مريضتي ♥️ - ❴🔢❵☟الــبـــــ❴1️⃣2️⃣❵ـــــــارت☟ - مكتملة | روايتك

مريضتي♥️ الكاتبه: نولي الحلقه 12 بعد مرور اربع اشهور ♥️ في هل اربع اشهور تعالت ريم و تمت تتصرف كيفها كيف اي بنت من عمرها بس مزال عقلها مش ناضج تماماا ميزال عندها نقاط استفهام و حجات هلبا مش عرفتهن و اسئلتها كترت كانها طفله كيف باديه تدرك الحياه يلي حولها بس اهم شي فهمت اساسيات الحياه الجواز والصغار و الصلاه و صيام و كيف تتصرف علي انها محجبه وان ماتجيش يوم تلبس الحجاب و عشره لا و عمر اقترح على بوها ان ياخدلها فونها عشان يفتح عقلها اكتر و اهم شي انها سيبت اللعب بس كوتي لا هههههههه قاعد حبيبها و تمت تتصرف علي انها كبيره بس نرد و نقوللكن انها مزالت عندها اشوي حجات مش فهمتهن واشوي تصرفات عبييطه الساعه 1 في حوشنا الجو مصقع و كنا كلنا رقدين الا ماما في دار النوم كانت تحس بوجع ماما عاضه علي شفايفها و تهز في بابا: طلال طلااااال بابا نوووم ماما بالم : طلال اوعي طلال بابا وعي و هو نعسان: كنك حبيبتي فيك حاجه ماما تبكي و تنيل: بطني بنولد صبي الله ايربحك بابا صبا يلبس: هيا هي ماما: ساعدني نصبي وقرب بابا من ماما وساعدها اتصبي و لبسها العبايه وقعد يسكر فيها ليها ماما واقفه بسيف: شوف نزلت اميه ولالا بابا رفع قفطان ماما اشوي: اها نازله هيا هيا ماما داهشه: شنطة العيل بابا خداها في يده شنطت البيبي و في اليد لخرا ماما و طلع بيها انا كنت نبي الحمام شفت بابا ماسك ماما و مطلعها قربت منهم انا نبكي: وين ماشيين تو بابا: امك بتولد يا بابا انا نبكي ونمسح في ادموعي : انشالله اتجبي بسلامه ماما ماما ابتسمت بالم: ادعيلي يا ماما انا خديت يدها وسبتها بابا يختبر فيا: بتمشي معانا انا مسحت ادموعي: لالا خوتي اصغار نقعد معاهم ما تجيش يقعدو ابروحهم بابا شاف لي ماما وابتسم ماما بالم: هيااا معاش قادره بابا : هي تحملي اشوي بس انا سبقت بابا فتحتله الباب و طلعو و خديت منه شنطت البيبي حطيتها في السياره و فتحت الباب لي ماما و ساعدتها اني و بابا تركب و مشو واني قفلت الباب و خشيت نوعي خوتي نعرفش ليش درت هكي موقف غبي مني بس قلت عشان يدعولها انا نبكي: ماما ح تجيبلنا بيبي امين: يسسس انشالله ولد عشان نقعدو تعادل كيفنا كيفكن وسام بطفوله: اي اي وانشالله ولد رنيم و وران: في اعيونكم بنت انشالله و قعدو يتعاركو ولد بنت انا نبكي: حرام عليكم ساد يلي يجي من ربي اكويس ادعو لي ماما روان و وسام: سن اننقولو😕 انا نزلت راسي: ما نعرفش حتي انا رنيم و امين مع بعض: قولو ربي ينوضها لينا بسلامه هيا و البيبي انا نبكي: ربي ينوضها لينا بسلامه هي و البيبي ____________________________________ في المستشفي خدو ماما من بابا و طول حجرت الولاده لي ان خلاص العيل ح ينزل و بابا لحضتها عزت عليه نفسه اكتر مش كله خوف على ماما و البيبي بس شفق علي حاله كيف خمس اعيال و اهو السادس يجيبهم و هله ما يكونوش معه في لخضه كيف همي لا اب ولا ام ولا اخ ولا اخت تمنا لحضتها جنبه خوه و ويواسي فيه و يطبط علي كتفه و يقوله ما تخافش ح تنوض بسلامه و وجعاته نفسه ست عويل ما شفوهمش ولا حتي العويل يعرفو ان عدهم عمام مهما عندك مال و كنز و سمعه و اراضي و تاجر تحتاج لي اهلك مش كل شي في الحياه ماديات ناس واجد عايشه علي خبزه و تمره و حالهم يعلم بيه كان ربي بس متربطين و يحبو بعض و ملتمين و في نفس الوقت ما يقدرش يمشي و يرفض نفسه عليهم حبوني و تقبلو اصغاري غصب