❴🔢❵☟الــبــــــ❴ 1️⃣ ❵ـــــــارت☟
الحلقه 1،2،3،4،5،6
كنت ببيع فل وورد زي كل يوم بهدوم المدرسة ،و زي كل يوم و روحت بعد العشاء
# حمد لله علي سلامتك .
_امسكي الفلوس دي عشان كوتش محمود اتقتع امبارح خيطيه لحد لما كمل الفلوس عشان يجيب واحد جديد .
# ماشي ياحببتي ، روحي استحمي وكلي .
_امال بابا فين .
# راح يجيب طلبات لشقة ٤.
أنا زهرة أكبر اخواتي وفي ٣ثانوي انا بيضاء وملامحي جميلة وعيوني زيتي ،بس شعري دايما كيرلي ، انا شعري ممكن حلو بس عايز اهتمام ، بس الحالة متسمحش..أخواتي توأم محمود وسارة في الاعدادي اما محمد وبسنت في ابتدائي ، بخلص مدرسة ،وابيع وورد وفل عشان اساعد بابا وماما ،بابا بواب العمارة وماما بتخدم في شقق العمارة وبتساعدة ،هما مش متعلمين وعشان كده صمموا نكمل تعليم ،قاعدين في أوضة في الجراش.
أخواتي وكله نام عملت زي كل يوم مسحت العربيات وغسلتها،يعني بساعد شويه ،وبعدين فضلت اذاكر ،انا بذاكر بره الأوضة عشان مسحيش حد .
×زهرة.
_نعم يابيه.
× أنتي حلويتي كده ليه .
_شكرا يابيه، ربنا يخليك .
ده أحمد ابن صاحب الشقة ٩ دايما بيجي سكران ،بس النهاردة اول مرة يكلمني ،بعت ليا بوسه في الهواء ومشي .
_الحمد لله انه مشي ،كنت هموت من الرعب.
عملت روتيني الطبيعي ،هي حياتنا عبارة عن شغل ،عشان نقدر نكفي مصاريف المدرسة ،احنا مش بناخد دروس احنا مش قد مصارفها ،احنا تحت خط الفقر ،بس بابا وماما حطين امل فينا كبير ،وانا عمري مااخيب ظنهم فيا .
لحد لما جيه يوم النتيجة ،امي عماله تزغرط وانا أخواتي عمالين نرقص ونغني الناجح يرفع ايديه ،احنا كلنا نجاحنا و كمان جيبين دراجات حلوة جدا ، بس المرادي مختلفة انا هخش هندسة .
ببص لقيت أحمد بيبص علينا، رحت قافلة باب الأوضة.
بليل وانا بمسح العربيات لقيت أحمد بينادي عليا وبيشاور علي العربية بتاعتهم ،هو كان واقف وراء العربية ،رحت ابص في ايه ،راح شدني وكاتم بوقي وكأن بيحاول يغتصبني ،بس ربنا ناجني ،كان في طوبه خبته وهربت.
تاني يوم لقينا البوليس والدنيا مقلوبة.
×هي دي يا باشا.
اتقبض عليا ودخلت القسم ،واهلي حصلوني،وخلهم الظابط يشفوني ،حكيت ليهم الحكاية ،بس هما مكنش معهم فلوس يجيبوا محامي ،التحكم عليا بالحبس لمدة شهر قضيته في عذاب ومرار من الظلم و من الستات اللي في السجن.
النهاردة يوم خروجي ،لقيتهم كلهم مستنين برة ماما وبابا واخواتي حضنوني جامد و فضلنا نعيط ،قد ايه الظلم طعمه وحش .
# بس كفاية انا عندي خبر يفرحك.
_قولي ياامي يمكن نفرح ،بعد الظلم ووجع القلب ده .
# بقيتي خلاص في كلية هندسة.
_بجد يا ماما ازاي ،عرفته تعملوا كده.
# طلع عينينا لحد اما عرفنا نقدم ملفك ،بس الله يكرمه اللواء محمد وقف معانا .
_مين اللواء محمد ده .
# ده اللواء اللي اشتغلنا في فيلته بعد اما تطردنا من العمارة .
رحنا الفيلا وكانت جميلة والجنينة تحفة كلها وورد وفل وحاجة آخر جمال ،ودخلت الأوضة اللي احنا عايشين فيها دي تعتبر شقة واكبر من أوضة جراش العمارة بكتير ،أوضتين وصالة وحمام حاجة مجاتش في خيالي .
