❴🔢❵☟الــبـــــ❴4️⃣7️⃣❵ـــــــارت☟
مريضتي♥️
الكاتبه: نولي
الحلقه 47
ليل الساعه 10
عند نور و يعقوب نور اطيحه علي آلأرض و يعقوب يوعي فيها
يعقوب : نور حبيبي اوعي وراسك
نزل راسها من عليه و صبا يجري جاب اميه و درلها عطر في خشمها و رش عليها اميه
نور بدت توعي
يعقوب يبوس في اعيونه: نور حبيبتي اتشوفي فيا
نور بعدت عنه و قعمزت
يعقوب شافلها و ستغرب بس ما دققتش: تبي اتصبي
نور تتهرب منه بعيونها و هزتله راسها
يعقوب صبا: تو انشيلك أنا انتي مزلتي دايخه نخاف اطيحي
نور سكتت و مش متقبله حتي تشوفله وتحس في روحه بدت تكره
يعقوب تنهد و نزل عليها شالها و حطها علي السرير و غطاها
يعقوب نزل باس راسها: نعصرلك ليمه قارصه " حامضه" و نجيبهالك عشان تحود الدوخه
نور امنزله راسه و تحرك في الورغان: ما نبيش
يعقوب استغرب تصرفها: مش بكيفك وطلع
وخش المطبخ عصرلها ليمه و دارها بميه بارده و يعرفها دلوعه مش ح تقبل تشربها هكي حطلها أشوي سكر و شالها ليها لي درا النوم
يعقوب قعمز علي طرف السرير: هيا يا روحي قعمزي اشربيه
نور بعصبيه و صوت عالي أشوي: قتللللللك مااااا نبييييييش كننننك اننننت بااااش تفهم
يعقوب صبا بعصبيه و حدف الطاسه علي الساس و تكسرت و تبز العصير
يعقوب: كنك انتي كنك ينعن&&& خير جد اسلوبك هكي الزح ينعن&&& من بدري متحملك
نور انفجرت وقعدت تبكي: اطلع اطلللللع ما نبيش نشوف وجهك
يعقوب : تي كنك الزح كنك تو كنا مافينا شي هبله انتي ولا شنووو شن درتلك فشن غلطت معاك
نور تبكي و حاطه يديها علي اودانها: قتلك اطللللع اطلللللع مش متحمله حتي صوتك اطلع
يعقوب خبط رجله في السرير بعصبيه: تي &&& الحق فيا أنا يلي ندوي معاك
و طلع وسكر الباب بقوه ونزل من الشقه ونور قعدت تبكي
________________________________
الصبح الساعه 10
راقده في حضن عمر و عمر واعي و يبحت فيا أشوي و قعدت نوعي
عمر مبتسم: كسولي وعي
أنا ابتسمت و نحك في اعيوني
عمر بعد يدي عن عيني و عطاني منديل
أنا خديته منه وقعدت انحك في اعيوني: نبي حليب
عمر باس راسي: حاضر حبيبتي حاضر
أنا ضحكت: و كورنفلكس
عمر: عاد حشيشتك انتي الكورنفلكس
أنا ابتسمت: اها طيب
عمر: تعرفي لي تو ما صليتش الصبح انتي راقده عليا و ما عرفتش كيف نحولك كل ما انجي نحولك تتمسكي في تيشيرتي اكتر
أنا ضحكت: صاااح ما حسيتش
عمر : باهي هيا نوضي باش نصلو مع بعضنا
أنا صبيت و لقيت روحي مش لابسه شي من فوق غير الستيان
أنا بصدمه: هيييييي 😳
عمر فهم عليا و يستعبط: هههههههههههه كنك حبيبي
أنا: أنا ما رقدتش هكي رقدت بتيشيرت وين راح
عمر ضحك: حولتهولك أنا
أنا: خزي صايع😑
عمر : ههههه صبي صبي
أنا صبيت و نزلت من السرير و لقيت روحي بدون سروال لقيت روحي بي بس شور
أنا بصدمه و صوت عالي: هييييييييي😳
عمر ميت ضحك: هههههههه كنك
أنا: اني رقدت بسروال وينه
عمر: لا حبيبي رقدتي بدونه
أنا بعناد : لا ما رقدتش هكي
عمر: هههههههه أنا حولتهولك
أنا: باهي علاش
عمر غمزلي: سخانه يقلبي قلت نهوي عليك
أنا : بس ما حسيتش بيك😕
عمر صبا و مسكني من يدي: هيا انخشو حمام بنتي