عنكم لي ان هما يلي اختارو البعد و حاول يردلهم بس معندين ____________________________________ عندي انا تدكرت كلمه عمر وقت قالي بعد اضيق بيك صلي ركعتين توضيت و صليت و دعيت و ما كنتش نعرف شن يقولو في الدوعاء بس متمسكه في كلمه وحده يا ربي انت تعرف ما بي داخلي حققه ليا ♥️( ان الله يعلم ما في زوايه القلب) وكانت الدعوه هذي كفيله عن كل الدعوات و كملت صلاتي و ما عرفتش شن اندير خديت تلفوني و شفت رقم عمر و بدون تردد رنيت عليه لي ان ما نعرفش ان الوقت متاخر ما يرنوش علي الناس و يجعزوهم الحاجه يلي اتجي في راسي انديرها عمر بخوف و بصوت ناعس: ريم كنك انشالله خير علاش متصله الوقت هضا انا قعدت نضحك: هكي فيش شي كسدت بيا قلت نحكي معاك هههههه عمر: سكري تو نعاود عليكي سكري انا سكرت و هو عاود عليا عمر مسح يده علي وجه وتنهد: يا ريما يا بنتي يا حبيبتي تعلمي الاصول اشوي تعبت واني نعلم فيك حلك تعلمتي تو ماتجيش تتصلي بي حد الوقت هضا تي الساعه 3 و ربع نص ليل انا كشرت: وعلاش عمر وهو نعسان: لي ان الوقت هضا الناس تكون راقده فيه وحتي لو مش راقده هضا وقت راحه خلاص اني نتحملك عادي بس غيري لا في يلي تو راقد وفي يلي يحكي مع حبيبته و البنت حبيبها و كان متجوزين تو سهرنين و في يلي يقضي اليل عبادات قران و صلاه و مرات تتصلي بي بنت الوقت هضا اديريلها مشكله هلها يقولو هضا من يلي يتصل بيها تو اكيد ولد ولو متجوزه اشر اتسببيلها مشكله مع جوزها وكان راجل نفس الشي ومرات رقدين تفجعيهم ديما من بعد الساعه 12 معاش تتصلي بحد الا عند الضروره انا ابتسمت: تمام اخر مره انديرها عمر ضحك: طيرتي النوم من اعيوني ها قوليلي شن جديدك هدرزيلي انا: ماما شالها بابا مشت اتجيب عمر ابتسم: باهي ربي ايسلمها انشالله انا: يعني جد مش الدكتور يلي ح يعطيها البيبي عمر ضحك: كم مره قتلك طلعي أفكار الطفال من راسك لا الدكتور مش ح يعطيها شي انا: باهي ومنين ح يطلع عمر بشويه عصبيه: لا زودتيها انتي صح كل حاجه نعلم فيهالك بس مش حتي هذي المواضيع هدينا تروح الماما و تعلمهن لك انا بلامباله: اممم به عمر: ها شن درتي اليوم و قعدت نحكيلك و حاسه روحي تميت معاش نقدر انعيش من دونه تما حاجه مهمه في حياتي كانه واحد من عيلتي نحب كل يوم نحكيلك عن يومي كيف كان وشن درت و نحب وقت تكون عندي جلسه عنده في المستشفي ونفرح علي عكس قبل و نحس في حجات حلووه وقت نسمع صوته ولا نشوفه شن هنا مش عرفتهن عمر حكيت مع ريمتي ونبي نعترفلها بحبي نسكت نخاف من درت فعلها مع ان نعرف اكويس انها بدت تفهم وسكرت منها وقلت ما تجيش عويل وبايتين في الحوش ابروحهم ركبت السيارتي و مشيت لي حوشهم صفيت السياره جنب الباب و رقدت في السياره وعيني علي الباب خايف من ايجي كان الجو مصقع بس الله غالب ____________________________________ الساعه 4 ونص في المستشفي طلعت الدكتوره لي بابا: استاد طلال صح بابا بخوف: اها انا الدكتوره ابتسمت: الف مبروك الولد يتربي في عزكم و المرا صحتها تمام بعد اتفيق اندخلك ليها بابا بفرحه ويمسح في ادموعه: الحمدالله يا ربي الحمدالله والله فعلن اسمكم ملائكه الرحمه يا دكاتره الدكتوره ببتسامه: ولو هضا واجبنا و مشت بابا نحا الجاكه يلي لابسها و فرشها تحت و سجد لي ربي سجدة شكر ♥️ و مشا الوقت وساعه سبعه و نص فاقت ماما و الممرضه خششت بابا لي الغرفه بابا يبوس في راس ماما: الف الحمدالله علي سلامتك ماما ابتسمت: الله ايسلمك... البيبي وين نبي