حضنت بابا وماما وقلت.
_ عوض ربنا جميل اوي ،وانتوا بتاخدوا كام هنا .
*شغالين بلومقتنا .
كان بابا بيقولها باسي .
# هو الراجل الله يخليه شفنا في الشارع مرمين،عطف علينا وشغلنا عنده ،واهو الحمد لله .
سكت ودخلت انام ،رغم كله اللي احنا فيه بحمد ربنا ان أخواتي وامي وابوايا معشوش في الشارع ،كان مصيرهم ايه دلوقتي .
_الحمد لله انت كريم اوي يارب .
بقيت اشتغل معهم واللواء كان راجل طيب ورحب بيا وكأن عارف حكيتي ،عيلة فتانه،ورغم كده بيعملني بطيبة ،بس كان لازم اشتغل عشان مصاريف أخواتي، خليت بابا يستأذن اللواء اني اخد وورد وفل من الجنينة ،لقيت اخدهم ابعيهم ،في الشارات لحد لما جيه معاد الدراسة ،ورحنا السوق انا وماما وجبنا طقم جديد كان بنطلون اسود وقميص اسود ،وشنطة سوداء بردوا .
# مسودة ليه ياموكسة ،ده حتي لبس الجامعة .
بصيت لأمي وقلت بابتسامة .
_عشان محدش ياخد باله اني معنديش غيره.
# معليش بكرة تبقي مهندسة ديكور وتلبسي احلي لبس زيك.
بوست ايديها.
_ان شاء الله ياامي .
كان لبسنا دايما قديم ومتخيط ،وكنت فرحانة اصلا اول مرة اشتري لبس .
كنت بروح الجامعة وارجع ابيع الورد والفل وارجع من الشغل ،اذاكر وانام ،ده يومي ودي حياتي .
وجه في يوم واحد ليشتري مني ورد لحببته اللي قاعدة جمبه ،و مشي معرفش ازاي اخد قلبي وهو ماشي ،اصله قمر .
كان شعره اسود وعيونه عسلي وعنده غمزات وقمحاوي وعنده عضلات ،حاجة آخر حلاوة.
_فوقي ياختي كده ،ده عنده حبيبه ،وكمان اوعي تشتحي لتقعي علي دماغك ،الناس دي فين ،واحنا فين.
و روحت ولقيت بابا قاعد مع اللواء زي كل يوم بابا قاعد علي الارض واللواء علي الكرسي .
×بس يعم مصطفي ، انا معجب ببنتك جدا ،بت بميت راجل وسانده معك ،مش زي بنات اليومين دول .
*ربنا يخليك بأبيه.
×وكنت عايز اجوزها لابني .
*حضرتك بتقول ايه انتوا فين واحنا فين يابيه.
×دي بكرة تكون مهندسة ويمكن تعيشوا في فيلا احسن من دي
الفصل الثاني
وكمان هديك ٢٠٠٠ جنيه في الشهر بعد كده لو وافقت .
*هشوف ربنا يسهل .
بابا جه وكأن فرحان جدا ،وانا وماما واخواتي كنا بنجهز الورد والفل عشان بكرة.
*عندي حتت خبر.
# قول يا سيدي وفرحنا معاك.
*اللواء طلب ايد زهرة لابنه .
# بتكلم بجد .
*ده جد الجد وكمان لو وافقنا هيديني مرتب ٢٠٠٠ جنيه .
# صلاة النبي كمان .
من فرحتهم حسيت اني مليش فرصة أرفض، المرتب ده يخلي حياتهم افضل ،قومت وكنت داخلة انام.
*ايه موافقة صح يا زهرة.
_موافقة طبعا يا بابا ،دي صفقة تترفض بردوا .
كنت بكلمه وانا ماشيه ودخلت نمت ،مش عايزة افكر اني هعيش أسيرة من هنا ورايح ، بس كله يهون عشانهم ،كفاية عندي يكونوا سعداء .
تاني يوم قلت لبابا .
_انا لازم اكمل تعليمي .
*طبعا يا بنتي ده حتي اللواء قال لوحده انك لازم تكلمي و تكوني مهندسة قد الدنيا .
عند اللواء كان اقعد هو وابنه .
×بقولك ايه انت لازم تتجوزها فاهم .
