❴🔢❵☟الــبـــــ❴4️⃣0️⃣❵ـــــــارت☟
مريضتي♥️
الكاتبه: نولي
الحلقه 40
عمر شاف لي اب احمد : كانك راجل الحقنا
وركب السياره و نطلق بسرعه خياليه مشا لي المزرعة و لز الحارص و سكر الباب بلقفل و نزل فتح شنطة السياره
عمر ماسكه من قميصه: انزل
أحمد يد علي خشمه: والله ما درتلها شي
عمر بعياط: انزززززززل
نزل أحمد و طاح تحت
عمر يشوفله برفعت حاجب: صبي
أحمد يبيكي : وربي الكعبه ما درتلها شي
عمر يعيط : صبببببي و انسند علي الساس
أحمد صبا و تما يوخر لين ما وصل لي الساس
عمر يديه في اجيوبه: كم عطيتها كف
أحمد منزل راسه و خايف: ما ضربتهاش
عمر يعطيه كف: نسااااال فييييك كممممم عطييييييتها كف ؟
أحمد يبكي: تلاته
عمر بعصبيه : اضربهن في 10
أحمد انصدم: ااا كيييف
عمر يعيط: اضربهن في ال 10 كم يطلعن
أحمد يمسح في الدم يلي من خشمه: 30
عمر ابتسم و عطا ضهره و فتح السياره نزل حبل و قرب من أحمد كانت في جديده طالعه من الساس ربطله يديه فيها و رقا اكمامه و بدا فيه اكفوف
أحمد يعيط وجه تما احمر: خلاااااص خلاااااص اسففففه واللله اسف
عمر بعياط: اسكت ينعن &&& اسكت
و رد يضرب فيه في اكفوف
أحمد يعيط علي امل حد ينقده
عمر يضرب فيه: عيط عيط امس وقت ريم تعيط شن قلتلها هاااااا شن قلتلها مش قلتلها مافيش من بيسمعك لكن انت اليوم وضعك غير ح يسمعوك ومافيش من ح يجي ينقدك
و كمل فيه ضرب
أحمد شبه داخ
عمر وقف بعد حس يده: كم هدوم
أحمد ببكا وكدب: 28 كف
عمر ضحك : عليا أنا هدينا 25
و ردي يضرب فيه و فعلن عطا تلاتين كف و كل ما يدكر ان ضرب ريم وكانت تترجاء فيه إيزيد ايقوي اخر شي كم و فكه و احمد طاح تحت
أحمد بترجي: خلاص اسف والله خلاص
عمر يفك في سير سراوله : اسكت
أحمد بد يعيط
عمر بعياط: اسكت يا &&&
و نحا سير سرواله و بدا فيه تجليد بل رحمه ولا فكر حتي لي دقيقه ان يوقف ولا يرحمه منظر ريم ميزال في راسه و بطنها يلي كلها حمرا وفيها اتر ضوافر و يهبل اكتر لي ان شافها هكي و كان ناوي يغتصبها لول رحمة ربي و هذي مش اول مره و ما حسش بروحه الا و السير متقطع
أحمد يبكي و يتنفس بي صعوبه: خلاص وراس اغلي ما عندك خلاص لك ساعتين تضرب فيا خلاص
عمر شاف لي السير لقاه متطع قبل بياخد عصا و يكمل عليه بس ادكر حاجه
أحمد يبيكي من الوجع
عمر يولع في الداخن: اسكت اسكت ولا خير من انكم عقابك اسسسسسكت
أحمد خاف و سكت
عن عمر ولع دخانه و قرب من أحمد
أحمد يعيط
عمر رفعله تيشيرته: كيف ما سيبن علآمه في بطنها ح نسيب علآمه في بطنك
أحمد بيهبل من العياط
عمر ياخد الدخان و يطفيه في بطنه
أحمد عيط عيط لي عند ما صوت بح قعد غافص
عمر خدا و ركبه في السياره وطلع بيه
________________________________
في المستشفي
بابا : تي وينه راجلك هضا كتبولك خروج خليه ايجي ايوقع
ماما : بس مزالت مريضه هي
بابا: هما ادر بي صحتها
أنا نشوفلهم و ساكته
بابا مشا نهائية الدار و اتصل بي عمر
عمر يسوق: الو
بابا: تي وينك يا راجل مراتك كتبولها خروج تعال وقع
عمر : عمي تم الموضوع انت و وقع انت و بعدها أنا نعطيك تو ما نقدرش انجي
بابا: تي شن هل الكلام يا راجل نعطيك ما نعطيك بنتي هذي نصرف عليها بدون كلام بس أنت وينك شن قاعد اديري
عمر: لا لمور طيبه نكمل يلي في يدي ونجيك
بابا: رد بالك يا عمر ما تتهورش راك تقعد في لحظه غضب و تقتله و تخلل في الحبوس وراك حوش و صغار و مسوليه
