❴🔢❵☟الــبـــــ❴2️⃣3️⃣❵ـــــــارت☟
مريضتي♥️
الكاتبه: نولي
الحلقه 23
( حنختصر) يوم الحنه جو اهل العريس و تغدو هما و معازيمهم و كانو جايبيلي عرم حاجات وكانت شبكتهم كامله والكمال لي ربي مانقصوش حاجه ولا قللو من قدري خالاتي كا عادتهن غارن جاء موعد الغداء غديناهم و جت الحنايه وبدت اتحني فيا واني ماله خلاص مانحبش الحنه نهائي بدتلي في يديا كملتهم وبعدها روحو هل عمر علي خاطر السيارت جنهم و بدتلي في رجليا وكان الحوش في خالاتي و بناتهن و جارتنا اربع ولا هن خمسه هنا و بناتهن و صحبات ماما المهم معازيمنا ما روحوش وكنت في الدار أنا والحنايه و نور ورنيم وبنات خلاتي
أنا بملل: اوف اوف مليت اني
نور: شن مليتي هذي امتاعك اصبري
أنا علي أشوي ونبكي: مانحبش الحنه اني اخييي
نرمين لوت بوزها: وعلاش متجوزه ؟مافيش عروس الا و يحنوها
أنا قهرتني: بس اني غير
هنا: وكنك يا ماما علي راسك ريشه ولا في فمك كاشيك دهب
رنيم تقهر فيها: لالا... لا هذي ولا هذي بس بوها تاجر و صاحب شركات و عقارات و معيشنا اميرات مش كيف غيرنا 😏
نور تضحك: حي علي امك انتي
ايمان شافت لي رنيم: والله انتي امعينينك محامية دفاع عنها ولا ايش
رنيم: اني حره محامي قاضي حره
الحنايه شافت لي نور: قصدك هدا حالهن ؟
نور ضحكت: ييييييي ما شفتي شي هدينا الفار و القطوس
رنيم صبت تجري: حس الباب
طلعت رنيم تجري وفتحت الباب وكانت الدنيا مغرب
عمر في خاطره: يييييييي طلعتلي الحصله هذي شن يفكني منها بس
رنيم برود وبحكم اطول منها رافعه راسها وتشوفله: نعم تفضل
عمر. ابتسم يلطف في الجو: هكي تستقبلو ضيوفكم؟
رنيم ببتسامه مصتنعه: تفصل يا افندي عمر
عمر ضحك: هههههه عقاب عمري المهم ريم وين
رنيم: جو
عمر: بري كلميهالي
رنيم: تؤتؤ تحني في يدهيا ومزال رجليها
عمر بمسايره: باهي تقدر اتصبي كلميهالي
رنيم شقلبت عيونها: لا العريس مايشوفش عروسته لا يوم الحفله
عمر تنرفز ويمسك في اعصابه: تي تي لا الله الا الله تي شن فهمك انتي في المواضيع
رنيم: يلي فهمني فهمني اني مانقولش عن مصادري الخاصه
عمر بنافد صبر: بتكلميها ولا لا
رنيم ببرود: لا
عمر انفعل علا صوته ورد نقصه:تي تي مراتي الزح
رنيم: والله يا بابا مراتك في حوشك وقت توصلك مش هنا مراتك
عمر عطاها ضهره وهو امعصب وماشي شور السياره بيفتحها: عقاب عمري فرخه عشر سنوات اتردني لا حول الله
وركب سيارته ومشا وهو امعصب ورنيم خشت داخل وفرحانه عاد امدايره انجاز
كملت حنه و تعشيت و رقدت الصبح حودتها وطلعت تهبل و لونها احمر ماما دهنتها ليا بي زيت الحنه و بخرتها ليا وكان اليوم يوم تفريشت الشقه راحو هلي و فرشو الشقه و بعد روحو ماما كانت فرحانه قاتلي شقه كبيره وتهبل و ديراها واجد ومشا اليوم و جاء يوم الحفله وعتني ماما الصبح وبكت قاتلي اليوم ح تنزفي كلمتها رعشتني واليوم جد باش عرفت روحي خلاص ملك عمر خفت و الخوف سيطر عليا بكينا أنا وماما ودرنا مناحه بعدها هدينا جهزت نفسي عشان نمشي لي الكوافيره ومعايه نور طبعن شالنا بابا وخشينا وبدت فيا
____________________________________
عند عمر في الفيلا بعد ما لبس بدله رسميه سوده و تانق مشط شعره ولحيته ورش عطره ولبس ازرز ونزل
عمتي عائشه تزغرت و في يدها البخور
عمر ضحك وبعد: لالا يام بالله مش وقته بكل
عمتي عائشه: كيف مش وقته تبي يعطوك ليا بعين
عمر ابتسم: الحافض ربي
