❴🔢❵☟الــبـــــ❴3️⃣2️⃣❵ـــــــارت☟
مريضتي♥️
الكاتبه: نولي
الحلقه 32
جاء وقت الغداء وجاء عمر و تغدينا والعشيه روحنا و الفيلا وقعدت نهدرز معاها ومشاء اسبوع وبدت الدراسه وجاء اول يوم دراسي
الصبح الساعه 7:40
عمر شاف الساعه و صبا مفجوع من السرير يهز فيا : ريم رييييم
أنا: هممم هممم
عمر: تي يلا صبي وقت علي المدرسه
أنا نبكي: نبيش نمشي نبيش
عمر بعياط: تي في عينك صبي تاخرتي راحت علينا نومه الزح
أنا قعمزت ونحك في اعيوني
( سرير دار النوم كان لاصق في الساس واني كنت جنب الساس نرقد)
عمر رفعني من السرير وحطني تحت: ابسرعه ابسىرعه امشي لي الحمام واني تو انديرلك فطور ابسرعه يلا
أنا نتكاسل: لا انت دوشلي
عمر بعياط: ريما خشي لي الحمام
أنا خفت منه و خشيت لي الحمام نجري
عمر طلع يجري و بدا ايجهز في الفطور و دارلي تن و عصير و حطهم علي الطاوله في المطبخ و جاني لي الدار لقاني طالعه من الدوش و لابسه المنشف
عمر: تي تاخرتي علي المدرسه البسي ينعن &&&
أنا ببرود: باهي صقع لبسني انت
عمر يفتح في الدولاب : البسي ابروحك اني بنحددلك الزي امتاع المدرسه هيا سلم بنتي تاخرنا هيااا
أنا لبست ملابسي الداخليه و سروال امريكي و فنيليه لي ان الجو تلج و درت شعري كعكه
عمر عطاني زييي: البسي هيا ابسرعه ابسرعه
أنا خديته منه ولبسته
عمر: هيا قدامي ابسرعه افطري
أنا هزيتله اكتوفي ونمشي في الممر: نبيش
عمر بعصبيه: مش بكيفك هو تحركي لي المطبخ
أنا خشيت المطبخ وقعزت علي كرسي: نبيش خبزه بكل نبي كورنفلكس
عمر بعصبيه: مافيش كولي هيا تم تو بعدين نشريلك اخر كولي يا بابا
أنا: لااااا فيه ماتمش
عمر يعيط: كولي ال&&
أنا قعدت ناكل و أنا خايفه و عمر طلع جاب جوري و لسبيدرو امتاعي وقعد تحت وقعد يلبس فيا فيهم واني علي الكرسي وناكل
عمر: هاتي راجلك لخرا
أنا عطيته رجلي و لبسني الجورب( شخشير) و السبيدرو لبيض
أنا صبيت : الحمدلله
عمر : هيا البسي جبوطي و وشاحك هي
أنا : به
ولبست اسبيدرو و وشاح و جبوطي و شنطي و طلعتله
عمر خدا مني الشنطه: هاتي عنك
أنا : لا اني نمسكها
عمر خداها مني: بلاش اعناد وهي انزلي
و نزلنا و عمر قعد يسخن في السياره
عمر: انشالله يدخلوك بس الساعه 8:10
أنا : الدخول 8 ونص
عمر شافلي وبصدمه: شنوووو
أنا ضحكت : كنك
عمر بعياط: التخزريطه هذي كلها يلي تخزرطتها تو علي الفاضي تي نحساب طابوركم الساعه 8 قلت أكيد الطلبه دخلو عن شكلك مره وحده
أنا نضحك: هههههههه
عمر امعصب: انزلي انزلي
أنا نزلت : وين
عمر سكر السياره : عقاب ليك ح نمشو علي رجلينا
أنا: حبيبي لااااا😩
عمر: قدامي
أنا : بس بعيده المدرسة
عمر فتح الباب و طلعنا: بعيد عن حوشكم مش عن الفيلا هنا خطوتين و نمشو
انا نمشي و ماسكه في يده: رغد تمشي علي رجليها
عمر: لالا تمشي في الباص
أنا: علاش ما قلت قريبه
عمر: لا هي مسافه أشوي مش قريبه بكل وبعدين كيف تمشي ابروحها الفجر علي رجليها
أنا: اها
و وصلنا لي المدرسة و عمر عطاني شنطي
عمر: هيا حبي بااااي
أنا: باي
عمر: بالك من نفسك والبيبي كيف ما علمتك باهي
أنا هزيتله راسي
عمر: الفلوس في جيب الشنطه باش تفطري ووما تخديش مفروم لحم أكيد امدايرله توم وانتي تتحسسي منه من بعد الحمل
أنا هزيت راسي: به
عمر ابتسم: باااي موفقة بنتي
أنا ابتسمتله وخشيت
_________________________________
عند عمر بعد حطني في المدرسه ومشا لي الفيلا خدا سيارته و مشا لي يعقوب و بسيف باش قدر يطلعه معه كله مكملها في شقته و حابس نفسه و ركبو ومشو شور الكافي
عمر: ها يا راس قهوه ولا نسكاف