عمر يسوق: لالا كون هاني يا عمي المهم روح بيها لي الفيلا وانا العشيه انجي
بابا بعصبيه: عارفك تتهرب مني باش ما نسالك وتبي اتسكر المكالمه بس عليا الطلاق مش امسكر لين ما اتقولي شن قاعد اديري
عمر: ليش الحلفان بس يا عمي
بابا: احكي
عمر: نازل لي اطرابلس أنا
بابا: شن عندك فيها
عمر: معايه الكلب هداك صفيت احسابي معه في المزرعة و ماشي تو لي اطرابلس لي المركز نبي نحبسه ولد الحرام
بابا: حتي في الشرق في احبوس
عمر بعصييه: ماهو شفت الكلب بوه كان عميد و تو متقعد ومزال عنده معارفه في الحبس لو حبسته اهناك شن ح ينفع شهر وأكيد ح يطلعه بوه بي واسطه بس اهناك في اطرابلس ما عنداش شي ولا يعرف حد
بابا: والله طلعت اتفكر
عمر : هي سكر تو قدامي بوابه ريما ما تحكيلهاش
بابا: كون متريح
وسكر بابا
بابا قرب مني: هيا حنين جهزي بنتك ماشي نوقع علي ورق الخروج
ماما: ليش وين عمر
بابا: تو بعدين نحكيلك
و طلع بابا ونا ماما ساعدتني نلبس وكنت نبكي و خلاص نحس في بطني من زرته ليا مش حامله من يلمسها ولا حتي متحمله الملابس عليه طول ما أنا نتالم ماما تتحسب عليه لبستني عباية و وشاح و جاء بابا و طلعنا و كانو ح يشيلوني عندهم قعدت نبكي قلتلهم نبي شقتي و وصلنا بابا و نزلت أنا ماما ركبنا لي الشقه وبابا مشا ايجيب خوتي وانا خشيت لي دار النوم ورقدت علي السرير وماما طلعت اظم في الشقه اشويه ونسمعو في صوت الباب ماما فتحت
اعميمه بخوف: وينها ريم الحمدلله علي سلامتها
ماما: الله ايسلمك
اعميمه: والله من امس بعد قالي عمر شن صار وانا قلبي علي نار و كنت نبي انجي لي المستشفي بس قال لي السواق و عامر ما يشيلونيش
ماما ابتسمت: الحمدلله تو احسن
اعميمه: وينها
ماما: في دار النوم
خشت عليا اعميمه
اعميمه: لباس يا روحي انشالله هضا حد السؤ
أنا نمسح في ادموعي: انشالله
اعميمه حضنتني: اششش خلاص ما تبيكش حسبي الله فيه
أنا ببكا: نبي عمر عمر وينه
اعميمه: تريح انتي تو اكيده في العمل
أنا رقدت و اعميمه غطتني وطلعت اتهدرز مع ماما في الصالة اشويه جو خوتي و ماما دارت الغدا و أنا حطتلي بروحي كليت أشوي بس قعدت اتزر فيا باش نكمله قعدت نبكي و تصلت بي عمر قاللها سيبيها تو انجي انوكلها انا
________________________________
جت العشيه و روح هلي و قعدت اعميمه بس و رغد ما جتش شافتني اشويه جاء عمر اعميمه روحت وهو خشلي لي الدار
أنا نبي نصبي
عمر قرب مني: لالالا قعمزي حبيبتي اهو جيتك
أنا تميت نبكي
عمر قعمز جنبي و خداني في حضنه: اششش ليش البكاء تو
أنا في حضنه نبكي و نشهق
عمر ابتسم: لالالالالالا ما يصيرش منه الكلام هدا كنك
أنا: وينك وين كنت
عمر يحول في جمتي عن عيني: كان عندي موضوع ضروري تميته و جيتك
أنا: احمد وينه شن درت فيه
عمر تغيرن ملامحه: يما بنتي معاش اتجيبي سيرته
أنا: خايفه منه
عمر باس راسي: ما تخافيش معاش يقدر يقربك أنا يلي اسف الحق عليا مفروض ما سيبتك تمشي
أنا ببكا: نبي نور نبي نمشي
عمر: الدكتور قال لا الحركه مش ليك
أنا حطيت راسي علي.صدره: كنت خاطري انشوف الحفله
عمر: معليش تو اتشوفيها في الصور حتي أنا يوم كيف هكي مفروض نصبي مع يعقوب بس وجودي معاك اهم
أنا بسته في فمه و رديت حضنته
عمر ابتسم: نعليا أنا
و قرب مني يبي ايبوسني و حط يده علي بطني
أنا عيطت: ااااه
