❴🔢❵☟الــبـــــ❴3️⃣9️⃣❵ـــــــارت☟
مريضتي♥️
الكاتبه: نولي
الحلقه 39
فجاة حد مسكني من يدي وحط يده علي فمي و دخلني لي المخزن وانا انعيط بس صوت مافيش صوت قعدت نبكي لوحني في لمخزن واشويه وطحت علي بطني بس ربي ستر ورفعت راسي و شفته
أنا بصدمه: احممممممد
أحمد يضحك : اها يا روحي أحمد كابوسك الحلو يا حلوه
أنا نبكي: شن تبي مني ااا انخاف منك ااا انااا
أحمد طبس عليا و يشوف في جسمي و صدري و مبتسم بستحقار و مشا يده علي وجهي: مشالله محلوه بكل بعد حمل
أنا نزلت يده من علي وجهي: حول يدك
أحمد يرفع يده و يعطيني كف بكل قوته
أنا قعدت نتوجع ونبكي
أحمد مسكني من شعري: سكري فمك يا &&&
أنا نبكي: بعد عني بعد ماااماااا عمر وينكم
أحمد: لو تنكلبي و تجنحي مافيش من بيسمعك يا بيبي صوت المسجله واصل لي اخر الشارع و المخزن مهجور من بيجي هنا يعني
أنا نبكي: نكرهك نكرهك يا حيوان انشالله اتموت حقير
أحمد يعطيني كف تاني ويمسكني من شعري: سكري فمك يا&&& وتو نوريك شن معني تسيبي أحمد و تمشي تتجوزي من هداك الكلب
أنا نبكي و جهي حمر و نحس في شعري: نن نحييي يييدك عن شعرررري ااااه
أحمد بحقاره: ما شفتي شي من ال آه يا روحي ح نشبع منك اليوم شبع
أنا قعدت نبكي بصوت عالي
أحمد مسك فمي بيده: سكري فمك يا حيوووانه اسكتي ولا اقسم بالله نقتلك هنا
أنا خفت و حطيت يدي علي.فمي و قعدت نكتم في بكيتي و ندعي في خاطري ايجي عمر
أحمد صبا و نحا التيشيرت امتاعه و قعد عريان من فوق
أنا خفت و صبيت نبي نهرب
أحمد مسكني مني يدي: وين وين يا حلوه مافيش اطلوع قبل لا نشبع منك
أنا ببكا: سس سيبني الله الله اي ايرببببحك سيبنننني انا اناااااا حااااامل
أحمد ابتسم بخبت: ابرافو يا ريم دكرتيني كنت ناسي شن بديري لي ولدك بس تو دكرتين لازم نبدا بي كلب عمر يلي في بطنك قبل
أنا نبكي و حطيت يدي علي بطني: لالا لاااا وراسك لاااا
أحمد بحركه سريعه حول يدي عن بطني و دفني علي الساس و لصقني فيه و مسك يديا بيد وحده رقاهم فوق و اليد لخرا مسك بيها بطني و قعد يزر (يضغط) فيها وانا نبكي ونتالم كانت بطني مش كبيره واجد بحكم أنا في الخامس
أنا نبكي و نعيط نحس بالم رهيب: امممممم آه لالا حرام عليك بطل اممممممم
أحمد يضحك: اسكتي عشان معاش تتصيعي مع راجلك و تحملي منه ومش ح نتريح لين ما انزله ليك
أنا نبكي ونتالم: لالا وراسك نبي بيبي لااا
أحمد يزر في بطني و يضحك
________________________________
عند عمر
في المزرعة هو و صحابه يحلقو في يعقوب و مدايرين اشوايات و جو و سهر و يعقوب يحلق و صحابه يشفطو عليه
الحلاق: اتبت يا راجل
يعقوب يضحك: هو هدوم سيبو فيا عقل عشان نتبت
اصحابه: ههههه
أما عمر كان سارح و يدخن و قلبه ناغزه و حاس ان في شي
صاحبه: اوووي
عمر شافله و نفخ ادخان: انعم
صاحبه: وين سارح
عمر: لا لمور طيبه
صاحبه شرب الشاهي: دوم
عمر صبا: نستادن يا جماعه
يعقوب : كنك
اصحابه: تعشا يا راجل
عمر: والله انحس في راسي مش تمام و ماشي انجيب اصغاري و مروح انتكها نوم
اصحابه: مروبحه
عمر خدا دخانه: تصبحو علي خير
و ركب سيارته و مشا و الطريق كلها حاط يده علي قلبه و ناغزه مش متريح
________________________________
ماما كانت ترقص جت و قعمزت جنب رنيم
ماما: وين اختك
رنيم و عينها في التلفون: هوينها يا ماما
ماما خدت منها التلفون: وقت نحكي معاك شوفيلي هنا و بعدين ما نقصدش روان قصدي ريم
رنيم: ماما ما ندريش عنها قالت انخنقت من ريحه البخور و طلعت لجنان
ماما: حي قصدك من بدري ما خشتش تي ليها ساعه حي وين مشت
رنيم: نعرفش نطلع نشوفها في الجنان
ماما : لالا قعمزي انتي تو أنا انشوفها ديري بالك من روان و ياسين
