مريضتي ♥️ - ❴🔢❵☟الــبـــــ❴3️⃣0️⃣❵ـــــــارت☟ - مكتملة | روايتك

مريضتي♥️ الكاتبه: نولي الحلقه 30 في الفيلا تغدينا مع اعميمه لي انها حلفت و جاء العصر و رقينا لي الشقه و عمر دوش و ليس جلابيه و نزل قالي ماشي لي المعرض واني شغلت الدفايه و ضلمت الدار خليت ضي مخفي بسيط و رقدت و عمر نزل اعميمه: كيف طالع منا ريفتلنا ولا شن عمر يضحك: لا نازل لي رغد و نبي نمشي لي المعرض اعميمه: باهي سلم ولدي شن جو المعرض ماشي مافيش خصاره عمر: لا الحمدلله ربي فاتحها و المعرض ماشين امور و اليوم كانن جايني سيارات من دبي من واحد صاحب بس قتله لا خليها لي عند نكمل بيع السيارات يلي عندي في المعرض اعميمه: ايوه سلم ولدي خير ما درت مش تقعد اتجيب في السيارات و تحصل فيهن عمر يضحك: يام شن نحصل بالله كل شي بحسابه وبعدين اني الرابح السيارات ناخد فيهم منه ارخاص لي ان دينارهم في دبي اقل منا نحن دولارنا عالي اعميمه: باهي ربي ايزيدك وانت ما نعطيش بدين عشان ما تجيش علي راسك في يلي نصاب و ما يخلصش عمر: انشالله ، وين رغد اعميمه: في دارها ما نزلتش بكل عمر : تمام و رقالها و قعد ايدق في الباب اكتر من مره ما ردتش فتح عليها و لقاها راقده في سريرها و متغطيه عمر حود البطانيه عن وجها: نوضي بلاش كدب عارفك واعيه رغد راقده عمر : رغودي نوضي علي من اتمتلي انتي. رغد راقده عمر رد غطالها وجها و صبا: دامك راقده نوم العوافي اني امطلع ريم لي السوق قلت تمشي معانا بس يلا فرصه تانيه و دار روحه طالع رغد قعمزت و تحكي بزعل: ارجاني انبدل عمر ضحك و قعمز جنبها علي السرير: كيف وعيتي تو يا كداابه رغد ساكته : اطلع نبي نبدل عمر: مش ماشين نبصر عليك عشان توعي رغد: معناها حول نبي نرقد عمر بجديه: رررغد رغد سكتت عمر : شوفيلي رغد رفعت راسها و قعدت اتشوفله عمر بصوت واطي: علاش الجو يلي اديري فيه كنك مع ريم رغد: ما كنيش مافيش شي عمر مسك يدها: رغد ما تكدبي يلي قدامك دكتور نفسي بلاش تستغبيني رغد نزلت راسها عمر ماسك يدها: رغوده عارفك غايره منها بس ما تجيش يرا انتي مكانتك في قلبي محدش ياخدها و كل حد غ الحوش بي غلاه و مكانته انتي مكانتك ابروحك حنان ابروحها عامر ابروحه امي ابروحها و ريم ابروحها را هذي مش صاحبتي مراتي أني قلت اعماركم كيف بعض ح تنسجمن و تحبن بعض مش هكي شن شفتي منها قوليلي و مش كانا تجوزت يعني بطلت نحبك مافيش حد يكره اخته وانا انشوف فيك بنتي مش اختي لم توفا بوي كانن عندك بس سنتين و كنتي اتقوليلي بابا و ما ترقديش الا في حضني شعرك اني يلي انسرح فيه ليك دوش اني ادوشلك ناكله اني انوكلك ليس اني نشريلك علي دوقي و نلبسك وانتي كنتي تحسابيني باتك لين ما كبرتي و بديتي تفهمي معاش قلتلها را أسنين يلي بيني وبينك مش هينات 15 سنه رغد اعيونها ادموع: