مريضتي ♥️ - ❴🔢❵☟الــبـــــ❴2️⃣1️⃣❵ـــــــارت☟ - مكتملة | روايتك

مريضتي♥️ الكاتبه: نولي الحلقه 21 بعد مرور شهر ومزال علي الفاتحه كان يوم كنا حاسين بمعني الكلبه بابا قال لي ماما نبيها فاتحه ماصارتش ونبيك تكرمي المعازيم وهل العريس و ماتفكريش في المصاريف ونور كانت معانا وتبات معانا عشان تساعد ماما وكنا حايسن بكل و نجهزو في روحنا بنطلعو لي السوق الساعه 10 صبح بابا: هيا ساعه انراجي فيكن ماما تلبس في اخمارها: هيا اهو كملنا بابا: نرجي فيكن في السياره وطلع ماما بصوت عالي: نور ريم هيا أنا طلعت و نساوي في اشرابي: اهو جينا نور لبست سندلها: هيا وطلعنا و ركبنا السيارة و بابا حركها بابا: تو وين نشيلكن ماما: لي السوق بناخد قفطان و كندره لي ريم عشان تلبسهم بكرا بابا: بس ماما: ونبي محل الحلواني بناخد انواع شكلاته اتكون سمحه و مكسرات و حلوه بابا: و ماتبيش محل الهدايه و التغليفات ماما: علاش ؟ بابا: مش ح تاخدي هدايه لي هل العريس ماما: وكم بنهدي باش نهدي هما عرم بابا ضحك: يا بخيله ماما: لا والله م مش بخل بس واجدين بابا: ماقتلكش اهدي معازيمهم كلهم قوتلك هله يعني امه و خياته و عمته و خالته وبنتها ماما: اها كان هكي تمام ماما تلفتت و شافت في نور: زعما شن نهدوهم يا نور نور بصوت واطي خجلانه من بابا: مصحف صغير و عطر و ورده في كل بكس و كل واحد بي بكسه ماما ابتسمت: فكره حلوه تمام تو ناخدوهن أنا ببرود: علاش بتهدوهم هو عرس ولا عيد ميلاد ماما و بابا و نور: هههههههه ماما ضحكت: يا ماما الهديه مش بس في العيد ميلا الهديه تعبر عن الحب و المحبه يا بنتي أنا ببرود و عطيت وجهي لي الروشن: والله ديرو يلي تبوه اهم شي عندي عمر بابا بعصبيه صوت عالي: تحشممممي يااااا بنت نور ماسكه ضحكتها __________________________________________________ في الفيلا حنان كانت في السياره هي و راجلها و عويلها كانو مدرسين قدام الفيلا حنان: تمام حبيبي ح نبات كيف ما قوتلك علي خاطر بكرا فاتحت عمر فتحي يبوس في ولده: شن يمشيها هل الليله بدونكم بس حنان ضحكت وغمزتله: تحمل فتحي خدا يدها وباسها: والله لو مش فاتحت عمر ماكنتش نخليك تباتي حنان تضحك: يام جايك مزال اسبوع العرس كله بنبات فتحي: احلمي احلمي حنان خدت سند منه و شافت لي صفاء: هيا ماما انزلي فتحي: باي بابا صفاء: بابا يا سمح ونزلت فتحي يضحك: الفرخه تمت عطيبه حنان تضحك : بكل ههههه فتحي: ديري بالك من نفسك حبيبتي و العويل حنان شافتله: نحبك حاضر ونزلت ( فتحي كان يموت في حاجه اسمها حنان كان يحبها ممكن حتي اكتر من اصغاره لي ان فعلن حنان كانت تنحب طيبه بكل قلبها ابيضه حاطه امه و خياته في اعيونها والراجل يحب المرا يلي تحب امه في الحوش كانت نضافه واكل سمح واهتمام في نفسها و صغارها وقت الضروف ماتكونش في صفهم ويفلس كانت تقف معه وتقوله الفلوس وسخ دنيا لي عند ما تفرج عليهم و بي امكانها تقول لي امها ولا عمر يعطيها بس ماتبيش تقلل من قيمت راجلها و ماكنتش من النوعيه يلي نبي ونبي فتحي كان مقصر في الصلاه اليوم بفضلها صلاته كلها في الجامعه كانتله سند قبل مرا واليوم يحبه حب مش طبيعي ) المهم نزلت حنان