مريضتي ♥️ - ❴🔢❵☟الــبـــــ❴4️⃣5️⃣❵ـــــــارت☟ - مكتملة | روايتك

مريضتي♥️ الكاتبه: نولي الحلقه 45 بعد مرور شهر ريم،،،مر شهر و عين ما شفتش عمر و كل يوم إيزيد حنيني و شوقي له كل صبح نوعي و نتأمل و نقول أكيد اليوم ح يجي ياخدني وما فيش صبح طلع عليا ويأست لا بلعكس كل يوم كنت نقول اكيده ح يجي بكرا لي عند جرا بيا الزمن وما حسيتش بروحي حسيت روحي في الشهر هضا ما نقدرش بدون عمر بطني كبرت و خشيت السادس و بابا مش امنقص عليا حاجه يشيل فيا لي الدكتوره و كان جت خاطري في حاجه يطلع جيبهالي انشالله ليل وماما حتي هي بس مع هدا مكان عمر ما يقدرش حد ياخد تو باش فطنت لي كلمت ماما وقت قالت البنت ما ليها الا حوش راجلها اغياب عمر ابجد كسرني بس كان يصرف عليا كل اسبوع ايجيب مصروفي خضراء و دجاج و فواكه و عصائر و مكرونه و رز و غيرهن و يعرفني مدمنت شكلاطه و يجيبلي في شبس و حلوه واتفه الحجات يلي يعرفني نحبهن و 100 دينار يعطي فيهم لي عامر وهو يجيبهن ما عرفتش علاش ما يجيش ابروحه و اعميمه جتني اربع مرات مرتين جت معاها حنان و مرتين ابروحها و رغد ما جتنيش بكل عمر،،،مر عليا شهر بدون ريم كانه سنه اريافي ليها إيزيد بساعه مش بليوم و من بعد سيبتني و معاش شربت و كليت زي الناس سيبت المعرض وام المعرض و العياده حتي هي معاش مشيتلها ومش عارف ريم تو نستني ولا لا لي ان ريم عقلها طفولي و كيف اطفله وأكيد تو اتفكر ان سيبتها ومعاش نحبها و تخليت عنها بس ما تعرفش نتخلا علي روحي ولا نتخلا عنها يشهد الله يشهد الله أن نجري بيديا و رجليا نبي نعرف من دار هكي و ميزال ما عرفتش كل البواب تسكرت في وجهي حاولت نتعرف علي الشخص يلي ضافها من الرقم يلي عندي بس ما فيش فايده يطلع رقم بدون اسم حاولت نبرمجه بس بدون نتيجه خديته لي شركة اللبيانا و قلتلهم ان الرقم هضا تسببلي في مشكله ونبي نعرف الشفره لي من بس ما عرفوش يطلعوها عيني شهر جافها النوم وانا نفكر من دار هكي و أكيد تو ريم قالت عمر معاش سأل عليا بس أنا يام حكيت مع بوها وقتله اقل شي نشوفها سكر راسه ما تعرفش كم ليلة بتتها تحت روشن دارها علي امل توعي الصبح و تفتح الروشن ونشوفها بس في كل مره كانت رنيم ولا امها يلي يفتحن في الروشن بعد وقت ادكرت ان أنا من قبل.محدرها ما تفتحش رواشن الشقه خايف من يشوف ورديتي يلي امداريها وأكيد هي حفظت الدرس من وقتها ومع هضا ما نسيتهاش كنت كل صبح نتصل بامها ونطمن عليها وعلي البيبي و نحاول مع عمي ان نردها بس مسكر راسه اوقات نتعصب و أوقات نقول عنده حق بنته و خايف عليها يلي درته أنا مش ساهل _____________________________________ عند عمر الصبح الساعه تسعه مقعمز في المطبخ و نشرب في القهوة ونفكر شن بيصير فينا أنا و بنتي أشوي قطع حبل افكاري.