مريضتي ♥️ - ❴🔢❵☟الــبــــــ❴ 1️⃣ ❵ـــــــارت☟ - مكتملة | روايتك

مريضتي♥️ الكاتبه: نولي الحلقه 1 بطلتنا اسمها ريم عمرها 16 سنه و اااااايه من الجمال عيونها اكبار يلفتو النظر انتي يلي بنت بعد تشوفيها تنعجبي بيها بشرتها بيضه هلبا ارموشها اغزار و انفها واقف فمها سمح وعندها شامه فوقه شفايفها و عندها غمزات شعرها خيال لونه اسود ممكن طوله لي خصرها ولا انزل بشوي وهي طشونه بكلللل جسمها نحيف و فوقها قصيره ريم كانت اي حد يشوفها ينعجب بيها وهذي الطبيعت الانسان بعد نشوف جمال خلق الله في اي حاجه مس بس في البشر حتي طبيعه ولا حيوان ننعجبو بيه♥️ بس الاسف بعد يشوفو تصرفات ريم الكل ينسحب حتي يلي المرا يلي تبي تخطبها لي ولدها بعد اتشوف تصرفاتتها تتراجع ريم للاسف مريضه عندها مرض ( النكوس) ممكن ماتكونش كلكن تعرفنه المرض هضا يخلي الشخص يعيش مرحله سابقه يعني مفروض كان يعيشها من اسنين و هو ما عشهاش ف قاعد يعيش فيها تو و تكون تصرفاته الشخص هضا مش مناسبه لي العمر يلي هو فيه ، نوضح اكتر بمعني ليبي نحن بعد نشوفو شخص كبير ولد ولا بنت اكبار في العمر ويتصرفو في تصرفات مش ليهم و يعيشو في مراهقه نحن نقولو ييييي هذي شكلها تو تعيش في مراهقتها( اكتر من هكي مافيش توضيح😂) ريم عندها مرض النكوس ريم ما عاشتش طفولتها لي انها كانت وهي طفله عندها مرض التوحد بوها شالها لي امريكيا و شاف افضل المصحات و علاجها عند افضل الدكاتره النفسيين سافرو بيها بوها و امها وهي عمرها اربع سنوات لي أن في سن اربع سنوات اكتشوفو مرضها وانها متوحده و بوها كانت حالته ضعيف يعني ما مشوش مخصوص عشان يعالج بنته لا مشا عشان هو يلي يستقر كم سنه في امريكيا ويحسن من وضعه سافرو وستقرو و قعدو ست سنوات في امريكيا وست سنوات و ريم تتعالج بعد طق عمرها عشر سنوات تعالجت تمام من التوحد وردت اجتماعيه و في نفس الوقت بوها قعد تاجر و حالته المديه فوق الريح لم اصغاره و رجعو لي ليبيا 10 سنوات من عمر ريم ما عشتهنش عمرها لا لعبت مع الطفال ولا مع خوتها ولا مع بوها وامها كانت كانها ينت كبيره مكتابه و تعافت من التوحد و خشت في مرض النكوس 💔عشر سنوات مفروض تبدا توعي وتكون صداقات ويكون عندها فون بس هي لا هضا وينها ردتلها مرحلت الطفوله ردت ريم طفلها كانه عمرها سنتين تلعب بي الاعاب مع خوتها و التراب و تجري وتلعب و جميييع تصرفاتها تحولن لي طفله كانت تعيش في ماضيها يلي ما عاشاته ترد في طفولتها ولي تو عمرها 16 وكنها تلت سنوات كلامها تصرفاتها عقليتها كل شي يدل علي انها طفله عيلتها جاعزهم الموضوع بدرجه الكبيره يشوفو في بنتهم الكبيره فرحتهم لوله بشكل هضا لي درجه بدو ينزعجو منها و يتمنوها في دارها وتلعب بي العابها بس مش متقبلين وجودها حتي علي الصفره الاكل عمتها عمامها خالتها بنات خلاتها بنات عمامها كلهن هزيات عليها ويتمسخرن عليها لي أن هنا عمر واحد ويشوفن في روحهن هنا كيف و هما كيف مافيش من متقبلها لا من عيلت امها ولا بوها عائله ريم تتكون من ابوها اسمه طلال راجل مش كبير في العمر ويعتبر في سن الشباب عمره 45 سنه راجل بي املاكه و حوش علي الدور التاني امها اسمها حنين مرا اكيوته وراقيه و جميله ريم واخده الجمال من امها متقفه عمرها 35 و تو حامل في الشهر السابع عندها اخ هضا يلي بعد ريم اسمه امين اصغر من ريم بسنتين عمره 14 بعده بنت 10 سنوات شيطانه و ديما تجرح في ريم بكلامها اسمها رنيم بعها جو توام خمس سنوات روضه اول يقرو بنت و ولد البنت اسمها روان و الولد وسام هذي قصت ريم بختصار يلا نبدو♥️ الصبح الساعه 9 علي سفرت الفطور الكل موجود الا انا في الحمام ندوش بابا خبط يده على الطاوله بنفعال: الخرااا يلي في الحمام لي امتي ها لي امتي تي ليها ساعه ماما بدها علي بطنها واخر علي يده بابا: حبيبي هذي روحك اشوي شن بنديرو انت