مريضتي ♥️ - ❴🔢❵☟الــبــــــ❴ 3️⃣ ❵ـــــــارت☟ - مكتملة | روايتك

مريضتي♥️ الكاتبه: نولي الحلقه 3 بعد ما روحنا من المطعم كنت اني و خوتي راقدين وعيينا خشينا لي الدار غيرنا ملابسنا و لبسنا ملابس النوم و رقدنا وماما و بابا في الدار ماما مقعمزه علي الكرسي جنب المرايا وتدهن في جسمها و كانت لابسه قفطان نص كم تحت الركبه طوله بشوي خفيف وبابا راقد و علي السرير ويبحت فيها اشوي ورن تلفون ماما ماما: بسم الله انشالله خير بابا: ليش من المتصل ماما: غاده اختي بابا: ردي باهي ماما: الو خالتي غاده: اهلين حنين كيفك و كيف حال العويل ماما تريحت من طريقه كلامها وحست ان مافيش شي: تمام الحمدالله شن اخبارك انتي و العيال خالتي: تمام اكويسين.. قتلك ماما: نعم خالتي غاده: بكرا جايين انا و خواتي نتغدو معاكم ديري احسابك ماما برتباك: اااه اها ت تمام تفضلووو تفضلو اخويله غاده: و ما تنسيش اديريلي عصبان انتي شاطره فيه هههههه وغيره ما ديريش شي حامل و ما اتعبي روحك كل شي تو نجيبوه ماما ببتسامه مزيفه: ههه تمام تنورو خالتي غاده: يلا تصبحي على وسكرت ماما تنهدت وسكرت وشافت لي بابا بابا: كنك ماما: لالا مافبش امغير بكرا خياتي جيات يتغدن هنا بابا: وبه ينورن اكتبيلي كل شي ناقص و نجيبه ماما صبت وقعمزت جنبه على السرير: مش هكي بس كل ما يجن خواتي يقعدن يجرحن في ريم و يعيبن فيها ونا ما نتحمل في بنتي مهما كان اني ام ( للعلم ماما اصغر وحده في خواتها و اتو نعرفكم على خلاتي) بابا نزل راسه وسكت ماما نزلت منها دمعه: كل ما يجن كنها بنتك هكي.. خصاره هل الجمال ضاع في التدرويش والجنان.. ديريلها حل..من بيتجوزها من بيرضي بهبله تعبت انا من كلامهن يلي زي السم بابا قعمز ومسح دموعها وحضنها: ااااش يا قلبي اسكتي ما تبكيش لو حكن شي بكرا ولا كلمه هكي ولا هكي ردي عليهن هذي بنتك ما تخليش حد يغلط في حقها ماما مسحت ادموعها: حاضر انشالله __________________________ عندي كنت راقده في الدار مع خواتي روان و رنيم و فجاه وعيت نبي الحمام طلعت من الدار وتجهت لي غرفته بابا وماما كنت بنفتح عليهم طول بس ادكترت كلام عمر لازم نستادن قبل ما ندخل دقيت عليهم بابا كان هايم مع ماما و يبوس انا قطعت عليه: نعم نعم من يلي يخبط شن هل الضنوه الحرفه هذي ماما تضحك عليه: بشووويه حبيبي هههههههههه مزالو اصغار بابا بعصبيه: تي من الزح انا بصوت يرجف من الخوف: هذي انا ريم بابا بنفخ: زمري ماما : كنك حبيبتي شن تبي انا نبكي: ماما تعالي نبيك ماما: ريوم خشي بنتي والله تعبانه مش قادره نصبي بابا بنفعال: شن شن خشي ماما: تي اسكت.. تعالي انا فتحت الباب وخشيت عليهم وقربت من ماما وأنا مصبيه: ماما نبي الحمام بابا شافلي: لا هكي واجد يا ريم ووووواجد زودتيها تي حتي من روان و وسام يخشو لي الحمام ابروحهم ماما شافت لي بابا: حتي هي اتخش لي