❴🔢❵☟الــبـــــ❴1️⃣8️⃣❵ـــــــارت☟
مريضتي♥️
الكاتبه: نولي
الحلقه 18
اشوي وخش بابا وانا طلعت وخشيت جو و كلينا التورته و روحو هل عمر وخلاتي و اني وماما وخياتي ضمينا الحوش و تعشينا
__________________________________________
عند يوسف روح بي هله خالته وعمته وحنان كانت بايته عندهم نزلو الكل من السياره الا حنان
عمر شافلها من المرايه: ها هيا انزلي ولا تبي نشيلك حوشك
حنان: لالا بايته هنا اليوم
عمر: كنك في بينك وبينه شي امزعلك في شي
حنان: لالا الحمدالله امورنا تمام
عمر: باهي تغيرت جو
حنان: هذي هيا
عمر عرفها بتحكي شي: طلعيها هل الجوهره يلي في فمك را اتغصك
حنان تضحك: لا والله مافيش شي امغير بنقولك قبل صور خطيبتك عندي لو حاب اتشوفهم
عمر ابتسم و قعد يحك في لحيته و سكت اشوي و قال: لابسه اكويس ولاااااا
حنان: امممم عادي يعني كيفها كيف اي بنت يوم بيانها
عمر: لالا فوتي امالاه دامها مش مستوره مش ح نحقها( انشوفها) مهما كان ماتجيش مزالت ما حلت عليا و نظره محاسب عليها
حنان ابتسم: ربي يكمل عليك بعقل
عمر: هيا يرا انزلي مكتر دوتك
حنان نزلت وهي تضحك
و عمر تكا كرسي السياره و تصل بيا
انا بصوت واطي: عمر
عمر : عيونه
انا ابتسمت وسكتت
عمر: شن جوها السمحه
انا: به
عمر ميت عليا ضحك: شن شن قلتي ريومي
انا بعبط: قتلك به
عمر يضحك: وشن اعرابها به في شن حالك
انا: نعرفش شن يقولو
عمر ابتسم : قولي الحمدالله حبيبي
انا: وكان مش تمام
عمر ضحك: ولو حتي لو مش تمام احمدي ربك كيف يا بنتي نعمه هذي ديما قولي الحمدالله
انا ابتسمت: الحمدالله
عمر: شاطره
انا: عمر
عمر: عيونه
انا ببرود: خالتك بارده
عمر ضحك: حي علي امك انتي ما يصيرش منك هكي را تي تفضحي بامي كان تجوزتك هكي يلي ما يعجبك تفقشيها في وجه
انا: اها
عمر: لالا ميصيرش را يا ريم في الحياه هذي مش الناس كلها ح تعجبك كل واحد وشخصيته ما نقدروش نغيرو الشخص هضا كيف مانبو انتي عليك اتشوفي وتسكتي بس
انا: يعني نقعد منقهره وساكته
عمر ضحك: وعلاش تنقهري انتي الشخص هضا ماتفكريش فيه من اساسه
انا: حاضر
عمر ابتسم: طالعه سمحه اليوم
انا انحرجت وحطيتي يدي في فمي وبتسمت: امممم وانت سمح
عمر: ههههههه شن عجبك فيا ها قوليلي
انا ضحكت: لحيتك
عمر: اني كلي بطولي بعرضي ما عجبك فيا كان لحيتي
انا: اها غزيره واجد و طويله كيف كيف امتاع ال وسكتت ندور في الكلمه
عمر فهم عليا: قصدك السلفيه يا حيوانه صح
انا: اها السلفيه و الشيوخ ههههههه
عمر: باهي تو نوريكي ح نحلقها
انا زعلت : تمام احلقها و مش حاكيه معاك ومعاش نحبك
عمر بصوت عالي: الله الله الله هههههه علاش هضا كله
انا بزعل : هكي
عمر: نبصر عليك يا شينه
انا: جد
عمر: اها جد
ومشينا لليل كله نهدرزو
__________________________________________
في المستشفي عند عمر و يعقوب