باهي علاش اتعيطو عليا جنبها عمر: من تصرفاتك هذي اول حاجه وتاني حاجه تعرفيني اني وقت تعصب معاش نفرز انعيط و خلاص ومش بس انتي حتي ريم لو دارت حركه هكي ولا هكي نهزبها جنبك أنا مش داير فرق انتن لتنين بناتي رغد: اصلن انت اتحبها اكتر مني وحتي هديك الفتره ضربتني عمر: وانتي شن درتي بعد أنا ضربتك رغد نزلت راسها وسكتت عمر: قولي شن درتي رغد منزله راسها: عليت صوتي عليك عمر: وتبيني نمشيها ليك بساهله وحتي انتي معاش كيف قبل تغيرتي و اجد اعناد و تسكير راس و الفون 24 ساعه في يدك لو ما اتغيري من وضعك انلز الخدم وانتي تمسكي الفيلا ظم و تطيب وقتلك عبير فوتيها علاش اتبعي فيها رغد: عبير بنت خالتي كيف تبيني انفوتها عمر: انشالله اختك لو مش تمام اتفوتيها رغد: بس هي اكويسه عمر بعصبيه: تي اني اكويس ما تحقيش في لبسها و حركاتها و نضراتها امتاع && راك تقعدي كيفها رغد: بس هي مش مع الكل هكي هي عشان تحبك عمر بعياط: رغدددد رغد خافت و سكتت عمر بعصبيه: حسك عينك اتقولي الكلام هضا مره اخر فاهمه أنا تجوزت و الكلام هضا ايجيب خراب لبيوت وهي تلها في حالها فاهمه رغد شقلبت اعيونها: فاهمه عمر: أنا جاي انراضيك مش جاي تفتحيلي جلسة هذي اتحبك و هذي تكرهك فكيني من لعب المفرخ رغد ساكته و مش عاجبها الكلام عمر مسك يدها: أني مانبيش منك غير تقعدي انتي و ريما كيف الخوات و لو ما نبيش نهزبك جنبها غيري من نفسك يا رغد وانتي عارفه اكويس التصرفات الاخي يلي اديري فيهم رغد بدون نيه: حاضر عمر قرص خشمها: بتقعدي عمه يا شينه رغد بصدمه: جد عمر: اها رغد بدون نيه : باهي مبروك عمر صبا: هيا تبي حاجه تاخرت علي المعرض رغد صفنت تفكر اني مانبيش شي وكل حاجه عندي بس تو أكيد العقربه يلي عنده فوق قايلتله تبي أشوي و شويات و من افلوس خوي حتي اني نطلب حاجه واني اوله بيهم عمر: تي وين اتفكري انتي رغد: لها نبي حاجه عمر: شن رغد صبت علي سريرها عشان اطق في عمر لي انه كيف ما قلتلكن طوييييل رغد: نبي نغير غرفتي عمر: شن بتغيري فيها رغد: كلها كلها لونها أخضر اعيييي كيف دار الولاد نبيها وردي عمر: اخ منك مش انتي قلتي نبيها اخر و جبنالك كل شي أخضر دولاب أخضر سرير أخضر ازواق أخضر في رسمات الونسات خضر ( كانت دارها اتبهل بختصار الفيلا كلها اتبهل مش بس بي السم فيلا لا فعلن فيلا) رغد: زهقت كبدي منها نبيها وردي غيرهالي وردي عمر،: باهي تو انجيب زواق يزوقهالك وردي و حتي الدولاب و مكتبت القراه و سرير تو يزوقهم رغد: لا نبي حجات اجدد من الاصل لونهم وردي عمر: لا يا شيخه يا بنت السلطان شن تحسابك انتي ولا كان عندنا افلوس خلاص نبزرو التبزبر حتي ربي ما امر بيه يعني تو تبيني نحدف الدولاب و المكتبه و طاوله و السرير و الشاشه اتلفزون يلي 52 بورز و درتي الويل نبي شاشه كبيره