مريضتي ♥️ - ❴🔢❵☟الــبـــــ❴3️⃣5️⃣❵ـــــــارت☟ - مكتملة | روايتك

مريضتي♥️ الكاتبه: نولي الحلقه 35 عندي في الشقة نور حضنتني: ريماا يا شينه رايفت عليك أنا حضنتها و بست خدها: واني اكتر نور بعد و بتسمت: مبروك الحمل يا روحي أنا رديت جمتي ورا ودني و جهي احمر و نحكي باحراج: الله ايبارك فيك نور: ههههه تتحشمي صار أنا ببتسامه: وين نرمين و اخويله خديجه كنهن ما جنش نور تغير في الكلام و قعمزت علي الكنبه: فوتي المهم أنا جييت أنا قعمزت جنبها و بتسمت نور تشوف لي الحوش بتعجب: اتهبل الشقه راقيه و كانها شقه في الخليج هههه أنا بعبط: شن شقه في الخليج نور: قصدي الخيلج ديما احياشهم ايهبلن ما تحقيش فيهن في التلفزون أنا ضحكت و بي برائه: اها كيف حوش امينه حاف ايهبل نور تضحك: ههههه نجك ليا انتي امريفتلك انا أنا كنت بنحكي فجاة خشن عليا عمر و سلم علي نور بي اليد عمر مبتسم: شن أخبارك و أخبار الاهل انشالله ابخير نور ببتسامه: الحمدلله عمر:دوم تفضلي الحوش حوشك ريما تعالي أشوي نبيك و خشينا المطبخ عمر ايبوس في فمي رايفت عليك يا شينه أنا مبتسمه و بعد فيه: بعد نفسي يا. عمر عمر بعد و حط يديه علي خصري: هيا اعيوني الساعه 2 حطي غدا جعنا أنا ابتسمت وهزيت راسي: تمام نسخن بس عمر باس راسي و طلع و خشتلي نور نور تغسل في يدها عشان اتساعدني: شن درتو يا صياع أنا بعباطه: باسني في فمي و في اخدودي و راسي و قالي و فطنت حطيت يدي علي فمي نور تضحك أنا: حيييي عمر قالي ما تحكيش علي حاجه اتصير بينا نور ضحكت و ولعت علي الرز عشان يسخن نور : ريم أنا: نعم نور باحراج: من هضا يلي فتحلي الباب أنا بعباطه وانا نسخن في الدحاجه في الفرن: راجلي هضا ما عرفتيش نور ضحكت: يهبله نعرفه عمر راجلك بس ما فتحليش عمر أنا بعد جهد : اهاااااااااا نور بفضول: سلامتك ها من قولي ماضنيش سلفك علي خاطر شفته في العرس و نعرفه الصايع هضا أنا نغسل في طواسي المشروب: هدا يعقوب يقعد صاحب عمر نور ابتسمت و ما عرفتش سبب ابتسامتها: اهااا باهي ربي ايدوم الصحبه أنا طلعت الدجاجه من الفرن: متجوز هضا نور حست بشعور اخييي و اختفت ابتسامتها و ما عرفتش شن كسر خاطرها علي شخص ما تعرفاش بكل إلا من ربع ساعه نور بصوت واطي: ربي يسعدهم و كملنا صفرتهم و رنيت الجرس يلي هو عباره عن جرس في المطبخ ايوصل علي المربوعة يعني بدل ما انادي عمر يسمع الجرس ايجيني و عطيته الصفره و دخلها المربوعة وانا و نور قعدنا نتغدو في دار الجلوس و نهدرزو أنا ناكل في طعميه: امممم بعد خطرها نور ضحكت و تاكل: ها شن أنا ناكل: يعقوب كان مجوز بس تو طلق عمر هكي قالي قالي طلقها مراتهه نور حست بي فرحه و قلبها دق و ارسمت ابتسامه علي وجها و مش عارفه شن سرها الابتسامه نور بفرحه: صااااح أنا استغربت من ردت فعله: كنك فرحتي عمر قالي الطلاق حاجه مش اكويسه😕 نور انتبتهت علي نفسها