مريضتي ♥️ - ❴🔢❵☟الــبـــــ❴1️⃣4️⃣❵ـــــــارت☟ - مكتملة | روايتك

مريضتي♥️ الكاتبه: نولي الحلقه 14 { ح نسرع اشوي في الحدات حسيت روحي بطيئه} ماما: الدكتور عمر يبي يخطبك اموافقه انا نشوفلها : ماما شن تحكي انتي ماما: اها حاكي مع باتك من قبل اربع اشهور و كنتي يا ماما صغيره مش فاهمه شن معني الجواز بس تو اهو يا ماما تعرفي اكويس وامس رد حكا لي باتك انا سكتت وشردت بفكري ماما ببتسامه: ها ريومتي موافقه حبيبتي والله عمر يحبك و شاريك انا مسكت يد ماما: ماما اني ما نعرفش انتي قوليلي نوافق ولا لا ماما: ابنيتي موضوع كيف هكي تاخديه انتي ما نقدرش نقرره عليكي لا قدر الله بعد اسنين اتصير مشكله اتقولي كله بسبب ماما لالا بنتي انا: باهي كيف اندير ماما شفتلي: انتي اتحبيه انا: نحبه امممم لالا عادي امممم مانحباش ماما ضحكت: تي اتبتي انا: مش عارفه ماما ماما: باهي شن اتحسي اتجاه انا سرحت وبتسمت: تعرفي ماما بعد انشوفه نفرح بكل بكل و من نمشي لي المستشفى اهناك عنده نفرح ونحب وجوده بكل و يا ماما نفكر فيه كل وقت كل وقت حتي قبل لا نرقد و تعرفي مامي نحب نحكي معه على الفون كل وقت ماما ابتسمت وفهمت عليا: باهي تحبيه كيف من يا ماما انا فتحت يديا على وسعهم : نحبه قد هكي ههههههههه ماما ضحكت: ههههههههه باهي دامك تحبيه وافقي انا شفتلها: ماما انتي تعرفي مصلحتي قوليلي شن لندير ماما: اني يا بنتي درت صلات استخاره من اربع اشهور و تريحت وامس حتي هو ونفس الشي تريحت وافقي يا ماما ومش ح تندمي انا: تمام اموافقه ماما باست خدي وحضنتني: نجك ليا يا عمري انا صبيت نجري: البيبي يبكي البيبي يبكي وطلعت ماما: هههههه ردي بالك منه ارفعيه بشويه بس ____________________________________ عمر: فهمتك اسمعيني انا تو شن بنحكي رناد مسحت ادموعه وتشفله بنتباه عمر يحكي بهدو: نعرف انك انضلمتي ومزال قاعده تنضلمي وعشتي حياه شينه و ما يتمناها اي واحد انحرمتي من العيله يلي اساس الانسان طبيعت الانسان يحتاج لي اب لي ام لي اخت لي اخ انتي الشي يلي انحرمتي منه مش ساهل و فوقها متعدبه يعني محرومه و متعدبه من بوك و مراته لكن هضا كله يا رناااد ما يغفلكش علي الشي يلي درتيه والسكه الغلط يلي خشيتيلها رناد ببكا: اها نعرف عمر: ربي ما خلقش شخص عشان يعدبه طول عمره مستحيل ممكن تعدبتي في صغرك بس اكيد كان في فرج اكيد كان في ضؤ ابيض في حياتك ح يشرق ولو صبرتي اشوي اكيد كان شفتيه اكيد كان جاكي الراجل ولد راجل يلي ح يتجوزك ويستر عليك و يعيشك حياه ما صارتش لو صبرتي قبل لا تغلطي كان شفتي عوض ربي ربي ما خلقكش عشان يعدبك طول عمرك لين اتموتي لا ولول في نهايه عمرك ح تفرحي و ترتاحي رناد كانت تسمع فيه شن يحكي ونادمه علي يلي دراته لي ان كل حرف قاله صادق فيه عمر يحكي بهدو و راحه: لو صبرتي علي الالم يلي عايشه فيه اكيد كان نلتي را يلي يدر شي يلقاه سو خير ولا شر يلي تزرعه تحصد بوك عنده عقاب عند ربي مرات بوك