❴🔢❵☟الــبـــــ❴3️⃣8️⃣❵ـــــــارت☟
مريضتي♥️
الكاتبه : نولي
الحلقه 38
الساعه 8 ليل
عمر كان مقعمز في جنان الفيلا ويدخن ومتعصب وكل ما يدكر ان ريم كانت يتحضن ايمن و متاكد من نفسه كان حضناته را ضربها و عدم ايمن أشويه شاف ساعته و تدكر ان حابسها ساعتين و خاف اتكون دارتها تحتها ولا جاعت طفاء الدخان ورقا وفتح بابا الشقه و خش و فتح عليها الباب
عمر بعد فتحت عليها الباب لقيتها صقعانه خاشه في بعضها و ضامه رجليها لي صدرها و منزله راسها و جعتني بس ما بينتش
عمر فتح الباب: تعالي
أنا هزيت ياسي بي لا
عمر قرب مني وقعد مصبي و يبحت فيا : كنك دايرتها تحتك ؟
أنا هزيت ياسي بي لا
عمر برفعه حاجب: تعالي خودي دواك و كولي حاجه
و طلع وانا لحقته نمشي في جرته خشينا المطبخ قعمزت علي الكرسي هو صبا علي الات التست يبي ايديرلي تست أنا صبيت من كرسي و حصنته من خلفه بقوه
عمر تنهد كان يبي يبعدها بس عارف و فاهم انها تتوحم عليه ومهما يديرلها مش ح تزعل منه حتي كان ضربها يعني يفهمها شن دارت بهدو احسن
أنا نبكي و نشهق: اا اسفه
عمر تلفت عليا و حضني لين ما ارتفعت من آلأرض و قعد يبوس في رقبتي و ساكت بعد وقت نزلني و قعمز علي الكرسي و حطني في كترة
عمر بصوت واطي: علاش درتي هكي
أنا نحكي بصوت طفولي و مشبكه يديا في بعض و نحرك في صوابعي: كان خاطيي " خاطري: فيها
عمر تنهد: شن نقصت عليك أنا يا ريما ها مش كل حاجه تبيها انجيبها لك علاش ما قلتيلي في الصبح را جبتلك
أنا علي نفس الوضع: في الصبح ما خطييش " خطريش" فيها العشيه خاطي " خاطري "فيها
عمر زراته ضحكته علي تصرفتها بس كمتها: باهي ارفعي راسك
أنا منزله راسي: لا
عمر مسك ضحكته: علاش كنك
أنا: لانك قاين " قارن" حواجبك نخاف منك هكي
عمر معاش قدر وضحك: ههههههه صار اتخافي يا شينه كان اتخافي راك ما ديريش هكي
أنا ابتسمت و رفعت راسي و شفتله: نمشو لي الملاهي
عمر: ملاهي عينك في هل الليل و الصقع
أنا كشيت " كشرت": بارد انت ما متشيلش فيا ديما ميه ميه "مر مر: ما بس
عمر ضحك بصوت عالي : شن قلتي عاودي عاودي
أنا ببرائه: ما تشيلش فيا
عمر يضحك: لا يلي بعدها
أنا بعبط: ديما
عمر : يلي بعدها حبي
أنا بعصبيه: ميه ميه
عمر ضحك بصوت عالي و باس وعض خدي: نعليا من ميه ميه
أنا مسحت مكان عضته: هيا اني جعانه ديلي " ديرلي" مكيونه هيااا
عمر ضحك: تي مش وقتها تو ال مكرونه
أنا بزعل: وقت شن
عمر صبا وانا في كتره: تو نقولك وقت شن و غمزلي
خشينا ادر حطني علي السرير نزل عليا و رحنا في خبر كان ♥️
_______________________________
الصبح الساعه 8
وعيت وقعدت اندور علي عمر خشيت لي المطبخ لقيته ايدير في الفطور ( من بعد حملت وهو امدلعني و ما يبينيش اندير شي ❤️)
عمر ابتسم: صح النوم
أنا نتاوب و نحك في اعيوني
عمر غراته قرب وقعد يبوس فيها في فمها اكتر من مره وبعد
عمر: ماصليتيش صح
أنا هزيت ياسي بي اها
عمر: هيا سلم بنتي خودي دبش امشي دوشي و صلي و تعالي باش نفطرو
أنا نحك في اعيوني و شاورتله علي الجبنه
عمر ضحك و حطلي أشوي جبنه في فمي: عارفك جبون انتي يا فاره هههههه
أنا ناكل و ضحكت
عمر: هيا بري امشي نظمي امورك
