مريضتي ♥️ - ❴🔢❵☟الــبـــــ❴2️⃣8️⃣❵ـــــــارت☟ - مكتملة | روايتك

مريضتي♥️ الكاتبه: نولي الحلقه 28 في الفيلا.... ادن المغرب و صبينا صلينا كلنا بعدها اعميمه خشت المطبخ تشرف علي الخدم في العشاء و حنان ولدها بكا خشت اترضعه جو لي ان في الصالة كان فيه عامر و قدت اني و رغد وعامر و كل واحد علي فونه واني جنبي صفو وتهدرزلي علي روضتها و صاحبتها أشوي وجاء عمر و صفاء صبت تجري و مشتله وهو شالها وانا بصراحه غرت و قعد شايلها و قعمز جنبنا و حطها في حجره عمر يمشي في يده علي شعرها: وين خيك صفاء قاعده في حضنه: يدع ( يرضع) عمر ضحك: امتي يتعلمي الكلام انتي كيف يفهمو في دوتك في الروضه عامر و عينه في فونه: تي تحسابك يدوم معاها المدرسات في الروضه اصلن تي اكيده مهمشاتها لي ان كان حكن مش ح يفهمن كلامها عمر يضحك وباس خدها: صح خالو أنا نار والعه فيا ونبيه ينزلها صفاء: ما تسمعس تلامه هدا ( كلامه) عامر: ههههههههههه مجنون قالولك و كل واحد انشغل في فونه وانا نحرق ومنقهره بعدها صبيت و وقفت فوق راس عمر ونبحت عمر شافلي وبتسم. وبصوت واطي: كنك أنا: نزلها عمر عقد حواجبه: من أنا شاورتله علي صفاء: نزلها عمر ماسك ضحكته و مسك يدي وقعمزني. جنبه و بصوت واطي عمر: اتغاري أنا ساكته ونفرك في اصابعي في بعض و متوتره عمر: هههههههه أنا صبيت و شفتله: رايقه لي السقع أنا اعميمه طلعت من المطبخ: تفضلو العشاء كنك أنا: لالا اعميمه نبي نرقي شكرا اعميمه: اللطف يا ربي و من يفهمكن كناين تو باهي ارقي مربوحه و تسلمي علي الكيكه أنا : ولو و خديت فوني ورقيت واني امعصبه و طيرتلي و عمر فهم عليا بس ما دورش حنان طلعت من الدار: وين ريما امالاه اعميمه: رقت يا حنتي كناين اخر وقت نمسكها علي العشاء اتقولي نبي شقتي شكرا عامر: باهي بلكي يام تعبانه ولا تبي ترتاح ولا ما عدهاش نيه حتي انتي ما ادققيش علي كل حاجه الوليه معاكي من العصر حنان: اها يا ماما كيف ما قالك عامر بعدين مزالت عروس أما عمر كان يسمع وساكتو يبربش في فونه لي ان لو حكا امه ح تقول ايدافع عن مراته ف اختار السكوت خيرله عشان ما يجرح حد و كسد معاهم حاجه ساعه بعدها رقاء لي الشقه وفتح الباب و خش وقعد يدور فيا عمر وهو يمشي في الممر وينحي في كويشه: ريمي ريومتي وينك يا ريماااا و وصل لي دار النوم فتح الباب ولاقاني راقدة علي بطني و دافنه راسي في المخده ونبكي عمر ضحك و شغل الضي: شكلها زعله شينه أنا مازلت علي نفس الوضعيه و صوت شهقاتي يعلن عمر قعمز جنبي علي السرير و حودني من المخده وحطني عليه أنا اندف فيه ونبكي: بعد بعد عمر ماسك ضحكته: كنك يا روحي عليش هضا كله أنا نبكي: اطلقني امشي لي صفونتك عمر يضحك و ماسكني بي قوه: معقوله حبيبتي اتغاري من طفله أنا نبكي: اسكت