❴🔢❵☟الــبـــــ❴2️⃣0️⃣❵ـــــــارت☟
مريضتي♥️
الكاتبه: نولي
الحلقه 20
عندي انا كنت نتصل بي عمر بس بدون فايده مايردش 20 مكالمه ماردش وفي الاخير قفلته تنهدت وطفيت تلفوني ورقدت وانا نفكر فيه جاء الصبح وعيت وانا انحس في بطني توجع فيا بنموت من وجعها خشيت الحمام لقيتها شرفت نضمت اموري و جيت رقدت علي سريري ونتالم لين ما ماما خشت عليا
ماما: غريبة ريما الساعه 10 و مازلتي راقدة
انا مسكره اسنوني ونحكي بي الم: بطني يا ماما بطني
ماما قعمزت جنبي: كنها بطنك شن واكله يا ماما
أنا نبكي: نعرفش ماكليتش شي من امس العشاء
ماما احتارت: غريبه
أنا نبكي: بنموت منها بنموت
ماما تمشي في يدها علي بطني: تو اتخف يا ماما بعيد السو عليكي ابنيتي
أشوي هك ماما شافت الفوطه النسائيه علي الطاولة
ماما عقدت حواجبها: ريم عليك الدوره انتي
أنا: اها
ماما ضحكت: خلاص الوجع منها يا ماما
أنا نبكي وقعمزت: ماما شن دخل هدا في هدا بطني بطنييي
ماما: يا ماما يا حبيبتي بعد البنت تمرض وتجيها الدوره بطنها توجعها هدي هيا تو انصبي نعطيك دوا أشوي وتخف
أنا نبكي ونتوجع: باهي عطيني دواء
ماما صبت: حاضر ومانسيتش موضوع امس ح تحكيلي شن صار معاكي انتي وعمر
أنا غطيت وجهي بي البطانيه: ييييي علينا هل السريب يلي مباش يكمل
ماما: يا حيوانه احكي مع امك بادب
وانا امغطيه وجهي: به أمغير عطيني دواء
طلعت ماما جابتلي دواء قعدت نص ساعة هكي وبطني سكتت بس مازلت نحس بي وجع الحق
وسام: ريم ريم
أنا: نعم
وسام: قالك بابا هيا تعالي افطري
أنا : باهي جايه
صبيت وانا انحس في بطني و طلعت وقعمزت جنبهم علي طاوله الفطور
بابا ياكل: كنك بابا وجهك شاحب وشكلك دابل
أنا: مريضه بابا
بابا: كنك
أنا بدون تردد : عليا ال
ماما قرصتني : هه ههه مريضه قالت ضهرها هه
أنا : تي لا مش ضهري قتلك عليا
ماما ردت قرصتني: ريم كولي افطري بنتي
أنا استغربت ماما وكنت بنقول عليا الدوره وماما تمت تقرص فيا ما عرفتش كنها
ماما بصوت واطي وتحكي و مسكره علي اسنونها : خشم حالك يا ريم حشم حالك هضا مزاد تقولي لي بوك عليا الدوره بتهبليني انتي
أنا ناكل وكانه ما نسمعش فيها وكان قلت لي بابا وين المشكلة يعني🙂
رنيم: بابا شيلنا العشيه لي للملاهي ابليز بابا ابليز
بابا: يا بنتي العشيه مشغول والله
رنيم: باهي شيلنا الليل بابا
بابا: صقع الليل ابنيتي
روان: لالا بابا مس صقعا سيلنا بابا
وسام: اها بابا سيلنا ابليز
روان و وسام و رنيم: ابليييييز
امين: سكنو عاد ما تشيلهمش يا بابا
بابا سكت: حاضر بس لو فضيت ما تمسكوهاش فيا احتمال نمشو واحتمال لا أولادي لو ما فضيت بكرا نرفعكم
وسام: به
__________________________________________________
عند عمر في المستشفي
عمر: تفضلي في شن نخدمك
مرا: واللهي يا دكتور مش اني يلي نبي نعاين عندي بنتي مريضه نفسيا
عمر بهدو: مافيش انسان مريض نفسي يا مدام بس ممكن يكونن تصرفات الشخص هضا غريبه عن تصرفات الناس بس ليه اسبابه الخاصه ليه مشكلته الخاصه يلي خلاته يتصرف هك
مرا: اها والله نحسابه مريضه باهي تقدر تساعدها
عمر: انشالله بس قوليلي كم عمرها وشن هما تصرفاتها
