❴🔢❵☟الــبـــــ❴3️⃣1️⃣❵ـــــــارت☟
مريضتي♥️
الكاتبه: نولي
الحلقة 31
الصبح الساعه 9 عندي في السقع
عمر و عي بدري الساعه 7 او بلاحره مجاش نوم طول اليل يفكر في صاحبه و واجعه حاله و عي خش الحمام نضم اموره و طلع لبس توته شتويه لونها اسود اتهبل عليه و مشط شعراته و لحيته و تعطر و صلي الصبح
( الانسان بعد يصلي يقابل في ربه و يصلي قدامه ف لي هذي معليش لو تئنقنا و صلينا مش عبايه قصيره رجليك نصهم برا )
ودار قهوته و طلع لي البلكوني تريض ساعتين و ساعه تسعه خش ايوعيني
عمر يبوس في خدي: ريما ريما
أنا: هممم
عمر يضحك: شن هممم صبي خلاص
أنا غطيت وجهي: توه الوقت
عمر حود الغطاء عن وجهي: شن توه الساعه تسعه ونص خلاص
أنا فتحت عين وحده: مش قلت عندك عياده كنك مارحتش
عمر: مصارليش المريضه اتصلت و قالت مش جايه
أنا فتحت اعيوني وفنصت فيه: نعم؟؟؟؟
عمر يضحك: كنك يا طشه
أنا قعمزت و نفنص: وعلاش تتصل بيك من امتي الدلاله هذي
عمر قرص خشمي وضحك: اسكتي يا شينه اتغاري
أنا بعدت يده: احدف رقمها
عمر: تي مش مسجله اصلن بس أكيد خداته من الرسبشن
أنا: والكلبه يلي في الرسبشن من عطاها رقمك😑
عمر يضحك بصوت عالي: هههههههه ريت هل الريم و مايطلع منها معاش اتسبي يا حيوانه
انا قعدت نبكي
عمر ماسك ضحكته و رفعني و حطني فخدته
عمر: ليش تبكي تو
أنا نبكي ونمسح في ادموعي: معاش تحكي مع بنات ولا أتسيب رقمك عندهم
عمر باس راسي: حاااضر يا قلبي حاااضر
أنا مسحت ادموعي و ابتسمت
عمر : معاش تبكي
أنا حضنته
عمر ابتسم و يمشي في يده علي ظهري: شن جو حبيب باته اليوم
انا بعدت وحطيت يدي علي بطني: اكويس هههههه
عمر: يلا صبي صلي وافطري و باش نمشو لي العياده نفتحلك ملف عشان اتابعي مع دكتوره
صبيت علي السرير و قعدت التقز: يس يس
عمر صبي و رفعني و نزلني: تي لااااا اركحي
أنا رافعه راسي و نشوفله: كنك
عمر: معاش اتنطي
أنا: علاش
عمر: البيبي يموت
أنا: جد
عمر: اها وهي طيري
خشيت الحمام توضيت و طلعت صليت و طلعت لبست سروال امريكي و بلوزه بيضه لي تحت و كويش اسود و وشاح اسود ورشيت عطري و جيت لي عمر في المطبخ نجري
عمر بعصبيه: بشويا بشويا كم مره قوتلك ماتجريش كنك ما تسمعيش في الكلام انتي
أنا قعمزت علي الكرسي: اخر مره اخر مره
عمر معصب و يعيط: عيدها و تشوفي
أنا نزلت راسي و خفت منه
عمر: يلا افطري
أنا خديت الكاشيك و قعدت ناكل في الكونفلكس و شربت الحليب و قعدت نشوفله
عمر صبا: هيا وقت المواعين وقت اتروحي اغسليهم
أنا صبيت : هيا
عمر يشوفلي من فوق لي تحت ماشيه هكي ؟
انا رفعت راسي و شفت وسط اعيونه بنظرة برئه : اها
عمر طبس وباس فمي: نقدرش عليهن العوينات هدينا
أنا حضكت
عمر: هيا امشي قدامي و اخر مره تطلعي هكي مره اخر جلباب و خمار باهي
أنا هزيت راسي: باهي