عارف عقلها رنيم بخبت: ولي امتي يا ماما ها لي امتي كل يوم صبح تخلي فينا نراجو ساعه علي سفرت الفطور باش حضرتها تشرف جعنا ماما بعصبيه: سكري فمك خير من نحرمك من الفطور بكل امين يضحك على رنيم بشماته: ها ها ها ها قصف رنيم و عيونها ادموع شافت لي امين يلي قدامها على الطاوله: نننننننن روان و وسام : هههههههه ههههههه بابا شافلهم وابتسم: نجيهم توامي وسام: بابا جيعان هي نفطروو بابا بعصبيه وعياط ريم يا خراااا را نصبيلك اطلعي ماما صبت ويدها على بطنها وجتني لي الحمام ادق على الباب ماما: ريومه حبيبتي ساد دوش يا روحي هيا انا نضحك ونلعب بس الميه: ماما خشي ماما خبطت على خدها بحصره وقالت في خاطرها يا ربب امتي بتكبر ماما: ريم ماما انتي كبرتي ماتجيش انا نعلب بشامبو: تمام بجوك بابا يعيط من عنده: تي هيااااا ماما فتحت عليا الحمام: ريم تي شنا هضا كنك يا ماما معقوله هكي الحمام كله شانبو انا ضحكت : ماما نلعب انا ماما عصبت: صبي صبي بس البسي را بوك بينفجر لبست وطلعت لي صفرت الفطور انا و ماما وقعمزت على الكرسي بابا بعصبيه: باهي يلي شرفتي انا شفتله و بتسمت وبديت ناكل وكنت ناخد في الزيتون من تبسي روان وناكل فيهه روان تبكي: بابا شوف ريم انا نضحك بابا بعياط: رييييم صبي من الصفره وخشي جو معاقبه ماما: طلال وسع بالك اشوي بابا: تي مليت من جد تصرفاتها البايخه صبي يا ريم انا خشيت جو وانا نبكي ماما كانت بتصبي بابا مسكها من ايدها بابا: قعمزي انتي حامل و لازم تاكلي اكويس و الطفله الكبيره هديك خليها تتربي ماما تنهدت و كملو فطور واني كنت في داري نبكي بعدها خيت التراكيب وقعدت نركب ونلعب لين اشوي خشت عليا ماما وقعمزت جنبي في الوطاء وتمشي في يدها على شعري ماما: اميرتي الحلوه شن اديري انا شفتلها وضحكت: نلعب ماما: باهي ماما حبيبتي مش وقتك كله لعب التفرجي علي التلفزون هدرزي مع خوتك خودي كتاب اقري قصص انا منزله راسي و نركب في المكعبات: لالا انا نحب نلعب بس ما نحبش التلفزون ولا شي ماما تنهدت وقعدت تشوفلي بحصره اشوي خشو خوتي الصغار روان و وسام روان: ريم ريم هيا نطلعو نلعبو بي الدرجات وسام: اي هيا ريما انا صبيت و سبقتهم نجري لي الجنان: هيااا هياااا رنيم شافتني لوت فمها وردت تشوف في الفون امتاعها : ربي يتبت العقل عليك مرض فيها ماما عطتها كف وسحبت منها تلفونها: وقت تتربي٣تعالي خودي تلفون تصبي امشي لي غرفتك مش نبيش نشوف وجهك رنيم صبت وهي تبكي امين: ههههههههههههه قصف يا بابا تستاهلي ماما:😒 امين: 😊 قعدت نعلب انا و خوتي لي عند روح بابا من العمل الساعه 1 و دخلنا من الجنان و تغدينا و تجمعنا في الدار كلنا ونتفرجو علي التلفزون انا كنت في الحمام طلعت منه و جيت نجري طحت على ماما نحضن ونبوس فيها ماما عيطت وحطت يدها على بطنها: اااااااااه بابا بحركه سريعه يحولني من ماما ويعطيني كف يزن في و دني زن بابا يعيط: يا جنونه يلي ما فيكش عقل ما تشوفيش في امك حامل ينعن جد تربيتك يا ريت ما جبناك ماما رغم الام يلي فيها عيطت في وجي بابا: سادك سادك راهي بنتك تقبل كيف ما هي في يلي ربي جابههم معاقين و هلهم تقبلوهم وانا ما حسيتش وجع في بطني ما طاحتش علي بطني كنك انا كنت منصدمه و خدي حمر من قوت الكف و نبكي بدون صوت ونبي نعرف الغلط يلي درته شنو باش تعاقبت هكي ؟ بابا شاف لي ماما: يا ريتها والله جت معاقه خير من هكي وصبا انا ما كنتش عارفتهم يتكلمو على من بس مش عارفه بغد بابا قال هكي حسيت كانه يقصدني رفعت راسي وقعدت نشوف فيه و عيوني ادموع بابا قعد مصبي ويشوف لي اعيوني وندم علي فعلته اشوي ونزل راسه وطلع .......يتبع لو عجبتكن قوليلي كملي عشان نكملها و بنات مش كل يوم ح نزل لي أن امتيحنات الاسبوع الجاي لو لقيت فضوه كل يوم ننزل بس لو ما حصلتش يوم بعد يوم و الطبعن بكرا ح نحكو على عيلت البطل