و تصنعت الزعل: امممم ربي يجبر خاطره بخير منها و قعد ناكلو و نور تأكل وتفكر كني فرحانه أنا و علاش وقت عرفت متجوز زعلت و بعد علمت انه مطلق فرحت و قلبي كنه ما وقفش دق من لم شفته تي لالا أما في شن نفكر راجل مطلق أكيد مش ح يطلع منه خير و حرام تو طليقته تندب خزي الرجاله كلهم هكي اتمشيهم شهوتهم و وقت يحسو روحهم ملو من المره يطلقوها بس لالا هو شكله ما يحويش علي هكي يبان انه طيب و راجل بي اخلاقه و سمائهم في وجهوهم وووووه يا نور كنك اتفكري هكي أنا ناكل: نور وين رحتي نور ابتسمت: معاك يا روحي ها هدرزيلي تبي بنت ولالا ولد أنا ابتسمت وبي برائه: ما نعرفش نور وجعتها ريم ان ميزال فكرها قاعد صغيره و ما تعرفش ان يااام وراها ________________________________ عند عمر يعقوب ياكل: قتلك يا طيري عمر يشرب في المشروب: ها يعقوب: من الطرف يلي داخل عمر صفر و ضحك وبصوت عالي: والله شكلك طحت علي وجهك عمر يضحك: تي لا يا&&& لا طحت ولا سؤ بس كا اي راجل يلفته الجمال لفتني جمالها و باينه ان البنت خالق عمر بعدم تصديق: اي اي صدقتك المهم تقعد بنت خالت هلي يعقوب سرح وهو ياكل: اهااا عمر ابتسم و طبطب علي رجل يعقوب: بنت مشالله عليها عطي روحك فرصه يا صاحبي يعقوب تنهد تنهيد لي درجه عمر وجعه حاله _______________________________ مشاء الوقت و جت العشيه و روحت نور و يعقوب حتي هو و عمر قالي ديريلي نسكاف بنمشي لي المعرض بناخده معايه و طلعتله مق عشان يشيله معه وقعدت اندير و سمعت صوت الباب و كانت حنان عمر ابتسم و خد سند من حنان و باسه: تفضلي كنك مصبيه علي الباب حنان خشت و قعمزو في الصالة: شن الجو عمر ايبوس في خد سند: تمام وين الهرجه ما جبتيها ( يقصد صفاء) حنان ضحكت: سيبتها تلعب مع عامر أنا نحكي من المطبخ: عمري من جااا عمر انحرج: احمم حنان ضحكت: هذي اني أنا طلعت راسي من المطبخ: خليك خليك اشويه بس انجيب النسكاف ونجي حنان ضحكت: خودي راحتك عمر يلعب في سند: كابر الفرخ حنان ضحكت: تمن اشهور عاد عمر باس راسه: ربي يحفضه حنان باحراج: عمر اسفه علي دوت امي عمر نزل راسه وتنهد: والله يا حنان ما توقعتش امي.يطلع منها كل هدا حنان منحرجه: والله وقت قاتلي اني يلي انحرجت و ريم مشالله عليها ما يعيبها شي عمر تنهد: قليل يلي فاهم أنا هذي مش بس مراتي هذي بنتي و يلي وجعني اكتر قالت عليها مجنونه تي لو مجنونه كان حملت يا حنان ما تنحرجيش لا حياة في الدين ها قولي حنان انحرجت لي ان فرق العمر بينها و بينه و ما عمرهمش حكو هكي: احمم لا مافيش محنونه تحمل و لا ح تعرف تتفاهم مع جوزها اصلن و بعدين ريم مشالله نظافه في نفسها وفي حوشها ونفسها في الاكل مشالله و ما فيش اطيب منها عمر : يا ريت الناس كلها تفكر كيفك ريما مش هبله ريم عندها مرض اسمه انحدار العمر أو " النكوس" يلي هو اتعيش في مرحله مفروض عاشتها من