مريضتي ♥️ - ❴🔢❵☟الــبـــــ❴1️⃣6️⃣❵ـــــــارت☟ - مكتملة | روايتك

مريضتي♥️ الكاتبه: نولي الحلقه 16 وكملت وعمر حطها في حوشها و روح بي حنان و امه وهو رقاء لي شقته وتصل بيا انا شفت عمر المتصل صبيت لي دار الجلوس نكلمه ماما قاتلي ماتحكيش جنب خواتك انا: الو عمر بصوت هادي: اهلين يا روحي انا ابتسمت وسكتت عمر ضحك: شن جوك انا بصوت واطي: تمام حمدلله وانت عمر: دوم ها شن عجبوك هلي انا بدون تفكير: اممممم يعني عمر ضحك بصوت عالي: كيف صار شن يعني هذي انا ضحكت: يعني عجبوني و ما عجبونيش عمر ولد دخانه وسحب منه: لالا اتبتي على حاجه عجبوك اما لا انا: خيتك حبابه و عمتك حتي هي عمر يدخن: و امي انا بجرئه ولا فكرت حتي نجامله: لا هديك ما عجبتنيش بكل عمر يضحك بصوت عالي: تي تحشمي يا بنت امي هذي انا: ماحبيتهاش ماحبيتهاش عمر: نزعل منك امي صح تشوفها هكي بس قلبها طيب انا: لا والله شريره سحبتلي شعري بقوه وتشفلنا بطرف عينها وما حبتناش عمر تحشم من تصرفات امه ودكر كلام عمته : باهي بلكي انتي زعلتيها بتصرف منك انا: لالا اني تصرفت كيف ما قتلي انت وبعدين وعدتك انا عمر: باهي حبيبي فوتينا منه الموضوع هضا انا بستغراب: حبيبي شن حبيبي ؟ عمر ضحك: يعني نحبك انا: بس اني مش ولد عشان تقولي حبيبي عمر: لا حول الله انا بعبط: كنك عمر : ما كنيش ما كنيش احكيلي شن جوك انا نحكي بلهفه: تمام تعرف شن عمر: ها يعمري شن انا نضحك: اليوم رضعت ياسين من قبل ماما ما تسمحليش بس اليوم عطتني المرضعه و قاتلي كيف نرضعه و رضع ههههه عمر ابتسم: عقبال ما ترضعي ولدنا انا فهمت عليه ابتسمت: انشالله عمر في خاطره عقلها بدأ كل يوم يتفتح اكتر عند اليوم يلي قبله غريبهه ما درتش العباطه وقالت شن قصدك عمر بضحكه وصوت عالي: تي والله نحبك انا ضحكت علي ردت فعله : تي والله فهمت عمر: ههههههه باهي يا شينه تقلدي صح امغير نحصل عليك بس انا: هههههه عمر: ريومتي تحبيني انا سكتت عمر خاف من سكوتي عمر: ها شن تحبيني انا ابتسمت وفتحت يديا على وسعهم: نحبك قد هكي عمر ضحك: علي خاطر اني نشوف فيك باش نعرف قد كيف انا ضحكت: فاتحه بديا علي وسعهم عمر ابتسم وطفا الدخان: وانا انحبك وقعدنا نهدرزو تلت سعات ونص بعدها انا نعست انا حكيت بتجعوين و دلع ما كنتش متعمده بس هضا صوتي بعد ننرخي ونبي نرقد انا بدلع: عمورررر عمر مشاعره تحركن وقلبه دق: يا عيون عمورتك ( عمر كان يحبها بكل ما فيه وهضا يلي يقولو عنه حب عفوي و بريئ ريم ما درتش حاجه عشان عمر حبها ما كلفتش روحها باي حاجه لا لبستله ولا تمايعت عليه و لا حكت معه في مواضيع ولا غمزتله ولا اي حاجه هكي حبها على طفلوتها و عبتطتها و برائتها وانها امشيه حياتها على التعليمات يلي يعطي فيهن ليها كا دكتور وانه يعرف كل صغيره وكبيره عنها ف يا