رنت التلفون شفته ولقيت المتصل واحد صاحبي يخدمه في شركة لبيانا عمر: الو احمد اهلين أحمد: شن لخبار عمر يمشي في يده علي لحيته و يعاود: اهو حال أطياح سعد أحمد ضحك: باهي وكان قتلك جايبلك خبره انحصل منك الحلوان عمر ضحك: والله علي حسب الخبر أحمد: تدكر الرقم يلي عطيته ليا وطلبت مني نعرفلك من صاحب الشفره و نحددلك بلموقع وين يسكن عمر بحماس: اها اها شن صار معاك أحمد: عرفتلك من و وين يسكن عمر صبا من الكرسي ويحكي ابسرعه: أحمد تحكي جد وراس امك يا راجل ما نيش في جو ال&& لو تجري بيا اقسم بالله &&& هلك أحمد: تي صبح يا راجل صبح شن نجري بيك والله الا عرفته اسمه محمود سالم عبدالكريم عيت ال$$ يسكن في حي ال$$ عمر بفرحه: تي امنور بكل طيري والله ما ننساها لك لين انموت أحمد ضحك: لبشاره ها عمر بفرحه: تي والله تاخدها من بين اعيوني تعال لي المعرض و شير بس علي السياره يلي تبيها و تاخدها باقل من سعرها بي 2000 ها شن تبي اكتر من هكي أحمد: ههههه امنور تمام في اليومين هدينا انخطم عليك عمر: تمام يا ريس سلام و سكر وخدا دخانه من علي الطاولة و مفتاح السياره و نزل يجري و ركب في السياره و مشا علي يعقوب روكب معه و مشو لي العنوان ونزل ابروحه ويعقوب قعد في السياره عمر متماسك نفسه بسيف : السلام عليكم محمود وهو مستغرب: وعليكم السلام عمر: محمود صح محمود: اها تفصل عمر معصب بس ماسكها: بالله معليش نبيك في موضوع اركب معايه السياره نمشو لي الكافي نحكو محمود بخوف: قصدي ما نعرفكش كيف هكي نركب معاك عمر بشوي انفعال: وشن بنديرلك أنا ها وبعدين أنا دكتور مش فرخ محمود: وشن ايضمني انك دكتور عمر تنهد و نفخ بقلة حيله و طلع البطاقتة و وراها ليه : تاكد تو محمود : تمام يلا و سكر الباب و ركب في السياره مع عمر و عمر طول قفل بيبان السياره و نطلق يعقوب قدم راسه من الكرسي يلي لاوره: يا مرحباااااااااا محمود خاف: من أنتم و وين شايليني عمر ابتسم علي جنب و يسوق: تو تعرف حبيبي هذي روحك أنت بس محمود بعياط: تي علاش و اخديني و وين شايليني عمر بعصبيه: سكر فممممك انت داير شي محمود بخوف و توتر: لا عمر بعصبيه: خلاص معناها ليش خايف محمود بيحكي عمر بعياط: سكر جد&&& هلك ينعن &&& يعقوب: لا يا راجل اهد ما تجيش كنك وانت لاخر سكر فمك الزح ________________________________ عندي انا وعيت الساعه تسعه و الكل كان راقد مافيش من واعي الا بابا خشيت الحمام نضمت اموري و طلعت لبست قفطان حوامل استرتش طويل لي تحت لونه احمر كت و تحته تشيرت نص كم ابيض و درت شعري كعكه فوق و طلعت نهبل لي ان انا حلوه بدون مكياج و خشيت المطبخ خديت بسكوت و عصير و طلعت لي جنان نفطر جنب بابا أنا: صباح النور بابا يشرب في القهوة: صباح الخير قعمزي انا قعمزت بصعوبه بسبب بطني و بديت نفطر أنا نحكي و فمي امعبي بسكوت: نعطيك بابا بابا ضحك: صحه صحه امغير كولي انتي انا نشرب في العصير: بابا بابا يشرب في القهوة: اعيون البابا أنا ضحكت: كم مواد يوم علي رمضان بابا: اسبوع أنا سكتت و دعيت ربي يصلح الامور بيني و بين عمر بابا حس بيا: تنحل يا روحي انشالله ما تفكريش أنا اهزيت راسي و