مريضتي ♥️ - ❴🔢❵☟الــبــــــ❴ 2️⃣ ❵ـــــــارت☟ - مكتملة | روايتك

مريضتي♥️ الكاتبه: نولي الحلقه 2 نعرفكم على بطل الروايا ♥️ اسمه عمر عمره 30 سنه قاري علم النفس و تو هو دكتور نفسي متقففففففف لي أبعد حد و واعي و طبعه هااااادي بكل قليل الكلام ديما مبتسم و لو يبي يتهرب من كلام يبتسم بس و رقاوه واضحه في وجه و شكله الرقي بس بعد يعصب معاش يشوف شي وطبعه يضرب حتي الضرب..... موصفاته طويل بكل و عنده عضلات في اكتوفه و صدره جسمي سمح بكل معضل وباين ضخم اشوي ملامحه ابيض و عيونه اصغار واحلي حاجه في وجه حواجبه اطوال و عراض اتقول سيف و لحيته غزيره و طويله و شعرته سمحه و غزيره و يتاجر في السيارات و مكون نفسه وحالته الماديه فوق الريح و باني شقته فوق حوش هله وكامله مش نقصتها حاجه عيلته بوه متوفي وهو الكبير وشايل المسؤليه عنده خوه واحد اسمه عامر 20 سنه مراهق و عجباته نفسه و مكلم نص بنات ليبيا وطرف و عجباته نفسه و عنده اخته متجوزه 27 سنه اسمها حنان حبابه وعندها ولد سنتين وبنت اربع سنوات بعدها اخته اخر العنقود اسمها من عمر ريم رغد شيطانه و خبيته و مغروره و ياااااا لطيف منها ديما متعبه عمر امه مرا كبيره في عمر 53 سنه اسمها عائشه مرا جديه بكل ما كانتش هكي بس من بعد مات جوزها وسيبلها الصغار تغيرت لي مرا جديه وتبيت في انها قاسيه بس احن من قلبها مافيش نبدو في الروايا ♥️ عمر ماسك رغد من يدها ويجر فيها لي الفيلا وهي تبكي عمر معصب وينادي: يااااام يااااااام عمتي عائشه طلعت: كنك كنك عليها سيبها عمر بنفعال: وين كانت الكلبه اهيا منين جايه في هل العشيه ها بتهبلني عمتي عائشه: كانت مع صحباتها صحبتهن مريضه مشن يزورن فيها و اهو الحوش في نفس شارعنا رغد تبكي عمر بعصبيه: و هكي تطلع يام هكي عمتي عائشه: وكنها عمر يعيط: تي كيف كنها شوفي كيف مرقيه ام السروال شوفي جد اصل سيقانها اتقول مزارع ماشي لي مزرعته بيسقي شوفي ام البلوزه كيف قصيره ولا الشعره يلي نصه برا و زاد رفع صوته تي الروج ابروحه تشوفه من مسافه خير جدها هذي عمتي عائشه تشوف في رغد وتفنص فيها امتاع جبتيه لي نفسك العياط عمتي عائشه: باهي سلم ولدي باهي حصل خير مرا اخر ما تطلعش لا بعد ما انشوفها عمر شاف لي رغد: تي مرا اخر راسك نكسره ليك يا كلبه ديما مرقيه ضغطي رغد وهي تبكي رفعت راسها وشفتله: كيفي كيف صحباتي تبيني نلبس عبايه و خمار و نطلع عمتي عائشه تخبط على وجها وتعض في فمها تبيها تسكت عمر عطا رغد كف: هذي اخرلك مره ترفعي صوتك عليا وهاتي الهايك تلفونك هاتي رغد عطاته ليه وهي تبكي وخشت لي دارها عمتي عائشه بنفعال: علاش مديت يدك عليها هي مراهقه تعاللها بسياسه خصاره مانك دكتور نفسي عمر: تي عجزت في جد اصل يجوني امراض نفسيين ونعالج فيهم بس كيف حالتها ما شفتش وخليها تتربي ومرا اخر ترفع