حبيبتي ما طيحيش قدرك ولا كرامتك علي راجل حتي لو تحبيه خليك بعفويتك وما ديريش شي عشانه البسي لي نفسك و مكيجي لي نفسك و تئانقي لي نفسك ولو نصيبك ح يجيك ولو بعد حين♥️) نردو لي روايتنا انا نحك في اعيوني بصوت مرخي: نبي اننا نا عمر ابتسم: يا روحه نا انا ابتسمت عمر: باهي صبي بنتي ارقدي و تغطي اكويس الجو مصقع نخاف عليك تمرضي انا نحك في اعيوني: اممم باهي تصبح على خير عمر: قدامك الخير و ما تنسيش ها تغطي اكويس. انا: به باي عمر: عينك من نفسك باي عيونه وسكرنا واني طول طحت فيها نوم __________________________________________ عند يعقوب و خلود يعقوب مبتسم: وأخيرا خطبناا ( كانت خطبتهم امس و كملو و لبسها ) خلود ضحكت بمجامله: ولا اني حبيبي ههه يعقوب: ديري احسباتك العرس بعد شهر ولا شهر ونص خلود راقده قعمزت : نعم نعم شن تحكي انت يعقوب: كنك منصدمه من لول قلتها لي بوكي و وافق خلود تهدي في روحها بسيف: اها وعلاش العجله يعقوب: ماهو نبي الفرح مع صاحبي و رفيق عمري حتي هو فرح بعد شهر خلود: نقصيني هلبا حجات يعقوب: يلي هما خلود تعجز فيه :شد عندك و كملتها نبي ونبي ونبي لين انصدم يعقوب يعقوب توتر: تمام يلي ميجش قبل العرس يجي بعد العرس اهم شي السعاده خلود: لا اني كل شي نبيه قبل العرس نبي حوشي كامل مكمل يعقوب بدا يفهمها اشوي و عرف انها ماديه يعقوب انجعز: تمام نحكو بعدين تو ماشي لي عمر نكسد معه اشوي خلود: ببرود تمام تصبح على خير وسكرت و يعقوب صبا مشاء لي شقه عمر وقعدو يهدرزو وسهر معه __________________________________________ يوم جديد الصبح الساعه 8♥️ وعيت انا نضمت اموري دوشت و صليت و كان الجو امصقع بس خيال يهبل كان مسحب ومافيش شمس و صوت الطيور ونسمه المصقعه كان صباح جميل اول مره نوعي بدري هكي طلعت توته لونها اسود شتويه سروالها من تحت في كمشه و طبعن دامها شتويه اكيد كم ونهايت كمها جنب اليد فيها كمشه نفس الرجل ومشطت شعري مسكته وطلقته و كان الحوش مافيش حد ماما اليل كله ساهره مع ياسين ف كانت راقده وبابا اليوم عطله و خوتي ما يوعوش تو فطرت بريوش و عصير و طلعت لي الحنان نشوف في صغار شارعنا يلعبو كوره بدون ما نتردد قعدت نلعب معاهم انا: نلعب معاكم ولد شارعنا: تمام بس بشرط تقعدي حارس مرمي انا: لالا في عينك نعرفش نحرس الولد التاني: تعالي تعالي هيا في فريق انا انا: لالا انت بارد نبي فريق ايمن ولد جارنا ايمن: تعالي هي وقعدت نلعب معاهم __________________________________________ عند عمر وعي و نظم اموره و صلا الصبح و طلع سروال امريكي اسود و فنيليه شتوي لونها حني داكن فيها كمشه من ايدها ولبس و طلع كندره سوده لمعها ولبسها ومشط شعره ومشط لحيته عدلها ولبس ساعته و رش عطره وطلع نزل لي الفيلا عمر باس راس امه: