❴🔢❵☟الــبـــــ❴4️⃣6️⃣❵ـــــــارت☟
مريضتي♥️
الكاتبه: نولي
الحلقه 46
بابا بعصبيه: مشالله مشالله رومنسيه في وسط حوشي
أنا و عمر استكينا
بابا : شن جايبك انت نسيت شن قتلك ولا شن
عمر تنهد: انخشو جو ونحكيلك
بابا : باهي تفضل و خش
عمر شافلي و ابتسم: حبيبي خشي جهزي نفسك و لمي شنطك باهي
أنا ابتسمت و هزيت راسي
عمر قرب مني و باس راسي وخش لي المربوعة مع بابا
بابا: ها عرفت الحقيقه ولا مزال
عمر نزل راسه: اها عرفت و اسف والله لحضة شيطان وانشالله اخر مره
بابا: اسمعني اكويس يا عمر أنا تو بنسيبها اتروح معاك بس والله يا عمر لو اتمد يدك عليها مرا آخر والله معاش تقعد علي دمتك
عمر: والله يعمي تنقطع يدي مرا آخر لو نرفعها عليها و هديك المره ساعة شيطان الله يلعنه
بابا: تعرف يا عمر لو ما كنت نعرفك راجل كنت مستحيل انرجعها ليك وانا عارفك ندمت و حسيت بغلطك من تاني يوم بس كنت متعمد ما نرجعها ليك لين تعرف ربي واحد و البنت مش لعبه عندك
عمر: " وعسي ان تكرهو شي و هو خير لكن" صح تعدبت بدونها و قلبي مصدقها بس عقلي لا واحسن انك ما رجعتهاش ليا لي ان كنت وقتها ح نقعد شاك فيها بس تو وقت تاكدت مستحيل انفكر مجرد تفكير انشك فيها
بابا : ربي ايخليكم لي بعض انشالله بس من يلي دار هكي
عمر تنهد: مش مهم يا عمي بس صدقني يلي دارها خدا عقابه
بابا: باهي اكويس
اشويه خش عليها ياسين يمشي و يطيح
عمر صبا شاله وباسه: مشالله تما يمشي
بابا ضحك: اهو مره يمشي ومره ايطيح
عمر يبوس فيه: ياسينو يا بطل
و قعدو يهدرزو و عمر يلعب في ياسين لين ما انا خشيت عليهم
أنا ببتسامه عريضه: عمر هيااا كملت
بابا ضحك: من لقا احبابه نسا اصحابه ولا كيف
عمر: هههههههه
أنا جيت حضنت بابا
بابا اعيونه دمعو: تعودنا علي حسك في حوش بنريفلك يا شينه
أنا : ما تبكيش بابا تو انجيك ديما
بابا و عمر: ههههههه
عمر صبا وخدا مني الشنطه : هييا مع السلام
بابا: بسلامه و كيف ما قتلك في اعيونك ها
عمر: ما توصيش حريص
و طلعنا من المربوعة و لقينا ماما في الممر
ماما شايله ياسين: دير بالك عليها يا عمر
عمر ابتسملها: في اعيوني والله مش كان غلطت مرا يعني بطلت نحبها ولا ديما بنضربها ولا كانت لحضة شيطان
ماما ابتسمت: ربي ايهنيكم
أنا بست ماما و ياسين: باااي
ماما و بابا: بسلامه
و طلعنا و ركبنا السياره
_____________________________
أنا بفرحه: ريفت علي الشقه واجد بكل
عمر ابتسم و يسوق: و أنا
أنا: انت ريفت عليك عرم عرمات
عمر ضحك: نعليا من العرمات أنا
أنا بستغراب: حبيبي هذي مش طريق شقتنا
عمر: لالا مش ماشين لي شقتنا
أنا: باهي وين ماشيين
عمر: تو تعرفي حبيبي
أنا: انلا قولي
عمر: لي المزرعة يا روحي
أنا بديت نبكي و بصوت عالي: نبيش لااا نبييييش
عمر انفجع: كنك ريمو
أنا نبكي: لا نبي الشقه نبيش نمشي
عمر عينه في الطريق و فيا: أنا مريفلك تعرفي شن يعني مريفلك وفي الشقه يا قلبي مش ح ناخدو راحتنا وبعدين ماعنديش نيه في حد نبيش نشوف خليقت حد
أنا نبكي: باهي مش المزرعة لا
عمر بستغراب: باهي كنها المزرعه
أنا ببكا: فيها اكلاب المزرعه نخاف أنا
عمر يضحك: ههههه يعني البكاء هضا كله خايفه من الكلب
أنا نبكي: اها
عمر: مستحيل يقربك
أنا بطفوله: تضربه ؟
