مريضتي ♥️ - ❴🔢❵☟الــبــــــ❴ 🔟 ❵ـــــــارت☟ - مكتملة | روايتك

مريضتي♥️ الكاتبه: نولي الحلقه 10 عند عمر في المستشفي كانت عنده حاله جديده عمر ببتسامه: عرفت انك حاله جديده خالد يفرك في اصابعه في بعض و متوتر ويشوف لي تحت: اها اهاا الدكتور ايمن دلني عليك عمر وهو امركز على تصرفاته ويحكي بهداوه: باهي علاش متوتر هكي اهدا مافيش حد معانا في الغرفه خالد يهز في راسه ايمين ايسار ويحكي بتوتر: نعرف نعرف ع علاش بعتني ل ليك عشان عشان ان اني مررررريض نفسي عمر بهدو: من قالك انك مريض نفسي برئيك يلي يتعالج عند دكتور نفسي يعني مريض نفسي خالد: اها اي اي عمر ابتسم: علطان كلنا البشر بصفه عامه نحتاجو لي دكتور نفسي لي ان بختصار كلنا عدنا ضغوطات نحتاجو لي من نحكو لي من نشكو عشان يفهمنا و ريحنا بختصار طبيعة الانسان هكي هضا جهل وقت نقولو هضا مريض نفسي خالد امنزل راسه ويفرك في اصابعه عمر: ها احكيلي شن السبب يلي دخلك في حاله كئيبه خالد شافله ورد نزل راسه: انا انا مش اكويس انا ربي مش راضي عليا انا مش اكويس عمر بهدو: مسلم انت و تعرف ربي خالد هز راسه: اها عمر: وكيف عرفت ربي ما يحبك كيف عرفت مش راضي عليك ربي يحب العبد المؤمن خالد بتوتر: بس انا انا وسكت عمر بهدو: احكي ما تخافش سكرك في بير هنا عندي مافيش لا شرطه ولا محكمه ولا سجن هنا في ضمير بس لو اتكون داير يلي دايره ما عنديش علاقه علياا انطلعك من يلي انت فيه بس و نصحيلك ضميرك خالد ارتاح ونزلت منه دمعه: انا قاتل عمر بهدو: متعمد ؟ خالد تسنج ويبكي: لا لا ولله لا والله لا عمر عطاه اميه: هدا باهي ما قلنا شي اهدا خالد شرب عمر: احكيلي القصه كلها خالد بدا يحكي: قبل سنتين كنت ماشي في طريق وراكب سيارتي خشيت لي شارع وكان فيه هلبا عويل و اني كنت واخد سرعه بعد شفت العويل نقصت منها وكلهم حودو بعدين في عيل نساء كورته حود و رد خدا كورته وبحركه سريعه خبطته و العيل مات وقعد يبكي عمر عطاه اميه: احكي خالد: سعفته لي المستشفي و قلولي انه مات خبرت هله وقلتهم اهو اني ليكم ديرو فيا يلي تبوه سجن قتل ضرب انا ليكم قلولي امسامحه وهضا عمره ومنها وقتها واني خشتلي حالت اكتئاب من وقتها لا ليلي ليل ولا نهاري نهار كله عايش في تعديب الضمير سالت شيخ قالي صيم شهرين 60 و صمتهن واطعم 60 اطعمتهم بس من وقتها ما ضقت طعم الراحه عايش في تأنيب الضمير حالي مش لول معاش طلعت من الحوش و بي الاخص الدار سيارتي عطيتها لي خوي حلفت معاش نركب سياره حياتي انقلبت 180 درجه انا سيئ انا قاتل نصلي ونقرا في القرآن ونستغفر بس مع هدا مش قادر انرد كيف لول وتما يبكي عمر: خالد اهد يلي فات مات انت مش شخص سيئ بلعكس يلي درته ما دراش غيرك هلبا ناس قتلو قتل متعمد و مكملين حياتهم ولا عايشين في تأنيب الضمير ولا اتبعو السنه و صامو انت ما عليكش اتم لي ان مش بي ارادتك هضا قضا ربي العيل يلي ضربته بي السياره كان يومه واجله انه يموت في اليون هضا من لم في بطن امه كان مكتوبله اليوم هضا و العمر هضا انت ما نقصتش من عمره ولا قتلته قبل وقته لا انت كنت بس سبب في موته كلنا ونحن في ارحام امهتنا مكتوبتلنا الساعه يلي ح نموت فيها مش ح نفوتها بي تانيه ولا ح نقدمو عندها بتانيه منا يلي مات غريق ويلي شهيد ويلي حادت ويلي سكته قلبيه و يلي مرض كل واحد بسببه هدينا اسباب بس والعيل يلي قتله كان عمره تام انت كنت السبب بس وبعدين موقفك بعد سئلت الشيخ جميل بكل بينت انك مسلم جد وفعلن القران والسنه و الشريعه القتل الغير متعمد يصوم شهرين و يطعم مساكين وحتي موقف حلو بعد نقدت العيل