=يا بابا انت بتقول ايه انا ادهم صاحب أكبر شركة تجارة في مصر ، اتجوز بنت البواب ،ده حتي وحشه في حقك يا سيادة اللواء .
×انا قلت اللي عندي وله أنتي عايزيني اموت غضبان عليك.
=حاضر يا بابا اللي انت شايفة .
خرج من عند والده، هو اصلا عايش في فيلا لوحدة ، بحجة أنه كبير وصاحب شركة كبيرة اصله عمل نفسه بنفسه.
=كنت هموت من الغيظ ازاي بعمل فيا كده ده انا حتي ابنه بنت بواب انا ،طب هعمل ايه لو مكنش عيان كنت اصريت علي الرفض.
كان بيتكلم في التليفون مع حد ،وهو ماشي بيقول الكلام ده ،انا حتي مشفتهش ، ولا هو شافني،كان ماشي ناحيت عربيته ومديني ضهره ،كلامه كان مؤذي جدا لكرامتي بس هعمل ايه ،سعادة أهلي اهم من كل حاجة .
جه يوم الفرح كان كتب كتاب وفرح وكان فرح كبير اوي واللواء اشتري ليا حتت فستان مكنتش حتي اتخيل اني اشوفه مش البسه ،كله ده ولسه مشفتهوش عريس الغفلة، كنت زي سندريلا وانا نازلة من علي السلم في القاعة وبابا كان بيوصلني وهو مستني تحت زي اي عريس وعروسة ماهو الفرح كبير وفيه ناس كتير ومن كبار الناس .
اول ما وصلت لعنده رفع الطرحة من علي وشي.
=هو انتي ،وكمان بياعت ورد يابابا .
اصل باباه كان جمبه ،اتحرجت جدا وكنت نفسي الارض تتشق وتبلعني ،من قسوة كلامه ونظراته.
*مالها زي القمر لم الدور ،كفاية كده أحرجتها، اعتذر ليها حالا.
=بابا انت كمان عايزين اعتذر ليها،انا ادهم اعتذر لدي.
بص له بعتاب فعتذر ليا ،حقيقي انا مصدومة ده الواد اللي خطف قلبي بتاع العربية ،وكمان حنين و بيحب ابوة جدا .
كان فرح تحفة وهو كان بيمثل حلو لدرجة اني كنت حاسه بسعادة زي عروسة بجد وان عرسها بيحبها، كانت ليلة وهم بنسبالي.
رحنا علي الفيلا بتاعته ،واول ما دخلنا زقني من كتفي جامد لدرجة اني وقعت علي الارض.
=بصي يابتاعه انتي ،أنتي هنا بنت البواب يعني خدامه ،وقدام بابا مراتي ،فهمه..يلا علي أوضتك.
طلعت اجري من قدامه ،اصلا كان بيقول كلامه بزعيق، ودخلت علي الأوضة اللي شاور عليها جري من خوفي منه ،كانت صغيرة في الدور الارضي اثاثها بسيط جدا،واول ما دخلت فضلت اعيط علي حالي وله بيحصل فيا ،غيرت وتؤضيت وصليت وبعد الصلاة فضلت أحمد ربنا علي كل حال ،وفجأة اتفتح الباب.
=بقولك ايه اخلصي اعملي ليا اكل .
_حاضر يابيه في ثواني هجهز الاكل ،تحب احته فين.
=في اوضتي وشاور علي الدور التاني ،خدامه صحيح.
جهزت الاكل وانا متماسكة وخبت وسمحلي بدخول، انصدمت من فخامة الأوضة وجمالها حاجة وهم واثاثها فاخر جدا.
=ايه هتفضلي متنحة كده حطي الاكل وغورى.
حتيت الاكل وجريت ودخلت اوضتي وفضلت اعيط علي كرامتي ،بس انا شكلي نسيت نفسي انا بنت البواب هو عنده حق ،انا كنت مستنيه ايه .
صحيت الصبح جهزت الاكل وفضلت اوضب في الفيلا ،لحد اما صحي.
=زهرة انتي يالي اسمك زهرة.
طلعت علي فوق جري وكنت هقع من علي السلم من الخوف ،فتحت الباب .
_نعم يابيه.
=أنتي حمارة يابت هو مفيش حد علمك تخبطي الباب قبل اما تدخلي ،هقولك ايه مانتي بنت بواب مستني تكوني عرفه الذوق مثلا.