و خشينا حمام دوشنا مع بعض و طلعنا لبسين المناشف و عمري جففلي شعري و لبسني توته شورت و من لونهن و ردي و باس بطني و صلينا مع بعض و خشينا المطبخ درت الفطور و ساعدني فيه و قعدنا نفطرو
أنا ناكل : حبيبي مزال بنقعدو هنا
عمر يشرب في الشاهي: مليت حبيبي
أنا هزيت راسي بي لا: مدامه أنا معاك ما نملش
عمر رفع يدي باسها: ايخليك ليا باهي كنك تبي اتروحي
أنا ناكل: امممم رايفت علي اعميمه و الشقه
عمر ضحك: ومن اخر
أنا : و حنان و عامر
عمر ياكل و ابتسم: ومن اخر
أنا قعدت نفكر: امممممم و رغد
عمر : حتي من رغد ريفتيلها
أنا: اها
عمر: علي حد علمي انتي و ياها مش أصحاب
أنا : اها عرفتها ما تحبنيش بس أنا عادي نحب الناس كلها
عمر يختبر فيا: باهي ريم قبل المشكله يلي صارت حكيتي انتي و رغد في حاجه
أنا مافهمتش: كيف يعني
عمر: يعني هدرزتو في حاجه هي قالتلك حاجه
أنا نشرب في الحليب: اهمم
عمر بفضول: شن هو
أنا نحكي و فمي في الطاسة: هداك اليوم يوم المشكله
عمر بعصبيه أشوي: تي نولي الطاسه خيرلك
أنا ضحكت و نزلتها: هداك اليوم يلي صارت في المشكلة في الصبح كنت اني و رغد مكسدين
عمر : به شن حكيتو
أنا نبربش ونحرك في الكورنفلكس : قاتلي في اقروب ايهبل نضيفك فيه
عمر بحماس: به به شن قلتيلي
أنا نحكي وصبعي في فمي : قتلها نخاف من عمر قاتلي مش ح يديرلك شي
عمر : تي نحي صبعك عن فمك واحكي اكويس كنا يا ريمو
أنا حودت صبعي وضحكت: هههه خلاص مشت خدت تلفوني و قاتلي ضفتك و رجعتلي الفون بس
عمر سكر يده بعصبيه و في خاطره: باهي يا رغد احسابك بعدين
أنا ناكل و بدلع: حبيبييييييي
عمر حط في فمي زيتونه: عيونه حبيبك
أنا بتجعوين: هياااا انرووووحو
عمر يضحك: باهي باهي يا معفنه كنك
أنا: هيااا مليييت
عمر: باهي صبي هي
أنا صبيت بصعوبه و يدي علي بطني
عمر يشوفلي و مبتسم : ابنيتي كبرت و بتقعد ماما
أنا ابتسمت و قربته منه ولفيت يديا علي راسه حضنته و حطيت راسي علي راسه و عمر لف يديه علي بطني ورأسه واصل بطني
عمر يبوس في بطني: بكرا نمشو انشوفوه تمام
أنا هزيت راسي : تمام
و صبا عمر و غسلنا لمواعين مع بعض و رقينا فوق لبست سروال امريكي اسود و بلوزه بيضه فيها بطم سود طولها لي الركبه و لبستها و شاح اسود و كاويش ابيض
أنا: هيا
عمر شافلي من فوق لي لوطه ورافع حاجبه: هضا شن
أنا خفت: امممم امبلوزه و سروال
عمر: بري غيري ابلوزتك
أنا بترجي: لاااا وراسك ما عنديش اطول منها
عمر: معناها غيري امها بكل
أنا خبطت رجلي في الوطاء بعصبيه: علاش باهي علاش
عمر بعصبيه: تي شوفي بطنك كيف طالعها فيها ضيقه الزح و صدرك و راسمه جسمك رسم
أنا بعصبيه: باهي شن انديرلها بطني ها شن انديرلها
عمر بعيااااط: استريها ما قتلكش ديريلها حاجه اخر
أنا خديت العبايه و نلبس فيها بعصبيه: باهي به
عمر ماسك ضحكته و يبان امعصب : البسي بشويه تو اطيحي
أنا بعصبيه: خليني انطيح دخلكش فيا
عمر : به زيدي ردي الكلام وانا يلي كنت نبي ناخدلك فون بس تو خلاص مش ح ناخدلك
أنا طلعتله الساني: مانبيش عادي تو نقولو لي بابا ياخدلي
عمر ضحك: باهي يا امتاع بابا انتي انزلي بس