الحمام ابروحها اصبر نفهمو منها كنك يمي انا نحكي ونكبي وصبعي السبابه في فمي : انتم مضلمين الدنيا كلها و الحوش ضلام نخاف انا لالالا نخاف نمشي ابروحي ماما شافت لي بابا: قتلك ما طفيش الضو على البيت كله انا نبكي: يلا يلا نبي الحمام خلاص اني ماما صبت ومسكت يدي و وشغلت ضو ماما: يلا خشي لي الحمام انا حضنتها: لا صبيلي اهناي جنب الحمام ماما: بنتي من شنو خايفه خشي الله يربحك الساعه 1 بنرقدو انا نشوفلها: لا لا صبيلي هنا ماما تنهدت: تمام خشي انا شفتلها: مش ح تخدعيني وتمشي ماما بعصبيه: تي خشي قريب اديريها على روحك هيا انا ضحكت وخشيت نضمت اموري وطلعت لقيت ماما تراجي انا بست خدها: نحبك يا بطه ماما برفعت حاجب: من البطه انا ببرود: انتي ماما: ما تتحشمي انتي بكل انا: حق بطه و بطنك كبير ماما: باهي هيا امشي ارقدي انا مسكت في قفطان ماما: نبي نرقد معاكي ماما: امشي ارقدي مع خوتك ماما انا: لا نبي نرقد معاكي انتي نحبك انتي اكتر من خواتي ماما بقلت صبر: يا ماما ما تجيش ما اتجييش انا مسكت في قفطانها ونبكي : لا نبي نرقد عندك ماما: ااااوف هيا بس لو باتك عيط عليك مش دنبي انا مسكت يدها: حزي عليا انتي ماما: عساس اني يلي ما نخافش منه وخشينا الدار بابا شافلي برفعه حاجب: نعم كنك تو انشالله خير شن تبي تو ماما قعمزت علي السرير و شافتلي وضحكت: قالت تبي ترقد معانا هههههه انا🥺 بابا: نعم نعم... اطلعي اطلعي برا اطلعي انا خفت منه وطلعت وقعدت نبكي جنب الباب ماما: حبيبي مشي هل الليله علي خير تو يوعو كلهم وشن يحزها الله يربحك خليها هل المره بابا: تي مش صغيره هيا باش ترقد معانا مش صغيره ماما: شن بنديرو هي مش صغيره بس العقل صغير بابا سكت ويسمع فيا نبكي ماما بدلع: هيا طلووووله عيوني بابا ببتسامه: نعليا انا معاش نقدر صبا بابا و فتحلي الباب كنت مقعمزه و ضامه رجليا في بعض ونبكي بابا: تعالي وخش وسيبني انا صبيت بفرحه ومسحت ادموعي وخشيت و سكرت الباب انا رقيت علي السرير وجيت قعمزت في نصهم: هههههههه ح نرقد بينكم ماما ابتسمت بابا ادكر كلام عمر قرب مني وباس راسي وانا ما صدقت وعطيت ضهري لي ماما وحضنت بابا بابا يمشي في يده على شعري: ريما تعرفي ان انا نحبك صح ♥️بس ما نحبش تصرفاتك انا قعدت حواجبي: كنهن تصرفاتي انا ما نديريش في الشطانه بابا باس خدي: ما كنهن شي ارقدي بس ( طلال يحب ريم ويحب عويله كلهن ومش منقص عبلهم حاجه بس بسبب تصرفات ريم هو مضايق وكل وقت يهزب فيها ف يبان انه مش مكبد فيها ) و رقدنا كلنا♥️ __________________________ في مكان تاني عند عمر في المستشفي ♥️ عمر يفكر في ريم و يفكر في جمالها و عيونها الكبار و الحلقه السوده يلي فيهم كيف فيها لمعه اااااخ تي هذي جمالها فاتن نشهد بالله انه فاتن مفروض تتخمر عمر يحكي مع روحه: كنك يا عمر تفكر فيها زعما نقعد حبيتها اااااخ وتكا راسه