زمان و المرض هضا يجي نتيجة لي موقف صارلها في الصغر واتر فيها و ريم صغرها كانت متحوده يعني ما عاشتش طفولتها ف قاعده اتعوض فيها تو حنان : اهاا أنا طلعت وانا ماسكه سفرت النسكاف و مع بسكوت و شكلاته حنان ببتسامه: نسكاف في الشتاء و الجو المصقع جت في وقتها أنا ضحكت : تفضلي حنان خدت نسكاف و بسكوت: يعطيك الصحة أنا قربت من عمر: انت درتهالك في المق مش قلت ماشي لي المعرض عمر ابتسم و خدا المق وصبا: لالا ماشي لي صالة الحديد أنا حطيت الصفره و حضنته بحركه عفويه و بعدت : بااااي عمر انحرج قدام حنان ابتسم: تعالي نبيك في الدار و مشا و لحقته لقيته مقعمز علي السرير قعمزت في كتره علي فخدته عمر مسك يدي: حبيبي تو انتي بتنزلي تحت لي الفيلا مع حنان باهي أنا بخوف: لالا نخاف من امك لا مرات تضربني لااا عمر باس خدي : عويناتي أنا ما تخافيش امي صح امس عصبت عليك بس مافيش اطيب من قلبها صدقيني مش ح تمس شعره منك أنا بخوف: وعد عمر ابتسم: وعد أنا بتفكير طفولي: كان قربتني ولا ضربتني اضريها انت باهي عمر ضحك بصوت عالي: ههههههههه شن شن أنا ببعبط: اها كان ضربتني انت خود حقي و ضربها باهي عمر يضحك: يا هبله عيب حرام كيف ولد يضرب امه أنا: باهي ليش ما يضربها عمر ابتسم: لي ان حرام وربي يغضب عليا و يحطني في النار أنا ابتسمت : به عمر رفع يدي وباسها: خليك عاقله باهي أنا هزيت راسي عمر: خليك في مكان و تكتريش اسئله باهي أنا هزيت راسي عمر: وتجبنبي الكلام مع رغد عشان ما تصيرش مشكاله باهي أنا هزيت راسي عمر ضحك وباس راسي: نعليا من العسل هضا يلي بناكله و صبينا و عمر طلع وانا و حنان شربنا النسكاف و نزلنا تحت لي الفيله وانا كنت خايفه و ماسكه في كت حنان و كاشه في روحي و قعمزنا في الدار و حنان قعدت اترضع في ولدها اشويه خشت اعميمه وانا متت خوف وهي قعمزت و تشوفلي اعميمه كانت نادمه ومش عارفه كيف تبدا في الكلام اعميمه بخوف: ريم امس بعد فقدتي و وعيك و مشيتي لي المستشفي شن صار حفيدي قاعد ولا نزلتي أنا بستغراب: شن نزلت اعميمه مافهمتش عليك اعميمه: انتي حامل سالتك العيل طاح ولا قاعد أنا ببرائه حطيت يديا علي بطني وبخوف: لالا ولدي قاعد نبيش حد ياخده لا اعميمه تنهدت براحه بعد عرفتني مازلت حامل اعميمه بصوت واطي: سامحيني يا ابنيتي امس غلطت في حقك و جرحتك بي كلامي سامحيني أنا ابتسمت: لالا اعميمه ماتقوليش هكي انتي كيف ماما وحتي ماما وقت نغلط تهزبني عادي مسامحتك ما.