اتحبها وما اتحبنيش عمر: من قالها ما نحبك نحبك يا روحي ونحبها انتي ابنيتي و مراتي وحبيبتي وهي ابنيت اختي وحبيبت أنا نبكي: من اتحب اكتر عمر باس فمي ويمسحلي في ادموعي: انتي اسكتي خلاص انا مسحت ادموعي: تكدب عليا صح عمر عقد حواجبه: شن حسك قلتي أنا خفت منه: شي شي عمر يمسح في ادموعي:. بس يا ريما درتي حركه شينه كيف امي تمسكك علي العشاء اتقولي بنرقي لي شقتي معاش اتعيديها الحركه هذي عيب تخشمي وليه كبيره أنا ابتسمت: الله الله اخر مره بكرا تو ننزل نتغداء معاها عشان ترضي عمر باس راسي: ايو الله ايربحك أنا ابتسمت عمر : خشيتي المطبخ ؟ أنا هزيت راسي: لالا طول خشيت لي الدار و ارتيمت علي السرير و قعدت نبكي و ما خشيتش عمر: يعني ساعه تبكي أنا: اها ساعه نبكي عمر صبا بيا وهو شايلني وانا لفيت رجليا علي خصره انا نحكي بصوت واطي: وين شايلتني عمر: انوريك حاجه و طلع بينا و مشينا شور المطبخ ونزلني أنا ضحكت بفرحه و حطيت يديا علي فمي: هييييي غسالة اصحون عمر ابتسم: اها أنا حضنته و صبيت علي روس اصابعي و نقزت عشان نبوس خده بحكم هو اطول مني بوووووووووواجد عمر غمزلي: يصير فيها كلام تاني أنا مافهمتش: كلام شن عمر: خلاص فوتي تعالي نوريك كيف تستخدميها و قعد عمر يعلم فيا كيف نستخدمها و طولت عشان استوعبت طريقت استعمالها و طلعنا من المطبخ عمر راقد علي السرير وانا مشطت شعري و جيت جنبه و خشيت تحت الغطاء ورقدت فوق منه عمر يمشي في يده علي راسي: قطوسه أنا ابتسمت: عمر عمر: عيونه أنا: علاش ما مشينا شهر عسل عمر نزل راسه و يشوفلي بصدمه: شن عرفك انتي بشهر العسل أنا ضحكت: نور قلاته ليا عمر ضحك: بتودرني في داهيه هل النور ههههههه معاش تسمعيلها أنا: باهي شنو شهر العسل عمر ضحك: تسألي عليه ومش عرفاته أنا: اها قولي عمر : هضا بعد العرس بيوم يسافرو العرسان لي تركيا مصر تونس دوبي امريكيا كل شخص و استطاعته الماديه المهم يسافرو وقعدو شهر يغيرو جو ويعيشو حياتهم بعيد عن الناس ولا عمل ولا شي و العرسان يتقربو من بعض اكتر و يفهمو بعضهم اكتر بي اختصار يهيجو ويعيشو حياتهم أنا : باهي علاش نحن ما مشينا عمر باس راسي: نعوضك انشالله والله يعمري ما نقدرش نمشي ونسيب هلي شفتي اني الكبير والكبير الله بوي متوفي واني بوهم و معتمدين عليا في كل شي و لي من نسيب رزقي كان سافرت المعرض و الشركات من بيهم وعامر مزال فرخ صغير و في الفيلا الحاجه يلي ما انديرها ما تندار و الكل يا خد في راي بس انشالله ما انقص عليك شي أنا ابتسمتله عمر ضحك : نجيها الغمازه أنا حطيت يديا علي وجهي: تحرج فيا عمر بحركه سريعه جابني تحت وهو جاء فوقي وفكلي مساكتي وشعري انطلق أنا فهمت عليه: حبيبي بشويا ما نتحمل أنا عمر ضحك ونزل يبوس في رقبتي: نعليا