علي الكرسي اشويه نخش عليه صاحبه يعقوب من عمره و صديق اطفوله و هو دكتور اسنان يعقوب: وين يا برو وين سارح عمر سلم عليه و يعقوب قعمز: تي فكنا من خفت دمك في شن بنفكر يعقوب حود كمامته وقعد ياكل في المكسرات : عليا انا يا عمر امغير احكي عمر ابتسم: ريم يعقوب شرق في الاكل وقعد يكح: ما تقوليش هديكا المجنونه عمر خبط يده بقوه على الطاوله: ينعن&&&& مجنونه حنك يا مجنون هذي مريضه ونسمعك مرا اخر تقول مجنونه يعقوب ضحك: تي باهي كليتنا بقشورنا عمر: والله شكلي حبيته مش ماشيه من بالي بكل ويلي خلاني نحبها اككتر جمالها ااااخ من جمالها بس صعب يعقوب: شن يلي صعب عمر: وضعها و كيف بتتقبل الفكره هي كل حياتها و دائر المحيطه بيها الالعاب و الاكل ونوم صعب تتقبل فكرت الحب ولا العلاقه ولا الرتباط يعقوب: وصعب الاهل يتقبلوها عمر سند راسه علي الكرسي ويشوف لي السفق: مش مهم المهم ان انا نتاكد من حبي ليها بس بعدين نعرف كيف نتصرف يعقوب ياكل في المكسرات: يعني التعبير هضا كله ومش متاكد من مشاعرك عمر ضحك: لو متاكد هضا حالي مش عارفه نحبها ولا لا __________________________ الساعه 1 ظهر جهزنا الغداء و ماما دارت عصبان ورز بي الخلطه و طعميه و سلطا و مشروب وبابا جاب فواكه و كل شي جهاز وانا و رنيم ساعدنا ماما في كل شي وماما فرحانه على خاطر انا اول مره نساعد انا نسفق: ماما العصبان يشهي ماما ضحكت و هي تغسل في الفواكه: ههههههه تو الغداء كولي علي راحتك انا: لا حطيلي في تبسي تو انا نبي تو نبيش بعدين لا ماما شافتلي: ريم لا اصبري لا بعدين انا كشرت ربعت يديا ماما غسلتلي تفاحه وعطتها ليا: هاكي انا خديتها منها وابتسمت وقعدت ناكل فيها وطلعنا من المطبخ وخشيت خديت دوش و طلعت توتي السوده نحبها لبستها و درت عطر و خديت المشط و قعدت نراجي في ماما تكمل باش تمشطلي شعري ورنيم حتي هي دوشت و لبست ومشطت شعرها وماما تلبس في خوتي رنيم: كنك فاتحه شعرك انا: نبي ماما تمشطهولي رنيم: هاتي اني نمشطهولك انا شفتلها: تعرفي ؟ رنيم: لالا نتعلم منك😒 انا بعدم فهم: نعم! رنيم: ااااوف ريم بتجي او لا انا قربت منها و رنيم قعدت علي الكرسي: شن نديرلك انا نلعب بي المساكه: اممممم ديريلي كعكه انا نحب الكعكه وديريها ليا فوق رنيم: ديرلهاك كعكه عشوائيه انا ما فهمتش: كيف يعني رنيم تمشط في شعري: تو تشوفي انا بملل: رنيم هيا طولتي رنيم: تي اصبري شن وراك انا مشكبه يديا في بعض: نبي نلعب رنيم بعصبيه: ريم ريم ياسر ما حشمتينا قدام خلاتي وبناتهن الكلابات اليوم استغني عن العب سااااااد انا نسمع في كلامها ومش فاهمه شي كنه اللعب مافيش حاجه تحشم رنيم: كملت وعطتني لمرايه انا نشوفلها: امممم مش حلوه ماما تعرف تساوي احلي منها رنيم حطت يدها في اخصرها وصغرت عيونها: واللهي لو انك فالحه اديريها بروحك مش كبيره ونعانو فيك كيف الصغيره 😑 