نبي كبيره و جبتهالك من تركيا لي ان هنا مافيش شاشة بلازما ماونات كلهم سود تو نحدفها الالالالا رغد: خلاص ناخد غرفت حنان: لونها ابيض و تغييرها ساهله عمر,: لا غرفت حناان تقعد لي حنان حتي لو تجوزت عشان وقت أتجي اتبات هنا ترقد فيها هي و صغارها و لو راجلها سافر تقعد فيها ماتجيش رغد: باهي كيف الحل عمر: انتي مش تبي لونها وري رغد: اها عن عمر ة خلاص الباقي مش شورك اقعدي اليومين هدينا في غرفت حنان لين ما غيرتهالك رغد حضناته و باست خده: نجك ليا عمر ضحك و باس راسها : ههههه وليت نجك و بعدها عمر :خلاص تاخرت علي المعرض رغد: باي و طلع عمر ومشاء لي المعرض ويتصل بي يعقوب و مايردش ________________________________ عند يعقوب الفتره هذي كلها و او بي الاحره الشهر هضا كله خلود سلبت منه كل افلوسه و خلاته علي الحديده كل زعلاه او اختلاف ايحطلها مبلغ في احسابها و احسابها يلي كان مافيش حتي ربع خلال شهر بس تمو فيه 10 آلاف و يعقوب يلي كان احسابه ما يفضاش اليوم حتي الربع ما عنداش ولا مش بي ماديا حتي معنوين و نفسين دمراته معاش يعقوب امتاع قبل بكل يلي يضحك و ينكت لالا خلاته إنسان مهموم و ديما منكده عليه امك و اختك امك و اختك لي عند جاء اليوم يلي خاش فيه لي شقته و جايب معه اكياس خضره و خش علي امه و اخته يعقوب: السلام عليكم عمتي فوزيه( امه) : وعليكم السلام يا باتي وينك من امس يعقوب: اصلن اليوم ماسك في المستشفي لي السقه ونبي أنرد رهف اخته: اصلن قلت غريبه جيتك مفروض لي بكرا الصبح يعقوب: اصلن راد هي تبو حاجه عمتي فوزيه: سلامتك بس يعقوب رقا رهف: يا ماما يعقوب من لم تجوز معاش شفته يضحك عمتي فوزيه تنهدت: جاب الهم بي يديه ديما منكدتها عليه وهو مسكين يحبها غير شن تبي يا خلود و ما نستغربش لو تطلع سحراته رهف: يلي فوقها و فوقنا يشوف فيها و يا داير يا لاقي ________________________________ عند يعقوب رقا لي شقته و قعد يدخل في الخضره و دخلها وسكر الباب وكان بيحكي يسمع في صوته وشوشه في دار النوم قلبه نغز قعد يمشي بشوي و يتمنا يلي في باله لا لي عند ما وصل جنب الباب الدار خلود بتجوعين و تضحك: بشويا حبيبي كنك يعقوب سمعها قلبه قعد يضرب بقوه و حس بي اطراف جسمه صقعت و بس تشجع و فتح الباب خلود. و يلي معاها😳 يعقوب كانت صدمته ما تنوصفش ( طبعن لقاها راقده مع راجل و مسلمه شرفها ) خلود امدايره روحه اتغطي في جسمها وتحكي و ترجف: اممم حبيبي شش شن جاا جابك تو مش بايت في المستشفي يعقوب و عيونه ادموع:اني يا خلود اتخونيني اني؟ و في وسط حوشي وعلي سرير ي اني خلود: انت انت فاهم غلط هو اغتصبني مش برضايا الراجل بخوف: كدابه والله كدبه هي يلي قاتلي تعال اليوم يعقوب مناوب وهي راضيه عن كل شي وهذي مش اول مره كل سبت انجيها لي ان انت كل سبت عندك مناوبه في المستشفي اتبات و ماترجعش الا في صبح الاحد اني شن عرفني بي هضا كله و شوف فونها مسجاتها معايه خلود تبكي: كداب كداب يعوب بصوت عالي و يبكي: اسسس خلاص خلاص اني يلي حبتك و اني يلي امنت فيك و تقت فيك و جيتك مرا لي حوشي و عززتك و صنتك و حطيتك في اعيوني بس طلعتي && ومش امتاع تقدير يا ريتني سمعت كلام رفيقي و خوي عمر يا ريتني الراجل رفع مابسه وبيهرب يعقوب قفل الباب و حط المفتاح في جيبه : ادخول الحمام مش كيف خروجه الراجل: بس أنا ما لياش دنب يعقوب بعصبيه و عياط: قعمززززز عللللي السرييييير جنببببها ينعن&&&&& الراجل حاف و قعمز جنبها يعقوب بعياط: حودو البطانيه خلود مسكتها وتبكي يعقوب يعيط: قتلك حوديها انتي رقدتي معه يا &&& تو دايره روحك متحشمه يحقك انتي راقدة معه يا قليل الاصل يا &&&& ينعن جد &&& خلود حولت البطانيه وتبكي وترعش و تعرف يلي يراجي فيها مش ساهله ويا ريت الموضوع ينتهي علي يعقوب بس لا ميزال في خوتها و بوها و اولاد عمها يلي ح يقتلوها يعقوب قرب منها ومسكها من شعرها : افتحي تلفونك علي الكاميرا خلود تبكي: اي اي شعري يعقوب ضربها بيده علي راسها بقوه : افتحي الكاميرا قوتلك خلود فتحت و هي تبكي يعقوب صورو وانتم هكي الراجل يعيط: لا يا خوي فكنا من النشر ما تفضحش بيا الله يستر علي عرضك يعقوب بصوت عالي: اسكككككت الراجل خاف و سكت يعقوب: صوري انتي ولا&&& يلي جنبك وانتم هكي صورو الراجل خايف يعيط علي خلود: صوري صوري خلود صورت وهي تبكي يعقوب: صوي وانتي تضحكي كيف ما كنتي تضحكي وهو يجامع فيك اضحكي وانتي اتصوري معه خلود تمسح في اموعها يعقوب يعيط: صوري وانت اضحك و صورت خلود هي و يلي معه وهما مش لبسين شي صوره كامله وكانت مبتسه وهو نفس الشي بس واضح انهم مغصوبين خصوصي خلود واضح كانت تبكي لي ان الكحلها سايح خلود تبيكي: شن اندير تو يعقوب: افتحي وتساب خلود فتحت وتسابها يعقوب: دزيها لي خوك الكبير خلود تبكي وتبوس في يد يعقوب: لا والله لا و راسك يا يعقوب يقتلوني لا الله ايربحك يعقوب إيعيط و عطاها كف لي عند ما جابها علي السرير راقده: قتلك دزي ينعن خلود: لالا ما نقدرش وتبكي يقعوب خنقها ونازل فيها اكفوف : دزيله دزيله يا &&& خلود تتبلع و طلع في لسانها: حاضر حاضر يعقوب سيبها و يشوفلها خلود مسكت التلفون و دزت الصور هي ويلي معاها لي خوها يعقوب: اكتبي تحتهم بحت يا حميد اني اختك تربايتك انخون في راجلي في و سط حوشه وعلي سريره خلود تبكي: لالا يا يعقوب ما ديرهاش يعقوب عطااها كف: اكتبي خلود مسكت التلفون وكتبت نفس ما قاللها يعقوب بي الحرف و يعقوب بعد تاكد انها كتبت خدا منها التلفون الراجل بخوف: الله ايربحك خليني نمشي يعقوب بعياط: اسسسس و فك سير سرواله و قعد يشحك فيها لتنين و يعيطو ياعلي