❴🔢❵☟الــبـــــ❴2️⃣6️⃣❵ـــــــارت☟
مريضتي♥️
الكاتبه : نولي
الحلقه 26
خلود بصوت واطي: سكر سكر اهو جاء
وسكرت
يعقوب خش عليها: كنك ما ترديش
خلود: ماسمعتكش حبيبي
يعقوب ابتسم : مش مشكله
خلود ابتسمت بنجامله
يعقوب قعمز جنبها: امي اليوم استغربت حركتك و تسأل علاش ما نزلتيش مفروض اليوم صابحيتك
خلود قلبت عيونها و في خاطرها العجوز الحرفه: حقيتني بعينك كنت تعبانه ونحس بدوخه
يعقوب: وشن امتعبك وحتي ليله ما عشناها كيف اي متجوزين
خلود: يعني تو تبي اتعزرني
يعقوب بعصبيه: اها و هضا حقي
خلود بستفزاز: وكنك هكي مستعجل ولا شاك في رجولك و تبي تتاكد
يعقوب انصدم بكلمتها وماتوقعش جراتها توصل لي هكي هو كان كيفه كيف اي راجل ليله دخلته يبي يعيشها وكانت نيته صافيه بس هي تفكيرها خارب
يعقوب مفنص اعيونه وبعياط : لا مش شاك في رجولتي اني راجل وغصبن عنك بس شاك في شرفك
( ردها ليها )
خلود بصدمه وعياط: شن تحكي انت
يعقوب بصوت اعلي منها: تو تعرفي شن نحكي وتو نتبتلك رجولتي
وقرب منها و راحو في خبر كان
___________________________________
الصبح الساعه 8
و عيت و خشيت الحمام نضمت اموري و دوشت و طلعت دهنت جسمي و لبست توتي لونها أصفر ومشطت شعري وخليته مطلوق وكان مجعد بحكم كان مغسول بس ناع رشيت عطر وطلعت انكلم ماما في الصاله لي انه عمر كان راقد
أنا نحكي و خانقتني العبره: ايوه ماما
ماما اترضع في ياسين: اهلين يا ماما كنه صوتك
أنا قعدت نبكي: ريفتلكم
ماما اعيونها دمعت: ونحن ريفنالك يا ماما
أنا نبكي ونمسح في ادموعي: نبيكم نبي انروح
ماما بصدمه: طيح سعدك شن انروح هذي
أنا نشهق: اها
ماما: يا ماما ماتجيش خلاص من اليوم هضا حوشك شوفيني أنا كني مانقولش نبي حوش هلي لي ان خلاص المره ما ليها غير حوش راجلها
أنا نبكي ونسمع فيها
ماما: باهي مليتي من عمر
أنا مسحت ادموعي و ابتسمت: بلعكس عمر مدلعني بكل اخر اكتر منكم حتي
ماما: باهي تبي اتروحي و تسيبيه
أنا بنفعال: لالا نبيش نبي نقعد معه
ماما ابتسمت: خلاص معناها يا ماما معاش تفجعيني وتتصلي تبكي وتقولي نبي انجيكم انتي ماحبيتي أتجي تفضلي بس ردي بالك عمر سمع منك كلمه كيف هكي
أنا مسحت ادموعي و ضحكت: خلاص معناها بعدين جايكم
ماما ضحكت: تنوري
انا: وين ياسين و خوتي رايفت عليهم
ماما: ياسين اهو يرضع و خوتك ابخير يسلمو عليكي
أنا: سلميلي عليهم
ماما: راجلك واعي ولا مزال
أنا: لا راقد
ماما: وشن اديري مكسده صبي ديريله فطوره
أنا: وعلاش ما لين يوعي تو انديرله
ماما: لالا يا ماما الوليه الفالحه الحره توعي قبل جوزها بساعه اتنضم أمورها وترتيب نفسها عشان وقت يوعي يلقاها سمحه و بعدين تاخد لبست العمل امتاع راجلها و تحددها له و اتخش المطبخ ادير فطور عشان يوعي يفطر وييلاقي ملابسه جهزات
أنا سرحت في كلام ماما
ماما: ها ريما وينك
أنا: سلام ماما سلام نحكو بعدين وسكرت
وصبيت نجري خشيت نتسلل لي دار النوم فتحت دولاب عمر طلعت منه بدله رسميه تاعت العمل حددتها و عطرتها و علقتها و مشيت نجري لي المطبخ بديت في الفطور درت دحي و تن و زيتون و هريسه و شاهي و طلعت الخبزه من التلاجه أشوي خش عليا عمر
عمر : بست صباحو
أنا تلفتت عليه و ضحكت: صباح النور