عمر ابتسم: اها نقوله ما تقربش من حبيبتي
أنا مسحت ادموعي ضحكت
عمر: نبي ننزل المول ناخد حاجات لي المزرعة ما فيهاش شي تبي حاجه خاطرك في حاجه انجيبهالك ؟
أنا: ننزل معاك
عمر: لا
أنا بترجي: اهو لابسه عبايه علاش لا وراسك وراسك
عمر تنهد: باهي
أنا بفرحه: يسسس نحبك
عمر ابتسم : أنا يلي نحبك ♥️
___________________________________
في الفيلا
العشيه الساعه 6
حنان هي و صغارها: السلام عليكم
اعميمه: وعليكم السلام
صفاء قعمزت في حجر اعميمه: حنااااي
اعميمه باستها: ريفت عليكم
حنان: شن جوك ماما وين رغد
اعميمه: رغد في غرفتها يام صار جاء عمر القايله يخبط و معصب و ضربها ضربة نباش لقبور
حنان بشك: هي يلي دايرتها صح
اعميمه تمشي في يدها علي شعر صفاء: والله مش عارفه خش ضربها وطلع وهي ما قتليش حاجه
حنان: وينها تو
اعميمه: فوق في دارها
حنان صبت سند قعد يبكي
حنان بعصبيه: اوووف ضروري وين نمشي انشيلك معاي
صفاء تشوف لي اعميمه: هذي حالته يا حني ديما وااي واااي مزعم اكبودنا
اعميمه: ههههه عاد غايره انتي
و رقت حنان لي رغد و سيبت سند يبكي
حنان خشتلها
رغد اتعيط: كنك انتي هكي اتخشي بدون ما ادقي
حنان صبت قدامها: كنه وجهك هكي
رغد بدت تبكي: من خوك التاف ضربني
حنان: وعلاش ضربك شن امدايره
رغد : الحيوان متهمني بقصه مراته
حنان عطتها كف
رغد ببكا وعياط: أطعلي يا حيوانه
حنان اتعيط: مش جيتك يا رغد بعد المشكله مش سألتك قتلك عندك يد في المشكلة قولتي لا
رغد قعدت تبكي : نكرها أنا نكرها
حنان: وكان تكرهيها بس ما توصلش اديري عملتك هذي تي المرا حامل و كان و قت ضربها نزل البيبي
رغد تبكي: وكان نزل شن دخلني أنا هو يلي ضربها مش أنا
حنان بعياط: بس انتي السبب يا.رغد نبي نفهم كيف درتي هكي بس
رغد تبكي: من لم تجوزها و كلكم تغيرتو عليا و عمر قعد معاش ايحبني كله بسبب ريم
حنان: صدقيني يا رغد مافيش من تغير عليك انتي اتفكري هكي عشان ما تقبلتيش ريم بس والله هي مافيش اطيب منها بس انتي ممكن ما حبيتيهاش اتشوفي فيها هكي
رغد تبكي: نكرها
حنان: به وكان تكرهيها عمر شن دنبه عمر هضا مش اخونا عمر ابونا مش منقص علينا حاجه و الخير هضا يلي عيشين فيه كله من تحته را مش كله رزق بابا
رغد سكتت و حست بدنب
________________________________
عندي انا و عمر في المول
عمر خدا سله : خليك جنبي ما تبعديش باهي
أنا هزيت راسي
و بدا عمر ياخد في النواقص و يحط في السله
أنا ماسكه في يده: نبي نبي
عمر : شن تبي
أنا: نوتيلا
عمر ضحك: باهي انكملو الحاجات هدينا بعدين ناخدلك يلي تبيه باهي
أنا : به
و قعد عمر ياخد وانا شفت كورنفلكس من الجهة لخرا سيبت يد عمر ومشيت خديته و كان المول كبير بكل تهت و ما عرفتش وين مشا عمر قعدت نبكي و نلف في المول اندور فيه
عمر كنت ناخد في نواقص لي المزرعه اشويه هكي شفت خلفي ما لقيت ريم والمول كان كبير خفت و سيبت السله وقعدت اندور فيها وقلبي علي أشوي يوقف
أنا قعمزت في زاويه وقعدت نبكي اشويه جت ولية كبيره في العمر صبت عليا
المرا: كنك بنتي فيك حاجه
أنا نبكي وساكته
المرا: كنك
أنا نبكي: ضعت
المرا: باهي جيتي مع من
أنا ببكاء وبدي علي بطني: راجلي
المرا مسكت يدي: باهي ما تبكيش تعالي نمشو لي مكان البياع وتو تلاقيه اهناك
