مريضتي ♥️ - ❴🔢❵☟الــبـــــ❴4️⃣2️⃣❵ـــــــارت☟ - مكتملة | روايتك

مريضتي♥️ الكاتبه: نولي الحلقه 42 عمر مسكني من يدي بعصبيه و قعمزني علي الكنبه: تعالي انتي هنا أنا بخوف:اااا ككك كني عمر يعيط: هذي المره الكم انجيبلك فيها مدرسه خصوصي ها قولي أنا نبكي عمر يعيط: قتلك تكلمي أنا أنا نبكي ونمسح في ادموعي بيدي: تالت ابله عمر بعياط وعصبيه: تلت ابلات ما عرفوش يتفاهمو معاك الغلط من من تو ها قولي من من أنا نبكي: هما يعاملو فيا مش اكويس بعد انت تطلع يقعدن يهزبن فيا عمر بصوت اعلي: لي ان انتي اتسكري في راسك ما تسمعيش في كلامهن أنا نبكي ويدي علي بطني: نسمع بس ما نفهمش منهن عمر يعيط: انتي ماتبيش تفهمي انتي مسكره راسك عليهن ولا عندك نيه في القراية بكل أنا يديا علي وجهي و نبكي: حتي انت ما نحبكش تعيط عليا عمر بعياط: زيدي سكري راسك انا هضا كله اندير فيه لي مصلحتك بس وقت ترسبي و تعاودي السنه تستوعبي كلامي أنا نبكي: نبي أستاد جمال يلي يقري فينا في المدرسة عمر بنفعال: نعمم نعمم أنا خفت و كشيت في روحي عمر يعيط: هضا ما زاد الا نجيب راجل لي الحوش يقري مراتي اسمعي هما كلمتين بكرا بتجيك ابله خصوصيا و ح تقريك غصبن عنك و ديري معاها لطروح نهارك احرف فاااهمه أنا نبكي ونمسح في ادموعي عمر يعيط: فاهمه أنا انفجعت من صوته و بصوت عالي ونبكي: فاااهمه فاهمه عمر قعد مصبي و يشوفلي أنا نبكي ونمسح في خشمي في كمي عمر بجديه: شن هل القرف تحركي صبي اغسلي يديك أنا ببكا و عصبيه : دخلكش فيا😑 عمر مسك ضحكته و يبان فاصل: قتلك صبي أنا بعصبيه ونبكي: ما فيهن شي ما فيهن شي هما يديا ولا يديك عمر علي أشوي يضحك: قتلك صبي را انجيك امشي غسلي أنا صبيت: اوووف ونمشي في الممر بقوه عمر بصوت عالي: اي اي طلعي لميه من آلأرض وقعمز علي الكنبه وقعد يضحك عليها اشويه وجيت قعمزت جنبه و زعلانه و امنزله راسي عمر : انزلي تغدي عند هلي امي تسأل عليك أنا هزيت اكتوفي: نبيش عمر برفعة حاجب: نعمم أنا بخوف: قتلك حاضر انشالله عمر ضحك: اصلك ماتبيش الا العين الحمرا صبيت وانا امعصبه لبست عبايتي و وشاحي و نزلت أنا و عمر ____________________________ عند يعقوب و نور في المطبخ نور اطيب و يعقوب مصبي جنبها و يهدرز عليها يعقوب قرب باس راسها: حبيبي طالع مشوار مش امطول نور : بس يا روحي خلاص ح نحط الغداء يعقوب باس يدها: خمس دقايق بس مش امطول ارجيني نور ابتسمت : تمام طلع يعقوب و نور في المطبخ حايسه مع الغداء اشويه سمعت الباب ايطق عرفت ان مش يعقوب لي ان لو هو اكيده معه مفتاح علاش بيدق لبست المصليه بحكم كانت لابسه روب و طلعت نور: لحضه اهو جايه و قربت من الباب و جبت بتفتح بس الصدمه كان مقفول في تواني تغيرن ملامحها و نكسر قلبها ام يعقوب: هيا سلم ابنيتي افتحي حسيت اركابي نور مزالت في حالت صدمه رهف: اصبري يا ماما تو تفتح ام يعقوب ادق: نووور يا نور افتحي ابنيتي نور بصوت مغصوص: ايو اعميمه نسمع فيك ام يعقوب: باهي افتحي الباب ولا تبيش ادخلينا نور تحكي و خنقتها العبره: ااا