زعلتش منك اعميمه هنا تاكدت ان كلام عمر و حنان صح وان ريم مافيش اطيب من قلبها حنان شافت لي امها بمعني تاكدتي من كلامي تو اعميمه قربت مني و حضنتني: ربي ايخليك لينا رغد خشت و قلبت وجها: احضان و جو و كانه مش امس مهزبتها و مسمعتها وسخ اودانها و اليوم جايه بكل عين وقحه اعميمه بعياط: رررغد احترمي نفسك وارقي لي دارك ولا اقسم بالله اتشوفي مني شي ما يعجبك رغد عصبت و رقت حنان: و لي اول مره في حياتك اتعيطي عليها اعميمه: سكري فمك انتي التانية أنا: ههه‍ههههه و قعدنا نهدرزو و جاء عمر و جاب عشاء من برا جاب سمك و شاورما و دجاج و تعشينا كلنا مع بعض و حتي عامر وطبعن حنان هي وصغارها باينه حتي اليوم علي خاطر راجلها مسافر في اطرابلس و الخدم لمن الصفره و اشويه و شربنا الشاي و كلينا مكسرات كسدن اشويه و عمر تراضا مع اعميمه و رقينا لي الشقه و خشينا لي الدار و حودت عبايتي و فتحت دولابي و ناخد في دبش عمر مقعمز علي السرير: بدوشي انا: اها عمر صبا و حضني من الاوره و بما انا أنا قصيره قعد نازل علي مستوي و دني ويحكي بصوت واطي عمر بصوت واطي: وانا نبي اندوش أنا جسمي رعش من صوته: و باهي دوش اني شن دخلني امشي لي الحمام لاخر عمر رفعني ويضحك: لالا نبي هدا أنا أنا نضحك ونعيط: لا نزلني لا نبيش اندوش معاك عمر يضحك و خش الحمام و سكر الباب بي راجله: اششش يا هرجه انتي هههههههه و استسلمت و دوشنا و لبسنا مناشف و طلعنا من الحمام أنا نرعش من الصقع جريت علي السرير و خشيت تحت الغطاء عمر شافلي و ابتسم و طلع توته لبسها و جابلي دبشي في يده و قرب مني حول البطانيه عمر: قعمزي باش انلبسك هي أنا قعمزت و عمر قعد يلبس فيا و جففلي شعري و رقد و انا خشيت في حضنه و عمر قعد يمشي في يده علي شعري أنا بصوت طفولي: عموررري عمر نزل باس خدي: اعيون عمورك أنا بزعل: بدري امك و حنان حكن و امك قالت لي حنان احكي احكي ريم مش ح تفهم بس أنا فهمت شن قالن عمر ضحك: ههههههه شن قالن باهي أنا: حنان تشكي من اخت جوزها و قالت اصايق فيها و حاطه راسها من راس حنان عمر: كملتي أنا هزيت راسي: اها عمر بجديه : تعرفي مرا آخر نسمعك جايبه دوة حد نهارك احرف فمك هضا يلي تحكي بيه نقصهولك فاااهمه أنا زعلت و مديت فمي كيف الصغار و بخوف: فاهمه عمر: هيا علي النوم أنا زعلت و خشيت في صدره اكتر و رقدت ________________________________ عند نور الليل كله اتفكر في يعقوب و كل أشوي تلاقي روحها مبتسمه بدون سبب بس بسرعان ما تخافي ابتسامتها وقت تدكر انه مطلق وان هي ليش من اسس تفكر فيه ________________________________ عند يعقوب ما كاننش مشاعره اقل من مشاعر نور حتي هو الليل كله يفكر فيها و عينه جافاها النوم و حديتهم ميزال يرن في ودنه مع ان ما حكوش خير دقيقتين و عجباته وقت انحرجت و قعدت اتلكلك في الكلام و يلي عجبه فيها اكتر ان الخجل و الحشم واضح فيها علي عكس خلود يلي كانت عينها بقحه و حاده بس سرعان ما يطرد الافكار من راسه بي انه البنات كلهم كيف بعض ________________________________ بعد مرور شهر 💕 في الشهر هضا ما مشيتش لي المدرسة و قعدت نقرا في الحوش وعمر مش مسيبني و اااخ من حملي الوحم متعبني بكل مكملتها نوم و نستفرغ و دوخه بس عمر كان معايه في كل شي و ما سيبنيش بكل