في يلي مكانك يخاف ويهرب و موقفك حلو بعد حكيت مع اهل الميت و بي صيامك هضا انت حودت الاتم يلي عليك خلاص معاش عندك اتم خالد فتح اعيونه اكتر: جد معاش عندي اتم عمر ببتسامه: اها جد ومش ح تتحاسب اخر يلي نبيه منك اترد لي حياتك وتنسي الماضي وماتفكرش في العيل لي ان لو ما قتلته انت اكيد جا حد غيرك و ضربه بي السياره لي ان كان هضا يوم خلاص اليوم هضا كانت روحه ح ترقي لي ربي بي اي وسيله علاش نساء الكوره وردله لي ان رد لي قدره و اجله تو نبيك تنساء الماضي انت شاب توك في بدايه عمرك 25 سنه عيش حياتك واطلع مع اصحابك و حب تتجوز و كون حوش ما تكرهش السياره لي ان هدا غباء اجل حسن من وضعك وفرح قلب بوك وامك اكيد امك تراجي فيك أمتي ترد كيف قبل الدنيا قصيره تو بكرا لا قدر الله تخسرها اتقول يا ريتني فرحتها بيا انسي كل شي وابدا صفحه جديده نفسك ليها حق عليك ما تعدباش انت ما شفت من الدنيا شي ميزال وراك مشوار طويل تقرب من ربي اكتر و صلي و اقرا قرآن ومعاش تفكر في العيل كل ما يجي في بالك قول ربي يرحمه وفكر في حاجه اخر خالد شافله بي ابتسامه وريحه كلام عمر هلبا عمر ابتسم: هيا وقتك انتهاء عندي حاله اخرا وتعال بكرا نفس الوقت عدنا موعد اخر خالد هزله راسه وطلع وكان متريييييح بكل سنتين يدور هي شخص يقوله كلام كيف هكي عشان يرتاح بس مافيش ____________________________________ حوش هلي علي صفرت الغداء ماما شافت لي وسام و روان: حبايبي شن نحطلكم روان: انا ابي از( نبي رز) بابا ضحك: هههههههههه رز يا بابا مش از ماما ضحكت وشافت لي وسام: وانت حبيبي وسام: انا نبي مكيونه بتميل( مكرونه بشميل) نحن: ههههههههههه امين: منين اتجيبو في هل الكلام السوداني رنيم: من وجهك امين: ها ها ها دمك😒 رنيم طلعتله السانها: لالا دمك اني دمي مش هكي رزين امين ضربها علي راسها من لاوره: تحسابك نديدك اتبصري معايه راجل اني رنيم يدها علي راسها وتبكي: بابا بابا قوله الحيوان هضا وشافت لي امين راجل عينك فرقت رجولتك بابا بعياط: تي خلاص يا حيونات ياسر ياسر وانتم لتنين 24 ساعه عرايك ماما اتعبي في التباسي: بنتك يلي تبدا رنيم ببكاء: ماما ماما هو يلي بدا ماما شفتله: تحشمي علي وجهك تكدبي قدامنا رنيم: ماما بابا قطع عليها بعياط: قلت خلاص انا ضنوه حرفه الزح واحد حتي في الاكل ما يرتاح نمشي نتجوز تاني شكلي ونرتاح عندها كلنا مع بعض مره وحده: نعممممم😑 بابا: 😳 ماما: جرب فكر مجرد تفكير في الموضوع بس بابا قعد يضحك:هههههههههههه حتي انتم يا وسام و روان تفهمو انا : ماما ماما هيااا صبيلي رز جيعانه انا هياااااا ماما ماما تضحك: باهي ريم وسعي بالك اهو نصب لي خوتك تو نصبلك انا انهز في راسي ومعصبه: لا لا انا لوله لا هيا صبيلي هيا اني لوله ماما تنهدت و صبتلي رز وعطتني التبسي انا قعدت ناكل ونشاور علي حنكي تحت فمي: ماما كله بابا فيه هناا هنا شعر اعي امين ضحك: لحيه يا غبيه بابا: ههههههه اعي صار انا: اها اعي شين بكل راك بيها لا وجودها تقعد سمح بابا: والله انك ما تتحشمي انا شفت لي ماما: وانتي كنك ما فيكي خوتي وماما و بابا: ههههههههههههه انا: كنكم😕 ماما: هههههه ريوم اللحيه لي الراجل بس انا: وعلاش لي الراجل بس ماما: لي ان ربي حلله ليه ما حللهاش لي امرا ان شفت لي امين وصغرت اعيوني: وانت كنك مافيكش ولا مش راجل 😑 آمين: راجل و غصبن عنك انا صبيت: الحديت معاكم ممل نمشي لي داري خير نلعب مع كوتي بابا فتح اعيونه بي صدمه تحسابه ولد واني ندلع فيه: من كوووتي هضا ماما فهمت عليه ضحكت: دبها يا طلال كنك بابا: اها انا امصبيه