❴🔢❵☟الــبـــــ❴2️⃣5️⃣❵ـــــــارت☟
مريضتي♥️
الكاتبه: نولي
الحلقه 25
عمر حود يديا عن وجهي: كملي فطورك الساعه 12 ح تجيك المزينه
أنا: به
وقعدت ناكل و عمر حاط يده علي خده ويشوفلي ويبتسم
انا ناكل: عمر
عمر : كولي قبل بعدها احكي
أنا كملت يلي في فمي
عمر ابتسم: ايوه تو احكي
أنا: خالتك كنها هكي تبحت فيا
عمر بستغراب كيف
أنا قعدت نقلدله: هكي😒
عمر قعد يضحك بصوت عالي: كيف كيف عاوديها
انا رديت قلدتله: هك تشوفلي
عمر ضحك: باهي فوتيها ماتحطيش راسك من راسها
أنا ناكل في الزيتون: لالا العين بي العين حني اني تميت هكي نشوفلها 😏
عمر زراته ضحكته بي يبيني في روحه معصب: عيييب ماتجيش مرا كبيره هذي أكبر من امك
أنا: باهي حتي هي قوللها معاش تفنص فيا
عمر بجديه : ريممم
أنا خفت ونزلت راسي
عمر مسك رجل الطبيب وقربني منه
أنا منصدمه: حي انطيح
عمر مسك وجهي بيديه اتنين وباس خدي: ماتزعليش بس كيف ما قتلك فوتيها عشان ما ننحطش في موقف محرج بينكن
أنا ابتسمت
عمر بيقرب يبوسني طق الباب
عمر بعصبيه : عليك بخت&&
أنا قعدت نضحك: اكيده المزينه
عمر صبا و مشا يفتح الباب وانا قعدت نلملم في السفره أشوي وخشت عليا حنان
أنا ضحكت: حي فجعتيني ههههه
حنان ضحكت: ها شن بشريني تهنيتو
أنا انحرجت ونزلت راسي : اها
حنان زغرت وحضنتني:مبروك يا روحي
أنا : يبارك فيك بس تعرفي امس عمر
وخش عمر قطع عليا
عمر وهو عاقد حواجبه: ريم
أنا خفت: نعم
عمر: تعالي أشوي نبيك وطلع
حنان شفتلي: انشيله واني هو عصير و شكلاطه خلي نفضل المزينه علي ما طلعتي
أنا: تمام
طلعت من المطبخ و مشيت لي عمر في الدار
أنا: نعم
عمر قرب ممني وكان امعصب: ريم شن كنتي بتقولي لي حنان
أنا ببرائه : علي يلي صار امس بيني وبينك
عمر عصب و وجه حمر بس مايبيش يعيط لي ان ممش كل شي يجي بي العياط
عمر مسح علي شعره ورده لاوره: قعمزي علي السرير
أنا قعمزت وخايفه من عصبيته وهو قعمز جنبي
عمر معصب بس يحاول يهدي روحه: ريما بنتي حبيبتي مايجيش تحكي حاجه كيف هكي لي حنان ولا امك ولا اختك ولا اي حد هذي علاقه خليها بيني وبينك ردي بالك اتفضحي بيها حتي ربي صبحانه وتعاله امر بستره ف ماتجيش تقولي شن يصير معانا علي السرير لا هذي خصوصيه و سر بيني وبينك انتي مامنه واتعرفي ربي لو قلتي حاجه كيف هكي را ربي يحاسبك
أنا بخوف: ويحطني في النار
عمر : اها و بزعل منك لي ان عيب الدوه هذي مهما يصير بينا علي الفراش ماتقوليش لي اي مخلوق ما تقوليش هذي اخت جوزي ولا ماما ولا اختي لا عيب شن قالك البابا امس مش قالك مطلعيش سر حوشك؟ و العلاقه يلي بين الراجل و مراته حتي هي سر
انا ابتسمت: هات صبعك الصغير
عمر ضحك: اسمه خنسر
أنا: به هات خنصرك
عمر : هاكي يا ستي
أنا شبكت صبعي الصغير في صبعه: وعد معاش ح نقول حاجه اتصير بينا مهما كانت
عمر ابتسم وباس راسي: ايخليك ليا
أنا ابتسمت: هيا تاخرت علي المزينه
عمر : طيري بر و كاميليا حنان
أنا : باهي ومشيت نجري
وطلعت عليهن
أنا: حنان يكلم فيك عمر
حنان صبت: تمام
وانا قعمزت وبدت فيا المزينه
حنان: نعم عمر
عمر حدف عليها الزبون:حدديه
حنان عقدت حواجبها: حتي بعد ما تجوزت نحددولك
عمر ضحك: حددي حددي
مشا الوقت ومكيجت ولبستني المزينه وحنان اللبدله الكبيرة و طلعنا وعمر سلك حق الفندق و مشينا حوش هل عمر و ستقبلتنا اعميمه بي الزغاريت و البخور و طبعن سئلتني تهنيت ولالا و قعمزت اشويه وجو هلي و تغدينا وقعدت انهدرز أنا وماما
ماما بصوت واطي: تهنيتو
أنا ابتسمت و نزلت راسي: اها
ماما ضحكت: نجك ليا
أنا علي أشوي نبكي: ماما تقيله نبي نحودها اللبسه
ماما: راجي أشوي حبيبتي
أنا دمعتي أشوي وطيح: ماما شن راجي شن راجي خلااص كلهم حقوني بيها