_انا اسفة .
=روحي حضري الفطار .
_حاضر .
نزلت السلم وكانت دموعي علي خدي كان قلبي وجعني من الذل ،بس مفيش في أيدي حاجة ،حضرت الفطار وجهزت السفرة ،وطلعت السلم وخبطت علي الباب ، سمح ليا بدخول .
_الاكل جاهز يابيه.
=طيب روحي انتي ،وابقي اعملي مكرونة بشاميل في الغداء ، اقولك عايز سفرة ملوكي عشان في ناس جايه تتغداء معايه.
وهو بياكل وانا كنت في المطبخ ،بجهز في الغداء ،لقيته بينادي عليا قلت اكيد عايزني ،اروح اشيل الاكل .
روحت عنده واتصدمت من المنظر كان في بنت حلوة اوى ولبسه شيك جدا ،ايوة هي البنت اللي شفتها معه في العربية .
=نرمين حببتي تشربي ايه.
+هي دي بقي مراتك ،انا مش عارفة عمو بيفكر في ايه ،بصي ياشاطرة روحي اعملي نسكافيه.
جيت امشي .
+أنتي يابتاعه أنتي مش هتشيلي الاكل.
وبصت لادهم
_دي مصيبة ،دي بقي اللي بقت مراتك !
=اعمل ايه بس ياحببتي ،أنتي عارفه اني مقدرش ازعل بابا.
كان بيتكلوا قدامي وانا باخد الاكل عشان ادخله المطبخ ،ولا
الفصل الثالث
مش عملين ليا حساب حسيت قد ايه انا صغيرة وقد ايه مكسورة وضعيفة ،كنت عايزة أصرخ فيهم واقولهم ارحموني انا انسانة زيكم ،ارحموا ضعفي وقلت حيلتي ،بس هو انا مين عشان اتكلم ،لازم أتألم وانا ساكتة .
دخلت عملت نسكافيه و روحت أقدمه ليهم ،لقيتهم قاعدين جنب بعض علي الكنبة وهي في حضنه ،اتكسفت ووشي جاب الوان وتنحة .
+مالك واقفة لي سيبي الحاجة وغوري .
=استني يا نرمين اخليها تعملك اكله معينه ياروحي .
+لا يا حياتي بس ممكن تخليها تمسح جزمتي عشان اتوسخت .
اتصدمت وفضلت واقفة متنحة ،ما فوقتش غير عليه وهو بيزعق.
=روحي جايبه حاجة تمسحي بيها جزمت ستك.
دخلت المطبخ وجيبت فوطة .
_ممكن حضرتك تقلعي الجزمة عشان امسحها .
+لا طبعا امسحيها وانا لبسها.
بصيت ليه بصت بطلب منه يرحمني ،بس هو بس الناحية تانية وهي زعقت.
+اخلصي يازفته .
واطيت امسحها وغصب عني نزلت دمعه مني مساحتها بسرعة لما لقيته بيبص عليا ،خلصت أجريت علي المطبخ ،كنت بهرب منهم مش عايزهم يطلبوا حاجة تاني تهين كرامتي ،قلبي واجعني اوي ،وكنت بطبخ بدموع وحسرة قلبي .
حطيت الاكل وهي مشيت وانا دخلت اوضتي ،مر شهور علي الحال ده وانا بطبخ وأمسح ودلوقتي رجعت الدراسة ،بقيت أجهز الاكل من بليل واروق يوم الجمعه والصبح اكون في الجامعة وارجع اسخن الاكل واحطي ليه يتغداء والصبح بكون حطه الفطار جنب السرير قبل ما امشي واروح اجيب الصنية من اوضته واخش انام ساعة ،واجهز اكل بكرة ،واقعد في جنينة اذاكر وبعدين اخش انام ،بقت دي حياتي ،هو كل جمعه مش بيكون موجود ،بقعد فيه براحتي .
امي كانت جيبه قمصين نوم وترنجين وطقم خروج واحد اسود وواحد ابيض وطقمين هوت شورت .
الترنجين دول اللي متمرطين معايا في الفيلا اما بقي طقمين الخروج دول بتوع الجامعة ،وطقمن الهوت شورت بنام بيهم ،وقمصين النوم بلبسهم يوم الجمعه وانا بمسح .
