مريضتي ♥️ - ❴🔢❵☟الــبـــــ❴4️⃣3️⃣❵ـــــــارت☟ - مكتملة | روايتك

مريضتي♥️ الكاتبه: نولي الحلقه: 43 عندي في الشقة ليل الساعه 10 عمر مسكني من شعري و يطلعني من المطبخ و يرميني في الصالة أنا طحت جنب الكنبه و حطيتي يديا علي بطني عمر يعيط: كيف اديري هكي كيف ينعن&&& وانا يلي كيف ادندول درتلك تلفون و سمحتلك تفتحي نت أنا نبكي و نرعش: ما درتش شي والله ما درتش شي فهمني علي شن تحكي عمر ينزل علي اركابه و يعطيني كف و يمسكني من شعري : تكدبي يا &&& تكدبي تي بعد شن كل شي شفته قدامي ينعن&&& أنا نتوجع و حاطه يدي فوق يده ونبكي: آه آه راسي اتوجع فيا نحي ايدك عمر بعصبيه مش طبيعيه: سكري فمك يا حيوووووانه شن شفتي من الوجع والله الا أنرد انربيك من لول وجديد والله أنا نبكي و نشوفله و مش فاهمه شي وحاسه ان اليوم اخرتي عمر يعيط بصوت عالي: في شن قصرت معاك ها قولي تي الحاجة يلي تبيها قبل لا اتكلمي توصلك لي عندك و اخر مريحك من جميع انواحي ماديا و معنويا و نفسيه موفرلك كل انواع الراحه و حاطه في اعيوني تو هكي اديري أنا نبكي و ميزال ما عرفتش علي شن يحكي عمر بعصبيه: بس خصاره ما ينفعش معاك الدلال أنا يا ريم اديري في هكي تي كيف طاوعاتك نفسك اتكوني في اقروب كله اولاد و يدزو في صور && ينعن && و كلام ما يتقالش واخر يسبو فيك ويعيطو أكيد هذي && يلي عشان هكي معانا في اقروب كله شباب أنا نبي نفهممممم شن اديري بينهم شن اديري هااا أنا نبكي: مش مني والله مش مني عمر عطاني كف: سكري فمك ينعن&&& أنا قعدت خايفه ونبكي عمر صبا وقعد ايفكر في سير سرواله طول حطيت في بالي انه بيضربني بس استبعدت قلت مستحيل ما أنا حامل بولده !!! قطع حبل افكاري جلدته ليا💔 عمر انهبلت كل يلي.نفكر فيه ان ريم خاينه ما فكرتش انها حامل و بطنها قدامها و ما تجيش نضربها انعمت بصيرتي وقعدت نضرب فيها بس ما نسيتش انها حامل قعدت نضرب فيها بس علي يديها وهي اتعيط ___________________________ في الفيلا اعميمه امكسده في الصالة تشرب في شاهي و رغد مكسده علي اكتبها اشويه بدن يسمعن في صوت اعياطي رغد سمعت قبل اعميمه فرحت وحست خطتها نجحت وقوت صوت التلفون عشان ما تسمعش اعميمه اعميمه عقدت حواجبها: مش كانه حس صوت اعياط في الشقه فوق رغد توتر: لالا ماما انتي تتوهمي اعميمه رشفت من الشاهي: ممكن رغد زاد من صوت التلفزون وفي خاطرها ومتشمته و واتقه ومتاكده ان عمر ح يطلق ريم اشويه ونزل عامر يجري من فوق من غرفته عامر بفزعه: يااام يااام اعميمه: كنك بسم الله عامر: ما تسمعوش في حس لعياط تي الشقه فوق عند عمر مقلوبه اعميمه شهقت و حطت يدها علي صدرها: والله قلتها لي رغد قلتلها حس اعياط عامر بحماس: باهي صبي يام شوفيهم اعميمه حطت علي راسها وشاح ورقت لي شقتنا بدون حتي شبشب رغد في خاطرها: اووووف تو اكيد ميزال ما بدا يضربها اووووف منك يا عامر _____________________________ في الشقه اعميمه تخبط بقوه وتعيط: عمر افتحي الله ايربحك عمر بعصبيه: يام خطيني ما تدخليش اعيميمه: وراسك بوك في قبره افتح الله ايربحك حرام عليك ما تجيش الوليه حاااامل يا عمر عمر يعيط: عارف يمي عارف وانتي سكنتي حامل حامل مانيش قاتل نبي انربيها بس أنا نبكي بصوت عالي ونحس في الم رهيب في جسمي اعميمه: باهي علات تبكي شن اديرلها افتح سلم اوليدي لو اتعزني افتح عمر شافلي بنظره اول مره يشوفها ليا و مشا يفتح الباب اعميمه ضرباته علي صدره و دفاته بقهوه: حيوان حقير الله لا اتربحك تستقوي علي مرا حامل وانا يلي كنت نشوف فيك قدوه عمر بعصبيه: يام يام را والله انسكر عليها الدار وما نخليكش تشوفيها اعميمه دفاته وخشتلي تجري في الصالة و قعمزت جنبي في الوطاء و حضنتني اعميمه تبكي: شن دارلك يمي شن دارلك أنا حاضنتها اكويس ونبكي عمر خبط الباب بقوه وخش لي دار النوم ونسمعو في حسه يكسر في الدار كلها و أنا كل ما يكسر حاجه نكش في اعميمه بعد كمل تكسير طلع من الشقه اعميمه: لا حوال الله فهموني شن صاير أنا نبكي و متالمه بكل نحس بالم ما يعلمش بيه الا ربي اعميمه : ضربك علي بطنك ابنيتي ؟ أنا نبكي و هزيت راسي بي لا اعميمه تنهدت: الحمدلله أنا بحركه سريعه صبيت من حضنه خشيت لي دار النوم وسكرتها بلمفتاح و شفت تلفوني لقيته مكسره طرف طرف قعدت نبكي اكتر واعيميمه اتخبط علي الباب تبيني نفتح وانا نبكي ادكرت ان في تلفون بيله امتاع عمر صبيت من السرير وانا مش قادره نمشي من الام و يدي علي بطني فتحت دولابه وقعدت نفتش لين ما لقيته وتصلت بي بابا أنا نبكي: الو بابا بابا كان راقد قعمز: كنك بنتي متصله الساعه 12 انشالله خير أنا نبكي: بااااباااا تعاااااال روح بيااااا بابا انفجع: كنك شن فيه عمر وين وشن دارلك أنا نبكي: تعالي يا بابا تو تو أنا مريضه بنموت بابا بخوف: باهي باهي بنتي جاي أنا سكرت وانا نبكي و مشيت فتحت لي اعميمه _____________________________ حوش هلي بابا صبا وهو مفجوع و يلبس في جلابيته ماما اترضع في ياسين وبخوف: كنك يا طلال شن قالتلك بابا: والله مش عارف تو نمشي ونفهم ماما يخوف: بالله ما اتعطليش وطمني بابا: حاضر حاضر وطلع وركب السياره وتجه لي شقتنا ____________________________ عند نور و يعقوب راقدين في علي السرير و نور خاشه في حضنه وتبكي يعقوب يضحك: هههه خلاص اسف والله اسف نور ببكا: حقيير معاش ح تقربني يعقوب ضحك: هههههه ها كيف صار نبي عيل أنا كان معاش نقربك منين بيجي نور ترشف في خشمها: ما دخلنيش ملح يا بارد اصلن عاملتني هكي ترد فيها ليا عشان بدري عصبت وعيطت عليك يعقوب يضحك: يا شيخه من قالك الكلام هضا لالا والله مش هكي نور صبت وهي تبكي ولفت عليها الفوطه: الا هكي و خاشه اندوش اقعد فيها وخشت يعقوب ضحك بعدين سمع صوت اشعار علي تلفونه شافه لقا و ينصدم بمسج من خلود لي درجه قعمز و قعد يفنص ____________________________ عندي في الشقه كنت امقعمزه أنا و اعميمه في الصالة وعمر مهناش وانا ما وقفتش بكا بكل اشويه وخش علينا بابا بابا بصدمه: ريم كنك كنه شكلك هكي متبهدل أنا صبيت وانا نمشي حضنته و قعدت نبكي بابا يشوف لي اعميمه: فهمني شن صاير عمر وين ؟ اعميمه نزلت راسها وسكتت أنا نبكي: عمر ضربني يا بابا بابا بصدمه وصوت عالي: كييييف انا خشيت في حضنه اكتر وقعدت نبكي. بابا قعد يعيط: كيف يضربك كيف. يسمح لي نفسه يمس شعره منك اعميمه: هذي نفسك وما تكبرش الموضوع أكيد في شي كبير باش ضربها بابا بعصبيه: شن الشي الكبير يلي يسمحله يمد يده عليها وهي حامل و مش امقادره حتي تمشي بعدين أنا بوها ما عمريش ضربتها هو كيف يضربها أنا نبكي: بابا انخاف روح بيا نبيش نقعد بابا: اكيد بنروح بيك امالاه شن اعميمه بعصبيه: كيف اطلعها من الحوش بدون علم راجلها بابا: حاجه أنا كلامي مش معاك ولا مشكلتي معاك ونبيش في لحضه انخرب النسب يلي بينا ف لي هدا وقت ايجي ولدك قوليله كلمتين بس قوليله ان بنتي معاش ليها رجعه لي اختي و خدا عبايتي من الكنبه و وشاحي ولبسني و طلعنا و ركبنا السياره وانا الطريق كلها نبكي وبابا يهدي فيا ____________________________ في الفيلا كانو مقعمزين في الصاله خش عليهم عمر. عمر بعصبيه: وينها ريم وينها رقيت لي الشقه ما لقيتهاش اعميمه: هه أطلق طير و اجري