أنا هزيت راسي و طلعت من المطبخ خشيت دوشت و طلعت دهنت جسمي بلوشن لبست توته لونها أصفر فرو دافيه و جففت شعري و صليت و حودت المصليه رشيت عطر و جيت لي عمر في المطبخ
أنا قعدت انلف: كمللللللت
عمر ضحك ومسكني من يدي و قفني: ههههه شن اتلفي يا هبله تو اطيحي
أنا خشيت في حضنه و بكدب: حي عليا حي عليا دخت ايفعني ايفعني " ارفعني"
عمر يضحك: ريما من علمك الكدب و التمتيل ها يا كدابه: اسكتي و قعمزي مكانك
أنا ضحكت و قعمزت علي الكرسي وهو قعمز و قعدنا نفطرو
عمر: بكرا عندك موعد عند الدكتوره
أنا: بارده نبيش نمشي
عمر: عيييب
انا: مش ح نمشي باردة وشينه
عمر بعصبيه: تساهلت معاكي واجد ح تمشي غصبن عنك و طولت السان تو نتفاهم معاكي عليها
أنا خفت منه نزلت راسي وكمت فطور ووكنت ناكل ابسرعه
عمر بعصبيه و خبط يده علي الطاولة: ريمممم
أنا خفت و عيوني دموعو
عمر بعصبيه: كولي بشويه وعلي مهلك و بي ادب شن الماكله هذي
أنا مسحت ادموعي ونحكي كيف الصغار: كنت جيعانه بس امس رقدت بدون عشاء و نزلت راسي
عمر و جعاته تدكر فعلن ان امس كانت جعانه بكل بس لوله يلي صار را طلب عشاء وبعدها هي رقدت طول
عمر ابتسملي: ولو يا عمري بس كولي بشوي هكي الادب و راك اتغصي
أنا ابتسمت: به
و كملنا فطور و حطيت المواعين في غسالة صحون و عمر صبا
أنا صبيت ورفعت رسي نشوفله بحكم طوله وبصوت بيبي: وين ماشي
عمر طبس و باس فمي : ماشي لي المستشفي يا روحي
أنا بصوت بيبي و عيوني عبو ادموع : نمشي معاك🥺
عمر: تؤتؤتؤ تو علاش دموع بس عرفتني يا روحي ما نتحملهن
وقعد يمسحلي و ساكت
أنا: ها نمشي معاك
عمر بسياسه وصوت واطي: حبيبي هضا مش مكان اصغار كيف بنشيلك
أنا بترجي و ماكسه يده: و ياسك وياسك ما نديش " نديرش" شي نقعد مادبه
عمر وجعاته ما يحبهاش تترجي حد حتي لو كان هو: بس يا روحي أنا ما نقدرش نشيلك
أنا ماكسه يده و عيوني ادموع ورافعه راسي نشوفله: علاش
عمر: المدير يضربني يا روحي
أنا ببرائه: حتي انت اضيبه
عمر ضحك: ههههه بنتي وعد وقت أنجي نشيلك ندهورك و نرفعك حتي لي هلك
أنا طلقت يده و قعدت نبكي بصوت عالي : لا لا نبي نمشي لاااااا
عمر: لا حول ولا قوه الا بالله
أنا نبكي: والله والله ما نديش شي و نسمع كلامك و ما نديش الشطانه
عمر : اس يا روحي اس
أنا نبكي بصوت عالي: نبيش نقعد ابيوحي انخاف أنا ما نبيش نحبك أنا
عمر لا عرف يضحك علي تصرفاته و لا توجعه لي ان وحمها عليه
ريم حست أنا بيحن زادت في البكاء
ريم ببكاء امتاع شطانه و عناد: نبي نمشييييي
( أنا و انتن العبيطات🙂)
عمر بنجعاز من صوتها العالي: باهي باهي خلاص اسكتي
أنا مسحت ادموعي: بتشيلني
عمر بقلت حيله و عصبيه: تحركي امشي غيري ملابسك
أنا ضحكت: يس
و مشيت نجري لي دار النوم و لحقني عمر لبسني سروال امريكي و فنيلة و فوقها جبوطي ( كبوط) و وشاح اسود و كويس اسود
عمر بدون نيه: هاكي البسي الكمامه
أنا خديت لبستها وضحكت
عمر منقهر: فرحانه عاد😒
أنا ببتسامه: اها
عمر: هيا قدامي بل طولت السان
وطلعنا و ركبنا السياره ومشينا لي المستشفي
________________________________
حوش هلي
الكل علي سفرة الفطور
بابا: هيا رنيم و امين خفو ارواحكم تو تتاخرو علي المدرسة
رنيم صبت: شبعت أنا
ماما اترضع في ياسين: صح ماما
رنيم: بابا عطيني نسخنلك السياره
