❴🔢❵☟الــبـــــ❴4️⃣1️⃣❵ـــــــارت☟
مريضتي♥️
الكاتبه : نولي
الحلقه 41
الصبح الساعه 8
وعي عمر دوش و صلا و شرب قهوه و جاني
عمر مصبي و يحول في شعري من وجهي: ريما ريييما
أنا بكسل و مغمضه: همم همم
عمر ضحك: شن همم هذي نوضي خلاص
أنا غطيت وجهي بلملايه: لا بنرقد
عمر حول عني الملايه: نرقد عينك صبي
أنا ببكا وفتحت عين وحده: وراسك وراسك خليني أشوي اخر
عمر ضحك: خلاص صلي و افطري و باش بتجيك المدرسه الخصوصيه
( ريم تقرا في الحوش بسبب حملها ح تخش انتساب)
أنا رديت رقدت: ميزال وقتها
عمر بجديه: تعرفي نمشي انجيب الخبزه ونجي نلقاك راقده نهارك و طلع
أنا في خاطري: المخبز بعيد ارقدي يا ريم ارقدي
________________________________
في الفيلا
اعميمه رقت لي غرفة رغد باش اتقوللها الباص جا خطمت من جنب غرفت عامر لقاته واعي و الباب مفتوح
اعميمه بصدمه: اشي اشي كنك واعي من تو غريبه والله
عامر يحدد في قميصه و امعصب: يام يام و راسك خطيني
اعميمه اتكت علي الباب: وكنك يا بابا نخطاك مهبول وما نندري ولا قاتل
عامر يحدد و معصب: مقبوله منك يا نبع الحنان مقبوله
اعميمه بتنفريز: هيا هيا بلا طولت السان وقلت حسان قولي وين ماشي من صبح ربي
عامر منفعل و قريب يبكي: ولدك يام ولدك
اعميمه: كنه
عامر بعصبيه: تي امس قالي جدد قيدك واطلع لي جامعه
اعميمه قعدت تضحك: وانا انقول كنه الافندي امعصب و واعي بدري ههههههههه باهي خير ما دار
عامر: شن خير ما دار يام أنا انقولك نبيش جدها لقرايه
اعميمه: وكنك يا باتي تحسابك يلي طلعو دكاتره و مهندسين و غيره هكي رقدو و وهو لقو روحهم دكاتره
عامر بعصبيه: يام أنا لا نبي نقعد دكتور ولا نبي مهندس ولا غيره بعدين ربي ناعم علينا
اعميمه برفعة حاجب: وشن تبي يا حبيبي
عامر: نبي نتجوز
اعميمه بعصبيه: كمل تحديد سلم باتي كمل و البس راك حرقته القميص وانت اتحدد و مشت
ونزلت رغد ركبت في الباص و عامر لبس ونزل ولقا امه تفطر
اعميمه: هيا تعال أفطر
عامر يلبس في اسبدروه و قعمز علي الكنبه: نبيش صحتين
اعميمه تاكل: والنبي فكني من دلع الصبايا الحوامل يلي ادير فيه كلهن ساعتين امشي مد خليقتك و تعال شن بيصيرلك
عامر بنفعال: يام يام ساعتين شن تي المحاضرة الوحده ساعتين
اعميمه: انشالله اربع ساعات كنك منكد علي روحك عمر كلمته مش راد فيها و انت بتكمل هل السنتين غصبن عنك ف سلم ولدي اقر وانت طارب و فرحان خير من متكنطي
عامر: باهي شكرا علي النصيحه يلي اتنقط دهب😒حسستيني بنصفي " تنجح" أنا
اعميمه تشرب في الشاهي و بي برود: والله امورك و خليك هكي كل سنه ارسب لين ما يلحقن عليك رغد و ريما يقرن معاك
عامر صبا و هو امعصب: به امنوره
اعميمه ببرود: بوجودك
عامر بيطلع علي خشت عمر تصادفو جنب الباب
عمر شافه مسك ضحكته عرفه متعصب: مشالله ماشي لي الجامعه ولا معزوم علي حفله