نفس الشي وممكن ربي يحاسبها في الدنيا قبل لاخره وامك وكل من ضلمك نفس الشي بس انتي ما صبرتيش ضيعتي نفسك و شرفك وقعدتي زانيه و انسيتي ان الزناء من السبع الكبائر ومن الحجات يلي اتهز عرش رحمان رناد تبكي عمر: صح معاكي انك بنت وتحتاجي لي مستلزمات و فلوس و هلك مش امدورين بس في الف طريقه تقدري تاخدي تكسبي بيها افلوس و بل الحلال اخر الف عمل شريف يدخلك الفلوس و يكونن افلوس حلال ما تسلينيش شن هما الاعمال لي انك تعرفي اكويس وانتي يا رناد مش بس زنيتي لا وخديتي افلوس علي الزناء اخر في حديت يقول ( ومهر البغي يعني يلي تاخده الزانيه من الزاني) رناد تبكي: نادمه والله نادمه عمر ابتسم عشان يريحها: تقدري ترجعي لي طريقك و ربي ح يغفرلك ربي يغفر كل شي الا الشرك بيه وانتي ما شركتي نعرف ح تقولي صعب لي ان هما حسسوك بي الحنان و الحب بس هضا كله بين قوسين وهم عيشوك في وهم و حاجات حرام ترضي فيهم وتغضبي في ربك نعرف انك دورتي علي الحنان في عند هلك وما حصلتيش ف طلعتي الدوري فيه برا عند الرجاله بس اصحي لي نفسك يا رناد واعرفي في اخر و ح تتحاسبي ( يوم لا ينفع فيه لا مال ولا بنون الا من اتي الله بقلبن سليم) انا راجل ونعرف الرجاله كيف يفكرو لم ح يطلبو منك وانتي ترفضي ح يهددوك بي هلك وان الصور عند بوكي رناد تبكي: اها خايفه من النقطه هذي عمر: ما تخفيش ولو جابو الصور لي بوكي و ضربك و هانك وين المشكلة ما انتي غلطي ودرتي الحرام وبعدين خايفه من بوك ومش خايفه من ربي ؟ و مرات يكدبو يخيفو فيك بس مش ح ينشروهن ولا شي ولو يقولولك نفضحوك في النت مرات يطلعو تخويف بس وحتي لو نشرو صورك الناس ح تحكي عليك يوم يومين اسبوع اسبوعين شهر شهرين تم تفوتك مهما يهددوك ما تتراجي عن قرارك رناد تبكي عمر بهدو: ماتبكيش من اليوم معاش في بكا في صلاه في قران في صيام في زكاء في ايمان وبس وربي ح يسامحك و يغفرلك وعلي مصروفك سيبيها عليا ح نلقالك شغل واخر لو تبي تباشري فيه من بكرا رناد مسحت ادموعها بفرحه: جد تحكي دكتور عمر عمر ابتسم: اها ح نشوفلك شغل في المستشفي هنا ترضي تشتغلي مساعده دكتوره رناد والابتسامه علي وجها: عادي عادي انشالله حتي كناسه والله راضيه اهم شي شغل بشرف و فلوس حلال عمر ابتسم: من بكرا اتباشري في عملك رناد تبكي وتضحك : والله بنكسر شفرتي ونبعد عن طريق الغلط نوعدك من اليوم حياه جديده عمر ابتسم: انشالله واهم شي الصلاه الصلاه الصلاه ما نوصيكش عليها♥️ _____________________________________ في حوشنا ماما اطيب في العشاء في المطبخ و بابا راقد في دار النوم وحني في الصاله ونتعاركو على ياسين كل واحد يبي يمسكه لين ما طلع بابا امعصب بابا بعياط: سكر فمك انت وياه عليك ضنوه امهبله رنيم: هدوم امين و ريم يتعاركو علي ياسين ريم: كدابه يا بابا امين: حتي هي معانا بابا: اسكتو الزف وقعمز وخدا ياسين من امين: يلا انتلفو عن خليقتي وسام: بابا اني نقعد معاك بابا بعياط: كلكم امشو