي انتي كولي بعدين صبي صلي مرات ادوخي
أنا بدلع و تجعوين بحكم مكانش حد بجنبنا:لالا حببيبي نصلي معااااااكم
عمر ابتسم و عض شاربه: نعليا أنا من كيكتي يلي تتاكل صبي صبي قبل لا نهجم عليك
ضحكت وحطيت يدي علي ضهري و صبيت بصعوبه
و صلينا جماعه و ردينا كلينا و الخدم لمن الصفره واعميمه قالت ح تجي حنان بعدين و ادن العشاء و طلعو عمر وعامر يصلو التراويح و قعدت أنا و اعميمه نهدرزو ورغد ساكته
اعميمه: امتي عندك موعد عند الدكتوره
أنا ابتسمت: اليوم
اعميمه ضحكت: والله شكل بطنك يقول ولد
أنا ضحكت: صااااح
اعميمه ضحكت: اها
أنا: حتي اني حاسه هكي
اعميمه قربت وحطت يدها علي بطني وقعدت اتمس فيها بعدين شافتلي
اعميمه: خشيتي لي السابع ؟
أنا ابتسمت : بكرا قالي عمر بس حي اعميمه كيف تعرفي
اعميمه ضحكت: اهو مع الوقت قعدنا خبره
أنا ابتستلها و بعدين شفت لي ردغد
أنا : رغد كنك ساكت احكي حاجه هدرزي معانا
رغد شافتلي وردت شافت لي التلفزون
انامسكت يدها: ما تحطيش في بالك أنا مسمحاتك والله عادي مش زعلانه بس ما تقعديش هكي
رغد صدمتني بي حركتها بعد حضنتي وانا حضنتها و فرحت حسيت ممكن تتحسن علاقتنا
رغد بعدت عني ومسحت.ادموعها: اسفه والله اسفه ضنيت فيك خطا و عاملتك معامله مش كويسة لي ان كنت نحسابك خديتي عيلتي مني بس انتي مافيش اطيب منك سامحيني
أنا ابتسمتلها: عادي اصلن ما زعلتش منك بكل
اعميمه ابتسمت: ايوه هكي ديما نبيكن خيات
_______________________________
مشا الوقت وجا عمر و مشينا لي المستشفي و جا دوري وخشيت أنا و عمر و الدكتوره كشفت عليا
الدكتوره ببتسامه: من يلي قال ولد
أنا ضحكت : اني
الدكتور: ومن قال بنت
عمر ابتسم: أنا
الدكتوره ضحكت: ربحت مراتك مبروك عليكم اوليد
أنا ضحكت و صفقت
عمر اعيونه دمعو بس فرحه ونزا باس راسي
و كتبت الدكتوره الوصفاء و طلعنا و عمر خدالي الدواء و ركبنا السياره و عمر حركها
أنا: حببيبي
عمر يسوق : ها عويناتي
أنا: زعلان عشان جاء ولد
عمر رفع : يدي باسها لالا حببيبي ما تقوليش هكي يلي يجي من ربي يا مرحبا بيه وفي حد يكره قطعه منه تي اني بنموت من فرحتي بيك و بيه ما زعلتش يا قلبي
أنا ابتسمت
و مشينا لي الحلاواني خدينا بقلاوقه علبتين و شكلاته علبتين مشينا حوش هلي و نزلت معاي علبت بقلاوه و شكلاته و قلت لي ماما حامل بي ولد. و فرحت و عمر قعد يهدرز مع بابا بعدها روحنا لي الفيلا خشينا عليهم بشرناهم و عطيناهم البقلاوه و الشكلاته وكانت حنان اهناك قعدت نهدرز معاها حنان نحبها بكل نور عيوني اسم علي مسما♥♥️ وبعدين رقيت لي الشقه و دقيت و عمر فتحلي
عمر رفعني: يا شينه قوتلك اقعدي خمس دقايق و ارقي مش ساعتين
أنا ضحكت : كسدت مع حنان نحبها بكل
عمر باس فمي : واني نحبك و مرايف عليك
و خش بيا لي الدار حطني علي السرير و بدا يسلحلي و يبوس فيا و نزل عليا و رحنا في خبر كان
بعد وقت
أنا راقده في حضن عمر فجاه حسيت حاجه في بطني تحركت نطيت
أنا حطيت يدي علي بطني و بصدمه : عمر
عمر انفجع: كنك
أنا: البببي تحرك والله تحرك
عمر بفرحه: تحكي جد
أنا نهز في راسي: اها والله حببيبي حسيت بيه والله
عمر نزل الورغان و حط يده علي بطني و أشوي وتحرك اخر
عمر اعيونه دمعو بفرح: يتحرك يا قلبي جد والله يتحرك
أنا نهز في راسي و مبتسمه :اها
عمر مسح ادموع ونزل باس بطني و حط راسه علي بطني و يسمع في حركة الجنين ♥️
.....يتبع