عامر متنرفز: دامه ربي ناعم عليا وعندي اللبس علاش ما نلبس تبيني نمشي اشهب كيف يلي طالع من قبره
اعميمه: وهو عساس في حد طلع من قبره
عمر: عساس انت ماشي تقرا الا ماشي اتعاكس البنات
عامر بغرور: من صف السادس معاش عكست حد هنا يلي يعاكسن فيا
( عامر طرف و مغرور و صايع 😂)
عمر ضحك: باهي مشالله الله ايبارك
عامر: باهي قصدي أنا ماشي الجامعه انجدد قيدي
عمر : به مربوحه
عامر: قصدي ااا المسافه بعيده
عمر بجديه: عامر عارفك شن تبي سياره مافيش برا اربح
عامر بنفعال: باهي نمشي علي رجليا
عمر: امشي كنك مش راجل شن بيصيرلك ولا خود تاكسي ولا راجي تو. نوصلك أنا و صووووتك معاش ترفعه عليا فاهم
عامر بعصبيه بس كانت: باهي مشكور تمام تو ناخد تاكسي
عمر: مربوحه
طلع عامر وهو امعصب و عمر خش لي اعميمه سلم عليها و سايرها فطر معاها أشوي و طلع ايجيب خبزه لي الحوش
________________________________
عند العرسان♥️
وعت نور بدري باست يعقوب و خشت لي الحمام دوشت ونضمت أمورها و طلعت صلت و لبست كت و شورت لونهن ابيض و خشت اديري الفطور وعي يعقوب نظم اموره و جاها لي المطبخ
يعقوب حنضنها من لاوره وباس خدها: حبيبي
نور انحرجت و.نزلت راسها
يعقوب ضحك: شن هل خجل هضا كله يلي فيك تي خجل بنات العالم كله عندك
نور ضحكت و تلفتت حضناته: باهي خلاص معاش تحكي
يعقوب ابتسم و باس راسها: كدا بعدي وريني شن لابسه
نور تشبكت فيه اكتر ونضحك: لالا لالا نتحشم هههههههه
يعقوب يبعد فيها : ههههه والله مش ح نعلق نحقك بس
نور لفت يديها علي رقبته: ههه لالا اتشوفني بعدين تو لا
يعقوب ضحك: والله الا نانشوفك تو
و بعدها بقوه و قعد يشوف
يعقوب مبتسم: نعليا من القصير أنا
نور يديها علي وجها: هههههه خلاص
يعقوب سحبها من يديها و حضنها و دفن راسه في رقبتها
نور حضناته و سكتت
يعقوب بصوت مخنوق: نور
نور استغربت و بخوف: نعم
يعقوب: عوضيني
نور سكتت
يعقوب نزلت منه دمعه ومزال حاضنها: عوضيني يا نوري الله ايعوضك
نور بعدت و مسحتله دمعته ومسكت يديه: مزال اتحبها
يعقوب انصدم في سؤالها
نور بصوت مغصوص وخنقتها العبره: مازلت تحبها تكلم يا يعقوب
يعقوب مسك وجها بيديه: ردي بالك اتفكري هكي يا نور ولو لي لحضه كان مزال نحبها والله كان مش مجوزك والله لو نحبها مستحيل نظلمك معايه و نخاف ربي فيك يا نور مهما كان الراجل يحب مراته وقت يمسكها راقده مع راجل غيره خلاص حب أسنين ايحود في تانيه أنا نادم أنا حبيتها في يوم لو كنت مزال نحبها نبقا مش راجل لي ان عملتها مش ساهله يا نور والله مش ساهله وبعدين لو نحبها كنت مستحيل قربتك امس أنا مش من نوع الرجاله يلي غريزته و شهوته تغلب عليه لا أنا اندير هكي مع يلي نحبها بس صدقيني لو ما حبيتك ما قربت
نور بكت و حضناته: انحبك