هي و عويلها وخشت لي الفيلا و عامر جاء يجري شال صفاء و شقلبها قعد ماسكها من رجلها و راسها ويديها تحت وهي تبكي وتعيط صفاء ببكا: اااااء نزلني نزلني عامر يضحك: قولي نحبك صفاء : مانيس مانيس نزلني عامر يضحك: احلمي معناها قتلك قولي عامر حبيبي باش انزلك صفاء بعناد: عمر حبيبي عامر: تو نوريكي يا اعناد بتقولي ولا لا صفا تبكي: لا عامر قعد يلف بيها وهي اتعيط صفاء: نزلني يا خرا عامر يضحك: خرا ونزلك احلمي قتلك قولي حبيبي عامر صفاء: يا ماما قوليله يا ماما حنان: تي نزلها فكنا من زنها عامر يضحك: قولي هي صفاء : خالو عمر حبيبي شين انت عامر: احلمي تنزلي معناها يا اعناد انتي و قعدت يشحور فيها والبنيه اعناديه مابتش تقول نحبك و حنان سيبتهم وخشت لي امها في الدار عمتي عائشه ببتسامه: هلا هلا بوليدي سند شافها قعد يضحك عمتي عائشه رفعت يديها: عطيهولي حبيب حنه حنان عطاته ليها وحودت عبايتها وقعمزت حنان: شن جوك ماما عمتي عائشه: الحمدلله شن أخبارك انتي و راجلك و هله حنان: ابخير الحمدلله عمتي عائشه بشك: شن هل الشنطه كلها انشالله خير حنان ضحكت فهمت علي امها: خير يا ماما بس قلت ح نبات عشان بكرا فاتحت عمر ونساعدك عمتي عائشه اتبوس في سند: خير ما درتي حنان خدت جهاز التلفزون وقعدت اتقلب في القنوات عمتي عائشه: حنان حنان: نعم ماما عمتي عائشه: العيل كنه جعان شوفي كيف خفيف ريشه و يا روحي يرضع في هل الزلباحه ياروحي اوليدي علاش ما اترضعبه هضا يلي مايتكلم دنبه في رقبتك حنان تفتح في ازرار القميص: اها نعرف قلت نوصل و نرضعه عمتي عائشه عطاته لي حنان وقعدت اترضع فيه عمتي عائشه: عمرك يا بنتي ما اتقولي نوصل لي مكان ونرضعه لالا رضعيه من حوشك جارتنا مبروكه قبل ولدها صغير وكان جيعان و راجلها يراجي فيهآ في السياره ومستعجل قالت نوصل حوش هلي نرضعه وشفتي حوش هلها بعيد والعيل الطريق كلها يبكي اربع ساعات وهو يبكي بعدين سكت تحسابها رقد وهو يا روحي مات جوع وصلت حوش هلها وحودت عبايتها وقعمزت ترضع فيه أشوي فطنت انه ما يرضعش وماحستش في حليب ينجبد منها شافتله لقاته ميت لي عند اليَوم حاسه بدنب هو صح مش من نصيبها وهضا عمره بس كانت هي سبب في وفاته حنان بخوف وترضع في ولدها: قصدك يا ماما مات جوع عمتي عائشه: اها لي هدا افطني يا ماما انشالله اديريله رضعه وترضعيه في السياره مش شرط من صدرك حنان : انشالله اخر مره __________________________________________________ عند عمر نزل من سيارته والبواب فتحله الباب وخش وكان قمه في الاناقه لابس سروال استرتش فيه كمشه من رجله لونه اسود و فنيله دميه في كمشه من يدها و لحيته كانت عشوئيه كانت كابره بشكل حلو و شعره حتي هو ناع و مكشكش الفتره يلي مضت كان لاهي بي الشقه وما فضاش يحلق بس غزارت شعره و لحيته زيداته جمال خش لي الفيلا وهو رايق ويشكشك بي المفاتيح و يشوف في رغد يلي مقعمزه علي حوض سباحة رغد بعد شافت عمر رعشت و خافت يكون شافها لي انها كانت تحكي مع حبيبها بي التلفون ومن شافت عمر خافت وسكرت عليه وحطت التلفون بس عمر ما انتبهلهاش عمر وهو يمشي في الممر ويضحك: القصيره شن اديري هنا ههههه رغد عرفت من نبرت