صوتها عليا لسانها نقطعه عمتي عائشه: لا يا بابا هذي دلوعتي واخر العنقود و مانحبش من يجي صوبها والبنت توها 16 ميزال صغيره و يتيمه ما تقعد داير فيها هكي عمر عطاها ضهره وماشي صوب الباب: اي اي دلوعتي اصلن مش مخربها غير دلالك نزل عامر: كنكم كنكم اصواتكم عاليه ما تخلوش من يرقد عمر تلفتله: نوم شنو بعد الساعه سته ها و تو مش فضيلك بعد نجي عندي احساب عندك ادخن يا كلب ها ادخن صح تو تشوف وفتح الباب و طلع عمتي عائشه شافت لي عامر: انشالله ياخد منك السياره و مصروفك و تلفونك ونشوفك اني كيف بعدين عامر: يما يما علاش هكي مرات ابواب السماء مفتوحه كنك عمتي عائشه: وهضا يلي نبيه وسيباته وخشت __________________________ في حوشنا الساعه 6 عشيه في دار النوم عند بابا و ماما ماما راقده وبابا جنبها يبوس في رقبتها و خدوها وهايم ماما حاطه يدها علي وجي بابا وتبعد فيه: حبيبي خلاص ساد ما تشبعش انت ولا شنو بابا يبوس في فمها: في واحد عنده عسل كيفك يشبع منه مستحيل يا قلبي ماما ضحكت : باهي صبي بابا: خلينا اشوي تانس بس ماما تضحك: تي ساد عندي موعد عند دكتوره و ريم عندها موعد عند الدكتور بابا صبا بسرعه وخدا المنشف: ييييييي نسيت وخش يدوش صبت ماما ورتبت السرير وجهزت ملابسها وطلع بابا وهي خشت دوشت وطلعت لبست وخدت عبايتها لبستها و لبست الوشاح بابا قرب منها ونزل باس بطنها: اليوم بنعرفو ولد ولا بنت ماما ابتسمت و طلع من الدار وبابا ينادي عليا بابا: ريم ريم انا جيته نجري: نعم بابا بابا: شن كنتي الديري انا شبكت يديا في بعض ونحكي وصبعي في فمي: نتفرج علي الرسوم بابا: يلا امشي البسي طلعين انا سفقت: ماشيين ندهورو بابا: البسي بس انا خشيت لي الدار نجري وانا فرحانه مليت من الحوش وندعي انشالله يشيلني لي البحر ولا الملاهي اشوي ولحقتني ماما ماما: شن بتلبسي انا: بنلبس السروال هضا المريكي مع البلوزه البيضه هذي و اهو طلعت جوربي و السبيدرو هضا ماما ابتسمت وحست في امل لي ان من قبل ما كنتش نعرف نرتب لبست اطلوع نلبس اي شي ونطلع ولا ماما تختارلي ماما قربت باست راسي: نجيها ابنيتي تعرف تترتب لبسه سمحه انا ابتسمتلها: اها شطوره انا ماما ضحكت اكيده و قعدت نلبس وكلمت وخديت المشط اعطيته لي ماما ماما قعمزت علي السرير: تعالي قعمزي تحت: هيا عشان نمشطلك انا قعمزت وقعدت ماما تمشطلي في شعري ودراته ديل احصان انا نهز في راسي: لالالا نبيش هكي لا نبي كعكه لا فكيه لا انا مانحبش هكي ماما حطت يدها على بطنها: ريما يا بنتي تعبت كان من لول قولتي هكي انا علي اشوي نبكي: لا لا لا دخلنيش فكيه فكيه ليا تو ديري كعكه هيا فكيه ماما: باهي ما تبكيش حاضر ربي يصبرني بس انا بعدم فهم: ليش يصبرك ماما وهي تفكلي في الضفيره: هكي لي ان الصبر حلو من صفات المؤمن والرسول انا ابتسمت: اها.. انا نحب الرسول ماما ضحكت: نجك ليا وهو عشان يحبك وعشان ربي يحبك صلي باهي بنتي انا ابتسمت: نصلي انا اليوم صليت الضهر و العصر تو صليته ورديت نحضر في الرسوم ماما تفك في الضفيره: و الفجر ؟ انا: نسيته ماما اديرلي في كعكه : معاش تنسيه انا نلعب بي التوكه ( مساكت الشعر) تمام في اجديد ماما ضحكت: نجك ليا .... صبي هي كملنا انا صبيت وخديت درت عطر وكنت بنطلع ماما شافتلي: ريومه الشراب ( وشاح) حبيبتي انا: لالا مانبيش مش بسيف ماما دارت روحه زعلت: لا بسيف واجب علينا الحجاب نحن إسلام توك تقولي نبي ربي و الرسول يحبوني خلاص البسي اشرابك هيااا انا خديته وقعدت نلبس فيه: باهي مع ان ما قلتش هكي انتي قلتيه ماما ضحكت: يعطيك السلامه هيا بس تأخرنا وطلعت انا وماما لي الصلاه وين ما قاعد بابا و خوتي بابا: امين امين: نعم بابا بابا: دير بالك من خوتك سلم ولدي و ما تفتحوش الباب لي حد آمين: باهي بابا حاضر روان و وسام: بابا جيبلنا شبس بابا ضحك: حاضر و سكرنا عليهم الباب و طلعنا ركبنا في السياره وتحركنا و وصلنا لي المستشفي انا كشرت: ما قلتوش ح تجيبوني هنا علاش انا من دون خوتي ديما نجي نعاين انا ما نحبش المستشفي ولا نحب ريحته ولا نحب يلي فيه ماما سخفت عليا: الله غالب يا بنتي مجبوره انا فتحت الباب ونزلت ولي خاطر مكسور و خشينا لي المستشفي و صبينا جنب الغرفه بابا: هيا خشي لي دكتورك و قوليله بابا يسلم عليك وحني ماشيين لي الدكتوره بنعاينو امك انا هزيت راسي وفتحت الباب وخشيت دكتور عمر صبا ببتسامه: هلا هلا بريومتي الحلوه انا قربت منه سلمت و قعمزت علي الكرسي ونزلت راسي انا: يسلم عليك بابا عمر قعمز وبتسم: سلمك وسلمه.... قوليلي كنك زعلانه ها انا شفتله: علاش كل بين فتره و فتره يجيبو فيا ليك كني انا عمر دار روحه زعل: يعني انتي ماتحبيش تجيني ولا كيف انا نزلت راسي: لا نحب نجيك انت عمو عمر اكويس وما تعصبش عليا كيف بابا بس كني من دون خوتي انا بس يلي نجيك انا نحبك بس نحب نشوفك في مكان تاني مش هنا في المستشفي تعبت ليا زماااااان نجي عندك عمر ببتسامه: ما يقولوش من زمان يقولو من اسنين و حاجه تانيه اني نحبك انتي نبيك انتي بس تجيني نبيش خوتك ما نحبهمش وقلت لي بوك ما تجيبهمش ليا انا ابتسمت: جد عمر ابتسامه: اها جد هيا تو خلينا نهدرزو انا صفقت: هيا هيا انا نحب نهدرز معاك عمر ابتسم: وانا نحب.... يلا احكي شن درتي اليوم من لم وعيتي لي تو انا خديت القلم يلي جنبه و الروقه وقعدت نرسم و نحكيله عمر شافلي: قلمي هضا انا مش مهتمه ونرسم: وكان قلمك مش قلت انك تحبني عمر ضحك: يا روحي انتي بس لازم لستادان مرا اخر بعد بتاخدي حاجه استادني قبل انا شفتله: حاضر عمر: يلا نبدو في السئله انا نرسم: به عمر: اليوم لعبتي انا : اها لعبت مع خوتي وسام و روان عمر يحكي بهدو: وعلاش لعبتي