يعقوب يبحت من قزاز السياره : نحس في راسي يوجع النسكاف ما يسكتش عطيني قهوه
عمر : تمام
ونزل و جاب اتنين قهوه و مشو لي المعرض و يعقوب ساكت و يدخن
عمر يدخن: لي امتي انشالله يا يعقوب
يعقوب تنهد: اااااه و خلاص
عمر طبطب علي ضهره: هونها اتهون يا راجل والله كله يمشي ما تفكرش فيها
يعقوب: يلي كاسرني حبيتها والله حبيتها
عمر: بنات الناس و اجد وح تلاقي يلي خير منها
يعقوب: لا أنا سكرت علي موضوع الجواز
عمر: تي شن سكرت هذي يلي في اعمارنا بصغارهم كنك يا راجل بنات الحلال واجد
يعقوب: نعرف في بنات ناس ميزال بس يا عمر أنا كيف ح نوتق فيها ح تتعب معايه الوليه بعد هكي حتي نطلع ح نقعد انقفل في الباب
عمر: بنت الناس ح تتحمل
يعقوب تنهد
عمر يغيرله في جوه: بتقعد عم يا &&
يعقوب ضحك: احلف
عمر برفعة حاجب: لا برا ارفعها و عاينها و تاكد
يعقوب يضحك: تي مش هكي يا&&& ههههه مبروك
عمر ابتسم: الله ايبارك فيك
________________________________
عندي في المدرسة
خشيت لي الفصل و شفت رغد مشيتلها
أنا ببتسانه: رغوده انتي هنا
رغد صبت وومسكتني من يدي وبعدنا عن البنات
رغد تحكي بعصبيه و صوت واطي : اسمعي اني هنا لا نعرفك ولا تعرفيني تمام و اني هضا مش فصلي اني علمي بس جيت نهدرز مع البنات
أنا اعيوني دمعو: به
و مشت و سيبتني
البنت: وين تعرفيها هذي
رغد بتوتر: امممم اا امها تقعد صاحبت ماما تعرفت عليها
البنت: تي هذي مهبوله
رغد بصدمه: كييييف
صاحبتها : اها مختله عقليا عندها مرض تتصرف كيف الصغار و ياما كانت تلعب في المدرسة بي التراب في الساحه و الاولاد يضحكو عليها و غييه و يييي كان بنحكيلك ما نكملش لي عند المدرسه قالت هي را عندها مشكله في عقلها اعذروها
رغد كانت تسمع بي صدمه و فرحانه و متشمته انها سمعت عليا حاجه
( طبعن رغد كانت مش في التنويه هذي كانت تقرا في تنويه اخر)
أما أنا كسرتني رغد قعمزت في كرسي ووقعدت ساكته مافيش من ايهدرز معايه و لو جت وحده قعدت جنبي البنات يقولنلها صبي هبله هذي ويتهربن مني كاني وباء💔 و كملت الحصص و طلعنا و نزلنا لي الكفتيريا و طلبت فطور و شلت فطوري و قعمزت مع الطاوله جنب البنات
البنات مع بعض: اووووف
أنا خفت
البنت: صبي ما تكليش معانا
أنا : علاش والله ما نحكي ناكل و نصبي
البنت التانيه: قلنالك صبي تبيهم يقولو قعدات مع هبله كيفك
كانن أربع بنات
أنا قعدت نبكي: بس اني اني مش هبله
البنت التالته: تي صبي
أنا نبكي: فيش كراسي بحتي الطولات كلهم امعبيات اني حامل عمر قالي كولي
البنت: صبي خير من نضربك علي بطنك
أنا خفت و صبيت ما لقيت كرسي رقيت لي الفصل و قعمزت في الكرسي امتاعي أشوي وجت الابله و الابله هذي نحبها بكل هذي يلي حنونه فيا و تحبني و تعامل فيا اكويس
ابله سميره: ريوم حبيبتي علاش تاكلي هنا
أنا: ابله ما يبنيش ناكل معاهن يقوللي هبله و تحشمي و حتي اخت جوزي قاتلي لا تعرفيني ولا نعرفك
ابله امنه مسحت دمعتها: الله غالب يا بنتي
أنا ابتسمت: تاكلي
الابلة : شكرا يا روحي و كملي ماكلتك ابسرعه تو أتجي ابله اخر اتهزبك
أنا: به
و كملت اكل وجاء اخر الدواما و طلعنا لي الساحه كل وحده تراجي في سيارتها وطبعن رغد روحت جاها الباص وانا قعدت اشويه بعدها جاني عمر كنت مقعمزه ابروحي وما حسيت الا وهو امصبي فوق راسي
عمر ببتسامه: حبيبي كنه ابروحه
أنا ابتسمت: اني ديما في المدرسة ابروحي عنديش صحبات
عمر وجعته: باهي حبيبي هدوك بنات كان قعمزتي جنبهن
أنا: قعمزت بس لزني قاللي هبله انتي
عمر اعيونه دمعو بس ما بينش : باهي هيا انروحو
أنا صبيت: هي
عمر: هاتي عنك الشنطه