ويوم الجمعه زي كل جمعه كنت لسه خارجة من الأوضة بقميص النوم ،لقيت ادهم قدامي هو نرمين ،هو شافني تنح ،بصت نرمين ليه لقته كده ،راحت مسكاني من شعري ،وهزقتني .
+ادخلي البسي عدل ياحيوانة أنتي، أنتي فاكرة نفسك مين ،هي زريبة اوعي تلبسي كده تاني.
انا كنت بعيط هي بتشد جامد ،واول ماسابت شعري طلعت جري علي الاوضة ،كنت بعيط بحرقة مش عشان شدت شعري ،لا عشان كرامتي عشان انا انسانة انا انسانة والله وبحس وبتالم انا من ساعة ما دخلت بيته وانا بتهان كرامتي بيداس عليه بالجزمة ،انا عمري ماعشمت فيه يارحمني او حتي يحوش عني .
الباب خبط لبست بسرعة الترنج البامبي ،لقيتها واقفة حته ايديها في وسطها .
+واحدة غيرك كانت طلبت الطلاق من بدري ،تعالي ياختي ادهم عايزك .
مشيت وراها وانا ساكتة وبصه في الارض .
+اهي جت السنيورة هتقول انت وله أقول انا .
=اقعدي يا زهرة.
لسه هعقد علي الارض .
=لا اقعدي علي الكرسي .
قعدت وانا بصه في الارض .
+بصي علي الارض ياحلوة ما ده مكانك الطبيعي .
كان نفسي ارد ادافع عن نفسي ،بس خوفت يضربوني انا اتوقع منهم اي شئ .
=بصي يا زهرة انا عايزك تروحي لبابا وتقولي انك عايزة تطلقي مني .
+فاهمة يابتاعة أنتي.
الابتسامة ملئت وشي .
_حاضر حضرتك تحب اعمل كده امتي.
=بكرة هبعت السواق معاكي .
_طيب ممكن بلاش بكرة انا عندي امتحان ،وده امتحان اخر السنة، ارجوك ده اخر امتحان ارجوك خليها بعد بكرة.
=ماشي يا زهرة عايزة بحس ان الرفض منك ماشي .
_حاضر حاضر.
+يا عيني أنتي في سنة كام ياشاطرة.
_تانية كلية هندسة .
+أنتي هترغي غوري اعملي حاجة نشربها.
مشيت جري علي المطبخ ،وانا داخلة عشان احط الحاجة سمعتها بتقول لادهم.
+دي واحدة غبية ومتعودة علي الاهانة واحدة غيرها كانت راحت لابوك وطلبت منه أن يطلقك منها من زمان .
فعلا هي عندها حق ،بس مكنش ينفع اعمل كده عشان بابا وماما واخواتي عشان ظنهم مايخبش فيا خاصة ان ٢٠٠٠ جنيه بتوع كل شهر فارقين في حياتهم اوي ،انا لو فضلت ابيع ورد شهر ماكنت هجمع نص المبلغ ده ،بس ده طلبه هو يعني هيقف معايا .
جه اليوم اللي هروح فيه لوالده عشان يطلقني من ادهم ،كنا واقفين بالعربية قدام الفيلا.
=بصي يا زهرة انا ابعت لك السواق ياخدك .
_ماشي.
=عايزك تقول ان السنة دي من اسود أيام حياتك وكده .
_ماهي فعلا كده.
قلت الجملة وانا خارجة من العربية وبصوت واطي ،دخلت عند اللواء وعملت كل اللي قالي عليه بس صدمني كلام اللواء .
×عايزة تطلقي ماشي يا زهرة بس هطرد عيلتك بره ،يوم طلاقك، ومش هخلي حد يشغلكم.
وزعق فيا
×أنتي فهمه .
سكت وخرجت من عنده رحت عند بابا وماما واخواتي قعدت معهم شويه ،زي كل زيارة من ساعة ما تجوزت ،بس المرادي كنت سرحانة وبفكر هعمل ايه ،خاصة انهم مبسوطين وعايشين عيشه كريمة ،مش عايزة اكون سبب في مرمطتهم تاني .
جه السواق خدني و روحت لقيتهم مستنين بالهفة.
=ها هنطلق أنتي .
سرحت وشفت ان انا واهلي واحنا في الشارع و رديت بحزن وأسي
_ لا احنا مش هنطلق.
راحت مسكتني من شعري وهزقت فيا بس المرادي معيتطش .
+أنتي واحدة زبالة ،معرفتيش تقنعيه.