أنا سحبت يدي ونبكي : لالا عمر يقولي ما تمشيش مع حد لا نبيش نمشي معاك
المرا: تمام بجوك ومشت
أنا قعدت مكاني ونبكي
عمر يلف : يا ربي وينها وين مشت هذي اووووف
قعدت انلف في المول أشوي هكي شفتها كارسه في تركينه وتبكي وماسكه كورنفلكس هنا وين تريحت
عمر قرب مني: تو علاش هكي حبيبي
أنا حضنته وقعدت نبكي: ضعت أنا
عمر يمسح علي ضهري: خلاص اشش اهو لقيتك
أنا نبكي ونشهق
عمر: خلاص عويناتي اسكتي الناس اتبحت فيك
أنا بعدت ومسحت ادموعي
عمر: مش قتلك خليك يلايه علي مشيتي بس
أنا نمسح في ادموعي وبصوت بيبي: شفت كورنفلكس مشيت نجيبه بعدها معاش عرفت الطريق
عمر خداه مني: هيا تعالي خلاص
أنا نمسح في خشمي: نبي حاجات اخر
عمر ضحك: باهي تعالي هي
و مشيت مع عمر و خدالي شكلاته و مكسرات و بسكوت و حلوه و شبس و يلي تعجبني ياخدها و سلكنا و طلعنا ركبنا السياره و وصلنا و نزلنا
عمر: هيا انزلي باش انزل الدبش و شنطك
أنا نزلت و جن الكلاب يجرن شوري
أنا بعياط: ااااااااااااااه
عمر يضحك: خلاص خلاص مش امديراتلك شي
أنا نبكي و مسكت في عمر: لا لا شيلني
عمر رفعني ويضحك: ههههه خزي خيافه
أنا ببكا: كداب انت قلت مافيش اكلاب
عمر عضني في فمي: شن كداب هذي
أنا كشخت عليه
عمر باسني في فمي: فرديها عاد خلاص
أنا بخوف ونشوف تحت لي الكلاب: هدينا مش اكلاب هدينا بقر
عمر: ههههههههههههههه
أنا: 😕جد والله
عمر يضحك وماشي بيا شور الحوش يلي في المزرعة: ألسانك هضا طاول تبيله قص
أنا: قص اللسانك قبل
عمر ماشي بيا: بعدين انقص ألسانك انتي
أنا: اها
عمر: به
و دخلني لي الحوش و رد لي السياره ايجيب الحاجات وانا حودت عبايتي وقعمزت علي الكنبه
عمر قعمز جنبي ويحكي في ودني بهمس: أمرايف أنا
أنا جسمي قشعر من صوته و شفتله وابتسمت
عمر صبا و مسكني من يدي ويمشي قدامي
عمر: الكنبه ما نقدرش ناخد فيها راحتي و غمزلي
أنا ضحكت
وخشينا لي الدار وعمر رفعني و حطني علي السرير بقوه أشوي
أنا بعياط وحطيت يديا علي بطني: اااخ عمر كنك راني حامل
عمر رقد جنبي و يبوس في رقبتي: اسف حبيبي
و نزل عليا و رحنا في خبر كان♥️
________________________________
عند عامر و اسامه
امكسدين في الكافي
عامر يتصل: واللهي يا عيوني انتي الاصل وانتي الحب كله
البنت: اممم يعني ماتحكيش مع غيري
عامر: تي لااااا مستحيل نشوف غيرك في واحد عنده القمر هضا كله و يشوف لي غيره كيف يا الحب
البنت: بس امس الليل قتلي نحكو بكرا يا رهف
عامر نزل التلفون و شاف لي اسامه: حي عليا وانا وقت نرقد نقعد كيف السكران و نلخبط بيناتهم
اسامه: مش منك عاد اكيده بتلخبط وانت قريب 30 بنت
البنت: الووو
عامر: يا حبيبي يا عيوني امس نعسان و تلخبطت عادي ايصير الغلط
البنت: تمام حياتي نحكو بعدين ماما اتنادي
عامر: تمام يا الحب
اسامه يضحك: شكلها واعره
عامر: تي بكل الزف ساعه واني نقنع فيها
اسامه: هههههه
عامر: اسكت اسكت لكبيديه تتصل
اسامه: ومن يلي سكرت منها🙄
عامر: هديك الجو
________________________________
عمر يبوس فيا
أنا : تي خلاص كنك ما تشبعش
عمر حط يده علي بطني: ما خديتش راحتي الفرخ امقيدني ههه
أنا : مافهمتش
عمر باس راسي: ما تركزيش فوتي
