مريضتي ♥️ - ❴🔢❵☟الــبـــــ❴3️⃣3️⃣❵ـــــــارت☟ - مكتملة | روايتك

مريضتي♥️ الكاتبه: نولي الحلقه 33 عندي في الشقه الساعه تسعه ليل عمر فتح الباب و خش أنا طلعت نجري و حضنته و هو رفعني بين يديره زي لم اتشيلي بيبي عمر امطبس راسه ويبوس في فمي:شن جوكم أنا ابتسمت: تمام كسدت بدونك عمر وهو يمشي بيا شور الصاله: ها شن قريتي ولا لا أنا خفت منه و نزلت راسي وسكتت عمر قعمز علي الكنبه و حطني في كتره و يشوفلي و مرافعه حاجه: نسئال اني ؟ مش قاريه صح أنا منزله راسي و نلعب بي صوابعي وبصوت بيبي: لا عمر بعصبيه: وعلاش مش قتلك اني اقري و راجعي الماده ابتاعك ! أنا خايفه منه و نحكي و منزله راسي وبصوت واطي: نعرفش نقرا ابروحي عمر رافع حاجبه: بري جيبي اكتاباتك و تعالي أنا صبيت من عليه ومشيت نجري عمر من الصالة بعياط: ما تجريش ما تجريش و خشيت لي دار النوم خديت شنطي و ادواتي و طلعت قعمزت في الصالة علي الكنبه و عمر طلع من الدوش ولبس توتة شتويه لونها رصاصي طالعه عليه اتهبل وقعمز جنبي عمر: ها شن عندك من واجب أنا: عندي واجب احصاء بس عمر: و ما عندكش حفظ أنا هزيت راسي بي لا وقعد عمر يقري فيا وانا طولت عشان استوعبت المسئله او بي الاحره عنديش نيه نقرا عمر ضربني علي راسي بي القلم: تي انتبهي انتبهي أنا حطيت يدي علي راسي: اي اي منتبها عمر: منتبها ال&&& افتحي ادماغك اكويس ساهله أنا بغيض: انت ال&&& عمر بصدمه: شن قلتي😳 أنا سكتت عمر مسكني من ودني و بعصبيه: معاش اتسبي ينعن فيتك يا حيوانه أنا قعدت نبكي: اي اي ودني عمر بعياط: ليش اتسبي أنا نبكي:. حتي انت اتسب ايصير انت اتسب و اني لا عمر طلق و دني: نسمعك اتسبي مره آخر نهارك الراجل اليسب لكن البنت لا فاهمه أنا نبكي: بعد عني مانحبكش أنا تضرب فيا عمر ابتسم.وحكي بصوت واطي يدوب: بس اني انحبك♥️ أنا نبكي و دفيت الكراسه من جنبي : ما تحلميش و نبيش نقرا عمر رفع الكراسي و حدفها علي الطاولة يلي جنب الكنبه: معاش نبوها القراية بكل حتي اني مش ح نقريك تعالي بس أنا نشوفله ونبكي ونبي نحضنه عمر عارفني نتوحم عليه و قبل زعلي شين بكل بس تو كلمه و نرضا رفعني و حطني في كتره و راسي علي صدره عمر يمشي في يده علي شعري: ازعلي هنا أنا نمسح في ادموعي: نبي كبده عمر ضحك: مش امس و كلتها أنا هزيت راسي بي لا عمر: عليك كدب فيك بس باهي يا ستي حاضر حودي عشان انصبي انديرها خلاص وقت عشاء أنا خشيت في حضنه اكتر: لالالالالا نبيش انصبي نبيك انا عمر نتهد: امتي ايتم وحمك بس أنا ضحكت و عدلت تقعميزتي عليه فتحت رجليا و لفيتها علي خصره وهو امقعمز و يديا علي رقبته و دفنت راسي في رقبته و نتنفس عمر بحنان رفع يده وقعد يمشي فيها علي ضهري كان فرحان بي حملي بكل بس متعقد أشوي من موضوع وحمي لي ان جايتني عليه و نبيه و حتي بعد يطلع نتصل بيه نبكي نقوله روح نبيك عمر بصوت