يعقوب و هو يمشي في الممر: تعب الزف اليوم خديت حالاتي و حالت الدكتوره زينب ناوبت عنها
عمر: وهي ديما بي اجزتها هل الزينب
يعقوب بنفعال: اي يا راجل و فوقها( وقعد يقلد فيها) دكتور يعقوب ااا قتلك عندي ضرف امسكلي حالاتي اليوم ابليييييز
عمر يضحك
و قعمزو في الكفتيريا
عمر يدخن: مفكر انطلع العرس الشهر الجاي
يعقوب: شقتك كاملهه ما بتغير فيها شي
عمر: لالا بنغير دار النوم بس
يعقوب: حي علي امك بنخش انا وياك في يوم واحد وغمزله
عمر ضحك: هههههه امسخ
يعقوب يضحك: ويلي يكمل لول يتصل بتاني يبشره
عمر: ههههههههه يلقنك صايع واللهي مش وقتك
وتمو يهدرزو
__________________________________________
تغدينا و غسلنا الموعين وقعدنا مكسدين
ماما: طلال قتلك بعدين ماشي حوش اختي خدجيه
بابا كان راقد قعمز: نعم نعم شن تحكي انتي بعد العمله يلي دارها فرخها مزال تبو تمشو
ماما: مش ح نمشو ابروحنا حتي اختي غاده و سعاد ح يمشن
بابا بصوت عالي: حنين حنين من عقلك انتي
نحن نبحتو ومنصدمين
ماما انتبهت: ريم خودي خوتك و خشو
وصبينا كلنا وخشينا لي الدار
ماما: والله فاهمه عليك و فاهمه في شن تفكر بس احمد امسافر و شفت عقليت خياتي لو ما مشيت يطلعن فيا الف عيب ام متكبره و مانحبهنش وغيره وغيره
بابا: و مافيش غير حوش خديجه امشن لي سعاد ولا غاده
ماما: باهي هي يلي عزمتنا
بابا : و لد اختك ال&&& جريمه يلي دارها نشهد بالله جريمه
ماما: خدا جزاته عمر ضريه ضربت الموت واخر انحبس اربع اشهور على يلي داره
بابا بنفعال: ومزال تمنيت حبسوه اربع اسنين بس هه بوه كان ضابط قديم وعنده معارف و وسطات قدر يطلعه
ماما: بس والله سافر من قبل بيان ريم بيوم بوه سفره لي مصر عشان يتربي
بابا سكت
ماما بدلع: هيااا حبيبي وراسك وبعدين الولاد ح نسيبهم معاك نرفع ياسين و البنات و من جنبي مش ح يصبو
بابا اقتنع اشوي
ماما مست خده: هيا طلوله
بابا: اول و اخر مره فاهمه
ماما ضحكت: هههههه انشالله
وخشت علينا ماما في الدار
ماما: العشيه بناتي ح نمشو حوش خالتكن خديجه
انا فرحت: يس يس ح نغيرو جو
رنيم: ااااوف نبيش نمشي
ماما: غصبن عنك مش براضك
روان: ماما اني نمشي
ماما: اها حبيبتي تمشي
و طلعت ماما و روان و رنيم رقدت وانا حكيت مع عمر
عمر بصوت ناعس: الو حبيبتي
انا: اهلين راقد امالاه
عمر يحكي ومغمض عيونه: اها يا روحي نحكو العشيه
انا: لا نحكو تو العشيه ماشيين
عمر: وين ماشيين
انا: حوش خالتي خديجه
عمر راقد قعمز: نعم نعم ماتقوليش حوش احمد ال&&&
انا خفت منه: ااااء اها
عمر يعيط: تمشي نقص رجلك فاهمه وربي الكعبه تمشي نهارك أحرف
انا خفت وقعدت نبيكي: علاش علاش
عمر بعياط: ومزال تسالي علاش تي شن تبي يديرلك بعد يلي داره ليك ها فهميني شن تراجي اكتر ينعن&&& بتهبليني انتي بتهبليني
