❴🔢❵☟الــبــــــ❴ 5️⃣ ❵ـــــــارت☟
مريضتي♥️
الكاتبه: نولي
الحلقه 5
في حوشنا بعد المغرب خلاتي قبل المغرب بشوي روحو واني و ماما و رنيم ضمينا الحوش و لمينا الحوسه و كانت الدنيا مطر و الجو مصقع خلاص الشتاء ح يخش قعمزنا في الدار كلنا و الضي طافي كنا خايفين بس بعد ماما بدت تقصلنا انسجمنا
ماما: باتكم طول غريبه
امين: نتصل بيه
ماما: لالا من اشوي كلمته و قال جاي
امين قرب من ماما وبصوت واطي: ماما شن صار في موضوعنا
ماما: اما موضوع
امين: يام مش قتلك قولي لي بوي ح نشترك في مشروع
ماما عدلت تقعميزتها: والمشروع شنو انشالله
آمين ارتبك: اممم مش مشعارف يلي نعرفه ان نجمعو افلوس كل واحد الف ونعطوهن لي الولد و بيدير مشروع و حنكونو شركا
ماما بعصبيه حطت يدها على بطنها: امييين بالله خطاني تي واضح بينصبر عليكم كيف ما يحكيلكم على المشروع شنو
امين: يام لالا مش ح ينصب عليا
ماما بصوت عالي: انيي خطاني خطااااني تو يجي بوك و حكيله بعدين كم عمره هضا
امين: يقرا في الجامعه 21 سنه
ماما: والله بينصب عليكم
امين: يام ما تقوليش هكي
ماما بصوت عالي:تمام مش مقتنع انت خلاص يجي بوك و حكيله نشفتوني را انتم و خوكم يلي في بطني
انا بعدم فهم: كنا شن درنا
ماما: لالا سلامتك ما درتو شي
رنيم تحكي في ودني: راجي يجي بابا من العمل بس ح نخليه ياخدلك حقك من خلاتي وبناتهن
انا بعدم فهم: ياخدلي حقي شن ياخدلي حقي
رنيم : اي ياخدلك حقك
انا بعدم فهم: لالا خليه عندهن ما نبيش حقي انا لا ما نبيش
رنيم: 🤦🏻♀️
اشويه وجا بابا
بابا فتح علينا الباب وفي يده الشكاره: السلام عليكم
نحن: وعليكم السلام
روان صبت تجري: بابا بابا شن جبتلنا
بابا شالها بأسها و نزلها: كل خير يا بابا
ماما: ريونه بنتي تعالي قعمزي
بابا فتح الشكاره و طلع منه الشبس و شكلاطه وقعد يوزع علينا
انا نضحك و سفقت: يس نحبه هضا الشبس
بابا ضحك: صحه
بابا وصل في ماما عطاها شبس و شكلاته
ماما خدت بس الشكلاطه: لالا خطاني منه الشبس اصلن اليوم حاسه بطني مش تمام
بابا قعمز جنبها وبخوف: كنك نشيلك لي العياده
ماما تاكل في الشكلاته: لالا من التعب بس
بابا: اها... شن العزومه مشت سمحه
ماما في خاطرها... شن سمحه باللهي خليني ساكته كانهن عدوات مش خوات
ماما ببتسامه: اها مشالله انسجمنا و غيرنا جو
بابا ابتسم: باهي اكويس
وسام عطا كيس الشبس لي بابا: بابا افتحها ليا
بابا فتحه ليه
روان: ماما حتي اني هاكي افتحيها ليا
ماما فتحتها وحطت يدها على فمها: اااافي ريحتها حاشه النعمه مش عارفه كيف تاكلو فيها
امين و رنيم ياكلو: لا سمحه
اما اني كنت في عالم تاني نتصارع مع كيس الشبس نبي نفتحه و ما عرفتش 🤷🏻♀️
ماما شافت لي بابا و شافتلي
بابا شافلي و رد شاف لي ماما و بصوت واطي: خليها تفتحها بروحه باش تتعلم لو قعدنا كل حاجه نديروها ليها مش ح تتعلم شي
ماما: اها معاك حق
انا عصبت فتحته بقوه انشرك ( تمزق) كله و البطاطه كلها طاحت في الوطاء
ماما و بابا : 😳
وسام و روان يضحكو: ههههههههه ماما بحتي ريم
رنيم: كان قلتي افتحوها
