مريضتي ♥️ - ❴🔢❵☟الــبـــــ❴1️⃣3️⃣❵ـــــــارت☟ - مكتملة | روايتك

مريضتي♥️ الكاتبه: نولي الحلقه 13 في حوشنا انا قاعده جنب ماما يلي اترضع في ياسين قاعده انمس في شعره انا نضحك: ماما شعره ناااعم بكل يهبل ماما ضحكت: اها عشان بيبي انا ضحكت: بحتي كيف يرضع هههههه ماما ابتسمت انا: ماما تو شن يرضع خالتي غاده: قلت ادب ماما شافتلها: يا غاده البنت ما قصدها مش عارفه تسائل بس خالتي خديجه: مش شورها تسئل ولالا انا نشوفلهن ومش فاهمه شي ماما شافتلي: ريما بري اطلعي شوفي خوتك ماما انا صبيت: باهي ومشاء الوقت وجاء الليل و خلاتي كلهن روحن مافيش وحده باتت و ساعدن ماما في السهر و البيبي الساعه 2 كنا في الصاله كلنا و البيبي يبكي رنيم: ماما كنه يبكي ماما قريب تبكي: طبيعي يا ماما كلكم كنتو هكي بابا: باهي علاش ما وحده من خواتك باتت معاكي ماما انحرجت: ااا اممم عدهن مشاغل بابا: مفروض وحده قعمزت معاكي بس تمام انا : ماما عطيني نمسكه بلكي يسكت عندي ماما: لالا بنتي انتي ديريله حليب انا: ما نعرفش بابا: أمك تو اتعلمك ماما شافتلي: اهي خودي الميه المعدنيه باهي انا: وبعدين ماما: خشي لي المطبخ و خودي براد باهي بنتي بعدين صبي الميه المعدنيه يلي في الشيشه هذي في البراد انا: و نولع عليها الناس و نسخنها ماما: اها بس مش لي تغلي لالا دفيها اشوي بس حطي فيها صبعك تلاقيها دفت اشوي خلاص بس مش يا بنتي تحمي واجد انا صبيت وهزيت راسي: فهمت ماما والله ماما ضحكت: تي اصبري نفهمك بابا: هههههه ماما: بعدها خودي المرضعه وصبي فيها اميه لي رقم اربع وحطي ملعقتين حليب انا: تمام ومشيت نجري و درت الحليب وجبته لي ماما بابا خداه من ايدي: تمام اكويس دافي مش حامي ماما خداته منه وعطت ياسين وقعد يضحك امين: عيونه كيف ريم رنيم: اها بابا: ارقدو ارقدو ساعه 2 انت و ياه ____________________________________ عند يعقوب و خلود يعقوب: خلود السبوع الجاي ح نجي نخطبك خلود بصدمه: نعم شن قلت يعقوب انصدم من ردت فعلها: كنك خلود خلود بمجامله: اااء هههه لالا مش قصدي بس صدمتني يعقوب: علاش تنصدمي اني مقتدر شقتي كامله مش ناقصه شي و فلوس عندي وبعدين مانيش صغير و شاريك ونبيك بي الحلال خلود ابتسمت بخوف: اها تمام يعقوب: نحبك والله خلود : وانا انحبك ااااا قتلك امي اتنادي فيا باي باي وسكرت يعقوب استغرب تصرفها بس كا العاده لي ان يحبها حطلها عذر وكمل شغله خلود تندب وتحكي مع نفسها: حي عليا حي عليا شن بندير ووووه الحصله هذي كدبت كدبه و صدقتها حي شكله جد امكبد و يبي يخطب اخر احسن شي نتصل بي مريم تعطيني حل وتصلت بي صحبتها مريم مريم بصوت ناعس: الو خوخه كنك متصله من اول اصبح خلود: تي صبي اني في مشكله مش وقت نومك مريم: كنك خلود: الحيوان هداك جاي يخطب مريم: من تقصدي اسماعيل خلود: تي لالا سيبته الكلب هداك مافيش منه فايده مريم: محمد ؟ خلود: لالا تيس هضا متجوزه ويخاف من مراته تسلايه بس مريم بعياط: تي من وانتي افروخك واجد خلود: يعقوب مريم: نعليااا هضا والله من لول كنت حساته انه راجل خلود: راجل علي روحه عليا انا راجل يملح بس ما نحباش مريم : وعلاش تكلمي فيه خلود ببرود: كيفه كيف غيره تحسابك علي سواد اعيونه على افلوسه يلي نطلبه حاضر مريم: وتو شن بديري انتي سنتين تضحكي عليه خلود: ح نقول لي بابا مش موافقه عشان يرفضه واني نطلع كيف الشعره من العجين مريم: والله حرام عليكي مشيتي سنتين من عمره علي الفاضي خلود: و يا حبيبتي تبيني نتجوز واحد ما نحباش لالا بنعيش حياتي و شن اندير في البقيه مريم: خلود حبيبتي ياسر ما لعبتي بي مشاعر لولاد و اكيد مكلمه ربع شباب ليبيا ولا نصهم را خافي ربك وراكي يوم كيف ما ضحكتي ح ينضحك عليك خلاص اكبري انتي مش صغيره كوني نفسك وانسي هل اللعب يعقوب راجل