المرا بدت تحكي: بنتي عمرها 7 سنوات هذي اول عطايه ربي أكبر وحده في اولادي قعدت خمس أسنين كاملات ماجبتش بعدها قبل سنتين جبت ولد تو عنده سنتين عنيفه بكل وكنا مدلعينها علي خاطر بنت وحيدة ومن جبت خوها وهي من لم هو في اللفه وهي تضرب فيه ماطقش اسبوع وهي تضرب فيه و تصرفاتها زايده عن حده فاتت الغيره بدت في التعنيف مرت تلقاها تجر فيه من رجليه ومر واخده نقص وتقص في ملابسه ومره تخربشه في وجه بي ضوافرها تعبتني يا دكتور
عمر ابتسم: بنتك اول شي مزال طفله و كل طفل بعد يشوف نفسه انه وحيد امه و بوه أو أصغر واحد ويكون متعود علي الدلال و دلع فجاء يجي بيبي أصغر منه والاهل تهتم بيه اكتر منه هو ف أكيد اطفل بيغار وماتقوليش لطفال ما يغارو لا بالعكس غيرتهم اقو من غيرت الكبار لي ان الصغار مايفموش الكبير يتفهم الوضع بس الصغير لا يقعد كل تفكيره معاش يحبوني ومن هضا يلي خدا الدلال مني تو بنتك انتي قولتي فاتت الغيره بدت في اتعنيف لي ان عمرها كبير يعني تو في اوله ابتدائي جميع العويل يغارو و يضربو في خوتهم بس تكون ضربت عيل لو بنت تلت اربع سنوات مش ح تاخد نقص وتقص جسمه ولا ح تجره من رجليه بس بنتك أكبر يعني عقلها انضج و صحتها اقوي نعطيك متال بنت اختي اربع سنوات و خوها سنه تغار منه اها وتضرب فيه اخر بس ما وصلتش لي درحت تقص دبشه ولا تجره كيف الكلب حشاك ولا تحطه تحت السرير كيف ما ديري بنتك وغيره لي ان عقلها مزال علي الافكار هذي وحتي لو فكرت بنيتها مزالت صغيره مش ح تقدر تشيله حتي باش اديرله هكي من اساس بس بنتك لي انها كبيره أشوي وصلت لي مرحلت التعنيف
المرا: وشن الحل دكتور
عمر: والله انتي غلطي من لول مقدر ان طولتي عشان جبتي بعدها وممكن عالجتي حتي و وصلتو لي مرحلت يأس ونسيتي رحمت ربي لو ربي كاتبلك اتجيبي حتي بعد حين مفروض بدورك كل ام جلستي معاها حاورتيها قوليلها يا ساره ماتبيش بيبي يلعب معاك كل طفله وغيره ح اتقول مانبيش بس انتي ما تسيبيش الموضوع هي اتشوف في الموضوع من الحانب السلبي وان ح ياخد مكانها بس انتي قوليلها ح يلعب معاك ح يكونلك اخ تلعبي انتي وياه تاكلي انتي وياه ترقدي انتي وياه اضربيلها متل قوليلها شوفي بنت خالتك عندها اخت و تلعب معاها ماتبيش كيفها قوليلها شوفي بنت عمك ح تضحك عليكي تقول ما عندكش اخ البنت ح تحب فكرت يكون عندها اخ وبعد حملتي أكيد ح تغار بس انتي بدورك كا ام مفروض حببتيها في خوها قبل لا يجي قوليها تعالي احكي مع خوك وقت الليبي يتحرك خودي يدها خليه تخس بخيها لم طلعتو خديتو ملابس الليبي مفروض كانت معاكم قوليلها اختاري ملابس لي خوكي انتي شطوره تحبي خوك بعد الولاده خليها اترضعه عطيها تمسكه وتكون عينك عليها صبي و قوليها ديري بالك منه حسسيها انه مسوليتها وخليها تحبه غصبن عنها مش برضاها لو درتي هكي أكيد ما عانيتي تو
المرا: معاك حق دكتور بس تو فات الاوان قولي كيف نتصر وفي حل
عمر ابتسم ومشت يده علي لحيته: اها في حل والبنت مزال صغيره ح تتغير
المرا بنتباه: كيف نتعامل معاها
عمر: اول شي