وخدا مني الشنطه وطلعنا والبنات يبحتن فيه ركبنا السياره وطول الطريق عمر ساكت
عمر بعد وصلت لي المدرسة و شفت ريم مقعمزه علي كرسي في الشمس ابروحه علي عكس البنات يلي قعدات في الضل و مع بعضهن و منسجمات و هي قاعده ابروحه و ساكته و تشوف لي البنات و تبتسم لي فرحتهن ( ريم قلبها طيب بكل قلب طفله ما تحقدش علي حد) و وجعتني اكتر بعد قاتلي ما يقعمزنش معايه و يقوللي هبله والله كسرتني و دمعتي في عيني بنتي هذي ما نحبش من يغلط فيها وهي الله غالب ربي باليها بي المرض هضا بس هي تغيرت واجد لو قعدن معاها أكيد حسن بي التغير هضا بس ما عطنهاش حتي فرصه
_________________________________
ووصلنا لي الحوش و غيرت ولبست توته شتوبه حمره اتهبل و ملمسها ناعم و درت عطر و طلعت رقدت علي رجل عمر يلي كان مكسد في الصالة و مقعمز علي الكنبه
عمر يمشي في يده علي شعري: حبيبي شن جو المدرسه
أنا: تمام
عمر يلعبلي بجمتي: خديتو حصص
أنا غمضت اعيوني: وحده بس
عمر: تبي ترقدي بنتي
أنا هزيت راسي: عمور
عمر: اعيونه
أنا ببرائه: رغد قاتلي في المدرسة لا تعرفيني ولا نعرفك علاش ادير هكي نحن كيف الخوات صح
عمر انصدم: ريم تحكي جد
أنا فتحت اعيوني وهزيت راسي: اهااا
عمر تنهد و سكت
أنا: علاش ما يحبني البنات ولا يبن حتي يقعمز جنبي كني أنا
عمر طبس باس راسي: شن خاطرك تتغدي
أنا قعمزت: نبي بيتزا نبي بيتزا خاطري فيها
عمر باسني في فمي و عضني فيه بشويا: حااااضر كم عندي ريم أنا
أنا ضحكت و حضنته
فجاة صبيت الحمام و قعدت تستفرغ حشاكم غسلت وجهي وقعدت نبكي
عمر رفعني وانا لفيت رجليا علي خصره و دفنت راسي في صدره و قعدت نبكي
عمر ماشي بيا شور دار النوم: اسسسس يا روحي اسسسس هضا وحم
أنا نبكي و بصوت بيبي: نحس في بطني
عمر يمشي في يده علي ضهري : معليش بنتي الدكتوره قالت هدينا أعراض وحم تحملي حبيبي
أنا قعدت نبكي
عمر قرب شور السرير و بينزلني أنا تشبكت فيه اكتر
أنا بصوت طفولي: ما تنزلنيش
عمر ابتسم: باهي
و قعد ايلف بيا في الدار و يمشي في يده علي ضهري بحنان و بشويه لين ما نعست و رقدت بعد ساعه و حطني في السرير ووغطاني اكويس و طلع لي المطعم جاب بيتزا. و شاورما و واعاني كليت ورديت رقدت الحمل رد عليا نوم وعيت بعد المغرب صليت العصر و المغرب في نفس الوقت و تصلت بي عمر قالي تو انجي كسدت اتصلت بي نور
_________________________________
عند نور
أنا: الو
نور ببتسامه: اهلين وينك يا شينه معاش ادوري
أنا ضحكت: اسفه بس ديما في بالي
نور : باهي يا حنه شن جوك انتي و راجلك
أنا: تمام اني حامل
نور عيطت بفرحه: جد
أنا ضحكت: اها والله ليا تلت ايام باش عرفت
نور: نجك ليا نجك ليا يا خيه بنقعد خاله نمشي نبشر ماما
وطلعت تجري لي امها في الصالة يلي كانت تحكي مع ولدها أحمد في التلفون
نور بصوت عالي: ماما ماما ريما حامل
خالتي خديجه: والله و صار منها الهبله
نور تعصبت من كلام امها خشت لي دارها وقعدت تحكي معايه
أحمد بصدمه: امي قصدك ريم تجوزت
خالتي خديجه: اها تجوزت العايبه من شهر و نص
أحمد عصب: تمام سلام و سكر
أحمد ايكسر في يلي جنه : كيف تجوزت كيف ينعن&&&- تي هذي ملكي ملكي
صاحبه: تي بطل يا راجل اتكسر في الفندق تي تبي يحبس نا كان حق اتحبها راك جيتها بي الحلال
( طبعن أحمد في تونس من بعد خطف ريم من الخوف من عمر سافر ومعاش رد)
أحمد إيعيط: اني بكرا بنروح
صاحبه: تي كيف يا راجل
أحمد حدف تلفونه علي الساس: تي &&& قتلك بنروح ليبيا بتروح معايه باهي ما بتروح &&& و طلع
...يتبع
نبي تعليقات اسماح وشن بيدير احمد