رديت ناكل بابا: بعدين الساعه 11 ردي افطري اخر و كولي حاجة اترم عضمك خبزه مش كيف تو بسكوت و عصير ما يشبعش هضا يا بابا انتي حامل كولي اكويس عشان صحتكم أنا ابتسمت: حاضر و قعدنا ساكتين لين ما تكلمت أنا أنا: بابا بابا: نعم بنتي أنا: ربي ايخليك ليا نحبك بكل أنا بابا ضحك: وانا نحبك انتي و خوتك أنا بزعل اطفال لفيت يديا علي بطني ونشوفله: و البيبي ما تحباش ☹️ بابا ضحك بصوت عالي: هههههههه حتي هو نحبه امغير كان ولد سميه عليا ههههههه أنا فرحت: به ، بابا قبل ما كنتش نحسابك اتحبني لي انك اتهزب فيا واجد و تعيط عليا بابا مسك يدي: كيف يا روحي ما انحبك الا نحبك وانتي بكرتي و اول خلفتي انتي معزتك خاصه بس قبل كنت اديري في تصرفات مش لسنك يا بابا صح حتي تو مزالتي عندك تصرفات طفوليه بس مش كيف قبل تغيرتي عن قبل واجد أنا ابتسمت: نجك ليا وخلاص بابا: هههههههه تحسابك ولدك يا احصانه ______________________________ عند عمر وصل لي المزرعة و نزل هو. و يعقوب نزلو محمود و حطوه وفي دار و سكرو عليه عمر: هيا اربح انت تو و بارك الله فيك يعقوب: شن نريح لالا انت بعد تعصب تقعد مجنون رسمي و خايف تتورط يا صاحبي و تنبلي فيه عمر: ما تخافش ح نعرف كيف تتصرف معه الكلب انت امشي بس يعقوب: لا مش ماشي ما نسيبك ابروحك مستحيل عمر بعصبيه: يا راجل شن ما نسيبك ابروحك امالاه راجل و مراته اربح وراس امك يا يعقوب يعقوب: ماشي اصلك سكرت راسك خلاص بس ما تتهور يا عمر عمر طلع دخان من جيبه و ولعه وبدا يدخن: كون هاني " متريح" يعقوب: اي اي نعرفها كوني هاني هذي امتاعك عمر: ههههههه وجهك هيا و مشا يعقوب و عمر خش جو و كان مربطه و مقعمز علي كرسي عمر صبا قدامه: شن علاقتك بمراتي و منين تعرفها باش ضفتها في القروب الفاسد يلي فيه انتي و شلتك الفاسدين يا&& محمود شبة فهم علاش موجود هنا: علي شن تحكي ما فهمتش شن دخلني بمراتك أنا عمر يعطيه بكس علي خشمه لين ما ينكس و دم بدا ينزل ( الراجل خلاص تعود علي تكسير لخشوم🙂) محمود يعيط ياعلي حسه: اخخخخ اخ لالا ما تضربش مش شوري أنا عمر يعطيه كف و بعصبيه: احكي ينعن جد اصلك احكي الزف علاش ضايفها ومنين تعرفها احكي ينعن&&& محمود يبكي ويتالم: حاضر حاضر ح نحكي عمر بعياط: ييييلا نسممممع ادوووي محمود يحكي و يتألم: أنا انكلم في صاحبت اختك علاقه انا وياها واختك طلبت من حبيبتي ان تعطيني رقم وانا انضيفها في اقروب كله شباب طبعن أنا رفضت في الأول لي ان جو معايله و ما عنديش فيه مصلح رفضت و فتت الموضوع بعدها اختك قعدت اتزن علي حبيبتي و.