رنيم: به
و صبت ماما طلعت لي الجنان
ماما: ريما رييييم وينك
_________________________________
عندي انا
طول ما أحمد يزر في بطني وانا نحس في الم رهيب في الاخير ما قدرتش نتحمل اكتر رفعت راسي و غضبت ادراعه يلي ماسك بيها يديا و هربت شور الباب وقعدت نخبط بقوه
أحمد: اخخخخ يا بنت ال&&& ينعن &&&&
أنا نبكي ونتوجع و نخبط علي الباب: ماماااا عمرررر حد فيكم ينقدني
أحمد مسكني وبعدني عن الباب و يعطيني كف لي عند انجي طايحه و كانت في طنجره طحت عليها علي راسي فقدت الوعي
أحمد مصدوم و يشوفلي
ماما برا: ريممم انتي وين
أحمد ياخد التيشيرت امتاعه و يطلع يجري
___________________________________
ماما حست في صوت مشت تجري شور المخزن و شافتني تمت اتعيط
ماما رفعت راسي حطاته عليها: ريمااا بنتي ريم يا روحي من دار فيك هكي وووووه عليا
ماما تبكي: حبيبتي اوعي يا روحي حي عليا راسك دم حي
ماما بعايط: حد ايجيني حد ينقد بنتي يضيع مني ووووه علييياااا
الناس سمعت و خلاتي سمعن كلهن طلعن
خالتي غاده: حي كنها البنت
خالتي سعاد بشك: من كاين مع بنتك من امدخله لي الحوش بنتك الواطيه
ماما ببكا: سكري فمك انتي وياها خلاص ياسر ما سكتلكن بنتي اشرف منكن
رنيم و روان حضنات بعضهن و يبكن
ماما تبكي: رنيم اتصلي بي باتك ولا عمر ابسرعه اختك ضاعت منا حي عليا
رنيم من الخوف نست رمز التلفون
رنيم تبكي: يا ماما نسيت الرموش نسيت
ماما بعياط: كيف نسيتي كيف
رنيم بتحكي سمعت صوت سياره درست جنب الحوش
_________________________________
عند عمر
من وقت يلي حطيت ريم حوش خالتها وانا مش مرتاح بكل قلبي كانه نار والعه فيه و حاس بنتي بخطر هي صغيره ما تعرفش تتهتم بنفسها اكويس في الاخير سيبت اصحابي في المزرعة و جيت وطول الطريق وانا خايف و ندعي انها اتكون ابخير وصلت و خشيت ونسمع في حس اعياط كرعيا معاش شالوني تشجعت و خشيت شفت الصبايا متجمعات جنب المخزن
عمر : بست روان بنتي تعالي هنا
روان جاته وتبكي
عمر مسح ادموعه و شالها: تؤتؤ كنك تبكي شن في
روان ببكا: ريما ماتت
عمر ادم وقف في العروقه و نزلها و جاته رنيم
رنيم تبكي: عمر تعال ريم دايخه
عمر خش يجري و صبايا كلهن طلعن قعدت ماما بس
عمر منصدم ويعيط: كنها كنها من جاء شورها
ماما تبكي: والله ما ندري اسعفها مش وقته الكلام تو
عمر شاف لي رنيم: جيبيلي عبايتها ابسرعه ابسرعه
رنيم جابت عبايتي عمر لبسها ليا و ركبني السياره مشت معانا ماما و يجري طياره
ماما خايفه: عمر خفف سرعه أشوي البنت حامل مش ليها
عمر مستم يجري
وصلت لي المستشفي و شلتها بين يديا و دخلوها اسعاف وانا ماشي جاي
عمر يخبط يده علي الساس: من قربها من قربها من جاء شورها
ماما تبكي: اهدا اهدا سادني يلي فيا المستشفي كلهم يشوفو فيك
عمر يمشي و يجي في الممر و يده دم: بنهبل أنا بنهبل
بابا جاء
بابا: شن صار طمنوني
ماما: مازل ما طلع الدكتور
عمر يخبط علي باب: هياا الزح سنه عندها شن ادير انت اطلع &&&
بابا مسكه من يده و بعده عن الباب:تي اسكت يا راجل فضحتنا الزح تو يطلع كنك
الممرضه طلعت: شن في
عمر برفعت حاجب: شن شن فيه كنكم طولتو معاها شن اديرولها ساعه الزح ساعه
الممرضه: نحن ما نلعبوش اصبر
عمر رفع يده و برم: تي بري ملحي
بابا: اهدا يا راجل كنك
ماما شافت لي الممرضه: اسفه سامحينا خايف علي مراته بس
الممرضه تلفتت و خشت
بعد نص ساعه طلع الدكتور
عمر: ها شن صار طمنا
الدكتور تنهد: شن صاير في البنت بس
ماما: ليش كنها
الدكتور: شكلها محصله طيحه ولا حد دفها وطايحه علي حاجه المهم راسها مفتوح من لاور وقفت النزيف و خيطتلها الجرح
