مريضتي ♥️ - ❴🔢❵☟الــبـــــ❴4️⃣4️⃣❵ـــــــارت☟ - مكتملة | روايتك

مريضتي♥️ الكاتبه: نولي الحلقة 44 الصبح الساعه 10 حوش هلي كلنا ملتمين علي صفرة الفطور و نفطرو وانا ناكل بس بدون نيه انفكر في عمر بابا يشرب في شاهي: ريم بنتي كولي كنك أنا بصوت واطي: اهو ناكل بابا بابا: صحه و أنا تو أشوي و بنطلع كانا تبي شي ولا خاطرك في شي قوليلي انجيبه ليكي وانا جاي أنا: لالا نبيش شي روان: أنا نبي بابا ماما: هههههه شن تبي انتي روان : شكلاته بابا ضحك: حاضر وسام: حتي أنا بابا بابا: حاضر حتي انت و كملنا فطور و كل واحد انشغل في حاجه ماما خشت المطبخ و امين و معتز طلعو لي الشارع و رنيم علي تلفونها و روان تلعب هي و ياسين وانا مكسده في الصالة و حاطه يدي علي بطني و سارحه في التلفزون أشوي وصبيت لي ماما أنا: ماما ماما اتقطع في البصله: نعم حبيبتي أنا: نبي انروح ماما تلفتت عليا: ريم حي اسكتي يسمعك باتك يزعل منك أنا اعيوني دمعو: باهي لي امتي بنقعد هنا ماما : اصبري حبيبتي اصبري لين ما تنحل مشكلتك أنا قعدت نبكي: بس عمر طيب بكل مش شرير عمر يحبني كان درت غلط بس يضربني عمر يعامل فيا اكويس ماما غسلت يديها و حضنتني: اشش حبيبتي اش والله ماتبكيش كلنا نعرفو ان عمر اكويس و يحبك بس غلط بعد ممد يده عليك احني ما نبوش الشي هضا يتكرر بس و صدقيني حتي بابا يحبك أنا بديت نهدا ماما عطتني اميه: قعمزي يا روحي علي الكرسي تريحي انا قعمزت و قعدت ساكته ماما مسكت يدي: ما تقوليش لي باتك انك تبي اتروحي يزعل منك هو دار هكي عشان مصلحتك وانشالله كلها فتره بسيطه و تردي لي حوشك أنا: يعني بنشوف عمر مره اخر ماما هزت راسها وابتسمت: اها اكيده و بتجيبي بيبي حلو كيفك و تربيه انتي وهو بس خليه سر بينتنا ما تقوليش لي حد باهي أنا ابتسمت: به ماما : نجك ليا أنا: ماما اليوم عندي موعد عند الدكتوره ماما: حي تو ولا العشيه أنا: لالا تو الساعه 11 ونص ماما: و علاش ما قلتي من بدري خلي نمشي لي باتك نقوله أنا هزيت راسي و ماما طلعت من المطبخ ماما: حبيبي بابا: نعم ماما: بنتك عندها موعد عند الدكتوره تو بابا: باهي امالاه قوليله اجهز روحه و حتي انتي امشي معاها ماما : تمام و خشتلي ماما و قاتلي البسي لبست عباية سوده و وشاح ابيض و كاويش ابيض و ماما لبست حتي هي و طلعنا و ركبنا السياره ______________________________ عند عمر الليل كله ما جنيش نوم و أنا انفكر زعما ضلمتها ولا ضلمتني زعما اتكون بريئه و الشقه بدونها شينه بكل هاديه و مافيهاش جو و نتاخيل في هضامتها و عبطاتها و قت نتاخر عليها تتصل بيا تبكي تبيني نروح ولما تعند ما تكلش لين ما ان انوكلها و قت ترقد فوقي و لما وحمها جاء عليها ماما نعصب منها ولا نعاقبها تقعد ملصقه فيا فعلن ما نعرفوش قيمة الانسان لين ما نفقدوه بعد ما فقدتها تاكد ان فعلن ما نقدرش نعيش بدونها جاء الصبح صليت و دكرت ان عندها موعد عند الدكتوره قلت مراتي و حقها عليا لبست و خديت افلوس و تجهت حوش هلها و صفيت السياره و طقيت الباب بابا بصوت عالي: باهي باهي اصبر يلي علي الباب وانت بتكسره وفتح عمر: صباح الخير بابا عقد حواجبه: شن جايبك انت عمر يحاول يتماسك اعصابه: شن أخبارك عمي بابا بعصبيه: من ربي ابخير،،، تفضل شن جاي اديري عمر تنهد: استغفرالله جاي لي مراتي و بدون ما تتكلم نعرف أن مش ح تعطيها ليا لين ما انجيبلك دليل بس جاي نعاينها و نردها بابا: نعم نعم أنا بنتي مش واقف علي معاينتها اصلن تو شايلها العياده بيك و بلاك و أنا كلامي واضح ما تحلمش بيها لين اتبرر عملتك عمر بنفعال: تي يا عمي نبي انشيلها الدكتوره الزح كنك بابا بعصبيه: وانا مش امعطيها لك كان حق اتحبها را مش ماد عليها يدك كان تحسابك رجوله هذي عمر : وانا مديت عليها يدي هكي من فراغ تي حط نفسك في مكاني بابا: أنا كلامي قلته وما تحاولش معاي وهيا تو اربح عمر : تمام تمام و مشا ركب سيارته وهو امعصب بس ما حركهاش قعد فيها و يراجي فيا نطلع اشويه و طلعت أنا وماما و ما نتبهتش لي عمر ولا لي السياره ركبت في سيارة بابا و نطلقنا و عمر و رانا ____________________________ عند نور و يعقوب يعقوب امس الليل كله ما رقدتش خلود ادز في رسائل حنين و شوق وكل ما نحظرها من رقم اتخشلي باخر خايف الموضوع ايفوت حد و نور تعرف نور اتلف في اشرابها: هيا حبيبي المحاضرة قريب اتبدي يعقوب صبا وقعد يخششلها في شعرها: هضا داخل ما يطلعش نور ضحكت: طلع ابروحه والله يعقوب: افطنيله ولا اقسم بالله انلبسك خمار نور: لالا حبيبي خلاص والله يعقوب: هههه خوافه قدامي يلا نور طلعت من الشقه: يضغط يا روحي لخمار بكل راه يعقوب يسكر في الباب: امالاه انتبهي لي شعراتك عشان ما نجبرك عليه نور تنزل من لدروج : حاضر يعقوب: ايحضرلك الخير حبيبتي ____________________________ عندي انا وصلنا العياده و عمر وصل بعدنا و نزلنا خشينا جو و أنا و ماما خشينا لي الدكتوره و بابا قعد يراجي برا عمر وقف علي بابا: شن خشت بابا عقد حواجبه : يعني حالف تلحقنا انت عمر: استغفرالله وقعمز علي الكرسي بابا بعصبيه و صوت واطي: شن امقعمز برا روح عمر: كنك امعصب ولا خايف وقت تطلع و تشوفني اتروح معايه😌 بابا: لا وانت الصادق خايف ايجيها انهيار عصبي لم اتشوفك وتدكر يلي درته ليها 😏 عمر: لا حول الله _____________________________ ماما: ها دكتوره طمنينا الدكتوره: والله المره اهيا مش كيف قبل فيك شي يا ريم مضايقه من حاجه زعلانه متوتر كنك أنا سكتت ماما بتوتر: اممم هو صح اليومين هدين في أشوي مشاكل ببنها و بين جوزها الدكتوره: اها واضحه لي ان قبل هو يلي ايجيبها و يخش معاها بس هكي ماتجيش الضرر كله راد علي البيبي حتي شوفي صوت قلبه ضعيف و انتي ضغطك مرتفع لو قعد هكي وما نزلش ايجيك ضغط الحمل ردي بالك ماما يخوف: باهي مافيش دوا تاخده ينزل ضغطها الدكتوره: دواء مش ح يفيدها ميه في آلميه ف هي تبتعد عن المشاكل و تحاول ما تفكرش في شي يجعزها و تهدي نفسها تو ينزل ابروحه و بنسبه لي الدو تو نكتبلك وصفه ماما شافتلي: سمعتي يا ريما صح عشان البيبي هذي نفسك و ماتفكريش في شي أنا بصوت واطي: انشالله و كتبتلي الدكتوره دواء و طلعنا و ننصدم بعمر يراجي فيا أنا ابتسمت نبي نمشيله ماما مسكت ايدي عمر صبا و جا شوينا و يشوف لي ماما ويحكي هنا عرفت