امين ضربها علي راسها: سكري فمك انتي ما دخلكش فيها
رنيم: ااااه يا خرا
انا: 🥺💔
اشويه و صبيت و قعدت نلم فيها و نحط فيها في الكيسه
بابا برفعت حاجب: لا لا سيبي اللبز ما تكليش من تحت
انا شفتله و نبكي: لا نبي خاطري فيها
ماما: ريما تجرتمت خلاص
بابا بعصبيه: قوتلك سيبي
انا سيبته و قعمزت و نزلت راسي
بابا طلع شبس من الكيس يلي جنبه: هاكي
انا فرحت و مسحت ادموعي و خديته منه و قعمزت جنب: شكرا
بابا ابتسم
ماما: هاتي نفتحها ليكي
بابا: خليها تفتحها ابروحها
انا قاعده نحاول
بابا قرب مني: بنتي امسكي الطرف هضا بيدك ليمين و هضا بي اليسار
انا درت نفس ما قالي: به
بابا : خلااص بعديهن عن بعض بس بشويه
انا بعدتهن و نفتح الكيس شفت لي بابا و ضحكت: حي ساهله
ماما ضحكت
و كملنا و كلينا و صبينا غسلنا و ردينا
رنيم وهي تاكل في الشكلاته: بابا
اميين: يييي اكيد شكوه
رنيم: سكر فمك انت 😒
بابا: نعم وانتم لتنين 24 ساعه عرايك
رنيم وهي تاكل : يا بابا خلاتي و بناتهن اليوم هانن ريم و بكنها و زعلنها و حتي ماما بعد روحن قعدت تبكي
ماما تفنص فيها
بابا شاف لي ماما بنضره حاده: في منه الكلام هضا يا حنين
ماما بتوتر: اه اااا لا ماهو ااا رنيم هذي ااا
بابا بعصبيه: حنين نسال فيك في من الكلام هضا ولا لا
ماما سكتت و نزلت راسها
بابا شافلها وصبا: تعالي حنين نبيكي في الدار و طلع
ماما صبت و شافت لي رنيم: تو نوريكي يا فتانه انتي تو نوريك ومشت
آمين رفع المخده و حدفها علي راسها: بطلي فتنه سادك سادك
رنيم رقت فووق منه و قعدو يتعاركو
عند بابا و ماما
ماما خشت و سكرت الباب وبخوف: نعم
بابا بعصبيه : قعمزي
ماما قعمزت جنبه
بابا: حنين اسمعيني اني بنقولك كلمتين
ماما بخوف: نعم
بابا: خواتك علي عيني و راسي بيجن يتفضلن في اي وقت بس يقعدن يهينن في بنتي و يتهزن عليها ولا يبكنها هذي ما نرضاها ليهن لو بيقعدن هكي يهينن فيها معاش يجن و صبا و طلع
و ماما قعدت تبكي انحطت بين نارين من جيها راجلها واب اصغارها و من جيها خواتها ومن جيها بنتها ومش عارفه توقف مع اي طرف
________________________________
حوش خالتي خديجه
احمد مكسد في المربوعه و معه صاحبه و جاره محمد
احمد بخبت و يدخن وسارح: تعرف يا محمد نفكر في حاجه اااخ كان تزبط ااااخ
محمد: بنت ؟
احمد: بنت وشني بنت تي صااااااروخ
محمد: اعزمني معاك😍
احمد: ههههههه اكيده يا راجل تي انت قبلي كنك عاد
محمد يدخن: امنور يا طيري... ما تقوليش كبيره و عجوز را يقرفن فيا
احمد ضحك بصوت عالي و بحقاره: ههههههههههههههه تي هذي ضحيه صغيره و سماااحه و عيوني صاروووخ و بياضه و شعر و حي عليك
م_حمد: و امتي بنجيبوها😍
احمد بخبت: بكرا
_______________________________
الصبح الساعه 10
بابا يفطر واني واقفه جنبه لابسه و بنمشو لي المستشفى عندي جسله مع الدكتور عمر
انا: هيا بابا هيا
بابا: اصبري بابا نفطر
انا: من بدري ما شبعتش ااااوف
بابا ضحك: والله انك ما تتحشمي
انا شفتله: بنطلع نرجاك براا جنب السياره وطلعت نجري
بابا: تي لا... لا حول الله طلعت ما تسمعش
انا طلعت و فجاااة
.......يتبع