عمر،،، طول الشهر هدا و أنا داير بالي من ريم لي ان وحمها صعب بكل حتي خديت اجازه من المستشفي عشان نقعد معاها بس ريم حسيتها خلال الشهر هدا ردت لي ورا أشوي حركاتها تمت طفوليه بكل و لاسؤ من هكي ردت لي دبها هداك يلي ما ندري شن اسمه بوب ولا شوب المهم بس رديت نعالج فيها كا كوني دكتور نفسي مش راجلها _________________________________ الصبح وعيت و ما لقيت عمر جنبي صبيت و خديت دبدوبي بوبي وقعدت ندور عليه و نحك في اعيوني بي نعاس أنا : عميي " عمر" أنا بصوت عالي: عمييييي عمر جاني: كنك كنك اتعيطي أنا حضنته عمر نزل راسه وابتسم وباس راسي : صباحو أنا رفعت راسي و شفتله : ايفعني عمر عقد حواجبه: شنوو أنا: ايفعنييي عمر بستغراب: ريم كنك هكي تحكي مافهمتش دوتك أنا خبطت رجلي في آلأرض و بعصبيه اطفال: قوتلك ايفعني" ارفعني" شيلني عمر فطن و رفعني وانا لفيت رجليا علي خصره عمر يضحك: ريم منين جاك حرف الرا حي عليك امس تحكي اكويس أنا ابتسمت عمر يضحك: قولي رااا أنا: يااااء عمر بصوت عالي يضحك: يا بابا كيف صار قبل ما عندكش حرف الرا هههههه منين جاك يا بنتي أنا حطيت راسي علي كتفه عمر كان بيحكي رن التلفون رفعه عمر: هذي امك أنا: عطيني نحكي معاها عمر : اصبري و فتح الخط عمر: الو اهلين ماما: صباح الخير كيف حالكم عمر ابتسم ويحكي وهو شايلني: تمام الحمدلله شن حالك انتي و عمي و الصغار ماما: بخير الحمدلله ريما شن امدايره انشالله غير مش متعبتك عمر قعد يضحك: لا تمام بس اليوم وعت و حرف الراء هارب منها امس تحكي اكويس استغربتها نخسابها تبصر بس طلعت جد ماما تضحك: هضا حرف الراء و راته عدنا في عيلتي امي كان عندها و اختي سعاده وليه كبيره.و كان عندها و بنت اختي غاده مكانش عندها طلعلها فتره بعدها ردت تحكي عادي وانا اولادي امين حتي هو كان عنده حرف الراء بس تو يدوي اكويس عمر ضحك: وريم شن موضوعها طلع فجاة ماما ضحكت: ياما قعد فتره واختفي منها ولا مسكت فيها طول العمر عمر في خاطره: انشالله تقعد هكي لي ان بي دوتها هذي و هضامتها ح ناكلها ماكله ماما: المهم قتلك عازمينكم علي العشاء عمر: ليش متعبين روحكم ماما: لا تعب ولا شي اتنورو أنتم عمر: هيا مع السلامه ماما: باي سلم علي ريم وسكرت أنا: علاش ما عطيتني نحكي معاها شيير " شرير" انت عمر يضحك: بناكلك أنا بناكلك أنا قعدت نضحك: بشويه بشويه يا " را" اطيحني ههههه عمر يضحك: باهي قولي عمر. أنا نضحك: عميي عمر ضحك وباس فمي: نعليا أنا ههههههه أنا بزعل: ما صبحتش علي بوبي انتت عمر ضحك وخدا الدب من يدي وباسه: صباحو يا سيد بوبي أنا: بكييا"بكرا" عندي موعد عند الدكتوره عمر باس خدي و نزلني: نعليا من يلي يحسب في موعده أنا ضحكت و مسكت يده: شطوا " شطوره" عمر نزل يبوس في فمي: بناكلك أنا بناكلك زوز عليا أنا قعدت نضحك ومسك يدي ومشا بيا عمر وقعدنا نفطرو ....يتبع