انه مزال زعلان مني 💔 عمر: شنو صحت البيبي يعمتي ماما: ابخير الحمدلله بس نبضات قلبه اضعاف لي خاطر امس ريم توتر و شفت يلي صار عمر نزل راسه بندم : باهي عطيني الوصف ناخد الدواء بابا: مش محتاجين بنتي و نصرف عليها ماما كسرت الشر وعطت الوصفه لي عمر و هو خداها ومشا بابا بعصبيه: علاش عطيتيها له ماما : نحن في مستشفي يا طلال و ما نبوش دوشه و بعدين هو يقعد راجلها و يلي في بطنها ولده عادي لو جابلها دواء بابا بعصبيه: ما شفتيش تو كيف سأل علي البيبي و ما سألش عليها ماما : باهي يا طلال هذي نفسك كنك ما تعيطش جنب البنت بابا مسك يدي: مشينا احني لي السياره و انتي راجي وخودي منه الدواء و مطلعنا أنا و بابا و ركبنا السياره عمر جاء: وينهم ماما: في السياره ها شن جيت الدواء عمر: اها و هضا بس تلت مرات في اليوم بعدين كله مره مره ماما: تمام و طلعت ماما هي و عمر و ماما ركبت و عمر رد لي العياده علي خاطر عنده حالات و بابا حرك السياره و مشينا بابا: خاطرك في حاجه أنا: خودلي شاورما بابا: حاضر من اعيوني ماما: وراك تنسا تاخد شكلاته لي روان كان نسيت اديرلنا نهار اسود بابا ضحك: تي اتشكي فينا تو وسام عادي يسكت بس روان حكومه انا كنت سارحه و نفكر في مستقبلي وكيف بنكمل بدون عمر وجعتني حركتة اليوم بكل كيف تجاهلني كانه مش موجوده واخر قال شن جو البيبي يعني مسألش عليا يعني ما سمحنيش ما حسش بغلطه اخخخ يا ربي ____________________________ في الفيلا اعميمه و حنان و رغد امكسدات في الصالة اعميمه: وهضا يلي صار و في الاخير جاء بوها خداها حنان تبكي: والله حرام ريم ما تستاهلش رغد بحقد: وانتي شن عرفك ما هو شاف بعينه حنان: مش كل حاجه انشوفوها بعينا يعني صح أكيد في حد ورا القصه هذي كلها رغد قلبت وجها والكلام مش عاجبها اعميمه: والله معاش عرفت مضلومه ولا ضالمه حنان مسحت ادموعها: ماما شن تحكي انتي ريم مش امتاعت الحجات هدينا بكل و بعدين شفتي عقليتها انتي يعني ما تفهمش في الحجات هدين حتي انا مره قلتلها كنك ما تخشيش اتهدرزي عليا وتساب قاتلي نعرفش كيف نستعمله اعميمه: معاكي حق والله كان شفتيها امس كيف تبكي اتقطع القلب و واضح انها مضلومه بس خيك الله يهديه حنان: بس يا ماما خير ما دار بوها عمر يستاهلها موقفه شين بكل مفروض ما يمدش يده عليها وهي حامل تي وكان جهضت رغد: حتي هو موقفه صعب والله مرته مش تمام و قاعده بين اولاد أكيد فكره بيشيل و يحط حنان بنفعال: وانتي كنك هكي ضدها عندك دليل عليها احكي ما عندكش سكري فمك رغد صبت: كل شي واضح وضوح الشمس مش محتاجه دليل امغير انتي مش عارفه كنك امكبده فيها ورقت دارها حنان سكتت و قعدت اتفكر و شكت في رغد و طريقة كلامها و رقتلها و فتحت عليها الباب رغد: هيييي انتي دقي الباب قبل لا تفتحي مره اخر حنان سكرت الباب بقوه وقربت منها: عندك في القصه ايدي صح رغد توتر و بصوت عالي: شن تحكي انتي حنان بصوت اعلي منها وعصبيه: ساااااالتك جاوبي و ردي بالك حسك يعلا عليا مرا آخر را أكبر منك رغد خافت و سكتت حنان بعصبيه: احكي الموضوع شورك انتي يلي امدايره هكي رغد بخوف و علي أشوي تبكي: لالا والله