يا خروات و خفنا خشينا نجارو لي الدار ماما طلعت من المطبخ تضحك: عصبوك بابا: بكل افروخ حرام وعوني من نومي ياسين ناض يبكي بابا ايبوس في يده ويضحك: حبيبي جعزوك الهبلين هههههه ماما خداته منه وقعدت اترضع فيه: خطرها طلال ار ريم وافقت بابا ببتسامه: الله ايبارك الله يبارك والله عمر راجل ما يتعوضش والله ماما: بس حبيبي والله البنت صغيره اقل شي تطلع من التنوي بابا بعصبيه: حنين الموضوع هضا حكيين فيه الف مر اني البنت ح نعطيها انشالله عمرها 10 سنوات اني بنامن على حيات بناتي وانتي تعرفي الوحوش خوتي و اولادهم وبعدين تلت ولا اربع اشهور وتخش لي 17 و اني مانديرش في حاجه غلط هضا حلال ماما: تمام تمام كنك انفعلت بابا طلع فونه: ح نحكي مع عمر و نقوله وافقت عمر كان ايسوق: الو كيف الحال بابا: الحمدالله شن اخبارك انت و الاهل عمر: كلهم طيبين بابا: دوم... قتلك يا عمر ريم وافقت عمر الضحكه من الودن لي الودن: كيف كيف شن قلت بابا ضحك: قتلك موااااافقه عمر مبتسم و يحرك في لحيته: تمام تمام بكرا ولاويلي بعد هلي ايكونو عندكم بابا ابتسم: يلي ايناسبكم و تفضلو في اي وقت وسكر عمر يخبط علي دومان السياره و يعيط بفرحه وبصوت عالي: واخيرراااااا و اخيرااااااااا ووووووووه ههههههههههه ___________________________________ وصل عمر لي الفيلا رقا طول لي شقته دوش ولبس سروال استرتش اسود فيه كمشه من تحت و فنيليه سوده خفيفه كم بحكم الجو شتاء مقصع وكانت عليه خيال امبينه كل عضلات صدره و كتوفه وصلا العشاء ونزل لي الفيلا وكله هييييبه عمر باس راس امه: ليك وحشه يا الغاليه وقعمز جنبها ومسك يدها باسها عمتي عائشه: وينك يا ولد والنبي وينك معاش انحق فيك بكل عمر: والله حقك عليا عارف روحي امقصر نوعي الساعه سبعه نفطر ونطلع وتكوني انتي راقده انقول مش ح نوعيها نمشي طول لي معرض السيارت وقت الغداء نمشي لي المطعم نتغداء و نرد لي المعرض العشيه نمشي لي المستشفي ما نكمل الا بعد المغرب نطلع اني ويعقوب والشباب نتعشو في المطلعم ونسهرو و مانروحش لين 2 نلقاكي راقده نرقا نرقد في شقتي عمتي عائشه: والله عرفاتك يا باتي وربي ايعينك مش عايشين الا من خيرك عمر ابتسم: ولو دعواتك بس عمتي عائشه: والله ندعيلك انت و خوتك عمر: ربي ايخليك لينا المهم يام جايك في موضوع عمتي عائشه: انشالله خير خوفتني عمر: نبي نخبط وانشالله حاجه شهر ونتجوز عمتي عائشه اتزغرط: مشالله اوليدي واخيرا بنفرح بيك يا باتي ونشوف اصغارك مليين عليا الفيلا عمر ضحك: انشالله عمتي عائشه: اكيد بنت خالتك عمر: لا اكيد عمتي عائشه: وكنها ابنيت اختي من شن تشكي عمر عصب: يام يام علاش امنكدتها عليا والله بنت اختك ما كنها شي وكل واحد يتمناه بس اني لا اني ما نتمنهاش قلبي ما دقلهاش علاش نضلمها لو تقعد اخر بنت مش ح ناخدها عمتي عائشه والكلام مش عاجبها: ومن بنت الحسن والجمال عمر: بكرا تو تعرفيها عمتي عائشه حطت يد علي يد: لما انشوف .....يتبع