عمر بخوف: كنك ؟
أنا ببكا: بطني زريتني عليها
عمر تنهد و باس راسي: خلاص خلاص اسف
انا خشيت في حضنه
عمر نزل راسه و يشوفلي: علاش ما تغديتي
أنا بدلع: نبيك انت
عمر تنهد : انتي حامل ما يصيرش يا ريم
أنا سكتت
عمر: باهي بعدي أشوي انصبي انجيبلك اكل
أنا بعدت: شن جبتلي
عمر صبا: شاورما
و مشا جابلي الشاورما و عصير و كليت و شربت اميه و رقدت علي السرير
أنا حطيت يدي علي صدره و بطنه: هنا فيك شعر صح
عمر ابتسم و هزلي راسه: كيف عرفتي
أنا ببرائه: شفت الدكتور يلي عايني امس فاتح قميصه في شعر
عمر سكر يده في عصبيه وفي خاطره: باهي يا ولد && نتفاهم معاك بكرا باهي فاتحلها صدرك يا &&
أنا بطفوله: بحت أنا ما فياش
عمر ضحك: ماهو انتي بنت الراجل بس فيه
أنا ضحكت : به
عمر رفع روحه أشوي و حود الملايه عني و رفع اتيشيرت امتاعي و قعد يبحت في بطني و يعصر في وجه و يسكر علي يده بعصبيه
أنا حطيت يدي علي يده يلي علي بطني: ما توجعش فيا
عمر عارفني نكدب نزل قعد ايبوس في بطني اكتر من مره و طول ما رفع راسه
أنا بملل: اوووووف
عمر رفع راسه شافلي وضحك: كنك اتفافي غيره صح ها قولي غايره
أنا بغيره : وعلاش بنغار لا مليت بس
عمر بعدم تصديق: امممم مليت يا كدابه
أنا بعصبيه نزلت املايتي و تغطيت و عطيته ضهري: بنرقد
عمر: ههههه
قرب مني و حضني من لاورا و رقدنا
________________________________
عند يعقوب و نور
كملت الحفله و يعقوب خداها و طلعو و مشو لي الفندق
يعقوب فتح الباب: تفضلي
نور ابتسمت و خشت
يعقوب بسماطه: قوليلي شن عجباتك الشقه
انور تضحك: يعقووووب
يعقوب ضحك: كنك
نور: بلاش سماطه فندق هضا مش شقتنا
يعقوب: ههههه باهي خشي سمحيتي خشي غيري فيلوك
نور التفت : تمام
يعقوب ينحي في ساعته: انجي انساعدك
نور تلفتت و ابتسمت: كان احتجتلك تو اناديلك
يعقوب ابتسملها
و خشت نور لي الدار نحن فيلوها و لبست روبها و خشت توضت ومسحت مكياجها و لبست المصليه و طلعت
يعقوب صبا من الكنبه: ساااعه معقوله
نور نزلت راسها وضحكت: ماهو تعبني أشوي الفيلو و المكياج باش تنحا
يعقوب مسك يدها: تعالي حبيبي
و صلو و قراء يعقوب الدعاء
يعقوب: ربي ايقدرني و نسعدك
نور ابتسمت
و خشو لي الدار في الأول يعقوب مكانش يبي يقربها مش لي ان ما حبهاش ولا ميزال يفكر في خلود بس لي ان مشاعره متبعتره و متلخبط بس لعن الشيطان و قربها و ما حرمهاش من ليلة كيف هكي
بعد وقت
يعقوب باس راسها: مبروك علينا حبيبتي
نور تبكي: الله ايبارك فيك حبيبي
يعقوب حضنها وباس راسها: اشش ما تبكيش اسف
نور مسحت ادموعها و ابتسمت: لا عادي
يعقوب باس راسها: ربي ايخليك ليا
نور: حبيبي يا رريت اليوم ريم و عمر قدرو يحضرو فرحنا
يعقوب تنهد: يا ريت بس الله غالب
نور : والله ريم ما تتستاهل و منحرجه منها خوي أحمد الجد حقير والله منحرجه منها
يعقوب باس خدها: اسس ما دخلكش انتي بكرا احكي معاها و خوك خدا عقابه
نور: يستاهل،،، تصبح علي خير
يعقوب باس راسها: وانتي ابخير حبيبي
و رقدت نور و يعقوب قعد واعي يفكر أشوي وبعد قرب من نور قعد يقارن فيها بي خلود و دكر ان يوم قرب خلود كانت خبره بمعني الكلمه علي عكس نور يلي مش فاهمه شي و كملها يلوم في نفسه كيف قدرت تستغفله هكي و هي كلبه واطيه من البدايه
________________________________
في الشقه الساعه 12
كنا راقدين فجاة رن تلفون عمر