ادهم كان بيتفرج زي العادة ،بس المرادي دافع عني .
بنت البواب ٤
=سيبيها يا نرمين، روحي يازهرة اعملي عصير ليمون لنرمين.
مشيت ودخلت المطبخ عملت ليهم العصير الليمون ودخلت اوضتي غيرت وعيطت علي حالي شويه ،ونمت .
عند ادهم
مشيت نرمين وهدتها ودخلت اوضتي بس مكنتش جيلي نوم فنزلت الجنينة ،اتخضيت لما لقيت حاجة سوداء جايه عليا ،بس لما ركزت لقتها زهرة ،كانت جوة الجنينة عند الورد انام انا كنت اقاعد عند البيسين.
=زهرة خضتيني ،في حد يعمل في حد كده.
_انا اسفة.
=طيب سهرانة ليه.
_عادي انا اتعودت علي كده .
=ازاي يعني .
_بخير اذاكر في الجنينة ،فنمت وصحيت علي معاد مذاكرتي ،جسمي اتعود ،فمردش ازعله وطلعته الجنينة .
كانت بتقول كلامه وهي بتبسم قد ايه ابتسامتها جميلة ،انا اول مرة اخد بالي من ابتسامتها ،واخد بالي انها جميلة اوي اوي يعني .
=زهرة .
رفعت عيونها وبصت ليا هي كانت اقعده علي الارض ،قد ايه عيونها جميلة ،زي نقطة في بحر سرحت فيهم ،فوقت عليها وهي بتقول .
_تحب اعملك حاجة يا بيه .
=لا شكرا يا زهرة.
_طيب تصبح علي خير .
عد اسبوع وكنت بتلاشها من ساعة ما شوفت ابتسامتها وانا بفكر فيها وكنت حاسس اني بخون نرمين ،فقلت يمكن لما ابطل اشوفها ،ابطل تفكير فيها.
انا بقي النهاردة نتيجة الامتحان ،ومبسوطة وشغلت اغاني وكنت برقص وانا لبسه الهوت شورت ،انا شعري طويل عشان كده سرحته كويس عشان ميكونش كيرلي ،كنت مبسوطة وعاملة ارقص ولا اجدعها راقصة في اوضتي.
دخلت الفيلا بليل زي عادتي بس ببص علي أوضة زهرة ،لقيت قمر ولا اي بترقص وقفت اتفرج عليها انا اول مرة اشوف شعرها كده دايما كيرلي او ملموم ،كانت ملكة جمال واقفة وسرحت فيها .
فوقت وهي بتقفل الباب ووشها احمر من الكسوف.
طلعت اوضتي وفضلت رايح جاي زي المجنون ،لحد اما جبت اخري ،وناديت عليها.
جت وكانت بتجري ولبسه البجامة اللبني هي اصلا مش بتلبس غيرها هي والبجامة البمبي،انا امتي كنت باخد بالي من تفاصيلها كده .
=تعالي اقعدي معايه.
_انا يا بيه .
=ايوة وتعالي اقعدي جمبي علي السرير .
قعدت جمبه ،صحيت الصبح وانا في حضنه ،بس الصدمة المرادي كانت جامدة عليا شويه ،هو كمان صحي .
=يا نهار اسود دي لو نرمين عرفت هتسبني ،اوعي يا زهرة تقولي ليها.
كنت مصدومة ازاي انا غبية وسلمته نفسي ونسيت نرمين ازاي كنت رخ*يصة ،يمكن عشان اول مرة يحضني وانا كنت محتاجه لا مش مبرر في اللي انا عملته،انا واحدة زبا.لة ،وصغرت قدام نفسي اوي لما هو فوقني بحقيقة وجود نرمين .
طلعت اجري من الأوضة وانا منهارة وبقول بصوت عالي.
_انا بنت البواب انا بنت البواب .
كنت محتاجه افتكر حجمي الطبيعي ،عشان كده كنت بقولها بصوت عالي .
صعبت عليا اوي وهي بتقول كده وكنت عايز اجري وراءها واخده في حضني ،بس نرمين لا نرمين حياتك يا ادهم اوعي تنسي نفسك ،دي لو عرفت اللي حصل مش بعيد تقتلك انت،علي يا ادهم .
الحقيقة اني بنت بواب انت فين وهما فين بس انا كنت مجروحة اوي .