ماما: اف من زنك شقتك من فيها
أنا: مش عارفه
ماما: باهي نكلم حنان تاخد المفتاح من عمر
أشوي وماما ما كملتش كلمتها الا و جت حنان قعمزت يلانا
حنان تشوفلي: كنك امكشره
أنا: تقيله نبي نحود هذي
حنان: ههههه معاكي حق والدهب اخر تقيل وانتي طشه تو نشوف لو شفتك مفتوح عشان ترقي
أنا ابتسمتلها: تمام
ورقت حنان أشوي جتني وقاتلي ارقي ورقيت اني و ماما و طلعتلي قفطان لونه احمر طويل وفيه أشوي ورد ابيض و اكمام شيفون شفاف و لبست خراص دهبيات و كعب دهبي و درت شعري ديل احصان وماما خففتلي من مكياجي و بخيت عطر ونزلنا ادن العشاء وطلعو الحلو بعدها الناس بدت اتفضي و روحو كلهم حتي هلي و حنان قعدت في الفيلا اني و اعميمه و رغد وكنت خايفه من رغد مش مستاطفتني بكل قعدت نراجي في عمر امتي يجي علي احر من الجمر أشوي ادن العشاء ومع خشت عمر
عمر يشوفلي ومبتسم: السلام عليكم
اعميمه: وعليكم السلام يا باتي
عمر قعمز : ميزال العشاء يام
اعميمه: اللطف كيف ادن العشاء
عمر : جعان قوليلهن يصبن
اعميمه: تمام
عمر شاف لي رغد: بري كلمي الخدم يصبن
رغد و عيونها في تلفون: قول لي مراتك اهي جنبك اوووف
عمر بصوت عالي: رغددد بل جو && أني لو بندزها نشوف فيها خير دعوتك انتي ماعندكش احترام لي حد وقسم بالله هل.الفون يلي مقوي راسك ناخد منك ومعاش احلمي بي اخر احترمي فارق العمر ماتقوليش ساكت خايف مني ولا مدلعني لا مانبيش نمد يدي لي ان خايف انمدها و نندم مانبيش تكسر فيك عظم فاهمه
رغد خافت وقعدت تبيكي
عمر بعصبيه: فاهمه ؟؟؟
رغد وهي تبيكي: فاهمه
أنا نشوفلهم وخايفه من عمر كيف يعيط طلع اعور مما كنت نتوقع
اعميمه: خلاص ياصر وانت تهزب فيها شن قالت هي
عمر بنفعال: تي يام شن تبيها اتقول اكتر من هكي تنفخ و نحكي معاها ماتقيمش عينها من التلفون و اسلوبها زفت
اعميمه: عادي اصغيره امغير انت اتعيط علي كل حاجه ابصر كنك
عمر صبا وشافلي: ريم هيا
أنا صبيت
اعميمه: تعشو
عمر ما ردش عليها و طلع
أنا شفتلها: تصبحي علي خير اعميمه
اعميمه: وانتي ابخير
____________________________________
عندي بعد طلعت ببنلحق عمر رقيت لي الدروج الفيلا وكانن مضلمات الضي طافي فيهم واني عندي فوبيا من الصلام قعدت في نص الدروج ونبكي ونرعش وحتي صوتي مش قادر يطلع
عمر ... بعد طلعت من الفيلا كان راقيلي بكل رغد هربت بكل وأمي هي يلي خربتها كل حاجه صغيره صغيره لين خلتها ترقي علي اكتوفنا و تعلق في التلفون بي الطريقه هذي شاك انها امدايره علاقه بس أمغير نمسك عليها دليل بس و سيبت ريم تحت و رقيت ابسرعه و قعدت نراجي فيها بعد تاخرت طلعتلها ونسمع في حس شهقات في الدروج شغلت الضي و ننصدم
عمر نزلي يجري : ريما كنك
أنا نبكي ونشهق ومش قادرة نحكي
عمر يمسح في ادموعي ويبوس في اخدودي: ريمه كنك تبكي يا روحي
أنا نشهق: ضلام ماعرفتش الطريق
عمر حضني:اششش ماتبكيش اسف نسيت نشغل الضي واني راقي
أنا ببكا: كنك ما راجيتني ها
عمر يمسح في ادموعي ويردد في جمتي خلف ودني: كنت معصب حبيبتي خلاص حصل خير اهو معاكي
أنا نبكي ونمسح في ادموعي و يطيحن ابروحن اخر
عمر ابتسم: شلال ادموع انتي عاد هيا حبيبته صبي انخشو لي شقتنا الجو متلج
أنا نرشف في خشمي: شمرني
عمر بستغراب: ها
أنا نمسح في ادموعي: شمرني
عمر ضحك و صبا و رفعني وانا لفيت رجليا علي خصره ودفنت راسي في رقبته
عمر يرقا بيا من لدروج وينكت: بطه رايحه شن كليتي تحت امالاه
أنا نضحك: كل خير
عمر: دوم
و صلنا في الباب و خشينا وكان شايلني سكر الباب بي رجله
عمر وهو شايلني ويمشي بيا شور الصاله: عجباتك الشقه حبيبي
أنا: اها اتبهل
عمر حطني علي الكنبه وشافلي: مش ح ديريلنا حاجه ناكلوها
أنا هزيت اكتوفي: لا...