عمر عقد حواجبه: شن يبي مني عامر تو انشالله خير
عمر: الو عامر
اسامه: أنا اسامه يا عمر
عمر صبا منفجع: كنه عامر فيه حاجه اكويس
اسامه: اكويس بس امداير مشكله و ما قدرتش نحزه
عمر: مشكله شن و مع من
اسامه: تعال و نقولك
عمر: باهي باهي دزلي النعته في رساله
و سكر و مشا يلبس و نزل طياره و يحكي بينه و بين نفسه
عمر يسوق و يتمتم: مش ح يرحني الفرخ مش ح يريحني
________________________________
و وصل عمر و لقاء عامر يتعارك مع شيباني و واضح انه كبير في العمر 😂
عمر نزل من السياره و مسك عامر: هي هيي انت كنك
عامر: خليني يا راجل نتفاهم معه
عمر: تي سكر فمك الزح
الراجل: واللهي يا عمر كان ما نعرفاش را شكيت فيك جاي تهجم في وسط حوشي
عمر: معليش امسحها في وجهي
عامر: تي برا اشكي برا
عمر بعياط : عاااااامر
عامر بعد و يعدل في ملابسه وامعصب
عمر: سكر فمك يا فرخ و خلينا نتفاهمو و فهموني شن هي المشكلة
الارجل: والله حتي أنا مش فاهم
عمر: فهمني يا اسامه
اسامه ماكسه اضحك و يحكي: ماهو عامر يكلم في المحروص بنت الشيباني هضا
الراجل: شيباني في راسك
عمر: باهي كمل
اسامه مساك ضحكته: و امس مسكها تحكي مع عامر و ضربها و عامر عصب كيف ضربها و جاي ايعارك
الراجل: بالله شوف يا عمر خوك و عينه الصاحه شوف مصح وجه جاي يعارك فيا علي بنتي
عمر: سامحنا يا عمي احسين مراهقه شباب امسحها في وحهي
عامر بعصبيه: كيف يضربها و يشحطها ها كيف يضربها
عمر: تي انت شن دخلك البنت بنته
عامر بنفعال: وانا حبيبتي اليل كلها كملتها تبكي علاش ضاربها
عمي احسين: سكر فمك وانت كان خايف عليها من الضرب علاش تحكي معاها بتلفون تعاللها من الباب
عامر: جايها اها جايها و بنتحوزها و بنخلصها من ضلمك
اسامه ميت ضحك
( داير فيها ادرامه هنديه 😂)
عمي احسين: انشوفو من بيجوزها لك
عامر جا بيحكي
عمر بعياط: خلاص خلاص الزح تحرك اركب السياره
عامر: تي بس ضربها و
عمر بعياط: عامر تحرك
عمر ركب السياره وهو امعصب
عمر قرب من عمي احسين وباس راسهة: سامحنا يا باتي ما تعدلش عليه مراهق
عمي احسين: الله ايربحك انت مش كيفه وكانه كل واحد بي اب
عمر: هههههه هي تصبح علي خير
و ركب السياره و طريق كلها يهزب في عامر
________________________________
عمر وقف السياره
عمر: والله ما شفتش حد ابرد و احقر منك مصح الله وجهك البنت بنته وجاي تفاصح فيه كيف ضربها
عامر: تي حبيبتي الزح
عمر: سكر فمك ينعن&&& وانزل
نزل عامر و هو امعصب
عمر لحقه: اسمع
عامر: نعم
عمر قرب منه وقعد يشم في ريحته
عامر خايف
عمر بعصبيه: امدخن صح امدخن ينعن &&&&
عامر: والله اليوم بس بعد عصبت دخنت
عمر بعصبيه: جيب مفتاح السياره
عامر: بس
عمر بعياط: جيييب قتلك
عامر عطاه المفتاح
عمر بعصبيه: زيد يا حيوووان اليوم دخان بكرا حشيش يلي بعده مخدرات من اليوم مافيش سياره لين ما تعتدل
عامر معصب و منزل راسه ما يقدرش يرد عليه
عمر: ومن بكرا بتمشي اتجدد قيدك في الجامعة فاهم
عامر: لا ما نبيش نقرا لقرايا لي الصبايا مش لرجاله عندي شقه و عندي سياره و فلوس
عمر بعياط: فكني من تفكير ال&& من بكرا ح تمشي تجدد قيدك و غصبن عنك و.تحرك ارقي لي دارك
عامر رقا و هو امعصب
عمر: استغفرالله بيجيب اخرتي
و رقا لي الشقه
( حتي عمر يدخن بس يبي خوه احسن منه❤️)
....يتبع
عارفه قصيره بس والله مريضه و نكتب