و نزلنا أنا و عمر و سكر المزرعه اكويس و ركبنا السياره و نطلقنا
________________________________
عند نور و يعقوب
وعت و طلعت من دار النوم تبي الحمام لقت يعقوب راقد في الصالة علي الكنبه قعدت مصبيه و تشوف في ملامحه و تقول سبحان الله كيف هاذي و يبان أنا ما يطلعش منه شي كيف هكي قعدت مصبيه و تشوفله لين ما حس عليها و وعي
يعقوب يمسح في وجه: صباح الخير
نور شافتله و بدون ما ترد عليه مشت و سيباته
يعقوب : لا حول ولا قوه الا بالله استغفرالله وخلاص
و طلعت نور من الحمام و خشت المطبخ و بدت في الفطور ويعقوب طلع من الحمام و خش عليها قعمز علي الكرسي و نور حطتله فطوره و جت بتطلع
يعقوب شافلها: افطري
نور ببرود: ما نبيش
يعقوب : استغفرالله و خلاص
نور بتطلع
يعقوب : اكتبيلي لوازم رمضان و نواقص باش نجيبهم بكرا رمضان
نور ببرود: تمام تو ندزهم ليك رساله و طلعت
يعقوب تنهد و بدا ياكل و بيموت و يعرف علاش تتصرف هكي
_________________________________
عندي انا و عمر في السياره
خطمنا من جنب راجل عنه طوال و عليها محافض ومش عارفه شن ايدير
أنا: حبيبي شن ايدير هضا
عمر يسوق: يبيع في شاورما حبيبي
أنا عيوني قعدو قلوب وبترجي: باهي خودلي وراسك وراسك وراسك
عمر ضحك: باهي بس مش من هضا تو ناخدلك من مطعم هضا بحتي جراتيم يبيع في الشارع
أنا: امممم به
و كملنا الطريق ونحن ساكتين و عمر ماسك يدي و كل أشوي يبوسها
أنا بملل: عموري هيا مش قلت تو تاخدلي
عمر: اصبري ريما اصبري
أنا: اوووف به
عمر ضحك: مش املاحضه روحك من وقت حملتي وانتي تتوحي الا علي الشاورما
أنا ضحكت: نحبها اها
و وقف عمر علي مطعم و خدالي شاورما و عصير رواخ و مشينا لي البحر و درس السياره و قعدنا ناكلو و كملنا و حركها و مشينا لي الفيلا
_________________________________
خشيت أنا و عمر الفيلا
أنا سلمت علي اعميمه و حبيت راسها : اعميمه رايفت عليك بكل
اعميمه ابتسمت: وانا رايفت عليك ابنيتي
عمر قعمز و ضحك: روحت بيها من امس و مشينا لي المزرعة و من امس وهي اتزن تبي اتروح قالت مرايفه علي اعميمه
اعميمه ابتسمت: سملها اكنينتي الباهيه
أنا ابتسمتلها
عمر شافها: وينها بنتك
اعميمه: كنك بتضربها تاني ولا شنو
عمر صبا و بعصبيه: هدا يلي مخربها يا ماما الا دلعك ليها
اعميمه: اي خليني اندلعها
أنا نشوفلهم ومش فاهمه شي
عمر بعصبيه شافلي: هيا انتي صبي
أنا صبيت علي مهلي : سلام اعميمه
اعميمه: بسلامه ما طيبيش تو ماريا اترقيلك غداك
أنا ابتسمت: شكرا اعميمه
ورقينا لي الشقه و عمر معص طلع لي البلكوني ايدخن وانا خشيت لي دار حودت عبايتي ولبست توته شورت و من لونهن اسود و اني بيضه هلبه طلعت عليا حلو رقدت علي السرير وقعدت نتفرج أشوي و خش عمر و حضني من لاوره و باس رقبتي و رفع الكت امتاعي وقعد يمشي في يده علي بطني و نتفرجو و ساكتين وجاء وقت الغداء و جت ماريا جابت الغدا و كان عصبان ونعليا من العصبان كيف نحبه🙈❤🔥 و كفته و رز بلخيطه و تغدينا واني كليت لي درجة دخت ههههه حتي ما قدرتش انصبي نغسل المواعين عمر قعد يضحك عليا و صبا غسلهم هما و رقدنا في دار وعينا العشيه لبسنا و مشينا لي السوق خدينا مستلزمات رمضان و النواقص كيف خضره و فواكه و لحم و دجاج و تموين لي ان الحوش ما كانش فيه شي و تدهونا أشوي و روحنا درت العشاء خفيف درت دحي و تن و جبنه و زيتون و هريسه و خبزه و شاهي احمر تعشينا و خشينا رقدنا علي السرير