مش قتلك اننا سيبي اللعب انا: بس انا نحب اللعب واجد ما نقدرش احلي حاجه في الحياه اللعب عمر هز راسه بي لا وابتسم: لا مش اللعب من قاللها اللعب مش احلي حاجه انا سكرت راسي: لا اللعب احلي من كل حاجه عمر يحكي يهدو: لا ريومه في حجات وااجد احلي واهم من اللعب انا بعدم تصديق: زي شنو متلا عمر ابتسم: الصلاه انا: لا الصلاه ممله اشوي بس انا نصلي عمر ابتسم : لا مش ممله من قاللها انتي ماوحسيتيش بروعتها و جمالها علي خاطر تصلي في وقت و وقت لا نفس اليوم صليت الضهر و العصر و الفجر لا لازم يا ريمه تحافضي عليها عشان تحسي بجمالها باهي نسألك تبي تحسي بجمالها انا هزيت راسي: اها مش قلت حلوه و احلي من اللعب ف نبي نشوف جد كلامك ولا تكدب عمر ضحك: تمام باهي عارفه شن اديري باش تحسي بجمالها انا: شن اندير عمر: تصلي كل الاوقات الخمسه و كل ما تسمعي الادان تصبي تصلي انا: وشن نستفاد عمر ابتسم: تستفادي راحت البال و الامان ورضي من ربي و امورك تتيسر وربي يحطك في الجنه تبي الجنه انتي انا: اها ماما اتقولي انها سمحه وفيها كل شي حتي العاب عمر ابتسم: اها فيها حتي العاب وباش تخشيلها لازم اتصلي الصلاه فرض مش سنه انا: شن يعني فرض عمر: يعني اديريها غصبن عنك مش بي رضاك تمام انا ابتسمت : تمام عمر: هذي اول حاجه احلي من اللعب تاني حاجه انك تساعدي امك في الشغل الحوش حرام امك حامل و بتجيبلكم بيبي سمح وانتي اكبر من خوتك لازم تساعديها اسراء مزالت صغيره 10 سنوات بس انتي مشالله انا ابتسمت: من اليوم بنساعدها عمر: و ريم ديما تعاملي مع نفسك انك كبيره قولي انا كبيره مش طفله انا: شن اندير عمر بهدو: اقعدي مع الكبار ما تقعديش مع العويل و سيبي اللعب انتي خلاص كبرتي و احكي هدرزه امتاع اكبار وكلام واعي و تفرجي علي مسلسلات مش كل وقت رسوم بس اهم شي يكون محترم ساعدي امك في شغل البيت اانتي مشالله تعرفي تقري تو بنعيطك كتب تقافيه نبيك تمشي فراغك فيهم و تقريهم تمام انا ابتسمت: تمام عمر: يلا احكي عنك فضفضيلي انا ضحكت وقعدت نحكيله __________________________ عند ماما و بابا الدكتوره: مبروك ولد بابا فرح و ابتسم: الله اكبر ماما ضحكت و كملت و خدت الوصفه من الدكتوره و طلعو و صرفو دواء ماما: زعما ريم كملت بابا: لالا ميزال ساعه يلا نقعدو في الكفتيريا امتاع المستشفي لبين ما كملت ماما بكياته: تمام حبيبي بابا: نعليا انا وخلاص ماما: هههههههه و مشو لي الكفتيريا و كسدو فيها ساعه و صبو وجو شور غرفه و طقو الباب عمر: تفضل بابا و ماما خشو بابا سلم: اهلين دكتور كيف حالك عمر ابتسم: تمام الحمدالله شن اخباك انت والاهل بابا ببتسامه: الحمدالله الكل بخير وانا نشوف في بابا و مصدومه كنه معايه ديما عابس ويعيط ؟ ماما: ها دكتور في تحسن عمر ابتسم: اها فيه تحسن بس زي ما قلتلكم ما تضغطوش عليها خلوها براااحتها ماما ابتسمت: الحمدالله يا ربي الحمدالله وكنا بنطلعو عمر: استاد طلال معليش نبيك بناخد من وقتك اشوي بابا شاف لي ماما وعطاها المفتاح: بري اركبي لي السياره انتي وريم انا خديته من يده قبل ماما: لا انا انا نمسكه عمر شافلي و بتسم بهدو: ريومه شن قلنا ولا نسيتي انا عطيت المفتاح لي ماما: اسفه ماما ابتسمت و عمر ضحكلي وطلعت انا وماما بابا قعمز: ها دكتور خوفتيني انشالله خير عمر قعمز: لا خير ما تخافش __________________________ عندي انا وماما في الممر ونتمشو و لاقانا ولد وقعد يعاكس ويلحق فيا الولد: تي بحتي فيا علي الاقل اكيد ما نعاكسش في امك انا شفتله بعدم فهم الولد: ااااااخ علي ام العيون و الجمال ماما بعصبيه : احترم نفسك و الزم حدك كيف وقاحتك ما سفت تعاكس في بنتي قدام امها الولد متنح فيا : نعاكسها حتي قدام بوها 🤤 ماما شافتلي: بري كلمي بوك خليه يتفاهم معه الولد بعد سمع هكي هرب ماما مسكت ايدي: تعالي نبصر عليك نبي نخوفه بس وكملنا طريقنا انا: ماما شن يعاكس ماما وهي تمشي: انا قلت يعاكس انا: اها قلتي ماما: لالا ما قلتش انا نمشي: لا قولتي ماما: هيا هيا اركبي وركبنا السياره __________________________ عند بابا و الدكتور عمر بابا: ها تفضل نسمع فيك عمر: لحضت من كلام ريم و كيف تحكيلي انها منزعجه منك وانك تعامل فيها بطريقه شينه بابا نزل راسه عمر: معاك حق بنت في عمرها تتصرف في تصرفات اطفال موضوع يجعز ومقدرك انك تبيها كيفها كيف البنات يلي في عمرها بس نرد ونقولك ما عدهاش دنب شي مش بيدها هضا مرض قدر انه مرض تعامل معاها علي انها مريضه الحمدالله باديه تتحسن اصبر بس وكل شي ح بنحل بابا ابتسم: بارك الله فيكك فتحت عيوني علي حجات غافل علين وانشالله نحسن اسلوبي معاها عمر ابتسم: و لو و اجبي بابا صبا: يلا خليناكم في عافيه و طلع و جانا لي السياره و حركها ماما: ريومه حبيبتي انا : نعم حبيبتي ماما ضحكت: نجك ليا... قتلك ح يجيكم بيبي صغير ولد ♥️ انا سفقت: بس ح نقعدو تلت بنات و تلت اولاد بابا ضحك ماما: حبيبي بابا : عيونه ماما: خاطري في كبده خودها ليا بابا و هو يسوق: حاضر بس تو المغرب ادن شن رايك نروحو لي الحوش نصلو المغرب و جهزي الصغار لبسيهم و نطلعو تعشو في مطعم ماما ابتسمت: تمام حتي هكي راي بابا شافلي من المرايه: ها شن رايك ريوم انا ضحكت: فرحانه من زمان ما طلعنا ماما و بابا ضحكو: اها جد و روحنا لي الحوش وصلا بينا بابا جماعه كلنا و امين و رنيم خشو يلبسو و ماما تلبس في روان و وسام و كملنا و طلعنا مشينا لي الملاهي قبل و المره اهيا مش انا بس لعبت حتي من رنيم و آمين لعبو وبابا لعب معانا كوره و فزنا عليه و بعدها مشينا لي المطلعم وتعشينا و روحنا و كلنا رقدن في السياره من التعب هههههه ♥️♥️ ......يتبع نكمل ولا نوقف؟