انا جرحني كلامها من الرغم نصه مش فهماته بس من اسلوبها وشبحتها حسيتها ادم فيا 💔 صبت قعمزت علي السرير و دموعي ينزلو ورنيم طلعت معاش عرفت كيف نرضي الناس يلي نديره يشوفو فيه غلط علاش هكي نافريين و متبعدين عني و يهزبو فيا مع ان انا بنت مش شقيه نصلي و نستغفر ونساعد في ماما في شغل الحوش و نسمع في كلام بابا و ماما و ماعمريش تعاركت مع خوتي كيف ما هما يتعاركو مع بعض علاش كرهيني كني؟ اشويه وخشت عليا ماما ماما: ريم حبيبتي مشالله لبستي محلاكي بي الاسود يا روحي انا اكتفيت بي ابتسامه ماما: ريومه اسمعني بعد يجو خواتي و يناتهن ما نبيك تستريين ما نبيكش تلعبي ولا تتصرفي كيف خوتك لصغار ولا تحكي ويدك في فمك ولا انا قطعت عليها: ولا تطلعيش من دارك احسن صح تمام انبسطو مش طالعه و عطيتها ضهري وتغطيت و الدمعه في عيني ماما تنهدت و طلعت اشويه و نسمع في حس دوشه عرفت خلاتي جن و ما طلعتش نعرفكم على خلاتي♥️ خالاتي تلاته و ماما الرابعه اكبر وحده في خلاتي اسمها سعاد كبيره في العمر اشوي و عندها بنتين و ولدين اولادها لتنين متجوزين و ساكنين ابعاد عنها في منطقه تانيه البنات الكبيره موليد 2001 اسمها نور و الصغيره 2005 من عمري اسمها نرمين حقوده وما تخبنيش و ديما مطيحتني في مواقف محرجه وديما تتهزا عليا علي عكس نور يلي عاقله و تحبني وهذي الوحيده يلي تبحني في عيلت ماما.... خالتي يلي بعدها خديجه عندها بنتين و ولد الولد احمد ديما يضايق فيا و يشوفلي في نضرات مش فهمتهن بس مضايقه مني واكتر من مره يجي يتقرب مني ويقولي هيا نلعبو نرفض فيه بعد ندكر كلام ماما ما تعلبيش مع الولاد هو موليد 27 سنه البنات هناء و بسمه توام 18 مكرهاتني عيشتي.... خالتي غاده عندها بنت بس يلي ايمان من عمري و ما تفرقش عنهن ايمان بخبت: خالتي وين ريم ما شفنهاش نرمين بخبت: اي حق اخويله وينها ناديها اتجي اتهدرز معانا نور: ومن امته تهمكن هدرزتها شن تبن فيها خلنها علي راحته تو تطلع بسمه: وانتي شن حامي رزك بنت خالتنا ونبو نسلمو عليها ماما تشوفلهن وقلبها يتقطع عليا وخايفه عليا من هل الوحش يلي عرفتهن بعد نطلع ح يهينني خالتي سعاد: سكري فمك انتي وياها كيف جينا عاد خالتي غاده: يموتن كان ما تعاركن خالتي سعاد بخبت: روان حبيبتي صبي كلمي ريم قوليلها اتجي رنيمم فاهمه علي خالتها: راقده ريم خالتي غاده: سكري فمك انتي واسكتي وكان راقده توعي امشي يا روان روان مشت تجري ماما قلبها يتقطع وخايفه و متوتره و عارفه ح يجرحني بس اصغر وحده في خواتها تقدرش تتكلم جتني روان و كلمتني وصبيت طلعت انا و ياها و يدي في فمي وخايفه منهن ومن نضراتهن خالتي خديجه يهزوه: هلا هلا هلا بي ال...... البنات: هههههههههههههه ماما :😳 انا: 💔 ............يتبع رايكن يهمني وعطني توقعتتكن وشكرا لي كل بنت تتابع في رواياتي وتسلم عليا ونحب نقولك سلامك وصل♥️