مريضتي ♥️ - ❴🔢❵☟الــبــــــ❴ 8️⃣ ❵ـــــــارت☟ - مكتملة | روايتك

مريضتي♥️ الكاتبه: نولي الحلقه 8 عند بابا و عمر في المزرعه عمر كان خايف عليا بس يكابر: هذي روحك وانشالله ح نلقوها بادن الله بابا مسح ادموعه: هيا نمشو عمر: هي و كانو بيمشو سمعو حس راجله يضاحكو ومعاهم بنت عمر شاف لي بابا بستغراب: سمعت يلي سمعت بابا: اها زعما تكون بنتي هنا عمر سبقه يجري: كل شي وارد وقعدو يلفو في المزرعه بس نفس الشي ما لقوش حد بابا عصب وقعد يفلم: تي وينها وينها شن سمعنا ولا نتوهمو الزح عمر: لالا اني متاكد سمعت صوت بابا قعمز بحيل مهدود وحط يديه على راسه اما عمر كان مستغرب الموضوع يسمعو في صوت بس وين ما يدروش بصدفه و هو ماشي بخطوات بطيئه حس ان رجله عفست على حاجه و كانه خشبه قعد مصبي علي المكان و يرتب في الاحدات عمر شاف لي بابا: تحت جري في حاجه بابا صبا بصدمه وقرب منه: شنن شن ممكن يكون و قعمزو عمر وبابا في الوطاء و حولو اشوي من التراب لقو باب خشب بابا شاف لي عمر بصدمه وفتح الباب عمر بصدمه: مكان تحت الارض بابا سبق عمر و نزل وقعد يراجي في عمر ينزل ونزل معه بابا مصدوم: تي حوش هضا عمر: اها و قعدو يمشو و يتبعو في الصوت لي عند ما وصلو لي الغرفه يلي فيها احمد بابا حط يده علي الباب بيفتحه و يديه يرعشو بابا وخر وهو جسمه يرعش: افتحه انت يا عمر خايف انا خايف من يلي بنشوفه والله قريب انطيح على وجهي عمر بدون تفكير قرب من الباب و فتحه بقوه و شافو احمد و محمد والبنت يلي معاهم بابا نزل راسه و في نفس الوقت فرح بعد ما عرفنيش اني بابا: لاحو الله لا حول الله عمر شافلهم بستحقار و تفل عليهم( حشاكم) : لعنت الله علي هكي اشكال احمد كان ميت خوف و محمد اشر منه والبنت ولا كانها حتي ما تحشمتش ولا فكرت تستر نفسها عمر قرب من احمد و مسكه من رقبته وقعد يجر فيه لي الصاله و محمد استغل الفرصه و طلع هرب بابا يعيط: وين بنتي يا كلب وينن بنتي احمد ينرفز فيهم ضحك بخوف: بنتك بحححح معاش فيه في نفس الوقت يشوف في شخصيت عمر خايف منه و خايف انا ريم توعي وتطلع وينفضح عمر عطاه كيف بكل قوته لين ما طاح ورد رفعه من اكتوفه رقااه لي فوق وحدفه علي الرض احمد يعيط بصوت عالي من الوجع يلي يحس بيه في ضهره: ااااااااه ضهري ااااااااااه ضهري ضهري عمر نزل فيه ضرب: وين البنت احكي احكي يا ولد الحرام يا &&&& وين درتها احكي ينعن &&& احمد يتألم بصوت عالي ومش قادر يتكلم غيره الاه يلي تطلع منه متاجته عن الالم: ااااه ااااه عمر عطه بكس على خشمه كسره ليه عمر: تي احكي ينعن جد اصلك احكي يا &&& احمد قعد يعيط ويده على خشمه بعدها اشوي و داخ بابا بعياط شاف لي عمر: تي قوتلك ساده ساده ما توصخش يديك بيه اهو لين داخ ولا مات ولا مش عارف &&& تو كيف ح نوصل لي بنتي ها مش كل شي ضرب الزح عمر: يلي كيف هضا ما يموتوش اهو عايش و يا ريته مات بابا تريح خش عمر لي المطبخ و فتح التلاجه و طلع شيشه اميه امصقعه و طلع رشها كلها علي وجه وعي احمد بابا نزل ومسك احمد من قميصه: ريما وين ريماااا وين يا كلب احمد يحكي بتعب: جو في الدار هديك بابا عطاه كف بكل قوته طاح احمد عمر مشا يجري وفتح الباب ولقاني طايحه و دمي سايل رفعني و باس راسي وهو يمسح على شعري عمر عيونه ادموع: ريما كنك ريوم كنك شن درولك اوعي ميما اني دكتورك صاحبك اني اوعي يا سمحه هياا بابا كان يضرب في احمد بعد خش بابا قرب من عمر و خداني منه: بنتيي عمر شوف الدم كنها كنها عمر: هيا انشيلوها لي المستشفي و شلوني لي المستشفي و دخلوني طواري و عمر كان خايف عليا بس يبي يضبط نفسه عشان بابا ما يفكرش غلط اشوي و طلع الدكتور بابا صبا: ها دكتور طمنا دكتور: تمام اكويسه تو صارلها نزيف في الدماغ و خصرت دم واجد ومن حسن حضها كان في متبرع و قدرنا ننقدوها و خيطنالها الجرح