صوته ان ما شفهاش : كان اني قصيره خطيبتك قزمه عمر يضحك: تو شن جاب سريبها وانتي ديما حاطه راسك من رأسها رغد: هكي ما حبيتهاش عمر وهو يمشي و عاطيها ضهره: ماتحبيهاش المهم أنا نحبها وخشي جو الجو مصقع وخش وسيبها صفاء جاته تجري: خالو عريس عمر ضحك ورفعها: من قالك صفاء: عامر قالي قولي هكي عمر باس خدها: هههه هكي عامر حاف بدون خالو صفاء: لالا بارد هضا مس حالو بتل عمر ضحك: تعرفي عروستي خيتها من عمرك باش تلعبي معاها بكرا و ما اتمليش صفاء بصدمه ورفعت يدها: عمرها هكي✋🏻 عمر يحضك: وكنك منصدمه اها صفاء: لالا أنا بس عمري هكي ماتجيش لا عمر: لا انتي و ملايين كيفك عمرها خمسه صفاء: لا اني بس وقعدت تعاند فيها كا طفله مش مستوعب ان في حد نفس عمرها ولا اسمها كل فكره أنا بس اسمي صفاء وانا بس خمس سنوات و قعدت نهدرز هي وعمر __________________________________________________ يوم الفاتحه♥️ جو الناس من الصبح كيف خلاتي و للجيران و الاقارب وتغدو عدنا و غسلنا المواعين و سرحت بفكري أشوي هدا اليوم يلي عمر حلم بيه في هضا اليوم ح نقعد مرات عمر في هدا اليوم اسمي ح يندرج تحت اسم عمر في هدا اليوم ح نطلع من كتيب بابا و نخش في كتيب عمر و مع الوقت نملوه بي اسماء عويلنا هدا اليوم يلي عمر استناه أسنين ست سنوات وهو يراجي فيه من لم عمري عشر سنوات لي عند اليوم اهو 16 سنه عمر يلي صبر عليا وكان يراجي فيا نكبر هضا اليوم يلي عمر حلم بيه أسنين نور : ريم تعالي يلا البسي قفطانك انا كنت سارحه وما نسمعش فيها نور بعياط: ريممم أنا انفجعت: كنك نور ضحكت: وين سارحه أنا: اهو معاك نور: صبي تعالي البسي قفطانك عربك قريب يجو أشوي وادن العصر وبدا العد التنازلي وانا قلبي تك توك تك توك ونرجف و خايفه وحالتي ما يعلم بيها كان ربي بس شعور يهبل ماينوصفش يا بنات ح تاخدي مرادك ♥️ نور مسكت يدي: هيا أنا : هي وخشيت لي الحمام دوشت وطلعت دهنت جسمي وتعطرت و نور طلعتلي القفطان يلي كان عباره عن قفطان اسود طويل ومن الركبه لي الرجل مفتوح من ساق اليمين و كان مخصر علي الجسم و كان كم بس كمه كان شيفون شفاف ومن اليد فيه كمشه من صدره كان سبعه ومطرز بي الخرز البيض و من خلف نفس الشي مفتوح من ضهره سبعه و طلقت شعري مع ان ماكنتش راضيه بس ماما قاتلي فكينا من السان عمتك اطلقيه وهي تحب الشعر ووووووو وطلقته ولبست خراص بيض وكندره كعب بيضه وكحل ونور رسمتلي عيوني و درتلي روح احمر خفيف وطلعت نهبل وغرقتني عطر♥️ نور: نعليا محلاكي والله طالعه اتهبلي يا عيوني نعليا أنا ابتسمتلها نور وهي تشوفلي بتعجب: لو ماعجبتيش اليوم مش ح تعجبيه يوم تاني تي طالعه ملااااك أنا : ههههه نجك اشويه وخشت ماما اتزغرت وتبكي وحضنتني ماما تبكي و فرحانه: مبروك يا روحي مبروك انشالله بهناك يا ماما أنا فرحانه وحضنتها شعور ما ينوصفش يهبل واخيران عمر تما حلالي ماما مسحت ادموعها وبعدت عني: بهناك يا ماما مبروك يا قلبي أنا ابتسمت وبست يدها: يبارك فيك يا ماما و قربن مني خالاتي و باركولي وكلهن بدون نيه ريم الهبله العيله يلي ما تفهمش العبيطه تجوزت قبل بناتهن نصيب هو و طلعنا و قعمزنا في الصاله وناس بدت أتجي