يعقوب باس راسها: وانا نحبك
نور ابتسمت: ح نعوضك و ح نسيك
يعقوب: ايخليك ليا
نور بعدت: هيا نفطرو حبيبي اشويه وح تجي
و قعمزو وتمو يفطرو
يعقوب يأكل: حبيبي لسبوع الجاي نطلعو شهر عسل لي تركيا
نور فرحت و صفقت: تحكي جد
يعقوب: وحياتك
نور بزعل: بس الاسبوع الجاي يبدو امتيحناتي
يعقوب: مش مشكله نسافرو بعد ما تكملي
نور فرحت و حطت زيتونه في فمها: مليح بكل اصلن لامتيحنات بس اسبوعين
يعقوب ابتسملها
و كملو فطور و اشويه وجت الكوافيره و رهف خيت يعقوب و مكيجتها و لبستها البدله الكبيرة و نزلت و عمتها بطير بيها و بدت الناس أتجي و طبعن ماما ما مشتش
_________________________________
عندي في الشقه
جاء عمر و لقاني راقده و بهدلني و بسيف باش وعيت دوشت و صليت و لبست توته كامله كت و شورت بما ان صيف و الجو ساخن المهم لونهن وردي و الشورت قصير بكل و فطرت و عمر قالي ارتاحي تو أنا نغسل و ضم الحوش و بخره و حط ملابسي في الغساله دلآل علي الاخر😂 و طلع من الحمام و لقاني راقدة علي كنبت الصالة و نلعب بي التلفون
عمر ينشف في يديه: خلاص ياسر تلفون حطي و بري جيبي كتبتك قريب اتجيك الابله و لو عندك حفظ احفظي
أنا : اااوف بارده الابله هذي
عمر قعمز جنبي: بلاش دلع
انا قعمزت و خشيت في حضن عمر
عمر ابتسم و باس راسي: فكرونتي
أنا ضحكت: لا مش فكرونه
عمر يضحك: لا فكرونه لي ان الفكرونة هي يلي اتحب اتكش في روحها و تلبد وانتي ديما خاشه فيا و مقعمزه في كتري
أنا حضنته : نحبك ما
عمر باس خدي وحط يده علي بطني: وانا انحبك بنتي♥️
أنا: تو تبي تطلع
عمر: اها بنطلع علي المعرض وانتي تو بتجيك الابلة
أنا: به
عمر: ريم البسي حاجه مستور ما تطلعيش هكي باهي
أنا: انلا،،، علاش اهو لابسه
عمر: عيب حبيبي تقعدي هكي جنب الميس ما تشيش
أنا بعبط: باهي ليش باهي
عمر ضحك علي تصرفاتها: قصيره يا روحي
وقعد يمس في الشورت و حاط يده علي افخادي
عمر: هكي تطلعي هكي مش حلوه
أنا ببرائه: ماهو اهو قاعده جنبك هكي
عمر ضحك وغمزلي: جنبي أنا قعدتي اشر حتي من هكي😉 و يا غبيه قوتلك مية مره معاش اتقارنيني بي حد
أنا: و باااهي تو وقت أتجي نلبس
عمر: لالالالالا انتي مافيكش امان كدابه تو تطلعيلها هكي لالا تو صبي البسي
أنا بدلع: عموووووري
عمر باس فمي: بلاش كيد النساء يلي اديري فيه تحركي البسي
أنا صبيت قدامه: اووف حاضر
وكنت بنمشي عمر مسك يدي
عمر قرب مني وانا كنت مصبيه وهو امقعمز علي الكنبه قرب راسها وقعد يمشي فيه علي بطني بلقطه رومنسيا بكل قريب خمس دقايق بعدها باسها
أنا ابتسمت
عمر ببتسامه وصوت هادي: اتبهل بطنك كبرها حلو بكل لاهي كبيره واجد ولا صغيرونه بكل منظرها سمح و زيداتك سماحه
أنا ضحكت: لالا مش زيداني سماحه قعدت بطه
عمر باس بطني: واحلي بطه