وتما يحكيلها وكمل منها وطلعت المرا وقعد يفكر في ريم ريفلها يبي يحاكيها بس يكابر يبيها تتادب أشوي وماتعيدش اللقطه يلي دارتها
__________________________________________________
عندي انا بعد فطرت خشيت لي الدار و رقدت علي سريري ونفكر في عمر ونحس في قلبي واجعني مش عارفه علاش ونبي نحكي معاه بنموت ارياف تعودت عليه قعد جزو من حياتي يومي صعب يمشي بدونه ننخنق وقت ما نحكيش معه قررت نتصل ونزن عليه لين ايرد اتصلت وكله مايردش بعد 17 مكالمه رد
عمر بصوت رجولي وكانه مش نفسه يلي كان يحكي معايه و صوته كله حنان و حب ولي اول مره نحكي مع عمر ويكون ناش معايه هكي 💔
عمر بصوت رجولي: الو
أنا : عمر🥺
عمر قلبه يدق بس يكابر: كنك
أنا :رايفت عليك
عمر: نرايف عليك الجنه
أنا قعدت نبكي: كنك تدوي معايه هكي كنك
عمر: تسألي روحك
أنا نبكي: كني شن درت
عمر: وتستعبطي آخر سكري ريم سكري ورايا اشغال
أنا نبكي: لالا لا خلاص نعرف شن درت اسفه اسفه
عمر يسمع وساكت
أنا نبكي بصوت عالي بكل: اسفه قوتلك اسفه
عمر بستغراب: سكري فمك كنك اتعيطي هكي
أنا عليت صوتي اكتر : مش امسكرته مش امسكرته فمي ولا فمك هو ها قولي
عمر بعصبيه: لاحول الله شن اعياط هضا كله سكري خاربك
أنا نبكي بصوت ونشهق: علاش زعلان مني ها قوتلك اسفه
عمر: عشان معاش تكسري كلمتي
أنا بعبط ونشرف في خشمي: قصدك كلمتك كيف القزاز تنكسر حتي هي عموري🙄
عمر زاد ادمر من عياطتها: لا حول الله لا حول الله هونها يا رب
أنا : قتليش كيف انكسرت
عمر بتعب: ريم سامحتك وراس امك سامحتك اسكتي اسكتي ماتزيدش كلمه اخر احتمال لو زدتي ننتحر بي قلم الحبر يلي في ايدي ونغرصه في رقبتي اسكتي سادني عبط متحمل لما فيه الكفايه
أنا ومسحت ادموعي: يعني مش زعلان مني
عمر بنفعال: تي مش زعلان انتي يلي زعلانه مني وراس امك اسكتي بس
أنا ببرود : به
عمر يمشي في يده علي وجه بتعب: وين البابا ؟
أنا : طلع لي العمل
عمر: باهي اكويس
وقعدنا نهدرزو وحسيت بطني ردت توجع قعمدت نتالم
أنا نبكي ونتالم: اااه ااااااه
عمر خاف عليا: ريمه حبيبي كنك
أنا نتوجع ونبكي: بطني بطني اااااه
عمر : كنها يا روحي
أنا بدون تردد: ماهو عليا الدوره
عمر تنهد: ريم
أنا : نعم
عمر: تبيلك جهد وجهيد انتي
أنا : كني
عمر: عيب يا روحي ما يقولوش هكي حاجه كيف هكي ما تنقالش
أنا: ماهو انت سئلتني تبيني نكدب عليك ها قول باش كان كدبت تقولي كدابه والكدب عيب ومش من صفات المؤمن
عمر ضحك: والله يا ريم ما نعرفش شن نقولك يعجز اللسان
وقعد يضحك مهما كان تصرفاتها امتاع عويل و ستوعابها بطي يحبها لي ان هو اختارها هكي وراضي بيها هكي♥️ونسا زعله منها وكمل تهدريز معاها
(ماتغيريش روحك عشان راجل مهما كان سمره خليكي سمره سمينه خليكي سمينه شينه خليكي شينه ألسانك طويل خليه طويل صوتك عالي خليه عالي ماتقوليش أنا هكي مش ح يحبني حد ولا يرضاء بيا حد لالا ح تلاقي يلي يحبك كيف ما انتي وربي ما خلقكش هكي عشان تشقي ولا ماتلقيش من يحبك و يتحوزك لالا عندك قسمك و نصيبك اصبري بس حبيت ننصحكن نصيحه اليوم ببلاش بكرا بفلوس وما تلقيش من ينصحك♥️)
بعد مرور شهر يوم الفاتحه♥️
..... يتبع