و طلعنا و مشينا لي العياده و عمر فتحلي ملف و سئال علي دكتوره اكويسه و قالوله الدكتوره هذي و خشيت كشفت و قاتلي حملك توه عندك بس اسبوع و ديري بالك وماتتحركيش واجد لي الان الاشهر لوله يقعد البيبي مش تبات و طلعنا وقتله شيلني لي هلي واني ماشي خدالي شاورما وكليتها في الطريق وهو يعيط زفرتيلي السياره غيرتي بنتها صدع راسي واني كانه مانسمعش فيه كملت و وصلنا حوش هلي و نزلنا
عمر ايسكر في السياره : تجري نهارك
أنا ضحكت: لا والله مش جاريه ووخشيت
وخش بعدي عمر سلمنا وقعدنا جنب بعض
عمر يشرب في القهوة: ها عمي شن صار في المدرسة ريم
أنا سفقت: يس بدت المدرسة يس يس ح ناخد شنطة اجديده و ادوات وكل شي تعرف بابا ح ( عمر قص عليا
عمر يحكي و معصب بس متمااك روحه قدام هلي و مسكر علي يده بعصبيه ويحكي
عمر: ريييم وقت يحكو الكبار الصغار يسكتو معاش اتقصي علي حد
أنا خفت و نزلت راسي: حاضر
ماما وبابا ساكتين و كان عاجبهم عمر كيف يهزب فيا عشان لي مصلحتي♥️
عمر: ها عمي شن صار
بابا: والله كلمت مديرها وقالي تمام عادي بس تطلع اسبوعين مبدئين بعدها تنتسب عشان حتي المنهج يسهل عليها و تعرف كيف تقرا و تكمل
عمر سكت أشوي: تمام مش مشكله لو جت في اسبوعين بسيطه
ماما: وشن تبي ادخلها ادبي ولا علمي
عمر ضحك: والله هذي ترجعلكم.هي شن مستواها قبل
ماما: جيد جدا علي عكس خوتها منتاز
عمر ابتسم: اكويس ، ريم تبي اندخلك ادبي ولا علمي
أنا كنت انبربش في تلفوني و رفعت راسي شفتله: نفهمش فيهن
بابا: دخلها ادبي ممكن اسهلها
ماما: بس حتي الادبي يبي اقرايه ومش ساهل علي عكس العلمي فهم من الحصه وتمت تمت
عمر: اني مانبيش ناخد قرار مع الوقت نندم عليه و توقلي علاش دخلتني هكي اني نبي هكي نسئلها وهي تختار
بابا: اي حتي هضا راي
عمر شافلي: ريم اتحبي الريضيات انتي
أنا: لا اع مانحبهاش بكل اكتر ماده نكرها
عمر يضحك: معناها اندخلها ادبي و خلاص
بابا ضحك: حق الفرخه هذي من لم صغيره ما تحبش ارياضيات
عمر ابتسم: هيا خليناكم بعافيه
بابا : تفضلو الغداء
عمر: مره اخري انشالله
بابا: عليا الطلاق الا نتغدو
عمر ابتسم: ليش تحلف بس يا عمي
بابا: اهي حلفت و تمت
عمر صبا: تمام انسيب ريم واني طاق مشوار ومع الظهر تو انجي
بابا: تمام مربوحه
و طلع عمر واني حودت اشرابي وقعدت نلعب مع ياسين بي المكعبات( تراكيب)
بابا يشوفلي ومبتسم: ريم بنتي مش خاطرك في حاجه انجيبها ليك
أنا شفتله: اممم خاطري في كبده بابا
بابا صبا وضحك: واحلي كبده لي اكبيدتي ، انجيبها ليكي جاهزه
أنا ابتسمت: لا ماما اديرهالي
بابا : حاضضر وشن اخر
أنا ضحكت: ونبي عصبان
رنيم: ونحن ما ننسئلوش
بابا ضحك: ها يا غيروه شن تبي
رنيم ابتسمت: نبي فراوله
روان: واني اني شبس
بابا: حااضر كم عندي بنوتات اني
روان بطفوله: تلاته
نحن: هههههه
و امين و وسام كانو في نادي الكوره
بابا شاف لي ماما: ديريلها عصبان هذي ما تخليش شي في خاطرها
ماما ضحكت: حاضر والله حاضر حسيتك فرحان بي حملها بكل
بابا: والله قريب انطير كيف عاد بنقعد جد♥️
جاء وقت الغداء و جاء عمر تغدينا والعشيه روحنا دوشت ولبست ونزلت لي اعميمه في الفيلا وقعدت نهدرز معاها ومشاء اسبوع و بدت الدراسه وجاء اول يوم دراسي
....يتبع