امين: مزال غير اتقولي تو انطلعها من القاراج😒
رنيم: ننننننن يا بابا اصلن السياره برا القارج وقت انت راقد يا حبي مشاء بابا جاب الخبزه 😒
امين: خلاص فهمنا ادلي فيا علي نومتي حتي انتي وقت بابا جاب الخبزه في سابع نومه
رنيم بتحكي قص عليها بابا
بابا بعياط: خلاص انت و ياها وانتم ديما انقار و نقير وانتي هاكي المفتاح اطلعي سخنيها
رنيم خدت المفتاح و طلعت السانها لي امين و طلعت
طلعت و لقت حبيبيها جارها يلي هو اصلن من عمرها و يقرا معاها في نفس الفصل حب اصغار😂 و بدل ما اتسخن السياره اتكت عليها وقعدت تتامل فيه و هو نفس الشي يشوفلها و يتبسم و ما حسوش حتي بي الصقع طلع بابا و شافهم كيف يتاملو في بعض
بابا بعياط: باهي يا تميم ولد احسين باهي يا حيوان
العيل خاف و خش يجري لي حوشهم هههه
رنيم جمدت في مكانها وقعدت ترعش
بابا بعياط: تعالي جاي يا بنت الكلب وانا انقول علاش ديما تبي اتسخني السياره
رنيم خافت وخشت لي الحوش تجري وبابا وراها هههههههه
________________________________
في المستشفي
خشيت مع عمر و طبعن مش غريب عليا المستشفي بحكم كنت نجيه من قبل و نتعالج عند عمر و كان المستشفي معبي شباب وعمر ماسك يدي و مدخلني فيه كانه مايبيش حد يحقني و صلنا لي غرفته و خشيت
أنا : حييي علاش غيرت نضامها و زواقها
عمر قعمز علي الكرسي: اهو تغيرت جو و نفسية
أنا خديت قلم الصبورة و عنده صبوره صغيره قعدت نرسم عليها
عمر: بديناااا🙂
أنا ضحكت
عمر: مش قلتي ما بديريش شطانه
أنا: تو هذي شطانه😕
عمر صبا و نحا الصبورة من الساس و عطاها ليا : بري ارسمي عليها اهناك مش هنا بند ناخد حالات و مانبيش حس فاهمه
أنا : بعيد السيي " السرير" اهناك بنقعد جنبك
عمر: ريماااا را انروح بيك
أنا: لالا خلاص
و مشيت قعمزت علي السرير و بديت نرسم علي الصبوره ( ريم عندها موهبة الرسم) و عمر يشتغل ومنزل راسه في الورق أنا بعد أشوي صبيت ومشيتله
عمر وهو امنزل راسه في الورق: ردي مكانك
أنا: نبي ويقه " ورقه" ما سعدتنيش الصبويه
عمر تنهد وفتح الدرج و عطاني ورقة رسم و قلم رصاص و مساحه و برايه
أنا: فيش ألوان
عمر بعصبه و ضاغط علي اسنونه: ريمممممما
أنا بخوف: خلاص خلاص نبيش شي
عمر بجديه: اتجيني مره اخر انروح بيك
أنا مشيت نجري و قعمزت علي السرير و بديت نرسم
و بدن الحالات يجو وعمر يطول مع كل حاله و أنا كملتها رسم و تبربيش و قت انمل انصبي نشوف من الروشن وعمر يبدا يفنص فيا و ما يقدرش يعيط بحكم الحاله يلي معه ف يكتفي بي التفنيص وانا مش امدوره
( كيف المتل يلي يقول انحق و ما انطق😂)
كملو الحالات و طلعت اخر حاله
عمر صبا من الكرسي و يلم في دخانه و مفتاحه و تلفونه: باهي يا شينه به معاش انجيبك
أنا : علاش
عمر: ما تتريحي وترتيني مره علي الروشن ومره اتغني و مره تاكلي و كيف اتجيب اوكال معاك لي المستشفي في الشنطه ها
أنا: شبس بس
عمر يمسح في المكتب: تو نحرمها عليك هل الشبس
أنا: لااااا
عمر: اسكتي
أنا: شوف شن يسمت " رسمت"
كنت راسمه اسد و ولده في مزرعه كلها خضاره و كنت تاقنته بشكل كبير يبانو كانهم مصبين علي الورقه الاسود و الشجر وكل شي
عمر بندهاش: ريم انتي راسمتها
أنا: اها والله أنا