انا نبكي : بس بس هو مش قاعد مسافر
عمر زاد علا صوته: امسافر ولا &&& خطيني من جد اصلك سريب ما تخلينيش انفلم عليك تو ينعن&&&
انا نبكي: كنك اتعيط كنك ش تبي
عمر بعياط: ماتمشيش ما تمشيش يا ريم
انا ساكته
عمر: بري قولي لي باتك عمر ما يبينيش نمشي تمشي نهارك
انا : به باي وسكرت في وجه
عمر: الو اااالو ينعن&& وحدف التلفون على الساس تفترش
__________________________________________
جت العشيه ومشينا حوش اخويله واني سكرت راسي و مشيت وسلمنا و قعمزنا
نرمين خدت يدي بقوه وتشوف في الخاتم: هضا يلي جابه ليك الافندي
انا علي قد نيتي: اها عجبك
نرمين ضحكت بهزوه: هههههاي ههه سمعتي يا بسمه شن قالت هههه عجبني صار
هناء وبسه و ايمان يضحكن بهزوه: هههههه عبيطه هذي فوتيها
ايمان: هههه وفقها واضحه امقلده
وتمن يشفطن عليا وانا الدمعه في عيني ونحرك في يديا في بعضهن بتوتر
نور بعياط: خلاص خلاص اسكتي انتي وياها خزي عليكن خصاره ماهي بنت خالتكن
هناء: ييييييي بدت في نصائجها اختك
نرمين: فوتك منها مادوريش
( ندكركن نرمين و نور خيات نرمين من عمري ونور 2001 و بسمه و هناء خيات توام هدين ومن عمري و ايمان بنت وحده )
نور مسكت يدي: ريما تعالي معايه سيبك منهن هدين
و طلعت معاها وانا نبكي وجعتني منهن بكل💔
__________________________________________
عمر بعد كسر فونه قعد يراجي في العشيه بفارغ الصبر عشان ياخد تلفون جديد ويكلمني ويعرف نفدت كلامه ولالا ونزل خدا تلفون وتصل بيا خمس مرات ما رديتش الحق التلفون كان في يدي بس خفت نرد عليه بعد يعصب ينقلب مش نفسه عمر الحنون بكل عصب وكان عنده رقم امين خوي اتصل بيه
عمر: الو امين كيف الحال
امين: تمام الحمدالله
عمر: دوم... قتلك وين انت يا امين
امين: اني في النادي الكوره انا و وسام
عمر: اها باهي نتصل بي ريم ما تردش عندك علم وينها
امين: اهاا ريم حوش خالتي خديجه مشت هي و امي و خياتي متعشيين اهناك
عمر عصب وكانت في يده طاست اميه من كتر العصبيه وكان ضاغط عليها لي عند انكسرت وسط ايده و عوراته والطاس كان كسرها ساهل قوازها خفيف
امين: الو
عمر: امين عطيني النعته امتاع حوش خالتك
آمين: في شارع ال...... تمشي طول نهايت الشارع في مفرقين تقص علي ايمينك تلاقيه رابع حوش في قدامه شجره كبيبره
عمر: تمام مشكور وسكر
ومسك فونه وحدفه على الساس و حتي هضا تفترش
عمر بعياط: اااااااااااه بتحيب اخرتي هذي بتجيب اخرتي ينعن &&&&&
ونزل معصب من شقته وتلاقي مع عامر في اجنان الفيلا
عامر بصدمه: عمر يدك تنزف حاس بيها
عمر بعياط: تي خطاني الزف ينعن&&& انشالله تنحرق مش تنزف
وركب السياره ونطلق بسرعه جنونيه
...... يتبع
اسفه ليا اربع ايام ما نزلت طولت عليكن بس فوني خرب وخديت اخر وكتبتلكن وانشالله اتنال اعجابكن ونبي تعليقات اسماح قدرن تعبي♥️