تحته و صبت وهي امعصبه و خشت لي الدار عمر بعياط: حد ايفهمني الزح وينها ينعن &&&& عامر: جا بوها خداها عمر بعياط: نعمم نعممم عامر سكت عمر: كيف ياخدها بدون علمي كيف الزح شن هي سايبه ينعن&&&& عامر: اهد يا راجل حتي انت عملتك مش هينه عمر يرفع التحفه ويكسرها: الله لم انجيبها ويطلع و هو يجري و لحقه عامر بسياره _____________________________ عندي انا بابا وقف السياره: هيا بابا وصلنا انزلي أنا هزيت راسي وفتحت الباب وخشينا أنا و بابا ولقينا ماما تراجي فينا في الصلاه ماما حضنتني: كنك يا ماما شن في بابا: جيبيلها اميه يا حنين بري و مشت بابا وانا قعمزت جنب بابا ونبكي بابا: خلاص بنتي ياسرك ياسرك بكا ما تبكيش أنا هزيت راسي ومسحت ادموعي و مزالت نبكي ماما عطتني لميه وقعمزت جنبي: اشربي بنتي أنا شربت أشوي بابا: وراس بنتي ما تبكيش و الله ناخدلك حقك ماما مسكت يدي : احكيلنا بنتي من لول أنا هزيت راسي و بديت نحكيلهم بابا: يعني انتي ماليكش علاقه صح أنا نبكي وهزيت راسي: والله ما نعرف شي يا بابا ولا نعرفش حتي شن معني اقروب ماما حضنتني: خلاص بنتي يمكن ايد.حد تلخبط و ضافك اسكتي انتي بس بابا: ما تبكيش دامه باتك عايش اهو قاعد والله الا معاش لا يحلم بيك ولا طفلك و من يوم أنا نكفلك ونكفل البيبي و ما تفكريش في شي لا في معاينه ولا لبس البيبي كله انجيبه لكي ماما ابتسمت : اهو شوفي باتك مش ح يسيبك خلاص حبيبتي أنا : نبي الحمام ماما صبت : خشي وتو نعطيك توته أنا هزيت راسي وصبيت نمشي بي صعوبه و نحس كانه البيبي نازل ماما بحصره: شوف بالله كيف تمشي مش عارفه شن جاه و علاش دار هكي عمر راجل بابا: تو نتفاهم معه الكلب ماما خشت لي دار و جابتلي توته لي الحمام ولبستها وطلعت خشيت لي الدار رقدت علي السريري بين خواتي الراقدات براحه و أنا ندكر في كله لحضه حلوه مع عمر ونبكي و حاضنه جنيني ولافه يديا علي بطني ونحس بيه هو يلي ح يصبرني علي افراق عمر أنا مزالت نحبه و مستحيل نكره و متاكده حتي هو يحبني بس هو عصبي ومش منه وقت يعصب يضرب و هو راجل غيرته تقتله و ما تقبلش الموقف بس كيف ايصير تو بابا حلف ان مش ح يردني يعني أنا بنعيش بدون عمر أنا تسرعت يا ريت ما اتصلتش بي بابا ولا علمتهم اصلن بس انا كنت بنموت بي الالم اوووف يا رب. قدم يلي فيه الخير ____________________________ عمر يخبط علي باب حوشنا و عامر يمسك فيه عمر: وحق ربي يا عامر لو ما تمشيش عن وجهي الا انكسرك عامر: تي يا راجل نص ليل الساعه واحد الزح عمر بعصبيه: تي نبي مراتي أنا نبي مراتي و رد يخبط بقوه بابا فتح بابا بنفعال: نعم تفضل شن جاي تبي عمر : نبي مراتي بابا: صح والله و بكل عين قويه جاي اتقول فيها فوق مانك ضاربها عمر بعصبيه: يا عمي أنا ما ضريتهاش من فراغ بابا بعياط: تي سكر فمك غذر اقبح من دنب بنتي ما ديرهاش خصاره مانك دكتورها و تعرفها اكتر مننا أنا بنتي ما ديرهاش و بتصدق صدق ما بتصدق خطاني عمر: بس أنا شفت كل شي بعيوني عامر: باهي شوف من ضافها ولاقيه وتفاهم معه عمر: خديت الرقم يلي ضايفها و من بكرا نبي نبحت ونعرفه من بابا بعصبيه: و امالا وقت تعرفه من وتعرف انها بريئة و تعتدر منها هداك الوقت نعطيها لك بس وانت شاك فيها مستحيل نعطيك تاخدها و والله وحق يلي نفخ الروح فيا عليا الطلاق بتلاته مش ح نردها لك لين ما تاخد حقها وسكر الباب في وجهم عمر عيط بحصره لي ان يحترم بابا وما يقدرش يرد عليه: اااااااااااااااااااااااه عامر: ااااوف ليش الحلفان بس يعمي عمر ركب سيارته و مشا بسرعه خياليه و عامر ركب سيارته و رد لي الفيلا ....يتبع