انشوفه بابا: ما شفتيش لم ولدتي قصدك. ماما بصوت تاعب: لالا الدكتوره حطاته عليا عشان انشوفه بس بعد ولدت فقدت الوعي طول بابا: اهاااا سلامتك مرا اخر يا ضي عيني ماما بتعب: تعبت في اجيابتي هذي بكل هضا اكتر واحد تعبني في ولادتي بابا باس راسها: الحمدالله من اتشوفيه الوجع كله يمشي ماما تحكي بتعب: اها الحمدالله هذي نعمه و في يلي مش لاقيها بابا: ربي يرزق كل من محروم منها اشويه وجت الممرضه وفي يدها البيبي وعطاته لي بابا وطلعت ماما مبتسمه بابا الفرحه مش سيعاته وقعد يكبرله ماما ببتسامه: سميه بابا: لا سمي انتي بلكي يقعد خاطرك في اسم ماما بتعب: لالا سمي انت عادي ما عنديش اسم محدد وبعدين اني سميت التوام بابا ضحك: وانا سميت ريم و رنيم وانتي آمين حتي هو ماما ضحكت بتعب: وسمي حتي هضا بابا ابتسم : نسميه ياسين اسم حلو و خفيف ماما ببتسامه: اها حلو بابا قرب من البيبي وقاله اسمك ياسين وعطاه لي ماما ماما ضحكت: وعي يا روحي علي الكياته بابا يشوفله: اعيونه عسليه كيف ريم ماما ضحكت: اها بس ريم لونهم احلي بابا باس يد ياسين: خوتك ح يدروك لعبه يا بابا مش ح يهنوك ماما ضحكت: اها _____________________________________ عند خلود و يعقوب خلود ببرود: الو يعقوب بفرحه: اهلين حبيبي شن جوك خلود: تمام وانت يعقوب: دوم استاحشتك خلود ببرود: تستاحشك العافيه انشالله يعقوب: وانتي ولا ما ستحشتيني خلود بمجامله: لا استحشتك بكل يعقوب ببتسامه: نحبك والله نحبك♥️ خلود ببرود: واني انموت فيك يعقوب: كنك زعلانه من امزعلك خلود استغلت الفرصه وبتسمت بخبت: لالا ما ضايقش روحك يعقوب بنيه صافيه: نزعل منك حبيبتي احكي بس خلود: تلفوني طاح من ولد اختي ونكسر معاش يتصلح تو نحكي معاك بي تلفون ماما يعقوب: اها ساهله تبي تلفون شن بزبط خلود طارت من فرحتها: نبي تلفون يعقوب قطع عليها: اسمعي امشي لي محل التلفونات و خودي يلي تبيه بي الكفر امتاعه و ضد الكسر ركبيله و خودي اخر احتياط عشان لو طاح اتغيرها وتو نسكلك حقهم انا خلود ساخت: تمام تمام حبيبي😍 يعقوب : نجك ليا ما تزعليش روحك علي حاجه تافها مره اخر و كملو حكي _____________________________________ روحو ماما و بابا و الصغيوني من السمشتفي الساعه 9 ونص بعد ما دارو خروج لي ماما ماما بستغراب: من يلي صاف سيارته جنب حوشنا بابا عقد حواجبه: تو نعرفو و نزل وسيب ماما في السياره وقعد يدق علي القزاز لين نزله بابا بصدمه: عمر هضا انت عمر يحك في اعيونه بنعس: اها الحمدالله علي سلامتها بابا بستغراب: الله ايسلمك بس شن ادير هنا عمر: ريم قاتلي ان انتم في المستشفي و ما قدرتش انسبهم في الحوش ابروحهم عويل قلت نبات هنا بابا: والله يا عمر ما نعرفش بشن نكافئك والله يلي نقوله فيك اشويه بارك الله فيك والله حركتك هذي ما ننسهاش ليك طول عمري كنت في المستشفي ونفكر فيهم عمر يمشي في يده على لحيته: لا ما تقولش هكي يا راجل مش مستاهله بابا: والله مستاهله نومتك هذي في السياره و في الصقع هضا ما ننسهاش ليك عمر ولع سيارته بابا: انزل افطر عمر ضحك ضحكته السمحه بصوت عالي: تي لا وين يا ريس معاش فيها افطر ابروحك ماشي نرقد ضهري انكسر من نومت الكرسي ولا الصقع يلي حاسه سكن في اعضامي هههههههههههههه بابا ضحك: ههههههههههههه و مشا عمر و بابا ساعد ماما تنزل و خشو جو و ف حنا بي البيبي و كل واحد يبي يشيله و جن خلاتي و بناتهن و الجيران و بابا دبح و جاب خضره والناس بدت اتجي والحوش زحم ......يتبع