واطي: حبيبي ، ريم ، ريمي اشويه هكي شاف في رقبته لقاني راقده عمر ضحك علي لطافتها و طفولتها وصبا يبي يحطني في دار على السرير أنا نبكي وانا امغمضه ادموعي ونحكي بصوت بيبي: لا لا عمر ضحك: بنتي نبي اندير العشاء أنا نبكي وانا راقده و شبكت فيه اكتر: نبيش ننزل نبييييييش عمر: باهي اس و طلع بيا و مشا بيا شور المطبخ و طلع الكبده من التلاجه وبدا ايقطع فيها و ميزال حاملني طبعن كنت لافه رجليا علي خصره و يديا علي رقبته و دافنه راسي و راقده وهو يحوس في المطبخ و يدير في العشاء _________________________________ في الفيلا رغد مكسده في الدار هي و امها و يتفرجن علي التلفزون بعد ما تعشو و عماد طلع يسهر مع اصحابه رغد بتررد: ماما اعميمه: اعيون الماما ( طبعن اعميمه اتحب رغد بكل و هي سبب خرابها و ما تندري لي انها مدلعتها فوق اللازم و كله بحجرة صغيره و ما حضرتش حنان بوها مات وهي في اللفه ف تبي اتعوضها اضعاف و لي انها اخر العنقود ) رغد قربت منها وتحكي بصوت واطي: تعرفي شن سمعت اليوم في المدرسة علي ريم اعميمه بتحسم:ها شن سمعتي كنها رغد بصوت واطي: يا ماما ريم مريضه مختله عقليا ( ناس متخلفه ما تفهمش ريم عندها مرض النكوس مش مختله عقليا في فرق كبير بين هدا و هدا ) اعميمه شهقت: هييييي تي شن تحكي انتي رغد: اها يا ماما البنات قاللي مريضه وهبله اخر تي تعرفي يا ماما في المدرسة قبل كانت تلعب في التراب تخيل طالبة شهادة و تلعب في التراب اعميمه بعدم تصديق: باهي بلكي البنات يكدبن رغد: لالا والله يا ماما صاحبتي هذي صادقه و اخر مش بس هذي يلي هكي قاتلي بنات المدرسة كلهم هكي قالولي حتي ما يبنش يقعدن معاها و ما عدهاش صحبات و حتي الابله جت لي الفصل و قالتلهن هذي عندها مشكله في عقلها ماحدش يضايقها اعميمه سكتت أشوي بعدها قالت: اهااا صح البنت تصرفاتها غريب اني ملاحضتها بس ما دققتش رغد بشماته: اي هبله اعميمه: ينعلي ينعلي اوليدي كبيري و سندي و ولد كيف الصقر ما ايعيبه شي ياخدلي هبله وووووه عليا ________________________________ الصبح الساعه 8 عند أحمد الليل كله مجاش نوم وهو يفكر كيف ريم تجوزت و استقرت بدون ما يكسرها و ياخد منها يلي يبيه متعود كل بنت يبيها ياخد منها يلي يبيه بي رضاها ولا غصب عنها بس مع ريم ما لقاش فرصته و طول الليل وهو يفكر في جمالها و اعيونها و طول شعرها و جسمها كيف الحاجات هدينا راحن منه بس ما استسلم و حلف انه ياخد منها يلي يبيه حتي ولو تجوزت و يشوهلها سمعتها و ح يشوف موضوع لي البيبي لي انها يلي حامل بيه يقعد ولد عمر جاء الصبح و مشا لي المطار و حجز طياره لي ليبيا و جاء لي ليبيا _________________________________ في الشقه الساعه 8 وعيت و نظمت اموري و صليت و لبست زي المدرسة و فطرنا أنا و عمر و شالني لي المدرسه و كملت و روح بيا و خشينا لي اعميمه