بابا ابتسم: تمام الحمدالله عمر: نقدرو نشوفها الدكتور: بعد توعي تو تطلعلكم الممرضه و تخششكم عمر: بارك الله فيه بابا: باهي دكتور لو وعت تطلع اليوم الدكتور: لالا ما تطلعش ح تقعد في العنايه يومين ولا تلاته لي ان عمليه على الدماغ و مرات تصيرلها مضعفات بابا: تمام تعبناك معانا الدكتور: ولو واجبي ومشا وقعدو ساكتين حاجه 10 دقايق بعدين بابا شاف لي عمر: عمر في المستشفي هنا في دكتورت نساء ( قاعدين في نفس المستشفي يلي يشتغل فيه عمر) عمر بستغراب: اها فيه الدكتوره هاجر بس شن تبيها بابا غمض اعيونه بقوه وفتح: نببها تكشف علي ريم لي ان لو طلع قاربها ح نقتله عمر: تمام تو نكلمهالك و صبا عمر و كلم الدكتوره هاجر و فهمها و جت كشفت عليا و طلعت عمر كان متلهف يعرف النتيجه اكتر من بابا حتي ويدعي ان ما يكونش لمسني عمر صبا: ها دكتوره شن صار معاكي الدكتوره: ما تخفوش كل شي تمام مافيش من ماسها بابا: الحمدالله عمر قعد يوزع في ابتسمات و فرحان ويحك في لحيته الدكتوره هاجر فهمت عليه غمزتله و بتسمت عمر شافلها وضحك بصوت عالي ضحكته السمحه: هههههههههههه بابا شافله بستغراب: فيك شي 🙄 الدكتور: هههههه نستادن انا بابا شاف لي عمر: اني ماشي انجيب مراتي اتشوفها خليك معاها عمر: تمام ____________________________________ في حوشنا بابا نزل من السياره يجري يبي يبشر ماما وكانت الدنيا ليل الساعه 12 مافيش حد واعي غير ماما خش بخطوات سريعه لي دار النوم ولقاء ماما ساجده تصلي بابا فتح الباب بفرحه: حنين حنين حبيبتي بابا بعد شافها اتصلي قعمز علي السرير يراجي فيها وهي طولت في السجود بابا يشوفلها: حنين انتي حامل كيف قدرتي اطولي في السجود ماما مزالت سااجده بابا الخوف بدا ياكل في قلبه و جسمه صقع و حس بي رجفه في القلبه وجسمه تما يرعش بابا بنكسار: حنين💔 بابا نزل من السرير وقرب من ماما بابا بعياط: حنييييييييييين ____________________________________ في المستشفي الممرضهه: دكتور عمر المريضه فاقت وتبكي ليا نص ساعه نهدي فيها وهي تبيش تهدا نعطيها موهدا؟ عمر صبا بفرحه: لالا ما تعطيهاش اهو اني ح نخشلها تو تسكت وفجاة خش عليا عمر اول ما شفت خفت وقعدت نعيط خفت يديرلي كيف احمد انا نبكي ونعيط: بعد بعد من عليا ما تقربش ما تقربش عمر انصدم وسكر الباب بس بما ان دكتور نفسي فهم حالتي وقرب مني ومسك يدي عمر بحنان: ريوم هذا انا دكتورتك كنك حبيبتي انا خديت يدي منه بقوه: بعد بعد من عليا نبي ماما نبي ماما جيبولي ماما عمر مسكني من اكتوفي ويهز فيا وبصوت عالي: ريم اوعي انا عمر انا مش احمد ومش كان احمد ضرك انا بنضرك لا انا نبكي ونعيط ونحس في راسي يوجع بيكسر من الوجع : حود حود عمر: مش امحود نشوف كم بتعيطي انا قعدت نضرب فيه علي صدره: بعد يا حيوان بعد عمر: اضربي اضربي مش امحود انا زاد اجنوني قعدت نتلو علي السرير كيف الدجاجه المدبوحه و بديت ندهش و الاكسجين نزل و جهاز القلب يصفر ونعيط باعله حس انا بعياط: بعد بعد ما تقربش مني بعاااد عمر تردد بعدها رفع يده و عطاني كف عشان نوعي حسيت بيه بس مكانش قوي بقوت قوته وعضلاته انا سكتت و وعيت علي نفسي وقعد نبحت فيه بعدها حضنته عمر يمسح على شعري وبحنان: ااااااش محدش يقدر يقربك انا معاك ريمه مستحيل نسيبك انا نبكي وخاشه في حضنه: خايفه عمر يطبط علي ضهري بحنيه: ما تخفيش داما اني معاك انا نبكي: عمر عمر بحنيه: عيونه انا: خايفه انا خليك هنا نبيش نقعد ابروحي عمر شافلي وضحك: حاااضر تمري انتي انا نبكي: راسي يوجع عمر: تو يسكت تو نعطيكي منوم و مهدء انا: نبيش نرقد لا نبي ماما تو تو عمر يساير فيا: باهي مش ح نعطيكي منوم و الماما تو اتجي و صبا عمر من السرير وعطاني مسكن و حبه منوم و غطاني وقعد جنبي لين رقدت ......... يتبع تفاعلن بنات تعليقاتكن يهمني ♥️