تاني يوم أصرت نرمين اننا نتغداء في الفيلا ،دخلنا الفيلا استأذنت نرمين اروح اقول لزهرة تحط الاكل ،فتحت باب اوضتها لقيتها بتصلي وبتعيط جامد .
بنت البواب ٥
قلبي وجعني عليها ،قد ايه الدنيا دي مش لملاك زيها.
فوقت علي صوت نرمين .
+اخلصي يا ست الشيخة عايزين ناكل، محن بنات.
اول مرة اخد بالي ان نرمين قاسية اوي كده كنت الأول بفسر قسوتها غيرة ،بس هي مش صعبانه عليها.
وقفت واقلعت الاسدال اللي حيلتي وحتطيته علي السرير.
_حاضر يا هانم ١٠ دقايق والأكل يكون جاهز.
دخلت المطبخ وكنت بفكر في اللي انا فيه وامتي هخلص من عذابي ودموعي بتنزل لحد اما فوقت علي صوت ادهم وانا بقطع السلطة .
=أنتي بتقطعي ايدك.
بصيت لقيت دم وكف أيدي متعور جامد ،جه يمسك أيدي شدتها منه وجيبت فوطه وحتطتها علي الجرح وربطها .
كان واقف بيبص ليا وبس .
+ايه يا ادهم انا قلت هتستعجلة مش هتبات عندها .
=اصلها اتعورت يا نرمين.
+طيب نعمل ايه مش هناكل يعني وله ايه النهاردة عشان ست الهانم اتعورت .
_الاكل جاهز تقدروا تقعدوا علي السفرة وهيجي حالا .
كنت عمال ابص علي ايديها المتعورة وهي بتحط الاكل ،لحد اما جت جمبي ولحظت ان الدم بقي بيخرج من الفوطة.
=يا نهار ابيض أنتي ايديك لسه بتجيب دم ،هكلم دكتور.
وفعلا كلمت الدكتور واقعد علي الكنبة وهي اقعدت قدامه ،كانت ساكتة ومستسلمة اللي بيحصل حتي مش بتتوجع،الدكتور مسك ايديها وفك الفوطة اول ما شاف الجرح ،بدا يتكلم معها وهو بينضفه ويخيطه.
÷اسمك ايه .
من غير حتي ماتبص قالت .
_زهرة.
÷اسمك جميل زيك ،وهو حد قالك ان جميلة خالص.
ابتسمت ليه ووشها نور ورفعت عينيها وبصت ليه وقالت .
_لا .
ضحك وقالها و كانه بيكلم طفلة .
_٢١ سنة.
ضحك وقال إن كنت فاكر انك ١٥ سنة ،ملامحك بريئة .
هما كانوا بيتكلموا وانا واقف وهي منذلتش عينيها من عليه والابتسامة اللي بشوفها في المواسم مفرقتش شفايفها ،هم*و*تها وا*ق*تله انا كنت جيبت دكتور عجوز يخيطها ،هموت من الغيظ ومش قادر اتكلم عشان نرمين.
÷خدي يا زهرة الكارت بتاعي وقت اما تعوزي حاجة كلمني .
_حاضر يا دكتور.
كانت بتقول كده وهي بتشد الكارت وتحطه في جيب البنطلون كانه كنز ،وانا كيس جوافة واقف مش عارف اعمل حاجة ولا اقول حاجة ،كنت هموت من الغيظ.
وقبل ما يمشي قاله مالك انا اسمي مالك ماشي و مشي وهي عينها اللي هخرمهم ليها دول منزلوش من عليه ،ده حتي بيخيطه مقالتش اه كانت مركزة معه.
=يلا نرمين عشان اروحك .
قال جملته بزعيق وهو بيبص ليا بشر،واخدها و مشي ،دخلت لميت الاكل ونمت .
كنت هموت من الغيظ ومش عارف ليه ،روحت نرمين ومن غيظي دخلت عليها الأوضة علطول ،ببص عليها لقتها نايمة دخلت اعقدت جمبها علي السرير وفضلت أتأمل ملامحها ،هي جميلة اوي وبريئة حاجة كده مش موجودة فوقت وهي صاحية وبتبص ليا بخوف ،نظرة كنت عايز اموت نفسي بسببها .
صحيت في معاد كل يوم بتاع المذاكرة ،لقيت ادهم قاعد علي السرير جمبي ،اترعبت خاصة انه جارح مشاعري جدا .