عمتي عائشه: ونعم بالله بس الحتياط واجد
عمر يضحك علي امه: والله يام ماهي شور شي طلعتي هكي امخر كيف العيل يلي في اللفه قدام اصحابي
عمتي عائشه زعلت: تمام اربح
عمر قرب منها وباس راسها: ماتزعليش عاد
عمتي عائشه شفتله: اليوم حفلت حتي يعقوب صاح
عمر ابتسم: اها
عمتي عائشه: ربي ايهنيكم
عمر قرب من امه وباس راسها: يلا طالع اني
عمتي عائشه: راك تتاخر علينا باش اتشيلنا لي الصاله نبي نشرف علي الخدم
عمر يحك في لحيته: مانلحقش يام يشيلكم عامر
عمتي عائشه: تمام
طلع عمر و تلاقا مع عامر في الجنان
عامر يصفر ويشوفله من فوق لي تحت: طرف طرف طاالع ههههه
عمر ضحك: سكر&&&
عامر : تي باهي احلق هل الشفشوفه باش اتبان عريس
عمر يحرك في شعره: علي اجنازتي ما نحلق منه شعره
( عمر كان شعره غزير ونااع ومكشكشه بلعاميه نحن نقول شفشوفه بس مش كبيره بكل وزيداته سماحه لي ان ناعم):
عامر: باهي قوتلك
عمر يعدل في ساعته: ها ها مكتر دوتك
عامر: بناسبه عرسك اهديني يا راجل
عمر شافله: تي تحشم علي وجهك من يلي يهدي لاخر
عامر: تي اني شن عندي باش نهديك لا افلوس كيف الناس ولا شركات ولا معرض سيارته كيفك تي اني مش كاسب من هل الحياه غير رقمي الوطني وبطاقتي الشخصيه
عمر شافله و رفع حاجبه: اول شي أحمد ربك يا حيوان وتاني شي سياره كل شهر نغيرلك فمها عايش حيات ملوك احسابك في اللبنك كل اسبوع نحطلك في الف غيرك من الناس رب اسره وفي شهر ياخد 450 و الشركه يا&& كم مره قوتلك تعال امسك اسهامك بس أنت شي كيف اتمشي في افلوسك الله اعلم
عامر: باهي بتهديني ولالا
عمر: شن تبي
عامر: نبي نغير سيارتي😁
عمر تنهد: حاضر الاسبوع الجاي تعالي في المعرض
عامر ضحك: تي وحق يلي خالقني بعدين الا نمتعلك تمتيعه مصارش
عمر ضحك: هني روحك فكني من جو المفرخ وطلع
___________________________________
عندي في الكوافير
الكوافيه: مشالله مشالله اتهبلي يا روحي
أنا ابتسمتلها
نور تضحك: محلاكي ريما طلعتي خيال
المزينه : اها فيها جمال طبيعي هضا باش ما كترتلها مكياج
أنا شفتلهن : جد طالعه حلوه
نور قربت مني وباست خدي : تي اتهبلي اتهبلي هههه
أنا ابتسمت ونحس في قلبي بيطلع من مكانه شعور مختلط بين الخوف والفرح ماتعرفيش تبكي تضحكي اتفكري في شن وراكي بعدين بس يلا سنة الحياه♥️
نور عطتني فوني: هاكي اتصلي بي عمر
أنا بعبط: وعلاش شن نبي فيه من توا
نور: يا غبيه تاخرنا المغرب ادان وبعدين كيف شن نبي فيه يشيلنا لي صاله
أنا ببرود: جابنا بابا يشيلنا بابا
نور خبطت يدها علي جبينها: بتجلطني يا ربي .... ريما حبيبتي افتحيلي فونك
أنا فتحت وعطيته ليها
نور اتصلت بي عمر
عمر يسوق : ها اعيوني كملتي
نور انحرجت: اممم اءء اني نور
عمر تخزرط: اها اهلين نور
نور باحراج: قوتلك كملنا
عمر: تمام اهو جايكم وسكر
اشويه و وصل عمر و قاللنا نطلعو
نور صبت: هاتي ايديك نساعدك
أنا نتمتم: طيح سعدكن شن هضا فيلو ولا اشكاره
نور ضحكت: اسكتي فضحيتنا
ونزلت أنا ونور و اول ما شفته قلبي دق وقتها حسيت روحي اسعد انسانه في الدنيا تمنيت الوقت يوقف عندي اللحضه هذي وهو كان يشوفلي بعيون كلهن حب نضراته كانت كفيله بانها تحكي مافيش داعي يفتح فمه ويقولي ونحبك وووو لي ان نضراته كانت فاضحاته ♥️ ركبت نور وعمر قرب مني
عمر رفع يدي وباسه: مبروك علينا مره اخرا يا قلبي
أنا ابتسمت: الله ايبارك فيك