فوق راس بابا: بابا فيك شعرات بيض شنن هدينا بابا: شيب يا بابا انا: شن شيب بابا: بعد المرا ولا الراجل يكبر في العمر يبدا يطلعله اشوي شعرر ابيض في راسه ماما قطعت عليه: بس مش شرط يكون كبير في العمر في يلي اطفال وفيهم وباتك توه 45 مفروص مزال بس اهو جاه بابا: من هم ضنوتك هدوم يلي ما يخلوش عقل في الراس انا: انا كان كبرت يجيني شيب بابا و ماما: اها وسيبتهم وخشتيت لي الدار ولعبت بي كوتي وبعدها نسمع في حس ماما تغسل في الموعين ادكرت كلام الدكتور عمر صبيت نساعدها وكملنا وعطتني شكلاطه علي خاطر ساعدتها وخشيت رقدت _____________________________________ في دار النوم عند بابا و ماما ماما حطت صفرت الشاهي و المكسرات على السرير وقعمزت بابا: سلمك سلمك... العويل رقدو ماما: اها قيلو تو بعد العصر نوعيهم بابا يشرب في الشاهي: خليهم يوعو علي راحتهم مدرسه مافيش عشان يقرو و سيبهم ماما تاكل في المكسرات: تمام... حي طلال حط يدك حي ههههههه ووووه عليا بابا حط يده علي بطنها: كنك ماما تضحك وتتالم: يتحرك يتحرك هههههههه وووه عليا محرها بابا ضحك وطبس باس بطنها: ههههه قصدك واعره حركته ماما تمشي في يدها علي بطنها: تي موت اول شهر يبدا يتحرك فيه مش واعره بعدين حيييي وخلاص لا تعرفه يرفسني بي رجله ولا ايده ولا راسه بابا ضحك وباس بطنها: ههههههههه انشالله اتجيبي بي السلامه حبيبتي ماما: انشالله حبيبي بابا: حنين نبيك في موضوع ماما: انشالله خير بابا ياكل في المكسرات: لالا خير ما تخفيش ماما شربت من الشاهي: ها شن هو بابا: امس بعد جاء عمر قالي انه رايد ريم علي سنه الله و رسوله وانه يعرف وضعها اكويس بس هو قدها و ح يعالجها و يتجوزها ماما بصدمه: طلال مش موافقه بابا بصدمه: تي كنك يا مرا ماما: انت اتشوف في وضع ريم كيف بابا: عارف ونشوف في كل شي والبنت مصيرها ونصيبها ح تتجوز لو مش من عمر من غيره و عمر خير من عيره شفتي كيف وقف معانه واني قتله يا عمر نبيش نعطيها ليك و شهر و تردها قالي اني مش عيل عشان اندير هكي وريم حفضها اكتر منكم ومن عمرها 10 سنوات نعالج فيها ونعرف عنها كل صغيره وكبيره و يا حنين مافيش راجل ح يتقبلها غير عمر ماما ارتاحت لي الكلام اشوي: بس شفت مزالت صغيره وما تعرفش علي الجواز شي عقلها مش ناضج بابا: حنين انتي عارفه انا رأي في الجواز البنت تفوت 15 سنه نعطي انا مش حاصل في بناتي بس اني كيف ما اتشوفي عيلتي حكم متبريه مني بكرا بعد بكرا نموت غصب عنك خوتي يجوزوهن لي اولادهم عشان الورت ماما: حبيبي بطولت عمرك بابا: انشالله بس يلي ما يفكر في الموت مش مسلم وبنسبه لي عقليت ريم وكيف ح تتقبل الجواز عمر قالي البنت قاعده توعي وتفهم تلت ولا اربع اشهور وترد ريم لوله بعدين في حجات في جواز فطره اكيد ح تعرفهن وكيف تتعامل معه قالي اني راضي بيها هكي ماما: مش قالك تلت اشهور و تتعالج تمام نراجو التلت اشهور لو تعالجت يبقا موافقين غير هكي لا بابا: تمام ماما: بس راجي ما تردش عليه لين بكرا اليوم ح ندير صلاه استخاره ويلي فيه الخير ربي يقدمه بابا: لو تريحتي ماما: لو تريحت قوله موفقين بس مافيش شي رسمي لي عند يعالجها ولا خطبه ولا جواز لين ما تتعالج خمس اشهور سنه سنتين يصبر بابا خدا طاست الشاهي وشرب: تمام حتي هضا رأي اكويس ..... يتبع تفعلن بنات♥️والله عارفه تميت نكتب فيها قصيره بس قلتلكن ان عندي مشكله صحيه وما نقدرش نكتب واجد وغير هكي والله هل اليومين ضروف و امتيحنات وقتي ما بين الحوش و الامتيحنات والكتابه يكملن المتيحنات وانشالله نرضيكن واحتي انتن ارضني بي تفاعل وتعليق♥️