عمر بخوف: البيبي
الدكتور: شاف لي الدكتوره الباقي عندها ومشا
الدكتوره: البيبي قاعد و الحمدلله صحته اكويس بس قريب خصرنا و بطنها مش طبيعيه حمرا را مش عارفه كنها وقت توعي ح نعرفو منها إذا طاحت عليها ولا شي
ماما: الحمدلله يا ربي
عمر تنهد براحه وعيونه دمعو و قعد يحمد في ربي
بابا: الحمدلله الحمدلله
عمر: باهي امتي توعي
الدكتوره: ممكن لي الصبح نستادنكم أنا ومشت
عمر: عمي روحو أنتم الصبح تعالو
ماما: لالا نبي نقعد مع بنتي
عمر: أنا معاها ما تخافيش
بابا: هيا يا وليه و ياسين في الحوش من بيهتم بيه
ماما صبت: بالله يا عمر كل أشوي طمني عليها
عمر: حاضر
بابا: هيا نتلاقو الصبح
و روحو هلي وعمر توضاء و صلا ركعتين شكر لي ربي و خش عندي لي الغرفه وقعمز جنبي علي الكرسي
عمر رفع يدي و باسها و عيونه امدمعات: فيا ولا فيك يا عمري فيا ولا فيك
عمر قرب مني و رفعلي التيشرت و نصدم بي بطني كيف كلها حمر وفيها اتر ضوافر
عمر سكر يده بعصبيه و صبا وقعد ماشي جاي في الدار و يسب و يلعن ويحلف ان ح يقتل يلي دار هكي
________________________________
الصبح
فتحت اعيوني و شفت عمر قدامي
أنا بصوت واطي: اميه نبي اميييه
عمر قرب مني وباس يدي: وعيتي حبيبي
أنا بصوت واطي: اميه
عمر: حاضر يا روحي حاضر
و صبا و جابلي اميه و شربني ورد رقدني
عمر بكسره: بنتي من دار فيك هكي بالله قوليلي
أنا قعدت نبكي بصوت عالي: ما تخليش يقربني ما تخليش نخاف منه أنا نكرهك ما تخليش
عمر : اششششش اهذي حبيبتي أنا معاك
أنا نبكي: خليك ما تسيبنيش
عمر باس يدي: من دار فيك هكي ريم قوليلي
أنا نبكي
عمر: جاوبين يا ريم طمني قلبي من لاعب في وجهك و كنها بطنك حمر من قربها
أنا نبكي: ااا احممممد زرني عليها
عمر بصدمه: شن ؟؟ مش محبوس الكلب هداك
أنا نبكي ونهز في راسي
عمر سكر يديه بعصبيه: احكيلي من لول
أنا بديت نحكيله ونبكي من لم طلت نشم هوا لين ما طحت
عمر صبا و بعصبيه: قربك؟
أنا نبكي: لا والله لا
عمر عطاني ظهر
أنا نبكي: عمر وين ماشي عمر خليك
عمر بدون ما ايرد عليا طلع
أنا قعدت نبكي و نعيط خشت الممرضه عطتني مهدا و اتصلت بي ماما اقل من ساعه كانت معايه هي و بابا
ماما: تبكي حسبي الله ونعم الوكيل فيه حسبي الله ونعم الوكيل فيه مش كاان محبوس
بابا بعصبيه: والله المرا اهيا حتي كان عمر قتله مش حاز عليه الكلب الرخيص
أنا نبكي
ماما حضنتني: اششش حبييبتي اشش
أنا نبكي: بطني توجع فيا يا ماما
بابا: كنها بطنك
أنا: أحمد زرني عليها
________________________________
عند عمر
في السياره ماشي شور أحمد و يسب
عمر بعياط ويخبط في دومان السياره: أنا مراتي تنضرب مرات عمر قدر حد يوصلها
وصل حوش اخويله وقعد يخبط بقوه طلعله اب أحمد
اب احمد: كنك هكي اتخبط شن في اليوم دخلت بنتي جاي تخرب فرحتها
عمر دفه: قولي وين ولدك الكلب ولا اقسم بالله نبدا بيك
اب احمد بخوف: اممم محبوس شن تبي فيه
عمر بعياط: علي من اتكدب انت يا&&& قولي وين ولدك
اب احمد بخوف: صح امس طلع هو محكوم عليه خمس اشهور بس درتله واسطه و طلعته علي اربع اشهور علي خاطر عرس أخته
عمر بعصييه: أنا ما دخلنيش في سناريو حياتك ولدك الكلب يلي متخبي جو طلعه ليا خير من انهد الحوش عليكم
خش اب احمد يجري و طلع أحمد
أحمد بخوف: ما درت شي والله ما قربتها ولا نندري علي شي والله مضلوم يا أحمد أنا طلعت علي خاطر عرس اختي بس
عمر يعطيه بكس علي خشمه لي درجت خشمه انكسر
أحمد يتالم بشكل مش طبيعي لي ان خشمه انكسر
عمر مسكه من رقبته و حطه في الشنطه السياره واحمد يعيط
عمر شاف لي اب احمد : كانك راجل الحقنا
وركب السياره و نطلق بسرعه خياليه
....يتبع