قالتلها نعطيه 200 دينار عشان مقابل وانا وقتها كنت امفلس ما عنديش حتي حق دخان وافقت و دزت الفلوس مع حبيبتي و جبتهملي و صار يلي صار عمر انصدم صدمت عمره ما توقعش اخته ادير هكي ومش بس اخته لا هي بنته يلي امربيها علي يده وكانت اتقوله باابا ما عرفش شن يحكي ولا يلوم الولد قرب منه وقعد ايفكله في الحبل الولد شافله وبخوف ويتالم من خشمه: انا مش شوري والله ما شوري عمر مزال تحت تاتير اصدمه: اربح محمود خدا بعضه وطلع يجري خايف وعمر قعمز علي الكرسي و هو يستوعب كيف رغد ادير هكي و تدكر الفتره لاخير زادن مطالبها لي الفلوس مع ان كل شي متوفر عندها وكيف وهي بلعمر هضا تقدر ادير هضا كله و تخطط بشكل هضا كله باش اطير ريم صبا وهو امعصب و ركب السياره و تجه لي الفيلا ___________________________________ عند نور و يعقوب طبعن في الشهر هضا يلي مضا مشو لي تركيا قعدو اهناك اسبوعين شهر عسل و روحو بس من يومين و اليوم بعد روح من مزرعة وسيب عمر شال نور لي هلها و رد يعقوب: السلام عليكم امه و رهف: وعليكم السلام يعقوب يقعمز: وين بوي امه: طلع لي المزرعة يعقوب: اكويس يغير جوه و شاف لي رهف مافيش جامعه اليوم انتي رهف: لالا ما عنديش امه: وين نور يعقوب: تو شلتها لي هلها امه: مافيش حاجه هكي ولا علي الطريق يعقوب انحرج ونزل راسه: لا والله مافيش لو فيه اول من يعلم انتي امه: باهي امشو عاينو سلم ولدي بلكي فيه حاجه تمشي بلعلاج يعقوب تنرفز: يام شن بيكون فيه مافينا إلا الخير انشالله بس تونا مازلنا عرسان امه: اين عرسان و أنتم ليكم شهر و نص متجوزين قريب الشهرين وفي يلي تحمل من اول اسبوع ولا التاني يعقوب بعصبيه: استغفرالله يا امي تو شن خطر عليك الموضوع هضا بس أنا مراتي مزال صغيره و العمر قدامنا تو تحمل مش شرط تحمل من اول شهرين مرات ربي ما يكتبلناش الخلفه الا بعد أسنين شن بنديرو ح نصبرو امه: شن صغيره بنت خالتها ريم اصغر منها بي اربع سنوات و اهي حامل بطنها قدامها قريب اتجيب كان صغيره كان ما تجوزتش يعقوب صبا: استغفرالله يام استغفرالله واحد ايجي يرتاح اتنكدي عليه را الموضوع لآهو بيدي ولاهو بيدها كان ربي رزقنا تحمل و كان ما رزقناش اهو قاعدين و صابرين وطلع وهو امعصب ركب شقته _______________________________ في الفيلا رغد و اعميمه مقعمزات في الدار و يراجن في الغدا خشن عليهن عمر كيف التور الهايج عمر بعياط: رررررررررررغد رغددددددددددد اعميمه انفجعت: بسم الله كنك هكي اتعيط عمر باعلي حس: وينها بنتك الكلبه ال&&& وينها رررررررررغد رغد خايفه وتبكي قاعده في الدار و تبكي و اعميمه و عمر في الصالة اعميمه خايفه من انفعاله: فهمني كنك شن في شن امدايره عمر حس انها في دار وبحرك سريعه خش لي الدار و قفلها و اعيممه قعدت اتخبط عمر قرب منها و مسك من شعرها: أنا ادير فيا هكي يا&&& أنا يا رغد رغد تبكي: ما درتش شي ما درتش شي عمر يعطيها كف بكل قوته لين ما اطيح: ما تكدبيش يا حيوانه ما تكدبيش ينعن&&&& رغد تبكي : اسفه اسفه عمر ينزل علي اركابه و يعطيهاش كف تاني: بعد شن يا فااسده ها قوليلي بعد شن رغد تبكي عمر مسكها من شعرها ويعيط: أنا مستغرب كيف طلع منك الشي هضا كله كيف قدرت اتخططي بطريقه هذي كانك ارهابيه مش بنت صغيره و بعدين ريم شن دارتلك باش اديري هكي أنا في شن قصرت معاك نحرم في نفسي ونوفرلك رغد