_________________________________
عند خلود
كانت تحكي في التلفون مع شاب
شاب: ها تميتلك موضوعك و امنتلك السياره و المفتاح امتي ح تعطيني الفلوس
خلود ابتسمت بخبت: تمام بكرا الصبح يوصلوك لي عندك
الشاب : تمام وسكر
خلود ابتسمت بخبت و تفكر بكرا شن بدير
_________________________________
عندي انا
ليل الساعه 2 عمر راقد وانا ماجنيش نوم قاعده نتقلب بطني كبرت بكل ما عرفتش كيف نرقد
عمر حسيت بريم كل أشوي تتقلب و كملتها تنفخ و امعصبه وعيت نشوفها
عمر ناعس فاتح عيني و مسكر عين: حبيبي كنك تتقلبي فيك حاجه اتحسي بحاجه مريضه
أنا بنفخ: اوووف بطني مقيدتني بكل ما عرفتش كيف نرقد بيها و السرير ضيق
عمر.بستغراب : لا والله السرير مش ضيق بس انتي قلقانه
أنا مضايقه و بدلع: باهيي كيف اندير ما عرفتش نرقد اوووف
عمر قعمز وهو ناعس و يحك في اعيونه: قوليلي قبل كيف ترقدي ها ما بطنك متعوده عليها ما كبرتش فجاه
أنا راقده علي ضهري ونبحت فيه: لالا زادت
عمر يمسح في يده علي وجه: ماهو هدا هو بتخشي لي السابع خلاص
انا علي أشوي نبكي: نبببببي نررررررقد
عمر تنهد: جربتي رقدتي علي جنبك
أنا بدلع هزيت راسي بي اي ☹️
عمر ضحك و نزل باس فامي: هههههههه تي نتعب مع الحركه اهيا معاش اديري فمك هكي
أنا ضحكت: باهي بنرقد دبرلي
عمر سكت يفكر و يشوفلي وقت
أنا بملل: مزال تفكر
عمر فتح يده و حطها علي وجهي ومسك وجهي بشوي ويضحك: سكري فمك يا نكد انفكر
أنا ضحكت و حولت يده: ههههه به
عمر صبا فتح الدولاب و طلع مخده و جاني
عمر : هي حبيبي ساعدني ارقدي علي جنبك
أنا بصعوبه رقدت علي جنبي
عمر : افتحي رجليك ارفعي ساقك
أنا بصدمه وتفكير خبيت: شن ؟ شن تبي اديري
( أنا وانتن العبيطات مش هي را😂)
عمر ضحك و فهم عليا: يا فانص انت وين مشا تفكيرك ههههههه ارفعي ساقك يا احصانه بل خبت
أنا ضحكت ورفعت ساقي زاويه يعني و عمر حطلي المخده بين افخاضي و نزلت ساقي
أنا شفتله: حبيبي نخليها هكي
عمر باس راسي: اها حبيبي ترتاحي في نومتك هكي
أنا ابتسمت: نحبك
عمر نزل باس فمي: وانا انموت فيك
وجا جنبي و رقد قدامي ومسك يدي و رقدنا❤️
( الراجل بعد يحبك يدري كل شي باش يسعدك ف لي هدا يا حبيبتي اختاري يلي يحبك و شاريك مش يلي انتي شاريته♥️)
__________________________________
عند نور و يعقوب
الصبح الساعه 12 طبعن اول يوم في رمضان يعقوب طلع لي العياده و نور في المطبخ و ادير في موالح الفطور باش تنزل لي عربها
أشوي و سمعت صوت الباب انفتح قالت أكيد يعقوب و ما هتمتش كملت يلي في يدها و ما تحسش بشي الا و حد مسكر خشمها ويسحب فيها برا المطبخ
نور تبكي: امممممم امممممم
.....يتبع
رايكن❤🔥
قربت الاخيره نبي تفعال و لو ما حصلتش تفاعل هذي اخر مره انزلها