عمر باعجب: مشالله حبيبي متقونه الرسمه بكل والاسد كانه حقيقي تي هذي مش رسمه هذي صوره و الشجر و سماء كله حلو الله أكبر علي بنتي
أنا: أنا عندي موهبة في الرسم بس مافيش من مقدرها
عمر: وعد بس تولدي اندخلك في أكبر مرسم فيك يا ليبيا
أنا ابتسمت: به تو بعد انروح نلونها
و طلعنا ركبنا سياره و عمر حركها
عمر: شن ناقص خضره ولا فواكه انجيبهم لي العزومه بعدين
أنا : امممم فلفل كملت و بطاطه حتي هي و فواكه مافيش شي غير تفاح
عمر : لحم و دجاج في
أنا: اها
ووصف عمر علي الخضراء وخدا و خداة فواكه و تكا علي المطعم جاب غدا روحنا تغدينا و رقدت في حضنه وعيت العشية كلمت حنان ترقي اتصلح معايه و درنا بيتزا و دجاج و عصبان دراته حنان و بوريك و حلو و ادن المغرب كملنا وجاء راجلها روحت و اشويه و جو عمر و يعقوب وقعمزو في المربوعة
يعقوب: ها شن قايم بيا القدر ولا مكرونه بس
عمر يضحك: يلقنك&& اي مكرونه بس
يعقوب ضحك: انصبي انروح امالاه
عمر: ههههه
يعقوب حدا الدخان من جيبه : هل مسموح التدخين في منزلك يا صاح ؟
عمر: لالا فوته يا راجل المرا حامل مش اكويس ليها كان شماته
يعقوب حط الدخان و غمزله: ومن حملها 😉
عمر: ههههه تي بري &&& يا &&&&
يعقوب يضحك
عمر: برو تعرف اعلاش عزمتك
يعقوب: لي ان صاحبك
عمر: ياسر سماطه يا راجل
يعقوب: هههه باهي احكي
عمر: عزمنا حتي نور لو فاكرها
يعقوب في خاطرها: هو أنا قدرت ننساها باش نتفكرها
يعقوب: علاش
عمر: ح تتعرفو علي بعض ومش برضاكم غصبن عنكم وح تعطو روحكم فرصه
يعقوب : بس يا عمر
عمر: بدون بسبسه
يعقوب زل راسه: والله ما نسيتها
عمر : نور ح تنسيها لك صدقني
يعقوب تنهد: يلي فيه الخيره ربي يقدمها انشالله
عمر ابتسم: انشالله
و كملو هدرزه و اشويه طق الباب و صبا عمر فتح لي نور و دخلها جو هدرزت أنا وياها و تعشينا و عمر تعشاء هو ويعقوب و كلينا الحلو بعدها خش عمر علينا لقاني مزلت ناكل في الكيكه و الفواكه و جنبي فازو شكلاته
عمر شافلي وضحك و شاف لي نور: هذي مزالت تاكل
نور ضحكت: اها وتو صبت جابت شكلاته ووكملتها
نا ناكل: حدش دخله فيا
عمر بجديه: اس وانتي سانك رايح طاول
نور: هههههههه
أنا ناكل في موز و نوتيلا: حبيبي حبيبي أنا شاطيه " شاطره" ما قلتش لي نوي شن علي خطتنا يلي امس
عمر يفنص و يعض في شاربه اتحتي يبيها تسكت خاف تفضحه
نور ضحكت
عمر: احم نور قتلك
نور: نعم
عمر: والله مش عارف كيف نحكي بس يعقوب صاحبي معجب بيك ويبي يتعرف عليك عارفك أنا مش امتاع الدوة هذي وصدقيني حتي هو راجل و بي مية راجل ما تفكريش في ان مطلق وح يرد طليقته في يوم لالا مستحيل يردها لي ان مسكها في قضية شرف اتخون فيه في حوشه
نور تبحت بي صدمه
عمر:اها عشان هكي هو شافك و عرفك بنت ناس و حاب يتعرف عليك قبل لا تعترص قعمزي معه و تفاهمو بعدها ساهله
نور ابتسمت و نزلت راسها بي خجل و قالت: تمام
عمر ابتسم وصبا: تفضلي معايه
و طلعو عمر و نور وخشت لي المربوعه و عمر قعمز دقيقتين و جاني
عمر خدا فازو الشكلاته سكره و حود الفواكه: سادك سادك
أنا: لاااا حبيبي نبي
عمر سكتني بي بوسه: اش لا نبي لا شي
و قعدنا نهدرزو انا وعمر
________________________________
عند يعقوب و نور بعد سكوت طال خمس دقايق
يعقوب : احم ما قلتيليش شن اسمك
نور ابتسمت و بخجل و صوت واطي: نور