لااا مم مش هكككي بس ببس رهف شكت من صوتها في شي ام يعقوب: بس شنو نور تحكي بغصه : ي يييعقوووب رهف بشك: كنه نور خنقتها العبره و طاحو ادموعها: قافل الباب رهف انصدمت و حطت يدها علي فمها وما عرفتش شن تحكي ام يعقوب مزال ما استوعبت: هههه وكان يا بنيتي خودي مفتاح و افتحي نور معاش قدرت و انفجرت بكا: مش امعاطيني نسخه و المفتاحه شاله معه ام يعقوب انصدمت من موقف و لدها و ما عرفتش شن تحكي رهف اترقع: هه ههههه اممم يعقوب هضا طبعه هههه يحب يقفل البيبان حتي في حوشنا هههه عادي نور مكسوره ما تسمعش فيها حتي شن تخرط ام يعقوب اترقع: عادي سلم ابنيتي ما تزعليش روحك حتي نحن جينا في وقت غير مناسب في هل القايله انجوك مره اخر ابنيتي سلام نور ما ردتش عليهن بس تبكي أشوي تسمع في صوتهن نزلات من لدروج خشت لي دار النوم ارتمت علي السرير وهي تبكي و كاسرها موقف يعقوب كيف مش واتق فيها ووخايف ادير يلي داراته خلود 💔 _____________________________ تحت عند رهف و امها رهف امعصبه من اخوها : دامه مش واتق فيها علاش تجوزها ها علاش تجوزها ولدك هضا ولا يبيش يقعد بدون مرا ام يعقوب: يا بنتي ما تضلميش انتي و مراته واجد بلكي ما قفلاش بقصد نسا نفسه ولا هكي دارها حركه عاديه أنتن كبرتنها رهف بنفعال: يام ماتكدبيش علي نفسك واتقولي كلام حتي انتي بنفسك مش مقتنعه فيه انتي اكتر وحده تعرفي ان يعقوب عنده علي الاعمال أشوي حتي بعد طلق خلود عادي توصل بيه لي درجة ينزل و يسيب بابا شقته مفتوح وانتي تعاركي وتقعدي تقوليله تو يجي شي خانب و يخنب شقتك ام يعقوب: معاكي حق بس والله حشمنا مع البنت بي عملته هذي رهف: أنا نبي نفهم علاش تجوزهت دامه مش واتق فيها كان قعد بدون جوزا خيرله اما يتجوز و يجيب بنت الناس و يتعب نفسيتها مش حق هضا ام يعقوب: حتي انتي يا بنتي اعذريه اشويه والله يلي مره بيه مش ساهل و شفتي هديك الكلبه كيف نزلت راسه بين الناس و طلعاته عيل خيانه واخر في حوشه رهف بنفعال: يا ماما ما دفعيش عليه هضا كله ما يغفرلاش ولا يعني ان ايدير في نور هكي بعدين اصابع يديك مش كيف بعض و حاجه اخر مش بنات العالم كلهن خربات لو بنات العالم كلهن مش تمام معناها حتي اخته هكي حتي اني هكي ام يعقوب: حشاك أنا عارفه روحي شن مربيه رهف: خلاص معناها حتي نور متربيه و بنت ناس خلود كانت تجربه فاشله وانتهت و خدا منها درس و ربي فكها منه قبل لا اتجيبله اصغار و ينبلي فيها و بعدين حتي ربي قال ( سيماهم في و جههم) و نور من وجها واضح انها طيبه ام يعقوب تنهد: اااااه ربي يهديه وانشالله نور تطلع بنت ناس وما تكبرش القصه غير هكي يا عارنا مزالت عروس _____________________________ في الفيلا كلنا علي طاولت الاكل و نتغدو اعميمه: قتلك يا عمر عمر ياكل: تفضلي يام اعميمه: والله الا علمي ضايق شن مزالت ما كملتش الا وعامر قطع عليها عامر غمزلها: وكنه الحلو علمه ضايق را تطلعي اتحبي من حقك يرا عادي أنا مسامحك كان بتتجوزي و بي المره اتجيبيلنا بيبي صغير انكسدو عليه باش نقعدو خمس و ما دبيتك