شاركي و كويس و يخاف ربي كم ح تقعدي هكي ها قوليلي وافقي ومش ح تندمي خلود اقتنعت اشوي: حتي لو وافقت اني نخب غير مش متخليه فكرت نسيبه حتي لو تجوزته مريم: بس يلي تحبيه ما يحبك ومش ح يتحوزك لو تقعدي حوريه ولو ملاك ولو اخر بنات ليبيا خلود: اها نعرف💔 ____________________________________ مشا اسبوع و بابا دار اسبوع لي كبير بكل في الصاله الناس كلها تحكي بيه كانه فرح مش اسبوع و خلاتي غارن بكل و جاء اليوم يلي عمر جاء لي بابا عمر يشرب في القهوه: طولتو يا راجل شن صار في موضوعي بابا يضحك: والله شفت المرا كانت جايبه وانشغلت عمر: ها شن سميتوه بابا ابتسم: ياسين عمر: انشالله من نصيبكم بابا: انشالله المهم تو بعدين نقول لي المرا تفتح معاها الموضوع وانشالله خير عمر: لو وافقت اني مش امطول ح نخطب وحاجت شهر و نطلع الجواز بابا: تمام هكي افضل بس اهم شي موافقتها عمر صبا: يلا خليتكم بعافيه بابا: تفضل الغداء عمر: مرا اخر عندي حاله في المستشفي تو بابا: تمام في امان الله ____________________________________ عند عمر في المستشفي كانت عنده حالة بنت عمر: ها شن اسمك البنت: رناد عمر ابتسم: موليد كم رناد: موليد 98 عمر بهدو: باهي احكيلي قصتك رناد: اني بوي و امي اطلقو من وانا عمري خمس سنوات عمر: به رناد تبكي: كل واحد منهم تجوز واني عشت مع بوي وكنت الخمس و جمعه نمشي لي ماما بس كان راجلها مش متقبلني بكل ولا يبيني و ماما عشان راجلها قاتلي معاش اتجي هنا راجلي ما يبيكش وتمت تبكي عمر بهدو: هاكي اشربي اميه رناد شربت وردت تحكي: ومن وقتها انا عايشه مع بوي و مراته و كانت تكرهني بكل كانت اسؤ مرات اب ضرب و اهنات و عداااب وكل شي لي درجت كرهت حتي بوي فيا عمر عطاها منديل: اهذي ما تخفيش رناد شربت اميه: من وانا عمري خمس سنوات لا لقيت الحنان في بابا ولا مراته ولا ماما كنت متشرده بمعني الكلمه بابا كان حرمني حتي من المصروف ولا كئني بنت ونحتاج مستلزمات رافقت رفقت سؤ و ضعت عمر بستعباط وبصوت واطي: كيف رفقت سؤ رناد تبكي: خشيت سكه غلط كنت متعلقه في صاحبتي بكل و كانت مش تمام جرتني معاها خشيت في سكت لولاد لي درجه ضيعت نفسي و شرفي وقعدت && عند لولاد كله عشان نصرف علي نفسي عمر يشوفلها وساكت رناد تبكي: سلمتي نفسي لي واحد و من واحد لي واحد وكل ما نبي انسيب الطريق بس معاش اقدرت حاسه روحي ادمنتها واللهي ادمنتها مش كله حب لي جنس لا لي ان لقيت فيهم اماني اها ايقولولي حبيبتي و يجيبولي في مستلزماتي نعرف اي اي ان كدب كله عشان ياخدو مني يلي يبوه وتمت تبكي عمر عطاها ميه: اشربي وهذي رناد: اني مافيش من جابلي يلي نبيه ولا احتواني ولا قالي كلمه سمحه لا ام ولا اب ولا خاله ولا عمه دورت علي الحنان في هلي مالقيتش ف طلعت اندور فيها برا و لقيتها عند شباب عمر بهدو: و تو شن تبي رناد : نبي نقعد بنت شريفه ونبعد عن هضا كله بس مش قادره مش قادره نبي نغير من نفسي مانبيش نقعد خاتم في صبع الرجاله في نفس الوقت هما اماني هما يلي علموني معنا الحنان احتووني حسسوني بمعني نفسي حتي لو يشوفو فيا رخيصه بس اقل شي يشوفو فيا عمر عدل تقعميزته: فهمت عليك اسمعيني انا شن بنحكي تو ____________________________________ في حوشنا درت كيكه انا و رنيم و نسكاف و عصير و كلناها في العشيه وماما حبتها بكل بعدين صبت ماما: ريم تعالي نبيك في موضوع امين: امي اني انجي معاها ماما: هني روحك😒 انا صبيت: جيتك وخشيت اني وياها لدار و سكرنها وقعمزنا علي السرير ماما مسكت ايدي: ريما بنتي انتي مش صغيره وكبرتي و جواز حال عليكي انا: ماما علاش تدوي هكي شن فيه ماما: ريم بنتي انتي كبرتي وتعرفي معني جواز صح كيف ما علمتك انا هزيت راسي ماما: دكتور عمر طالبك من بوكي اموافقه ولالا انا..... .....يتبع