يعقوب سمع بس انسحر في صوتها: ما سمعتش
نور ضحكت بلطافه: نور موليد 2001 سنه تانيه جامعه تخصصي تقنيه
يعقوب انسحر في ضحكتها: عاشت الاسمي ومشالله وانا يعقوب 30 سنه من عمر عمر و نشتغل دكتور اطفال وانا ماكس الحوش بحكم بوي راجل كبير و مريض و عندي بس اخت وحده و الوالدة
نور ببتسامه و منزله راسها: ربي ايخلهم ليك
يعقوب ابتسم: اكيد عندك علم ان مطلق
نور هزت راسها
و كملو هدرز و لتنين ارتاحو لي بعض تشجع يعقوب و قاللها عطيني رقمك ترددت نور بس عطاته لي انها ارتاحتله و حباته و كملو هدرزه و يعقوب روح و هي أشوي وجاء باتها خداها و رقدت أنا و حبيبي
________________________________
بعد مرور اربع اشهور❤️
مرو اربع اشهور بي حلوهم و مرهم و في هل اربع اشهور اوقات يصيرن مشاكل بيني وبين عمر و يعاقبني و يحبسني في الدار و بطني كبرت و تو في الشهر الخامس مازلت نا عرفتش جنس البيبي و بعد عزومت نور بي يومين جاء أحمد لي الفيلا و رقا لي الشقه وكان يبي يكسر الباب ويخشلي بس عمر لحق عليه و ضربه ضرب الموت و قدم فيه شكوه و قدر يحبسه بتهمت تعدي علي البيوت و قررو عليه حبس خمس اشهور مشت اربع وميزال عنده شهر و بنسبه لي نور و يعقوب ف حبو بعضهم و خشو في علاقه و يعقوب حبها اكتر من ما حب خلود بس ميزال امتعب نور بشكه بس نور مقدره و ضعه بحكم هي عاقله و علي يقين انه ح تقدر اتغيره ووتخليه يوتق فيها اكتر و الصدمه اسبوع هضا فرحهم اها تو عرسهم هل نور في الأول ما وفقوش بحكم انه مطلق و نور مزالت بنت صغيره بس ردو وافقو عليه حتي هو دكتور عاد واليوم كانت الحنه و بكرا الدخله
________________________________
العيشه الساعه 6
أنا في صاله نلبس في عباتي: هيا حبيبي تاخرنا
عمر صبا من الكنبه و وقف قدامي و طبس باس بطني: كابره
أنا ضحكت: اها
عمر دخل في شعري جو الوشاح: اتبهي لي شعرك فاهمه
أنا هزيت راسي
عمر خدا دخانه و مفتاح السياره من الطاوله: هيا قدامي يا بطه
أنا نمشي: ما نبيش بطه
عمر ضحك وسكر بابا الشقه: معناها بطريقه
أنا بدلع: حبيبي لااااا
عمر: ههههههه
ونزلنا من الدروج و ركبنا السياره
عمر: سلم بنتي ما ترقصيش وفكيني من النوطره و ديري بالك من نفسك والبيبي وحاجه حاره ما تاكليش و ما تلعبيش و قعمزي جنب الماما باهي
أنا هزيت راسي: باهي
عمر ضحك: نعليا من الحنه السمحه
أنا ضحكت
عمر: والله لوله هداك الكلب مش محبوس را ما شلتكش لي العرس
أنا سكتت
عمر وقف السياره: هي حبيبي انزلي و وقت تكمل حفلتكن رني عليا تمام
أنا قربت وبست خده: تمام
عمر ابتسم وحط يده علي بطني
نزلت و عمر مشا و خشيت جو ولقيت ماما و رنيم قعمزت جنبهن و نبي نرقص ماما ما خلتنيش و جت الحنايه و بدت اتحني في نور وانا انغطت من ريحت الحنه قلت لي ماما بنطلع انشم هوا في الجنان اشويه و نجي
و صبيت طلع بقفطاني الدمي وحنتي يلي صابغه و دايره ريحه و قعدت نتمشا وبدي علي بطني و المغرب كان امادن و الدنيا ضلام و خفت كنت بنخش فجاة حد مسكني من يدي و حط يده علي فمي و دخلني لي المخزن وانا انعيط بس صوت مافيش قعدت نبكي لوحني في المخزن و اشويه وطحت علي بطني بس ربي ستر رفعت راسي و شفته
أنا بصدمه: احمممممد
.......يتبع
راااااااااااااايكن