أنا راقده علي صدره و رفعت راسي شفتله : الدكتوره قالت الشهر هضا نعرفو جنس البيبي
عمر: انشالله بنوته سمحه كيفك
أنا: لالا ولد تو تشوف
عمر : ههههه واتقه اخر
أنا: اها صقع عليك إحساس الامومه
عمر: واني إحساس الابوه يقولي ولد
أنا: لما انشوف
عمر: ريم مسامحتني
أنا: اها أنا ما نزعلش منك بكل
عمر باس راسي
أنا: بس علاش شهر بعدت عني تعبت بدونك أنا والله
عمر: والله مش بأرادتي
أنا : باهي جيعانه أنا
عمر: باهي صبي اندوشو و ندير عشاء
أنا: امممم ونطلعو نتمشو
عمر ضحك: ونطلعو نتمشو
صبينا خشينا الحمام دوشنا و طلعنا لبسنا و نزلنا تحت عمر دار عشاء كبده و سلطه و بطاطه تعشينا و طلعنا نتمشو
عمر: نمشو لي لحصان
أنا: لالا نخاف
عمر: معاكي أنا ما تخافيش
أنا ابتسمت وهزيت راسي
و مسك عمر يدي و خشينا لي لحصان كانن اتنين ابيض و قهوي
أنا قاعده خلف عمر ونشوفلهم: محلاهم حبيبي ايهبلن
عمر ضحك: باهي تعالي قدام را ما يديرنش شي
أنا : لالا خليني هكي
عمر: هههه باهي يا خوافه به
أنا: امتعاتك حبيبي
عمر هز راسه بنفي : لالا حبيبتي امتعات عامر ما عنديش ليهن جو أنا نحب الكلاب
أنا: باهي شن اسمائهن
عمر: الابيض ذكر اسمه جراح والقهويه مرا اسمها مهره
أنا: اتهبل مهره
عمر بحركه سريعه جابني قدامه: تي قعمزي هنا مش ح يقربنك
أنا نضحك: لالا نخاف هههه
عمر لف يديه علي بطني:اهذي عويناتي
أنا نشوفلها: محلاها
عمر: اتمسيها
انا: نخاف
عمر: شن قتلك مش قتلك ما تخافيش وانا معاك
أنا ابتسمته: به انسمها
عمر خدا يدي و حطها علي مهره
أنا قعدت نمشي في يدي عليها: اتهبللل حبيبي
عمر مبتسم: اها لو مش حامل كنت حطيتك عليها
أنا ببرائه: وبه عادي حطني عليها وكان حامل
عمر : يا عبيطه مش اكويس وبعدين وين في مرا حامل قعدت علي احصان
أنا ببرائه ورفعت راسي شفتله: قصدك انطيح حبيبي
عمر نزل باس اعيوني: نعليا من لعوينات السماح اها يا روحي اطيحي
أنا قعدت نمشي في يدي عليها
وعمر حاضني من لاوره و حاط يده علي بطني
_______________________________
عند نور و يعقوب
نور من السرير صبت و لبست روبها
يعقوب راقد ويدخن: علي وين حبيبي
نور: ماشيه ندوش بعد ما بهدلتني وندير العشاء
يعقوب صبا و رفعها: اندوش مع بعض و غمزلها
نور اتعيط و تخبط فيه:. تي لا لا نزلني نتقعد اتنابش نبيش لاااا
يعقوب يضحك وماشي بيها شور الحمام: كنك علاش الدوشه هذي كلها
نور بعصبيه: نتحشم نزلني نزززززززلني
يعقوب: ههههههه بعد شنو تتحشمي تي شايفك و شابع منك اس اس
نور بعياط: يعقووووووب
يعقوب خش الحمام وسكره برجله: اسسسس
دوشو و طلعو و نور لابسه المنشف و تجفف في شعرها علي المرايا
يعقوب: حبيبي أنا طالع البلكوني اندخن
نور: ساد يا عيوني دخان والله ساد هلكت صحتك
يعقوب باس راسها: واحد بس يقلبي وتو نخش
نور تنهدت: تمام
و طلع يعقوب يدخن و هي خدت الروشن و بدت تدهن في جسمها أشوي سمعت صوت رساله صبت تحسابها فون طلع تلفون يعقوب كلاها الفضول و شافتها بس تنصدم وقت أتشوف الرساله من خلود
نور مصدومه وتبكي وتحكي في خاطرها: يعني ميزال يحبها يعني تجوزني بس عشان ينساها يعني ح يطلقني و يردها و أشوي و طيح علي آلأرض
يعقوب سمع حاجه طاحت خش يجري: نووور نوررر حبيبي اوعي ريدي عليا نووور لااااا
.....يتبع