عمر عقد حواجبه: كيف
أنا ببرود: لا ما بنديرش تعبانه
عمر رفع حاجه: يعني نرقدو بي جوعنا
أنا نستخدم في كيد النساء قربت منه ومشيت صبعي السبابه علي تفاحت ادم ( عمر تفاحت ادم كانت فيه بازه وتهبل )
أنا: حبيبي وراسي اني تعبانه تو انت ديري أي حاجه ومن بكر انا نطيب وبست خده
عمر يشوفلي و مستغرب،: من علمك الخبت انتي
أنا قعدت نضحك و ببرائه: نور .. قاتلي بعد تبي منه حاجه ادلعي
عمر ضحك: باهي به معاش تسمعي كلامها هل النور
انا: و معلمتني حاجات اخر 😌
عمر يضحك:اشي اشي شن هما
أنا: لا اسرار بنات
عمر : باهي يا ستي
أنا نحكي بتجعوين بس بدون قصد: عموري هيا هيا جعت اني هيااا
عمر مسكني وقربني منه وقعد بعض في خدي: ناكلك اني ناكلك
أنا نضحك: سيبني سيبني
عمر بعد: اليوم اندير العشاء بس مرا آخر ما تحلميش
أنا: حاضر
عمر صبا وانا صبيت علي الكنبه وبحركه سريعه رقيت علي ضهره و لفيت يديا علي رقبته و رجليا علي خصر
عمر ضحك: انزلي يا حماره تحسابك احصان
انا نهز في اكتوفي ونضحك مانيش
عمر مشا بيا شور الدار
أنا: تي جيعانه
عمر: باهي يا همي غيري ملابسك هكي بتخشي المطبخ
انا : به
ونزلني عمر و فتحت الدولاب و خديت توته شتويه لونها دمي خشيت الحمام لبستها مازلت نتحشم نغير جنب عمر و درت شعري كعكه و حودت مكياجي وطلعت لقيت قاعد علي سرير رقيت علي الرسر وقعدت واقفه خلفه
عمر صبا
أنا تشركت فيه نفس حركت امبدري
عمر: تي انزلي عن شكلك
أنا : نبيش
عمر: اللهم جيبك يا طولت البال
و طلعت بيا شور المطبخ ودار العشاء دحي مقلي و تن وجبنه وزيتون وهريسه و شاهي احمر وليا أنا عصير و خبزه وحطهم علي الطاوله
عمر: انزلي
أنا ضحكت: عحبني الوضع
عمر بصياعه: تمام نخشو لي الدار نوريك وضع أحلي
أنا بعبط: كيف يعني
عمر تنهد: شي يا بابا انزلي هيا
أنا بدلع: نزلني نخاف نطيح
عمر: كيف ما رقيتي انزلي
أنا نزلت : خزو
عمر: بتدلعي عارفك هههه
و قعمزنا ناكلو و تعشينا و لميت السفره وخشيت لي عمر في دار النوم ورفعت البطانيه وخشيت مع عمر
انا: حي صقع صقع غسلت المواعين مش يديا كيف
عمر باسهم: تلجه يديك
أنا: اها
عمر : تعالي تعالي تو اندفيك
ونزل عليا ورحنا في خبرك كان♥️
____________________________________
خلود تحكي في التلفون بصوت واطي وتوشوش
خلود: ماتخافش والله ماخليتش يقرب مني
المتصل: كان ما قربك امس ولا اليوم ح يقربك بكرا
خلود: لالا مستحيل نخليه يقربني وفي بالي انت
يعقوب ينادي: خلودي خلوده
خلود: سكر سكر
وسكرت
....يتبع