تعدلي يا احويجه و تجيبي توام ولد وبنت باش نقعدو تلت بنات و تلت اولاد ههههههه😂 أنا : ههههههههههههههه رغد بي انانيه و عصبيه: في عينك ماما ما تتجوزجش بعد بابا عمر ياكل: تحشم يا راجل عامر: ههههههه امغير اسكتي انتي ها شن قلتي يا يام اعميمه: والله انك قوليلي ادب و مش متربي يا عامر أنا و عامر: هههههههه عمر : احكي يام شن كنتي بتقولي اعميمه: قتلك يا ولدي علمي ضايق طلعنا لي البحر لسبوع الجاي احجزلنا في مصيف ولا شالي عمر رشف من العصير: تمام الجمعه الجايه نطلعو بس اسبوع واجد ما نقدرش نسيب اشغالي تلت ايام خليها أنا سفقت بفرحه: يسسس عمر شافلي وابتسم رغد شافتلي بنص عين وبصوت واطي: مراهقه تصرفات عويل😒 أنا زسمعتها انحرجت و نزلت راسي اعميمه ببتسامه: الله ايربحك سلم اوليدي و تمام عادي حتي تلت ايام عامر ياكل ضحك: السنه هذي ماشين و معانا ريم السنه الجايه البيبي أنا ضحكت بشوي عمر ابتسم و نزل يده من تحت الطاوله و حطها علي بطني وقعد ايمشي فيها أنا شفتله ابتسمت بحب نزلت راسي و كملت ماكله اعميمه ضحكت: انشالله يا رب و نشوفه يلعب قدامي و مالي علينا الحوش بهرجته رغد برمت وجها ما عجبهاش الكلام و عمر ميزال ما حودش يده من علي بطني و يشوفلي و مبتسم وانا مره مره نشوفله و نبتسم عامر ياكل و يشوفلنا: احممم حاسس ان في اهناك كيمياء قاعده اتصير عمر شافله بنص عين: سكر فمك عامر: هههههه عامر بداخله والله الا ما نعرفك شن قاعد اديرلها 😂 و طيح الكاشيك متعمد و نزل باش يجيبها من تحت الطاوله و حق عمر كيف حاط يده علي بطن ريم و يمشي فيها بحنان ههههههههه عمر شك كنه طول هضا تحت سحب يده لقوه عن بطن ريم 🤣 و ريم حستها و شافتله بستغراب عامر ضحك تحت الطاوله و رفع راسه و قعد ايشوف لي عمر و يبتسم عمر قريب ينفجر و بعصبيه بس ماسك نفسه: لقيتها الكاشيك🤨 عامر ضحك : هههه اي لقيتها بس خلاص تجرتمت ما بناكلش بيها اعميمه تاكل: وها التطويله كلها وفي الاخير مش ح تاكل بيها عمر يشوف لي عامر متعصب و عامر يتبسم و يغمزله هههههههه ______________________________ و تغدينا و الخدم لمن الصفره و عمر و عامر خشو لي مربوعة الفيلا يقيلو و يتكلمو علي السيارات وانا و اعميمه نهدرزو و رغد كان حكت تجرحني بي كلمه وانا ما نردش عليها اعميمه: مشالله بنتي في شهر كم أنا ابتسمت: الخامس اعميمه ضحكت: والله قلت انك طشه بطنك مش ح تكبر بطنك بطريقه هذي بس مشالله وقت اطقي في التاسع تكبر اكتر أنا ابتسمتلها اعميمه: انشالله ولد يااارب أنا ضحكت: عمر يبي بنت اعميمه ضحكت: لول انشالله ولد بعدين العمر قدامكم جيبو البنات أنا: لو جبت بنت تزعلي اعميمه اعميمه: لالا شن نزعل امالاه بيدك مش بيدك ويلي ايجيبه ربي يا مرحبا به أنا ابتسمت اعميمه تتاوب: بعدك أنا متعوده انرقد في القايلة انشالله نص ساعه ماشيه نرقد أشوي في غرفتي أنا ابتسمتلها: عادي ادنك أمعاك و رقت اعميمه و أنا قعدت نتفرج علي التلفزيون و نحس في بطني مش تمام توجع فيا ما عرفتش كنها و رغد علي تلفونها أنا بعد تردد: اممم