حسهم و يعقوب مستمر و يجلد فيهم لي عند ما زاد العياط ورقت امه و اخته وقعدت يخبطن وبعد تعب و كمل تجليد يلي استمر ساعه كامله فتحلهن عمتي فوزيه و يديها علي فمها: هيييييي شن هدا شن هدا معقوله يا خلود في وسط حوشنا يا خلود معقوله يا زانيه أما رهف خافت من المنظر و من الراجل طلعت نزلت من الشقه بكل يعقوب يعيط : انتي طالق طالق طالق خلود تبيكي يعقوب بعياط:اطلعو و لبست خلود ويلي معاها و طلعو و قفو جنب باب الشقه مع و صبا خوت ريم التلاته يلي كانو فايرين بعد ما شافو الصور و المسج يلي دزاته ليهم خلود بس الراجل قدر ياعفرهم و دفهم و هرب و ركب سيارته و ما قدروش يلحقو عليه حميد خو خلود: وين ال&&& الله يلعنك نزلتي راينا نزلتي راسنا خلود تبكي خوها التاني: سامحنا يا يعقوب يعقوب مقعمز في الصاله و منزل راسه : خودو عاهرتكم و اطلعو و رقتها توصلها بكرا خوها التالت اعيونه ادموع ويحكي بعياط: اي فعلن عاهره و قول عليها حتي && و تستاهل كل شي يا ريتك قتلها يا يعقوب يا ريتك قتلها خلود منهاره وتبكي حميد الكبير عطها كف لين ما طحت و سنها انكسرت عمتي فوزيه تبكي وتبعياط : شيلوها عن وجهي اطلعو عن حوشنا خلاص اطلعو حميد مسكها من يدها ويجر فيها من الدروج و طلعو عمتي فوزيه حضنت يعقوب يعقوب بعدها وبصوت هادي: امي خليني ابروحي اشويه عمتي فوزيه صبت: الله ايربحك ما ديرش شي في روحك يلي جابها ايجيب غيرها اوليدي يعقوب منزل راسه و طلعت امه وسكرت الباب و يعقوب يقعد في شقته _______________________________ عمتي فوزيه نازله من الدروج وتحسب: حسبي الله و نعم الوكيل حسبي الله و نعم الوكيل رهف تبكي: ماما كيف اتسيبيه ابروحه وكان عمتي فوزيه: شن بندير يا بنيتي قالي اطلعي رهف: اتصلي بي عمر ايجي يهون عليه عمتي فوزيه: زعما رهف: اها طلعت تلفونها و تصلت بيه بس ما قتلش شن فيه و عمر في اقل من عشر دقاقيق جاء وبعد نزل ادنله المغرب عمتي فوزيه: تربح يا باتي ارقا شوفه عمر : حاضر ولا ايهمك رتاخي انتي بس ور قاله لي الشقه وقعد ايدق يعقوب بعياط: خطو جدي ينعن&&& خلاص الزف عمر يعيط: سكر فمك وماتسبسبش و افتح جد تصل الباب يعقوب يبكي: مش فاتح مش فاتح بري &&& خطاني الزح عمر : بتفتح ولالا يعقوب عيط ويبكي: لالا ينعن&&& عمر بعد و كسر الباب بي رجله و كانت عنده العمليه ساهله بحكم خاش في نادي الحديد يعقوب مقعمز. في الصاله في الوطا وجنب الدخان: تي علاش حيت انت علاش عمر: سكر فمك ولا اقسم بالله نكسرلك اسنونك يعقوب نزل راسه و قعد يبكي عمر بعياط: خوت نحن يا &&& يعوب يبكي عمر بعد الدخان و قعمز جنبه في الوطاء: كنك شن صاير اتصلت بيا الحاجه تبكي و صوتها فيه رعشه تي اعروقي جمدن نحساب كنك يعقوب يمسح في ادموعه و يدخن: خلود عمر: كنها يعقوب نزل راسه و دمعتها