عمر ابتسم وقعمز علي الطاوله ويشوف في الاكل: عيوني هضا انتي درتيه ولا امي رقتنا فطور
أنا قعمزت علي الكرسي و كشرت: لا انيييي
عمر : باهي يا شينه ماتزعليش بس ماكنتش نحسابك تعرفي اطيبي
أنا: ماما علمتني
عمر ابتسملي: باهي نجك ليا بس ديري بالك را يحقرك الغاز ابنيتي
انا صبيت وقعمزت عليه ونمس في لحيته: كنها فيها اميه
عمر ضحك وبدا ياكل: ماهو كنت انصلي و غسلت وجهي و نسيت نمسحها
أنا :بس تهبل
عمر يشرب في الشاهي: شن هي
انا: لحيتك
عمر ضحك
أنا دخلت صوابعي في شعره: شعرك يهبل غزير و ناعم
عمر ضحك : تي كنك تتغزلي كانك اول مره اتشوفيني
أنا : حي وعندك عضلات يهبلو كيف ولد جيران بس ان اكتر محلاك
عمر غار و بعياط:ريمااا
أنا بستغراب: تي كنك
عمر بعصبيه: معاش تجبديلي اسم حد علي ألسانك و معاش تقولي ( تي) شن هذي شن اسلوب المفرخ هضا
أنا ببرود وناكل في الزيتون: و وين المشكلة ما انت تشبه احمد ف قوتلك هكي
عمر فنص فيا: ريمي
أنا: نعم
عمر: اسكتي
أنا ضحكت: به
عمر يوكل فيا: ومعاش اتقولي تي
أنا ناكل: علاش
عمر : معاش اتقولي وخلاص فكينا من كلام الرديف
أنا: نبي شكلاته
عمر: كملي ماكله قبل
أنا خديت منديل و مسحت فمي : كملت
عمر ضحك وسرح في حركاتها الطفوليه و باس راسي
عمر: حاضر تو نعطيك
أنا: نبي اتنين
عمر : لا وحده اتنين يديرلك السوسه
أنا: اااااوف باهي
عمر رفع حاجبه و عضني في فمي بقوه: معاش تنفخي
أنا صبيت عن فخدته وقعمزت علي كرسي و زعلت و عمر كمل فطوره و عطاني شكلاته و راضاني و خشينا لي دار النوم
أنا نجري و خديت بدلته من العلاقه وجيت قدامه: بحت حددتها شطوره أنا
عمر ابتسم: اها شطوره حبيبتي بكل
أنا فرحت: ونسمع الكلام اخر
عمر هزلي راسه : اها و باس راسي بس يا عمري اليوم عنديش عمل واخده اجازه اسبوع و المعرض حتي هو واحد صاحبي نونق فيه ح يمسكهولي الاسبوع هضا
أنا بزعل: يعني حددت علي الفاضي
عمر: لالا يا بابا تو انطلعك ندهورو شن رايك اموافقه
أنا مشيت نجري و رقيت علي السرير وقعدت انقز : يس يس
عمر يشوفلي و فرحان لي فرحتي
أنا انقز: ح نطلعو ح نطلعو
عمر: ردي بالك ريمو را اطيحي
أنا وقفت وشفتله: واندير احي
عمر: اها اديري احي انزلي هي
أنا نزلت : باهي هيا نمشو
عمر : بري البسي عبايتك و البسي فوقها كبوط ( جبوطي) عشان شوفت عينك الجو مصقع ودنيا امغيمه مرات ينزل المطر
أنا : تمام
و فتحت الدولاب سلبت توتي قعدت بي شورت و الستيان والكت وعمر كل أشوي يعزقلي كلمه ويعاكس ماكنتش نبي نبدل جنبه بس اصر عليا قالي راجلك مش غريب لبست فنيليه رقبه عشان ادفيني لي ان كان الجو امصقع بكل و لبست سروال امريكي خديت عبايتي سوده اقماشها حرير اتهبل لبستها و لبست اشراب ابيض جاء خاطري فيه و سبيدرو ابيض درت عطر و جهي ما حطيتش في حاجه غير ان دهنت بميت ورد عشان الترطيب و كانن ملامحي اسماح و بشرتي بيضه مش محتاجه شي