صباح الخير عمتي عائشه تشرب في القهوه: صباح النور نصبلك قهوه عمر: لا والله تو واني طالع ناخد نسكاف من الكافي عمتي عائشه: والله هل النسكاف وهل القهوه يلي تشرب فيهم مش مطمنيني بكل عمر ضحك: علاش عمتي عائشه: وين تندري مرات يحطولكم فيهن مخدرات واني شاكه في الموضوع وانت كل ما اتجي في يدك طاست هل القهوه عمر ضحك: طمني بالك المهمم قتلك عمتي عائشه: ها عمر: الخطبه بكرا واليوم ردي علي هل البنت عمتي عائشه: كسبس كنك مستعجل من يجري وراك عمر: اميييي عمتي عائشه: باهي باهي اكيد مش ح نتصل بيها من صبح ربي ولا تبيهم يقولو طايحين علينا عمر صبا: المهم كلميها وطلع نزل عامر وكان كيف واعي عامر بصوت عالي: امييي عمتي عائشه: ها ها كنك تصيح ها عامر: عصااا🙂 عمتي عائشه حدفت فيه الشبش: تعال هنا يا ولد الحرام يلي ما تتحشمش تحسابك صاحبتك مش امك عصا على ضهرك عامر رقا يجري لي غرفته ويضحك __________________________________________ عمر كان ماشي في الطريق خطم قدام شارعنا لمحني نلعب مع الاولد كانن في بنتين بس صغار مش كيفي ممكن من عمر روان اختي بس كدب اعيونه لين ما قرب وعرفني انا عمر عصب ويخبط علي دومان السياره: يا رب بتجلطني يا رب بتجلطني وفتح باب السياره ونزل معصب وشفته قلب وقف وكان جاي صوبي حي عليا بندوخ عمر قرب مني ومسكني من يدي و اول مره نشوفه معصب هكي وكان يعيط: شن اديري انتي هنا شن اديري ها انا نرعش منه: ن نن نلعب عمر بعياط: تي شن تلعبي شن تلعبي شن جو ال&& يلي ديري فيه كنك يا ريم ناويه اتجيبي اخرتي انا قعدت نبكي عمر ماسكني من مرفقي و يهز فيا: تي ماتبيكش ينعن فيتك ما تبكيش ( الصغار يلي كانو معايه بعد شافوه خافو وكل واحد هرب لي حوشهم وشارع فاضي و قعد يهزب فيا) عمر: كبرتي انتي كبرتي الزف كيف اديري هكي كنك ناويه اتجيبي اخرتي بتجلطيني يا بنت الناس انا نبكي: نبي نلعب اني عمر بعياط : تي شن نلعب هذي امتاعك تلعبيلي مع المفرخ وفي الشارع ما كان لعبتي ابروحك وفي اجنان حوشكم مع خوتك يلي يشوفك تلعبي ويسمع انك انخطبتي شن ايقولو مش ح ينزلو من قيمتي انا ويقولو كيف مسيبها هكي ها احكي انا نبكي عمر بعياط: ماتبكيش ماتبكيش را نحرقك ونحرق روحي ادموعك نبيش نحقهن وقعد يمسحلي في ادموعي بي غجر عمر: وكيف طالعه شعرك هكي كيف نار في قلبي ولعت ناااار ااااخ منك يا ريم اااااخ ومسك يدي وقعد يخبط علي الباب بقوه لين فتح بابا عمر: ...... بابا: 😳 نبي توقعاتكن بنات زعما عمر ح يسيب ريم بعد الموقف هضا ولا يوخر بي موضوع الجواز عشان تنضج اكتر ونبي تعليقات اسماح كيفكن و اسفه مفروض نزلت من امس بس الله غالب ولدي مرض عليا فجاه ومزال بيبي و اعرفن يا بنات لو ما نزلت يوم بعد يوم معناها عندي ضرف و شكرا لي دعمكن وكل وحده وصلني تعليقها♥️