من يلي ما تتحمل ونزل عليا و رحنا في خبر كان♥️. _________________________________ بعد مررو شهر مشا الشهر هدا و عمر امدلعني علي الآخر بس وقت انزودها في الدلع ولا أنرد عليه بكلمه يفصل و يعصب و مره صارت مشكله كبيره رغد ردت علي عمر وهو عاد ما قصر ضربها و اني هنا وين عرفت ان عمر نظآمه بعد يعصب يضرب و الحق خفت هو طيب و حنون وكل حاجه سمحه فيه بس هضا عيبه و اني الحق امريحني و يلي نبيه حاضر و يومها كنت راقدة الصبح وكانت الساعه تسعه عمر يمشط في شعره ويبحت فيا من المرايا: كنك مزال امتنبله صبي توضي وصلي الساعه تسعه أنا : نحس في روحي مريضه عمر تلفت عليا: كنك بسم الله انا كنت بنحكي فجاة نفسي لعت صبيت نجري لي الحمام و نستفرغ عمر لحقني يجري و يمشي في يده علي ضهري ويرد في شعري خلف ودني عمر: حبيبي كنك أنا غسلت فمي و حضنته وقعدت نبكي عمر يمسح علي شعري: خلاص اسسسس خلاص ماتبكيش تو اتخفي أنا نبكي ونهز راسي: لالا بطني توجع فيا بنموت عمر مسك يدي وطلعني من الحمام: هي نمشو المستشفي انعاينك أنا هزيت راسي عمر فتح دولابي و خدا عبايتي ولبسها ليا و لبسني و شاح و من كتر ماهو خايف عليا نساء يلبسني الخمار ومسك يدي ونزلنا و لقينا اعميمه امكسده في الجنان تشرب في قهوتها اعميمه بخوف: بسم الله كنها ريم عمر : مش عارف كانت تستفرغ و تعيط بطني بطني أنا دايخه ومش فاطنه شن يحكو اعميمه: باهي باهي ابقا طمني عمر: انشالله و طلعنا اعميمه رفعت يديها تدعي: يا رب حمل يااااارب حمل و ركبنا السياره وعمر يمس في خدي ويعيطلي ما ترقدي حبيبي و صلنا المستشفي و جاء وقت تسحب مني دم🤦🏻‍♀️💔 أنا نبكي: نبيش نبيش بعدي الممرضه كانت كبيره وفي عمر ماما و احنينه الممرضه: يا ماما هيا باش نعرفو شن عندك عمر: ريما حبيبتي هيا شحورتينا ليكي ساعه أنا نبكي : لالا ابره لا مستحيييييل الممرضه: ابنيتي اني قديمه في التمريض ويدي خفيفه في ابره مش ح تحسي بشي غمضي اعويناتك السماح و فتحي تلقيني كملت عمر: يا ريمو اسمعي الكلام مش خير من بطنك توجع أنا نبكي: قلتلكم لا عمر شاف لي الممرضه وبجديه: جهزي ابرتك الممرضه ضحكت: تمام أنا نبكي لالا عمر مسك يديا يبي يديه وشاف لي الممرض: شوفي شغلك أنا انعيط : لالالالالالالا عمر بعياط: سكري فمك ونقصي حسك و قربت مني الممرضه و قربتلي الابره. والحق ما حسيتهاش واجد🌚 أنا صبيت من السرير وماشيه نفتح الباب و بنهرب و نبكي زعلت منهم عمر يضحك ومسكني: تعالي تعالي اسف هههههههه أنا نبكي: بعد عمر: ههههه وباس راسي خلاص تعالي باش بكرا نشيلك لي الملاهي أنا قعمزت علي السرير و عطيته بظهري زعلت و هو يضحك وقعدنا نراجو في النتيجه أشوي و خشت الممرضه الممرضه ببتسامه: مبروك حامل♥️ عمر بفرحه و ستغراب: كيف ....يتبع