مش شوري وبعدين منين بنجيب اقروب امتاع اولاد عشان نضيفها فيه نا دخلنيش حنان بشك: وكنك تبكي دامك ماليكش علاقه رغد زادت خافت و دموعها طاحن: ما مااااااهو مم من طريييقت كلاممممك حنان: تمام اكويس مدامه ماليكش علاقه بس صدقيني يا رغد كان انتي لاعبه اللعبه هذي ح تنكشفي ف اعترفي خيرلك قبل لا المشكلة تكبر بس دامك ماليكش علاقه تمام و طلعت رغد تبكي بخوف: حيوووووانه حقييييييره كانها اخت ريم مش اختي أنا اااااوف كيف خوفتني ____________________________ عند عمر و يعقوب في المعرض يعقوب: عمر انت الغلطان عمر يرفع الطاسه و يحدفها في السياره يلي قدامه و بعصبيه: تي شن انت الغلطان كلكم انت الغلطان انت الغلطان مافيش من فكر من طرفي و حس بيلي أنا حسيت بيه تي مراتي قاعده بين اربعين راجل و يدزو في صور و مقاطع محرمه و اخر يصورو في ارواحهم هكي و يدزو و يعيطوله حقي اما الاحلي ومن الجو هضا والكلام لمسخ ويلي يقول عندي استراحه كلكم تعالو خلي نكسدو معها تي مراااااااتي الزززززززح مراتي كيف مرنضي عليها كلام كيف هكي وقتها معاش شفت شي قداااااامي تي&&&&& ينعن &&&& هل &&& خليني في حالي الزح يعقوب يعيط: كملت خلاص فشيت غلك اها انت الغلطان اول شي انت دكتورها و انت امربيها علي يديك تي تعالج فيها من عمرها 10 سنوات و فاهم عقلها و فاهم كيف اتفكر وتعرف اكويس انها ما ليهاش علي جوها هضا وان عقلها عقل طفله و بعدين حامل كيف اتمد يدك عليها وكان طيحت عمر حط راسه بين يديه و قعد ايهز في.رجليه يعقوب تنهد: قدرت تحفظ الرقم يلي ضايفها عمر حط يده في جيبه و طلع ورقه صغيره: اهو كتبته هنا يعقوب : هات انشوفو من معناها عمر: زعما أحمد عنده يد في الموضوع يعقوب: لالا ما ضنيتش ماهو هو محبوس عمر: يمكن استاجر حد يعقوب: يمكن تو نشوفو عمر مشي يده علي لحيته: يااارب يا رب ____________________________ عندي انا بعد روحت بابا خدالي شاورما و جاب شكلاته وشبس لي خوتي و جاء وقت الغداء وتغدينا وانا كليت بس أشوي ما عنديش نيه بس ماما زرتني و خشيت رقدت ما عنديش جهد حتي نحكي مع حد و عيت العيشه و طلعت لي ماما و بابا في الصالة أنا : بابا بابا: نعم بنتي أنا: ما عنديش لبس هنا و مش جايبه معايه شي ونبي انغير من امس في الملابس هدوم شيلني لي الشقه انجيب دبشي بابا: لالا بنتي المكان يلي طلعتي فيه مهزوزه كرامتك ما ترديله الا و خشمك في السماء و بكامل كرامتك و مردود حقك وناس كلها تعرف انتي شنو ف تو ادبشك هداك انسيه وهي البسي انشيلك السوق خودي دبش أنا نزلت راسي وسكت: تمام بابا: رنيم حتي انتي البسي امشي مع اختك رنيم صبت فرحانه: حاضر بابا خشيت الدار و لبست و رنيم لبست و طلعنا و روان دارت دوشه و بكاوات حتي هي مشت معانا و شالنا بابا لي السوق انا كنت نبي نمشي لي الشقه فرصه عشان انشوف حبيبي و نشم ريحته في الشقه والله تعبت نفسيتي و قاعده ندفع في تمن ما درتاش و نزلنا لي السوق خديت ملابس اطلوع و عبايه و اتوت و منضفات و مناشف و لوشن و عطور و كل مستلزماتي و خواتي خدن أشوي حاجات عجبنهن و روحنا .....يتبع رايكن ايهمني♥️ تفاعلن قربت الاخير خلاص♥️