أتجي اكتر و أشوي وجو ها عمر امه و حياته و عمته و خالته وبنتها وشوي ناس ما عرفتهمش و قعمزو و المره هذي كانت عمتي عائشه فرحانه بيا و كانها تقبلتني ممكن لي انها عرفت خلاص تميت مرات ولدها وهدا نصيبه ان ياخدني و القدر هو يلي يلعب دوره مش هي وماما تريحت بعد شافت عمتي عائشه تقبلتني وتريحت عليا اكتر واكتر عمتي عائشه ببتسامه: تعالي قعمزي جنبي أنا ابتسمت وصبيت وقعمزت جنبها عمتي سالمه: جمال جمال ربي ايصون حنان تضحك: اها عرف يختار عمر ماما ابتسمت: والله فرحتني بكلامكن وانا لو عليا بنتي نصحتها و فهمتها كيف تصون جوزها و حوشها وهل جوزها و انتي يا عائشه البنية اصغيره ونتمنا منك اتحطيها في اعيونك و اعتبريها كيف بنتك لو غلطت عاقبيها عمتي عائشه ببتسامه: وهي هكي ريم كيفها كيف رغد ومانبيش منها شي غير اتصون راجلها لي ان عمر يستاهل كل خير رغد توشوش وبصوت واطي: هضا ما زاد الا تحط مقامها من مقامي عبير بكره: وامتي بنفدو خطتنا نسيتي ولا شن رغد: مانيتش بس خليها بعد الجواز احسن عبير تشوفلي وقلبها مليان حقد وحسد عمر يلي تحلم بيه ضاع من يديها عمتي سالمه تضحك: والله علي خاطر هل الجمال الا نعطيك زغروته أنا ابتسمتلها وقعدت تزغرت بفرحه و خلاتي و خالته يشوفن بحقد وحسد و قلبات وجهن حنان ابتسمت: بنتي انسجمت مع بنتك من بدري يلعبن ماما ضحكت: اها روان خمس سنوات وبنتك حنان ضحكت: حتي صفاء خمسه ماما: خلاص معناها هضا باش انسجمن ههه وقعدن يهدرزن والجو حلو وام عمر متقبلتني بس مزال عندها التكبر و التفشيك بس يلا الطبع جبل ما يتغيرش و جبنا الضيافه و ضيفناهم و بدن يطبلن و شينن و يرقصن وانا كنت بنطير من فرحتي بس استغربت كيف عمر ما اتصلش بيا ادن المغرب وماما قاتلي راجلك يبيك في المربوعة الكلمه كانت كفيله بانها اتحرك كل مشاعري♥️ أنا: باهي نلبس عبايه ماما مسكتني من يدي وضحكت: يا هبله خلاص هضا راجلك وانا مش مستوعبه وكان راجلي يعني: قصدك عادي نطلع هكي بابا ما يعيطش ماما: لالا مش ح يقول شي اطلعي بس و طلعت وخشيت لي المربوعة وطاحت عيني علي عمر يلي مقعمز علي الصالون بكل هيبه وكان لابس طقم اسود( بدله رسميه) اتهبل عليه و لا لحيته اخ من لحيته وشفت لي بابا يلي كان امصبيه وعيونه ادموع قربني منه وحضني بابا: مبروك يا بابا انشالله بهناك واعرفي ان باتك مسلمك لي راجل و سيد الرجاله وباس راسي أنا تاترت بدمعت بابا وقعدت نبكي بابا بعدين عنه ومسح ادموعه ومسكني من اكتوفي: بابا هضا فرح ما تبكيش ما تقلبيش لي حزن لا و شاور علي عمر يلي قاعد اهناك راجل مش عيل وح يحطك في اعيونه أنا مسحت ادموعي وابتسمت بابا ينكت وشاف لي عمر وشافلي: و ياويله تقوليله نبي نمشي لي هلي وما يجبكش حي عليه عمر ضحك: هههههه بابا باس راسي وبتسم: انخليكم أشوي وسكر الباب وطلع أنا شفت لي عمر وابتسمت وهو بحركه سريعه صبا و بدون اي مقدمات لف يده علي خصري وقربني منه اكتر و باسني في فمي بوس ارياف بوي يعبر عن صبره يلي صبره طول هل السنين وكانه كان يراجي انتي نكون حلاله باش يبوسني هل البوسه وانا كنت مانعرفش نبادله بس كنت منسجمه مع علي الآخر وشعور يهبل ومانبيش يبعد ♥️ ......يتبع