و خشيت لي دار غيرت لبست توته طويله و طلعت هدرزنا أشوي انا وعمر عدا وجت الابله النكد و بدت اتقري فيا وانا وياها اعناد علي كل شي في الاخير خش عمر لقاها تعيط _________________________________
عند عامر في الجامعة
امكسد هو واسامه في الكفتيريا و يعاكس في الماشيه و الجايه🤦🏻♀️
عامر: حييي يا حييي اسامه شفت يلي شفته
اسامه امتنح: الا شفت هو جمال كيف هكي ما ينشافش تي قمر
عامر: اس اس اهي جت بلكي انصيدها
اسامه: والله انك && البنات يلي عندك كلهن مش مليات عينك يا وييلك من ربي
عامر: هو صح أنا صايع وامتاع بنات بس الا " العشم" عمري ما عشمت بنت وقلتلها ح نتجوزك كلهم عارفات جوي متاع انحبك و ما انحبك و امشيها هكي ولا عمري زنيت مع بنت وضحكت عليها وضيعت شرفها بس كا مراهق انحب نكمل كل بنت نشوفها حلوه
اسامه يشرب في القهوة: اصلي يا طيري
عامر ضحك: تي كيف نعجبك
اسامه : يا راجل متعارك مع الحب و مطيرتلي امها عندك دخان
عامر بقهره: وجهي وجه دخان
اسامه ضحك: ما تقولش مسكك عمر ههههههههه
عامر: تيييي خليها ساكته
_________________________________
في الشقه
عمر فتح الباب و يسمع في حسي أنا. و الابله عالي خش علينا في الصالة
أنا مشيت نجري وحضنته ونبكي: قوللها اتروح معاش نبيها اتقريني
الابله بنفعال: اصلك انتي قليلة ادب
عمر بعدني عنه ووشاف لي الابله: ما تغلطيش
الابله: اهي قدامك و اسئلها شن امدايره
عمر شافلي: كنك شن درتي
أنا نحكي كيف لطفال وبدي في فمي : هي هي اتعيط عليا
عمر بعصبيه بس متمالك اعصابه: ريممم نحي يدك من فمك واتكلمي اكويس
أنا خفت ونحيت يدي ونحكي و نرعش: اتعيط عليا وكل وقت اتقولي يا هبله يا هبله وتمسك فيا من ودني
عمر بعصبيه و شاف لي الابله: في منه الكلام هضا جد اتمدي في يدك عليها
الابله بخوف: اااا امممم لا مش هكي بس هي وقت اتسكر راسه وما تقراش نمسكها من ودنها
أنا نبكي: لا كدابه عطيتيني كف تو
عمر بصدمه و يشوف لي الابله وبعصييه: نعمممم نعمممم
الابله خافت وقعدت تلكلك
عمر يعيط: عليها من انتي باش اتمدي يدك عليها ها قولي
الابله بخوف: هي تقلل في ادبها
عمر بعصبيه: ما دخلكش فيها أنا جايبك تقريها مش تربيها وبعدين حتي لو تقلل في ادبها كنتي كلمتيني أنا نتفاهم معاها كيف اتمدي يدك عليها
الابله: اصلن الحق فيا أنا يلي قبلت نقريها
عمر: بس علي مدت يدك ح تاخدي نص راتبك
الابله: ضلم هدا كيف هكي
عمر : اها ضلم اي
وخش لي الدار جاب 500 دينار وعطاها
عمر: تفضلي هي
الابله خدت شنطه: خززززي قليلة ادب و يدافع عليها
عمر بعصبيه: بررررا
أنا نشوف لي الابله و نطلعلها في لساني ونقهر فيها 😝😝
طلعت وعمر سكر الباب وراها و شافلي وانا درت وجه البريئ
انا🥺
عمر مسكني من يدي بعصبيه و قعمزني علي الكنبه : تعالي انتي هنا
عمر،،،،،
أنا حطيت يديا علي وحهي وبعياط:لااااا
....يتبع