نزلت: جايبه معها راجل في الحوش وراقده معه والاشر من هكي ايجي كل سبت لي ان كيف ما تعرف السبت اني انابت في المستشفي و اليوم بصدفه قلت انجيب خضره لي حوش جيت و لقيته معها و قعد يبكي عمر ما نصدمش واجد لي ان عارف معدنها اكويس عمر يطبطب علي كتفه: تمشي يا صاحبي والله تمشي ويلي داير شي يلقاه يعقوب يبكي:؛يا ريت سمعت كلامك يا ريت سمعته ضحكت عليا و ستغبتني و الله اهانه يا عمر شرفك و عرضك اديري فيك هكي تي تخيل الفكره يا عمر راجل يرقد مع مراتك السبت و يشبع منها و انت أتجي الاحد كيف الغبي السطل ترقد معاها و اعره يا صاحبي واعره عمر : و غلاتك كله يمشي و ين بتهرب من ربي هذي زانيه مش حاجه ساهله و بنات الحلال واجد وانت راجل ما يعيبك شي يعقوب يبكي: والله حبيتها و راس امي حبيتها و قعد عمر معه لي عند الساعه 10 يواسي فيه بعدها روح _______________________________ عندي في السقه عمر ينادي : ريم ريم أنا: هاني في الدار عمر جاني أنا صبيت نبي نحضنه عمر : لالا اندوش و نجيك بنتي دخان و زيت سيارات وانتي حامل أنا , ابتسمت: به و عمر فتح الدولاب خدا شورت و تيشيرت نص كم مع ان الجو تلج و خش دوش و طلع من الحمام لقاني مصبيه انراجي فيه جنب بابا الحمام عمر: هههههههه انتي هنا أنا ضحكت ورفعت يديا: شيلني عمر ضحك و رفعني وانا لفيت رجليا علي خصره عمر ضحك: انعاني في بيبي أنا و قعمز علي السرير و حطني في حضنه و قعد ينشف في شعره أنا مسكت يده: لالالا اني نشفلك عمر: باهي يا ستي نشفي أنا و قفت علي ركبي لو عرفتنها الحركه هذي وهو مقعمز و قعدت انشفله في شعره. كملت و حطيت المنشف في مكان وجيت أنا:حبيبي مش صقع عمر: لا الجو تمام واهو متغطين و بنرقدو بكرا عندي عياده الصبح بدري أنا: به عمر رقد وحظني واني مش باينه بكل بحكم أنا طشه. هو جسمه رايضي عضلات و جو عمر يلعب بخصلت شعري: تعشيتي أنا: أها عمر: باهي قولي الحمدلله انا ضحكت: الحمدلله عمر : اصلن قلت لي امي اتكلمك باش تنزلي تاكلي أنا: وانت عمر يبوس في راسي: اها تعشيت مع صاحبي يعقوب أنا: باهي حبيبي مش قلت تبي اتعرفني علي مراته و تعزمهم عمر غمض اعيونه: بحححح مراته أنا بصوت طفولي: وين امشت عمر يحكي وهو امغمض عيونه : طلقها يا باتي. أنا ببراه: شن يعني طلقها عمر وهو امغمض: بكرا نفهمك شن الطلاق تو ناعس حبيبي نبي نرقد أنا ابتسمت و خشيت في حصنه اكتر ....يتبع اني كنت مش ح نزل ومفروض انزل من اول امس بس زعلانه منكن اني نتعب و نكتب وانتن مافيش تفاعل بكل ولا تعليقات اسماح غير نزلي يلي بعدها نزلي يلي بعدها و اني نبي رايكن علي كل الشخصيات مش لبطال بس و هذي اخر حلقه نكتبها مش الاخيرة هي بس اخر حلقها بعدها بجوي انزل بعد شهر ولا شهرين أني مانبيش منكن شي غير كلمه سمحه و تعليق يرفع معنوياتي