رغد رغد بدون نيه: نعم أنا ابتسمت: شن اديري رغد برفعت حاجب: ما دخلكش اندير يلي نبيه حلوه هذي شن اديري أنا خفت منها: به اسفه ما قصديش و سكتت رغد بخبت: تبي تعرفي شن اندير أنا بفضول و ابتسمت: اها رغد قربت مني : شوفي هضا اقروب مختلط حكيتلك عليه من قبل أنا و عبير تبي انضيفك يهبل أنا بخوف: لالا نخاف من عمر يقولي ما تحكيش مع راجل غير رغد بخبت: يا غبيه هضا اقروب مدرسي و كلهم محترمين و يحلو في الاسئله مع بعض أنا سكتت رغد باالحال: ها شن انضيفك مش حتي تندمي حتي أنا فيه أنا ابتسمت ببرائه: به عادي ضيفيني دامك فيه رغد: عندك وتساب أنا ببرائه: شن وتساب رغد في خاطرها: اوووف من هل العبيطه رغد فتحت تلفونه: كيف هضا أنا ابتسمت: اها عندي انكلم بيه في ماما هههه رغد: تمام تو انضيفك أنا ابتسمتلها رغد ابتسمت بخبت: هاكي اهو ضفتك أنا ضحكت: شكرا ______________________________ عند نور و يعقوب بعد طلع يعقوب طول ما رجع لي الحوش الا و العصر امادن وخش لي الشقه و قعد يدور في نور خش لي دار النوم لقاها راقده علي السرير و سارحه يعقوب حط المفتاح علي الطاولة و قعمز جنبها: كنه حبيبي نور ما ردتش و تحاول تتمالك اعصابه و ماتبكيش يعقوب خاف يكون فيها شي : نور يعمري كنك مريضه فيك حاجة ؟ نور صبت من السرير و شافتله: امك و اختك جن بعدك و للاسف ما عرفتش ندخلهن هه و طلعت من الدار يعقوب قعد ساكت و بعد وقت فهم انها عرفت ان كان قافل عليها الباب تنهد و لحقها لي الصاله لقاها مقعمزه علي الكنبه و تبكي يعقوب قعمز جنبها و مسك يدها: نور حبيبتي والله مش قاصد بيها شي يا قلبي نور سحبت يدها بقوه وصبت وقعدت اتعيط : شن قاااعد اتبررر هاااا شن قاااعد اتبرر موقفك واااضح يااا يعقوب وضحكووو الشمس مش وااااتق فييييا وانا يلي حااااطه يدددديا و رجليييا في اميييه بااارده يعقوب صبا: و رحمت امي و رحمت امي الا واتق فيك بس حسي بيا يلي صار معايه مش ساهل نور ببكا و عياط: ما تكدبش علي روحك موقفك يدل علي قلت التقه و خايف اندير كيف ما دارت طليقتك علاش تجوزتي ها علاش يعقوب بعياط: لي ان انحبك نور ببكا: ما يهمنيش الحب بدون تقه والله ما يهمني أوقات انحس انك تحوزتني بس عشان تقهرها بس اهو نقولهالك يا يعقوب ما تعيشنيش دنب ما درتاش ما تردش انكسارك فيا راني بشر و نحس يعقوب يشوف فيها كيف اتعيط و تبكي ما عرفش كيف يهديها قربها منها و باسها من فمها و رفعها عشان تقعد من طوله و قعد ايبوس فيها ويحكي غير هكي ما هدتش يعقوب يبوس فيها بين كلمه و كلمه: والله و يلي اسمه الله وحق يلي نفخ الوح فيا الا واتق فيك يا قلبي ولو مش واتق فيك ما كنتش تحوزتك لي ان بختصار مستحيل نعاود نفس الغلطه و لقطه قفلت باب غلط مني صح وانا اسف سامحيني و تحمليني والله درتها بدون وعي اسف يا عمري اسف نور استسلمت و لفت يديها علي رقبته و تبكي يعقوب باس راسها: ااااش والله ما تبكيش اسف ____________________________ عند خلود في الصيدليه يلي تخدم فيها مكسده هي و صحبتها صاحبتها بخبت: سمعنا طليقك تجوز