عمر.... سرحت فيها كيف تلبس قدام امرايتها و تانق و طلعت انيقه بكل فرحت بي اهتمامها بي نفسها ورجعت بيا الداكره بي قبل وقت كانت اتجيني لي العياده نقوللها لبستك سمحه اتقولي ماما اخترتها ليا نعرفش نرتب لبسه لي نفسي اني بس اليوم تغيرت 180 درجه تعلمت كيف تلبس وتنسق حجات اسماح و تعلمت تطبخ و تنظف الحوش و اهم شي اتصلي صح مزال عندها تصرفات اطفال بس ح تتغير بادن الله وحتي لو ماتغيرتش راضي بيها اني راجيتها 6 أسنين عشان تكبر وكنت انعالج فيها و علي يقين انها ح تتغير و اهي تغيرت الحمدلله كل يوم تبهرني بي تفكيرها و تصرفها واليوم فرحت وقت لقيتها محدده لبستي و الحوش انضيف و ريحته بخور و امدايره فطور اخر فرحتي بيها ما تونصفش ♥️
انا صبيت قدامه: هيا
عمر صبا ومسك يدي: هيا
طلعنا ونزلنا سلمنا علي هله تحت و طلعنا ركبنا السياره وكانت الساعه 10 و مشينا لي حدقفه الحيوانات قوتله خاطري فيها و وصنا ونزلنا
أنا خايفه و لاصقه ورا عمر و كان مغبيني بضهره راسي بس باين
أنا: حبيبي عموري بحت آلنعآمه
عمر يضحك: باهي حبيبي نعامه اتخافي منها
أنا ضحكت: اها مانبيش نقرب
عمر: هيا نمشو لي القرد
أنا: اخييي مانحباش
عمر : كنه علاش
أنا: هكي يخوف فيا
و وصلنا جنبه وقعدنا نتفرجو وانا خلف عمر و ماسكه في قميصه اكويس
عمر : تعرفي القرد كان إنسان
أنا شفتله بصدمه
عمر: اها كان إنسان كانو قوم بس ربي غضب عليهم حولهم قرود
أنا نشوفله ومش مستوعبه : قوم شنو باهي حبيبي
عمر: والله يا روحي ما تخلينيش نكدب عليك ما نعلمش قوم شنو بظبط لوط عاد تمود ما نعرفش مش فاكر المهم ربي قلبهم قرود وفي قوم اخر خسف بيهم الرض
أنا: علاش
عمر: ايديرو في الفاحشه يا روحي
أنا ببرائه: باهي شن الفاحشه
عمر: مع الوقت ترعفيها حبيبتي حاجه مش اكويسه
أنا: اهاااا
عمر ابتسملي
أنا شفت ارنب مشيت نجريله وعمر خلفي يعيطلي بشوي يا هبله و وصلنا فيه
أنا : حبيبي نبي نمسه نبي نخش
عمر ضحك: لالا حبيبي ما يدخلوش
أنا: باهي اشريهولي نحب الرانب
عمر: هضا عمري الحيوانات هدينا ما يبيعوهنش تو ناخدلك من مكان اخر
انا ضحكت: يس
كلنا لف في الحديقه بعدها طلعنا و مش لي مول كبير في كل شي مواد غدأئه زينه العاب ملابس كل شي وقعدنا نتسوق ويلي نقول لي عمر نبي ياخدلي
أنا شفت جيهت الالعاب اعيوني تمو قلبو مسكت يد عمر ووقعدت نجر فيه
عمر تنهد: وين شايلتني يا بابا
أنا ماسكه يديه ونمشي قدامه: لي الالعاب نبي العاب
عمر: كيف صار يا روحي مش كبرنا ولا كيف
انا: لالا ما كبرناش نبي
و وصلنا جهت الالعاب و بديت نأخد
أنا شفت لعبت مطبخ: اعموره نبي
عمر ببرود: لا
أنا بزعل: علاش
عمر: حبيبي انتي كبرتي الحجات هدينا لا مش ليك لا لعبت مطبخ ولا ممرضه و لا بيت ابيوت ببرونه ( بامبنه... كافوره... عروسه) تبي دباديب خودي واحد ولا اتنين غير هكي مافيش
أنا شفتله: خزي بخيل 😑
عمر ضحك : بخيل حنك بس كبرتي يعمري
أنا شفتله وبعناد: ح ناخد تلت دباديب
عمر : باهي خودي
وخديت تلت دبديب واحد كبير واتنين اصغار و مع باقي الدبش يلي خديته و سلك عمر الحق و طلعنا و كانت الساعه 2 مشينا لي مطعم تغدينا بعدها و كلينا حلو و كسدنا أشوي طلعنا الساعه 3 وربع الجو صقع اكتر كانه مش قايله قعد يبرم بيا في السياره و خدالي جلاطي و بعدها حلوت صوف و كملناها تدهوير لين ما ادن العصر قتله مريفه لي هلي شالني ليهم قالي اليل انردلك و ح نجي نتعشاء عندكم و حطني ومشا وصل الدبش لي الشقه ومشا يطل علي المعرض وتصل بي يعقوب عشان يجي ايكسد معه
...يتبع
نبي تفاعل عشان الاحدات ح تتغير و الحلقات الجيات احلي♥️