عمر: السلام عليك اعميمه وهي قالبه وجها :و عليكم السلام تفضلو قعمزو قعمز عمر وانا قعمزت جنبه عمر: وين رغد كيف ميزال ما روحتش اعميمه وهي أتشوف لي التلفزون: والله كان تبيها راك روحتها بيها مع مراتك عمر عقد حواجبه: و الباص يلي مسجلينها فيه مش هي طلبت هكي انها تبي باص علي خاطر تركب مع صاحباتها اعميمه بنفعال : وكنك منفعل انت عمر: لا انتي يلي متكهربه ما نعرفش كنك اعميمه بعصبيه: وكيف ما نتكهرب وانت جايبلي كنه هبل فيها نص عقل خا أنا و عمر في حالت صدمه عمر: شنووو تي شن تحكي انتي اعميمه: اها عرفناها حقيقة مراتك وانها هبله و مختله عقليا وانت ساكت و ادس عليها يا حشمتي قدام الناس أنا كنت نسمعلها وكل كلمه اتقولها قلبي ينكسر و عيوني دموعو و خاطري انكسر ما توقعتش في يوم اعميمه اتسمعني كلام كيف هكي الناس كلها اتقول عليا هبله هبله كني أنا💔 عمر شافلي: ريم ارقي لي الشقه تو أشوي و نلحقك أنا صبيت بصمت و دمعتي في عيني و خديت شنطي و طلعت من الفيلا و رقيت شقتي عمر بعياط: معقوله انتي هكي يام معقوله هذي انتي وهضا تفكيرك هكي توصل بيك تجرحيها وتكسري خاطرها و عارفتها حامل اعميمه بنفعال: اسكت انت تندري علي مرضها و ساكت دبستها فينا عمر معصب ويعيط بصوت عالي: تي خلاص ياسرك تخلف يام وهي عايشه معايه أنا مش انتي ولو في حد تدبس ف هو أنا أنا ريم راضي بيها ونبيها كيف ماهي و ريم مش هبله ريم عندها مرض النكوس و نزيدك اخر اني نعالج فيها من عمرها عشر أسنين و نبيها و نحبها اعميمه: تي تحشم فينا جنب الناس البنات في المدرسة كلهن يحكن عليها ومافيش من يقعمز معاها و معدهاش ولا صاحبه الناس كلها نافرتها واني انقول قبل كنها تصرفاتها هكي وهي طلعت مجنونه واصلن اني من لول مش راضيه بيها وسيبت بنات العالم كله و طحتلي في هذي عمر يعيط وصبا: عارفها أنا رغد الكلبه هي يلي قاتلك هكي بس تمام تو أتشوف احسابي معاها وانتي يام خليك هكي متكبره و تحكمي علي الناس بي مظاهر بس اعرفي ان ريم عند ربي من احسن الناس لي انها لا تعرف حقد ولا حسد ولا كلام في أعراض الناس واطيب من قلبها مافيش وريم مش مجنونه كيف ما اتقولي ريم عندها مرض النكوس يلي هو اتعيش في حاله سابقه مفروض عاشتها من أسنين اتعيش فيها تو هضا باش عقلها طفولي واهم شي مريحتني اني بس انتي يام انصدمت فيك ما نحسابكش هكي و طلع و سيبها __________________________________ عندي في الشقة خش عمر ولقاني مقتمزه في الصالة علي الكنبه و نبكي بعد شفت مسحت ادموعي و قتله بشجاعه أنا: سيباتك امك العقرب الحرفه ترقالي عمر بصدمه و عصبيه قرب مني: نعم نعم أنا وقفت و وجهي في وجه: اها عقربه و حرفه وانانيه و مراه مش اكويسه و ما كملتش كلمتي الا و عمر يرفع يده و يعطيني كف لي درجه يجيبني مقعمزه علي الكنبه يلي خلفي انا،،،،،،،،، عمر بخوف: ريم لااااا ......يتبع