عمر يشوفلي ويبتسم ولف يده لخرا علي خصري: هيا تعالي نساعدك تركبي
أنا ابتسمتله بخوف اول مره نتوتر من قربه ممكن لي ان ادركت ان ساعتها قربت
عمر همسلي في ودني لي درجه جسمي رعش مع بعضه وحكا بصوت واطي: ماتخافيش
كانت كلمه وحده اها كلمه وحده بس كانت كفيله لانها اتزيل الربكه يلي فيا والخوف من بعد كلمت تريحت وبطلت نرجف
عمر بحنان: هي نركبك برد عليكي
وحاوط يده اكويس علي خصري وركبني لي السياره ونطلقنا وحي عليا من اصحابه مهابيييييل ماتقول في عمر التلاتينات تمتيع في السياره و رصاص و زينه و مدري ايش رعشوني. الله ايرعشهم أشوي ونحن ماشي يجي واحد وقطع علينا الطريق عيطت أنا ونور في وقت واحد
أنا & نور: لااااااااا
عمر يضحك: ماتخافنش حمير هدوم لازم من اهبالهم
أنا علي أشوي نبكي: حي عليا شن هضا وكان درنا حادت
عمر : كنت عارفه ح يدير هكي هضا باش نقصت سرعتي
صاحب عمر وهو في السياره ومطلع راسه من القزاز: وقف وقف يا عرييس
عمر نزل القزاز وبصوت عالي عشان يسمع: تي برا يا راجل مش وقتك ههههههه
وقعدو يضايقو فينا في الطريق و يبو ويقفو السياره بأي طريقه
أنا يدي علي قلبي: حي مهاببل
عمر ضحك: ما شفتي شي
و وصلنا لي صاله و وصلو معانا اصحاب عمر ونزلو وقعدو يضربو في الرصاص وانا خفت ماعرفتش ننزل
أنا دمعتي في عيني: قوللهم يوقفو قوللهم عشان ننزل نخاف أنا
عمر مسك بيدي وبصوت واطي: اشششش حبيبتي ما تبكيش يخرب مكياجنا يا روحي ما تجيش بعدين يقولو عروسه عمر شينه اسسس
أنا هديت ومسحت دمعتي قبل لا تنزل
( دكتور نفسي و يعرف كيف يهديني عمر عنده اسلوب في الكلام ساحر بكل يقولك كلمه ولا كلمتين كفيلات بانهن يهدنك ويطلعنك من يلي انتي فيه ولا صوته الهادي يلي فيه بحه يسحر اكتر واكتر)
عمر يشوف لي اعيوني: تو بننزل ونقوللهم يوقفو تمام
أنا ابتسمت: تمام
نزل عمر وتبعد هنا ومشاللهم
عمر يضحك: تي بطل يا كلب انت وهو بطلو ههههه سادكم
صاحبه يضحك: والله نردهالك يوم عرسي يام درت
عمر يضحك: تي باهي خلي المرا تخش بعدها لي الصبح ما توقفوش
الصاحبه التاني: دقيقتين ما دخلتها ح نبدو مزال ورانا العريس التاني يعقوب حتي هو مش مفوتينها ليه
عمر مشا يجري لي ان يعرفهم يديروها
عمر فتح بابي ومسك يدي: يلا يلا هديم تحقي فيهم عمر بدون عقل انزلن قبل لا يبدو
نور ضحكت
ونزلت ونزل معايه عمر وصلنا جنب بابا القاعه
عمر شافلي وابتسم رفع ايده وحطها علي راسي قرا عليا المعودات وانا نشوفله وفرحانه
عمر كمل : استودعتك للله
أنا بزعل: حبيبي مش ح تخش معاي
عمر: والله ماهي شور شي خشتي معاكي كلنكن صبايه رجولتي ما تسمحلي يا قلبي
أنا ابتسمت وحترمت رغبته: به بجوك
عمر باس راسي
اشوي وطلعت ماما و قرت عليا و دعتلي وبخرتني و خشيت علي اغنيه من اغاني اليساء ( مكتوبه ليك) و هضا دوق الهانم نور هي يلي اختارتها ما عنديش أنا علي جو الاغاني وصلت لي الكوشه وقعمزت و عيون الناس كلها عليا في عين حسوده وفي عين ودوده ومانسمعش غير في كلمت حلوه حلوه ولا اتبهل ولا طلعت ملكه ولا لا هي من اصهلها حلوه المزينه مادارتش مجهود واجد جت المصوره وصورتني كم صور ابروحي بعدها أنا وان عمر و اهله وبعدين اني وماما ابروحنا بعدها أنا وماما وخياتي وبعدها صوره أنا وماما وخياتي وخلاتي وقت يلي نطلعو من الصاله ح نمشي نصور اني و عمر وجاء الوقت وعمر جاء عشان نرورحو واني قلبي تك توك تك توك و....
....يتبع