خلود بحقد: اها وانا شن دخلني صاحبتها: اي و سمعنا أصغر منك و اسمح منك خلود بعصبيه: من قالهولك صاحبتها نقهر فيها: اختي تقعد صاحبتها موليد 2001 و عليها نقش الله ايبارك خلود : ههه اهو وجهي لو قعدت عنده اكتر من شهر صاحبتها: فوق شينك قوات عينك هني روحك المرا صغيره خليها تتهنا حرام عليك خلود: هه مش خلود يلي يبدلها بي مرا &&& كيف هذي والله لم نمرمط حياتهم _____________________________ في الشقه مكسده أنا في دار النوم ناكل في التفاح ادن العشاء صبيت صليت و رديت ناكل و نتفرج علي التلفزيون اتصلت بي ماما حكيت معاها أشوي سكرت اشويه وجاء عمر عمر ابتسم و نحا ساعته حطها علي الطاولة: مساؤ أنا ابتسمتله : مساء النور عمر قعمز جنبي: شن تاكلي يا شينه أنا حطيت في فمه تفاحه: فواكه عمر ياكل: صحه أنا حولت الصحن حطيته علي الكومديني و خشيت في حضنه عمر باس راسي: شن العشاء أنا: بيتزا عمر: بسيوو انا رفعت راسي شفتله: وشن تبي اخر عمر ضحك و نزل باس فمي: باهي يا جلطه نعمه الكريم أنا: بكرا عندي موعد عنند الدكتوره عمر يمشي في يده علي شعري: مدكر اعويناتي مش ناسي أنا ابتسمت و رفعت التشرت امتاعي و خديت يده حطيتها علي بطني عمر ضحك و عرف شن نبي و يستعبط: ههههه شن اديري أنا نضحك: العب عليها كا العاده عمر ضحك أنا با الحاح: هييياا عمورري عمر ابتسم وقعد يمشي في صوابعه علي بطني بشويه و كل واحد فينا سرح في فكره و ساكتين بعد نص ساعه أنا شفتله وضحكت: خلاص خلاص هههههه عمر يضحك: تحسابك خدام ابوك يا حيوانه ابد نبد وقف انوقف أنا: ههههه حشاك حبيبي بس جعت نمشي نسخن البيتزا و ندير شاهي عمر بعد عني: صبي حتي انا جعت أنا صبيت و لبست شبشبي و خديت سحن الفواكه و ماشيه عمر يضحك عليا وبصوت عالي: ياااا بطه ميحي ميحي ياااا بطه راااااك اطيحي ههههههههه أنا طلعت من دار النوم ونتكلم: باااارد ما دخلكش فيا عمر يضحك ومن الدار: امغير تعالي هنا يا كلبووووز يا بطه انتي أنا فته و خشيت المطبخ و حطيت الشاهي علي النار و البيتزا في المكرويف عمر بعد ما علقت علي ريم من بعد حملت اضحك فيا قعدت دبدوبه فجاء نسمع في صوت اشعارات علي تلفونها كلامي الفصول طبعن كان بدون باسورد" رمز" فتحت و خشيت علي الوتساب و ننصدم بانها في اقروب كله شباب وبس هي البنت و يدز في مقاطع اباحيه و صور مش تمام عصبت و حسيت الدم وصل لي راسي ريم شن ادير في اقروب ما يقارب 40 تعصبت و مشيتلها لي المطبخ و مش شايفش شي قدامي ونسيت حتي انها حامل عمر بعياط: ريممممممم أنا تلفتت و انفجعت طاحت الطاسه وقعدت نرعش عمر قرب مني و مسكني من شعري ويعيط: أنا اديري فيا هكي يا كلبه أنا أنا نبكي: اااا شش شعررري عمر: سكري فمك ينعن&&& أنا يا ريم اديري فيا هكي كيف اتصرفي تصرف كيف هكي ها كيييييف أنا نبكي ومش فاهمه شي عمر يمسكني من شعري و يطلعني من المطبخ و يرميني في الصالة 💔 .....يتبع نعرف أن ما نزلش بدري و نعرف أن الحلقات أقصار بس علي قد تفاعلكن أنا نتعب وفي الاخير تقرن بدون ما تعلقن نسبة بسيطه يلي اتعلق