_انت بتعمل ايه
بنت البواب ٦
خرجت من غير وله كلمة ،وبقيت اتلاشي التعامل معه .
جيت الفيلا بعد الجامعة لقيته بيعيط جامد وقاعد علي الكنبة فقعدت جمبه علي الكنبة كان عمال يعيط زي الطفل اللي امه سبته،فجأة لقيته اترمي في حضني ،وضمني جامد ،في اللحظة دي كان ضعيف وانا اول مرة اشوفه كده .
=شفتها بعيني تخيلي اللي انا اتغيرت عشانها عملت فيا كده ،ولا كانت عايشة عليا دور الشريفة،عشان متفقة هي وهو عليا وعرفوا يوقعوني في شباكهم ،لكن دخولك في حياتي بوظ خطتهم ،وربنا كشفهم قدامي .
كنت بقول كلامي وانا منهار من العياط قد ايه الخيانة وحشه والغدر اصعب ،قد ايه الظلم وحش ،حسيت ان ربنا بياخد مني حق زهرة ،واحس لو جزء بسيط من اللي عملته فيها ،انا بقيت الشخص ده امتي بقيت قاسي وبعيد عن ربنا كده ،عرفت تسحبني وانا كنت مغفل ،انا مش بعيط بسببها انا بعيط علي كل لحظة ظلمت فيها زهرة عشانها ،قد ايه غبي قد ايه كنت ظالمة ،توقعت اني لما ارمي نفسي في حضنها هترفض بس هي دايما بتخلف توقعاتي ،فضلت تطبطب عليا كاني طفل ،قد هي جميلة ونقية .
نام وهو في حضني و معرفش ليه افتكرت لما نمت في حضنه ،ربنا يصبر قلبه ويعوضه ان شاء الله ،حطيت راسه علي الكنبة وجبت غطاء ومخدة عدلت راسه علي المخدة وغطيته وبوسة راسه ودخلت اوضتي ،كان صعبان عليا اوي .
تاني يوم في الجامعة لقيته هو اللي مستنيني مش السواق زي العادة .
_حضرتك جاي تخدني بنفسك ،انت عيان وله ايه .
ضحك وعينه العسلي نورت وغمزاته اه من غمزاته ،هو قمحاوي وطويل وعريض وايه عضلات كده حاجة جامدة ،بس انا سرحت وانا بركز في تفاصيله ،وافتكرت اول مرة شوفته ،وقلبي بقي بيدق جامد ،رجعت قولت بهمس بنت البواب اوعي تنسي نفسك ،بص ليا وقال.
=بتقولي ايه يا زهرة.
_بقول السلام عليكم.
=وعليكم السلام تعالي بقي عشان هنتغداء برة.
_لا حضرتك عيان .
و حطيت أيدي علي راسه ،ضحك وقالي .
=اركبي بدل ما غير رأي.
_وعلي ايه يا ادهم بيه ،انا اصلا عايشة جوة العربية ،وهب نطيت وركبت العربية بسرعة ،انا من ساعة متجوزته وانا من البيت للجامعة ولما يعطف عليا ويخدني معه وهو رايح لسيادة اللواء اروح لاهلي اقعد معهم ،بقالي داخلة علي سنتين من غير اما اشوف الشارع ،وكان وحشني اوي ،كانت حياتي زمان أجمل واحلي كنت حرة لحد لما دخل حياتي وقلبها جحيم ،كنت بفكر لحد لما فوقت علي صوته .
=مالك يا زهرة سارحنة في ايه .
_ها ولا حاجة ،فرحانة جدا ان حضرتك سمحت ليا اني هخرج ولا كمان ايه هتغداء برة،شكرا جدا يا ادهم بيه.
=بلاش بيه اعتبريني زي جوزك وقولي ادهم عادي .
_لا طبعا المقامات محفوظة .
ركنت علي جمب وانا بضحك .
=بصي يا زهرة ياحببتي هتقولي ادهم بس هنخرج مش هنقول ادهم بيه هنبات هنا .
كانت بتبص علي الشباك وانا بقول كده ،فحبت اشوف ملامحة البريئة ،حطيت أيدي علي دقنها ولفت وشها ناحيتي ،بس اللي فاجأني انها كانت بتعيط ،قلبي وجعني عليها ،ده عمر ما دموع نرمين هزت كياني زي زهرة دلوقتي ،هي