ببكا و تالم: ريم نكرها نكرها عمر صبا و بعصبيه: تو نوريكي كيف الكره يا && ينعن&&& هلك و قعد يفك في سير سرواله رغد بدت اتعيط وتبكي بصوت عالي اعميمه اتخبط و تبكي: افتح يا ولدي الله ايربحك عمر سحب السير وبدا يضرب فيها عشوائي وين أتجي أتجي عمر يضرب و فيها : أنا بسببك انتي مديت يدي علي مراتي وهي حامل بسببك قريب خصرنا الليبي بسببك انحرمت منها شهر بسببك صغرت في عين بوها اعميمه اتعيط: عاااامر يا عااااامر تعال خوك بيقتل اختك نزل عامر و هو نعسان: كنكم كنكم شن في اعيميمه تبكي: اكسر الباب عمر يضرب في اختك تو يكسرها بنت ما نلقا من ياخدها عامر في وسط الصدمه ضحك من كلمة امه اعميمه: تي اكسره عامر مشا جاب حديده و كسره و خش هو واعيميمه و عامر حول عمر بقوه عن رغد اعميمه حضنت رغد وتبكي: يعطيك كسره يا عمر عمر منفعل: تي حول خلي نكمل علي جدها رغد خاشه في اعميمه وتبكي وترعش عامر دف عمر برا الدار: تي خلاص يا راجل اطلع ودامك عرفت الحقيقه امشي جيب مراتك عمر شاف لي رغد وبعياط: راجعلك يا كلبه وطلع __________________________________ في حوشنا كنا علي صفرت الغدا نتغدو سمعنا صوت الباب ايدق أنا حسيت يحاجه قلبي نغزني صبيت طول ماما: قعمزي تو امين يفتح امين: ماما امالاه بابا واني بابا بجديه: صبي افتح أنا حطيت يدي علي بطني: لالا تو نفتح أنا ماما : باهي و حطي حاجه علي شعرك بابا ياكل: من بيجي أكيد هدا حمودي ولد حسن جاي يلعب مع وسام أنا طلعت و مش عارفه انحس بشعور غريب و حساس حلو قربت من الباب و فتحته أنا بصدمه و عيوني تعبو ادموع و بصوت واطي: ععع عمر عمر سكر الباب و بحركه سريعه حضني لين ارتفعت من لوطا و دفن راسه في رقبتي و ما نخسش الا بدوعه وانا حضنته لقوه نبكي و قعدنا علي الوضع هضا 10 دقايق أنا نبعد فيه: اه آه بطني زارني عليها عمر انتبه لي نفسه و نزلني و يحكي و عيونه ادموع: سامحيني يا قلبي وراسك سامحيني أنا رديت حضنت عمر يمسح في ادموعه: والله في هل الشهر عرفت ان ما نسواش بدونك اسف يا بنت قلبي انتي أنا نبكي: عمر نحبك أنا علاش درت فيا هكي عمر يمسح في ادموعي: اس عويناتي و حياتك من اليوم معاش تنزلك دمعه يا قلبي أنا مسحت ادموعي و ابتسمت عمر نزل و وقف علي اركابه وقعد راسه واصل بطني عمر يمشي في يده علي بطني و مبتسم و عيونه ادموع : حي مشالله كبرت بكل حبيبي أنا ضحكت و منزله راسي ونشوفله: حقااا مش عارفه ما لحضتهاش عمر يمس فيها و يبوس : لي انك اتحقي فيها ديما لكن أنا ليا شهر ما شفتك أنا ابتسمت عمر يمس فيها: اتهبل يا روحي و باسها و صبا عمر رد حضني: امريفلك اليوم نبيش نبعدك عن حضني أنا ابتسمت و لفيت يديا علي ضهره: بنروح معاك حبيبي ما تخلينيش هنا و.راسك عمر ضحك ويمشي في يده علي ضهري: تي شن انسيبك أكيده بنروح بيك يا قلبي أنا ضحكت علي طلعت بابا🤦🏻‍♀️💔 بابا بعصبيه: مشالله مشالله رومنسيه في وسط حوشي أنا و عمر: 😬 بابا: ،،،،،، أنا: لاااا .....يتبع